Бiлiктiлiктi арттыру және мамандарды қайта даярлау мемлекеттiк институттарының, факультеттерi мен орталықтарының әдiстемелiк қызметiн үйлестiру мақсатында және Қазақстан Республикасы Министрлер Кабинетiнiң 1994 жылғы 29 шiлдедегi
N 849
қаулысымен бекiтiлген (Қазақстан Республикасының ПҮАЖ-ы, 1994 ж., N 32, 355-бап) Қазақстан Республикасы Үкiметiнiң 1994-1995 жылдарда реформаны тереңдету мен экономиканы тұрақтандыру жөнiндегi iс-қимыл жоспарына сәйкес Қазақстан Республикасының Министрлер Кабинетi қаулы етедi:
1. Бiлiктiлiктi арттыру және мамандарды қайта даярлау мемлекеттiк институттарының, факультеттерi мен орталықтарының әдiстемелiк қызметiн үйлестiру жөнiндегi ведомствоаралық комиссия қосымшаға сәйкес құрылсын.
2. Бiлiктiлiктi арттыру және мамандарды қайта даярлау мемлекеттiк институттарының, факультеттерi мен орталықтарының әдiстемелiк қызметiн үйлестiру жөнiндегi ведомствоаралық комиссия туралы қоса берiлiп отырған Ереже бекiтiлсiн.
3.<*>
Ескерту. 3-тармақтың күшi жойылған - ҚРҮ-нiң 1996.05.03.
N 555
қаулысымен.
Қазақстан Республикасының
Премьер-министрi
Қазақстан Республикасы
Министрлер Кабинетiнiң
1995 жылғы 10 наурыздағы
N 236 қаулысына
Қосымша
Бiлiктiлiктi арттыру және мамандарды қайта даярлау
мемлекеттiк институттарының, факультеттерi мен
орталықтарының әдiстемелiк қызметiн үйлестiру
жөнiндегi ведомствоаралық комиссиясының
ҚҰРАМЫ
Бiләлов Е.К. - Қазақстан Республикасы Экономика
министрiнiң орынбасары, төраға
Есырев О.В. - Қазақстан Республикасы Бiлiм
министрiнiң бiрiншi орынбасары,
төрағаның орынбасары
Әшiмов Б.М. - Қазақстан Республикасының Статистика
және талдау жөнiндегi мемлекеттiк
комитетi мен Қазақстан
Республикасының Еңбек министрлiгi
жанындағы Кадрларды даярлау, қайта
даярлау және бiлiктiлiгiн арттыру,
есептеу, статистика, еңбек және
жұмыспен қамту республикалық
салааралық институтының ректоры
Қасабеков А.Қ. - Әл-Фараби атындағы Қазақ мемлекеттiк
ұлттық университетiнiң жанындағы
Жоғары оқу орындары оқытушыларының
бiлiктiлiгiн арттыру институтының
директоры
Қожахметов А.Б. - Орталық Азиядағы менеджменттi
дамыту қорының президентi, Алматы
менеджмент мектебiнiң бас директоры
(келiсiм бойынша)
Крупник Л.А. - Қазақ ұлттық техникалық
университетiнiң оқу-әдiстемелiк
жұмысы жөнiндегi проректоры
Құсайынов Х.К. - Қазақстан Республикасы Министрлер
Кабинетiнiң Iс Басқармасы Жиынтық
экономика бөлiмi меңгерушiсiнiң
орынбасары
Нұриев М.А. - Қазақстан Республикасы Экономика
министрлiгiнiң жанындағы Басшы
қызметкерлер мен мамандардың
бiлiктiлiгiн арттырудың республикалық
салааралық институтының ректоры
Сатыбалдин С.С. - Қазақтың менеджмент, экономика
және болжам жасау институты атқарушы
директорының бiрiншi орынбасары
Қазақстан Республикасы
Министрлер Кабинетiнiң
1995 жылғы 10 наурыздағы
N 236 қаулысымен
Бекiтiлген
Бiлiктiлiктi арттыру және мамандарды қайта даярлау
мемлекеттiк институттарының, факультеттерi мен
орталықтарының әдiстемелiк қызметiн үйлестiру жөнiндегi
ведомствоаралық комиссия туралы
ЕРЕЖЕ
1. Осы Ереже Бiлiктiлiктi арттыру және мамандарды қайта даярлау мемлекеттiк институттарының, факультеттерi мен орталықтарының әдiстемелiк қызметiн үйлестiру жөнiндегi ведомствоаралық комиссияның (мұнан былай - Ведомствоаралық комиссия) мақсаттарын, мiндеттiлiгiн, негiзгi қызметi мен мiндеттерiн айқындайды.
2. Ведомствоаралық комиссия өз қызметiнде Қазақстан Республикасының заңдары мен нормативтiк актiлерiн басшылыққа алады.
3. Ведомствоаралық комиссияны құрудың мақсаты бiлiктiлiктi арттыру және мамандарды қайта даярлау саласындағы мемлекеттiк ведомстволық бiлiм мекемелерiнiң әдiстемелiк қызметiн үйлестiру процесiн жетiлдiру болып табылады.
4. Негiзгi мiндеттiлiгiне сәйкес Ведомствоаралық комиссияға мынадай қызмет жүктеледi:
мемлекеттiк институттардағы, факультеттердегi, орталықтардағы, сондай-ақ мамандарды қайта даярлау мен бiлiктiлiгiн арттыруды жүзеге асыратын басқа да мемлекеттiк бiлiм мекемелерiндегi жұмыстың жай-күйiн зерделеу;
мамандарды қайта даярлау мен бiлiктiлiгiн арттыруды жүзеге асыратын жаңа бiлiм мекемелерiн құру жөнiнде ұсыныс тұжырымдау;
аймақаралық, мемлекетаралық ынтымақтастыққа және мамандарды қайта даярлау мен бiлiктiлiгiн арттыруды жүзеге асыратын мемлекеттiк бiлiм мекемелерiнiң арасындағы байланысқа жәрдем көрсету;
мамандарды қайта даярлау мен бiлiктiлiгiн арттыруды жүзеге асыратын мемлекеттiк бiлiм мекемелерiнiң пайдалануына ұсыну мақсатында республикада, сонымен бiрге шет елдерде әзiрленген әдiстемелiк материалдарды қарау;
мамандарды қайта даярлау мен бiлiктiлiгiн арттыруды жүзеге асыратын мемлекеттiк институттардағы, факультеттердегi және басқа бiлiм мекемелерiндегi оқуды ұйымдастыру жөнiндегi озық тәжiрибенi тарату;
мамандардың бiлiктiлiгiн арттыру мен қайта даярлау мәселелерi жөнiндегi нормативтiк құжаттарды өзгерту мен толықтыру бойынша ұсыныс даярлау және енгiзу.
5. Ведомствоаралық комиссия Қазақстан Республикасы Министрлер Кабинетiнiң шешiмiмен құрылады. Оның құрамына мамандарды қайта даярлау мен бiлiктiлiгiн арттыруды жүзеге асыратын мемлекеттiк басқару органдары мен бiлiм мекемелерiнiң өкiлдерi енедi.
6. Ведомствоаралық комиссияның мәжiлiсi оның жұмыс жоспарына сәйкес жүргiзiледi. Жоспардан тыс мәжiлiс қажет кезде төрағаның шешiмiмен өткiзiледi.
7. Ведомствоаралық комиссияның төрағасы комиссияның жұмысын ұйымдастырады және оның қызметiн жұмыс жоспарына сәйкес қамтамасыз етедi, төраға орынбасарларының және ведомствоаралық комиссия мүшелерiнiң өкiлдiгiн айқындайды.
8. Ведомствоаралық комиссияның шешiмi мәжiлiске қатысушы мүшелердiң жай көпшiлiк дауысымен қабылданады.
9. Ведомствоаралық комиссияның жұмыс органы Қазақстан Республикасы Экономика министрлiгiнiң жанындағы Басшы қызметкерлер мен мамандардың бiлiктiлiгiн арттырудың республикалық салааралық институты болып табылады.
