Көмiр өнеркәсiбiнiң қаржы-экономикалық жағдайын тұрақтандыру мақсатында Қазақстан Республикасының Министрлер Кабинетi қаулы етедi:
      1. 1994 жылғы 1 мамырдан бастап көмiр өнеркәсiбiнiң кәсiпорындары көмiрдi өндiрiс шығындарына қарай анықталатын еркiн (уағдаластық) баға бойынша сатуды жүзеге асырсын.
      Көмiрдiң еркiн бағасы жөнелткен франко-стансаның шарттары негiзiнде анықталады деп белгiленсiн.
      Ескерту. 1-тармаққа өзгерiс енгiзiлдi - ҚРҮ-нiң 1996.03.05. N 280 қаулысымен.
      2. Қазақстан Республикасының Қаржы министрлiгi:
      көмiр өндiрушi бiрлестiктер мен шахта құрылысы комбинаттарына 1994 жылғы 1 сәуiрдегi жағдай бойынша бюджетке төлемдердiң барлық түрiнiң, айлықақыдан алынатын табыс салығынан және жергiлiктi бюджетке аударымнан басқа, мерзiмiн 1994 жылғы 1 қазанға дейiн кейiнге қалдырсын;
      "Қарағандыкөмiр" өндiрiс бiрлестiгi 1994 жылғы ақпанда 150 млн. теңге мөлшерiнде және "Екiбастұзкөмiр" өндiрiс бiрлестiгi 1994 жылы желтоқсанда және 1994 жылғы ақпанда 50 млн. теңге мөлшерiнде алған несиесiн өтеу мерзiмiн 1994 жылғы 1 қыркүйекке дейiн ұзартсын;
      1994 жылғы 16 наурызда "Қарағандыкөмiр" өндiрiс бiрлестiгiнiң "Ақтас" шахтасындағы аварияны жою кезiнде қаза тапқан әскерилендiрiлген тау-кен құтқару бөлiмi жауынгерлерiнiң отбасыларына материалдық көмек көрсету үшiн Қазақстан Республикасы Министрлер Кабинетiнiң резерв қорынан 8 млн. теңге мөлшерiнде қаражат бөлсiн;
      көмiрдiң экспортына салынатын салық және валюта қаржысының бiр бөлiгi мiндеттi түрде сату мерзiмiн ұзарту туралы республика Заңының жобасын әзiрлеп, оны Қазақстан Республикасының Министрлер Кабинетiне енгiзсiн.
      3. Қарағанды облысы әкiмiнiң, "Қарағандыкөмiр" өндiрiс бiрлестiгi және Көмiршiлер кәсiподағы орталық комитетiнiң 1994 жылғы 1 сәуiрдегi жағдай бойынша осы бiрлестiктiң құрамына кiретiн "Қарағандыкөмiр" өндiрiс бiрлестiгiнiң кәсiпорындары мен құрылымдық бөлiмшелердiң негiзiнде "Қарағандыкөмiр" мемлекеттiк холдинг компаниясын құру туралы ұсынысы құпталсын.
      Қазақстан Республикасының Мемлекеттiк мүлiк жөнiндегi мемлекеттiк комитетi бiр ай мерзiмде "Қарағандыкөмiр" мемлекеттiк холдинг компаниясын белгiленген тәртiп бойынша құратын болсын.
      4. Қазақстан Республикасының Энергетика және отын ресурстары министрлiгi, "Қарағандыкөмiр" және "Екiбастұзкөмiр" өндiрiс бiрлестiктерi 1994-2000 жылдары көмiр өндiру мен оны ұқсатудың өзiндiк құны жөнiндегi шығынды азайту бағдарламасын бiр ай мерзiмде әзiрлеп, оны Қазақстан Республикасы Экономика министрлiгi мен Қаржы министрлiгiнiң келiсуi бойынша бекiтсiн, сондай-ақ 1994-1995 жылдары объектiлердi салу бағдарламасы мен көмiр өндiруге және оны ұқсатуға байланысты емес өзге де қаржы шығындарын қайта қарасын.
      5. Қазақстан Республикасының Өнеркәсiпте жұмысты қауiпсiз жүргiзудi қадағалау және кен қадағалау жөнiндегi мемлекеттiк комитетi инспекторлық құрамға арналған қазiргi жеңiлдiктердi сақтай отырып Мемкенқадағалаукомның жергiлiктi органдарын Қазақстан Республикасы Министрлер Кабинетiнiң "Мемлекеттiк басқару органдары қызметкерлерiнiң лауазымдық жалақысы туралы" 1994 жылғы 23 наурыздағы N 293 қаулысына (N 2 кесте) сәйкес еңбекақы төлеуге көшiру туралы мәселенi Қазақстан Республикасының Еңбек министрлiгiмен және Қаржы министрлiгiмен пысықтайтын болсын.
      6. Қазақстан Республикасының Төтенше жағдайлар жөнiндегi мемлекеттiк комиссиясы Қазақстан Республикасының Энергетика және отын ресурстары министрлiгiмен, Еңбек министрлiгiмен, Қаржы министрлiгiмен, Денсаулық сақтау министрлiгiмен, Өнеркәсiпте жұмысты қауiпсiз жүргiзудi қадағалау және кен қадағалау жөнiндегi мемлекеттiк комитетiмен, басқа да мүдделi ұйымдармен бiрлесе отырып, 1994 жылғы 16 наурызда "Ақтас" шахтасындағы аварияны жою кезiнде әскерилендiрiлген тау-кен құтқару бөлiмi жауынгерлерiнiң қаза табу жағдаятын қарастырсын және кен өндiрiсiнде қауiпсiздiктi арттыру жөнiнде шұғыл шаралар қолданылғаны туралы Қазақстан Республикасының Министрлер Кабинетiне ұсыныс енгiзсiн.
      7. Салалық тау-кен бөлiмдерi туралы Қазақстан Республикасы Заңының жобасын әзiрлеудi жеделдету орынды болады деп саналсын.
      8. Қазақстан Республикасының Ұлттық банкiне 1994 жылғы II тоқсанда "Қарағандыкөмiр" және "Екiбастұзкөмiр" өндiрiс бiрлестiктерiне айлықақы төлеуге арнап алты ай iшiнде өтеу мерзiмiмен тиiсiнше 150 млн. теңге және 50 млн. теңге мөлшерiнде басым тәртiппен мақсатты кредит бөлудi қарастыру ұсынылсын.
      9. Қазақстан Республикасының Экономика министрлiгi Қазақстан Республикасының Көлiк министрлiгiмен бiрлесе отырып 1994 жылғы 1 маусымға дейiн республика тұтынушыларына Қазақстан Республикасы шегiнде көмiр тасуға арналған жеңiлдiктi темiр жол тарифтерiн енгiзу туралы мәселенi пысықтайтын болсын.
      10. "Қарағандыкөмiр" және "Екiбастұзкөмiр" өндiрiс бiрлестiктерi мен шахта құрылысы комбинаттары Украинамен және Ресеймен тауар айырбасы шарттары негiзiнде жасалатын клирингтiк операцияларының тiзбесiне енгiзу үшiн жабдықтар мен материалдық-техникалық ресурстардың тiзiмiн Қазақстан Республикасының Энергетика және отын ресурстары министрлiгi мен Экономика министрлiгiне табыс етсiн.
      11. Қазақстан Республикасы Министрлер Кабинетiнiң "Энергия ресурстарының бағасын ырықтандыру және жекелеген қызмет түрлерiнiң тарифтерiн реттеу туралы" 1994 жылғы 23 наурыздағы N 288 қаулысына  N 1 қосымшаның көмiрдiң бағасына қатысты бөлiгiнiң күшi 1994 жылғы 1 мамырдан бастап жойылған деп танылсын.
      12. Осы қаулының орындалуына бақылау жасау Қазақстан Республикасы Премьер-министрiнiң бiрiншi орынбасары Ә.М.Қажыгелдинге жүктелсiн.

      Қазақстан Республикасының
      Премьер-министрi