Қазақстан Республикасының Үкiметi қаулы етедi:
      "Қазақстан Республикасының Еңбек және халықты әлеуметтiк қорғау министрлiгi туралы ереженi бекiту туралы" Қазақстан Республикасы Үкiметiнiң 1997 жылғы 3 наурыздағы N 290 P970290_ қаулысына (Қазақстан Республикасының ПҮАЖ-ы, 1997 ж., N 10, 71-құжат) мынадай өзгерiстер енгiзiлсiн:
      осы қаулымен бекiтiлген Қазақстан Республикасының Еңбек және халықты әлеуметтiк қорғау министрлiгi туралы ережеде:
      5-тармақтың 5-тармақшасы мынадай редакцияда жазылсын:
      "5) еңбектi қорғау жөнiндегi ережелер мен нормаларды, сондай-ақ еңбектi қорғау жөнiндегi жұмыстарды жүргiзуге қойылатын ұйымдастыру-әдiстемелiк және жалпы техникалық талаптарды;
      еңбек жөнiндегi нормаларды, Жұмысшылардың жұмыстары мен кәсiптерiнiң бiрыңғай тарифтiк-бiлiктiлiк анықтамалығын (БТБА), Қызметшiлер лауазымдарының бiлiктiлiк анықтамалығын (БА), Жұмысшылар кәсiптерiнiң және қызметшiлер лауазымдарының жiктегiшi (ҚДЖ), ұйымдастыру, нормалау және еңбек ақы төлеу мәселелер жөнiндегi нұсқаулықтарды өз құзыретiнiң шегiнде белгiлеу және бекiту".
 

     Қазақстан Республикасының

          Премьер-Министрi