Күші жойылды - Қазақстан Республикасы Денсаулық сақтау министрінің 2010.06.30 N 476 бұйрығымен.

      "Халықтың санитарлық-эпидемиологиялық салауаттылығы туралы" Қазақстан Республикасы Заңының 17-бабы 15) тармақшасына және 7-бабы 10) тармақшасына сәйкес БҰЙЫРАМЫН:
      1. Қоса беріліп отырған І-ІV патогенді топтар микроорганизмдерімен жұмыс істеу жағдайына қойылатын санитарлық-эпидемиологиялық талаптар" санитарлық-эпидемиологиялық ережесі мен нормалары бекітілсін.
      2. Қазақстан Республикасы Денсаулық сақтау министрлігінің Мемлекеттік санитарлық-эпидемиологиялық қадағалау комитеті (Байсеркин Б.Б.) осы бұйрықты Қазақстан Республикасының Әділет министрлігіне мемлекеттік тіркеуге жіберсін.
      3. Қазақстан Республикасы Денсаулық сақтау министрлігінің Ұйымдастыру-құқықтық жұмыс департаменті (Акрачкова Д.В.) осы бұйрықтың Қазақстан Республикасының Әділет министрлігінде мемлекеттік тіркеуден өткенінен кейін оның ресми жариялануын қамтамасыз етсін.
      4. Осы бұйрықтың орындалуын бақылау Қазақстан Республикасының денсаулық сақтау вице-министрі, Бас мемлекеттік санитарлық дәрігері А.А. Белоногқа жүктелсін.
      5. Осы бұйрық ресми жарияланған күнінен бастап қолданысқа енгізіледі.

      Министр

Қазақстан Республикасы     
Денсаулық сақтау министрінің  
2005 жылғы 5 шілдедегі     
N 325 бұйрығымен бекітілген  

"І-ІV патогенді топтар микроорганизмдерімен жұмыс істеу
жағдайына қойылатын санитарлық-эпидемиологиялық талаптар"
санитарлық-эпидемиологиялық ережесі мен нормалары

1. Жалпы ережелер

      1. Осы санитарлық-эпидемиологиялық ереже мен нормалар (бұдан әрі - санитарлық ереже) қоршаған ортаға қауіп төндіретін аса қауіпті және карантиндік жұқпалы аурулардың алдын алу арнайы шараларын жүргізуді регламенттейді және патогенді биологиялық агенттерді (бұдан әрі - ПБА) сақтауға, есепке алуға, тапсыруға және тасымалдауға қойылатын бірыңғай санитарлық-эпидемиологиялық талаптарды белгілейді.

      2. Олармен жұмыс істейтін адамдар, сондай-ақ айналасындағы адамдар мен жануарлар үшін жұқтыру тәуекелінің деңгейіне қарай қоздырғыштармен жұмыс істеу режимінің, сақтау мен беру тәртібінің дәрежесін анықтау, санитарлық-індетке қарсы (профилактикалық) іс-шараларды жүзеге асыру мақсатында І-ІV патогенді топтар микроорганизмдері мен олардың уыттары осы санитарлық ережеге 1- қосымшаға сәйкес топтарға бөлінеді.

      3. Халықтың санитарлық-эпидемиологиялық салауаттылығын және биологиялық қауіпсіздігін қамтамасыз ету мақсатында осы санитарлық ереже Қазақстан Республикасының аумағында І-ІV патогенді топ қоздырғыштарымен жұмыс істейтін заңды тұлғалар орындау үшін міндетті.

      4. Мыналарға жататын қоздырғыштардың тірі өсінділерімен:
      1) І патогенді топ қоздырғыштарымен жұмыс Қазақстан Республикасы Денсаулық сақтау министрлігінің "М.Айқымбаев атындағы Қазақ карантиндік және зооноздық жұқпалар ғылыми орталығы" республикалық мемлекеттік қазыналық кәсіпорнында және обаға қарсы күрес мекемелерінде жүргізілуі тиіс;
      2) ІІ патогенді топ қоздырғыштарымен мемлекеттік мекемелердің зертханаларында жүргізілуге тиіс;
      3) ІІІ-ІV патогенді топ қоздырғыштарымен - меншік нысанына қарамастан, Қазақстан Республикасының Нормативтік құқықтық актілерді мемлекеттік тіркеу тізілімінде N 2692 тіркелген Қазақстан Республикасы Денсаулық сақтау министрінің 2004 жылғы 21 қаңтардағы N 63 бұйрығымен бекітілген "Микробиология, вирусология және паразитология зертханаларының орналасуына және жұмыс істеу жағдайларына қойылатын санитарлық-эпидемиологиялық талаптар" санитарлық-эпидемиологиялық ережелер мен нормаларға (бұдан әрі - СанЕмН) сәйкес Орталық режимдік комиссияның рұқсаты бар ұйымдардың зертханаларында жүргізіледі.

      5. І-ІV патогенді топ қоздырғыштарымен жұмыс істеуші ұйымдарға микроорганизмдер коллекциясының келесі:
      1) республикалық коллекциясы;
      2) республикалық депозитарийлері;
      3) тірі өсінділер мұражайы (бұдан әрі - ТӨМ);
      4) институттардың, орталықтардың ғылыми коллекциялары;
      5) институттардың, орталықтардың, биокомбинаттардың өндірістік коллекциялары;
      6) диагностикалық зертханалардың коллекциялары жатады.

      6. Республикалық коллекция зерттелетін ПБА жолдамасын, бір орталықта есепке алуды, депонирлеу мен патенттеуді ұйымдастырушылық әрі ғылыми-ақпараттық қамтамасыз етуді жүзеге асыруға тиіс.

      7. Республикалық депозитарийлер иммунобиологиялық препараттар мен қоректік орталарды, өндірістік штамдарды, депонирленген және патенттелген штамдарды, референттік штамдарды, авторлық коллекцияларды, генетикалық өзгерген микроорганизмдерді, біріздендіру үшін алынған ПБА-ны стандарттау мен бақылау үшін Қазақстан мен шетелдердің шегінде әр түрлі объектілерден оқшауланған ПБА-ны сақтауды жүзеге асыруға тиіс.

      8. Министрліктің (ведомствоның) бұйрығымен ұйым басшысы өтінішінің негізінде, орталық режимдік комиссияның және республикалық коллекцияның (жолдама бойынша) келісуімен, ұйымның құрылымдық бөлімшелері ретінде, тағайындауға байланысты І-ІV патогенді топ қоздырғыштарымен жұмыс істеуге рұқсаты бар институттарда (ғылыми орталықтарда) және обаға қарсы күрес станцияларында ТӨМ құрылуға тиіс.

      9. ТӨМ-нің ұйымдастыру-штаттық құрылымын ТӨМ орындайтын жұмыстың міндеттері мен көлеміне сәйкес ұйымның басшысы анықтайды.

      10. ТӨМ-ге ұйымдастыру-әдістемелік басшылық етуді және бақылауды "Республикалық микроорганизмдер коллекциясы туралы" Қазақстан Республикасы Үкіметінің 2002 жылғы 30 шілдедегі N 850 қаулысына сәйкес зерттелетін жолдама бойынша республикалық коллекциялар жүзеге асырады.

      11. ТӨМ-де мыналар сақталуға тиіс:
      1) қоректік орталарды бақылау үшін тест-штамдар;
      2) ПБА-ның үлгілік штамдарының жинағы, соның ішінде жұмыс коллекциялары (авторлық), олардың тізбесі мен оларды пайдалану аспектісін Республикалық коллекция (зерттелетін жолдама бойынша) айқындайды және жыл сайын (ағымдағы жылдың 10 қаңтарына дейін) Орталық режимдік комиссия қорытындысының негізінде Қазақстан Республикасының Бас мемлекеттік санитарлық дәрігері бекітеді;
      3) Диагностикалық орталықтар мен зертханалардың ағымдағы жұмысында бөлінетін, алғашқы біріздендіруге және СанЕмН белгіленген тәртіппен тиісті Республикалық коллекцияларға жіберуге жататын ПБА. Қалған субтірі өсінділер жоюға жатады.

      12. Ғылыми коллекциялар институттардың (орталықтардың) базасында ұйымның функционалдық қызметіне сәйкес, ұйым басшысының бұйрығымен құрылуға тиіс. Ұйымның басшысы коллекциялық ПБА-мен жұмыс істеудің дұрыстығы үшін жауаптыны тағайындауға тиіс.

      13. Ғылыми коллекцияларда:
      1) ұйымдардың жекелеген бөлімшелерінің, зертханалардың, авторлардың ПБА штамдарының жұмыс коллекциялары;
      2) референттік штамдар;
      3) тест-штамдар сақталуға тиіс.

      14. Ғылыми коллекцияларда, институттарда (орталықтарда) сақтауға рұқсат етілетін ПБА тізімі жыл сайын (ағымдағы жылдың 10 қаңтарына дейін) республикалық коллекциямен (зерттелетін жолдама бойынша) келісіледі және оған Орталық режимдік комиссия қорытындысының негізінде Қазақстан Республикасының Бас мемлекеттік санитарлық дәрігерімен бекітіледі.

      15. Өндірістік коллекциялар өндірістік орталықтардың (өндірістік-ғылыми), биокомбинаттардың базасында құрылады.

      16. Өндірістік коллекцияларда:
      1) өндірістік штамдар;
      2) бақылаудағы штамдар сақталады.

      17. Дайын өнімді бақылауды жүзеге асыратын бөлімшелерде өнімді бақылау үшін қажетті микроорганизмдердің үлгілік штамдарының шектелген коллекциясы болуға тиіс. Үлгілік бақылаудағы штамдардың жинағы айқындалатын параметрлерге байланысты өзгереді.

      18. Диагностикалық зертханалардың коллекциялары диагностикалық зертханалардың базасында құрылады.

      19. Диагностикалық зертханаларда:
      1) қоректік орталарды бақылауға арналған;
      2) алғашқы біріздендіру және диагностикалық зертханалардың жоғары тұрған коллекциялары мен тірі өсінділер мұражайларына жіберуге арналған оқшауланған ПБА штамдарының жинағы сақталуға тиіс.

      20. Зертхананың меңгерушісі диагностикалық зертханалар коллекцияларын сақтау үшін жауапты болуға тиіс.

      21. Диагностикалық мақсаттар үшін пайдаланылатын, сондай-ақ вакциналық және өндірістік штамдар коллекциялық ретінде есепке алынуға тиіс.

      22. І-IY топтың өндірістік, эталонды ПБА штамдарын мекеме басшысының рұқсаты бойынша тек республикалық коллекцияларда, тест-штамдарды - республикалық коллекциялар мен ТӨМ-де алады.

      23. Республикалық коллекциялар мен ТӨМ-де алынған тірі өсінділер басқа мекемелерге берілмейді. Штамдар ғылыми зерттеулер аяқталғаннан кейін жойылады немесе СанЕмН-ге сәйкес сақталады.

      24. ПБА қозғалысын, СанЕмН талаптарының орындалуын өндірістік бақылауды жылына кемінде бір рет, қажетіне қарай - эпидемиологиялық айғақтар бойынша (осы санитарлық ережеге 2 -қосымшаға сәйкес) ұйымның режимдік комиссиясы жүзеге асыруға тиіс.

2. ПБА-ны есепке алуға қойылатын талаптар

      25. ПБА қозғалысы мен сақтауды бақылау СанЕмН-ге сәйкес жүзеге асырылады.

      26. Диагностикалық зертханалар барлық І-IY топ ПБА-сының бөлінуі туралы жоғары тұрған органдарға хабарлауға тиіс және 3 күннің ішінде оларды СанЕмН-де белгіленген тәртіппен тиісті зертханалар мен ТӨМ-ге жібереді, олар кейіннен бекітілген нысандағы паспорттарды ресімдей және індетке қарсы режимді сақтай отырып, оларды тиісті бейінді республикалық коллекцияларға жібереді.

      27. І-IY топ ПБА-сымен эксперименттік жұмыс жүргізуші бөлімшелерде СанЕмН 9 , 11 - 19 қосымшаларда және осы санитарлық ережеге 3 , 4 -қосымшаларда келтірілген нысандар бойынша есеп жүргізілуге тиіс.

      28. Ғылыми-зерттеу жұмыстарын орындаудың барысында алынған және ғылыми қызығушылық тудырушы ПБА варианттары осы санитарлық ережеге 5 -қосымшаға сәйкес есепке алынуға, ғылыми коллекцияларда сақталуға тиіс. Коллекциялық штамдарға берілген белгілер (нөмір, код) СанЕмН 112 -тармағына сәйкес жүргізілуге тиіс. Осындай принциппен бактериялық уыттар мен жануарлар уларын есепке алу жүргізілуге тиіс.

      29. Зерттеуші үшін қызығушылық тудырушы штамдар күзетуге жататын (патенттеу объектісі) немесе авторлық (депонирлеу объектісі) ретінде республикалық коллекцияларда (депозитарийлерде) сақталады. Оларға мүкәммал журналы (осы санитарлық ережеге 5-қосымша) бойынша код шифрі мен реттік нөмірі берілуге тиіс.

      30. Мұражайда сақталған микроорганизмдер туралы ақпарат үшін биохимиялық, серологиялық және басқа да штамдар қасиеттерінің сипаттамасы бар паспорт (осы санитарлық ережеге 6 -қосымша) толтырылуға тиіс.

      31. I-IY топ ПБА-сын есепке алу жөніндегі барлық журналдар СанЕмН 114 және 115 -тармақтарына сәйкес ресімделуге және оларды толтыру үшін жауапты адамда сақталуға тиіс. Штамдарды жою актімен құжатталады.

      32. Диагностикалық зертханаларда ПБА-ны бір орталықтан есепке алу мынадай сызба бойынша жүзеге асырылады: зертхананың (зертханалардың) меңгерушісі ұйымның басшысына кейіннен жоғары тұрған органға жиынтық есеп жасай отырып, осы санитарлық ережеге 7 , 8 -қосымшаларда көрсетілген нысандар бойынша ПБА-ның болуы және қозғалысы туралы тоқсан сайын (тоқсан аяғының 25 күніне дейін) мәліметтер береді.

      33. Республикалық коллекцияларда (депозитарийлерде), ТӨМ-де, ғылыми және өндірістік орталықтарда жылдық есеп жасала отырып, ПБА-ны тоқсан сайын нысандар бойынша (санитарлық ережеге 7, 8-қосымшалар) бір орталықтан есепке алу мына сызба бойынша (әрбір айдың 5 күніне дейін) жүзеге асырылуға тиіс:
      1) тоқсан сайын (әрбір жаңа тоқсанның 1 күніне дейін) коллекцияны сақтау үшін жауапты адам (жұмысшы, зертхана мен бөлім коллекциясы) коллекция немесе ТӨМ меңгерушісіне және институттың (орталықтың) режимдік комиссиясына осы санитарлық ережеге 8, 9-қосымшаларда көрсетілген нысандар бойынша ПБА-ның болуы туралы мәліметтер беруге тиіс;
      2) коллекция (ТӨМ) меңгерушісі (жауапты) ұйымның басшысына институт (орталық) коллекциясы туралы жиынтық есеп пен мәліметтер береді;
      3) диагностикалық зертханалардың коллекциялары жоғары тұрған органға есеп береді, ол жиынтық есеп жасайды және оны тиісті бейіндегі республикалық коллекцияға береді;
      4) республикалық депозитарийлер, ТӨМ, өндірістік және ғылыми коллекциялар тиісті бейіндегі республикалық коллекцияға есеп беруге тиіс;
      5) республикалық коллекциялар министрліктің (ведомствоның) тиісті бейініне және Қазақстан Республикасының Бас мемлекеттік санитарлық дәрігеріне жиынтық есеп беруге тиіс.

3. ПБА-ны сақтау, беру және тасымалдау

      34. ПБА мен уыттар бар ыдыстар СанЕмН 116 , 117 , 118 , 119 -тармақтарына сәйкес ресімделуге және сақталуға тиіс.

      35. Бактерияларды, риккетсияларды, вирустарды, грибоктарды, қарапайымдыларды жұқтырған жануарлар жабылатын үй-жайларда жеке (шыны банкілерде, торларда) ұсталуға тиіс.

      36. І-IY тобының тірі өсінділері бар тоңазытқыштар, шкафтар мен термостаттар жабылуға, ал жұмыс күнінің аяғында пломбылануға немесе мөрленуге тиіс. Кілттер, пломбылаушылар мен мөрлер зертхана меңгерушісінде сақталуға тиіс. Жұмыс жүргізілетін және І-ІІ топ тірі өсінділері сақталатын зертханаларда кіреберіс есіктер құлыппен жабылып, пломбыланып немесе мөрленуге тиіс, кілттер қол қоюмен мекеме бойынша кезекшіге тапсырылады.

      37. Тірі өсінділерді қайта себу кезінде СанЕмН ережесі сақталуға тиіс.

      38. І-IY топ штамдарын мекеменің ішінде босату (беру) СанЕмН 120 -тармағына сәйкес жүргізіледі.

      39. Қоздырғыштарды беру СанЕмН 121 -тармағына сәйкес және ерекшелендірілген коллекция журналында жазумен ресімделуге тиіс.

      40. І-ІІ қоздырғыштарды және ІІІ-IY топ коллекциялық штамдарын сақтау үшін жауапты қызметкер уақытша болмаған (демалыс, іссапар, науқастану) жағдайда, ұйым (бөлімше) басшысының рұқсатымен акті бойынша қайта себу құқығымен немесе құқығысыз тірі өсінділер берілетін адам болып табылады және журналда (осы санитарлық ережеге 5-қосымшаға) тіркеледі.

      41. Ел ішінде ПБА-ны ұйымнан тыс беру және тасымалдау СанЕмН 9-тарауы 122 - 131 -тармақтарына сәйкес жүргізіледі.

      42. Шетелге ПБА-ны беру (алу) және тасымалдау СанЕмН 9-тарауы 132 - 137 -тармақтарына сәйкес жүргізіледі.

4. Бақылауды ұйымдастыру

      43. Өндірістік бақылауды жүргізу үшін ұйымдардың басшылары тұрақты немесе уақытша негізде І-ІІ топ ПБА-сымен жұмыс істеу тәжірибесі бар ұйым мамандарынан тұратын режимдік комиссиялар құруға тиіс.

      44. І-IY топ ПБА-ларымен жұмысты орындаушы ұйымдарда осы санитарлық ереженің сақталуын тұрақты өндірістік бақылауды жылына кемінде бір рет, қажетіне қарай - эпидемиологиялық айғақтар бойынша, олардың орындалуын міндетті түрде тексере отырып, режимдік комиссия жүзеге асырады.

                                         "І-ІV патогенді топтар
                                       микроорганизмдерімен жұмыс
                                       істеу жағдайына қойылатын
                                      санитарлық-эпидемиологиялық
                                         талаптар" санитарлық-
                                       эпидемиологиялық ережесі
                                       мен нормаларына 1-қосымша

           Патогенді топтар бойынша адам үшін патогенді
               микроорганизмдердің жіктемесі

            Патогенді топтар бойынша жануарлар үшін
          патогенді микроорганизмдердің жіктемесі

      Ескерту:
      1. I-II топтағы қоздырғыштардың уыттылық күші әлсіреген штамдары III патогендік тобының микроорганизмдеріне жатады. III-I топты уыттылық күші әлсіреген штамдар I патогендік тобының микроорганизмдеріне жатады.
      2. Жұқтырушыларды: адамды, жылықанды жануарды, тасымалдаушыларды, қоршаған орта объектілерін сыртқы ортаны I-IV¶ топтардағы микроорганизмдерден туындайтын адамдар мен жануарлар ауруларының көздері ретінде есептеу керек.

"І-ІV патогенді топтар   
микроорганизмдерімен жұмыс 
істеу жағдайына қойылатын 
санитарлық-эпидемиологиялық 
талаптар" санитарлық-    
эпидемиологиялық ережесі  
мен нормаларына 2-қосымша 

Ұйымдарда биологиялық қауіпсіздік талаптарының
сақталуын бақылау жөніндегі комиссия туралы ереже

      1. Ұйымдарда биологиялық қауіпсіздік талаптарының сақталуын бақылау жөніндегі комиссия (бұдан әрі - режимдік комиссия) диагностикалық, ғылыми және өндірістік зертханаларда биологиялық материалмен жұмыс жүргізудің тәртібін бақылайтын атқарушы-консультативтік орган болып табылады.
      2. Биологиялық қауіпсіздік талаптарының сақталуын бақылау жөніндегі комиссияның жұмысын Қазақстан Республикасы Денсаулық сақтау министрлігінің Орталық режимдік комиссиясы басқарады.
      3. Комиссия олардың базасында I-III патогенді топтың биологиялық материалмен кез келген жұмыс (диагностикалық зерттеу, өндірістік) түрлерін жүргізетін мекемелерде (кәсіпорындарда) құрылады.
      4. Құрамында биологиялық материалмен жұмыс қауіпсіздігі мәселелерінде құзыретті кемінде 3-5 адам бар комиссияны мекеменің басшысы 50 жыл мерзімге тағайындайды.
      5. Комиссия төрағасы етіп мекеме басшысының эпидемиологиялық мәселелер (ғылым) жөніндегі орынбасарын немесе тиісті білімі мен жұмыс тәжірибесі бар маманды тағайындайды.
      6. Комиссия өз қызметінде Қазақстан Республикасының нормативтік құқықтық актілерді мемлекеттік тіркеу тізілімінде N 2692 тіркелген Қазақстан Республикасы Денсаулық сақтау министрінің 2004 жылғы 21 қаңтардағы N 63 бұйрығымен бекітілген "Микробиология, вирусология және паразитология зертханаларының орналасуына және жұмыс істеу жағдайларына қойылатын санитарлық-эпидемиологиялық талаптар" санитарлық-эпидемиологиялық ережелері мен нормаларын және биологиялық қауіпсіздікті қамтамасыз ету жөніндегі өзге де нормативтік құжаттарды және мекеме басшының нұсқауларын басшылыққа алады.
      7. Комиссия әдістемелік мәселелер бойынша мекеме басшысына және оның ғылыми жұмыс жөніндегі, биологиялық материалмен жұмыс істеу қауіпсіздігінің жай-күйі үшін жауапты орынбасарына бағынады.
      8. Обаға қарсы күрес станцияларының режимдік комиссиясы - М. Айқымбаев атындағы Қазақ карантиндік және зооноздық жұқпалар ғылыми орталығының және Қазақстан Республикасы Денсаулық сақтау министрлігінің Орталық режимдік комиссияларына бағынады.
      9. Басқа ұйымдардың режимдік комиссияларын - Орталық режимдік комиссия бақылайды.
      10. Диагностикалық, зерттеу және өндірістік жұмыстар жүргізу кезінде биологиялық материалмен жұмыс қауіпсіздігін қамтамасыз ету мақсатында комиссия мынадай міндеттерді шешеді:
      1) мекемеде биологиялық қауіпсіздікті қамтамасыз етудің регламенттелген тәртібінің сақталуын тұрақты бақылауды ұйымдастыру және жүргізу;
      2) авариялық ахуалдың алдын алуға және олардың салдарын жоюға бағытталған іс-шаралар кешенін ұйымдастыру және жүргізу;
      3) персоналдың жұқпалы материалмен жұмыс істеуге дайындығын бақылау және денсаулық жағдайын қадағалауды ұйымдастыру;
      4) тиісті нормативтік құжаттар талаптарының, сондай-ақ мекеме басшысы өкімдерінің (бұйрықтарының) және мекеме комиссиясы ұсыныстарының орындалуын бақылауды жүзеге асырады;
      5) биологиялық қауіпсіздік жай-күйін талдауды жүргізу және оларды жетілдіру жөніндегі шаралар кешенін әзірлейді;
      6) биологиялық қауіпсіздік жөніндегі мәселелері жөніндегі есептік және басқа да құжаттаманы дайындайды.
      11. Оған жүктелген міндеттерге сәйкес комиссия мынадай іс-шаралар кешенін жүргізеді:
      1) биологиялық қауіпсіздікті қамтамасыз етудің регламенттелген тәртібінің орындалуын жыл сайын жоспарлы және жоспардан тыс мерзімдік бақылауды жүзеге асырады;
      2) персоналды уақтылы диспансерлеуді бақылауды жүзеге асырады, иммундық профилактиканың регламенттелген тәртібін бақылайды, антибиотиктерге аса сезімтал және вакциналауға қарсы айғақтары бар адамдарды есепке алуды жүргізеді;
      3) биологиялық материалмен жұмыс істеу кезінде авария жағдайында мекеменің басшысына оның салдарын жою жөніндегі іс-шаралардың жоспарын әзірлейді және ұсынады;
      4) белгіленген қауіпсіздік ережелерінің, оның алғы шарттарының, бұзылуын, авариялар себептерін талдауды жүргізеді және мекеме басшысына биологиялық қауіпсіздік жүйесінің тиімділігін арттыру жөніндегі іс-шаралардың жоспарын ұсынады;
      5) биологиялық қауіпті материалмен жұмыс істеуге рұқсат алу (ұзарту) үшін қажетті құжаттаманы ресімдейді;
      6) биологиялық қауіпті материалмен жұмыс істейтін персоналдың биологиялық қауіпсіздігін сақтау мәселелері жөніндегі білімді тексеруді жүргізеді;
      7) қызметкерлердің белгіленген бару тәртібін бақылайды;
      8) комиссияның жұмыс туралы есебін дайындайды және оны қадағалау функцияларын жүзеге асырушы мекемеге ұсынады;
      9) мекеме басшысы бекіткен жұмыс жоспарын және қажеттігі оның міндеттерімен және функцияларымен анықталатын өзге де құжаттарды жасайды.
      12. Өз міндеттерін тиімді іске асыру мақсатында комиссия:
      1) бөлімшелердің басшылары мен жекелеген адамдардың биологиялық қауіпсіздік ережелерін міндетті түрде орындауын үйлестіреді;
      2) мекеме басшының алдында болған бұзушылықты жою туралы өтініш жасайды;
      3) өзіндік немесе басқа да білікті мамандарды тарта отырып, мекемеде биологиялық қауіпсіздік ережелерінің сақталуын жоспарлы және жоспардан тыс тексеруді жүргізеді;
      4) биологиялық қауіпсіздік ережелерінің орындалуы мүмкін болмаған жағдайда немесе оларды бұзған жағдайда биологиялық қауіпті материалмен жұмысты тоқтата тұру туралы мекеме басшысына өтініш жасайды;
      5) биологиялық қауіпсіздіктің тиісті деңгейін қамтамасыз етпейтін жаңа зертханалық әдістемелерді, жабдықтардың түрін, дезинфектанттар мен т.с.с. пайдалануды немесе тыйым салуды тоқтату туралы рұқсат берген мекеменің алдында дәлелденген өтініш жасайды;
      6) комиссия отырыстарында бөлімше басшыларын, мекеме қызметкерлерін тыңдайды.

                                         "І-ІV патогенді топтар
                                       микроорганизмдерімен жұмыс
                                       істеу жағдайына қойылатын
                                      санитарлық-эпидемиологиялық
                                         талаптар" санитарлық-
                                       эпидемиологиялық ережесі
                                       мен нормаларына 3-қосымша

        Жұмыс коллекциясындағы ПБА-ны есепке алу журналы

Бастапқы есепке алу құжаттамасы
Мекеменің атауы ___________________________________________________
Бөлімнің, бөлімшенің атауы ________________________________________
Зертхананың атауы _________________________________________________
Уақытша құрылымның атауы __________________________________________
Сақтау мерзімі 3 жыл  __________________________________  -ға дейін
басталды __________________________________________________________
аяқталды __________________________________________________________

      Ескерту: Баспахана үшін құжат А4 форматында 96 бетте
дайындалады.

                                         "І-ІV патогенді топтар
                                       микроорганизмдерімен жұмыс
                                       істеу жағдайына қойылатын
                                      санитарлық-эпидемиологиялық
                                         талаптар" санитарлық-
                                       эпидемиологиялық ережесі
                                       мен нормаларына 4-қосымша

          I-I¶топтағы патогенді биологиялық агенттерді
               уақытша сақтауға тіркеу журналы

Бастапқы есепке алу құжаттамасы
Мекеменің атауы ___________________________________________________
Бөлімнің, бөлімшенің атауы ________________________________________
Зертхананың атауы _________________________________________________
Уақытша құрылымның атауы __________________________________________
Сақтау мерзімі 3 жыл  __________________________________  -ға дейін
басталды __________________________________________________________
аяқталды __________________________________________________________

                                         "І-ІV патогенді топтар
                                       микроорганизмдерімен жұмыс
                                       істеу жағдайына қойылатын
                                      санитарлық-эпидемиологиялық
                                         талаптар" санитарлық-
                                       эпидемиологиялық ережесі
                                       мен нормаларына 5-қосымша

        Депонирлендірілген ПБА штамдарын тіркеу журналы

Бастапқы есепке алу құжаттамасы
Мекеменің атауы ____________________________________________________
Бөлімнің, бөлімшенің атауы _________________________________________
Зертхананың атауы __________________________________________________
Уақытша құрылымның атауы ___________________________________________
Сақтау мерзімі 3 жыл    ___________________________________-ға дейін
басталды____________________________________________________________
аяқталды____________________________________________________________

                                         "І-ІV патогенді топтар
                                       микроорганизмдерімен жұмыс
                                       істеу жағдайына қойылатын
                                      санитарлық-эпидемиологиялық
                                         талаптар" санитарлық-
                                       эпидемиологиялық ережесі
                                       мен нормаларына 6-қосымша

     Коллекциялық ПБА штамының жеке карточкасының N ________

Бастапқы есепке алу құжаттамасы
Биологиялық патогеннің атауы________________________________________
Мүккәммал кітабы бойынша N _________________________________________
Бөліну объектісі мен күні___________________________________________
Бөліну орны_________________________________________________________

Ескерту:
2, 3, 4, 5, 6-бағандарды биологиялық патогеннің түрлері мен ерекшеліктеріне қарай проблема бойынша басты институт таңдайды және толтырады.

                                         "І-ІV патогенді топтар
                                       микроорганизмдерімен жұмыс
                                       істеу жағдайына қойылатын
                                      санитарлық-эпидемиологиялық
                                         талаптар" санитарлық-
                                       эпидемиологиялық ережесі
                                       мен нормаларына 7-қосымша

                      ______________________
                             (ұйымның)
             микроорганизмдер коллекциясындағы ПБА
                   қозғалысы туралы мәліметтер

                                         "І-ІV патогенді топтар
                                       микроорганизмдерімен жұмыс
                                       істеу жағдайына қойылатын
                                      санитарлық-эпидемиологиялық
                                         талаптар" санитарлық-
                                       эпидемиологиялық ережесі
                                       мен нормаларына 8-қосымша

                         _______________________
                                (ұйымның)
                  микроорганизмдер коллекциясында ПБА-ның
                          болуы туралы мәліметтер