Қазақстан Республикасының Үкіметі ҚАУЛЫ ЕТЕДІ:

      1. "Қазақстан Республикасы Ұлттық экономика министрлігінің мәселелері" туралы Қазақстан Республикасы Үкіметінің 2014 жылғы 24 қыркүйектегі № 1011 қаулысына мынадай толықтырулар енгізілсін:

      көрсетілген қаулымен бекітілген Қазақстан Республикасы Ұлттық экономика министрлігі туралы ережеде:

      15-тармақ мынадай мазмұндағы 93-1) және 93-2) тармақшалармен толықтырылсын:

      "93-1) Ұлттық байланыс орталығы және оның Хатшылығы туралы ережелерді әзірлеу және бекіту, сондай-ақ Ұлттық байланыс орталығының құрамын бекіту;

      93-2) Көпұлтты кәсіпорындарға арналған Экономикалық ынтымақтастық және даму ұйымының басшылық қағидаттарының бұзылуы туралы өтініштерді қарау регламентін әзірлеу және бекіту;".

      2. Осы қаулы қол қойылған күнінен бастап қолданысқа енгізіледі.