Ескерту. Күші жойылды - ҚР Инвестициялар және даму министрінің м.а. 15.06.2016 № 488 бұйрығымен.

      Қазақстан Республикасы Үкіметінің 2011 жылғы 10 ақпандағы № 120 қаулысымен бекітілген Тарихи шығындарды және геологиялық ақпарат құнын айқындау қағидасының 7-тармағына сәйкес БҰЙЫРАМЫН:
      1. Қоса беріліп отырған Пайдалы қазбаларды барлауға және өндіруге және жер қойнауын өзге мақсатта пайдалануға геологиялық және/немесе тау-кендік бөлуді ұсыну тәртібі жөніндегі нұсқаулық бекітілсін.
      2. Қазақстан Республикасы Индустрия және жаңа технологиялар министрлігінің Геология және жер қойнауын пайдалану комитеті (Б. Нұрабаев) осы бұйрықтың Қазақстан Республикасы Әділет министрлігінде мемлекеттік тіркелуін және оны кейіннен бұқаралық ақпарат құралдарында жариялануын қамтамасыз етсін.
      3. «Пайдалы қазбаларды барлауға және өндіруге және жер қойнауын басқа мақсатта пайдалануға геологиялық және/немесе тау-кендік жер бөлігін беру тәртібі жөніндегі нұсқаулықты бекіту туралы» Қазақстан Республикасы Табиғи ресурстар және қоршаған ортаны қорғау министрінің міндетін атқарушының 2000 жылғы 16 ақпандағы № 74-П бұйрығының (нормативтік құқықтық актілерді мемлекеттік тіркеу тізілімінде № 1087 болып тіркелген) күші жойылды деп танылсын.
      4. Осы бұйрықтың орындалуын бақылау Қазақстан Республикасының Индустрия және жаңа технологиялар вице-министрі Н.Е. Сауранбаевқа жүктелсін.
      5. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасы
      Премьер-Министрінің
      орынбасары - Қазақстан
      Республикасының Индустрия және
      жаңа технологиялар министрі                Ә. Исекешев

      "КЕЛІСІЛДІ"
      Қазақстан Республикасының
      Мұнай және газ министрі
      ____________ С. Мыңбаев
      2013 жылғы 08 мамыр

Қазақстан Республикасы    
Премьер–Министрінің     
орынбасары – Қазақстан    
Республикасының Индустрия және
жаңа технологиялар министрінің
2013 жылғы 18 сәуірдегі   
№ 126 бұйрығымен      
бекітілген         

Пайдалы қазбаларды барлауға және өндіруге және жер қойнауын
өзге мақсатта пайдалануға геологиялық және (немесе) тау-кендік
бөлуді ұсыну тәртібі жөніндегі нұсқаулық

1. Жалпы ережелер

      1. Осы «Пайдалы қазбаларды барлауға және өндіруге және жер қойнауын өзге мақсатта пайдалануға геологиялық және (немесе) тау-кендік бөлуді ұсыну тәртібі жөніндегі нұсқаулық» (бұдан әрі – Нұсқаулық) «Жер қойнауы және жер қойнауын пайдалану туралы» Қазақстан Республикасының 2010 жылғы 24 маусымдағы № 291-IV Заңын және Қазақстан Республикасы Үкіметінің 2011 жылғы 10 ақпандағы № 120 қаулысымен бекітілген Тарихи шығындарды және геологиялық ақпарат құнын айқындау қағидасының 7-тармағын іске асыру мақсатында әзірленген және геологиялық және (немесе) тау-кендік бөлуді ұсыну тәртібін нақтылайды.
      2. Барлауға және өндіруге геологиялық және тау-кендік бөлулерді конкурс жеңімпазына немесе конкурсты өткізбей жер қойнауын пайдалану құқығы берілген тұлғаға жер қойнауын зерттеу және пайдалану жөніндегі  уәкілетті орган (бұдан әрі – уәкілетті орган) береді.

2. Геологиялық бөлуді ұсыну

      3. Геологиялық бөлуді ұсыну жер қойнауын пайдаланушыдан еркін нысанда жасалған өтініш келіп түскен күннен бастап күнтізбелік жиырма күн ішінде жүзеге асырылады.
      4. Өтінішке мынадай құжаттар қоса беріледі:
      1) жер қойнауын пайдалану құқығын беру бойынша немесе конкурсты өткізбей тікелей келіссөздер жүргізу хаттамасы бойынша конкурс комиссиясы шешімінің көшірмелері;
      2) қысқаша геологиялық сипаттама;
      3) бөлудің жалпы ауданын көрсете отырып, бұрыштық нүктелердiң географиялық координаттары;
      4) көрнектiлiктi қамтамасыз ететiн ауқымдағы геологиялық бөлудiң картограммасы.
      5. Осы Нұсқаулықтың 4-тармағында көзделген геологиялық бөлуді ұсынуға арналған құжаттар толық берілмеген жағдайда, жер қойнауын пайдаланушының өтініші қаралмайды және ол келіп түскен күнінен бастап күнтізбелік бес күннен кешіктірмейтін мерзімде өтініш берушіге геологиялық бөлуді ұсынудан жазбаша дәлелді бас тартумен қайтарылады.
      6. Жер қойнауын пайдалану құқығын беру тау-кендік бөлуді қайта ресімдеудің сөзсіз негізі болып табылады. Бөлуді қайта ресімдеу осы Нұсқаулыққа 4-тармақтың 2), 3), 4) тармақшаларында көрсетілген құжаттарды ұсынусыз жүзеге асырылады.

3. Тау-кендік бөлуді ұсыну

      7. Өтініш беруші уәкілетті органға тау-кендік бөлуді беруге өтінімді еркін түрде ұсынады.
      Осы Нұсқаулыққа 2-қосымшаға сәйкес нысан бойынша тау-кендік бөлуді ұсыну өтініш берушіден өтінім келіп түскен күннен бастап күнтізбелік жиырма күннен кешіктермей жүзеге асырылады.
      8. Өтінішке мынадай құжаттар қоса беріледі:
      1) жер қойнауын пайдалану құқығын беру бойынша немесе конкурсты өткізбей тікелей келіссөздер жүргізу хаттамасы бойынша конкурс комиссиясы шешімнің көшірмелері;
      2) осы Нұсқаулыққа 3-қосымшаға сәйкес ресімделген пайдалы қазбаларды өндіруге тау-кендік бөлу жобасы.
      9. Осы Нұсқаулықтың 8-тармағында көзделген тау-кендік бөлуді ұсынуға арналған құжаттар толық берілмеген жағдайда, жер қойнауын пайдаланушының өтініші қаралмайды және ол келіп түскен күнінен бастап күнтізбелік бес күннен кешіктірілмейтін мерзімде өтініш берушіге тау-кендік бөлуді ұсынудан жазбаша дәлелді бас тартумен қайтарлады.
      10. Жер қойнауын пайдалану құқығын қайта беру тау-кендік бөлуді қайта ресімдеуің сөзсіз негізі болып табылады. Бөлуді қайта ресімдеу осы Нұсқаулықтың 8-тармағының 2-тармақшасында көрсетілген тау-кендік бөлудің жобасын ұсынусыз жүзеге асырылады.
      11. Қатты пайдалы қазбаларды өндiруге арналған тау-кендiк бөлудiң шекаралары, тау жыныстарының ығысу аймағын, карьер кемерi аумағын және жер асты тау-кен қазылымдарының даму шекараларын, ашу қазылымдарының орналасуын ескере отырып, мемлекеттік теңгерімдегі қорлар контурларымен айқындалады.
      12. Техногендiк минералдық түзілiмдердi өндiруге арналған тау-кендiк бөлудiң шекаралары топогеодезиялық түсірумен анықталған, түзілімдерді қоймаға жинау шекараларымен айқындалады.
      13. Тау-кендiк бөлудiң шекарасына жер асты суларының ластануын, карьерге су ағынын бақылауға арналған қолда бар гидрогеологиялық ұңғымалар және тау-кен қазбалары енгізіледі.
      14. Мұнай және газ кен орындарына арналған тау-кендiк бөлудiң шекаралары бекітілген қорлардың, пайдаланылатын және су айдағыш ұңғымалардың сызбасымен айқындалады.
      15. Егер кен орны бірнеше кен шөгінділерінен тұратын болса, олардың жоспардағы бекітілген қорларының шектері бірімен бірі үйлеспесеген жағдайда тұтас кен орнының барлық кен шөгінділерін қамтитын, жалпы шегі біртұтас сызбасы бар тау-кендік бөлуді ұсынуға рұқсат етіледі.
      Бiр өнеркәсiптiк алаңда мұнай және газ қабаттарын екi немесе одан да көп жер қойнауын пайдаланушылармен игеруді кезінде тау-кендiк бөлулер әрбір жер қойнауын пайдаланушыға ресiмделедi.

Пайдалы қазбаларды барлауға және  
өндіруге және жер қойнауын өзге  
мақсатта пайдалануға геологиялық/тау-
кендік бөлуді ұсыну тәртібі жөніндегі
нұсқаулыққа 1-қосымша      
нысан               

Жер қойнауын пайдалануға   
арналған № _____ келісімшартқа
1-қосымша           

________________
(пайдалы қазба түрі)
_______________________
(жер қойнауын пайдалану түрі)
20___ жылғы ________________
тіркеу №_______

«ГЕОЛОГИЯ ЖӘНЕ ЖЕР ҚОЙНАУЫН ПАЙДАЛАНУ» ММ
ҚАЗАҚСТАН РЕСПУБЛИКАСЫ
ИНДУСТРИЯ ЖӘНЕ ЖАҢА ТЕХНОЛОГИЯЛАР МИНИСТРЛІГІ ГЕОЛОГИЯЛЫҚ БӨЛУ

____________________________________________________ негізінде
(тікелей келіссөздер хаттамасы, құзыретті органның шешімі, келісімшартқа толықтыру)

______________________________________________________________
              (жер қойнауы учаскесінің (блоктардың) атауы)

жер қойнауын пайдалану бойынша операцияларды жүзеге асыру үшін
______________________________________________________ берілді.
                     (жер қойнауын пайдаланушы)

Геологиялық бөлу ___________________________________ орналасқан.
                            (облыс, аудан)

Геологиялық бөлудің шегі картограммада көрсетілген және № 1-ден
№ ______________________ дейінгі бұрыштық нүктелерімен белгіленген.
нүктелердің кейінгі нөмірлері

Геологиялық бөлудің ауданы - ____________________ шаршы км (м.)
                                  (жазбаша цифр)

Барлау тереңдігі (егер Құзыретті органмен айқындалса) _____ м.

Орган басшысы __________________________________________
                             Басшының Т.А.Ә., қолы, мөр

                                    Астана қ.,
                                    айы, жылы.

Пайдалы қазбаларды барлауға және 
өндіруге және жер қойнауын өзге 
мақсатта пайдалануға      
геологиялық/тау-кендік бөлуді ұсыну
тәртібі жөніндегі нұсқаулыққа  
2-қосымша            

Жер қойнауын пайдалануға   
арналған № ________ келісімшартқа
2-қосымша           
________________
(пайдалы қазба түрі)
__________________
(жер қойнауын пайдалану түрі)
20___ жылғы ________________
тіркеу №_______

«ГЕОЛОГИЯ ЖӘНЕ ЖЕР ҚОЙНАУЫН ПАЙДАЛАНУ» ММ
ҚАЗАҚСТАН РЕСПУБЛИКАСЫ
ИНДУСТРИЯ ЖӘНЕ ЖАҢА ТЕХНОЛОГИЯЛАР МИНИСТРЛІГІ ТАУ-КЕНДІК БӨЛУ

____________________________________________________ негізінде
(тікелей келіссөздер хаттамасы, құзыретті органның шешімі, келісімшартқа толықтыру)

_____________________________________________________________
             (жер қойнауы учаскесінің (блоктардың) атауы)

жер қойнауын пайдалану бойынша операцияларды жүзеге асыру үшін
______________________________________________________ берілді.
                 (жер қойнауын пайдаланушы)

Тау-кендік бөлу ____________________________________ орналасқан.
                               (облыс, аудан)

Тау-кендік бөлудің шегі картограммада көрсетілген және № 1-ден
№ _________________ дейінгі бұрыштық нүктелерімен белгіленген.
   (нүктелердің кейінгі нөмірлері)

Тау-кендік бөлудің ауданы - ____________________ шаршы км (м.)
                               (цифрмен, жазбаша)

Игеру тереңдігі _____________________________________________ м.
           қазу деңгейінің көкжиегі, тереңдігі, геология-стратиграфиялық шегі

Орган басшысы __________________________________________
                          Басшының Т.А.Ә., қолы, мөр

                                    Астана қ.,
                                    айы, жылы.

Пайдалы қазбаларды барлауға және
өндіруге және жер қойнауын өзге
мақсатта пайдалануға     
геологиялық/тау-кендік бөлуді беру
тәртібі жөніндегі нұсқаулыққа 
3-қосымша            

Пайдалы қазбаларды өндіруге арналған
тау-кендік бөлу жобасының мазмұны

      1. Тау-кендiк бөлу жобасын жобалау жұмыстарына лицензиясы бар мамандандырылған жобалау ұйымы жасайды және жер қойнауын пайдаланушы оны бекiтедi.
      2. Тау-кендiк бөлу жобасы мәтіндік бөлім мен графикалық материалдардан тұрады және қағаз және электрондық түрінде беріледі.
      3. Тау-кендiк бөлу жобасының мәтіндік бөлімі түсiндірме жазба мен мәтінге қоса берілетін құжаттардан тұрады.
      4. Түсiндірме жазбада тау-кендiк бөлудiң қандай мақсатқа сұратылатыны көрсетiледi және мынадай деректер келтіріледі:
      тау-кендiк бөлу жобасын дайындаған ұйымның атауы;
      сұратылған тау-кендiк бөлудің аумағы туралы жалпы мәлiметтер (географиялық және әкiмшiлiк орналасу орны, аудан көлемi, ауыл шаруашылығы және орман жерлерiнiң сипаттамасы, құрылыстар, инфрақұрылым);
      кен орнының қысқаша геологиялық сипаттамасы (қабаттардың, кен денелерінің өлшемдері және орналасу элементтерi), геологиялық құрылымы, тау-кен техникалық, гидрогеологиялық және инженерлік геологиялық жағдайлары, шектес тау-кендік бөлулер туралы жалпы мәліметтер;
      кен орнының барлануы, негiзгi және онымен бiрге шөгу, қабат, желi бойынша жеке орналасқан пайдалы қазбалардың бекiтiлген қорларының мөлшерi, сапасы, кен орны ашық игерiлген кезде қазылатын жыныстарының да кен орындары туралы деректер;
      тау-кендік бөлу ауданының (көлемін) есебі және тау-кендік бөлудің бұрыштық нүктелерінiң географиялық координаттары;
      игеру тереңдiгi.
      5. Тау-кендік бөлу жобасының мәтіндік бөліміне мынадай құжаттар қоса беріледі:
      Қорлар жөніндегі мемлекеттік комиссияның (бұдан әрі – ҚМК) немесе ұсынымдары бар Пайдалы қазбалар қоры жөніндегі өңіраралық комиссияның (бұдан әрі – ПӨК) пайдалы қазбалар қорын бекіту туралы хаттамасының көшірмесі;
      тау-кендік бөлуді беру уақытына қорлардың жағдайы туралы ҚМК-нің (немесе ПӨК-тің) сараптама қорытындысының түпнұсқасы;
      жобалауға арналған лицензияның көшірмесі;
      тау-кендiк бөлудiң орналасу картограммасы. Көрнектiлiктi қамтамасыз ететiн масштабта орындалады.
      Тау-кендiк бөлу жобасының мәтіндік бөлімі оны ұзақ мерзiм сақтауды қамтамасыз ететiн қатты түптемемен тапсырылады.
      6. Графикалық материалдар шолу (ситуациялық) схемасынан, жер бетiнiң топографиялық картасынан, геологиялық карталардан және қималардан тұрады.
      Топографиялық картада тау-кендiк бөлу ауданының жазық беткейге кескiндемесi, сұратылатын тау-кендiк бөлудің бұрыштық нүктелерінiң географиялық координаттары, игеру тереңдiгi (абсолюттік белгісі немесе геологиялық шегі) және кен орны ортасының географиялық координаттары көрсетiледi.
      Топографиялық жоспардың масштабы пайдалы қазбаларды өндiруге немесе өзге де мақсаттарға пайдалануға белгiленген жер қойнауы учаскесінің көлемiне байланысты, бірақ оларда тау-кендiк бөлудiң шектерiн анықтау бойынша техникалық есептер мен есептеулерді айтарлықтай дәлдiкпен шешуге мүмкiндiк беретiндей масштабта қабылданады. Топографиялық жоспар жер қойнауын пайдаланушының қолымен және мөрімен бекітіледі.
      Геологиялық карталарда және қималарда:
      кен орнының және оған іргелес жатқан аумақтың геологиялық құрылымы, пайдалы қазбалар шоғырларының шектері, олардың жер бетiне немесе көмбелер астына шығуы, тектоникалық бұзылыстар, пайдалануға жарамсыз үзiлу, сүйiрлену орындары және басқа жер телімдері;
      кен орнының және оған жақын орналасқан аумақтың гидрогеологиялық және инженерлік-геологиялық жағдайлары;
      сұратылған тау-кендік бөлудің пайдалы қазбалар қорларын ауданы және тереңдiгі бойынша есептеу шектерi.
      7. Көмiрдi өндiруге тау-кендiк бөлу жобасындағы геологиялық қималарда тау-кендiк бөлудiң жобаланған шегi бейнеленген барлық барланған қабаттар көрсетiледі.
      Екi және одан да көп қабаттардан құралатын көмiрдi өндiруге арналған тау-кендiк бөлудiң шегi, ығысу бұрышын ескере отырып, ең шеткi бұрыштық нүктелердiң кескiндемелерi арқылы анықталады.
      8. Мұнайды және газды өндiруге арналған тау-кендiк бөлу жобасында геологиялық карта орнына қажет дәлдiкпен техникалық мiндеттердi және тау-кендiк бөлу шектерiн анықтау есептерiн жүргiзуге мүмкiн масштабта қорлар шегi көрсетiлген әрбiр өнеркәсiптiк мұнай немесе газ көкжиегінің деңгейі бойынша құрылымдық картасы, мұнай-газдылығының бірлескен шектерінің жоспары, сондай-ақ өнiмдi свиталар мен көкжиек деңгейлерінің орналасу тереңдiгi көрсетiлген, құрылымдық картамен сәйкестелген геологиялық кескіндер берiледі. Барлық құрылымдық карталарға тау-кендiк бөлудің шектерi және геологиялық кескіндердің сызықтары түсіріледі.
      9. Пайдалы қазбаларды геологиялық-технологиялық және басқа дәстүрлі емес тәсiлдермен (жер астында шаймалау, күкiрттi жер астында ерiту және т.б.) өндiруге арналған тау-кендiк бөлу жобасының мәтіндік бөлімі осы Нұсқаулықтың 4-тармағында көрсетілген мәліметтерден басқа кен сыйыстырушы таужыныстарынан, үстiңгi және табандағы қабаттардан, олардың су сүзгiштiк қасиеттерiнен, басқа сулы көкжиек деңгейлерінен оқшаулануы жөнiнде қысқаша сипаттамадан, сондай-ақ жер астында шаймалауға қолданылатын реагенттердiң және алынатын технологиялық ерiтiндiлердiң сипаттамасынан тұрады.
      10. Жер қойнауын пайдалы қазбаларды барлаумен және өндiрумен байланысты емес мақсатқа пайдалануға тау-кендiк бөлу жобасы Нұсқаулықтың 4-тармағында көрсетiлген деректерге қосымша мыналарды:
      жерасты құрылыстарын салу жобаланған жердегi пайдалы қазбалардың кен орындары, сондай-ақ тау-кендiк жұмыстар және пайдалы қазбаларды өндiруге және пайдалы қазбаларды өндiрумен байланысты емес мақсаттарға берiлген аралас тау-кендiк бөлулер жөнiндегi мәліметтерді;
      егер тау-кендiк бөлу жойылған, консервацияланған, не пайдалы қазбаларды өндiрiп жатқан ұйымдардың пайдаланылған тау-кен қазылымдарын пайдалану үшiн сұратылған болса, бұл ұйым жөнінде, оның ішінде кен орнын ашу схемасы және игеру жүйесi, пайдалануға жататын тау-кен қазылымдары және бұрғылау ұңғымалары туралы қысқаша мәліметтерді;
      тау-кендiк бөлудiң ауданы бойынша, сондай-ақ тiк белгілері бойынша, тау-кендiк бөлуге кiретiн жерасты кеңiстiгiнің көлемін анықтай отырып жүргізілетін тау-кендiк бөлу шегін негіздеуді және көлемін есептеуді құрайды.
      11. Зиянды заттарды, радиобелсендi қалдықтарды және қалдық суларды жер қойнауына көмуге арналған тау-кендiк бөлуді алу үшiн мыналарды көрсету қажет: өнiмнiң атауы, нәтижесінде өнiм пайда болатын технологиялық өндiрiс немесе процесс, оның сипаттамасы (толық химиялық құрамы, улы компоненттердiң болуы, өрт-қопарылыс қауiптiлiгi, ерiгiштiгi, сақтау кезінде басқа заттармен үйлесімділігі), тасымалдау жүйесiнiң сипаттамасы.
      12. Мұнайды, газды жер астында сақтауға және зиянды заттарды, радиобелсендi қалдықтарды және қалдық суларды жер қойнауына көмуге арналған тау-кендiк бөлуді алу үшін тау-кендік бөлу жобасына аталған мақсаттарда пайдалануға жобаланған көкжиек деңгейінің үстіңгі жабындысы және асты бойынша құрылымдық карталар қоса беріледі.
      Топографиялық жоспарда пайдалы қазбалар кен орындарының орналасу шегi көрсетiлуi керек.
      13. Пайдаланылған, жойылған, консервацияланған немесе пайдалы қазбаларды өндiрiп жатқан ұйымдардың тау-кендік қазылымдарын пайдалануға арналған тау-кендiк бөлуді беру жобасына осы ұйымдардың тау-кендiк қазылымдарының сызбалары қоса берiледi, онда пайдалануға жобаланған қазылымдар көрсетiледi.