Рус | Қаз | Eng

"Бюджеттік бағдарламаны іске асыру туралы есепті жасау және беру жөніндегі ережені бекіту туралы" Қазақстан Республикасы Қаржы министрі міндетін атқарушының 2003 жылғы 30 шілдедегі N 289 бұйрығына өзгерістер мен толықтыру енгізу туралы

Қазақстан Республикасы Қаржы министрінің 2005 жылғы 4 қазандағы N 354 Бұйрығы. Қазақстан Республикасының Әділет министрлігінде 2005 жылғы 27 қазанда тіркелді. Тіркеу N 3912. Күші жойылды - Қазақстан Республикасы Қаржы министрінің 2010 жылғы 15 маусымдағы N 287 Бұйрығымен

      "Мемлекеттiк сатып алу туралы" Қазақстан Республикасының 2002 жылғы 16 мамырдағы Заңының  21-бабы  1-тармағының 5) тармақшасына сәйкес Қазақстан Республикасының Үкiметi  ҚАУЛЫ ЕТЕДI:

      1. "International consulting group оn tourism "I.Р.К." компаниясы сатып алудың маңызды стратегиялық мәнi бар "Қазақстанның туристік әлеуетiн зерттеу" тақырыбы бойынша зерттеулер жүргiзу жөнiнде қызметтер көрсетушi болып белгiленсiн.

      2. Қазақстан Республикасы Индустрия және сауда министрлiгiнiң Сауда және туристік қызметтi реттеу комитетi заңнамада белгiленген тәртiппен:
      1) осы қаулының 1-тармағында көрсетiлген заңды тұлғамен республикалық бюджетте осы мақсатқа көзделген қаражат есебiнен 65000000 (алпыс бес миллион) теңге сомасына қызметтердi мемлекеттiк сатып алу туралы шарт жасассын;
      2) 1-тармақта көрсетiлген қызметтердi мемлекеттiк сатып алу үшiн осы қаулыға сәйкес пайдаланылатын ақшаны оңтайлы және тиiмдi жұмсау қағидатын сақтауды, сондай-ақ "Мемлекеттік сатып алу туралы" Қазақстан Республикасының Заңы 21-бабының 3, 4-тармақтарын орындауды қамтамасыз етсін.

      3. Осы қаулы қол қойылған күнiнен бастап қолданысқа енгізiледi.

       Қазақстан Республикасының
      Премьер-Министрі