Қазақстан Республикасының Үкіметі ҚАУЛЫ ЕТЕДІ:
1. «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысына (Қазақстан Республикасының ПҮАЖ-ы, 2015 ж., № 87-88, 631-құжат) мынадай өзгерістер мен толықтыру енгізілсін:
1) көрсетілген қаулыға 4-қосымшада:
реттік нөмірі 2-жол мынадай мазмұндағы 9) тармақшамен толықтырылсын:
«
9) |
Мектепке дейінгі тәрбие және оқыту ұйымдарындағы тәрбиешілердің көмекшілеріне залалсыздандырғыш заттармен жұмыс істегені үшін |
БЛА-дан 30 % |
»;
2) көрсетілген қаулыға 5-қосымшада:
реттік нөмірі 3-жолдың 7) тармақшасы мынадай редакцияда жазылсын:
«
7) |
Табиғи және техногендік сипаттағы төтенше жағдайлардың салдарын жою бойынша жедел медициналық көмек көрсеткені үшін |
БЛА-дан 50 % |
»;
3) көрсетілген қаулыға 12-қосымшада:
реттік нөмірі 4-жол мынадай редакцияда жазылсын:
«
4. |
Кәсіптік авариялық-құтқару қызметтерінің және құралымдарының құтқарушыларына еңбек сіңірген жылдарының өтіліне қарай: |
Еңбек сіңірген жылдары үшін үстемеақы |
||
3 жылдан астам |
ЛА-дан 15 % |
».
2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының
Премьер-Министрі К.Мәсімов
