Ескерту. Бұйрықтың күші жойылды - ҚР Ауыл шаруашылығы министрінің 2012.03.13 № 25-03-02/96 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      «Жануарлар дүниесін қорғау, өсімін молайту және пайдалану туралы» Қазақстан Республикасының 2004 жылғы 9 шілдедегі Заңының 9-бабы, 1-тармағының 44) тармақшасына сәйкес БҰЙЫРАМЫН:
      1. Қоса беріліп отырған:
      1) балық шаруашылығы су айдындарының және (немесе) учаскелерінің жағалаулық шекараларын білдіретін белгілер мен аншлагтардың үлгілері, осы бұйрықтың 1-қосымшасына сәйкес;
      2) балық ресурстарын және басқа да су жануарларын аулауды есепке алу журналының (кәсіпшілік журналдың) нысаны, осы бұйрықтың 2-қосымшасына сәйкес бекітілсін.
      2. Қазақстан Республикасы Ауыл шаруашылығы министрлігі Табиғат ресурстарын пайдалану стратегиясы департаменті осы бұйрықты Қазақстан Республикасы Әділет министрлігінде заңнамада белгіленген тәртіппен мемлекеттік тіркелуін қамтамасыз етсін.
      3. Осы бұйрық алғашқы ресми жарияланған күнінен бастап он күнтізбелік күн өткеннен кейін қолданысқа енгізіледі.

      Министр                                    А. Күрішбаев

Қазақстан Республикасы  
Ауыл шаруашылығы министрінің
2010 жылғы 15 сәуірдегі 
№ 267 бұйрығына 1-қосымша

Балық шаруашылығы су айдындарының және (немесе) учаскелерінің жағалаулық шекараларын білдіретін белгілер мен аншлагтардың үлгілері 1. Аншлагтың үлгісі

      1. Аншлагтар балық шаруашылығы су айдындарының және (немесе) учаскелерінің жағалық шекараларын білдіреді, сондай-ақ су айдынының және (немесе) учаскенің балық шаруашылығы субъектінің атауы, жауапты тұлғасы, хабарласу телефоны туралы қажетті ақпаратты және балық аулау заңнамасын бұзған үшін жауапкершілікке тартылатыны туралы мәліметті береді. Су айдынның және (немесе) учаскенің карта-кестесі болады.
      2. Аншлагтар:
      1) бекітілген су айдындарға келетін жолдарда;
      2) саны 2 бірліктен кем болмайтын бекітілген учаскенің екі жағынан орнатылады.
      3. Аншлагтар мынадай сипаттамаға сәйкес:
      1) аншлаг щитінің төменгі жағынан жер бетіне дейінгі арақашықтық 1,5 метрден кем болмауы тиіс;
      2) аншлагтардың негізгі түсі ақ, шеткі сызығының түсі көк болуы тиіс;
      3) аншлагтарға жазбалар мемлекеттік және орыс тілдерінде жазылуы тиіс;
      4) сигналдық щиттердің пішіні тікбұрышты болуы тиіс;
      5) сигналдық щиттердің ұзындығы – 1400 миллиметр (бұдан әрі - мм), ені – 1000 мм кем болмауы тиіс;
      6) аншлагтардың карта-кестесі ортасында орналасады сондай-ақ, аншлагтың 1/4 көлемінен кем болмауы және 1/3 көлемінен артық болмауы тиіс;
      7) аншлагтарға жазулар мен бейнелер қара түспен түсірілуі тиіс.

2. Белгінің үлгісі    

      4. Белгілер балық аулауға тыйым салынған жерлер мен мерзімдер туралы ақпаратты білдіреді, сондай-ақ су айдынының және (немесе) учаскенің, балық шаруашылығы субъектінің атауы, белгіленген карта-кестесі көрсетілуі тиіс.
      5. Белгілер балық аулауға тыйым салынған мерзімде, су айдындардың және (немесе) учаскелердің жағалық шекараларында орнатылады.
      6. Белгілер мынадай сипаттамаға сәйкес:
      1) щитінің төменгі жағынан жер бетіне дейінгі арақашықтық 1,5 метрден кем болмауы тиіс;
      2) белгілердің негізгі түсі сары, шеткі сызығының түсі жасыл болуы тиіс;
      3) белгілерге жазбалар мемлекеттік және орыс тілдерінде жазылуы тиіс;
      4) сигналдық щиттердің пішіні төртбұрышты болуы тиіс;
      5) сигналдық щиттің ұзындығы – 1000 мм, ені – 1000 мм болуы тиіс;
      6) карта-кестесі ортасында орналасады, сондай-ақ белгілердің 1/4 көлемінен кем болмауы және 1/3 көлемінен артық болмауы тиіс;
      7) белгілерге жазулар мен бейнелер қара түспен түсірілуі тиіс.

Қазақстан Республикасы  
Ауыл шаруашылығы министрінің
2010 жылғы 15 сәуірдегі  
№ 267 бұйрығына 2-қосымша 

Журналдың нысаны

Балық ресурстарын және басқа да су жануарларын аулауды есепке алу журналы (кәсіпшілік журнал)

Қазақстан Республикасы Ауыл шаруашылығы министрлігі
Балық шаруашылығы комитеті

___________________________________________________________
(уәкілетті органның аумақтық бөлімшесі)
___________________________________________________________
(бригадирдің аты-жөні, басқа жауапты тұлға)
____________________________________________________________
(уәкілетті органның аумақтық бөлімшелері келісім-шарт жасасқан
пайдаланушының, жеке және заңды тұлғалардың атауы)