Ескерту. Күші жойылды - ҚР Ұлттық экономика министрінің 30.06.2015 № 471 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
«Тауар биржалары туралы» 2009 жылғы 4 мамырдағы Қазақстан Республикасы Заңының 4-бабының 3-1) тармақшасына және «Қазақстан Республикасындағы мемлекеттік бақылау және қадағалау туралы» 2011 жылғы 6 қаңтардағы Қазақстан Республикасы Заңының 13-бабының 3 және 4-тармақтарына сәйкес, БҰЙЫРАМЫН:
1. Қоса беріліп отырған Жеке кәсіпкерлік саласында тауар биржалары туралы Қазақстан Республикасы заңнамасын сақтауда тәуекел дәрежесін бағалау критерийлері бекітілсін.
2. Қазақстан Республикасы Ұлттық экономика министрлігінің Сауда қызметін реттеу департаменті (С. Камели):
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың Қазақстан Республикасы Әділет министрлігінде мемлекеттік тіркелгеннен кейін ресми он күнтізбелік күн ішінде оның мерзімді баспа басылымдарында және «Әділет» ақпараттық-құқықтық жүйесінде ресми жариялауға жіберілуін;
3) осы бұйрықтың Қазақстан Республикасы Ұлттық экономика министрлігінің ресми интернет-ресурсында жариялануын қамтамасыз етсін.
3. «Тауар биржалары туралы Қазақстан Республикасы заңнамасын сақтауда жеке кәсіпкерлік саласындағы тәуекел дәрежесін бағалау өлшемдерін бекіту туралы» Қазақстан Республикасы Экономика және бюджеттік жоспарлау министрінің міндетін атқарушының 2013 жылғы 8 тамыздағы № 240 және Қазақстан Республикасы Премьер-Министрінің бірінші орынбасары - Қазақстан Республикасы Өңірлік даму министрінің 2013 жылғы 19 тамыздағы № 196/НҚ бірлескен бұйрығының (Қазақстан Республикасы Әділет министрлігінде 2013 жылы 18 қыркүйекте № 8722 болып тіркелді) күші жойылды деп танылсын.
4. Осы бұйрықтың орындалуын бақылау Қазақстан Республикасының Ұлттық экономика вице-министрі Т.М. Жақсылықовқа жүктелсін.
5. Осы бұйрық оның алғашқы ресми жарияланған күнінен кейін он күнтізбелік күн өткен соң қолданысқа енгізіледі.
Министр Е. Досаев
Қазақстан Республикасы
Ұлттық экономика министрінің
2014 жылғы 11 қарашадағы
№ 78 бұйрығымен
бекітілген
Жеке кәсіпкерлік саласындағы тауар биржалары туралы Қазақстан
Республикасы заңнамасын сақтауда тәуекел дәрежесін бағалау
критерийлері
1. Осы Жеке кәсіпкерлік саласындағы тауар биржалары туралы Қазақстан Республикасы заңнамасын сақтауда тәуекел дәрежесін бағалау критерийлері (бұдан әрі - Критерийлер) «Тауар биржалары туралы» және «Қазақстан Республикасындағы мемлекеттік бақылау және қадағалау туралы» Қазақстан Республикасының Заңдарына сәйкес және тауар биржаларын түрлі тәуекел дәрежелеріне жатқызу мақсатында әзірленген.
2. Осы критерийлерді тәуекел деп тауар биржалары қызметінің нәтижесінде биржалық саудаға қатысушыларға мүліктік залал келтіру ықтималдылығы түсіндіріледі.
3. Тауар биржасын тәуекел дәрежесі бойынша топқа жатқызу бастапқы және кейіннен бөлу жолымен жүзеге асырылады.
4. Бастапқы кезеңде жаңадан құрылған тауар биржалары жоғары тәуекел тобына жатқызылады.
5. Бұдан әрі жүргізілген тексерулердің нәтижелері бойынша тауар биржалары осы Критерийлерге қосымшаға сәйкес жиналған балдар сомасына байланысты тәуекелдер дәрежелері бойынша бөлінеді:
61 балл және одан жоғары - тәуекелдің жоғары дәрежесіне жатады;
31-ден - 60 баллға дейін - тәуекелдің орташа дәрежесіне жатады;
0-ден - 30 баллға дейін - тәуекелдің елеусіз дәрежесіне жатады.
6. Жоспарлы тексеру нәтижелері бойынша бұзушылықтар болмаған жағдайда тауар биржасы тәуекел дәрежесі аз топқа ауыстырылады.
Жеке кәсіпкерлік саласындағы
тауар биржалары туралы
Қазақстан Республикасы
заңнамасын сақтауда тәуекел
дәрежесін бағалау критерийлеріне
қосымша нысан
Тәуекел дәрежесін бағалау Критерийлері
р/с |
Критерийлер атаулары |
Балдар |
1. |
Қазақстан Республикасының Үкіметі белгілеген тауар биржаларының электрондық сауда жүйесіне қойылатын жалпы талаптарына жауап беретін тауар биржасының электрондық сауда жүйесінің болмауы (Қазақстан Республикасы Үкіметінің 2012 жылғы 21 желтоқсандағы № 1653 қаулысымен бекітілген Тауар биржаларының, биржалық брокерлер мен биржалық дилерлердің қызметіне қойылатын біліктілік талаптары және оларға сәйкестікті растайтын құжаттар тізбесінің 1-тармағына сәйкес) |
30 |
2. |
Құпиялылық (жасырын) режимін, сондай-ақ тауар биржасында коммерциялық құпияны құрайтын, оның ішінде электрондық жеткізгіштердегі мәліметтердің сақталуын қамтамасыз ету бойынша қажетті құралдармен жарақтандырылған құрылымдық бөлімшенің болмауы (Қазақстан Республикасы Үкіметінің 2012 жылғы 21 желтоқсандағы № 1653 қаулысымен бекітілген Тауар биржаларының, биржалық брокерлер мен биржалық дилерлердің қызметіне қойылатын біліктілік талаптары және оларға сәйкестікті растайтын құжаттар тізбесінің 2-тармағына сәйкес) |
30 |
3. |
Қазақстан Республикасының Үкіметі бекіткен биржа саудасының үлгі ережесі негізінде әзірленген биржа саудасы ережесінің болмауы (Қазақстан Республикасы Үкіметінің 2012 жылғы 21 желтоқсандағы № 1653 қаулысымен бекітілген Тауар биржаларының, биржалық брокерлер мен биржалық дилерлердің қызметіне қойылатын біліктілік талаптары және оларға сәйкестікті растайтын құжаттар тізбесінің 3-тармағына сәйкес) |
10 |
4. |
Тауар биржасы қызметкерлерінің Қазақстан Республикасы заңнамасымен белгіленген біліктілік талаптарына сәйкес келмеуі (Қазақстан Республикасы Үкіметінің 2012 жылғы 21 желтоқсандағы № 1653 қаулысымен бекітілген Тауар биржаларының, биржалық брокерлер мен биржалық дилерлердің қызметіне қойылатын біліктілік талаптары және оларға сәйкестікті растайтын құжаттар тізбесінің 4-тармағына сәйкес) |
20 |
5. |
Сауданы ұйымдастыру жөніндегі және клиенттермен жұмыс жүргізу жөніндегі құрылымдық бөлімшелердің болмауы (Қазақстан Республикасы Үкіметінің 2012 жылғы 21 желтоқсандағы № 1653 қаулысымен бекітілген Тауар биржаларының, биржалық брокерлер мен биржалық дилерлердің қызметіне қойылатын біліктілік талаптары және оларға сәйкестікті растайтын құжаттар тізбесінің 5-тармағына сәйкес) |
20 |
6. |
Клирингтік орталықтың не клирингтік орталық қызметтерін пайдалану туралы шарттың болмауы (Қазақстан Республикасы Үкіметінің 2012 жылғы 21 желтоқсандағы № 1653 қаулысымен бекітілген Тауар биржаларының, биржалық брокерлер мен биржалық дилерлердің қызметіне қойылатын біліктілік талаптары және оларға сәйкестікті растайтын құжаттар тізбесінің 6-тармағына сәйкес) |
30 |
7. |
Тауар биржасының кемінде жеті мүшесінің болмауы («Тауар биржалары туралы» 2009 жылғы 4 мамырдағы Қазақстан Республикасы Заңының 11-бабының 2-тармағына сәйкес) |
10 |
8. |
Тауар биржасы туралы және оның сауда-саттықтар өткізу тәртібі туралы ақпаратты, сондай-ақ биржалық сауда-саттық нәтижелерін орналастыру үшін арнайы бөлімді қамтитын мемлекеттік және орыс тілдеріндегі өз интернет-ресурсының болмауы (Қазақстан Республикасы Үкіметінің 2012 жылғы 21 желтоқсандағы № 1653 қаулысымен бекітілген Тауар биржаларының, биржалық брокерлер мен биржалық дилерлердің қызметіне қойылатын біліктілік талаптары және оларға сәйкестікті растайтын құжаттар тізбесінің 8-тармағына сәйкес) |
20 |
9. |
Мына: тауар биржасы мүшелерінің бастапқы және жыл сайынғы, биржа мүлкін пайдаланғаны, сондай-ақ биржалық мәмілелерді, заңнамада тыйым салынбаған басқа түсімдерді тіркегені және ресімдегені үшін бекітілген төлемдер мөлшерінің болмауы (Қазақстан Республикасы Үкіметінің 2012 жылғы 21 желтоқсандағы № 1653 қаулысымен бекітілген Тауар биржаларының, биржалық брокерлер мен биржалық дилерлердің қызметіне қойылатын біліктілік талаптары және оларға сәйкестікті растайтын құжаттар тізбесінің 9-тармағына сәйкес) |
10 |
10. |
Тауар биржасында биржалық төреліктің болмауы («Тауар биржалары туралы» 2009 жылғы 4 мамырдағы Қазақстан Республикасы Заңының 8-бабының 1-тармағына сәйкес) |
30 |
11. |
Кепілдік беру және сақтандыру қорының болмауы («Тауар биржалары туралы» 2009 жылғы 4 мамырдағы Қазақстан Республикасы Заңының 16-1-бабының сәйкес) |
60 |
12. |
Тауар биржасының биржалық сауданы ұйымдастырумен байланысты емес сауда және өзге де қызметті жүзеге асыруы («Тауар биржалары туралы» 2009 жылғы 4 мамырдағы Қазақстан Республикасы Заңының 13-бабының 3-тармағына сәйкес) |
60 |
13. |
Тауар биржасы қызметкерлерінің биржалық мәмілелерге қатысуы немесе коммерциялық ақпаратты өз мүдделеріне пайдалануы («Тауар биржалары туралы» 2009 жылғы 4 мамырдағы Қазақстан Республикасы Заңының 12-бабының 2-тармағына сәйкес) |
60 |
14. |
Биржалық мәмілелерді тауар биржасының атынан және есебінен жасау («Тауар биржалары туралы» 2009 жылғы 4 мамырдағы Қазақстан Республикасы Заңының 15-бабының 4-тармағына сәйкес) |
60 |
15. |
Тауар биржасының биржалық тауарларға күн сайынғы белгілеулерді бұқаралық ақпарат құралдарында жариялау туралы міндетті орындамауы («Тауар биржалары туралы» 2009 жылғы 4 мамырдағы Қазақстан Республикасы Заңының 18-бабының 2-тармағына сәйкес) |
20 |
16. |
Қылмыстық жолмен алынған кірістерді заңдастыруды (жылыстатуды) және терроризмді қаржыландыруды болдырмау мақсатында әзірленген ішкі бақылау қағидалары мен оны жүзеге асыру бағдарламасының болмауы («Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы» 2009 жылғы 28 тамыздағы Қазақстан Республикасы Заңының 11- бабына сәйкес) |
20 |
