Күтпеген жағдаяттар пайда болған ретте, Қазақстан Республикасының негiзгi егiн егетiн аймақтарын тұқыммен қамтамасыз ету үшiн қажеттi тұқымдық астықтың мемлекеттiк ресурстарын қалыптастыру мақсатында Қазақстан Республикасының Үкiметi қаулы етеді:
1. "1999 жылдың егiс науқанын тұқымдық астықпен тауарлық несиелендiру туралы" Қазақстан Республикасы Үкiметiнiң 1999 жылғы 31 наурыздағы N 341 P990341_ қаулысына (бұдан әрi - N 341 қаулы) сәйкес "Ауыл шаруашылығын қаржылай қолдау қоры" жабық акционерлiк қоғамынан (бұдан әрi - Қоғам) тұқымдық астықты қарызға алған облыстардың әкiмдерi қарызға алынған астықты N 341 қаулыда белгiленген мерзiмнен кешiктiрмей қайтаруды камтамасыз етсiн.
2. Қоғамға:
1) облыс әкiмдерiнiң астықты (N 341 қаулының негiзiнде қарызға алынған) тұқымдық астықпен немесе ақшамен қайтару жөнiнде мүмкiндiгі болмаған жағдайда, кейiннен оны "Азық-түлiк келiсiмшарт корпорациясы" жабық акционерлiк қоғамымен (бұдан әрi - Азық-түлiк корпорациясы) келiсiлген элеваторларға орналастыру арқылы, олардан тауарлы астықты 70 (жетпiс) АҚШ долларына баламды баға бойынша қабылдау;
2) заңдарда белгiленген тәртiппен облыс әкiмдерiнен N 341 қаулыға сәйкес қарызға алынған тұқымдық астықты қайтару ретiнде түскен тұқымдық астықты (оның iшiнде тауарлы астықты да) Азық-түлiк корпорациясына сенiмдi басқаруға беру ұсынылсын.
3. Қазақстан Республикасының Ауыл шаруашылығы министрлiгi заңдарда
белгiленген тәртiппен Қоғам мен Азық-түлiк корпорациясының қатысуымен:
1) 2000 жылдың 1 қаңтарына дейiн заттай нысанда 100 (жүз) мың
тонна көлемде тұқымдық астықтың мемлекеттiк ресурстарын қалыптастыруды
қамтамасыз етсiн;
2)
ЕСКЕРТУ. Кіріспедегі және 3-ші тармақтың 1) тармақшасындағы сөздер
ауыстырылды, 2) тармақшасы алынып тасталды - ҚР Үкіметінің
1999.09.30. N 1506 қаулысымен.
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Қобдалиева Н.
Қасымбеков Б.
