Ескерту. Күші жойылды - Ақтөбе облысы Хромтау ауданы Құдықсай ауылдық округі әкімінің 20.02.2017 № 3 шешімімен (алғашқы ресми жарияланған күнінен бастап қолданысқа енгізіледі).
      Қазақстан Республикасының 2001 жылғы 23 қаңтардағы "Қазақстан Республикасының жергілікті мемлекеттік басқару және өзін-өзі басқару туралы" Заңына, Қазақстан Республикасының 2002 жылғы 10 шілдедегі "Ветеринария туралы" Заңына сәйкес, Құдықсай ауылдық округі әкімі ШЕШІМ ҚАБЫЛДАДЫ:
      1. Құдықсай ауылдық округінің әкімінің 2013 жылғы 19 тамыздағы № 1 "Шектеу іс-шараларын енгізе отырып ветеринариялық режимін белгілеу туралы" (Нормативтік құқықтық актілерді мемлекеттік тіркеу Тізілімінде № 3647 тіркелген, 2013 жылғы 19 қыркүйекте аудандық "Хромтау" газетінде жарияланған) шешіміне келесідей өзгерістер енгізілсін:
      шешімнің тақырыбы мынадай жаңа редакцияда жазылсын:
      "Хромтау ауданы Құдықсай ауылдық округінің Құдықсай ауылы аумағында шектеу іс-шараларын белгілеу туралы";
      1 тармақ мынадай жаңа редакцияда жазылсын:
      "1. Хромтау ауданы Құдықсай ауылдық округінің Құдықсай ауылы аумағында ірі қара малдары арасында бруцеллез ауруының анықталуына байланысты, шектеу іс-шаралары белгіленсін".
      2. Осы шешімнің орындалуын бақылауды өзіме қалдырамын.
      3. Осы шешім алғаш ресми жарияланған күнінен соң қолданысқа енгізіледі.

Құдықсай ауылдық округінің әкімі

Н. Изтлеуов