1. Ақтау теңiз сауда портын жаңғырту және кеңейту жұмыстарын жүргiзуде. Европалық Қайта Жаңарту және Даму (ЕҚЖД) Банкiнен 57,0 (елу жетi) млн. АҚШ доллары сомасында ұзақ мерзiмдi кредит алу жөнiнде Қазақстан Республикасының Көлiк және коммуникациялар министрлiгi жүргiзген жұмыс мақұлдансын.
2. Ақтау теңiз сауда портын жаңғыртуға 57,0 (елу жетi) млн. АҚШ доллары сомасында Европалық Қайта Жаңарту және Даму Банкiмен кредиттiк келiсiм бойынша Қазақстан Республикасының атынан Қазақстан Республикасының Қаржы министрлiгi заемшы болып табылады деп белгiленсiн.
3. Қазақстан Республикасының мемлекеттiк Экспорт-импорт банкi жобаға сараптама жүргiзiп, жоба бойынша қорытындыны Қазақстан Республикасының Шетел капиталын пайдалану жөнiндегi комитет пен Қазақстан Республикасының Экономика министрлiгiне тапсырсын; <*>
20,0 (жиырма) млн. АҚШ долларына тең мөлшерде жобаны жүзеге асыру үшiн қажеттi ұлттық валютадағы iшкi кредиттi Ақтау теңiз сауда портына берсiн.
4. Қазақстан Республикасының Шетел капиталын пайдалану жөнiндегi комитет: <*>
Қазақстан Республикасының Экономика министрлiгiмен бiрлесiп аталған жобаның жүзеге асырылуын үйлестiрудi және бақылау жасауды қамтамасыз етсiн;
Ақтау теңiз сауда портының бүкiл жұмысын тұтас қамтамасыз ететiн N 9, 10 мұнай айлақтарына толқын тоспасымен маңайлау бөгетiн жаңғыртуды қаржыландыру жөнiнде Европалық Қайта Жаңарту және Даму Банкiмен келiссөз жүргiзсiн.
ЕСКЕРТУ. 3,4-тармақтарға өзгерiстер енгiзiлдi - ҚР Үкіметінiң
1996.08.20. N 1031 қаулысымен. P961031_
5. Қазақстан Республикасының Жер қатынастары және жерге орналастыру жөнiндегi мемлекеттiк комитетi Маңғыстау әкiмiмен бiрлесiп Ақтау теңiз сауда портын кеңейтуге жер бөлiп берудi және қазiргi уақытта "Каспий жағалауы құрылысының басқармасы" акционерлiк қоғамы алып отырған жер учаскесiн пайдалану құқығын берудi белгiленген тәртiппен ресiмдесiн.
6. Қазақстан Республикасының Мемлекеттiк мүлiктi басқару жөнiндегi мемлекеттiк комитетi Қазақстан Республикасының Экономика министрлiгiмен, Көлiк және коммуникациялар министрлiгiмен және Қазақстан Республикасы мемлекеттiк Экспорт-импорт банкiмен бiрлесiп Ақтау теңiз сауда портын кеңейтуге бөлiнген аумақтағы көшiрiлетiн объектiлердi қаржыландырудағы Ақтау теңiз сауда порты мен атом энергетикасы мен өнеркәсiбi бойынша "КАТЭП" ұлттық акционерлiк компаниясының қатысу үлесiн белгiлесiн.
7. Ақтау теңiз сауда порты Қазақстан Республикасы мемлекеттiк Экспорт-импорт банкiне кредиттi өтеуге кепiлдiк мiндеттемелерiн ұсынсын.
Сақтандыру жарнасын, қызмет көрсетушi банктердiң сыйақысын, басқа да жолай шығындар мен проценттердi төлеу, сондай-ақ кредиттi өтеу Ақтау теңiз сауда портының өз қаржысы есебiнен жүргiзiлетiнi ескерiлсiн.
8. Маңғыстау облысының әкiмi Европалық Қайта Жаңарту және Даму Банкi қаржыландыратын Ақтау теңiз сауда портын жаңғырту және кеңейту жөнiндегi жобаны жүзеге асыру процесiне қолдау көрсетсiн, сондай-ақ халықаралық стандарттар талаптарының сақталуын қамтамасыз етсiн.
9. Қазақстан Республикасының Көлiк және коммуникациялар министрлiгi аталған жобаның орындалуына және кредиттер бойынша төлемдердiң уақтылы төленуiне бақылау жасалуын қамтамасыз етсiн.
Қазақстан Республикасының
Премьер-министрi
