Қазақстан Республикасының Үкіметі ҚАУЛЫ ЕТЕДІ:

      1. "Қазақстан Республикасы Өнеркәсіп және құрылыс министрлігінің кейбір мәселелері" туралы Қазақстан Республикасы Үкіметінің 2023 жылғы 4 қазандағы № 864 қаулысына мынадай өзгерістер мен толықтырулар енгізілсін:

      көрсетілген қаулымен бекітілген Қазақстан Республикасының Өнеркәсіп және құрылыс министрлігі туралы ережесінде:

      15-тармақта:

      мынадай мазмұндағы 370-1) және 370-2) тармақшалармен толықтырылсын:

      "370-1) бюджеттік саясат жөніндегі орталық уәкілетті орган айқындайтын "толық бітіріп берілетін" құрылыс жобалары бойынша мемлекеттік инвестициялық жобаларды жоспарлау және іске асыру тәртібін келісу;

      "370-2) техникалық-экономикалық негіздемені әзірлеуді талап етпейтін жобалардың тізбесін әзірлеу;"

      375) тармақша мынадай редакцияда жазылсын:

      "375) аумақтық дамудың өңіраралық схемаларын әзірлеу және келісу;";

      мынадай мазмұндағы 382-1), 382-2) және 382-3) тармақшалармен толықтырылсын:

      "382-1) Сумен жабдықтау және (немесе) су бұру саласындағы ақпараттық қауіпсіздікті қамтамасыз ету тәртібін белгілеу;

      382-2) Сумен жабдықтау және (немесе) су бұру саласындағы ақпараттық қауіпсіздіктің салалық орталығын айқындау;

      382-3) Сумен жабдықтауды және су бұруды басқарудың бірыңғай мемлекеттік ақпараттық жүйесін ұйымдастыру, қалыптастыру және оның жұмыс істеуі қағидаларын әзірлеу және бекіту;";

      мынадай мазмұндағы 421-1) тармақшамен толықтырылсын:

      "421-1) төтенше жағдай салдарынан тұрғынжайсыз қалған азаматтарға салынған тұрғын үй беру қағидаларын айқындау;";

      мынадай мазмұндағы 452-11), 452-12), 452-13), 452-14), 452-15), 452-16) және 452-17) тармақшалармен толықтырылсын:

      "452-11) энергетикалық және коммуналдық секторларды жаңғырту жөніндегі ұлттық жобаны іске асыру шеңберінде тұрғын үй қатынастары және тұрғын үй-коммуналдық шаруашылық саласындағы жобаларды жоспарлау, іріктеу, келісу, жобалау, салу және (немесе) пайдалану процестерін мониторингтеу қағидаларын әзірлеу және бекіту;

      452-12) энергетикалық және коммуналдық секторларды жаңғырту жөніндегі ұлттық жобаны іске асыру шеңберінде жұмыстар мен көрсетілетін қызметтерді сатып алуды жүзеге асыру, жобалар мен өнім берушілерді іріктеу, шарттар жасасу қағидаларын әзірлеу және бекіту;

      452-13) энергетикалық және коммуналдық секторларды жаңғырту жөніндегі ұлттық жобаның электрондық сатып алу платформасының жұмыс істеу қағидаларын әзірлеу және бекіту;

      452-14) энергетикалық және коммуналдық секторларды жаңғырту жөніндегі ұлттық жобаның электрондық сатып алу платформасының әкімшісін айқындау;

      452-15) энергетикалық және коммуналдық секторларды жаңғырту жөніндегі ұлттық жобаны іске асыру шеңберінде энергетикалық және коммуналдық инфрақұрылымды жаңғырту және салу жобаларының үлгілік конкурстық құжаттамасын әзірлеу және бекіту;

      452-16) энергетикалық және коммуналдық секторларды жаңғырту жөніндегі ұлттық жоба шеңберінде қазақстандық тауар өндірушілерден тауарларды сатып алу және офтейк-келісімшарттар жасасу қағидаларын әзірлеу және бекіту;

      452-17) бірыңғай есеп айырысу орталығының жұмыс істеу талаптары мен тәртібін айқындау;";

      456) тармақша мынадай редакцияда жазылсын:

      "456) коммуналдық көрсетілетін қызметтер тізбесін, бірыңғай төлем құжатына қойылатын талаптарды және коммуналдық көрсетілетін қызметтерді ұсынудың үлгілік қағидаларын әзірлеу және бекіту;";

      мынадай мазмұндағы 478-3) тармақшамен толықтырылсын:

      "478-3) сәулет, қала құрылысы және құрылыс саласындағы мемлекеттік ақпараттық жүйелерді қолдануды айқындау;".

      2. Осы қаулы қол қойылған күнінен бастап қолданысқа енгізіледі.