Ескерту. Күші жойылды - Қазақстан Республикасы Ішкі істер министрінің 2013 жылғы 28 қазандағы № 53 қбпү бұйрығымен

      Полицияның кешендi күштерi нарядтарын пайдаланудың тиiмдiлiгiн арттыру, сондай-ақ Iшкi iстер органдарының патрульдiк-күзет қызметi жұмысын реттейтiн нормативтiк құқықтық кесiмдердi жетiлдiру мақсатында  БҰЙЫРАМЫН :

      1. "Қоғамдық тәртiптi сақтау және қауiпсiздiктi қамтамасыз ету бойынша Қазақстан Республикасы iшкi iстер органдарының патрульдi-бекеттiк қызметiн ұйымдастыру жөнiндегi Нұсқаулықты бекiту туралы" Қазақстан Республикасы Iшкi iстер министрiнiң 2002 жылғы 5 шiлдедегi N 475  бұйрығына (нормативтiк құқықтық кесiмдердi мемлекеттiк тiркеу тiзiмiнде 1938 болып тiркелген, Қазақстан Республикасы орталық атқарушы және басқа мемлекеттiк органдарының нормативтiк құқықтық актiлерiнiң бюллетенiнде жарияланған, 2002 жыл N 43-44, 725-құжат, Қазақстан Республикасы Iшкi iстер министрiнiң 2004 жылғы 2 тамыздағы N 441  бұйрығымен енгiзiлген өзгерiстер мен толықтырулары бар) мынадай өзгерiстер мен толықтырулар енгiзiлсiн:

      2-тармақ мынадай редакцияда жазылсын:
      "2. Қазақстан Республикасы Iшкi iстер министрлiгi Iшкi әскерлер комитетiнiң төрағасына, Астана, Алматы қалаларының, облыстардың және көлiктегi iшкi iстер департаменттерiнiң, оқу орындарының бастықтары:";

      көрсетiлген бұйрықпен бекiтiлген қоғамдық тәртiптi сақтау және қауiпсiздiктi қамтамасыз ету бойынша Қазақстан Республикасы iшкi iстер органдарының патрульдi-бекеттiк қызметiн ұйымдастыру жөнiндегi Нұсқаулықта:
      барлық мәтiн бойынша "IIББ-IIБ", "Көлiктегi IIБ" деген аббревиатуралар "IIД", "Көлiктегi IIД" деген аббревиатуралармен ауыстырылсын;

      барлық мәтiн бойынша "ТЖА" деген аббревиатура "ТЖМ" деген аббревиатурамен ауыстырылсын;

      1-тармақтағы "Қазақстан Республикасы Президентiнiң "Қазақстан Республикасы iшкi iстер органдары туралы" Заң күшi бар Жарлығы", "Қазақстан Республикасы iшкi iстер органдары туралы" Қазақстан Республикасы Заңы" деген сөздер "Қазақстан Республикасы Заңдарымен" деген сөздермен ауыстырылсын;

      5-тармақтың екiншi абзацындағы "Астана, Алматы қалаларының IIББ және облыстардағы IIББ-IIБ (бұдан әрi - IIББ-IIБ) патрульдiк полиция басшылығымен" деген сөздер "Астана, Алматы қалаларының және облыстардың Iшкi iстер департаменттерi (бұдан әрi - IIД) қоғамдық қауiпсiздiк басқармаларының басшыларымен, қалалардың және аудандардың әкiмдерiмен" деген сөздермен ауыстырылсын;

      6-тармақ мынадай мазмұндағы бесiншi және алтыншы абзацтармен толықтырылсын:
      "3) учаскелiк полиция инспекторлары;
      4) кәмелетке толмағандар iсi жөнiндегi учаскелiк инспекторлар.";

      7-тармақ "взводтар" деген сөзден кейiн ", жылжымалы полиция пункттерiндегi патрульдiк полиция топтары)" деген сөздермен толықтырылсын;

      14-тармақтың 1-1) тармақшасы "жабдықталған" деген сөздiң алдында "бiрiктiрiлген деректер базаларына қосылған компьютермен" деген сөздермен толықтырылсын;

      15-тармақ мынадай мазмұндағы үшiншi абзацпен толықтырылсын:
      "Ауысым iшiнде жеке құрамға демалу және тамақ iшу үшiн 1 сағат, бiрақ бекетте, патрульдеу бағытында кемiнде 5 сағат үздiксiз қызмет өткергеннен кейiн берiледi. Қызметтiк уақыттың жалпы ұзақтығынан үзiлiс алынып тасталады. Қажет жағдайларда нарядтарды ауыстыру жүргiзiледi.";

      18-тармақта:
      2) тармақша "байланыс" деген сөзден кейiн "бiрiктiрiлген деректер базасына қосылған борттық компьютерлер" деген сөздермен толықтырылсын;

      сегiзiншi абзацта "Патрульдiк автокөлiктi" деген сөздер "Полицияның кешендi күштерi саптық бөлiмшелерiнiң жеке құрамы мен автокөлiгiн" деген сөздермен ауыстырылсын;

      19-тармақта:
      2) тармақша "бұқарамен" деген сөзден кейiн ", мемлекеттiк емес күзет құрылымдарымен" деген сөздермен толықтырылсын;

      мынадай мазмұндағы 2-1) тармақшамен толықтырылсын:
      "2-1) Астана қаласында, әкiмшiлiк бөлiктерi бар облыс орталықтарында және қалаларда, ал Алматы қаласында аудандар бойынша қоғамдық тәртiптi сақтауға жұмылдырылған полицияның кешендi күштерiн күнделiктi бiрыңғай қызметке таратуды өткiзудi қамтамасыз етедi;";

      20-тармақта:
      1) тармақша "осының негiзiнде" деген сөздерден кейiн "пайдалану жоспарын әзiрлеудi" деген сөздермен толықтырылсын;
      2) тармақша "ережесiн" деген сөзден кейiн ", нарядтар қоюдың мiндеттi нормаларын" деген сөздермен толықтырылсын;

      21-тармақтың 9) тармақшасы мынадай редакцияда жазылсын:
      "9) нарядтардың қызмет өткеру орындарында қылмыс жасаудың әрбiр фактiсi бойынша дер кезiнде қызметтiк тексеру жүргiзудi қамтамасыз етедi.";

      22-тармақта:
      бiрiншi және екiншi абзацтар мынадай редакцияда жазылсын:
      "22. Қалалық, аудандық, желiлiк органы қоғамдық қауiпсiздiк бөлiмiнiң, бөлiмшесiнiң бастығы:
      1) патрульдi-бекеттiк қызметiн, полицияның кешендi күштерi мен құралдары қызметiн үйлестiру жөнiндегi аға инспекторлардың (инспекторлардың), жедел басқару орталықтарының (бұдан әрi - ЖБО) инспектор-навигаторлары мен бейнебақылау операторларының жұмысын ұйымдастыруға, сондай-ақ саптық бөлiмшелердiң жеке құрамын оқытуға тiкелей қатысады;";

      3) тармақшадағы "нарядтардың" деген сөз "полицияның кешендi күштерi нарядтарының" деген сөздермен ауыстырылсын;

      мынадай мазмұндағы 8) тармақшамен толықтырылсын:
      "8) нарядтардың қызмет өткеру орындарында қылмыс жасаудың әрбiр фактiсi бойынша қызметтiк тексеру жүргiзедi және қызметтiк тексерудiң қорытындысын бекiту үшiн қалалық, аудандық, желiлiк органның бастығына ұсынады.";

      мынадай мазмұндағы 22-1 тармақпен толықтырылсын:
      "22-1. Қалалық, аудандық, желiлiк органның полицияның кешендi күштерi қызметiн үйлестiру жөнiндегi аға инспекторы, IIД ЖБО полицияның күштерi мен құралдарын басқару тобының аға инспекторы:
      1) патрульдi-бекеттiк қызметтi ұйымдастыруға тiкелей қатысады, полицияның кешендi күштерi мен құралдары қызметiн үйлестiру жөнiндегi инспекторлардың, жедел басқару орталықтарының инспектор-навигаторлары мен бейнебақылау операторларының жұмысын ұйымдастырады;
      2) полицияның кешендi күштерi нарядтарының қызмет өткеруiн, қызметтiк құжаттаманың дұрыс жүргiзiлуiн тексередi; анықталған кемшiлiктердi жояды және жеке құрам мен техникалық құралдарды өзге мақсатта пайдалану фактiлерi туралы тiкелей бастығына баяндайды;
      3) полицияның кешендi күштерi барлық нарядтарын жедел басқаруды жүзеге асырады, ақпаратты жұмыс картасына енгiзедi (күштер мен құралдарды басқару тобының экрандық нысанына), қосымша ақпаратпен қамтамасыз етедi және олардың iс-әрекетiн үйлестiредi;
      4) нарядтарды қару-жарақпен, жабдықпен, басқа да арнайы және техникалық құралдармен, сондай-ақ қызметтiк құжаттамамен уақытылы қамтамасыз етiудi бақылайды;
      5) патрульдi-бекеттiк қызмет және қоғамдық тәртiптi сақтау жөнiндегi патрульдiк-бекеттiк нарядтар қызметiнiң нәтижелерi бойынша есептер мен есеп берудi жүргiзедi;
      6) нарядтардың қызмет өткеру орындарында қылмыс жасаудың әрбiр фактiсi бойынша қызметтiк тексеру жүргiзу үшiн материалдар дайындайды және қоғамдық қауiпсiздiк бөлiмiнiң, бөлiмшесiнiң бастығына ұсынады.";

      23-тармақ мынадай мазмұндағы 13) тармақшамен толықтырылсын:
      "13) нарядтардың қызмет өткеру орындарында қылмыс жасаудың әрбiр фактiсi бойынша қызметтiк тексеру жүргiзу тапсырылған қызметкерлерге тәулiк iшiнде қажеттi барлық материалдарды ұсынады.";

      24-тармақта:
      бiрiншi абзацтағы "Қалалық" деген сөздiң алдында "ЖБО жедел кезекшiсi" деген сөзбен толықтырылсын;

      2) тармақша "пайдаланылуын" деген сөзден кейiн ", сондай-ақ бейнебақылау жүйесiнiң, бар автоматтандырылған деректер базасының үздiксiз жұмысын";

      мынадай мазмұндағы 2-1) және 4-1) тармақшалармен толықтырылсын:
      "2-1) iшкi iстер органдары бөлiмшелерiнiң жедел кезекшiлерiне және полицияның кешендi күштерi (бұдан әрi - ПКК) жоспарымен жұмылдырылған нарядтарға өкiм бередi, жедел-тергеу тобының (бұдан әрi - ЖТТ) қылмыс жасалған жерге уақытында шығуы жөнiндегi жұмысты ұйымдастырады;";

      4-1) күнделiктi ақпаратта ПКК патрульдi-бекеттiк нарядтардың қылмысты ашуға қатысуы туралы мәлiметтердiң шынайы көрсетiлуiн бақылауды жүзеге асырады;";

      мынадай мазмұндағы 24-1 және 24-2-тармақтармен толықтырылсын:
      "24-1. ЖБО-ның инспектор-навигаторы, полицияның кешендi кyштерi қызметiн үйлестiру жөнiндегi инспектор:
      1) қызмет көрсететiн аумақтағы жедел жағдайды бiлуi керек, қоғамдық тәртiптi сақтауға қатысатын полицияның кешендi күштерi мен құралдарының қойылуы туралы қоғамдық қауiпсiздiк қызметi беретiн ақпаратты қабылдауды және компьютерлiк бағдарламаға (жұмыс картасына енгiзу) енгiзудi жүзеге асырады;
      2) автопатрульдердiң орын ауыстыруына жерсерiктiк жүйе бойынша бақылау жасайды, олардың қозғалыс жылдамдығын, патрульдеу учаскесi ауданындағы орналасқан жерiн бақылайды, жеке құрамның, патрульдiк автокөлiктiң тiкелей мақсатында пайдаланылуын бақылауды жүзеге асырады, бағыттан ауытқу және тұру уақытының ұзақтығының себебiн сұрайды, бұл туралы уақытылы ПКК жөнiндегi аға инспекторға баяндайды;
      3) қызмет өткеру кезеңiнде нарядтармен байланыста болады, олардан жағдайдың өзгеруi туралы баяндама қабылдайды, бақылау жүйесi бойынша жедел жағдайды бақылауды жүзеге асырады, құқық бұзушылық жасалған жерге нарядтарды дер кезiнде жiбередi және олардың келуiн бақылайды, жаңадан жасалған қылмыс, iздестiрудегi қылмыскерлердiң және ұрланған мүлiктiң ерекше белгiлерi туралы мәлiмет және оларға қатысы бар басқа да жедел ақпарат бередi, оларды iздестiрудi ұйымдастырады;
      4) қылмыстар мен құқықтық тәртiптi бұзудың алдын алуға және жолын кесуге, құқық бұзушыларды ұстауға, нарядтардың маневр жасауы арқылы жағдай шиеленiскен жерлерде патрульдi-бекеттiк қызметтi күшейтуге шаралар қабылдайды, күштердiң орналасуындағы өзгерiстер туралы қалалық, аудандық, желiлiк органның кезекшiсiне немесе бастығына баяндайды, қоғамдық қауiпсiздiк бөлiмiнiң, бөлiмшесiнiң бастығын, полицияның саптық бөлiмшелерiнiң, iшкi әскерлердiң жедел мақсаттағы бөлiмдерi (бұдан әрi - ЖМБ) мен арнайы моторланған бөлiмдерiнiң (бұдан әрi - АМБ) командирлерiн хабардар етедi;
      5) нарядтардың сұрауымен ұсталған адамдарды, автокөлiктердi және заттарды деректер базасының есебi бойынша тексерудi қамтамасыз етедi.

      24-2. ЖБО-ның бейнебақылау операторы:
      1) азаматтар көп жиналған орындарды тәулiк бойы бейнебақылауды жүзеге асырады;
      2) қозғалысы көп қиылыстардағы, көше қылмыстары жасалуы ықтимал жерлердегi жағдайды бақылайды, автокөлiктерге бақылау жасайды;
      3) полицияның кешендi күштерi мен құралдарының қозғалысын бақылауды жүзеге асырады;
      4) жедел жағдай шиеленiскен, қылмыс туралы хабар келiп түскен кезде бейнекамераны анықтайды және қылмысты ашу және ПКК маневр жасауы мақсатында бейнебақылау жүргiзедi.";

      25-тармақ мынадай редакцияда жазылсын:
      "25. Учаскелiк полиция инспекторы өз құзыретi шегiнде:
      1) өзiне бекiтiлген учаскеде қоғамдық тәртiптi сақтауды жүзеге асырады;
      2) қылмыстың жолын кесуде және қылмыскерлердi ұстауда нарядтарға көмек көрсетедi, ПКК мен жұртшылықтың арасында өзара iс-қимыл жасасуды ұйымдастырады;
      3) учаскеде жедел жағдайдың өзгеруi туралы қалалық, аудандық, желiлiк органның бастығы мен кезекшiсiне баяндайды және қоғамдық тәртiптi сақтауға қатысатын күштер мен құралдардың барынша мақсатқа сай қойылуы және пайдалануы туралы ұсыныстар енгiзедi;
      4) әкiмшiлiк учаскеде ПКК нарядтарының қызмет өткеруiн тексередi;
      5) қызмет көрсететiн аумақта полицияның кешендi күштерi болмаған кезде қоғамдық тәртiптi сақтауды өзiнше жүзеге асырады.";

      27-тармақтың 6) тармақшасындағы "ұстау" деген сөз "жедел қимылдайтын" деген сөздермен ауыстырылсын;

      30 және 31-тармақтар мынадай редакцияда жазылсын:
      "30. Қызмет өткеру кезеңiнде патрульдiк нарядтарды жедел басқару ЖБО-ға және полицияның кешендi күштерi қызметiн үйлестiру жөнiндегi инспекторларды (навигаторларды) және айналымды радио байланысты пайдалана отырып, қалалық, аудандық, желiлiк органдардың кезекшi бөлiмдерiне жүктеледi.

      31. Патрульдi-бекеттiк қызметтi ұйымдастыру жөнiндегi шешiмдер: бiр жылға - қажет болған жағдайда кейiннен, жыл мерзiмiне сай одан әрi мiндеттi түзетулер енгiзiлетiн полицияның кешендi күштерi мен құралдарын қоғамдық тәртiптi сақтауға пайдалану жоспарымен (1-қосымша); ағымдағы тәулiкке - бекет ведомосымен (2-қосымша); нақты қойылған мiндеттi атқару үшiн бұйрықпен, арнайы жоспармен немесе ауызша нұсқаумен қабылданады және рәсiмделедi.
      Полицияның кешендi күштерi мен құралдарын пайдалану жоспарын аумақтық iшкi iстер органының бастығы бекiтедi.
      Бұл ретте:
      1) қаланың (ауданның) географиялық, әлеуметтiк-экономикалық ерекшелiктерi, тұрғындардың саны, көшi-қоны, өзге қаланың азаматтарының келуi, көшелердiң сипаттамасы, кәсiпорындардың, ұйымдардың және мекемелердiң, рұқсат ету жүйесi объектiлерiнiң, банктердiң, IIО-ның арнайы мекемелерiнiң орналасқан жерi мен жұмыс тәртiбi;
      2) жыл мезгiлi мен тәулiктi және метеорологиялық жағдайларды есепке ала отырып, көшелер мен басқа да қоғамдық орындарда жасалған қылмыстардың, әкiмшiлiк құқық бұзушылықтардың саны, деңгейi, үрдiсi мен құрылымы;
      3) патрульдi-бекеттiк нарядтардың орналасуы және оның нақты қалыптасқан жедел жағдайға сай болуы;
      4) патрульдi-бекеттiк қызметке қатысатын нарядтардың, бөлiмшелердiң жұмыс нәтижелерi, сондай-ақ жеке құрамның қару-жарақпен, байланыс құралдарымен, патрульдiк көлiкпен қамтамасыз етiлуi және олардың қолданылуы ескерiледi.";

      35-тармақ мынадай редакцияда жазылсын:
      "35. Полицияның кешендi күштерiн пайдалану жоспары қызмет көрсететiн аумақтың шекарасында әзiрленедi және оған ауданның, қаланың, көлiктiк учаскенiң сызбасы, жедел жағдайға баға беру, жеке құрам мен көлiк құралдарын қоюдың мiндеттi нормалары, бекеттер мен патрульдеу бағыттарының тiзбесi, оның iшiнде қоғамдық тәртiптi сақтауды күшейту кезеңiнде жабылуға тиiс қосымша бағыттардың тiзбесi, наряд түрлерi, олардың өзара iс-қимыл жасасу тәртiбi және басқа да қажеттi мәлiметтер жатады.
      Полицияның кешендi күштерi мен құралдарын пайдалану жөнiндегi жоспарды әзiрлеуге мынадай iс-шаралар жатады:
      1) қаланың (ауданның), көлiк учаскесiнiң сызбасын дайындау;
      2) көше қылмыстарына және басқа да құқық бұзушылықтарға, олардың жасалған орны, уақыты, апта күндерi және ай күндерi, адамдар бойынша талдау;
      3) қызметтер мен бөлiмшелердiң жеке құрамын қоғамдық тәртiптi сақтауға тәулiк сайын бөлiп қоюға, сондай-ақ техникалық құралдардың, тәулiк iшiнде шешiм қабылдау үшiн қажеттi мiндеттi нормасын анықтау;
      4) жол полициясы, мамандандырылған күзет қызметi, жылдам қимылдайтын арнайы жасақтың, IIО-ның арнайы мекемелерi бөлiмшелерiнiң, оның iшiнде қосымша күштер мен құралдар бөлiнген кезде патрульдеу бағыттары мен бекеттерiн әзiрлеу;
      5) патрульдiк полиция саптық бөлiмшелерiнiң, iшкi әскерлердiң ЖМБ мен АМБ бағыттары мен бекеттерiн әзiрлеу;
      6) барлық қызметтер мен бөлiмшелердiң нарядтарын кешендi қоюды өзара iс-қимыл жасасуын және өзара орын ауыстыруын қамтамасыз ету тұрғысынан нақтылау және келiсiм негiзiнде орналастырылуына тиiстi түзетулер енгiзу;
      7) күштер мен құралдарды бөлiп қоюдың мiндеттi нормаларынан, шекараны, ауысымның басталу және аяқталу уақытын, нарядтың түрлерiн, өзара iс-қимыл жасасу тәртiбiн, олардың құқықтық тәртiптi, жол қозғалысын қадағалауды және меншiктiк объектiлердi күзетудi қамтамасыз етудегi жалпы және ерекше мiндеттерi көрсетiлген бекеттер мен бағыттары бар ПКК жоспарының мәтiнiн дайындау;
      8) патрульдердiң бағыттық карточкаларын, нұсқама және бақылау кестесiн, байланыс сызбасын, нарядтарға нұсқамаларда пайдалану үшiн кiрiспе мiндеттердi әзiрлеу;
      9) полицияның кешендi күштерiнiң жұмыс қорытындысын сипаттайтын мәлiметтердi жинау үшiн ақпараттық кестелер дайындау.";

      36-тармақтың 6) тармақшасы "учаскелердiң" деген сөзден кейiн "бейнебақылау камераларымен жабылатын" деген сөздермен толықтырылсын;

      50-тармақта "айына бiр рет" деген сөздер "күн сайын" деген сөздермен ауыстырылсын;

      56-тармақ "бiрлесiп талдау" деген сөздерден кейiн "нарядтардың қызмет өткеру орындарында қылмысқа жол берудiң әрбiр фактiсi бойынша қызметтiк тексеру жүргiзу" деген сөздермен толықтырылсын;

      61-тармақтың 1) тармақшасындағы "бас басқармаларына, iшкi iстер органының басқармаларына" деген сөздер "департаменттерiне" деген сөзбен ауыстырылсын;

      65-тармақтағы "қалалық, аудандық, желiлiк органдардың" деген сөздер "қалалық, аудандық органдардың" деген сөздермен ауыстырылсын;

      74-тармақ мынадай мазмұндағы екiншi абзацпен толықтырылсын:
      "Кезеңдiк қоғамдық орындарда (белгiленген сағаттарда халыққа қызмет көрсетуге және демалуға арналған үй-жайлар: базарлар, санаторийлер, демалыс аймақтары, мәдени, ойын-сауық, спорттық мекемелер, қоғамдық көлiк, сауда және басқа кәсiпорындар) жасалған қылмыстар бойынша, сондай-ақ олар туралы хабарлама бiр сағаттан астам уақыт өткеннен кейiн (азаматтардың дер кезiнде шағымданбауы, мүмкiншiлiксiздiктерi) түскен қылмыстар бойынша қызметтiк тексерулер жүргiзiлмейдi.";

      75-тармақта:
      1) тармақшадағы "қылмыстар мен әкiмшiлiк құқық бұзушылықтардың, жол қозғалысы ережелерiн бұзушылықтардың" деген сөздер "қылмыстардың" деген сөзбен ауыстырылсын;
      2) тармақшадағы "қылмыстар мен әкiмшiлiк құқық бұзушылықтарды" деген сөздер "қылмыстарды" деген сөзбен ауыстырылсын, "және әкiмшiлiк құқық бұзушылыққа ден қоюы" деген сөздермен толықтырылсын;

      80-тармақтың 2) тармақшасы "жүруiмен;" деген сөзден кейiн мынадай мазмұндағы сөйлеммен толықтырылсын;
      "Нарядтардың поездарда ере жүруi: аралық - бiр наряд Қазақстан Республикасы шегiнде поезды құрастыру пунктiнен оның баратын пунктiне дейiн және эстафеталық - қызмет көрсететiн аумақ шегiнде бiрнеше нарядтар жүзеге асыруы мүмкiн;";

      83-тармақ мынадай редакцияда жазылсын:
      "83. Нарядтың жұмысы желiлiк iшкi iстер бөлiмiнiң (бөлiмшесiнiң) басшылығы бекiткен және жолаушылар тасымалдау басшылығымен келiсiлген, кейiннен қажет жағдайда түзетулер енгiзiлетiн, әзiрленген айлық кестенiң негiзiнде жүзеге асырылады. Кестеде ере жүретiн поездар тiзiмi, жұмыстың басталуы мен аяқталу уақыты, оларға ере жүру бағыттары, ауысып-мiну уақыты мен орны көрсетiлуге тиiс. Наряд қызметтi нысандық киiмде өткередi және тиесiлi қорғану және белсендi қорғаныс құралдарымен, сондай-ақ тиiстi қызметтiк құжаттамамен жарақталады. Мiндеттерiн орындау кезiнде наряд поездың жүрiп өту бағытындағы желiлiк және аумақтық iшкi iстер органдарымен, поезд бригадасымен өзара iс-қимыл жасасады.";

      "Патрульдi-бекеттiк қызметтi басқару мен ұйымдастыру" деген 3-тарау мынадай мазмұндағы 10 және 11 параграфтармен толықтырылсын:
     "Параграф 10. Стационарлық бекеттерде патрульдi-бекеттiк қызметтi ұйымдастырудың ерекшелiктерi
      85-1. Стационарлық полиция бекеттерi өз жұмысында бекiтiлген аумақты жаяу патрульдеу мен бiр уақытта азаматтар көп жиналатын орындарда полиция қызметкерiнiң ұдайы болуын үйлестiрген патрульдi-бекеттiк нарядтың бiр түрi болып табылады.

      85-2. Стационарлық бекеттер оқшауланған тұрғын массивтерде, азаматтар көп келетiн орындарда, iшкi iстер органдарының орналасқан жерден қашық қала аумағында, құқықтық тәртiптi тиiмдi сақтау және азаматтардың полицияға көмек сұрап келуiне қиын басқа да жерлерде орналастырылады.

      85-3. Стационарлық полиция бекеттерiн құру жөнiндегi жұмысты ұйымдастыру жергiлiктi атқарушы органдармен тығыз қарым-қатынаста жасалады, олардың саны қалада, елдi мекенде көрсетiлген нарядтардың қоғамдық тәртiптi сақтауы анағұрлым тиiмдi және мақсатқа сай болатындығына байланысты, сондай-ақ қолда бар кадрлық, материалдық-техникалық, қаржылық және өзге де мүмкiндiктердi ескере отырып, айқындалады.

      85-4. Стационарлық полиция бекеттерiне арналған үй-жайлар ретiнде әдетте, көлемi және жабдықталуы өзiнiң мақсатына сай болатын, жарық, байланыс және тәулiктiң салқын уақытында жылыту құралдарымен жабдықталған, зауытта дайындалған металл павильондар. Павильонды бояу үй-жайдың полицияға тиесiлiгiн көрсететiн ақ және көк түстi сырларды, "Полиция" деген жазуы бар жарықтанған таблоны пайдаланып жасалады.

      85-5. Стационарлық полиция бекетi қызмет көрсететiн аумақ нақты жағдайларға байланысты айқындалады және анағұрлым криминогендi жерлерде нарядтардың ұдайы болуының тиiмдiлiгiн қамтамасыз етуге тиiс.

      85-6. Қызмет көрсететiн учаскенi патрульдеудi неғұрлы толық қамту және сонымен бiрге бiр уақытта бекетте полиция қызметкерiнiң ұдайы болуын қамтамасыз ету мақсатында наряд құрамы үш адамнан: екi патрульден және наряд басшысынан кем болмауы керек. Жедел жағдайға байланысты оның құрамына қоғамдық қауiпсiздiктiң басқа бөлiмшелерiнiң қызметкерлерi, сондай-ақ ерiктi қоғамдық бiрлестiктердiң өкiлдерi енгiзiлуi мүмкiн.

      85-7. IIО бойынша өкiммен стационарлық полиция бекеттерiнiң құрамы мен орналасатын орны, күштер мен құралдардың есебi, қажеттi құжаттаманың үлгiлерi бекiтiледi.
      Стационарлық полиция бекеттерi үшiн қажеттi құжаттама: бекет сызбасы, жұмыс журналы, кезекшiлiктi қабылдау және тапсыру кiтабы, қызмет өткерудi тексеру кiтабы, бағдарлар журналы. Стационарлық бекет мүмкiндiгiнше криминалдық ақпарат деректерi базасына қосылған компьютермен және бейнебақылау құралдарымен жабдықталуы мүмкiн.

      85-8. Қызмет өткеру тәулiк бойы, әдеттегiдей 12 сағаттық кесте бойынша жүзеге асырылады. Нарядтардың ауысу уақытын жедел жағдайдың ахуалына байланысты iшкi iстер органының басшылығы белгiлейдi. Әрбiр стационарлық полиция бекетiне реттiк нөмiр берiледi.

      Параграф 11. Жылжымалы полиция пункттерiнiң патрульдiк-бекеттiк қызметтi ұйымдастыруының ерекшелiктерi
      85-9. Жылжымалы полиция пункттерi (бұдан әрi - ЖПП) патрульдiк-бекеттiк нарядтың бiр түрi болып табылады, олар қозғалыс бағытын, тоқтайтын орындарды анықтайды және ұсталған азаматтарды ұстау (3 сағат көп емес), ерекше жағдайларда оларды медициналық мекемелерге жеткiзу үшiн пайдаланылады.

      85-10. Азаматтардың жаппай келу орындарында құқық бұзушылықтардың алдын алу, ескерту және жолын кесу, құқықтық насихат iс-шараларын өткiзу кезiнде, сондай-ақ жедел жағдай күрделi учаскелерде (елдi мекендерде) және төтенше жағдайларда ЖПП пайдаланылады.

      85-11. Қалыптасқан жедел жағдайға байланысты белгiлi бiр учаскелердi тексеру кезiнде жылжымалы полиция пункттерiнiң құрамына криминалдық, жол полициясы, кәмелетке толмағандар iстерi жөнiндегi бөлiмшелер мен басқа қызметтердiң қызметкерлерi тартылады және ЖПП басшысы тағайындалады.
      Қажет болған жағдайда ЖПП-ның құрамына полицей-кинолог қызметтiк итпен тартылады.
      Әр экипаждың құрамына бекiтiлген кестеге сәйкес немесе жедел жағдайға байланысты бекiтiлген учаскесiнде iс-шара жоспарланған әкiмшiлiк құқық бұзушылықтар бойынша шешiм қабылдау үшiн учаскелiк полиция инспекторы мiндеттi түрде енгiзiледi.

      85-12. Жылжымалы полиция пункттерi Қазақстан Республикасының мемлекеттiк стандартында белгiленген түстi графикалық сызбаға сәйкес боялған шағын автобустар базасында жабдықталады, автобустың бортында, алдыңғы және артқы жағында мемлекеттiк және орыс тiлдерiнде "Жылжымалы полиция пунктi" деген сөздер жазылуы, сондай-ақ үстiне жарқырауық маягы және дауыс күшейткiшi болуы керек.
      Салонның алдыңғы бөлiгi ЖПП экипажына арналған және орындықтармен, шағын үстелмен, қызметтiк құжаттаманы сақтауға арналған темiр жәшiкпен, криминалистикалық, компьютерлiк және басқа техниканы, мобильдi және алып жүретiн радиостанциялармен, кассета жинағы бар диктофонмен, екi-үш жарқылдайтын жезлмен, түрлi-түстi фотоаппаратпен, қалталы фонарьлармен және медициналық дәрi-дәрмек аптекалармен қамтамасыз етiлуi тиiс.
      Автобустың (шағын автобус) артқы бөлiмi ұсталған құқық бұзушыларды аз уақыт қамауға арналған және мықты металл тормен қоршалады, сондай-ақ құлыппен жабылатын есiгi болады, ал осы бөлiгiнiң салон терезелерi тормен жабылуға тиiс.

      85-13. ЖПП-ның бортында мынадай құжаттар: күнделiктi жоспар-тапсырма, бағыт карточкасы, борттық журнал, жылжымалы полиция пунктi қызмет көрсететiн учаскесiнiң жоспары бар планшет; оның қозғалыс бағыты мен тұратын орындары; жылжымалы полиция пунктiнiң автопатрульдерi мен жаяу патрульдерiнiң қозғалыс бағыттары қарастырылады.";

      88-тармақтың 2) тармақшасы "кезекшiлiк бөлiмiне" деген сөздерден кейiн "немесе медициналық мекеме" деген сөздермен толықтырылсын;

      89-тармақтың 6) тармақшасы "ұстау топтарына" деген сөздерден кейiн "жедел ден қою топтарына" деген сөздермен толықтырылсын;

      90-тармақ мынадай мазмұндағы 1-1) және 6) тармақшалармен толықтырылсын:
      "1-1) ұдайы қозғалыста болуға, жолаушылармен қарым-қатынас жасасуға, бекет аймағында жолаушылар ағынын бақылауға, көлiк объектiсiндегi азаматтардың орын ауыстыруын жiтi бақылауға;
      6) жедел-тергеу тобы келгенше қатысушыларды, куәгерлердi анықтау, оқиға болған жердiң жағдайын сақтау, зардап шеккендерге көмек көрсету жөнiнде iс-шаралар қабылдауға, жазбаша түрде алынған деректердi ЖПП қызметкерлерiне баяндауға.";

      "Қоғамдық тәртiптi сақтауды қамтамасыз ету" деген 4-тарау мынадай мазмұндағы 7 параграфпен толықтырылсын:
      "Параграф 7. Құқық қорғауға бағытталған және қоғамдық, мемлекеттiк емес күзет құрылымдарымен өзара iс-қимыл жасасу
      100-1. Патрульдi-бекеттiк нарядтар:
      1) көшелерде және басқа да қоғамдық орындарда құқықтық тәртiптi қамтамасыз ету бойынша құқық қорғауға бағытталған қоғамдық және мемлекеттiк емес күзет құрылымдарымен ұдайы өзара әрекеттесуге;
      2) бiрiгiп қызмет өткеру кезiнде құқық қорғауға бағытталған қоғамдық құрылымдардың, мемлекеттiк емес күзет құрылымдарының өкiлдерiн құқық бұзушылықтың көп тараған түрлерiнiң алдын алу, анықтау және жолын кесу бойынша жұмыстың тәсiлдерi мен әдiстерiн үйретуге, оларды қызмет көрсететiн аумақтағы жедел жағдаймен таныстыруға; кұқық бұзушыларды ұстауға және iшкi iстер органдарына жеткiзуге көмек көрсетуге;
      3) қылмыс туралы ақпарат алғанда құқық қорғауға бағытталған қоғамдық құрылымдардың, мемлекеттiк емес күзет құрылымдарының өкiлдерiн олардың жасалу жағдайы, қылмыскерлердiң түсi туралы хабардар етуге, оқиға болған жерге күзет қойып, оларды куәгерлер мен көргендердi анықтауға жұмылдыруға мiндеттi.";

      170-тармақтағы "Қазақстан Республикасының Төтенше жағдайлар жөнiндегi агенттiгi (бұдан әрi - ТЖА)" деген сөздер "Төтенше жағдайлар жөнiндегi министрлiгi (бұдан әрi - ТЖМ)" деген сөздермен ауыстырылсын.

      2. Комитеттер төрағалары, Департаменттер, Iшкi iстер министрлiгiнiң оқу орындарының бастықтары осы бұйрықты қызметтер мен бөлiмшелердiң жеке құрамының зерделеуiн ұйымдастырсын және оның бұлжытпай орындалуын қамтамасыз етсiн.

      3. Қазақстан Республикасы Iшкi iстер министрлiгiнiң Әкiмшiлiк полиция комитетi осы бұйрықты Қазақстан Республикасы Әдiлет министрлiгiне мемлекеттiк тiркеуге жiберсiн және мемлекеттiк тiркеуден кейiн оның ресми жариялануын қамтамасыз етсiн.

      4. Осы бұйрықтың орындалуын бақылау Iшкi iстер вице-министрi полиция генерал-майоры А.Ж.Шпекбаевқа және Қазақстан Республикасы Iшкi iстер министрлiгiнiң Әкiмшiлiк полиция комитетiнiң бастығы полиция полковнигi Қ.Т.Тоқсейiтовке жүктелсiн.

      5. Осы бұйрық ресми жариялаған күнінен бастап қолданысқа енгiзiледi.

       Министр