Күші жойылды - Батыс Қазақстан облысы әкімдігінің 18.11.2014 № 305 қаулысымен.

      Қазақстан Республикасының "Қазақстан Республикасындағы жергілікті мемлекеттік басқару туралы" 2001 жылғы 23 қаңтардағы N 148 Заңын басшылыққа ала отырып, "Қазақстан Республикасында мүгедектерді әлеуметтік қорғау туралы" Қазақстан Республикасының  Заңын іске асыру мақсатында әкімдік ҚАУЛЫ ЕТЕДІ:
      Ескерту. Кіріспеге өзгерту енгізілді - Батыс Қазақстан облыс әкімдігінің 2006.04.07 N 123 Қаулысымен.
      1. Аудандардың және Орал қаласының әкімдері: 
      1) жергілікті бюджеттің мүмкіндігіне сүйене отырып, мүгедек балалары бар, оларды үйде тәрбиелеп және оқытып отырған ата-аналардың біріне не оларды ауыстырушыларға материалдық көмек көрсету мақсатында ең кемі айлық 3 есептік көрсеткіш мөлшерінде ай сайынғы материалдық көмек белгіленсін. Жәрдемақы тағайындауды тоқсанда жүргізсін және оны психологиялық-медициналық-педагогикалық кеңес беру анықтамасы болған жағдайда ай сайын төлесін.
      Ескерту. 1 тармақшаға өзгерту енгізілді - Батыс Қазақстан облыс әкімдігінің 2006.04.07 N 123 Қаулысымен.
      2) аталған материалдық көмекті тағайындау 2002 жылдың 1 қаңтарынан бастап жүргізілсін.
      2. Осы қаулының орындалуын бақылау облыс әкімінің орынбасары Ш. Ә. Өтемісовке жүктелсін.
      Ескерту: 2 тармаққа өзгерту енгізілді - Батыс Қазақстан облыс әкімдігінің 2006.04.07 N 123 Қаулысымен.

       Облыс әкімі