Елiмiздiң халқын мемлекеттiк әлеуметтiк кепiлдiктермен қамтамасыз ету мақсатында қаулы етемiн: 
      1. Мемлекеттiк бюджет есебiнен ұсталатын ұйымдардың қызметкерлерiнiң орташа жылдық есеппен нақты жалақысын 1996 жылдың iшiнде арттыру жүзеге асырылады. 
      2. Орташа жылдық есеппен алынған зейнетақылар мен жәрдемақылар мынадай мөлшерде арттырылсын: 
      зейнетақылар - кемiнде 1,7 есе; 
      жұмыссыздық жөнiндегi жәрдемақылар - кемiнде 1,5 есе; 
      басқа да жәрдемақылар - кемiнде 1,6 есе. 
      3. Қазақстан Республикасының Үкiметi, облыстардың, қалалар мен аудандардың әкiмдерi: 
      1996 жылға арналған республикалық және жергiлiктi бюджеттерде осы мақсатқа қажеттi қаржы бөлудi көздейтiн болсын; 
      халықтың әл-ауқаты мен жiктерiне нақты бағыттарға әлеуметтiк көмектiң тиiмдiлiгiн арттырсын. 
      4. Қазақстан Республикасының Үкiметi: 
      1996 жылдың 1 қаңтарына дейiн: 
      халқының орташа жылдық мөлшерiн кезең-кезеңiмен екi есе арттыру принципi басшылыққа алынып, Бiрыңғай тариф жүйесiне сәйкес мемлекеттiк бюджет есебiнен ұсталатын ұйымдардың қызметкерлерiнiң еңбегiне ақы төлеу жүйесiн әзiрлеп, бекiтсiн; 
      мемлекеттiк бюджет есебiнен ұсталатын ұйымдардың құрылымын оңтайлы ету, штаттарын ретке келтiру, үнем тәртiбiн қайталау, оларды ұстау және қызметiнiң нормалары мен шарттарын жетiлдiру жүргiзiлсiн; 
      1966 жылдың 1 ақпанына дейiн: 
      зейнетақылардың мөлшерiн арттыру мақсатында мемлекеттiк зейнетақымен қамтамасыз етудi реформалау жөнiнде ұсыныстар енгiзсiн. 

      Қазақстан Республикасының
      Президентi