Қазақстан Республикасы Президентiнiң "Көп балалы отбасыларын әлеуметтiк жағынан қолдау жөнiндегi шаралар туралы" Жарлығында көзделген шараларды жүзеге асыруға жұмсалған шығыстың орнын толтырудың тәртiбi мен шарттарын бекiту туралы

Қазақстан Республикасы Министрлер Кабинетiнiң қаулысы 17 ақпан 1993 ж. N 122.  
     Күші жойылды - ҚР Үкіметінің 2002.03.19. N 331 қаулысымен. ~P020331

      Қазақстан Республикасы Президентiнiң "Көп балалы отбасыларын әлеуметтiк жағынан қолдану жөнiндегi шаралар туралы" 1992 жылғы 4 желтоқсандағы N 1002 Жарлығын орындау мақсатында Қазақстан Республикасының Министрлер Кабинетi қаулы етедi:
      1. Қазақстан Республикасы Президентiнiң "Көп балалы

 

отбасыларын әлеуметтiк жағынан қолдау жөнiндегi шаралар туралы"

Жарлығында көзделген шараларды жүзеге асыруға жұмсалатын

шығыстың орнын толтырудың ұсынылып отырған тәртiбi мен шарттары

бекiтiлсiн.

     2. Министрлiктер мен ведомстволар, кәсiпорындар, ұйымдар,

жергiлiктi әкiмдер аталған Жарлықта көзделген шаралардың 1993

жылғы 1 қаңтардан бастап орындалуын қамтамасыз етсiн.


     Қазақстан Республикасының

         Премьер-министрi

                                       Қазақстан Республикасы

                                        Министрлер Кабинетiнiң

                                      1993 жылғы 17 ақпандағы

                                           N 122 қаулысымен

                                             бекiтiлген


            Қазақстан Республикасы Президентiнiң "Көп балалы

            отбасыларын әлеуметтiк қолдау жөнiндегi шаралар

             туралы" Жарлығында көзделген шараларды жүзеге

            асыруға жұмсалатын шығыстардың орнын толтырудың

                      тәртiбi мен шарттары



 
       1. Қазақстан Республикасы Президентiнiң "Көп балалы отбасыларын әлеуметтiк жағынан қолдау жөнiндегi шаралар туралы 1992 жылғы 4 желтоқсандағы Жарлығында көзделген жеңiлдiктердi алу үшiн 18 жасқа дейiнгi төрт және одан да көп баласы бар екенiн растайтын анықтама негiз болып табылады. Анықтаманы халық депутаттары жергiлiктi Кеңестерi немесе тұрғылықты жерiндегi тұрғын үй-коммуналдық шаруашылық басқармалары балаларының тууы туралы куәлiктерiн ұсынған жағдайда бередi.
      2. 7 жасқа дейiнгi төрт және одан да көп балалары бар жұмыс iстемейтiн аналарға есептiк көрсеткiшi мөлшерiндегi жәрдемақыны өтiнiшiне, еңбек кiтапшасына (көшiрмесiне) және 7 жасқа дейiнгi төрт баласы бар екенiн растайтын анықтамасына қарап, тұрғылықты жерiндегi халықты әлеуметтiк жағынан қорғау органдары төлейдi.
      Көп балалы аналарға тiс протездерiн (бағалы металдан жасалған протездерден басқасы) тегiн жасауды және жөндеудi тұрғылықты жерiнен алған анықтамасы мен тiсiн протездеу қажеттiгi туралы дәрiгердiң дәйектемесiн ұсынғанда тұрғылықты жерiндегi тiс емдеу мекемелерi жүзеге асырады.
      Дәрiгердiң рецептi бойынша 14 жасқа дейiнгi балаларға дәрiлердi тегiн берудi 18 жасқа дейiнгi төрт және одан да көп баласы бар екенiн растайтын тұрғылықты жерден алған анықтаманы көрсеткен жағдайда аптека мекемелерi жүзеге асырады.
      Қала iшiндегi көлiкте (таксиден басқа), сондай-ақ қала маңына қатынайтын және аудан iшiндегi автобустарда аналар мен жалпы бiлiм беретiн мектеп оқушыларының тегiн жүруiн аналарға 18 жасқа дейiнгi төрт және одан да көп баласы бар екенiн растайтын анықтаманы көрсеткенде, ал мектеп оқушыларына сол жылдың қыркүйегiнен келесi жылдың шiлдесiне дейiнгi аралықта тұрғылықты жерiндегi жалпы бiлiм мектеп берген анықтаманы көрсеткенде ай сайынғы жол жүру билеттерiн беру арқылы жергiлiктi әкiмшiлiк қамтамасыз етедi.
      Жұмыс орындарында санаторийлерге, профилакторийлерге, демалыс үйлерiне және пионер лагерьлерiне жолдамалармен қамтамасыз етуде артықшылықтар беретiн хұқықтарды 18 жасқа дейiнгi төрт және одан да көп балалары бар екенiн растайтын анықтаманы көрсеткенде жұмыс орнындағы кәсiподақ ұйымы, жұмыс iстемейтiн әйелдерге - осындай адамдарға арналған кезекке қою тәртiбiмен халықты әлеуметтiк жағынан қорғау органдары қамтамасыз етедi.
      Ведомстволық иелiгiне қарамастан, емдеу және санаторий үлгiсiндегi мектепке дейiнгi балалар мекемелерiнде және басқа сауықтыру мекемелерiнде балаларды орынмен кезексiз қамтамасыз етудi 18 жасқа дейiнгi төрт және одан да көп баласы бар екенiн растайтын анықтаманы көрсеткен жағдайда денсаулық сақтау органдары жүзеге асырады.
      ЕСКЕРТУ. 2-тармаққа өзгерiс енгiзiлдi - ҚРҮ-нiң 1996.08.09.
               N 987 қаулысымен. P960987_