ЗҚАИ-ның ескертпесі!
Қолданысқа енгізілу тәртібін 2-тармақтан қараңыз
Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Үкіметінің кейбір шешімдеріне мынадай өзгерістер мен толықтыру енгізілсін:
1) "Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы" Қазақстан Республикасы Үкіметінің 2015 жылғы 31 желтоқсандағы № 1193 қаулысында:
2-тармақтың 4) тармақшасы мынадай редакцияда жазылсын:
"4) осы қаулыға 4, 5, 6, 7, 8, 9, 10, 11, 12, 13, 14, 15, 16, 17, 17-1, 18, 19, 20, 21 және 22-қосымшаларға сәйкес ұйымдар қызметкерлеріне еңбекақы төлеу шарттары;";
3-тармақтың 2) тармақшасында:
алтыншы бөліктің бірінші абзацы мынадай редакцияда жазылсын:
"Медицина және фармацевтика жұмыскерлерін қоспағанда, мемлекеттік ұйымдардың: стационарлық және жартылай стационарлық үлгідегі медициналық-әлеуметтік мекемелердің, үйде қызмет көрсету, уақытша болу ұйымдарының, еңбек мобильділігі орталықтары мен олардың филиалдарының басқарушы, негізгі персоналы жұмыскерлерінің ЛА (тарифтік мөлшерлемелері) ЛА-ның белгіленген мөлшеріне:";
сегізінші бөліктің төртінші абзацы мынадай редакцияда жазылсын:
"мемлекеттік ұйымдардың: стационарлық және жартылай стационарлық үлгідегі медициналық-әлеуметтік мекемелердің, үйде қызмет көрсету, уақытша болу ұйымдарының, еңбек мобильділігі орталықтары мен олардың филиалдарының басқарушы, негізгі персоналдарының жұмыскерлерін;";
осы қаулыға қосымшаға сәйкес 17-1-қосымшамен толықтырылсын;
2) "Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы" Қазақстан Республикасы Үкіметінің 2015 жылғы 31 желтоқсандағы № 1193 қаулысына өзгерістер енгізу туралы" Қазақстан Республикасы Үкіметінің 2023 жылғы 23 тамыздағы № 718 қаулысында:
үшінші абзац мынадай редакцияда жазылсын:
"алтыншы бөліктің бірінші абзацы мынадай редакцияда жазылсын:";
бесінші абзац мынадай редакцияда жазылсын:
"сегізінші бөліктің төртінші абзацы мынадай редакцияда жазылсын:";
тоғызыншы абзац мынадай редакцияда жазылсын:
"
3) | Еңбек мобильділігі орталықтары мен олардың филиалдарының басшыларына, мамандарына және басқа да қызметшілеріне жұмыстың күрделілігі мен қауырттылығы үшін | ЛА-дан 50 % |
".
2. Осы қаулы:
1-тармақтың 1) тармақшасының үшінші, төртінші және оныншы абзацтары 2023 жылғы 1 қаңтардан бастап туындаған құқықтық қатынастарға;
1-тармақтың 1) тармақшасының бесінші, алтыншы, жетінші, сегізінші және тоғызыншы абзацтары және 2) тармақшасы 2023 жылғы 1 шілдеден бастап туындаған құқықтық қатынастарға қолданылады деп белгіленіп, алғашқы ресми жарияланған күнінен кейін қолданысқа енгізіледі.
|
Қазақстан Республикасының Премьер-Министрі |
Ә. Смайылов |
| Қазақстан Республикасы | |
| Үкіметінің | |
| 2023 жылғы 24 қарашадағы № 1040 қаулысына |
|
| қосымша | |
| Қазақстан Республикасы | |
| Үкіметінің | |
| 2015 жылғы 31 желтоқсандағы | |
| № 1193 қаулысына | |
| 17-1-қосымша |
"Қоғамдық келісім" коммуналдық мемлекеттік мекемелерінің қызметкерлеріне еңбек жағдайлары үшін қосымша ақылар
Р/с № | Қосымша ақылардың атауы | Қосымша ақылардың түрлері | Қосымша ақылардың мөлшері | Ескертпе |
1 | 2 | 3 | 4 | 5 |
1 | Ерекше еңбек жағдайлары үшін қосымша ақы | |||
1) | Негізгі персонал жұмыскерлеріне мемлекеттік этносаясат саласында ғылыми-зерттеу жұмыстарын ұйымдастыру және жүргізу жұмысы, этносаралық қатынастар саласын зерделегені, олардың қазіргі жай-күйіне талдау жүргізгені, дамуын болжағаны және оларды жетілдіру жөнінде ұсынымдар тұжырымдағаны үшін | ЛА-дан 50 % | ||
2) |
Негізгі персонал жұмыскерлеріне халық шығармашылығының, этномәдени дәстүрлер мен әдет-ғұрыптардың сақталуын қамтамасыз ету, насихаттау, оларды осы заманғы тарихи және әлеуметтік-экономикалық жағдайларға бейімдеу бойынша халыққа қызмет көрсетуге байланысты жұмыс үшін; | ЛА-дан 50 % | ||
3) | Басқарушы персонал жұмыскерлеріне этносаралық қатынастар саласындағы мемлекеттік саясатты іске асыру жөніндегі жұмыс үшін | ЛА-дан 50 % |
