Ескерту. Қаулының күші жойылды – ҚР Үкіметінің 24.11.2021 № 835 қаулысымен (01.01.2022 бастап қолданысқа енгізіледі).

      "2019 – 2021 жылдарға арналған республикалық бюджет туралы" 2018 жылғы 30 қарашадағы Қазақстан Республикасы Заңының 16-бабына сәйкес Қазақстан Республикасының Үкіметі ҚАУЛЫ ЕТЕДІ:

      1. Қоса беріліп отырған "Қарағандышахтатарату" жауапкершілігі шектеулі серіктестігіне берілген, таратылған шахталардың жұмыскерлеріне келтірілген залалды өтеуге берілетін қаражатты бөлу қағидалары және (немесе) оны пайдалану тәртібі бекітілсін.

      2. "Қарағандышахтатарату" жауапкершілігі шектеулі серіктестігіне берілген, таратылған шахталардың жұмыскерлеріне келтірілген залалды өтеуге берілетін қаражатты пайдалану қағидаларын бекіту туралы" Қазақстан Республикасы Үкіметінің 2017 жылғы 28 сәуірдегі № 232 қаулысының (Қазақстан Республикасының ПҮАЖ-ы, 2017 ж., № 16, 113-құжат) күші жойылды деп танылсын.

      3. Осы қаулы 2019 жылғы 1 қаңтардан бастап қолданысқа енгiзiледi.

"Қарағандышахтатарату" жауапкершілігі шектеулі серіктестігіне берілген, таратылған шахталардың жұмыскерлеріне келтірілген залалды өтеуге берілетін қаражатты бөлу қағидалары және (немесе) оны пайдалану тәртібі

      Осы "Қарағандышахтатарату" жауапкершілігі шектеулі серіктестігіне берілген, таратылған шахталардың жұмыскерлеріне келтірілген залалды өтеуге берілетін қаражатты бөлу қағидалары және (немесе) оны пайдалану тәртібі (бұдан әрі – Қағидалар) "2019 – 2021 жылдарға арналған республикалық бюджет туралы" 2018 жылғы 30 қарашадағы Қазақстан Республикасы Заңының 16-бабына сәйкес әзірленді және "Қарағандышахтатарату" жауапкершілігі шектеулі серіктестігіне (бұдан әрі – "Қарағандышахтатарату" ЖШС) берілген, таратылған шахталар жұмыскерлеріне келтірілген залалды өтеуге берілетін қаражатты бөлу және (немесе) оны пайдалану тәртібін айқындайды.

1-тарау. Жалпы ережелер

      1. Зардап шеккен жұмыскер жоғалтқан, ол алып тұрған не алып тұратыны анық табыс (кiрiс), сондай-ақ денсаулығына зақым келуінен туындаған шығыстар (дәрі-дәрмек сатып алуға, медициналық тексерілуге, оңалтуға, бөгде адамның оны бағып-күтуiне, протез салғызуға, банктер, почталар көрсететін қызметтерге және өзгелеріне), егер жәбiрленушi көмек пен күтiмнiң осындай түрлерiне мұқтаж және оларды тегiн алмайды деп танылса, өтелуге тиіс.

      2. Жұмыскер қайтыс болған жағдайда, Қазақстан Республикасы Азаматтық кодексінің (Ерекше бөлім) 940-бабында көрсетілген адамдардың залалды (зиянды) өтетiп алуға құқығы бар.

2-тарау. Залалды (зиянды) өтеу және қаражатты қайтару тәртібі

      3. "Қарағандышахтатарату" ЖШС-ға берілген, таратылған шахталар жұмыскерлерінің өміріне және денсаулығына келтірілген залалды (зиянды) өтеу сомалары осы Қағидаларға сәйкес республикалық бюджет есебінен өтелуге тиіс.

      Залалды (зиянды) өтеу ай сайынғы төлемдермен жүргізіледі.

      4. Өтеуге жататын жоғалтылған табыстың (кiрiстiң) мөлшерi жарақаттануына немесе денсаулығының өзгеше зақымдануына дейiнгi не жәбiрленушiнiң кәсiби еңбекке қабiлетiн, ал ол болмаған кезде – жалпы еңбекке қабiлетiн жоғалтуы дәрежелерiне сәйкес еңбекке жарамдылығынан айырылу орын алғанға дейiнгi орташа айлық табысының (кiрiсiнiң) пайыздарымен анықталады.

      5. Таратылған шахталардың жұмыскерлеріне "Қарағандышахтатарату" ЖШС төлейтін залалды (зиянды) өтеу сомалары осы Қағидаларға 2-қосымшаға сәйкес Қарағанды облысының аумағында орналасқан, жерасты тәсілімен тас көмірді өндірумен айналысатын ұйымдарға қызмет түріне қарамастан осы Қағидаларға 1-қосымшада көрсетілген лауазымдар мен кәсіптер бойынша инфляцияның болжамды деңгейінің орташа мәніне пропорционалды түрде жыл сайын ұлғайтылады.

      6. Залалды (зиянды) өтеу сомаларын есептеуді және төлеуді "Қарағандышахтатарату" ЖШС жүргізеді.

      7. Қазақстан Республикасының Индустрия және инфрақұрылымдық даму министрлігі тиісті жылға бекітілген қаржыландыру жоспарына сәйкес ай сайын 7-күнге дейін "Қарағандышахтатарату" ЖШС-ны қаржыландыруды жүзеге асырады.

      8. "Қарағандышахтатарату" ЖШС залалды (зиянды) өтеудің есептелген сомаларын алушылардың шотына қолма-қол емес тәсілмен аударуды жүргізеді.

      9. Залалды (зиянды) өтеу сомаларын Тәуелсіз Мемлекеттер Достастығының басқа мемлекеттеріне жөнелту залалдың (зиянның) өтелуіне құқығы бар жұмыскерлердің тұрғылықты жері бойынша жүргізіледі.

      "Қарағандышахтатарату" ЖШС-ға банк, почта бөлімшелері көрсететін қызмет шығындары қызмет көрсету шарттарында айқындалады.

      10. "Қарағандышахтатарату" ЖШС бөлінген қаражат бойынша ай сайын келесі айдың 20-күніне дейін Қазақстан Республикасы Индустрия және инфрақұрылымдық даму министрлігіне өткен айдың есебін ұсынады.

      11. Залалдың (зиянның) өтемін алатын, таратылған шахталардың жұмыскерлері "Қарағандышахтатарату" ЖШС мыналарды:

      Қазақстан Республикасының аумағында тұратын азаматтар – тоқсанына бір рет (тоқсанның бірінші айының 5-күнінен кешіктірмей) нақты тұрғылықты жері туралы мәліметтер;

      Қазақстан Республикасынан тысқары жерлерде тұратын азаматтар – тоқсанына бір рет (тоқсанның бірінші айының 10-күнінен кешіктірмей) жеке басын куәландыратын құжаттың нотариат куәландырған көшірмесін, сондай-ақ айына бір рет (айдың 5-күнінен кешіктірмей) нақты тұрғылықты жері туралы мәліметтер ұсынады.

      12. Пайдаланылмаған бюджет қаражатын қайтару Қазақстан Республикасының бюджет заңнамасына сәйкес жүзеге асырылады.

Лауазымдар мен кәсіптер тізбесі

Шахталар тізбесі

      "АрселлорМиттал Теміртау" акционерлік қоғамы 1. Қазақстан. 2. Шахтинск. 3. Ленин атындағы. 4. Тентек. 5. Саран. 6. Абай. 7. Күзембаев атындағы. 8. Костенко атындағы.

      "ГЕФЕСТ" көмір өнеркәсібі кәсіпорындарының қауымдастығы 1. Западная. 2. "Батыр" жауапкершілігі шектеулі серіктестігі.

      "Рапид" жауапкершілігі шектеулі серіктестігі.

      "Қазақмыс корпорациясы" жауапкершілігі шектеулі серіктестігінің филиалы – Ғ.О. Омаров атындағы Шахта ұңғылау тресі.