Ескерту. Күші жойылды - ҚР Білім және ғылым министрінің 04.07.2013 № 258 бұйрығымен (алғаш рет ресми жарияланғаннан кейін күнтізбелік он күн өткен соң қолданысқа енгізіледі).

      "Кемтар балаларды әлеуметтік және медициналық-педагогикалық түзеу арқылы қолдау туралы" Қазақстан Республикасы Заңының 6-бабының 4-тармағын iске асыру мақсатында бұйырамын:
      1. Қоса берiлiп отырған арнайы бiлiм беру ұйымдарының үлгiлерi мен түрлерiнiң тiзбесi, арнайы бiлiм алуға мұқтаж адамдарға арналған бiлiм беру ұйымдарындағы қажеттi орын саны бекiтiлсiн.
      2. Жалпы орта бiлiм департаментi (С.Ырсалиев) осы бұйрықты белгiленген тәртiппен Қазақстан Республикасының Әдiлет министрлiгiне мемлекеттiк тiркеуге ұсынсын.
      3. Облыстық, Астана және Алматы қалаларының бiлiм басқармалары (департаменттерi) осы бұйрықты барлық аудандық, қалалық бiлiм бөлiмдерi мен бiлiм беру ұйымдарына жеткiзсiн.
      4. Осы бұйрықтың орындалуын бақылау вице-министр Қ.Н.Шәмшидиноваға жүктелсiн.

      Министрдің
      мiндетiн атқарушы

Қазақстан Республикасының        
  Бiлiм және ғылым министрлігінің      
2003 жылғы 29 қарашадағы          
N 787 бұйрығымен бекiтiлген         
"Арнайы бiлiм беру ұйымдарының үлгілерi 
мен түрлерiнің тiзбесiн, арнайы бiлiм  
алуға мұқтаж адамдарға арналған білiм  
беру ұйымдарындағы қажетті орын санын  
бекіту туралы"              

  Арнайы білім беру ұйымдарының үлгiлерi мен
түрлерiнiң тiзбесi, арнайы бiлiм алуға мұқтаж
адамдарға арналған бiлiм беру ұйымдарындағы
қажеттi орын саны 1. Арнайы білім беру ұйымдарының үлгiлерi

      1. "Кемтар балаларды әлеуметтiк және медициналық-педагогикалық түзету арқылы қолдау туралы" Қазақстан Республикасы Заңының 6-бабының 4-тармағын iске асыру мақсатында, арнайы бiлiм алуды қажет ететiн адамдар үшiн мынадай арнайы түзету ұйымдары белгiленедi:
      1) мектепке дейiнгi бiлiм беру мен тәрбиелеу түзету ұйымдары (орнын толтыру);
      2) түзету білім беру ұйымдары;
      3) кәсiптiк бастауыш және кәсiптiк орта бiлiм берудiң түзету ұйымдары;
      4) арнайы бiлiм беру ұйымдары.
      5) жетiм және ата-аналарының қамқорлығынсыз қалған кемтар балаларға арналған арнайы бiлiм беру ұйымдары.

  2. Арнайы білім беру ұйымдарының түрлерi,
арнайы бiлiм алуға мұқтаж адамдарға арналған
білім беру ұйымдарындағы қажеттi орын саны

      2. Орын саны арнайы бiлiм алуды қажет ететiн адамдардың психофизикалық дамуының кемiстiгi мен жастарына (3 жастан және 3 жастан жоғары) сәйкес, мектепке дейiнгi арнайы түзету ұйымдарының түрлерi:
      1) балалар яслиiнде;
      2) мүмкiншілiктерi шектелген балаларға арналған балабақша:
      өте ауыр тiл кемiстiгi бар балалар үшiн:
      3 жасқа дейiнгілер - 10 баладан;
      3 жастан жоғарылар - 12 баладан;
      естiмейтін (саңырау) балалар үшiн:
      жасына қарай екi топта - 8 баладан;
      нашар еститiн балалар үшiн:
      3 жасқа дейiнгiлер - 10 баладан;
      3 жастан жоғарылар - 12 баладан;
      көрмейтiн (зағип) балалар үшiн:
      жасына қарай екi топта - 10 баладан;
      нашар көретiн балалар үшiн, амблиопиялы, қыли көздi балалар үшін:
      3 жасқа дейiнгiлер - 10 баладан;
      3 жастан жоғарылар - 15 баладан;
      тiрек-қимылдық аппараты бұзылған балалар үшiн:
      3 жасқа дейiнгiлер - 10 баладан;
      3 жастан жоғарылар - 12 баладан;
      интеллектi бұзылған (ақыл-есi кем):
      3 жасқа дейiнгiлер - 6 баладан;
      3 жастан жоғарылар - 10 баладан;
      психикалық дамуы баяулаған:
      3 жасқа дейiнгілер - 6 баладан;
      3 жастан жоғарылар - 10 баладан кем емес;
      күрделi кемiстiктермен:
      жастарына қарай екi топта - 8 баладан аспауы керек;
      3) жалпы дамыту мен түзету функцияларын бiрiктiрген, бiрiктiрілген балабақша (балалар яслиiнде);
      4) денi сау балалар мен кемтар балалар және дамуы дұрыс балаларды бiрiктiріп тәрбиелеу мен оқытуға арналған жалпы дамытатын жалпы типтес балабақша (балалар яслиi).
       Ескерту. 2-тармаққа өзгертулер енгізілді - ҚР Білім және ғылым министрінің 20.04.2006 N 202 бұйрығымен.

      3. Кемтар балаларға арналған сынып (топ) сыйымдылығымен арнайы түзету бiлiм беру ұйымдарының түрлерi:
      1) көру қабiлеттерi бұзылған балаларға арналған арнайы (түзету) ұйым:
      зағип - 8 адамнан;
      нашар көретiндер мен кейiн зағип болғандар - 12 баладан аспауы керек;
      2) есту қабiлетi бұзылған балаларға арналған арнайы (түзету) ұйым:
      естiмейтiндер үшiн - 8 баладан;
      екi бөлiмнен тұратын нашар еститiндер мен кейiн саңырау болған балалар үшiн;
      I бөлiмше - 10 баладан;
      ІІ бөлiмше - 8 баладан аспауы керек;
      3) екi бөлiмнен тұратын өте ауыр тiл кемiстiгi бар балаларға арналған арнайы ұйым:
      I бөлiмше - 12 баладан;
      II бөлiмше - 10 баладан аспауы керек;
      4) тiрек-қимыл аппараты бұзылған арнайы (түзету) ұйым - 10 баладан кем емес;
      5) психикалық дамуы тежелген балаларға арналған арнайы (түзету) ұйым - 12 баладан;
      6) ақыл-eci кем (ой-өрiсi дамуы бұзылған) балаларға арналған арнайы (түзету) ұйым - 12 баладан;
      7) эмоциялық-ерiк-жiгерi бұзылғандарға арналған арнайы (түзету) ұйым - 10 баладан;
      8) кемiстiк құрылымы күрделi балаларға арналған арнайы (түзету) ұйым - 6 баладан аспауы керек;
      9) жалпы білім беретін сыныптармен қатар әртүрлі санаттағы мүмкіндіктері шектеулі балаларға арналған сыныптар ашылған жалпы білім беретін мектептер мен мүмкіндіктері шектеулі балаларға арналған (арнайы сыныптар) арнайы (түзеу) мектептердің қызметін қоса атқаратын біріктірілген білім беру ұйымдары;
      арнайы сыныптардың сыйымдылығы әртүрлі санаттағы мүмкіндіктері шектеулі балаларға арналған арнайы (түзеу) білім беру ұйымдары сыныптарының толықтырылуына сәйкес белгіленеді;
      10) дені сау балалар мен мүмкіндіктері шектеулі балаларды біріктіріп оқытуға арналған инклюзивтік білім беру ұйымдары;
      инклюзивтік сыныптағы мүмкіндіктері шектеулі балалардың саны 3 адамнан артық болмайды.
       Ескерту. 3-тармаққа өзгертулер енгізілді - ҚР Білім және ғылым министрінің 20.04.2006 N 202 бұйрығымен.

      4. Бастауыш кәсiптiк және орта кәсiптiк бiлiм берудің арнайы топ сыйымдылығы 8 баладан аспайтын түзету ұйымдарының түрлерi:
      1) кәсiптiк бастауыш мектеп;
      2) мүмкiншілiктерi шектелген балаларға арналған кәсiптiк бастауыш (арнайы) мектеп.

      5. Арнайы бiлiм беру ұйымдарының түрлерi:
      1) психологиялық-медициналық-педагогикалық консультациялар (60 мың бала халқына бiр консультация);
      2) оңалту орталығы (республикалық және облыс деңгейiндегi қалаларда) мұғалім-дефектологтың (олигофренопедагогтың, сурдопедагогтың, тифлопедагогтың), дене шынықтыру педагогінің, мұғалім психологтың ставкасына балаларға арналған топтардың мынадай толықтыруларымен:
      естімейтін (саңырау) және нашар еститіндердің саны - 10 адамнан;
      көрмейтін (зағип) және нашар көретіндердің саны - 10 адамнан;
      өте ауыр тіл кемістігі бар балалардың саны - 12 адамнан;
      тірек-қимыл аппараты бұзылған:
      кемістік деңгейі күрделі балалардың саны - 6 адамнан;
      орташа және жеңіл кемістігі бар балалардың саны - 10 адамнан;
      ой-өрісі дамуы бұзылған:
      психикалық дамуы тежелген балалардың саны - 10 адамнан;
      жеңіл және біртоға ақыл-есі кемістігі бар балалардың саны - 10 баладан;
      ауыр және күрделі ақыл-есі кемістігі бар балалардың саны - 8 баладан;
      күрделі кемістігі бар балалардың саны - 6 баладан аспауы керек;
      3) психологиялық-педагогикалық түзету кабинеттерi (аудан орталықтарында);
      4) әртүрлі ауызша және жазбаша тіл кемістігі бар 25 балаға арналған мектепке дейінгі ұйымдар немесе жалпы білім беретін мектептердің жанындағы логопедтік пункт.
       Ескерту. 5-тармаққа өзгертулер енгізілді - ҚР Білім және ғылым министрінің 20.04.2006 N 202 бұйрығымен.

      6. Жетiм және ата-аналарының қамқорлығынсыз қалған кемтар балалар үшiн арнайы білiм беру ұйымдарының түрлерi:
      кемтар балаларға арналған балалар үйi (әр түрлi категориядағы балалар үшiн);
      жалпы типтiк балалар үйi мен кемтар балаларға арналған балалар үйiнің функцияларын бiрiктiрген, бiрлескен балалар үйi.