Ескерту. Күші жойылды – ҚР Ұлттық Банкі Басқармасының 31.08.2016 № 213 (01.04.2017 бастап қолданысқа енгізіледі) қаулысымен.

      "Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасының Заңына сәйкес және электрондық терминалдар мен қашықтан кіру жүйелері арқылы жүзеге асырылған ақша төлемдері мен аударымдары бойынша мәліметтердің нысандарын жетілдіру мақсатында, Қазақстан Республикасының Ұлттық Банкінің Басқармасы ҚАУЛЫ ЕТЕДІ:

      1. Қазақстан Республикасының Ұлттық Банкі Басқармасының "Электрондық терминалдар мен қашықтан кіру жүйелері, сондай-ақ электрондық ақшаны пайдалану арқылы жүзеге асырылған ақша төлемдері мен аударымдары бойынша мәліметтерді ұсыну ережесін бекіту туралы" 2010 жылғы 29 наурыздағы № 16 қаулысына (Нормативтік құқықтық актілерді мемлекеттік тіркеу тізілімінде № 6217 тіркелген, 2010 жылғы 19 қазанда "Егемен Қазақстан" газетінде № 429-432 (26275) жарияланған) мынадай өзгерістер мен толықтырулар енгізілсін:

      көрсетілген қаулымен бекітілген электрондық терминалдар мен қашықтан кіру жүйелері, сондай-ақ электрондық ақшаны пайдалану арқылы жүзеге асырылған ақша төлемдері мен аударымдары бойынша мәліметтерді ұсыну ережесінде:

      2, 3, 4 және 5-тармақтар мынадай редакцияда жазылсын:

      "2. Осы Ережеде "Ақша төлемi мен аударымы туралы" Қазақстан Республикасының 1998 жылғы 29 маусымдағы, "Ақпараттандыру туралы" 2007 жылғы 11 қаңтардағы Заңдарында, Қазақстан Республикасының Ұлттық Банкі Басқармасының Нормативтік құқықтық актілерді мемлекеттік тіркеу тізілімінде № 1260 тіркелген "Қазақстан Республикасында төлем карточкаларын шығару және пайдалану ережесін бекіту туралы" 2000 жылғы 24 тамыздағы № 331, Нормативтік құқықтық актілерді мемлекеттік тіркеу тізілімінде № 4468 тіркелген "Қазақстан Республикасында қолма-қол шетел валютасымен айырбастау операцияларын ұйымдастыру ережесін бекіту туралы" 2006 жылғы 27 қазандағы № 106, Нормативтік құқықтық актілерді мемлекеттік тіркеу тізілімінде № 5189 тіркелген "Екінші деңгейдегі банктердің және банк операцияларының жекелеген түрлерін жүзеге асыратын ұйымдардың электрондық банк қызметiн көрсету ережесін бекіту туралы" 2008 жылғы 28 наурыздағы № 18 қаулыларында көзделген ұғымдар, сондай-ақ мынадай ұғымдар пайдаланылады:

      1) банктік киоск – банктің ақпарат жүйесіне қосылу арқылы немесе ақпараттық-банктік қызмет көрсетудің интернет-ресурсына кіру арқылы өзіне өзі қызмет көрсету режимінде қолма-қол ақша беру (қабылдау), ақша төлемі мен аударымы, валюталар айырбастау бойынша операцияларды және банк операцияларының өзге түрлерін жүргізуді, оның ішінде төлем карточкаларын пайдалана отырып жүргізуді қоса алғанда, сондай-ақ тиісті операцияларды жүргізу фактісін растайтын құжаттарды жасауға арналған компьютерлік клавиатурасы бар электрондық-механикалық құрылғы;

      2) банктің қызмет көрсету желісі – банктің иелігіндегі, электрондық банк қызметін көрсету кезінде пайдаланылатын электрондық-механикалық құрылғылардың жиынтығы;

      3) басқа банктің қызмет көрсету желісі – кез келген басқа банктің иелігіндегі, электрондық банк қызметін көрсету кезінде пайдаланылатын электрондық-механикалық құрылғылардың жиынтығы;

      4) импринтер – төлем карточкасының бет жағына слиптегі таңба түсіруді орындау арқылы слиптерді ресімдеуге арналған механикалық құрылғы;

      5) қашықтан кіру жүйесі – төлем және өзге хабарларды өткізу үшін банкпен байланыс жасалатын арна;

      6) қолдан жасалған төлем карточкасы – заңсыз жолмен жасалған, ішінара немесе толық қолдан жасалған төлем карточкасы;

      7) қосарланған прокат – төлем карточкасын пайдалана отырып жүзеге асырылған бір операция бойынша бірнеше чекті ресімдеу;

      8) қосымша төлем карточкасы – клиенттің сенім білдірілген тұлғасының атына эмиссияланған төлем карточкасы;

      9) кредиттік лимиті бар дебеттік төлем карточкасы – төлем карточкасын беру және қызмет көрсету шартына сәйкес не ұстаушының келесі өтінімі бойынша эмитент берген заем сомасы шегінде төлемдерді жүзеге асыру мүмкіндігі берілетін дебеттік төлем карточкасы;

      10) бір сәттік төлем терминалы – банк шотына қолма-қол ақша салу арқылы төлемдер жүргізуге және ақша есептеуге, өзіне-өзі қызмет көрсету режимінде ақпараттық-банктік қызметті алуға, сондай-ақ тиісті операцияларды жүргізу фактісін растайтын құжаттарды жасауға арналған сенсорлық құрылғы;

      11) негізгі төлем карточкасы – ұстаушысы клиент болып табылатын төлем карточкасы;

      12) POS-терминал – төлем карточкасын пайдалану және банктің банктік ақпарат жүйесімен қосылу арқылы тауарлар немесе қызмет көрсетулер үшін, оның ішінде POS-терминал орнатылған банкке ақы төлеу, сондай-ақ қолма-қол ақша беру жүзеге асырылатын электрондық-механикалық құрылғы;

      13) процессинг орталығы – төлем карточкаларымен операциялар бойынша процессингті және төлем карточкаларының қатысушыларымен шарттарда көзделген өзге функцияларды жүзеге асыратын оператор;

      14) сауда нүктесі – тауарлар және қызмет көрсету үшін ақы төлеуді жүзеге асыруға арналған POS-терминалдың орналасқан жері;

      15) төлем карточкаларын пайдалана отырып алаяқтық операциялар – төлем карточкасын, оның деректемелерін, қолдан жасалған төлем карточкасын немесе өзге заңсыз тәсілді пайдалана отырып, төлем карточкасының ұстаушысы немесе үшін тұлға жасаған заңсыз қолма-қол емес төлемдер, ақша аударымдары және/немесе қолма-қол ақша беру бойынша операциялар;

      16) төлем карточкасының сәйкестендіру нөмірі – төлем карточкасындағы, эмитент осы төлем карточкасын сәйкестендіру мақсатында қолданатын цифрлардың комбинациясы.

      3. Электрондық терминалдар мен қашықтан кіру жүйелері, сондай-ақ электрондық ақшаны пайдалану арқылы жүзеге асырылған ақша төлемдері мен аударымдары бойынша мәліметтерге:

      1) Ереженің 1-қосымшасына сәйкес № 1 нысан бойынша электрондық терминалдардың саны туралы мәліметтер;

      2) Ереженің 2-қосымшасына сәйкес № 2 нысан бойынша айналыстағы төлем карточкаларының саны туралы мәліметтер;

      3) Ереженің 3-қосымшасына сәйкес № 3 нысан бойынша төлем карточкаларын пайдалана отырып қолма-қол ақша беру бойынша операциялардың саны және көлемі туралы мәліметтер;

      4) Ереженің 4-қосымшасына сәйкес № 4 нысан бойынша операциялардың саны және көлемі туралы мәліметтер;

      5) Ереженің 5-қосымшасына сәйкес № 5 нысан бойынша аймақтар бойынша операциялардың саны және көлемі туралы мәліметтер;

      6) Ереженің 6-қосымшасына сәйкес № 6 нысан бойынша төлем карточкаларын пайдалана отырып жасалған алаяқтық операциялардың көлемі туралы мәліметтер;

      7) Ереженің 7-қосымшасына сәйкес № 7 нысан бойынша электрондық ақша эмитенті агенттерінің және электрондық ақша иелерінің саны туралы мәліметтер;

      8) Ереженің 8-қосымшасына сәйкес № 8 нысан бойынша электрондық ақшаны пайдалана отырып жүргізілген операциялардың саны мен көлемі туралы мәліметтер;

      9) Ереженің 9-қосымшасына сәйкес № 9 нысан бойынша айналыстағы электрондық ақшаның саны және электрондық ақшаны шығару мен өтеу бойынша операциялардың саны мен көлемі туралы мәліметтер;

      10) Ереженің 10-қосымшасына сәйкес № 10 нысан бойынша электрондық ақша эмитенті агенттерінің электрондық ақшаны иемдену және өткізу бойынша операциялардың саны мен көлемі туралы мәліметтер;

      11) Ереженің 11-қосымшасына сәйкес № 11 нысан бойынша төлем карточкаларын пайдалана отырып жүзеге асырылатын операциялар бойынша банк шоттарындағы ақша қалдықтары туралы мәліметтер;

      12) Ереженің 12-қосымшасына сәйкес № 12 нысан бойынша процессинг орталығы және басқа банктермен өзара іс-әрекеті туралы мәліметтер кіреді.

      4. Банктер Ұлттық Банкке:

      1) ай сайын, есепті айдан кейінгі айдың 7-нен кешіктірмей - Ереженің 3-тармағының 1) - 5) және 11) тармақшаларында көзделген;

      2) тоқсан сайын, есепті тоқсаннан кейінгі айдың 7-нен кешіктірмей - Ереженің 3-тармағының 6) - 10) тармақшаларында көзделген;

      3) Ереженің 12-қосымшасына сәйкес № 12 нысанның бір талабы өзгерген күннен бастап он жұмыс күні ішінде - Ереженің 3-тармағының 12) тармақшасында көзделген мәліметтерді ұсынады.

      5. Төлем карточкаларының эмитенттері Ұлттық Банкке Ереженің 3-тармағының 1) - 6) және 11) тармақшаларында көзделген мәліметтерді ұсынады.";

      мынадай мазмұндағы 11-1-тармақпен толықтырылсын:

      "11-1. Ереженің 5 және 6 - 9-тармақтарында көрсетілген банктер Ұлттық Банкке Ереженің 3-тармағының 12) тармақшасында көзделген мәліметтерді ұсынады.";

      14-тармақ алынып тасталсын;

      1-қосымша осы қаулыға 1-қосымшасына сәйкес редакцияда жазылсын;

      2-қосымша осы қаулыға 2-қосымшасына сәйкес редакцияда жазылсын;

      3-қосымша осы қаулыға 3-қосымшасына сәйкес редакцияда жазылсын;

      4-қосымша осы қаулыға 4-қосымшасына сәйкес редакцияда жазылсын;

      5-қосымша осы қаулыға 5-қосымшасына сәйкес редакцияда жазылсын;

      6-қосымшада:

      Мәліметтерді толтыру бойынша түсіндірмелерде:

      7-тармақ мынадай редакцияда жазылсын:

      "7. 6-бағанда Мәліметтер берілетін тиісті операцияның белгісі көрсетіледі:

      I – банктің төлем карточкаларын пайдалана отырып жеке желіде жасалған операциялар;

      IІ - банктің төлем карточкаларын пайдалана отырып Қазақстан Республикасының басқа банкінің желісінде жасалған операциялар;

      IІІ - банктің төлем карточкаларын пайдалана отырып Қазақстан Республикасынан тыс басқа банктің желісінде жасалған операциялар;

      V - Қазақстан Республикасының резидент емес эмитенттерінің төлем карточкаларын пайдалана отырып, банктің жеке желісінде жасалған операциялар.";

      мынадай мазмұндағы 9) тармақпен толықтырылсын:

      "9. Есепті кезеңде алаяқтық транзакциялар болмаған кезде 1 – 6- бағандары толтырылмаған және 7-бағанда "0" мәні көрсетілген нысан жіберіледі.";

      тиісінше осы қаулының 6 және 7-қосымшаларына сәйкес 11 және 12 –қосымшалармен толықтырылсын.

      2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Электрондық терминалдардың саны туралы мәліметтер

      _________________________________

      банктің атауы

      20___ жылғы "_____" ________________

      күні айы

      Басшы ___________________________________

      (Тегі, Аты, Әкесінің аты)

      Орындаушы ____________________________________ _________

      (Тегі, Аты, Әкесінің аты) телефон

      20 ___ жылғы "____" _____________

Мәліметтерді толтыру бойынша түсіндірмелер

      1. Осы Мәліметтердің 2-13-бағандарында көзделген, электрондық терминалдардың саны туралы мәліметтер есепті айдың соңғы күні олардың орналасқан жері бойынша көрсетіледі.

      2. 2 және 3-бағандарда банктің POS-терминалдарының саны орналасқан жері бойынша (банктерде немесе кәсіпкерлерде) бөліп көрсетіледі.

      3. 4 және 5-бағандарда банктің импринтерлерінің саны орналасқан жері бойынша (банктерде немесе кәсіпкерлерде) бөліп көрсетіледі.

      4. 6 және 7-бағандарда банктің банкоматтарының саны функционалдық мүмкіндіктері бойынша бөліп көрсетіледі.

      5. 8, 9 және 10-бағандарда банктік киоскілердің саны функционалдық мүмкіндіктері бойынша бөліп көрсетіледі.

      6. 11-бағанда POS-терминалдар орнатылған сауда нүктелерінің көрсетіледі.

      7. 12-бағанда эквайермен төлем карточкаларына қызмет көрсету шартын жасаған кәсіпкерлердің саны көрсетіледі.

      8. 13-бағанда есепті айдың соңғы күнгі банктің жедел төлем терминалдарының саны көрсетіледі.

      Айналыстағы төлем карточкаларының саны туралы мәліметтер

      _________________________________

      банктің атауы

      20___ жылғы "_____" ________________

      күні айы

      Басшы ___________________________________

      (Тегі, Аты, Әкесінің аты)

      Орындаушы ____________________________________ _________

      (Тегі, Аты, Әкесінің аты) телефон

      20 ___ жылғы "____" _____________

Мәліметтерді толтыру бойынша түсіндірмелер

      1. 2-бағанда Мәліметтер ұсынылатын төлем карточкасы жүйесінің атауы көрсетіледі.

      2. 3-6-бағандарда негізгі және қосымша төлем карточкаларын ескере отырып, есепті айдың соңғы күнінде айналысқа шығарылған төлем карточкаларының саны көрсетіледі.

      3. 7-10 бағандарда негізгі және қосымша төлем карточкаларын ескере отырып, есепті айда операцияларды жүргізу және ақпараттық-банк қызметін алу үшін пайдаланылған төлем карточкаларының саны көрсетіледі. Есепті айда бірнеше рет пайдаланылған төлем карточкасы бір рет көрсетіледі.

      4. 11-бағанда есепті айдың соңғы күніндегі төлем карточкалары ұстаушыларының саны көрсетіледі. Бір ұстаушыда бірнеше төлем карточкалары болған жағдайда, осындай ұстаушы бір рет көрсетіледі.

      5. "Қазақстан Республикасынан тыс жерде" деген жолда банк шетелде таратқан төлем карточкалары бойынша мәліметтер көрсетіледі.

      Төлем карточкаларын пайдалана отырып қолма-қол ақша беру бойынша операциялардың саны мен көлемі туралы мәліметтер

      ____________________________________________________________________

      банктің атауы

      20___жылғы _____________________

      айы

      Басшы ___________________________________

      (Тегі, Аты, Әкесінің аты)

      Орындаушы ____________________________________ _________

      (Тегі, Аты, Әкесінің аты) телефон

      20 ___ жылғы "____" _____________

Мәліметтерді толтыру бойынша түсіндірмелер

      1. Төлем карточкаларын пайдалана отырып қолма-қол ақшаны беру бойынша операциялардың саны мен көлемі туралы мәліметтер тұтастай алғанда, банк бойынша ұсынылады.

      2. 1-бағанда операцияны жүргізудің тиісті ортасы көрсетіледі:

      1) банкомат;

      2) POS–терминал;

      3) импринтер;

      4) банктік киоск.

      3. 2-бағанда Мәліметтер ұсынылатын төлем карточкасы жүйесінің атауы көрсетіледі.

      4. 3-бағанда Мәліметтер ұсынылатын тиісті операцияның (банк шотынан ақшаны есептен шығарған кезде) белгісі көрсетіледі.

      I - банктің төлем карточкаларын пайдалана отырып, өзінің желісінде жасалған операциялар;

      II - банктің карточкаларын пайдалана отырып, Қазақстан Республикасының басқа банкінің желісінде жасалған операциялар;

      III - банктің карточкаларын пайдалана отырып, Қазақстан Республикасынан тыс жерде басқа банктің желісінде жасалған операциялар;

      IV - Қазақстан Республикасының басқа банктерінің төлем карточкаларын пайдалана отырып, банктің өзінің желісінде жасалған операциялар;

      V - Қазақстан Республикасының резидент емес эмитенттерінің төлем карточкаларын пайдалана отырып, банктің өзінің желісінде жасалған операциялар.

      5. 4-баған Мәліметтердің 4-тармағында белгіленген II, III, IV және V операцияларының бегілері бар халықаралық төлем жүйелерінің төлем карточкаларын пайдалана отырып жасалған операциялар бойынша толтырылады:

      1) бір процессинг орталығының пайдаланушылары арасында операцияны жүргізген жағдайда, "1PC" байланыс арнасы көрсетіледі;

      2) халықаралық төлем жүйесінің қатысуынсыз түрлі процессинг орталықтарының пайдаланушылары арасында операцияны жүргізген жағдайда, "H2H" байланыс арнасы көрсетіледі;

      3) халықаралық төлем жүйесі арқылы түрлі процессинг орталықтарының пайдаланушылары арасында операцияны жүргізген жағдайда, осы жүйенің атауы көрсетіледі.

      6. 5 және 6-бағандарда Мәліметтердің 1-5-тармағында белгіленген талаптарға сәйкес төлем карточкалары бойынша қолма-қол ақшаны беру бойынша жүргізілген операциялардың саны мен сомасы көрсетіледі.Қазақстан Республикасының

      Операциялардың саны мен көлемі туралы мәліметтер

      _________________________________________________

      банктің атауы

      20___жылғы_____________________

      айы

      Басшы ___________________________________

      (Тегі, Аты, Әкесінің аты)

      Орындаушы ____________________________________ _________

      (Тегі, Аты, Әкесінің аты) телефон

      20 ___ жылғы "____" _____________

Мәліметтерді толтыру бойынша түсіндірмелер

      1. Операциялардың саны және көлемі туралы мәліметтер төлем карточкаларын немесе оның деректемелерін пайдалана отырып, сондай-ақ оларды электрондық терминалдар арқылы қолма-қол ақша салу, электрондық терминалдарды және қашықтан кіру жүйесін пайдалану бойынша банк шотынан ақша аудару арқылы пайдалана отырып қолма-қол жасалмайтын төлемдер және ақша аударымы бойынша беріледі.

      2. 1-бағанда операциялардың мынадай түрлері көрсетіледі:

      1) тауарларға және материалдық емес құндылықтарға ақы төлеу;

      2) коммуналдық қызмет көрсетуге ақы төлеу;

      3) ұялы байланыс операторларының қызметіне ақы төлеу;

      4) "Қазақтелеком" акционерлік қоғамының қызметіне ақы төлеу;

      5) кабельдік теледидарға ақы төлеу;

      6) салық төлемдері:

      7) кеден төлемдері;

      8) сақтандыру;

      9) заемдар беру;

      10) заемдарды өтеу;

      11) сыйақы төленетін салымдарды орналастыру;

      12) сыйақы төленетін салымдарды алу;

      13) клиенттің бір банк шотынан басқа банк шотына аударымдар;

      14) банк шотын қолма-қол ақша салу арқылы толықтыру;

      15) ақша төлемі мен аударымының өзге түрлері.

      3. 2-бағанда операциялар жүргізудің тиісті ортасы көрсетіледі:

      Төлем карточкаларын немесе оның деректемелерін пайдалану кезінде:

      1. банкомат;

      2. POS-терминал;

      3. импринтер;

      4. банктік дүңгіршек;

      5. интернет-ресурс;

      6. ұялы телефон;

      7. өзге де құрылғы немесе қашықтан кіру жүйесі (атауы).

      Төлем карточкаларын пайдаланбай:

      1) банктік дүңгіршек;

      2) интернет-ресурс;

      3) ұялы телефон;

      4) бір сәттік төлем терминалы;

      5) өзге де құрылғы немесе қашықтан кіру жүйесі (атауы).

      4. 3-7-бағандарда төлем карточкаларын немесе оның деректемелерін пайдалана отырып қолма-қол жасалмайтын ақша төлемі мен аударымы бойынша мәліметтер көрсетіледі.

      5. 3-бағанда төлем карточкасы жүйесінің атауы көрсетіледі, ол бойынша мәліметтер ұсынылады.

      6. 4-бағанда операцияға сәйкес келетін белгі көрсетіледі (банк шотынан ақшаны есептен шығарған кезде), ол бойынша мәліметтер ұсынылады:

      I – банк шығарған төлем карточкаларын пайдалана отырып банктің қызмет көрсету желісінде жасалған операциялар;

      II – банк шығарған төлем карточкаларын пайдалана отырып Қазақстан Республикасының басқа банкінің қызмет көрсету желісінде жасалған операциялар;

      III – банк шығарған төлем карточкаларын пайдалана отырып Қазақстан Республикасынан тыс басқа банкінің қызмет көрсету желісінде жасалған операциялар;

      IV – Қазақстан Республикасының басқа банктері шығарған төлем карточкаларын пайдалана отырып банктің меншікті желісінде жасалған операциялар;

      V – Қазақстан Республикасының резидент емес эмитенттері шығарған төлем карточкаларын пайдалана отырып, банктің меншікті желісінде жасалған операциялар.

      7. 5-баған Мәліметтердің 6-тармағында белгіленген II, III, IV және V операцияларының белгісі бар халықаралық төлем жүйелерінің төлем карточкаларын пайдалана отырып жүргізілген операциялар бойынша толтырылады. 5-бағанда мынадай деректер көрсетіледі:

      1) бір процессинг орталығы пайдаланушылары арасында операциялар жүргізілген жағдайда – "1РС";

      2) халықаралық төлем жүйелерінің қатысуынсыз түрлі процессинг орталықтары арасында операциялар жүргізілген жағдайда – "Н2Н";

      3) түрлі процессинг орталықтары арасында халықаралық төлем жүйелері арқылы операциялар жүргізілген жағдайда осы жүйенің атауы көрсетіледі.

      8. 6 және 7-бағандарда Мәліметтердің 1-5-тармақтарында белгіленген талаптарға сәйкес төлем карточкаларын және оның деректемелерін пайдалана отырып жүргізілген ақша төлемдері мен аударымының саны мен сомасы көрсетіледі.

      9. 8 және 9-бағандарда Мәліметтердің 1-2-тармақтарында белгіленген талаптарға сәйкес электрондық терминалдар арқылы қолма-қол ақшаны салу бойынша төлем карточкаларын пайдаланбай жүзеге асырылған операциялардың саны және сомасы көрсетіледі.

      10. 10 және 11-бағандарда Мәліметтердің 1 және 2-тармақтарында белгіленген талаптарға сәйкес электрондық терминалдарды және қашықтан кіру жүйесін пайдалану бойынша банк шотынан ақша аудару арқылы төлем карточкаларын пайдаланбай жүзеге асырылған қолма-қол жасалмайтын ақша төлемі мен аударымының саны және сомасы көрсетіледі.Қазақстан Республикасының

      Аймақтар бойынша операциялардың саны және көлемі туралы мәліметтер

      _________________________________

      банктің атауы

      20___ жылғы "_____" ________________

      күні айы

      Басшы ___________________________________

      (Аты-жөні)

      Орындаушы ____________________________________ _________

      (Аты-жөні) телефон

      20 ___ жылғы "____" _____________

Мәліметтерді толтыру бойынша түсіндірмелер

      1. Аймақтар бойынша операциялардың саны және көлемі туралы мәліметтер төлем карточкаларын пайдалана отырып, сондай-ақ электрондық терминалдарды және қашықтан кіру жүйесін пайдалану бойынша банк шотынан ақша аудару арқылы төлем карточкаларын пайдаланбай жүзеге асырылған қолма-қол жасалмайтын ақша төлемі мен аударымдары, сондай-ақ қолма-қол ақша беру операциялары бойынша ұсынылады.

      2. Мәліметтер операция жүргізу үшін пайдаланылған жабдықтың тұрған жері бойынша көрсетіледі. Операциялар интернет-ресурсы, ұялы телефон немесе өзге де қашықтан кіру жүйесі арқылы жүргізілген жағдайда, мәліметтер банктің ақпарат жүйесіндегі клиенттің банк шотын ағымдағы жүргізу орны бойынша көрсетіледі.

      3. 2-бағанда операциялар жүргізудің тиісті ортасы көрсетіледі:

      Төлем карточкаларын пайдалану кезінде:

      1) банкомат;

      2) POS-терминал;

      3) импринтер;

      4) банктік киоск;

      5) интернет-ресурс;

      6) ұялы телефон;

      7) өзге де құрылғы немесе қашықтан кіру жүйесі (атауы).

      Төлем карточкаларын пайдаланбай:

      1) банктік киоск;

      2) интернет-ресурс;

      3) ұялы телефон;

      4) өзге де құрылғы немесе қашықтан кіру жүйесі (атауы).

      4. 3-6-бағандарда қолма-қол жасалмайтын ақша төлемі мен аударымдары бойынша операциялардың, төлем карточкаларын пайдалана отырып қолма-қол ақша беру бойынша операциялардың саны және сомасы көрсетіледі. Көрсетілген бағандарда көзделген операциялардың саны және сомасы операциялардың мынадай белгілері бойынша операциялардың санына және сомасына қосу арқылы есептелінеді (банк шотынан ақшаны есептен шығару кезінде):

      І - банк шығарған төлем карточкаларын пайдалана отырып банктің қызмет көрсету желісінде жасалған операциялар;

      IV - банк шығарған төлем карточкаларын пайдалана отырып Қазақстан Республикасының басқа банкінің қызмет көрсету желісінде жасалған операциялар;

      V - Қазақстан Республикасының резидент емес эмитенттері шығарған, сондай-ақ эмитенттері Қазақстан Республикасының резидент еместері болып табылатын Қазақстан Республикасының банктері тарататын төлем карточкаларын пайдалана отырып, банктің қызмет көрсету желісінде жасалған операциялар;

      5. 7 және 8-бағандарда электрондық терминалдар арқылы қолма-қол ақшаны салу бойынша төлем карточкаларын пайдаланбай жүзеге асырылған төлемдер саны және сомасы көрсетіледі.

      6. 9 және 10-бағандарда электрондық терминалдарды және қашықтан кіру жүйесін пайдалану бойынша банк шотынан ақша аудару арқылы төлем карточкаларын пайдаланбай жүзеге асырылған қолма-қол жасалмайтын ақша төлемі мен аударымының саны және сомасы көрсетіледі.

      _________________________________

      банктің атауы

      20___жылғы "_____" ________________

      күні айы

      төлем карточкаларын пайдалана отырып операциялар жүзеге асырылатын банк шоттарындағы ақша қалдығы туралы мәліметтер

      Басшы ___________________________________

      (Аты-жөні)

      Орындаушы ____________________________________ _________

      (Аты-жөні) телефон

      20 ___ жылғы "____" _____________

Мәліметтерді толтыру бойынша түсіндірмелер

      1. 1-бағанда карточканың түрі көрсетіледі:

      1) Төлем карточкалары (алдын ала төленген төлем карточкаларын қоспағанда) - 2 және 3-бағандарда осы жол бойынша алдын ала төленген төлем карточкаларын пайдалана отырып жүзеге асырылатын операцияларды есепке алу үшін арналған эмитенттің шоғырландырылған шоты бойынша ақша сомасын қоспағанда дебеттік, кредиттік лимиті бар дебеттік, кредиттік карточкаларды пайдалана отырып жүзеге асырылатын операциялар бойынша банк шоттары бойынша қалдық ақшаның жалпы сомасы қойылады.

      2) Алдын ала төленген төлем карточкалары – 2 және 3-бағандарда осы жол бойынша алдын ала төленген төлем карточкаларын пайдалана отырып жүзеге асырылатын операцияларды есепке алу үшін арналған эмитенттің шоғырландырылған шоты бойынша қалдық ақша сомасы қойылады.

      2. 2-бағанда есепті айда төлем карточкаларын пайдалана отырып жүзеге асырылатын операциялар бойынша банк шоттарындағы орташа айлық қалдық сомасы көрсетіледі. Есепті айда орташа айлық қалдық есепті айдың жұмыс күні ішінде ғана есептелетін (мереке және демалыс күндерін есептемей) банк шоттарындағы күнделікті қалдықты қосу және алынған мәнді есепті айдың жұмыс күнінің санына бөлу арқылы есептеледі.

      3. 3-бағанда есепті айдың соңғы күнінің соңындағы жағдай бойынша төлем карточкаларын пайдалана отырып жүзеге асырылатын операциялар бойынша банк шоттарындағы қалдық сома көрсетіледі.

      4. Шетел валютасымен банк шоттарындағы қалдық күн сайын Қазақстан Республикасының Ұлттық Банкі Басқармасының 2013 жылғы 25 қаңтардағы

      № 15 қаулысының 1-тармағында және нормативтік құқықтық актілерді Мемлекеттік тіркеу тізілімінде № 8378 тіркелген, "Валюта айырбастаудың нарықтық бағамын анықтау және қолдану тәртібін белгілеу туралы" Қазақстан Республикасы Қаржы министрлігінің 2013 жылғы 22 ақпандағы № 99 бұйрығында көзделген тәртіппен айқындалған валюта айырбастаудың нарықтық бағамы бойынша теңгемен қайта саналады

      20 ___ жылғы "_____" _________________

      күні айы

      ______________________________________________________________

      банктің атауы

      басқа банктермен өзара іс-әрекеті және процессинг орталығы туралы мәліметтер

      Басшы ___________________________________

      (Аты-жөні)

      Орындаушы ____________________________________ _________

      (Аты-жөні) телефон

      20 ___ жылғы "____" _____________

Мәліметтерді толтыру бойынша түсіндірмелер

      1. 1-бағанда банкке қызмет көрсететін процессинг орталығының атауы көрсетіледі. Меншікті процессингті пайдаланған жағдайда, есеп беретін банктің атауы көрсетіледі.

      2. 2-бағанда процессинг орталығында өңделетін операциялар бойынша төлем карточкалары жүйесінің атауы көрсетіледі.

      3. 3-бағанда есеп беретін банкпен H2H байланыс арнасын пайдалануға шарт жасаған банктің атауы көрсетіледі.

      4. -бағанда H2H байланыс арнасын пайдалану шеңберінде өңделетін операциялар бойынша төлем карточкалары жүйесінің атауы көрсетіледі.