Қазақстан Республикасының Үкіметі ҚАУЛЫ ЕТЕДІ:

      1. "Шаруашылық жүргізу құқығындағы кейбір республикалық мемлекеттік кәсіпорындарға байқау кеңестерін енгізу туралы" Қазақстан Республикасы Үкіметінің 2015 жылғы 20 қарашадағы № 932 қаулысына мынадай өзгерістер енгізілсін:

      кіріспе мынадай редакцияда жазылсын:

      "Мемлекеттік мүлік туралы" Қазақстан Республикасы Заңының 148-бабына сәйкес Қазақстан Республикасының Үкіметі ҚАУЛЫ ЕТЕДІ:";

      1-тармақ мынадай редакцияда жазылсын:

      "1. Қазақстан Республикасы Ғылым және жоғары білім министрлігінің мынадай шаруашылық жүргізу құқығындағы республикалық мемлекеттік кәсіпорындарына байқау кеңестері енгізілсін:

      1) "Ә.Х. Марғұлан атындағы Археология институты";

      2) "Генетика және физиология институты";

      3) "Ғылым ордасы";

      4) "Зоология институты";

      5) "Маңғышлақ эксперименттік ботаникалық бағы";

      6) "М.О. Әуезов атындағы Әдебиет және өнер институты";

      7) "Ш.Ш. Уәлиханов атындағы Тарих және этнология институты";

      8) "Философия, саясаттану және дінтану институты".".

      2. Қазақстан Республикасының Ғылым және жоғары білім министрлігі Қазақстан Республикасы Қаржы министрлігінің Мемлекеттік мүлік және жекешелендіру комитетімен бірлесіп заңнамада белгіленген тәртіппен:

      1) кәсіпорындардың жарғыларына тиісті өзгерістер енгізуді;

      2) осы қаулыны іске асыру жөнінде өзге де шаралар қабылдауды қамтамасыз етсін.

      3. Осы қаулы қол қойылған күнінен бастап қолданысқа енгізіледі.