«Нормативтік құқықтық актілер туралы» Қазақстан Республикасының 1998 жылғы 24 наурыздағы Заңының 43-1-бабына сәйкес БҰЙЫРАМЫН:
      1. Қазақстан Республикасы Ауыл шаруашылығы министрлігiнiң кейбір бұйрықтарына мынадай өзгерістер енгізілсін:
      1) «Республикалық және жергiлiктi маңызы бар ерекше қорғалатын табиғи аумақтардың паспорттарын өңдеу және тiркеу (қайта тiркеу) қағидасын бекiту туралы» Қазақстан Республикасы Ауыл шаруашылығы министрiнiң 2010 жылғы 29 сәуiрдегi № 298 бұйрығындағы (Нормативтiк құқықтық актілерді мемлекеттiк тiркеу тiзiлiмiне № 6248 болып тіркелген, 2010 жылғы 30 қарашадағы «Егемен Қазақстан» газетіне № 506-512 (26355) болып жарияланған):
      бұйрықтың кіріспесі мынадай редакцияда жазылсын:
      «Ерекше қорғалатын табиғи аумақтар туралы» Қазақстан Республикасының 2006 жылғы 7 шiлдедегi Заңының 8-бабының 6-1) тармақшасын және 25-бабын іске асыру мақсатында, БҰЙЫРАМЫН:»;
      көрсетілген бұйрықпен бекітілген Республикалық және жергiлiктi маңызы бар ерекше қорғалатын табиғи аумақтардың паспорттарын өңдеу және тiркеу (қайта тiркеу) қағидасындағы:
      4-тармақ мынадай редакцияда жазылсын:
      «4. ЕҚТА паспортын әзiрлеу Қазақстан Республикасының Үкiметi немесе ЕҚТА құру және кеңейту туралы облыстардың, республикалық маңызы бар қаланың, астананың жергілікті атқарушы органдары шешiм қабылдағаннан кейiн ЕҚТА құрудың және кеңейтудiң техника-экономикалық және жаратылыстану-ғылыми негiздемесiне сәйкес алты ай iшiнде жүргiзiледi.»;
      7-тармақ алып тасталсын;
      8-тармақ мынадай редакцияда жазылсын:
      «8. Орталық атқарушы немесе облыстардың, республикалық маңызы бар қаланың, астананың жергілікті атқарушы органдары әзірлейді және өздерiнiң қарауындағы уәкілетті органмен келісім бойынша ЕҚТА паспорттарын бекiтедi және оларды тiркеуге (қайта тіркеуге) уәкiлеттi органға бередi.
      Уәкілетті орган келіп түскен күннен бастап 30 күнтізбелік күн ішінде ЕҚТА паспортарын тіркейді.
      Берілген паспорт осы Қағидаға 1-қосымшаға сәйкес келмеген жағдайда уәкілетті орган 20 күнтізбелік күн ішінде ЕҚТА паспортын орталық атқарушы немесе облыстардың, республикалық маңызы бар қаланың, астананың жергілікті атқарушы органдарына пысықтауға жібереді.»;
      10-тармақ мынадай редакцияда жазылсын:
      «10. ЕҚТА паспортын тiркеу Қазақстан Республикасы Үкiметiнiң немесе облыстардың, республикалық маңызы бар қаланың, астананың жергілікті атқарушы органдары ЕҚТА құру және кеңейту туралы шешiмдерi қабылданғаннан кейiн жүргiзiледi.»;
      көрсетілген бұйрықпен бекітілген Республикалық және жергiлiктi маңызы бар ерекше қорғалатын табиғи аумақтардың паспорттарын әзірлеу және тiркеу (қайта тiркеу) қағидасының 1-қосымшасындағы:
      5.3-тармақ мынадай редакцияда жазылсын:
      «5.3 ЕҚТА-ның жалпы алаңы ______________________________ га (табиғат қорғау ұйымының алаңы тұрақты жер пайдалану құқығының мемлекеттiк актiлерiне сәйкес; мемлекеттiк табиғат ескерткiштерiнiң, мемлекеттiк табиғи қаумалдардың, мемлекеттiк қорық аймақтарының алаңы Қазақстан Республикасы Үкiметiнiң немесе облыстардың, республикалық маңызы бар қаланың, ЕҚТА құру туралы астананың жергілікті атқарушы органдарының шешiмiне сәйкес берiледi)»;
      5.4-тармақ мынадай редакцияда жазылсын:
      «5.4. ЕҚТА қорғау аймағының алаңы-__________________га
____________________________________________________________________
____________________________________________________________________
____________________________________________________________________
____________________________________________________________________
(ЕҚТА қорғау аймағын белгiлеу туралы облыстардың, республикалық
маңызы бар қаланың, астананың жергілікті атқарушы органы шешiмiнiң
атауы, нөмiрi мен күнi көрсетiледi)»;
      көрсетілген бұйрықпен бекітілген Республикалық және жергiлiктi маңызы бар ерекше қорғалатын табиғи аумақтардың паспорттарын өңдеу және тiркеу (қайта тiркеу) қағидаға 2-қосымшаға сәйкес:
      5-бағанның тақырыбы мынадай редакцияда жазылсын:
      «Ерекше қорғалатын табиғи аумақтарды құру немесе кеңейту бойынша нормативтік құқықтық актінінің күні және нөмірі».
      2) «Жеке тұлғалардың ерекше қорғалатын табиғи аумақтарда болу қағидасын бекiту туралы» Қазақстан Республикасының Ауыл шаруашылығы министрiнiң м.а. 2010 жылғы 1 қыркүйектегi № 555 бұйрығындағы (Нормативтiк құқықтық актілерді мемлекеттiк тiркеудiң тiзiлiмiне № 6530 болып тіркелген, 2011 жылғы 18 наурыздағы «Егемен Қазақстан» газетіне № 94-97 (26499) болып жарияланған):
      бұйрықтың кіріспесі мынадай редакцияда жазылсын:
      «Ерекше қорғалатын табиғи аумақтар туралы» Қазақстан Республикасының 2006 жылғы 7 шiлдедегi Заңының 8-бабының 6-1) тармақшасына сәйкес БҰЙЫРАМЫН:»;
      көрсетілген бұйрықпен бекітілген Жеке тұлғалардың ерекше қорғалатын табиғи аумақтарда болу қағидасындағы:
      5-тармақтың 1) тармақшасы мынадай редакцияда жазылсын:
      «1) ЕҚТА орман және дала жолдарымен, жалпы жұрт пайдаланатын жолдармен және экскурсиялық маршруттардың арнайы жолдарымен, механикаландырылған көлiкпен және салт атпен жүру, қорықтық күзет режимi бар учаскелерден басқа, арнайы жабдықталған орындарда аялдау;»;
      6-тармақтағы:
      2) тармақша мынадай редакцияда жазылсын:
      «2) ЕҚТА орман және дала жолдарымен, жалпы жұрт пайдаланатын жолдардан немесе арнайы экскурсиялық соқпақтар мен туристiк маршруттардан тыс жерлерге келiп кiруге және олар арқылы жүрiп өтуге;»;
      20) тармақша мынадай редакцияда жазылсын:
      «20) Қазақстан Республикасы Үкіметінің 2011 жылғы 1 қарашадағы № 1270 бұйрығымен бекiтiлген шудың және өзге де жасанды акустикалық әсерлердiң нормаларына сәйкес қоршаған ортаға шу шығаратын және басқа да акустикалық әсерлердi қолдану;».
      2. Қазақстан Республикасының Ауыл шаруашылығы министрлігі Орман және аңшылық шаруашылығы комитеті осы бұйрықтың Қазақстан Республикасының Әділет министрлігінде мемлекеттік тіркелуін қамтамасыз етсін.
      3. Осы бұйрық оны алғаш ресми жариялаған күнінен бастап он күнтізбелік күн ішінде қолданысқа енгізіледі.

      Министр                                          А. Мамытбеков