Қазақстан Республикасының Үкіметі ҚАУЛЫ ЕТЕДІ:
      1. «Дағдарыстан кейін қалпына келтiру бағдарламасын (бәсекеге қабiлеттi кәсiпорындарды сауықтыру) бекiту туралы» Қазақстан Республикасы Үкіметінің 2011 жылғы 4 наурыздағы № 225 қаулысына мынадай өзгеріс пен толықтыру енгізілсін:
      көрсетілген қаулымен бекітілген Дағдарыстан кейін қалпына келтiру бағдарламасында (бәсекеге қабiлеттi кәсiпорындарды сауықтыру):
      2-бөлімнің он сегізінші бөлігі мынадай редакцияда жазылсын:
      «Мемлекет, ұлттық басқарушы холдингтер, ұлттық холдингтер  қатысатын заңды тұлғалар, сондай-ақ шетелдер қатысатын заңды тұлғалар Бағдарламаға қатысушы бола алмайды.»;
      4-бөлімнің «Бағдарламаны іске асыру нәтижелерінің көрсеткіштері» деген кіші бөлімінің 6-тармағы мынадай мазмұндағы үшінші бөлікпен толықтырылсын:
      «Бағдарлама шеңберінде кредиттер және (немесе) лизингтік операциялар бойынша сыйақының, облигациялар бойынша купонның пайыздық мөлшерлемесін субсидиялау шарты жасалмаған кәсіпорындарға қатысты бағдарламаға қатысушыларды оңалту (сауықтыру) жоспарларын іске асырудың мониторингi жүргізілмейді.».
      2. Осы қаулы қол қойылған күнінен бастап қолданысқа енгізіледі.

      Қазақстан Республикасының
      Премьер-Министрі                                     К.Мәсімов