Қазақстан Республикасының Үкіметі ҚАУЛЫ ЕТЕДІ:

      1. "Қазақстан Республикасының Ұлттық экономика министрлігі Табиғи монополияларды реттеу комитетінің Нұр-Сұлтан қаласы бойынша департаменті" мемлекеттік мекемесінің атауы "Қазақстан Республикасының Ұлттық экономика министрлігі Табиғи монополияларды реттеу комитетінің Астана қаласы бойынша департаменті" мемлекеттік мекемесі болып өзгертілсін.

      2. "Қазақстан Республикасы Ұлттық экономика министрлігінің мәселелері" туралы Қазақстан Республикасы Үкіметінің 2014 жылғы 24 қыркүйектегі № 1011 қаулысына мынадай өзгерістер енгізілсін:

      көрсетілген қаулымен бекітілген Қазақстан Республикасының Ұлттық экономика министрлігі туралы ережеде:

      15-тармақтың 34) тармақшасы мынадай редакцияда жазылсын:

      "34) мемлекеттік және мемлекет кепілдік берген қарыз алу және борыш, мемлекет кепілгерлігі бойынша борыш саясатын қалыптастыру, мемлекеттік борыш пен квазимемлекеттік сектор борышын болжау және талдау жөнінде ұсыныстар әзірлеу;";

      Қазақстан Республикасы Ұлттық экономика министрлігі Табиғи монополияларды реттеу комитетінің мемлекеттік мекемелері – аумақтық бөлімшелерінің тізбесінде:

      1-тармақ мынадай редакцияда жазылсын:

      "1. Қазақстан Республикасының Ұлттық экономика министрлігі Табиғи монополияларды реттеу комитетінің Астана қаласы бойынша департаменті.".

      3. Осы қаулы қол қойылған күнінен бастап қолданысқа енгізіледі.