"Лицензиялау туралы" Қазақстан Республикасы Президентiнiң 1995
жылғы 17 сәуiрдегi N 2200
Заң күшi бар Жарлығын (Қазақстан
Республикасы Жоғарғы Кеңесiнiң Жаршысы, 1995 ж., N 3-4, 37-құжат)
орындау үшiн Қазақстан Республикасының Үкiметi қаулы етедi:
Қоса берiлiп отырған:
Аудиторлық қызметтi лицензиялау туралы ереже;
аудиторлық қызметтi лицензиялауға бiлiктiлiк талаптары
бекiтiлсiн.
Қазақстан Республикасының
Премьер-Министрi
Қазақстан Республикасы
Үкiметiнiң
1997 жылғы 27 ақпандағы
N 274 қаулысымен
бекiтiлген
Аудиторлық қызметтi лицензиялау туралы
ЕРЕЖЕ
ЕСКЕРТУ. Мәтiнге өзгерiстер енгiзiлдi - ҚРҮ-нiң 1997.06.27.
N 1026 қаулысымен.
I. Жалпы ережелер
1. Осы Ереже алушыға (бұдан әрi - лицензия алушы) аудиторлық қызмет жүргiзуге арналған лицензия берудiң тәртiбiн, шарттарын және бiлiктiлiк талаптарын айқындайды.
2. Аудиторлық қызметтi жүргiзуге арналған лицензияны Қазақстан Республикасының жеке адамдарына Қазақстан Республикасының Қазақстан Республикасы Қаржы министрлiгiнiң Бухгалтерлiк есеп және аудит методологиясы департаментi (бұдан әрi - Департамент) бередi.
Шетелдiк жеке адамдар, сондай-ақ азаматтығы жоқ адамдар лицензияларды, егер заң актiлерiнде өзгеше көзделмесе, Қазақстан Республикасының жеке адамдары сияқты шарттарда және сондай тәртiпте алады.
3. Заңды тұлға аудиторлық қызметтi жүзеге асырған жағдайда оның басшысының мiндеттi түрде барлық аудиторлық қорытындыларға қол қоюға құқы бар аталмыш қызметтi жүргiзуге арналған лицензиясы болуы тиiс.
II. Лицензияларды берудiң шарттары және тәртiбi
4. Аудиторлық қызметтi жүргiзуге арналған лицензиялар үш жыл мерзiмге берiледi. Лицензияны алу үшiн лицензия алушы Департаментке мынадай құжаттар:
1) Қазақстан Республикасының Үкiметi бекiткен нысан бойынша оны алуға өтiнiш;
2) лицензиялық алымды төлегенiн растайтын құжаттың көшiрмесiн;
3) заңды тұлғаны мемлекеттiк тiркеу туралы куәлiк (егер лицензия алуға талаптанушы оның басшысы болып табылатын болса);
4) Қазақстан Республикасының Қаржы министрлiгi Бiлiктiлiк комиссиясының бiлiктiлiк куәлiгiн ұсынады.
Лицензия алу үшiн ұсынылған барлық құжаттар Департаментте тiркеледi.
Лицензия алушыдан осы Ережеде көзделмеген құжаттарды талап етуге тыйым салынады.
5. Лицензия беру немесе оны беруден бас тарту туралы шешiм қабылданғанға дейiн Департамент өтiнiшпен бiрге ұсынылған материалдарды, олардың толықтығы мен растығын, қызметтiң лицензияланатын түрiн жүргiзу шарттарының нормативтiк құқықтық актiлердегi ол үшiн белгiленген талаптарға сәйкестiгiн бағалай отырып қарайды.
6. Лицензияны беру немесе оны беруден бас тарту туралы шешiм барлық қажеттi құжаттармен бiрге өтiнiш алынған күннен бастап 30 күннiң iшiнде қабылданады.
Лицензия беруден бас тарту туралы хабарлама өтiнiш берушiге бас тарту себебi көрсетiле отырып, жазбаша түрде берiледi.
7. Лицензияда:
лицензия берген органның атауы:
жеке адамдар үшiн - фамилиясы, аты, әкесiнiң аты, паспорттық деректерi (сериясы, нөмiрi, қашан және кiм бергенi, тұратын жерi);
лицензияның қолданылу мерзiмi;
аудиторлық қызметтi жүзеге асырудың шарттары;
лицензияның тiркеу нөмiрi және берiлген күнi көрсетiледi.
8. Лицензияның қолданылу мерзiмiн ұзарту оны алу үшiн белгiленген тәртiппен жүргiзiледi.
9. Лицензияны басқа жеке адамға беруге тыйым салынады.
10. Берiлген лицензия жеке адамды кәсiпкер ретiнде мемлекеттiк тiркеу туралы куәлiктiң күшi жойылған кезде заңды күшiн жояды.
11. Лицензияға лицензиялық органның басшысы қол қояды және ол осы органның мөрiмен расталады.
12. Лицензия:
лицензия алушы лицензиядағы талаптарды орындамаған:
сот лицензия алушыға жүзеге асыруға лицензиясы бар қызмет түрiмен айналысуға тыйым салған;
лицензия берушi лицензияның қолданылуын тоқтатқан себептер жойылмаған жағдайларда заң актiлерiнде өзгеше көзделмесе, сот тәртiбiмен қайтып алынуы мүмкiн.
13. Лицензия берушi лицензияның күшiн тоқтата тұру себептерiн көрсете отырып, алты айға дейiнгi мерзiмде тоқтата тұруға құқылы. Тоқтата тұру, қайта қолдануға енгiзу туралы шешiмдi лицензия берушi қабылдайды. Лицензия берушi тоқтата тұру, қайта қолдануға енгiзу туралы шешiм қабылданған күннен бастап үш күндiк мерзiмде бұл жөнiнде жазбаша түрде лицензиялаушыға және Қазақстан Республикасының салық қызметiнiң органына хабарлайды.
Лицензияның күшi аталған хабарламаны алған күннен бастап тоқтатыла тұрады, қайта қолдануға енгiзiледi.
Лицензияның қолданылуы тоқтатыла тұрған себептер жойылғаннан кейiн лицензия қайта күшiне енедi.
14. Лицензиялық органның шешiмдерi мен iс әрекетiне қолданылып жүрген заңдарға сәйкес шағым жасалуы мүмкiн.
15. Департаменттiң лауазымды адамдары, лицензия алушылар осы ереженiң талаптары мен лицензиялық қызметтiң Қазақстан Республикасының заңдарына сәйкес белгiленген тәртiбiнiң бұзылуы және тиiсiнше орындамағаны үшiн жауапкершiлiкте болады.
16. Лицензия бланкiлерiнiң ұсынушыға арналған бағалы қағаз
деңгейiнде қорғалу дәрежесi сондай-ақ есепке алу сериясы мен нөмiрi
болады және қатаң есептiлiктегi құжат болып табылады. Лицензиялар
бланкiлерiн алуды, есепке алуды және сақтауды Департамент жүзеге
асырады.
17. Аудиторлық қызмет жүргiзуге арналған лицензия Қазақстан
Республикасының аумағында жарамды болады. Лицензия жоғалған
жағдайда лицензияның дубликаты берiледi.
Қазақстан Республикасы
Үкiметiнiң
1997 жылғы 27 ақпандағы
N 274 қаулысымен
бекiтiлген
Аудиторлық қызметтi лицензиялауға бiлiктiлiк
талаптары
ЕСКЕРТУ. Мәтiнге өзгерiстер енгiзiлдi - ҚРҮ-нiң 1997.06.27.
N 1026 қаулысымен.
1. Аудиторлық қызметтi жүргiзуге лицензия алу үшiн жеке адамдар
мынадай талаптарға жауап беруi тиiс:
1) соңғы бес жылда үзiлiссiз жұмыс стажының болуы, оның iшiнде:
практикалық бухгалтерлiк қызметте (бухгалтер, аудитор, бухгалтер-тексерушi немесе оларға теңестiрiлген мамандықтар),
немесе кемiнде екi жылдың iшiнде практикалық бухгалтерлiк қызметпен қоса экономикалық жоғары оқу орындарында бухгалтерлiк есеп және аудит жөнiнде ғылыми-оқытушылық қызмет,
немесе практикалық бухгалтерлiк қызметтен (кемiнде екi жыл) және экономикалық жоғары оқу орындарындағы бухгалтерлiк есеп және аудит жөнiндегi оқытушылық жұмысынан тұратын жиынтық жұмыс стажы;
2) Қазақстан Республикасының Қаржы министрлiгi жанындағы Бiлiктiлiк комиссиясының бiлiктiлiк куәлiгi болуы.
2. Лицензия бар адамдар өзiнiң кәсiби деңгейiн көтеру мақсатында Департамент бекiткен ережелерге сәйкес жыл сайын үзiлiссiз кәсiптiк бiлiм беру жүйесiнде оқудан өтедi және әрбiр үш жылда бiлiктiлiк емтиханын тапсырады.
