«Қазақстан Республикасының әкімшілік-аумақтық құрылысы туралы» Қазақстан Республикасының 1993 жылғы 8 желтоқсандағы Заңы 13-бабының 4) тармақшасына, сәйкес, Астана қаласы тұрғындарының пікірін ескере отырып, қалалық ономастика комиссиясының 2011 жылғы 30 қарашадағы № 19 шешімінің негізінде Астана қаласының әкімдігі ҚАУЛЫ ЕТТІ және Астана қаласының мәслихаты ШЕШТІ:
      Ескерту. Кіріспеге өзгеріс енгізілді - Астана қаласы әкімдігінің 04.12.2014 № 110-2043 қаулысы және мәслихатының 11.12.2014 № 312/45-V (алғаш рет ресми жарияланған күнінен бастап күнтізбелік он күн өткеннен кейін қолданысқа енгізіледі) шешімімен.
      1. Астана қаласы Есіл ауданының № 27 жобалау атауы бар көшеге Хусейн бен Талалдың есімі берілсін.
      2. Осы Астана қаласы әкімдігінің қаулысы және мәслихатының шешімі алғаш ресми жарияланғаннан кейін он күнтізбелік күн өткен соң қолданысқа енгізіледі.

      Астана қаласының әкімі                  Астана қаласы мәслихаты
                                                 сессиясының төрағасы
      И. Тасмағамбетов                                   Н. Мещеряков

                                                        Астана қаласы
                                                 мәслихатының хатшысы
                                                            С. Есілов