"Шымбұлақ" биiк тау шатқалы спорт кешенiн дамыту және оны жаңғырту үшiн, қыс маусымының жақындауына байланысты шұғыл шаралардың қажеттiгiн ескере отырып инвестициялар тарту мақсатында Қазақстан Республикасының Үкiметi Қаулы Етедi:
      1. "Тянь-Шань Ски ресортс" компаниясының Шымбұлақ мүлiктiк кешенi базасында "Шымбұлақ" тау шаңғысы курорты" бiрлескен кәсiпорнын құру туралы ұсынысына келiсiм берiлсiн.
      2. Қазақстан Республикасының Мемлекеттiк мүлiктi басқару жөнiндегi мемлекеттiк комитетi үстiмiздегi жылдың 15 қазанына дейiн "Тянь-Шань Ски ресортс" компаниясымен "Шымбұлақ" тау шаңғысы курорты" бiрлескен кәсiпорнын құру туралы құрылтай шартын әзiрлеп, қол қойсын.
      3. Күші жойылды - ҚР Үкіметінің 05.08.2013 № 796 қаулысымен.
      4. Осы қаулының орындалуына бақылау жасау ҚазақстанРеспубликасының мемлекеттiк мүлiктi басқару жөнiндегi мемлекеттiккомитетiнiң төрағасы С.С.Қалмырзаевқа жүктелсiн.

      Қазақстан Республикасының
      Премьер-Министрi