Республикалық бюджеттiң қаражаты есебiнен негiзгi тапсырысшы - Қазақстан Республикасының Президентi Iс басқармасының объектiлерi бойынша күрделi салымдарды қаржыландыру көлемдерiн жедел басқарудың қажеттiлiгiне байланысты Қазақстан Республикасының Үкiметi қаулы етедi:
      "1998 жылы Ақмола қаласын дамытудың бiрiншi кезектегi объектiлерiнiң құрылысы туралы" Қазақстан Республикасы Үкiметiнiң 1998 жылғы 10 ақпандағы N 91 P980091_ қаулысына мынадай толықтыру енгiзiлсiн:
      6-тармақ мынадай мазмұндағы екiншi абзацпен толықтырылсын:
      "Қазақстан Республикасы Президентiнiң Iс басқармасына 1998 жылдың iшiнде ол тапсырысшы болатын, Астана қаласын дамытудың бiрiншi кезектегi объектiлерiнiң тiзбесiне кiргiзiлген, республикалық бюджеттiң қаражаты есебiнен қаржыландырылатын объектiлердiң арасында қаржыландырудың көлемдерiн олардың құрылысты қаржыландыруының жалпы жылдық көлемiнiң шегiнде қайта бөлуге рұқсат етiлсiн".
 

     Қазақстан Республикасының

         Премьер-Министрi