Ескерту. Күші жойылды - ҚР Үкіметінің 25.12.2015 № 1063 (алғашқы ресми жарияланған күнінен бастап қолданысқа енгізіледі) қаулысымен.

      Қазақстан Республикасының Үкіметі ҚАУЛЫ ЕТЕДІ:
      1. Қазақстан Республикасы Үкіметінің кейбір шешімдеріне мынадай өзгерістер енгізілсін:
      1) «Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімі» мемлекеттік ақпараттық жүйесі арқылы жер қойнауын пайдалану жөніндегі операцияларды жүргізу кезінде тауарларды, жұмыстар мен көрсетілетін қызметтерді сатып алу қағидаларын бекіту туралы» Қазақстан Республикасы Үкіметінің 2013 жылғы 14 ақпандағы № 133 қаулысында (Қазақстан Республикасының ПҮАЖ-ы, 2013 ж., № 16, 278-құжат):
      көрсетілген қаулымен бекітілген «Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімі» мемлекеттік ақпараттық жүйесі арқылы жер қойнауын пайдалану жөніндегі операцияларды жүргізу кезінде тауарларды, жұмыстар мен көрсетілетін қызметтерді сатып алу қағидалары осы қаулыға 1-қосымшаға сәйкес жаңа редакцияда жазылсын;
      2) «Жер қойнауын пайдалану жөніндегі операцияларды жүргізу кезінде тауарларды, жұмыстар мен көрсетілетін қызметтерді сатып алу қағидаларын бекіту туралы» Қазақстан Республикасы Үкіметінің 2013 жылғы 14 ақпандағы № 134 қаулысында (Қазақстан Республикасының ПҮАЖ-ы, 2013 ж., № 16, 279-құжат):
      көрсетілген қаулымен бекітілген Жер қойнауын пайдалану жөніндегі операцияларды жүргізу кезінде тауарларды, жұмыстар мен көрсетілетін қызметтерді сатып алу қағидалары осы қаулыға 2-қосымшаға сәйкес жаңа редакцияда жазылсын.
      2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                               К.Мәсімов

Қазақстан Республикасы
Үкіметінің      
2014 жылғы 31 мамырдағы
№ 602 қаулысына   
1-қосымша       

Қазақстан Республикасы
Үкіметінің      
2013 жылғы 14 ақпандағы
№ 133 қаулысымен   
бекітілген      

«Жер қойнауын пайдалану жөніндегі операцияларды жүргізу кезінде
пайдаланылатын тауарлардың, жұмыстар мен көрсетілетін
қызметтердің және оларды өндірушілердің тізілімі» мемлекеттік
ақпараттық тізілім арқылы жер қойнауын пайдалану жөніндегі
операцияларды жүргізу кезінде тауарларды, жұмыстар мен
көрсетілетін қызметтерді сатып алу қағидалары

1. Жалпы ережелер

      1. Осы «Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімі» мемлекеттік ақпараттық тізілім арқылы жер қойнауын пайдалану жөніндегі операцияларды жүргізу кезінде тауарларды, жұмыстар мен көрсетілетін қызметтерді сатып алу қағидалары (бұдан әрі – Қағидалар) «Жер қойнауы және жер қойнауын пайдалану туралы» 2010 жылғы 24 маусымдағы Қазақстан Республикасының Заңына (бұдан әрі – Заң) сәйкес әзірленді және «Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімі» мемлекеттік ақпараттық жүйесін міндетті түрде пайдалана отырып, тауарларды, жұмыстар мен көрсетілетін қызметтерді (бұдан әрі – ТЖҚ) сатып алудың жылдық және (немесе) орта мерзімді және (немесе) ұзақ мерзімді бағдарламаларында көзделген жер қойнауын пайдалану жөніндегі операцияларды жүргізу кезінде жер қойнауын пайдаланушылар мен олардың уәкілетті адамдарының, сондай-ақ жер қойнауын пайдаланушылар немесе олардың уәкілетті адамдары жер қойнауын пайдалану жөніндегі операцияларды өткізуге байланысты жұмыстардың жекелеген түрлерін орындау үшін тартатын мердігерлерінің ТЖҚ сатып алу тәртібін айқындайды.
      Жер қойнауын пайдалану жөніндегі операцияларды жүргізу кезінде ТЖҚ сатып алуға байланысты тапсырыс берушілердің сатып алуды жүзеге асыру рәсімдері Қазақстан Республикасының аумағында жүргізіледі.
      2. Осы Қағидалар:
      1) кең таралған пайдалы қазбаларды барлау немесе өндіру бойынша операцияларды жүзеге асыратын жер қойнауын пайдаланушыларға;
      2) Қазақстан Республикасының мемлекеттік сатып алу туралы заңнамасына сәйкес ТЖҚ-ны сатып алатын жер қойнауын пайдаланушыларға;
      3) дауыс беретін акцияларының (қатысу үлестерінің) елу және одан да көп пайызын тікелей немесе жанама түрде ұлттық басқарушы холдинг иеленетін жер қойнауын пайдалану құқығына ие заңды тұлғаларға қолданылмайды.
      3. Осы Қағидаларда Заңда белгіленген ұғымдар мен анықтамалар, сондай-ақ мынадай ұғымдар пайдаланылады:
      1) тапсырыс беруші – осы Қағидаларға сәйкес ТЖҚ-ны сатып алуды жүзеге асыратын жер қойнауын пайдаланушы, мердігер, жер қойнауын пайдаланушының уәкілетті адамы;
      2) сатып алу – келісімшарттық міндеттемелерді және осы Қағидаларда белгіленген тәртіппен және тәсілдермен жүзеге асырылатын, келісімшартта жанама ретінде көзделген қызметті орындау үшін қажетті жер қойнауын пайдалану жөніндегі операцияларды жүргізу кезінде ТЖҚ-ны меншікті қаражат есебінен сатып алу;
      3) әлеуетті жеткізушінің аффилиирленген адамы – шешімдерді айқындау және (немесе) осы әлеуетті жеткізуші қабылдайтын шешімдерге, оның ішінде жазбаша нысанда жасалған мәміленің күшіне әсер етуге құқылы кез келген жеке немесе заңды тұлға, сондай-ақ оған қатысты осы әлеуетті жеткізуші осындай құқыққа ие кез келген жеке немесе заңды тұлға;
      4) сатып алу коды – осы Қағидалардың 6-тармағының 1), 3), 4)тармақшаларында көрсетілген тәсілдермен ТЖҚ-ны сатып алуды жүргізу туралы хабарландыруларды қалыптастыру кезінде немесе осы Қағидалардың 6-тармағының 2) тармақшасында көрсетілген тәсілмен ТЖҚ-ны сатып алу қорытындыларын шығару хаттамасын қалыптастыру кезінде тізіліммен қалыптастырылған код;
      5) шарттың елеулі талаптары – бұл шарттың нысанасы, тауарларды жеткізу, жұмыстарды орындау, қызметтерді көрсету мерзімдері мен орындары, төлеу тәртібі, шарттың қолданылу мерзімі туралы талаптар;
      6) конкурстық құжаттама – ашық конкурсты өткізу шарттарын қамтитын конкурстық өтінімді және конкурстық баға ұсынысын дайындау үшін әлеуетті жеткізушіге ұсынылатын, тапсырыс беруші бекіткен құжаттама;
      7) конкурстық комиссия – осы Қағидалардың 6-тармағының 1), 4) тармақшаларында белгіленген тәртіппен және тәсілдермен тауарларды, жұмыстар мен көрсетілетін қызметтерді сатып алуды жүргізудің рәсімдерін орындау үшін тапсырыс беруші құратын алқалы орган;
      8) біртекті ТЖҚ – бірдей болып табылмайтын, ұқсас сипаттамалары бар және бір функцияны орындауға және өзара алмасымды болуға мүмкіндік беретін ұқсас құрамдастардан тұратын ТЖҚ;
      9) әлеуетті жеткізуші – жер қойнауын пайдалану жөніндегі операцияларды жүргізу кезінде пайдаланылатын ТЖҚ-ны сатып алу процесіне қатысушы жеке тұлға, заңды тұлға, заңды тұлғалардың уақытша бірлестігі (консорциум);
      10) мердігер – жер қойнауын пайдалану жөніндегі операцияларды жүргізуге байланысты жұмыстардың жекелеген түрлерін орындау үшін жер қойнауын пайдаланушы немесе оның уәкілетті адамы тартатын жеке немесе заңды тұлға;
      11) жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімі (бұдан әрі – тізілім) – жер қойнауын пайдалану жөніндегі операцияларды жүргізу кезінде пайдаланылатын ТЖҚ-ны сатып алуды және олардың өндірушілерін бақылау және мониторингілеу, сондай-ақ электрондық сатып алу жүргізу мен жер қойнауын пайдалану жөніндегі операцияларды жүргізу кезінде пайдаланылатын ТЖҚ тізбесін қалыптастыруға арналған мемлекеттік ақпараттық жүйе;
      12) тізілім әкімшісі – индустриялық саясат саласындағы уәкілетті орган;
      13) жанама қызмет – жер қойнауын пайдалану жөніндегі операцияларды жүргізуге байланысты емес және лицензиялық келісімшарттық талаптарды орындауға бағытталған, шығыстарын құзыретті орган жер қойнауын пайдаланушының келісімшарттық міндеттемелерін орындау ретінде есепке алатын қызмет;
      14) жер қойнауын пайдаланушының уәкілетті адамы – осы Қағидаларға сәйкес жер қойнауын пайдалану жөніндегі операцияларды жүргізу кезінде ТЖҚ-ны жер қойнауын пайдаланушы атынан сатып алуды жүзеге асыруға жер қойнауын пайдаланушы уәкілеттік берген жеке немесе заңды тұлға;
      15) Қазақстан Республикасының Ұлттық куәландырушы орталығы – «электрондық үкіметтің», мемлекеттік және мемлекеттік емес ақпараттық жүйелердің қатысушыларына қызмет көрсететін куәландырушы орталық;
      16) шартты баға – конкурс шеңберінде сатып алынатын тауарлардың қазақстандық өндірушісі немесе жұмыстар мен көрсетілетін қызметтердің қазақстандық өндірушісі болып табылатын, конкурсқа қатысушының конкурстық өтінім бағасының жиырма пайызға шартты түрде азайтылуы ескеріле отырып есептелген және тек конкурс жеңімпазын айқындау мақсатында ғана конкурстық баға ұсыныстарын бағалау және салыстыру кезінде пайдаланылатын баға;
      17) электрондық цифрлық қолтаңба – бұл электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар терімі;
      18) қаржылық жыл – Қазақстан Республикасының бюджет заңнамасына сәйкес айқындалған уақыт кезеңі;
      19) кешенді жұмыс – қатты пайдалы қазбалар саласындағы жер қойнауын пайдаланушыларға ғана таралатын және жобалық және іздестіру жұмыстарын, толық аяқталған құрылыс, жобалау және іздестіру жұмыстарын, толық аяқталған құрылысты (қажет болған жағдайда) басқаруды қамтитын жұмыстар мен көрсетілетін қызметтердің жиынтығы және көрсетілген жұмыстарға ілеспелі тауарларды жеткізу, қызметтерді көрсету;
      20) толық аяқталған құрылыс – салу, оны қамтамасыз ету және пайдалануға дайын объектіні тапсырыс берушіге өткізу.
      4. Сатып алу рәсімдерін жүргізу және сатып алу бойынша барлық құжаттама, оның ішінде әлеуетті жеткізушілердің конкурстық өтінімдері, қоса берілетін құжаттармен бірге мемлекеттік және орыс тілдерінде, конкурстық құжаттамада көзделген жағдайларда басқа тілдердегі аудармасы қоса беріле отырып, жүзеге асырылады.
      Тапсырыс беруші бекіткен және (немесе) әлеуетті жеткізуші ұсынған құжаттардағы аудармалар арасында келіспеушіліктер туындаған жағдайда, мемлекеттік тілде ұсынылған құжаттар артықшылыққа ие болады.
      5. Бағалау рәсімдерін жеңілдету және сатып алуға қатысатын әлеуетті жеткізушілер ұсынған, әртүрлі валюталармен көрсетілген бағаларды салыстыру үшін қолданылатын валюта, бағаларды бағалау және салыстыру күні Қазақстан Республикасының Ұлттық Банкі белгілеген ресми бағам бойынша Қазақстан Республикасының валютасы – теңге болып табылады.
      6. Жер қойнауын пайдалану жөніндегі операцияларды жүргізу кезінде ТЖҚ-ны сатып алуды тапсырыс беруші тізілімді пайдалана отырып, мынадай тәсілдердің бірімен жүзеге асырады:
      1) ашық конкурс;
      2) бір көзден;
      3) баға ұсыныстарын сұрату;
      4) электрондық сатып алу жүйесі арқылы.
      Тауар биржалары арқылы тауарларды сатып алу Қазақстан Республикасының тауар биржалары туралы заңнамасына сәйкес жүзеге асырылады.
      7. Тапсырыс беруші өзінің шешімімен тапсырыс берушінің атынан ақпаратты қалыптастыру және тізілімге орналастыру бойынша осы Қағидаларда көзделген іс-қимылдарды жасайтын уәкілетті адамды айқындайды.
      8. Әлеуетті жеткізушіге ашық конкурс тәсілімен және электронды сатып алу жүйесі арқылы ТЖҚ-ны сатып алуды жүргізу кезінде мынадай біліктілік талаптары қойылады:
      1) құқықтық қабілеттілікке (заңды тұлғалар үшін), азаматтық іс-әрекет қабілеттілігіне (жеке тұлғалар үшін) ие болу;
      2) төлемге қабілетті болу;
      3) тарату немесе банкроттық рәсімдерге жатпау.
      Көрсетілген талаптарға сәйкестікті растау үшін әлеуетті жеткізуші осы Қағидалардың 40-тармағының 2), 5), 10) тармақшаларында көрсетілген құжаттарды ұсынады.
      9. Жер қойнауын пайдалану жөніндегі операцияларды жүргізу кезінде пайдаланылатын ТЖҚ-ны сатып алу мынадай қағидаттарды сақтай отырып, жүзеге асырылады:
      1) сатып алу процесінің жариялылығы мен ашықтығы;
      2) әлеуетті жеткізушілердің арасындағы адал бәсекелестік;
      3) қазақстандық ТЖҚ-ны өндірушілерді қолдау.
      Тапсырыс беруші сатып алу рәсімдерінің кез-келген кезеңінде осы Қағидаларда көрсетілген нормаларды бұзған жағдайда, тапсырыс беруші сатып алуды өткізуден бас тартуға және осындай сатып алуды қайтадан өткізуге міндетті.
      Әлеуетті жеткізуші тапсырыс берушінің сатып алуды өткізуден бас тарту туралы шешімімен келіспеген жағдайда, өзінің мүдделерін қорғау үшін сотқа жүгінуге құқылы.
      10. Сатып алу процесі мыналарды қамтиды:
      1) сатып алуды жоспарлау;
      2) жеткізушіні таңдау және онымен сатып алу туралы шарт жасасу;
      3) сатып алу туралы шартты орындау.
      11. Егер:
      1) осы әлеуетті жеткізушінің басшыларының және (немесе) аталған әлеуетті жеткізушінің уәкілетті өкілінің жақын туысқандары, жұбайы (зайыбы) немесе жегжаттары жеткізушіні таңдау туралы шешім қабылдауға құқылы болса не тапсырыс берушінің қызметкері болып табылса;
      2) әлеуетті жеткізуші және (немесе) оның қызметкері тапсырыс берушіге өткізілетін сатып алуға дайындық бойынша консультациялық және (немесе) өзге қызметтер көрсетсе;
      3) бас жобалаушы не қосалқы жобалаушы ретінде техникалық-экономикалық негіздемелерді әзірлеушінің жобалық (жобалау-сметалық) құжаттаманы әзірлеу бойынша сатып алуға қатысуын қоспағанда, өткізілетін сатып алудың нысанасы болып табылатын объектінің құрылысына техникалық-экономикалық негіздемені және (немесе) жобалау (жобалау-сметалық) құжаттаманы әзірлеуге қатысса;
      4) әлеуетті жеткізушінің қаржы-шаруашылық қызметі Қазақстан Республикасының заңнамасына не Қазақстан Республикасының резиденті емес әлеуетті жеткізуші мемлекетінің заңнамасына сәйкес тоқтатыла тұрса;
      5) әлеуетті жеткізуші тартқан мердігердің қаржы-шаруашылық қызметі Қазақстан Республикасының заңнамасына не Қазақстан Республикасының резиденті емес мердігер мемлекеттің заңнамасына сәйкес тоқтатыла тұрса, өткізілетін сатып алуға әлеуетті жеткізушінің қатысуына жол берілмейді.
      Осы тармақтың 2) және 3) тармақшаларының қолданысы кешенді жұмыстарды сатып алуға қолданылмайды.
      12. Өткізілетін сатып алуға әлеуетті жеткізушінің және оның аффилиирленген адамының заңды тұлғалардың уақытша бірлестігі (консорциум) ретінде қатысуын қоспағанда, мұндай тұлғалардың бір ашық конкурсқа (лотқа) қатысуына жол берілмейді.
      Консорциум мүшесіне ТЖҚ дербес әлеуетті жеткізушісі ретінде консорциуммен бірдей лот бойынша бір сатып алуға қатысуына жол берілмейді.
      13. ТЖҚ-ны сатып алуға заңды тұлғалардың уақытша бірлестіктерінің (консорциумдар) қатысуына жол беріледі. Сатып алуға осындай заңды тұлғалардың уақытша бірлестіктері қатысқан жағдайда, оның қатысушылары осы Қағидалардың 40-тармағында көзделген өздерінің біліктілік талаптарын растайтын құжаттардан басқа:
      1) бірлестікке (консорциумға) кіретін заңды тұлғалардың уәкілетті өкілдері қол қойған және осы заңды тұлғалардың фирмалық мөрлерімен бекітілген бірлескен шаруашылық қызметі туралы шарттың сканерден өткізілген көшірмесін;
      2) егер әлеуетті жеткізушінің осындай қызметі Қазақстан Республикасының лицензиялау туралы қолданыстағы заңнамасына сәйкес лицензиялауға жатқан жағдайда, онда консорциумның бір немесе бірнеше қатысушысының (қатысушыларының) бірлескен шаруашылық қызметі туралы шартта көзделген қызмет бөлігінде тауарларды сату, жұмыстарды орындау, қызметтерді көрсету құқығына тиісті лицензияларының сканерден өткізілген көшірмелерін ұсынады.
      14. Тізілім арқылы жер қойнауын пайдалану жөніндегі операцияларды жүргізу кезінде ТЖҚ-ны сатып алуға қатысу үшін Қазақстан Республикасы Ұлттық куәландырушы орталығында электрондық цифрлық қолтаңба алу немесе тіркеу куәліктерінің тіркеліміне енгізу, заңды және (немесе) жеке тұлғаны тізілімге сатып алуға қатысушы (тапсырыс беруші және (немесе) жеткізуші) ретінде тіркеу, сондай-ақ тізілімде ақпаратты қалыптастыруға және орналастыруға уәкілетті адамдарды тізілімде тіркеу қажет.
      Бұл талап осы Қағидалардың 6-тармағының 2) тармақшасында көзделген тәсілдер арқылы өткізілетін сатып алуға қолданылмайды.
      Белгіленген мерзімде тізілімнің оларды ашу сәтіне дейін тізілім арқылы ашық конкурсқа қатысушылар және (немесе) әлеуетті жеткізушілер ұсынған конкурстық баға ұсыныстарын, баға ұсыныстарын электрондық сатып алу жүйесі арқылы тәсілімен сатып алу бойынша баға ұсыныстарын тізілім әкімшісінің қарауына жол берілмейді.
      Тапсырыс беруші өткізетін сатып алуға қатысу үшін әлеуетті жеткізушілер ұсынған құжаттарды тапсырыс берушінің жоюына және (немесе) өзгертеуіне жол берілмейді.

2. Сатып алуды жоспарлау

      15. ТЖҚ-ны сатып алудың жылдық, орта мерзімді, ұзақ мерзімді бағдарламалары жер қойнауын пайдаланушының бекітілген жұмыс бағдарламасы және тиісті бюджеттері негізінде әзірленеді.
      Жұмыс бағдарламасы болмаған жағдайда, ТЖҚ-ны сатып алудың жылдық, орта мерзімді, ұзақ мерзімді бағдарламалары жер қойнауын пайдаланушының бекітілген бюджеттері негізінде әзірленеді.
      ТЖҚ-ны сатып алудың жылдық, орта мерзімді, ұзақ мерзімді бағдарламаларында жер қойнауын пайдалану жөніндегі операцияларды жүргізу кезінде тікелей қолдану үшін және келісімшартта жанама ретінде көзделген қызметтер үшін сатып алынатын барлық ТЖҚ көрсетіледі.
      ТЖҚ сатып алудың жылдық, орта, ұзақ мерзімді бағдарламаларын тапсырыс беруші тізілімде орналастыруы тиіс.
      16. Жер қойнауын пайдалану жөніндегі операцияларды жүргізу кезінде жер қойнауын пайдаланушының немесе уәкілетті адамның ТЖҚ-ны сатып алу рәсімі ТЖҚ-ны сатып алудың жылдық бағдарламасына сәйкес жүзеге асырылады. Жер қойнауын пайдалану жөніндегі операцияларды жүргізу кезінде жер қойнауын пайдаланушының немесе уәкілетті адамның ТЖҚ-ны сатып алу рәсімі осы Қағидалардың 163-тармағында көзделген жағдайларда сатып алудың орта мерзімді немесе ұзақ мерзімді бағдарламасына сәйкес жүзеге асырылады.
      17. Қажет болған жағдайда ТЖҚ сатып алудың жылдық, орта мерзімді және ұзақ мерзімді бағдарламаларына өзгерістер және (немесе) толықтырулар енгізілуі мүмкін.
      18. Жер қойнауын пайдаланушының ТЖҚ-ны сатып алудың бекітілген жылдық, орта мерзімді, ұзақ мерзімді бағдарламаларында көзделген ТЖҚ-ны сатып алуға арналған шығыстары қысқартылған жағдайда, сатып алуды жүзеге асырудан бас тартуға жол беріледі.

3. Жер қойнауын пайдалану жөніндегі операцияларды жүргізу
кезінде ашық конкурс тәсілімен тауарларды, жұмыстар мен
көрсетілетін қызметтердi сатып алуды жүзеге асыру тәртібі

      19. Ашық конкурс тәсілімен біртекті болып табылмайтын ТЖҚ-ны сатып алуды жүзеге асыру кезінде тапсырыс берушіге конкурстық құжаттамада мұндай ТЖҚ-ны лоттарға міндетті түрде бөле отырып, көрсетілген тәсілмен бірыңғай сатып алуды ұйымдастыруына және жүргізуіне жол беріледі.
      Ашық конкурс тәсілімен біртекті ТЖҚ-ның бірнеше түрлерін сатып алу ТЖҚ-ны олардың біртекті түрлері бойынша лоттарға және оларды жеткізудің (орындаудың, көрсетудің) орны бойынша бөлу арқылы жүзеге асырылады. Тапсырыс беруші ашық конкурсты өткізген кезде өзінің қалауы бойынша лоттарды тауарларды жеткізудің, жұмыстарды орындаудың және (немесе) қызметтерді көрсетудің бір орнына ие біртекті ТЖҚ-ның саны (көлемі) бойынша қосымша бөле алады.
      Тапсырыс беруші біртекті тауарларды, жұмыстарды немесе көрсетілетін қызметтерді сатып алуды жер қойнауын пайдалануға арналған бірнеше келісімшарт шеңберінде өткізген жағдайда, осындай тауарларды немесе жұмыстарды немесе көрсетілетін қызметтерді сатып алу жер қойнауын пайдалануға арналған келісімшарттар бойынша сатып алынатын тауарлардың немесе жұмыстардың немесе көрсетілетін қызметтер көлемдерінің бөлінуі міндетті түрде көрсетілген жағдайда бір лотпен сатып алуға жол беріледі.
      Толық аяқталған құрылыс және кешенді жұмыстар бір лотпен сатып алынады.
      Ашық конкурс сегіз кезеңде өткізіледі:
      1) конкурстық комиссияны қалыптастыру;
      2) конкурстық құжаттаманы қалыптастыру және бекіту;
      3) ашық конкурсты өткізу туралы хабарландыруды және конкурстық құжаттаманы тізілімде орналастыру, сондай-ақ ашық конкурсты өткізу туралы хабарландыруды аптасына кемінде үш рет жарияланатын және мемлекеттік және орыс тілдерінде Қазақстан Республикасының аумағында таратылатын мерзімді баспасөз басылымдарында орналастыру;
      4) конкурстық өтінімдерді жинау;
      5) конкурстық өтінімдерді ашу хаттамасын жасай отырып, тізілімде конкурстық өтінімдерді ашу;
      6) конкурстық комиссияның ашық конкурсқа қатысуға рұқсат берілген әлеуетті жеткізушінің «тауарлардың қазақстандық өндірушісі» (егер, әлеуетті жеткізуші ашық конкурстың сатып алу нысанасы болып табылатын тауарларды өндірген жағдайда) немесе «жұмыстардың, көрсетілетін қызметтердің қазақстандық өндірушісі» (егер әлеуетті жеткізуші ашық конкурстың сатып алу нысанасы болып табылатын жұмыстарды орындаған немесе қызметтерді көрсеткен жағдайда) мәртебесіне сәйкестігін немесе сәйкес келмейтіндігін міндетті түрде көрсете отырып, ашық конкурсқа қатысуға рұқсат беру хаттамасын жасай отырып, ашық конкурстың талаптарына сәйкес келуіне конкурстық өтінімдерді қарау;
      7) ашық конкурсқа қатысушылардың тізілімдегі әрбір лот бойынша конкурстық баға ұсыныстарын ұсынуы және тізілім арқылы қорытынды шығару хаттамаларын жасай отырып, ашық конкурстың жеңімпазын айқындау;
      8) ашық конкурстың жеңімпазымен шарт (шарттар) жасасу.
      Осы тармақта көзделген жағдайларда әлеуетті жеткізушілердің конкурстық өтінімдерін қарау, ашық конкурсқа қатысушылардың конкурстық баға ұсыныстарын бағалау және салыстыру, сондай-ақ ашық конкурстың жеңімпазын айқындау конкурстық құжаттамада көзделген әрбір лот бойынша жүзеге асырылады.

Конкурстық комиссия

      20. Тапсырыс берушіге жеке ашық конкурсқа да, сондай-ақ тұрақты негізде де, бірақ бір қаржы жылынан аспайтын мерзімге конкурстық комиссияны құруға жол беріледі.
      21. Конкурстық комиссияның құрамына төраға, төрағаның орынбасары және конкурстық комиссияның мүшелері кіреді. Комиссия мүшелерінің жалпы саны тақ саннан тұруы тиіс. Конкурстық комиссияның құрамында кемінде үш адам болуы тиіс. Конкурстық комиссияның хатшысы конкурстық комиссияның мүшесі болып табылмайды және конкурстық комиссияның шешім қабылдауы кезінде дауыс беру құқығына ие болмайды.
      22. Конкурстық комиссияның отырыстары конкурстық комиссия мүшелерінің жалпы санының қарапайым көпшілігі қатысқан жағдайда өткізіледі және қатысқан конкурстық комиссия мүшелері, оның төрағасы, оның орынбасары мен конкурстық комиссияның хатшысы қол қоятын хаттамамен ресімделеді. Конкурстық комиссияның қандай да бір мүшесі қатыспаған жағдайда, конкурстық комиссия отырысының хаттамасында оның қатыспау себебі көрсетіліп, осы фактіні растайтын құжат қоса беріледі.
      23. Конкурстық комиссияның шешімі ашық дауыс беру арқылы қабылданады және оған отырысқа қатысып отырған конкурстық комиссия мүшелерінің жалпы санының көпшілігі дауыс берген жағдайда, ол қабылданды деп есептеледі. Дауыстар тең болған жағдайда, конкурстық комиссияның төрағасы немесе ол болмаған жағдайда, төрағаның орынбасары дауыс берген шешім қабылданған болып есептеледі. Конкурстық комиссияның шешімімен келіспеген жағдайда, конкурстық комиссияның кез келген мүшесі айрықша пікірге ие болады, ол жазбаша түрде жазылуы және конкурстық комиссия отырысының хаттамасына қоса берілуі тиіс.
      24. Конкурстық комиссияның төрағасы оның жұмысына басшылық жасайды, комиссияның отырыстарында төрағалық етеді.
      25. Конкурстық комиссияның хатшысы ТЖҚ-ны сатып алу бойынша ашық конкурс рәсімдерінің өткізілуін ұйымдастырады. Конкурстық комиссияның хатшысы конкурстық комиссия отырысының күн тәртібі бойынша ұсыныстарды дайындайды, конкурстық комиссияны қажетті құжаттармен қамтамасыз етеді, конкурстық комиссия отырысының өткізілуін ұйымдастырады, тізіліммен қалыптастырылған өтінімдер салынған конверттерді ашу хаттамасына, өтінімдер салынған конверттерді ашуға қатысуға рұқсат хаттамасына, ашық конкурстың қорытындысын шығару хаттамасына, конкурстық комиссия отырыстарының басқа да хаттамаларына қол қояды, ТЖҚ-ны сатып алу бойынша ашық конкурстың құжаттары мен материалдарының сақталуын қамтамасыз етеді.

Конкурстық құжаттама

      26. Конкурстық құжаттама ТЖҚ-ны сатып алудың талаптары мен шарттары туралы әлеуетті жеткізушілерді хабардар етуге арналған. Конкурстық құжаттаманы тапсырыс беруші әзірлейді және бекітеді.
      27. Конкурстық құжаттамада мынадай міндетті талаптар көрсетіледі:
      1) ашық конкурс тәсілімен сатып алудың нысанасы (ашық конкурс нысанасына бірнеше лот кірген жағдайда, лоттардың атаулары мен нөмірлері);
      2) осы Қағидалардың 8-тармағының 3) тармақшасына, 11, 12-тармақтарына сәйкес әлеуетті жеткізуші өзінің біліктілік талаптарының және өткізілетін ашық конкурсқа қатысуын шектейтін негіздемелердің жоқ екенін көздейтін құжаттарды растау үшін ұсынатын осы Қағидалардың 40-тармағының 2), 5) тармақшаларында көрсетілген құжаттардың тізбесі;
      3) тапсырыс берушінің атауы (заңды тұлға үшін), тегі, аты, әкесінің аты (жеке тұлға үшін), заңды және нақты мекенжайы;
      4) қажет болған жағдайда, жоспарларды, сызбалар мен нобайларды қоса алғанда, ТЖҚ-ның функционалдық, техникалық, сапалық және пайдалану және өзге де сипаттамаларын сипаттай отырып, әр лот бойынша техникалық ерекшелік, сондай-ақ ТЖҚ-ның осы талаптарға сәйкестігін растайтын құжаттардың тізбесі;
      5) конкурстық баға ұсынысын қалыптастырудың тәртібі, оның ішінде сатып алынатын ТЖҚ бағасынан басқа, қосылған құн салығын (бұдан әрі – ҚҚС) есепке алмағанда, оларды тасымалдау, сақтандыру, кедендік баждарды, салықтарды алымдарды төлеу шығыстарын, сондай-ақ тауарларды жеткізу, жұмыстарды орындау, қызметтерді көрсету шарттарында көзделген өзге де шығыстарды шығыстар лотына қосу;
      6) төлем шарттары;
      7) әрбір лот бойынша сатып алынатын тауарлардың саны, орындалатын жұмыстар мен көрсетілетін қызметтердің көлемі;
      8) әрбір лот бойынша тауарларды жеткізу, жұмыстарды орындау немесе қызметтерді көрсету орындары;
      9) шартты жасаған күннен бастап әрбір лот бойынша тауарларды жеткізудің, жұмыстарды орындаудың немесе қызметтерді көрсетудің мерзімдері;
      10) конкурстық өтінімдерді ұсынудың басталу мен аяқталу уақыты, олардың қолданылу мерзімі;
      11) конкурстық өтінімдерді ашу күні мен уақыты;
      12) елеулі талаптары мен қорытындылар шығарылған күннен бастап шарттың мерзімі көрсетілген шарттың жобасы;
      13) Заңның 78-бабының 2-тармағында көзделген тиісті критерийге сәйкес келетін тапсырыс берушінің шартты жеңілдіктер ұсыну туралы міндеттемесі және әлеуетті жеткізушінің конкурстық өтінімінің шартты бағасын есептеу үшін осы Қағидалардың 42-тармағында көрсетілген құжаттар тізбесі;
      14) конкурстық өтінімнің мазмұнына және оны ресімдеуге қойылатын талаптар, сондай-ақ әлеуетті жеткізушілердің конкурстық өтінімдерінің ең аз қолданылу мерзімі;
      15) әлеуетті жеткізушілерге конкурстық құжаттама бойынша түсіндірулерге сұрау салуға болатын тәсілдер;
      16) әлеуетті жеткізушілер жүгіне алатын тапсырыс берушінің уәкілетті адамдарының электрондық почтасының мекенжайы мен телефон нөмірлері;
      17) конкурстық өтінімді және (немесе) сатып алу туралы шарттың орындалуын қамтамасыз етуді енгізудің көлемі (егер конкурстық құжаттамада конкурстық өтінімді қамтамасыз ету және (немесе) сатып алу туралы шарттың орындалуын қамтамасыз ету көзделсе);
      18) әрбір лот бойынша ҚҚС-ты есепке алмағанда ашық конкурстың нысанасы болып табылатын ТЖҚ-ны сатып алуға бөлінген сомалар туралы мәліметтер;
      19) осы Қағидалардың 35-тармағына сәйкес тапсырыс берушінің ТЖҚ-ны сатып алу бойынша ашық конкурсты өткізуден бас тартудың мерзімдері мен тәртібі туралы мәліметтер;
      20) жұмыстарды орындау шартын орындау кезінде осы Қағидаларды сақтау туралы жер қойнауын пайдаланушының әлеуетті жеткізушіге (мердігерге) қоятын міндетті талабы (әлеуетті жеткізуші мердігерлік жұмыстарды сатып алған жағдайда);
      21) сатып алынған тауарлардағы немесе жұмыстардағы немесе көрсетілетін қызметтердегі әрбір лот бойынша пайызбен көрсетілген (0-ден 100-ге дейін) жергілікті қамту бойынша ең аз талаптар;
      22) «Тауарларды, жұмыстар мен қызметтерді сатып алудың жылдық, орта мерзімді, ұзақ мерзімді бағдарламаларын, жер қойнауын пайдаланушылардың сатып алынған тауарлар, жұмыстар мен қызметтер туралы және кадрлардағы жергілікті қамту жөніндегі міндеттемелердің орындалуы туралы есептерін жасаудың және ұсынудың нысандары мен қағидасын бекіту туралы» Қазақстан Республикасы Үкіметінiң 2010 жылғы 20 қыркүйектегі № 965 қаулысында белгіленген нысандар бойынша жергілікті қамту бойынша есептілікті өткізу туралы әлеуетті жеткізушіге қойылатын талаптар;
      23) есептерде көрсетілген ақпараттың мазмұны, есептіліктерді ұсыну мерзімдерінің бұзылуы және әлеуетті жеткізушілердің жергілікті қамту бойынша міндеттемелерін сақтамағаны үшін жауапкершілік.
      Тапсырыс беруші конкурстық құжаттама шарттарында әлеуетті жеткізушіде Қазақстан Республикасының қолданыстағы заңнамасына сәйкес аккредиттелген ұйым сертификаттаған мемлекеттік стандарттардың талаптарына сәйкес сапа менеджменті жүйесінің (сертификатталған жүйелердің) болуын растайтын құжаттарды ұсыну туралы талаптарды көрсетуге құқылы.
      Тапсырыс берушінің конкурстық құжаттамада ашық конкурс тәсілімен сатып алудың жеңімпазына әрбір лот бойынша жеке конкурстық өтінімді қамтамасыз етуді енгізуді растайтын құжаттың түпнұсқасын үсыну туралы талаптарды белгілеуіне жол беріледі. Бұл құжатты ашық конкурс жеңімпазы шартқа қол қою мерзімі аяқталғанға дейін ұсынады.
      Жылдық көлемі құндық көріністе тиісті қаржы жылына белгіленген он төрт мың еселік айлық есептік көрсеткіштің мөлшерінен асып түсетін жұмыстарды және (немесе) көрсетілетін қызметтерді сатып алу кезінде, сондай-ақ осындай қызмет түрлерімен айналысуға лицензияның болуын талап ететін қауіпті, ерекше қауіпті жұмыс түрлерін сатып алу кезінде тапсырыс берушіге әлеуетті жеткізушіде сатып алынатын жұмыстар, көрсетілетін қызметтер нарығында және (немесе) белгілі бір салада жұмыс тәжірибесінің болуын көздейтін, әлеуетті жеткізуші тиісті қаржы жылына белгіленген он төрт мың еселік айлық есептік көрсеткіштің мөлшерінен кем түспейтін шарт сомасына жұмыстарды орындаған, қызметтерді көрсетіп жүрген ұйымдардың атынан кепілдеме хаттардың немесе оң пікірлердің сканерден өткізілген көшірмелерімен расталған, орындалған жұмыстарды, көрсетілген қызметтерді қабылдау-беруді растайтын жүкқұжаттардың, тиісті актілердің сканерден өткізілген көшірмелерін қоса бере отырып, біліктілік талаптарын белгілеуге жол беріледі. Бұл ретте жұмыстарды орындау, қызметтерді көрсету саласында 5 (бес) жылдан асатын жұмыс тәжірибесінің болуы туралы талап белгілеуге жол берілмейді.
      Тапсырыс берушіге конкурстық құжаттамада тауарлардың өндірушісі берген әлеуетті жеткізушінің конкурстық құжаттамада белгіленген көлемде және сапада тауарды жеткізу туралы ашық конкурс шарттарын орындау мүмкіндігі бар екенін растайтын хатты ұсыну туралы талапты белгілеуге жол беріледі.
      28. Конкурстық құжаттамада жер қойнауын пайдалану жөніндегі операцияларды жүргізу кезінде сатып алуды жүзеге асырудың мынадай жағдайларын қоспағанда, тауар белгілеріне, қызмет көрсету белгілеріне, фирмалық атауларға, патенттерге, пайдалы үлгілерге, өнеркәсіптік үлгілерге, тауардың шығу орнының атауы мен өндірушінің атауына, сондай-ақ сатып алынатын ТЖҚ-ның жеке әлеуетті жеткізушіге және (немесе) сатып алынатын тауар өндірушісіне тиесілілігін айқындайтын өзге де сипаттамаларға сілтемелердің мазмұнын көрсетуге жол берілмейді:
      1) тапсырыс берушіде бар жабдықты жете жинақтау, жаңғырту, жөндеу және жете жарақтандыру үшін;
      2) тауарды лизингке ұсыну бойынша көрсетілетін қызметтердің жеткізушісін айқындау және лизинг нысанасының егжей-тегжейлі сипаттаудың қажеттілігін туындату үшін.
      29. Тапсырыс берушінің электрондық цифрлық қолтаңбасы қойылған, бекітілген конкурстық құжаттаманы тапсырыс беруші тізілімде орналастырады.
      Ашық конкурсқа қатысу үшін әлеуетті жеткізушілер әрбір лот бойынша конкурстық құжаттаманы және техникалық ерекшелікті жүктейді (көшіріп алады).
      Ашық конкурс лотына осы лот бойынша конкурстық құжаттаманы және техникалық ерекшелікті жүктемеген (көшіріп алмаған) әлеуетті жеткізушінің қатысуына жол берілмейді.
      Әрбір лот бойынша конкурстық құжаттаманың және техникалық ерекшеліктің көшірмесін ұсыну (тізілімнен алу) фактісі тізілімде автоматты түрде тіркеледі.
      30. Конкурстық құжаттаманы ашық конкурсты өткізу туралы хабарландырудың мәтіні жарияланғанға дейін ұсынуға жол берілмейді.
      31. Әлеуетті жеткізушінің конкурстық құжаттаманың ережелерін түсіндіру туралы сұрау салумен тапсырыс берушіге жүгінуге оны тізілімде орналастыру арқылы жол беріледі, бірақ ол конкурстық өтінімдерді берудің соңғы мерзімі өткенге дейінгі күнтізбелік бес күннен кешіктірілмеуі тиіс. Тапсырыс беруші сұрау салу тіркелген күннен бастап екі жұмыс күні ішінде оған жауап береді және сұрау салудың кімнен түскенін көрсетпестен, түсіндіруді тізілімде орналастырады.
      32. Тапсырыс берушіге осы Қағидалардың 27-тармағының 1) тармақшасында көзделген мәліметтерді қоспағанда, конкурстық құжаттамаға өзгерістер мен (немесе) толықтырулар енгізуге жол беріледі. Конкурстық құжаттамаға өзгерістер мен (немесе) толықтыруларды конкурстық өтінімді ұсынудың түпкілікті мерзімі аяқталғанға дейін күнтізбелік бес күннен кешіктірілмейтін мерзімде енгізуге жол беріледі. Өзгерістер мен (немесе) толықтырулар енгізілген кезде тапсырыс беруші конкурстық құжаттаманы қайтадан бекітуі тиіс және тапсырыс беруші конкурстық өтінімді ұсынудың түпкілікті мерзімін әлеуетті жеткізушілер бұл өзгерістерді конкурстық өтінімдерде ескеруі үшін кемінде бес жұмыс күні мерзіміне ұзартылады.
      Тапсырыс беруші енгізілген өзгерістер мен (немесе) толықтырулар ескерілген конкурстық құжаттаманың көшірмесін өзгерістер мен (немесе) толықтырулар енгізілген күннен бастап күнтізбелік бір күннен кешіктірмей барлық әлеуетті жеткізушілерге оны тізілімде орналастыру арқылы ұсынады.
      Конкурстық өтінімді ұсыну мерзімдерін ұзарту туралы ақпарат тізілімде орналастырылуы тиіс.
      Конкурстық өтінімдерді ұсынудың мерзімін ұзартудың негіздемесі конкурстық құжаттамаға өзгерістер мен (немесе) толықтырулардың енгізілуі болып табылады.
      Осы тармаққа сәйкес тапсырыс берушінің ТЖҚ-ны сатып алуды жүзеге асырудан бас тартуына байланысты ашық конкурс тәсілімен сатып алудың нысанасы болып табылатын, осы ТЖҚ-ның кейбір лоттарын алып тастау осы Қағидалардың 27-тармағының 1) тармақшасында көзделген мәліметтерге өзгерістер енгізу деп саналмайды.

Ашық конкурсты ақпараттық қамтамасыз ету

      33. Ашық және қайталама конкурсты өткізген кезде оны өткізу туралы хабарландыруды тапсырыс берушінің ақпаратты қалыптастыруға және орналастыруға уәкілеттік берген адамы мемлекеттік және орыс тілдерінде тізілімде орналастырады және тапсырыс берушінің электрондық цифрлық қолтаңбасы қойылады.
      Сатып алуды өткізу және олардың қорытындылары туралы хабарландыру да Заңның 77-бабының 4-тармағына сәйкес мерзімді баспа басылымдарында жариялануға тиіс.
      Көмірсутекті шикізаттарға арналған келісімшарттар бойынша ашық конкурсты өткізу туралы хабарландыру:
      1) егер әрбір лот бойынша сатып алынатын тауардың, жұмыстың және көрсетілетін қызметтің жалпы көлемі құндық көрінісінде тиісті қаржы жылына белгіленген он төрт мың еселік айлық есептік көрсеткішке тең немесе одан аспайтын болса, конкурстық өтінімдерді ұсынудың түпкілікті мерзімі өткенге дейін кемінде күнтізбелік он бес күн бұрын;
      2) егер әрбір лот бойынша сатып алынатын тауардың, жұмыстың және көрсетілетін қызметтің жалпы көлемі құндық көрінісінде тиісті қаржы жылына белгіленген он төрт мың еселік айлық есептік көрсеткіштен асатын болса, конкурстық өтінімдерді ұсынудың түпкілікті мерзімі өткенге дейін кемінде күнтізбелік отыз күн бұрын орналастырылады.
      Қайталама ашық конкурс өткізілген жағдайда:
      1) егер әрбір лот бойынша сатып алынатын тауардың, жұмыстың және көрсетілетін қызметтің жалпы көлемі құндық көрінісінде тиісті қаржы жылына белгіленген он төрт мың еселік айлық есептік көрсеткішке тең немесе одан аспайтын болса, конкурстық өтінімдерді ұсынудың түпкілікті мерзімі өткенге дейін кемінде күнтізбелік жеті күн бұрын;
      2) егер әрбір лот бойынша сатып алынатын тауардың, жұмыстың және көрсетілетін қызметтің жалпы көлемі құндық көрінісінде тиісті қаржы жылына белгіленген он төрт мың еселік айлық есептік көрсеткіштен асатын болса, конкурстық өтінімдерді ұсынудың түпкілікті мерзімі өткенге дейін кемінде күнтізбелік он бес күн бұрын орналастырылады.
      Қатты пайдалы қазбаларға, жерасты суларына, емдік балшықтарға, ағынды суларды лақтыруға арналған жер қойнауын барлауға, барлау және (немесе) игеруге байланысты емес жерасты құрылыстарын салу және (немесе) пайдалануға арналған келісімшарттар бойынша ашық конкурсты өткізу туралы хабарландыру конкурстық өтінімдерді ұсынудың түпкілікті мерзімі өткенге дейін кемінде күнтізбелік он бес күн бұрын орналастырылады.
      Қайталама ашық конкурсты өткізу туралы хабарландыру конкурстық өтінімдерді ұсынудың түпкілікті мерзімі өткенге дейін кемінде күнтізбелік жеті күн бұрын орналастырылады.
      34. Тізілімде орналастырылатын ашық конкурсты өткізу туралы хабарландыруда мынадай мәліметтер көрсетіледі:
      1) ашық конкурстың нысанасы (егер ашық конкурстың нысанасына бірнеше лот кірген жағдайда, лоттардың атаулары және нөмірлері);
      2) әкімшілік-аумақтық объектілердің жіктеуішіне сәйкес тапсырыс берушінің атауы мен орналасқан орны;
      3) әрбір лот бойынша сатып алынатын тауарлардың сипаттамасы, өлшем бірлігі, орындалатын жұмыстар мен көрсетілетін қызметтер көлемі, сондай-ақ әрбір лот бойынша техникалық ерекшеліктің сканерден өткізілген көшірмесі;
      4) шартты жасаған күннен бастап әрбір лот бойынша тауарларды жеткізу, жұмыстарды орындау немесе қызметтерді көрсету мерзімдері, әрбір лот бойынша тауарларды жеткізудің, қызметтерді көрсетудің, жұмыстарды орындаудың мерзімі және орны;
      5) конкурстық құжаттаманың сканерден өткізілген көшірмесі;
      6) тізілімде конкурстық өтінімдерді ұсынудың басталу және аяқталу уақыты, сондай-ақ конкурстық өтінімдерді ашу күні мен уақыты;
      7) әрбір лот бойынша, ҚҚС-ны есепке алмағанда, тауарларды сатып алуға немесе жұмыстарды орындауға немесе қызметтерді көрсетуге бөлінген сома;
      8) ашық конкурстың қорытындылары шығарылған күннен бастап әрбір лот бойынша шарт жасасудың талап етілетін мерзімі;
      9) әлеуетті жеткізушілердің жүгінуіне арналған электрондық почтаның мекенжайы мен телефон нөмірлері;
      10) сатып алынатын тауарлардағы немесе жұмыстардағы немесе көрсетілетін қызметтердегі әрбір лот бойынша пайызбен көрсетілген (0-ден 100-ге дейін) жергілікті қамту бойынша ең төменгі талаптар;
      11) олардың шеңберінде сатып алу жүзеге асырылатын жер қойнауын пайдалануға арналған келісімшарт (-тардың) нөмірі (-лер);
      12) сатып алынатын тауарлардың, жұмыстар мен көрсетілетін қызметтердің бағасынан басқа, әлеуетті жеткізушінің конкурстық баға ұсынысына, ҚҚС есептемегенде, тауарларды жеткізу, жұмыстарды орындау, қызметтерді көрсету талаптарында көзделген өзге шығыстарды қосудың қажеттілігі туралы талап;
      13) сатып алу коды.
      Мерзімде баспа басылымдарында жарияланатын ТЖҚ-ны сатып алудың өткізілуі туралы хабарландыру 1), 2), 7), 13) тармақшаларда көрсетілген ақпаратты және сатып алу өткізілетін ақпараттық жүйенің интернет-ресурсының мекенжайын қамтиды.
      35. Тапсырыс берушіге ашық конкурс тәсілімен сатып алуды өткізуден бас тарту туралы тізілімде хабарлау арқылы конкурстық өтінімдерді ұсынудың түпкілікті мерзімі өткенге дейін бір жұмыс күнінен кешіктірмей ТЖҚ-ны сатып алу бойынша ашық конкурсты өткізуден бас тартуға жол беріледі.
      ТЖҚ-ны сатып алу жөніндегі ашық конкурсты өткізуден бас тартқан жағдайда, тапсырыс беруші ашық конкурсты өткізуден бас тартылған күннен бастап үш жұмыс күнінен кешіктірмей ашық конкурсқа қатысуға арналған өтінімдерді қамтамасыз ету ретінде тапсырыс берушінің есебіне салынған кепілдік ақшалай жарналарды қайтарады.
      36. Тапсырыс беруші ашық конкурстың қорытындылары туралы хаттамаға қол қойылған күннен бастап бес жұмыс күнінен кешіктірмей аптасына кемінде үш рет басып шығарылатын, мемлекеттік және орыс тілдерінде Қазақстан Республикасының аумағында таралатын мерзімді баспа басылымдарында осы Қағидалардың 88-тармағының 1), 4), 12) тармақшаларында көрсетілген ақпаратты, әкімшілік-аумақтық объектілер жіктеуішіне сәйкес ашық конкурс жеңімпазының атауын, орналасқан орнын (заңды тұлғалар үшін) немесе тегін, атын, әкесінің атын, орналасқан орнының мекен жайын (жеке тұлғалар үшін) қамтитын және ашық конкурс жеңімпазының конкурстық баға ұсынысының бағасын (лоттар бойынша) қамтитын және (немесе) егер ашық конкурстың нәтижесінде жеңімпаз (лоттар бойынша) айқындалмаса, себептерді көрсете отырып, хабарландыруды орналастырады.

Конкурстық өтінімнің мазмұны және оны ұсыну

      37. Конкурстық өтінім ашық конкурсқа қатысуға ниет білдірген әлеуетті жеткізушінің, ол ашық конкурстың жеңімпазы болып танылған жағдайда, конкурстық құжаттаманың талаптары мен шарттарына сәйкес тауарларды жеткізуді немесе жұмысты орындауды немесе қызметтерді көрсетуді жүзеге асыруға келісімін білдіру болып табылады.
      38. Ашық конкурсқа қатысуға ниет білдірген әлеуетті жеткізуші тапсырыс берушіге осы Қағидаларға 1-қосымшаға сәйкес белгіленген мерзімде және нысанда тізілімде электрондық цифрлық қолтаңба қойылған конкурстық өтінімді ұсынады. Конкурстық өтінім және қоса берілетін құжаттама тізілімде мемлекеттік және орыс тілдерінде орналастырылады.
      Құжаттар конкурстық құжаттама тілінен басқа тілде ұсынылған жағдайларда, әлеуетті жеткізуші конкурстық өтінімге осындай құжаттардың нотариус куәландырған мемлекеттік және орыс тілдеріндегі аудармасының сканерден өткізілген көшірмесін қоса беруге міндетті.
      Әлеуетті жеткізушіге конкурстық өтінімді не конкурстық өтінімнің құрамдас бөлігі болып табылатын құжаттарды және (немесе) материалдарды конкурстық өтінімдер қабылданғанға дейін және (немесе) конкурстық құжаттамада көрсетілген ұсынудың соңғы мерзімі өткеннен кейін ұсынуға жол берілмейді.
      Конкурстық баға ұсыныстарын ұсыну рәсімі басталғанға дейін сатып алынатын ТЖҚ бағасы мен тарифтері туралы ақпаратты қамтитын мәліметтерді тапсырыс берушінің талап етуіне, сондай-ақ әлеуетті жеткізушінің конкурстық өтінімде көрсетуіне жол берілмейді.
      Конкурстық өтінімге қоса берілетін құжаттардың сканерден өткізілген көшірмелерімен бірге әлеуетті жеткізушінің конкурстық өтініміне әлеуетті жеткізушінің электрондық цифрлық қолтаңбасы қойылады және тізілімде орналастырылады.
      Құжаттардың сканерден өткізілген көшірмелері құжаттамалардың түпнұсқаларымен түрлі-түсті форматта ұсынылады.
      Әлеуетті жеткізуші белгіленген талаптарды сақтамаған жағдайда, мемлекеттік ақпараттық жүйенің құралдары арқылы алынған электрондық құжаттың қағаз көшірмесінен сканерленіп алынған құжаттарды ұсынуды қоспағанда немесе әріптік, цифрлық және өзге де нышандармен сәйкестендіруге келмейтін ақпаратты қамтитын құжаттарды ұсынуды қоспағанда, көшірмеден және (немесе) телнұсқадан сканерленіп алынған құжатты әлеуетті жеткізуші ұсынбаған болып есептелінеді және конкурстық құжаттаманың талаптарына сәйкес келмейтін ретінде қабылданбауы тиіс.
      39. Ашық конкурс хабарламасында көрсетілген конкурстық өтінімдерді ұсыну мерзімі аяқталғаннан кейін ұсынылған ашық конкурсқа қатысушылардың конкурстық өтінімдері тізілімде орналастырылмайды.
      40. Әлеуетті жеткізушінің конкурстық өтінімінде мыналар:
      1) әлеуетті жеткізушінің электрондық цифрлық қолтаңбасы қойылған қолданылу мерзімі көрсетілген ашық конкурсқа қатысуға арналған өтінім (әрбір лотқа);
      2) құқықтық қабілеттілігін (заңды тұлғалар үшін), азаматтық әрекетке қабілеттілігін (жеке тұлғалар үшін) растайтын құжаттардың сканерден өткізілген көшірмелері қамтылады.
      Жеке тұлға жеке сәйкестендіру нөмірін (бұдан әрі – ЖСН) көрсете отырып, жеке басын куәландыратын құжаттың сканерден өткізілген көшірмесін және (немесе) жеке немесе бизнес-сәйкестендіру нөмірін көрсете отырып (егер әлеуетті жеткізуші дара кәсіпкерлік субъектісі болып табылған жағдайда) дара кәсіпкерлік субъектісі ретінде тіркелгені туралы құжаттың сканерден өткізілген көшірмесін ұсынады. Қазақстан Республикасының резиденті еместері жеке басты куәландыратын құжаттың сканерден өткізілген көшірмесін ұсынады.
      Заңды тұлға мынадай құжаттарды ұсынады:
      жарғының сканерден өткізілген көшірмесі не заңды тұлға өз қызметін Үлгілік жарғы негізінде жүзеге асырған жағдайда, мемлекеттік тіркеу туралы өтініштің сканерден өткізілген көшірмесі;
      бизнес-сәйкестендіру нөмірін (бұдан әрі – БСН) көрсете отырып, заңды тұлғаны мемлекеттік тіркеу (қайта тіркеу) туралы куәліктің немесе анықтаманың сканерден өткізілген көшірмесі;
      құрылтайшы немесе құрылтайшылардың құрамы туралы мәліметтерді қамтитын құрылтай құжаттарынан алынған үзіндінің сканерден өткізілген көшірмесі (жарғыда құрылтайшылар немесе құрылтайшылардың құрамы туралы мәліметтер қамтылмаған жағдайда) не конкурстық өтінімдерді ашу күнінің алдында бір айдан бұрын емес берілген акцияларды ұстаушылар тізілімінен алынған үзіндінің сканерден өткізілген көшірмесі, не жарғы құрылтайшылар немесе құрылтайшылар құрамы туралы мәліметтерді не жеке тұлғалар туралы мәліметтерді ашуға дейін әлеуетті жеткізушінің жарғылық капиталында қатысушы акционерлер туралы, әлеуетті жеткізушінің құрылтайшыларына қатысушылар және басқа тұлғалар туралы мәліметтерді, егер осындай талаптар конкурстық құжаттамада көзделген болса, қамтитын кепілхаттың сканерден өткізілген көшірмесі;
      3) құжаттардың (лицензия, патент, куәлік) сканерден өткізілген көшірмелері және (немесе) сатып алынатын тауарларды өндіруге, қайта өңдеуге, жеткізуге және өткізуге, жұмыстарды орындауға және қызметтер көрсетуге арналған әлеуетті жеткізушінің құқығын растайтын құжаттардың көшірмелері немесе әлеуетті жеткізушінің сатып алынатын тауарларды өндіруге, қайта өңдеуге, жеткізуге және өткізуге, жұмыстарды орындауға және қызметтер көрсетуге құқығын растайтын құжаттардың болу қажеттілігінің жоқтығы туралы хаттың сканерден өткізілген көшірмесі;
      4) егер сатып алу нысанасы стандарттың немесе Қазақстан Республикасының сертификаттау туралы заңнамасына сәйкес адамдардың өмірі, денсаулығы, азаматтардың мүлкі және қоршаған ортаның қауіпсіздігін қамтамасыз ететін өзге нормативтік құжаттың талаптарына сәйкес келуіне міндетті түрде сертификаттауға жататын болса, сертификаттардың сканерден өткізілген көшірмелері;
      5) төлем қабілеттілігін растайтын мынадай құжаттар:
      Қазақстан Республикасы Ұлттық Банкінің басқармасы бекіткен екінші деңгейдегі банктердегі және ипотекалық ұйымдардағы бухгалтерлік есептің үлгі шот жоспарына сәйкес банктің немесе банк филиалының алдындағы әлеуетті жеткізушінің міндеттемелерінің барлық түрлері бойынша анықтама берілген күннің алдындағы үш айдан астам созылған мерзімі өткен берешектің жоқтығы туралы әлеуетті жеткізушіге қызмет көрсететін банктің немесе банк филиалының қолы және мөрі қойылған анықтаманың сканерден өткізілген көшірмесі (егер әлеуетті жеткізуші екінші деңгейдегі бірнеше банктің немесе филиалдарының, сондай-ақ шетелдік банктің клиенті болып табылса, осы анықтама осындай банктердің әрқайсысынан ұсынылады). Анықтама конкурстық өтінімдер ашылатын күннің алдындағы бір айдан кейін берілуге тиіс. Анықтамаға қол қойған лауазымды адамның өкілеттігін растайтын құжаттың болмауы, мұндай әлеуетті жеткізушінің біліктілік талаптарына сәйкес келмейтін ретінде танылуы үшін негіздеме болып табылмайды;
      әлеуетті жеткізуші қол қойған және заңды тұлғаның мөрімен бекітілген соңғы қаржы жылындағы бухгалтерлік баланстың сканерден өткізілген көшірмесі.
      Бухгалтерлік балансы жоқ болған жағдайда, шағын бизнес субъектілері соңғы қаржы жылы үшін оңайлатылған декларацияның сканерден өткізілген көшірмесін ұсынуға құқылы.
      Егер конкурстық өтінімдерді ашу ағымдағы жылғы 30 сәуірге дейінгі мерзімде жүргізілсе, онда әлеуетті жеткізушіге әлеуетті жеткізушінің қолы қойылған және заңды тұлғаның мөрімен бекітілген соңғы қаржы жылының алдындағы қаржы жылындағы бухгалтерлік баланстың сканерден өткізілген көшірмесін ұсынуға жол беріледі.
      Бухгалтерлік балансы жоқ болған жағдайда, шағын бизнес субъектілері соңғы қаржы жылының алдындағы қаржы жылы үшін оңайлатылған декларацияның сканерден өткізілген көшірмесін ұсынуға құқылы;
      үш айдан астам уақыттағы салықтық берешегінің және міндетті зейнетақы жарналары және әлеуметтік аударымдар бойынша берешегінің (Қазақстан Республикасының салық және бюджетке төленетін басқа да міндетті төлемдер туралы заңнамасына сәйкес төлеу мерзімі кейінге қалдырылған жағдайларды қоспағанда) жоқтығы туралы не конкурстық өтінімдер салынған конверттерді ашу күнінің алдындағы бір айдан кейін берілген бір теңгеден кем салық берешегінің және міндетті зейнетақы жарналары мен әлеуметтік аударымдар бойынша берешегінің болуы туралы тиісті салық органының белгіленген нысандағы анықтамасының сканерден өткізілген көшірмесі;
      ҚҚС бойынша төлеушіні есепке қою туралы құжаттың сканерден өткізілген көшірмесі (егер әлеуетті жеткізуші ҚҚС төлеушісі болып табылса) немесе конкурстық өтінімді ұсыну күніне әлеуетті жеткізуші ҚҚС төлеушісі болмағанын растайтын кепілхаттың сканерден өткізілген көшірмесі;
      6) ТЖҚ-ның функционалдық, техникалық, сапалық, пайдалану және өзге де сипаттамалары қамтылған техникалық ерекшелік, сондай-ақ ТЖҚ-ның осы талаптарға сәйкестігін растайтын құжаттардың тізбесі (конкурстық құжаттамада тиісті талап болған жағдайда).
      Тауарды сатып алған жағдайда, техникалық ерекшелікте тауардың шығарылған елі, өндіруші зауыт, модельдің атауы және техникалық сипаттамалары көрсетіледі.
      Егер әлеуетті жеткізуші әртүрлі өндірушілер өндірген тауарды жеткізуге ұсынған жағдайда, техникалық ерекшелікте жеткізуге ұсынылып отырған тауардың шығарылған елі, өндіруші зауыт, модельдің атауы және техникалық сипаттамалары туралы ақпарат әрбір тауар бойынша бөлек көрсетіледі.
      Әлеуетті жеткізуші сондай-ақ жеткізілетін тауардың өзге де сипаттамаларын көрсетуге құқылы;
      7) ұсынылатын тауарлардағы немесе жұмыстардағы немесе көрсетілетін қызметтердегі әрбір лот бойынша пайыздарда көрсетілген жергілікті қамту бойынша міндеттемелер (0-ден 100-ге дейін);
      8) жер қойнауын пайдалану жөніндегі операцияларды жүргізуге байланысты жұмыстардың жекелеген түрлерін орындауға арналған шартты орындау кезінде мердігердің осы Қағидаларды сақтау туралы міндеттемесі (мердігерлік жұмыстарды сатып алған жағдайда);
      9) әлеуетті жеткізуші мердігерлерінің осы Қағидалардың 8-тармағында көзделген біліктілік талаптарына сәйкестігін растайтын құжаттар немесе әлеуетті жеткізушінің мердігерлерді тарту ниетінің жоқ екендігін растайтын кепілхатының сканерден өткізілген көшірмесі (мердігерлік жұмыстарды сатып алған жағдайда);
      10) әлеуетті жеткізушінің осы Қағидалардың 8-тармағының 3) тармақшасында, 11-тармағының 1), 2) және 4) тармақшаларында көрсетілген өткізілетін ашық конкурсқа қатысуға тыйым салатын негіздемелердің жоқтығы туралы кепілхаттары;
      11) осы Қағидалардың 11-тармағының 3) және 5) тармақшаларында және 12-тармағында көрсетілген өткізілетін ашық конкурсқа қатысуға тыйым салатын негіздемелердің жоқтығы туралы әлеуетті жеткізушінің кепілхаттары;
      12) әлеуетті жеткізушіде Қазақстан Республикасының қолданыстағы заңнамасына сәйкес аккредиттелген ұйым сертификаттаған мемлекеттік стандарттардың талаптарына сәйкес сапа менеджменті жүйесінің (сертификатталған жүйелердің) болуын растайтын құжаттардың сканерден өткізілген көшірмелері (конкурстық құжаттамада тиісті талап болған жағдайда);
      13) әлеуетті жеткізушіде сатып алынатын жұмыстар, көрсетілетін қызметтер нарығында және (немесе) белгілі бір салада жұмыс тәжірибесінің болуын растайтын құжаттар: осындай қызмет түрлерімен айналысуға лицензиялардың болуын талап ететін қауіпті, ерекше қауіпті жұмыс түрлерін сатып алу кезінде, сондай-ақ орындалған жұмыстарды, көрсетілген қызметтерді қабылдау-беруді растайтын жүкқұжаттардың, тиісті актілердің сканерден өткізілген көшірмелерін қоса бере отырып, әлеуетті жеткізуші тиісті қаржы жылына белгіленген он төрт мың еселік айлық есептік көрсеткіштің мөлшерінен кем емес шарт сомасына әлеуетті жеткізуші жұмыстар орындаған, қызметтер көрсеткен ұйымдардан ұсыныс хаттардың немесе оң пікірлердің сканерден өткізілген көшірмелері (конкурстық құжаттамадағы тиісті талап болған жағдайда);
      14) әлеуетті жеткізушінің шарт жобасының елеулі талаптарымен келіскендігін растайтын кепілхаты;
      15) Қазақстан Республикасының заңнамасына сәйкес нысандар бойынша жергілікті қамту бойынша есептілікті өткізу туралы талаптарды және есептерде көрсетілген ақпараттың мазмұнына, есептіліктерді ұсыну мерзімін бұзғандығы және әлеуетті жеткізушілердің жергілікті қамту бойынша міндеттемелерін орындамауына жауапкершілікті сақтау туралы кепілхаты.
      Осы тармақтың талаптарына сәйкес конкурстық өтінімге қоса берілетін мемлекеттік органдар және өзге ұйымдар берген құжаттарды сканерден өткізу құжаттардың түпнұсқаларынан жасалуы керек.
      Мемлекеттік ақпараттық жүйелердің құралдары арқылы алынған электрондық құжаттың қағаз көшірмесінен сканерден өткізілген құжаттарды ұсынуға жол беріледі.
      41. Егер әлеуетті жеткізуші Қазақстан Республикасының резиденті емес болған жағдайда, онда оның біліктілік талаптарына сәйкестігін растау үшін Қазақстан Республикасының резиденттері ұсынатын құжаттарды не нотариус куәландырған мемлекеттік және орыс тіліндегі аудармасымен қоса Қазақстан Республикасының резиденті емес әлеуетті жеткізуші туралы ұқсас мәліметтерді қамтитын құжаттарды ұсынады.
      42. Әлеуетті жеткізушілер шартты бағаны есептеу үшін осы Қағидалардың 40-тармағында көзделген құжаттардан басқа мыналарды ұсынады:
      1) егер әлеуетті жеткізуші ашық конкурстың сатып алу нысанасы болып табылатын тауарлардың қазақстандық өндірушісі болып табылған жағдайда, Қазақстан Республикасының аумағында шығарылғанын растайтын, ішкі айналымға арналған тауардың шығу тегі туралы сертификаттың сканерден өткізілген көшірмесі;
      2) егер әлеуетті жеткізуші ашық конкурстың сатып алу нысанасы болып табылатын жұмыстар мен көрсетілетін қызметтердің қазақстандық өндірушісі болып табылған жағдайда, әлеуетті жеткізушінің бірінші басшысы немесе өзге уәкілетті адамы электрондық цифрлық қолтаңба қойған осы Қағидаларға 2-қосымшаға сәйкес нысан бойынша қызметкерлердің саны туралы мәліметтер.
      43. Тапсырыс беруші конкурстық өтінімдердің қолданылу мерзімі өткенге дейін әлеуетті жеткізушілерге мерзімді қосымша уақыт кезеңіне ұзарту туралы сұрау салу жібере алады. Әлеуетті жеткізуші сұрау салуды қабылдамаған жағдайда, соңғысы өз конкурстық өтінімінің қолданылу мерзімі ұзартылмаған кезеңде өткізілген ашық конкурсқа қатысу құқығынан айырылмайды.
      44. Әлеуетті жеткізуші конкурстық өтінімді конкурстық құжаттамада көрсетілген оларды ұсынудың түпкілікті мерзімі аяқталғанға дейін тізілімде ұсынады.
      Әлеуетті жеткізушінің конкурстық өтінімді ұсыну фактісі тізілімде автоматты түрде тіркеледі.
      45. Әлеуетті жеткізушіге конкурстық өтінімдерді ұсыну мерзімінің аяқталуынан кешіктірмей мыналарға:
      1) конкурстық өтінімді өзгертуге және (немесе) толықтыруға;
      2) өзі енгізген конкурстық өтінімдерді қамтамасыз етуді қайтару құқығын жоғалтпай, өзінің конкурстық өтінімін қайтарып алуға жол беріледі.
      46. Мыналарды:
      1) әлеуетті жеткізушіге бір лотқа бір конкурстық өтінімнен артық;
      2) әлеуетті жеткізушіге конкурстық өтінімдерді ұсынудың түпкілікті мерзімі аяқталғаннан кейін конкурстық өтінімге өзгерістер және (немесе) толықтырулар енгізуге жол берілмейді.
      Әлеуетті жеткізушілерге конкурстық өтінімдерді ұсынудың түпкілікті мерзімі аяқталған соң конкурстық өтінімді қайтарып алуға жол берілмейді.
      47. Әлеуетті жеткізуші ашық конкурс тәсілімен сатып алудың бірнеше лотына қатысқан жағдайда, осы Қағидалардың 40-тармағының 1), 3), 4), 6) – 9), 11) – 14) тармақшаларында көзделген құжаттар ашық конкурс тәсілімен сатып алудың әрбір лоты үшін жеке ұсынылады.
      Әлеуетті жеткізуші кешенді жұмыстарды сатып алуға қатысқан жағдайда, әлеуетті жеткізуші осы Қағидалардың 11-тармағының 2) және 3) тармақшаларында көзделген кепілхаттарды ұсынбайды.
      48. Әлеуетті жеткізуші өзінің ашық конкурс тәсілімен сатып алуға қатысуымен байланысты барлық шығыстарды көтереді. Тапсырыс беруші сатып алудың қорытындыларына қарамастан, осы шығындарды өтеу бойынша міндеттемелерді атқармайды.

Конкурстық өтінімді қамтамасыз ету

      49. Тапсырыс берушіге аталған тауарды, жұмысты, көрсетілетін қызметті сатып алу үшін конкурстық құжаттамада көзделген сомадан бір пайыздан артық конкурстық өтінімді қамтамасыз ету мөлшерін белгілеуге жол берілмейді.
      50. Конкурстық өтінімді қамтамасыз етуді мынадай тәсілдердің бірімен енгізуге жол беріледі:
      1) тапсырыс берушінің банк шотына енгізілетін кепілдікті ақшалай жарнасы;
      2) Қазақстан Республикасының бір немесе бірнеше екінші деңгейдегі банктерінің банк кепілдігі.
      Конкурстық өтінімді қамтамасыз етуді енгізу тәсілін таңдау құқығын әлеуетті жеткізуші жүзеге асырады.
      51. Жеткізушінің шарт бойынша міндеттемелерін толық орындағанға дейін үшінші тұлғаларда енгізілген кепілдікті ақшалай жарнаға толық не бір бөлігінде талап ету құқығының туындауына әкелетін әрекет жасауына жол берілмейді.
      52. Жеткізуші енгізген кепілдікті ақшалай жарнаны осы Қағидалардың 54-тармағында көзделген жағдайлар туындағанға дейін тапсырыс берушінің пайдалануына жол берілмейді.
      53. Конкурстық өтінімді қамтамасыз етуді енгізу туралы талап мүгедектердің қоғамдық ұйымдарына қолданылмайды.
      54. Тапсырыс беруші конкурстық өтінімді қамтамасыз етуді мынадай жағдайлардың бірі туындаған кезде:
      1) ашық конкурстың жеңімпазы деп айқындалған әлеуетті жеткізуші сатып алу туралы шарт жасасудан жалтарса;
      2) ашық конкурстың жеңімпазы сатып алу туралы шарт жасасып, егер оның енгізілуі конкурстық құжаттамада көзделген жағдайда, сатып алу туралы шарттың орындалуын қамтамасыз етуді енгізу туралы конкурстық құжаттамада белгіленген талаптарды орындамаса қайтармайды.
      55. Осы Қағидалардың 54-тармағында көзделген жағдайлардың бірі туындаған жағдайда, конкурстық өтінімді қамтамасыз ету сомасы тапсырыс берушінің кірісіне есептеледі.
      56. Тапсырыс беруші әлеуетті жеткізушіге өзі енгізген конкурстық өтінімді қамтамасыз етуді мынадай:
      1) осы әлеуетті жеткізуші конкурстық өтінімді ұсынудың соңғы мерзімі аяқталғанға дейін өзінің конкурстық өтінімін кері қайтарып алған;
      2) тапсырыс беруші ашық конкурсқа қатысуға рұқсаттама хаттамасына қол қойған. Аталған тармақшаның шарттары сатып алуға қатысуға рұқсат алмаған әлеуетті жеткізушілерге қолданылады;
      3) тапсырыс беруші ашық конкурс тәсілімен сатып алудың қорытындыларын шығару хаттамасына қол қойған. Аталған тармақша ашық конкурс жеңімпазы деп айқындалған ашық конкурсқа қатысушыға қолданылмайды;
      4) сатып алу туралы шарт күшіне енген және ашық конкурс жеңімпазы егер оның енгізілуі конкурстық құжаттамада көзделген жағдайда, сатып алу туралы шарттың орындалуын қамтамасыз етуді енгізген;
      5) әлеуетті жеткізушінің конкурстық өтінімінің қолданылу мерзімі өткен, жағдайлар туындаған күннен бастап үш жұмыс күні ішінде қайтарады.

Конкурстық өтінімдерді ашу

      57. Конкурстық өтінімді ұсыну фактісі мынадай мәліметтерді көрсете отырып, тізілімде автоматты режимде тіркеледі:
      1) ашық конкурстың нысанасы (егер ашық конкурс нысанасына бірнеше лот кірген жағдайда, лоттардың атаулары мен нөмірлері);
      2) әлеуетті жеткізушінің атауы мен орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      3) әлеуетті жеткізушінің конкурстық өтінімді ұсынған күні және уақыты;
      4) әлеуетті жеткізушінің конкурстық өтінімді қайтарып алған күні мен уақыты.
      58. Тізілімде әлеуетті жеткізушілердің конкурстық құжаттамада көрсетілген, оларды ұсынудың соңғы мерзімі өткеннен кейін ұсынылатын конкурстық өтінімдері орналастырылмайды.
      59. Электрондық цифрлық қолтаңба қойылған әлеуетті жеткізушілердің конкурстық өтінімдерін ашу тізілімде конкурстық құжаттамада белгіленген мерзімде жүзеге асырылады.
      60. Осы Қағидаларға 3-қосымшаға сәйкес нысан бойынша конкурстық өтінімдерді ашу хаттамасын тапсырыс беруші тізілімде қалыптастырады, тапсырыс берушінің электрондық цифрлық қолтаңбасы қойылады және конкурстық өтінімдерді ашу күнінен кейінгі бір жұмыс күнінен кешіктірмей тапсырыс берушінің тізілімде ақпаратты қалыптастыру мен орналастыруға уәкілеттік берген адамы тізілімде орналастырады.
      Тізілімде қалыптастырылған конкурстық өтінімдерді ашу хаттамасының қағаз нұсқасына төраға және (немесе) төрағаның орынбасары, хатшы және конкурстық өтінімдерді ашу күні қатысқан барлық конкурстық комиссия мүшелері қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күні ішінде конкурстық өтінімдерді ашу хаттамасының көшірмесі жіберіледі.
      61. Тізілімде қалыптастырылатын конкурстық өтінімдерді ашу хаттамасында мынадай мәліметтер көрсетіледі:
      1) тапсырыс берушінің атауы мен әкімшілік-аумақтық объектілердің жіктеуішіне сәйкес орналасқан орны;
      2) конкурстық өтінімдерді ашу күні, уақыты;
      3) конкурстық комиссияның құрамы;
      4) ашық конкурстың нысанасы (егер ашық конкурс нысанасына бірнеше лот кірген жағдайда, лоттардың атаулары және нөмірлері);
      5) конкурстық құжаттаманы алған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе аты, тегі, әкесінің аты және орналасқан орны (жеке тұлғалар үшін);
      6) өлшем және есеп бірліктерінің мемлекетаралық жіктеуішіне сәйкес сипаты, өлшем бірлігі, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      7) конкурстық өтінімдерді ұсынудың күні мен уақытын көрсете отырып, конкурстық өтінімдерді ұсынған әлеуетті жеткізушілердің атауы (заңды тұлғалар үшін) немесе аты, тегі, әкесінің аты (жеке тұлғалар үшін);
      8) өзінің конкурстық өтінімін кері қайтарып алған әлеуетті жеткізушілердің атауы (заңды тұлғалар үшін) немесе аты, тегі, әкесінің аты (жеке тұлғалар үшін);
      9) әрбір лот бойынша жеке әлеуетті жеткізушілердің ашылған конкурстық өтінімдерінің мазмұны туралы ақпарат;
      10) оның шеңберінде сатып алу жүзеге асырылатын жер қойнауын пайдалануға арналған келісімшарт (-тар) нөмірі (-лері).

Конкурстық өтінімдерді қарау және ашық конкурсқа қатысуға рұқсат беру рәсімі

      62. Конкурстық комиссия конкурстық өтінімдерді қарайды және егер конкурстық құжаттамада өзгеше ұзақ мерзім көзделмесе, әлеуетті жеткізушілерді әрбір лот бойынша жеке конкурстық өтінімдерді ашқан күннен кейінгі үш жұмыс күнінен кешіктірмей ашық конкурсқа қатысуға рұқсат беру туралы шешім қабылдайды.
      63. Конкурстық комиссия конкурстық өтінімді, егер ол конкурстық құжаттамада көрсетілген талаптарға сәйкес келсе не конкурстық құжаттамада жазылған сипаттамаларды, шарттар мен өзге де талаптарды елеулі өзгертпейтін немесе олардан маңызды шегіну болып табылмайтын маңызды емес ауытқулар бар болса немесе онда конкурстық өтінімнің мәнін қозғамай түзетуге келетін грамматикалық қателер бар болса, талаптарға сәйкес келетін өтінім ретінде қарайды.
      64. Конкурстық өтінімдерді қараған кезде:
      1) конкурстық өтінімдерді қарауды жеңілдету үшін конкурстық комиссияның тізілімде орналастыру арқылы ашық конкурстың әлеуетті жеткізушілерінен олардың мазмұнын өзгертпестен, бірақ конкурстық өтінімдерді қараудың соңғы мерзімі өткенге дейін күнтізбелік бес күннен кешіктірмей, олардың конкурстық өтінімдеріне байланысты түсіндірмеге сұрау салуға жол беріледі. Әлеуетті жеткізуші сұрау салуды тіркеген сәттен бастап күнтізбелік екі күн ішінде оған жауап береді және түсіндірмені тізілімде орналастырады;
      2) тапсырыс берушіге әлеуетті жеткізушінің конкурстық өтініміне қандай да бір өзгеріс енгізуге жол берілмейді;
      3) конкурстық құжаттаманың және осы Қағидалардың талаптарына сәйкес келмейтін конкурстық өтінімді осы талаптарға сәйкес келтіру үшін ешқандай сұрау салуларға, ұсыныстар немесе рұқсаттамаларға жол берілмейді.
      65. Конкурстық комиссия мынадай негіздер бойынша конкурстық өтінімді қабылдамайды және әлеуетті жеткізушіні ашық конкурсқа қатысуға жібермейді:
      1) осы Қағидалардың 40-тармағында көрсетілген құжаттар ұсынылмаса;
      2) конкурстық өтінім осы Қағидалардың және конкурстық құжаттаманың талаптарын бұза отырып ресімделген (сканерден өткізілген) құжаттарды қамтыса;
      3) конкурстық өтінімнің қолданылу мерзімі конкурстық құжаттамада белгіленген мерзімнен аз болса;
      4) конкурстық өтінім және (немесе) қоса берілген құжаттама әріптік, цифрлық және өзге де нышандармен сәйкестендіруге келмейтін ақпаратты қамтыса, сондай-ақ файлды ашу қатесімен ұсынылса;
      5) конкурстық өтінімде және (немесе) қоса берілген құжаттамада конкурстық өтінім бағасын қалыптастыру үшін сатып алынатын ТЖҚ және (немесе) тарифтердің құны көрсетілсе;
      6) конкурстық өтінім және (немесе) қоса берілген құжаттама конкурстық құжаттама тілінен өзгеше тілде ұсынылса;
      7) Қазақстан Республикасының резиденттері еместері конкурстық құжаттаманы және (немесе) оған қоса берілетін құжаттаманы нотариус куәландырған конкурстық құжаттама тіліне аудармасыз ұсынса;
      8) банк немесе банк филиалының қолы және мөрі бар анықтаманың сканерден өткізілген көшірмесінде әлеуетті жеткізушінің аталған анықтаманың берілген күнінің алдындағы үш айдан артық созылып келе жатқан міндеттеме түрлерінің біреуінен болса да мерзімі өткен қарыздардың болуы;
      9) Қазақстан Республикасының заңнамасын бұза отырып ресімделген шағын бизнес субъектілеріне арналған бухгалтерлік баланс, жеңілдетілген декларация ұсынылса;
      10) тиісті салық органының анықтамасында үш айдан астам бір теңге немесе одан көп мөлшерде салық берешегі және міндетті зейнетақы жарналары мен әлеуметтік аударымдар бойынша берешегі туралы мәліметтердің болуы (Қазақстан Республикасының салық және бюджетке төленетін басқа да міндетті төлемдер туралы заңнамасына сәйкес төлем мерзімі ұзартылған жағдайларды қоспағанда);
      11) әлеуетті жеткізушінің конкурстық құжаттаманың техникалық ерекшелігінде белгіленген талаптарға сәйкес келмейтін техникалық ерекшелікті ұсынуы;
      12) шарт негізінде база иелерінің үшінші тұлғаларына қол жеткізуге рұқсат берілетін ақпараттық базаларда қамтылған мәліметтерге сәйкес әлеуетті жеткізуші, оның құрылтайшылары, акционерлер немесе құрылтайшының қатысушылары немесе әлеуетті жеткізушінің жарғылық капиталына жанама қатысатын өзге де тұлғалар сыбайлас жемқорлық немесе өзге де құқыққа қарсы қызметке араласса;
      13) әлеуетті жеткізуші осы Қағидалардың 11 және 12-тармақтарында келтірілген талаптарды бұзса.
      Осы тармақта көзделмеген негіздемелер бойынша конкурстық өтінімдерден бас тартуға жол берілмейді.
      66. Конкурстық комиссия әлеуетті жеткізушілердің конкурстық өтінімдерін қарау кезінде, әлеуетті жеткізушінің Заңның 78-бабының 2-тармағында көзделген критерийге сәйкес келетіндігін айқындау үшін әлеуетті жеткізуші ұсынған мәліметтерді әр лот бойынша бөлек ескереді.
      Әлеуетті жеткізуші конкурстық өтінімнің бағасына әсер ететін критерийге өзінің сәйкестігін растайтын құжаттарды ұсынбаған жағдайда, конкурстық комиссия осындай әлеуетті жеткізушінің конкурстық баға ұсынысына бағаны шартты төмендетуді қолданбайды.
      67. Әлеуетті жеткізушінің конкурстық өтінімін тапсырыс берушінің конкурстық өтінімдерді ұсынудың түпкілікті мерзімін ұзартуына байланысты оның төлем қабілеттілігін растайтын құжаттардың қолдану мерзімінің өтуі себебі бойынша бас тартуға жол берілмейді.
      68. Егер неғұрлым жақсы функционалдық және басқа да сипаттамалары бар тауарлар мен көрсетілетін қызметтер ұсынылса, сондай-ақ егер неғұрлым жақсы технологиялық шешімдер және (немесе) ең жақсы материалдардан жасалған жұмыстарды орындау ұсынылса, конкурстық құжаттамада көрсетілген техникалық ерекшелікке әлеуетті жеткізушінің техникалық ерекшелігінің сәйкессіздігіне жол беріледі.
      69. Ашық конкурсқа қатысуға рұқсат беру хаттамасын осы Қағидаларға 4-қосымшаға сәйкес тапсырыс беруші тізілімде қалыптастырады, оған тапсырыс берушінің электрондық цифрлық қолтаңбасы қойылады және егер конкурстық құжаттамада өзгеше ұзақ мерзім көзделмесе, тапсырыс берушінің тізілімде ақпаратты қалыптастыру мен орналастыруға уәкілеттік берген адамы оны конкурстық өтінімдерді ашу күнінен кейінгі үш жұмыс күнінен кешіктірмей көрсетілетін тізілімде орналастырады.
      Ашық конкурсқа қатысуға рұқсат хаттамасының қағаз нұсқасына конкурстық комиссияның төрағасы және (немесе) төрағасының орынбасары, хатшысы және қатысуға рұқсат беру рәсіміне қатысқан конкурстық комиссияның барлық мүшелері қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күні ішінде ашық конкурсқа қатысуға рұқсат беру хаттамасының көшірмесі жіберіледі.
      70. Ашық конкурсқа қатысуға рұқсат беру хаттамасы мыналарды қамтиды:
      1) тапсырыс берушінің атауы және әкімшілік-аумақтық объектілердің жіктеуішіне сәйкес орналасқан орны;
      2) отырысты өткізудің күні, уақыты және орны;
      3) конкурстық комиссияның құрамы;
      4) ашық конкурстың нысанасы (егер ашық конкурс нысанасына бірнеше лот кірген жағдайда, лоттардың атаулары);
      5) өлшем және есеп бірліктерінің мемлекетаралық жіктеуішіне сәйкес өлшем бірлігі, сипаты, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      6) конкурстық өтінімдері тізілімде ашылып, конкурстық комиссия қараған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      7) қабылдамау себептері көрсетіле отырып, конкурстық өтінімдері қабылданбаған әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      8) Заңның 78-бабының 2-тармағында көзделген бағаның шартты төмендетілуінің қолданылуын көрсете отырып, ашық конкурстың (лот) қатысушылары болып танылған әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      9) ашық конкурсқа қатысушылардың конкурстық баға ұсыныстарының рұқсат беру хаттамасына тапсырыс берушінің электрондық цифрлық қолтаңбасы қойылған сәттен бастап тізілімде орналастырылуының күні, уақыты;
      10) ашық конкурсқа қатысушылардың конкурстық баға ұсыныстарын бағалау және салыстыру күні, уақыты;
      11) шеңберінде сатып алу жүзеге асырылатын жер қойнауын пайдалануға арналған келісімшарт(-тардың) нөмірі (-лер).
      71. Конкурстық комиссия, егер ашық конкурсқа қатысуға рұқсат беру хаттамасында өзгеше ұзақ мерзім көзделмесе, конкурстық баға ұсыныстарын ашуды ашық конкурсқа қатысуға рұқсат беру хаттамасына қол қойған күннен бастап екі жұмыс күнінен кейінгі күнге белгілейді.
      Ашық конкурсқа қатысуға рұқсат беру нәтижелері туралы мүдделі органдарды хабардар ету тапсырыс берушінің тізілімде ақпаратты қалыптастыруға және орналастыруға уәкілетті тұлғасының ашық конкурсқа қатысуға рұқсат беру хаттамасын орналастыру болып табылады.
      72. Ашық конкурстың барлық лоттары бойынша әлеуетті жеткізушілер ұсынған немесе тізілімде бас тартылмаған конкурстық өтінімдер жоқ болған жағдайда, ашық конкурсты өткізілмеді деп тану туралы шешім қабылданады және осы Қағидалардың 87, 88-тармақтарында келтірілген тәртіппен және нысандар бойынша қорытындылар хаттамасы ресімделеді.

Конкурстық баға ұсыныстарының мазмұны және олардың ұсынылуы

      73. Электрондық цифрлық қолтаңбасы қойылған ашық конкурсқа қатысушының конкурстық баға ұсынысы сатып алынатын ТЖҚ-ның бағасынан басқа, оларды тасымалдауға және сақтандыруға, кедендік баждарды, салықтар мен алымдарды төлеуге кететін шығыстарды, сондай-ақ ҚҚС-ны есепке алмағанда, тауарларды жеткізу, жұмыстарды орындау, қызметтерді көрсету шарттарымен көзделген өзге де шығындарды ескере отырып, тізілімде әрбір лот бойынша бөлек ұсынылады,
      74. Ашық конкурстың қатысушылары конкурстық баға ұсыныстарын ашық конкурсқа қатысуға рұқсат беру хаттамасында көрсетілген мерзімінен кешіктірмей ұсынады.
      Конкурстық баға ұсыныстарын қабылдау басталғанға дейін және (немесе) ашық конкурсқа қатысуға рұқсат беру хаттамасында көрсетілген оларды ұсынудың түпкілікті мерзімі өткеннен кейін әлеуетті жеткізушінің конкурстық баға ұсыныстарын не конкурстық баға ұсынысының құрамдас бөлігі болып табылатын құжаттарды және (немесе) материалдарды ұсынуға жол берілмейді.
      75. Ашық конкурстың қатысушысының тізілімде бір лотқа бір конкурстық баға ұсынысынан артық ұсынуына жол берілмейді.
      76. Ашық конкурстың қатысушыларына конкурстық баға ұсыныстарын ұсынудың мерзімі аяқталуынан кешіктірмей мыналарға:
      1) өзінің конкурстық баға ұсынысын өзгертуге;
      2) өзінің енгізген конкурстық өтінімді қамтамасыз етуін қайтару құқығын жоғалтпай, конкурстық баға ұсынысын қайтарып алуға рұқсат етіледі.

Конкурстық баға ұсыныстарын бағалау және салыстыру және ашық конкурстың жеңімпазын айқындау рәсімі

      77. Ашық конкурсқа қатысуға рұқсат беру хаттамасында көрсетілген конкурстық баға ұсыныстарын ұсыну мерзімі өткеннен кейін ұсынылатын ашық конкурсқа қатысушылардың конкурстық баға ұсыныстары тізілімде орналастырылмайды.
      78. Ашық конкурсқа қатысуға рұқсат беру хаттамасында белгіленген мерзімде конкурстық баға ұсыныстарын ұсынған ашық конкурстың қатысушылары туралы мәліметтер тізілімде автоматты түрде тіркеледі.
      79. Ашық конкурсқа қатысушының уәкілетті тұлғасы электрондық цифрлық қолтаңба қойылған конкурстық баға ұсынысын тізілімде орналастырған кезде, конкурстық баға ұсынысын беру фактісі мынадай мәліметтерді көрсету арқылы тізілімде автоматты түрде тіркеледі:
      1) өнімнің модельдік статистикалық жіктеуішіне сәйкес ашық конкурстың нысанасы (ашық конкурс нысанасына бірнеше лот кірген жағдайда, лоттардың атаулары);
      2) әкімшілік-аумақтық объектілердің жіктеуішіне сәйкес ашық конкурсқа қатысушының атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      3) ашық конкурсқа қатысушының конкурстық баға ұсынысын ұсынған күні мен уақыты;
      4) әр лотқа конкурстық баға ұсынысының бағасы.
      80. Ашық конкурсқа қатысуға рұқсат беру хаттамасында белгіленген күні, уақытта тізілімде ұсынылған конкурстық баға ұсыныстарын салыстыру және бағалау жүзеге асырылады.
      81. Әлеуетті жеткізушінің электрондық цифрлық қолтаңбасы қойылған конкурстық баға ұсыныстарын ашу тізілімде жүзеге асырылады.
      82. Ашық конкурсқа қатысушының конкурстық баға ұсынысының бағасы ашық конкурстың (лоттың) нысанасы болып табылатын ТЖҚ-ны сатып алуға бөлінген сомадан асқан жағдайда, ұсынылған конкурстық баға ұсыныстары тізілімде қабылданбайды.
      83. Конкурстық баға ұсынысы ашық конкурс немесе қайталама ашық конкурс шарттарына сәйкес келмейді деп қабылданбай қоймаған ашық конкурстың немесе қайталама ашық конкурстың жалғыз қатысушысы болған жағдайда, бұл қатысушы жеңімпаз болып танылады.
      84. Осы Қағидалардың 82-тармағында келтірілген шарт бойынша қабылданған конкурстық баға ұсыныстары тізілімде салыстырылады және бағаланады және Заңның 78-бабының 2-тармағында көзделген бағаны шартты төмендету критерийін ескере отырып, конкурстық баға ұсынысының ең төмен бағасының негізінде (лот бойынша) ашық конкурстың жеңімпазы айқындалады.
      85. Ашық конкурстың жеңімпазын айқындау кезінде Заңның 78-бабының 2-тармағында көзделген бағаны шартты төмендету бойынша критерийді қолдануды ескере отырып, ашық конкурсқа қатысушылардың конкурстық баға ұсыныстарының бағасы тең болған жағдайда, басымдық қазақстандық тауар өндірушіге, қазақстандық жұмысты, көрсетілетін қызметті өндірушіге беріледі.
      Мынадай:
      1) Заңның 78-бабының 2-тармағында көзделген бағаны шартты төмендету бойынша критерийді қолдануды ескере отырып, тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылатын ашық конкурстың конкурстық баға ұсыныстарының бағалары тең болған;
      2) тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылмайтын ашық конкурсқа қатысушылардың конкурстық баға ұсыныстарының бағалары тең болған жағдайларда, ашық конкурстың нысанасы болып табылатын сатып алынатын ТЖҚ-де жергілікті қамту бойынша ең көп пайыз ұсынған ашық конкурсқа қатысушы жеңімпаз болып танылады.
      Мынадай:
      1) Заңның 78-бабының 2-тармағында көзделген бағаны шартты төмендету бойынша критерийді қолдануды ескере отырып, конкурстық баға ұсыныстары және тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылатын ашық конкурсқа қатысушылар ұсынған ашық конкурстың нысанасы болып табылатын сатып алынатын ТЖҚ-дағы жергілікті қамту бойынша міндеттемелердің пайыздық көрінісі тең болған;
      2) конкурстық баға ұсыныстары және тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылмайтын ашық конкурсқа қатысушылар ұсынған ашық конкурстың нысанасы болып табылатын сатып алынатын ТЖҚ–дағы жергілікті қамту бойынша міндеттемелердің пайыздық көрінісі тең болған жағдайларда, конкурстық баға ұсынысы басқа ашық конкурсқа қатысушылардың конкурстық баға ұсыныстарынан бұрын тізілімде түскен ашық конкурсқа қатысушы жеңімпаз болып танылады.
      86. Жалпы немесе жеке лот бойынша ашық конкурстың қорытындыларын шығарған кезде тізілімде тапсырыс беруші уәкілеттік берген адам мына шешімдердің бірін қалыптастырады:
      1) ашық конкурстың немесе қайталама ашық конкурстың жеңімпазын жариялау туралы;
      2) ұсынылған конкурстық өтінімдердің болмауына байланысты ашық конкурсты немесе қайталама ашық конкурсты өтпеді деп тану туралы;
      3) әлеуетті жеткізушілердің барлық конкурстық өтінімдері немесе барлық конкурстық баға ұсыныстары ашық конкурстың немесе қайталама ашық конкурстың шарттарына сәйкес келмейтіндер ретінде қабылданбаған жағдайда, ашық конкурсты немесе қайталама ашық конкурсты өтпеді деп тану туралы;
      4) ашық конкурстың немесе қайталама ашық конкурстың қатысушылары ұсынған конкурстық баға ұсыныстарының болмауына байланысты ашық конкурсты немесе қайталама ашық конкурсты өтпеді деп тану туралы.
      87. Конкурстық баға ұсыныстарын салыстыру және бағалау қорытындылары бойынша шешімді конкурстық баға ұсыныстары ашылған күнінен кешіктірмей тізілімде осы Қағидаларға 5-қосымшаға сәйкес нысан бойынша тапсырыс берушінің электрондық цифрлық қолтаңбасы қойылған ашық конкурстың қорытындысын шығару хаттамасы түрінде тапсырыс берушінің тізілімде ақпаратты қалыптастыруға және орналастыруға уәкілеттік берген адамы қалыптастырады және жариялайды.
      Тізілімде қалыптастырылған ашық конкурстың қорытындысын шығару хаттамасының қағаз нұсқасына төраға және (немесе) төрағаның орынбасары, хатшы және осы Қағидалардың 88-тармағында келтірілген мәліметтерді көрсете отырып, конкурстық баға ұсыныстарын бағалау және салыстыру күнінен бастап бір жұмыс күнінен кешіктірмей конкурстық комиссия мүшелерінің қорытындысын шығару күні барлық қатысқан конкурстық комиссия мүшелері қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күні ішінде ашық конкурстың қорытындысын шығару хаттамасының көшірмесі жіберіледі.
      88. Ашық конкурстың қорытындысын шығару хаттамасы мыналарды қамтиды:
      1) тапсырыс берушінің атауы мен әкімшілік-аумақтық объектілердің жіктеуішіне сәйкес орналасқан орны;
      2) ашық конкурстың қорытындысын шығару күні, уақыты;
      3) конкурстық комиссияның құрамы;
      4) өнімнің модельдік статистикалық жіктеуішіне сәйкес ашық конкурстың нысанасы (ашық конкурс нысанасына бірнеше лот кірген жағдайда, лоттардың атауы);
      5) ашық конкурсқа қатысуға рұқсат беру хаттамасында көрсетілген соңғы мерзімнің өтуіне дейін конкурстық баға ұсыныстарын ұсынған ашық конкурсқа қатысушылардың әкімшілік-аумақтық объектілердің жіктеуішіне сәйкес атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      6) өлшем мен есеп бірліктерінің мемлекетаралық жіктеуішіне сәйкес сипаттамасы, өлшем бірлігі немесе әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      7) осы Қағидалардың 76-тармағының 2) тармақшасына сәйкес конкурстық баға ұсыныстарын кері қайтарып алған ашық конкурсқа қатысушылардың атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      8) олардың конкурстық баға ұсыныстарының бағаларын көрсете отырып, осы Қағидалардың 82-тармағында келтірілген себеппен конкурстық баға ұсыныстары қабылданбаған ашық конкурсқа қатысушылардың атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      9) Заңның 78-бабының 2-тармағында көзделген (лоттар бойынша) бағаны шартты төмендету критерийін қолдануды ескере отырып, ашық конкурсқа қатысушылардың қабылданған конкурстық баға ұсыныстарының бағалары;
      10) ашық конкурс (лоттар бойынша) жеңімпазының және жеңімпаздың ұсынысынан кейін конкурстық баға ұсыныстары барынша басым болып табылатын ашық конкурстың үш қатысушысының әкімшілік-аумақтық объектілердің жіктеуішіне сәйкес атауы, орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін) конкурстық баға ұсынысының бағасы және (немесе) ашық конкурстың нәтижесінде жеңімпаз айқындалмаған жағдайда, себептің көрсетілуі (лоттар бойынша);
      11) ашық конкурс жеңімпазының, конкурстық баға ұсыныстары жеңімпаздың ұсынысынан кейін барынша басым болып табылатын ашық конкурстың үш қатысушысының әрбір лот бойынша ұсынылып отырған тауарлар немесе жұмыстар немесе көрсетілетін қызметтердегі пайызбен көрсетілген (0-ден 100 дейін) жергілікті қамту бойынша міндеттемелері;
      12) сатып алудың коды мен тізілімнің интернет-ресурсының мекенжайы;
      13) шеңберінде сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і.
      89. Ашық конкурсты өткізу туралы хабарландыруда белгіленген мерзімде ашық конкурстың жеңімпазымен ашық конкурс жеңімпазының конкурстық өтініміндегі, конкурстық баға ұсынысындағы шарттарға және шарттың елеулі талаптарына сәйкес келетін талаптарда шарт жасалады.
      Шарт жасасу кезінде тараптардың өзара келісімі бойынша елеулі болып табылмайтын шарт жобасының талаптарын өзгертуге жол беріледі.
      90. Егер өткізілген ашық конкурс нәтижелері бойынша ашық конкурс жеңімпазы:
      1) конкурстық өтінімді қамтамасыз етудің енгізілуін растайтын құжаттың түпнұсқасын ұсынбаса;
      2) ашық конкурсты өткізу туралы хабарландыруға сәйкес белгіленген мерзімде шартқа қол қоймаса және оны тапсырыс берушіге ұсынбаса;
      3) сатып алу туралы шартқа қол қойып, шарт бойынша міндеттемелерін орындауға кіріспестен, шартты орындаудан бас тартса, осындай әлеуетті жеткізушілердің конкурстық өтінімдері шарттарында ұсыныстары ашық конкурстың қорытындысын шығару хаттамасына сәйкес жеңімпаздың ұсынысынан кейін неғұрлым басым болған ашық конкурстың кейінгі қатысушыларымен шарт жасасуға жол беріледі.
      91. Егер ашық конкурс осы Қағидалардың 86-тармағының 2), 3),  4) тармақшаларында көзделген себептер бойынша өткізілмеді деп танылса, онда осы Қағидалардың 27-тармағының 1) тармақшасында көзделген мәліметтерді қоспағанда, конкурстық құжаттамаға өзгерістер мен толықтырулар енгізуге және тапсырыс берушіге осы Қағидалардың 33-тармағында көрсетілген хабардар ету тәсілдерін қолдана отырып, қайталама ашық конкурс өткізуге не осы Қағидаларда белгіленген тәртіппен және мерзімде бір көзден сатып алу тәсілі арқылы сатып алуды жүзеге асыруға жол беріледі.
      Егер қайталама конкурс осы Қағидалардың 86-тармағының 2), 3), 4) тармақшаларында көзделген себептермен өткізілмеді деп танылса, тапсырыс берушіге осы Қағидалардың 33-тармағында көрсетілген хабардар ету тәсілдерін қолдана отырып, жаңа конкурс өткізуіне не осы Қағидаларда белгіленген тәртіппен және мерзімде бір көзден сатып алу тәсілімен сатып алуды өткізуіне жол беріледі.
      Егер ашық конкурс осы Қағидалардың 86-тармағының 3) тармақшасында көзделген себеп бойынша әлеуетті жеткізушілер тауарлардағы немесе жұмыстар немесе көрсетілетін қызметтердегі жергілікті қамту бойынша конкурстық құжаттамадағы ең аз талаптарынан төмен болып табылатын міндеттемелерді ұсыну салдарынан өткізілмеді деп танылған жағдайда, тапсырыс беруші қайталама ашық конкурсты өткізген кезде тауарлардағы немесе жұмыстардағы немесе көрсетілетін қызметтердегі жергілікті қамту бойынша талаптарды азайту жағына қарай өзгертеді.
      92. Егер өтінімдері ашық конкурстың шарттарына сәйкес келмейді деп кері қайтарылмаған барлық жеткізушілер сатып алу туралы шарт жасасудан жалтарған жағдайда, тапсырыс беруші осы Қағидалардың 33-тармағында көрсетілген хабардар ету тәсілдерін қолдана отырып, жаңа ашық конкурсты өткізеді.

Бір көзден алу тәсілімен тауарларды, жұмыстарды немесе көрсетілетін қызметтерді сатып алу

      93. Бір көзден алу тәсілімен ТЖҚ-ны сатып алу мынадай жағдайларда өткізіледі, егер:
      1) ашық немесе қайталама ашық конкурс:
      әлеуетті жеткізушілер ұсынған конкурстық өтінімдердің болмауына байланысты;
      әлеуетті жеткізушілердің барлық конкурстық өтінімдері мен барлық конкурстық баға ұсыныстары конкурстың шарттарына сәйкес келмейтін ретінде қабылданбаған жағдайда;
      конкурсқа қатысушылар ұсынған конкурстық баға ұсыныстарының болмауына байланысты өткізілмеді деп танылса;
      2) баға ұсыныстарын сұрату тәсілімен сатып алу немесе қайталама сатып алу баға ұсыныстарының болмауына не болмаса қабылданбай қоймаған баға ұсыныстарының болмауына байланысты өткізілмеді деп танылса;
      3) электрондық сатып алу жүйесі арқылы сатып алу немесе қайталама сатып алу:
      әлеуетті жеткізушілер ұсынған конкурстық өтінімдердің болмауына байланысты;
      әлеуетті жеткізушілердің конкурстық өтінімдері сатып алу шарттарына сәйкес келмеген деп қабылданбаған жағдайда;
      қатысушылардың ұсынған конкурстық баға ұсыныстарының болмауына байланысты өткізілмеді деп танылса.
      Бір көзден алу тәсілімен ТЖҚ сатып алу мыналарды:
      1) қандай да бір жеткізушіден ТЖҚ-ны сатып алған тапсырыс берушінің қолда бар ТЖҚ-мен үйлесімділігін біріздендіру, стандарттау немесе қамтамасыз ету мақсатында дәл сол жеткізушіден ТЖҚ-ны сатып алудың қажеттілігі туындаса;
      2) қызметкерлерді даярлау, қайта даярлау және олардың біліктілігін арттыру бойынша көрсетілетін қызметтерді;
      3) жол сапарларында кідірмей қалпына келтіруді талап ететін сынықтар пайда болғанда, механизмдер, агрегаттар істен шыққан кезде ТЖҚ-ны;
      4) іссапар шығыстарын жүзеге асыруға байланысты көрсетілетін қызметтерді;
      5) мүлікті сенімгерлік басқару жөніндегі көрсетілетін қызметтерді;
      6) жылжымайтын мүлікті жалға алу жөніндегі көрсетілетін қызметтерді;
      7) табиғи монополия субъектілерінен реттелетін ТЖҚ-ны;
      8) сатып алынатын ТЖҚ белгілі бір нарығында үстем (монополиялық) орын алатын тұлғадан немесе қызметінің негізгі мәні бойынша мемлекеттік монополия субъектісінен ТЖҚ-ны;
      9) төтенше жағдайлардың салдарын оқшаулау және (немесе) жою, аварияларды жою үшін, оның ішінде жабдықтардың істен шығуы (жабдықтардың авариялық тоқтауы), барлық өндірістік циклдың тоқтауына әкелетін істен шығу (авариялық тоқтау) жағдайларында ТЖҚ-ны;
      10) ауыр жұмыстарда, зиянды (ерекше зиянды) және (немесе) қауіпті еңбек жағдайларында жұмыс істейтін, сондай-ақ қауіптілігі жоғары, машиналармен және механизмдермен байланысты жұмыстарда жұмыс істейтін жұмысшыларды міндетті медициналық қараудан өткізу бойынша көрсетілетін қызметтерді;
      11) мүгедектердің республикалық қоғамдық бірлестіктері құрған және сатып алынатын ТЖҚ-ны өндіретін ұйымдардан ТЖҚ-ны;
      12) өкілдік шығыстарға байланысты тауарларды, көрсетілетін қызметтерді;
      13) көрмелер, семинарлар, конференциялар, кеңестер, форумдар, симпозиумдер, тренингтердің материалдарын сатып алу, сондай-ақ көрсетілген іс-шараларға қатысқаны үшін төлемдер төленеді;
      14) қағаз және (немесе) электрондық жеткізгіштердегі мерзімді баспасөз басылымдарын, бұқаралық ақпарат құралдарында ақпаратты орналастыру бойынша қызметтерді, сондай-ақ интернет-ресурстарында орналастырылған ақпаратты, әртүрлі магниттік жеткізгіштерде шығарылған дыбыстандырылған кітаптарды, рельефтік-нүктелік қаріппен басылған кітаптарды ұсыну бойынша қызметтерді;
      15) жер қойнауын пайдаланушының жұмысшыларды, олардың балаларын, жер қойнауын пайдаланушының есебінде тұрған зейнеткерлерді емдеуге, олардың демалысын ұйымдастыруға байланысты қызметтерді (емдеу, демалыс орындарына дейін тасымалдау мен жөнелтуді қоса алғанда);
      16) рейтингтік агенттіктер көрсететін қызметтерді, қаржылық қызметтерді;
      17) мамандандырылған кітапханалар көрсететін қызметтерді;
      18) сатып алынатын ТЖҚ-ға қатысты айрықша құқықтарға ие тұлғадан зияткерлік меншік объектілері болып табылатын ТЖҚ-ны;
      19) Қазақстан Республикасының азаматтық заңнамасына сәйкес сауда-саттықта (аукциондарда) өткізілетін мүлікті (активтерді);
      20) үйлестірілген электрондық сатып алу жүйесін пайдалану қызметтерін;
      21) орындалатын жұмыстардағы жергілікті қамтудың үлесі кемінде 65 (алпыс бес) пайызды құраған жағдайда, қазақстандық жұмыс өндірушілерінен ғылыми-зерттеу және/немесе тәжірибелік-конструкторлық жұмыстарды;
      22) өндірістік қуаттары қалдықтардың олардың пайда болу көзінен ең аз орын ауыстыруын қамтамасыз ететін жеткізушіден шаруашылық қызмет процесінде пайда болатын қалдықтарды қайта өңдеу, жою және орналастыру жұмыстарын;
      23) тамақ өнімдерін және/немесе тамақтануды ұйымдастыру жөніндегі көрсетілетін қызметтерді;
      24) келісімшартты орындау кезінде тартылған Қазақстан Республикасы азаматтары болып табылатын қызметкерлерді оқыту, біліктілігін арттыру және қайта даярлау бойынша немесе Қазақстан Республикасы азаматтарын Қазақстан Республикасының жер қойнауы және жер қойнауын пайдалану туралы заңнамасына сәйкес құзыретті органмен келісілген мамандықтардың тізбесі бойынша оқыту жөнінде жер қойнауын пайдаланушылардың келісімшарттық міндеттемелерін орындау үшін білім беру мекемелері көрсететін қызметтерді;
      25) тауарлардағы жергілікті қамтудың үлесі кемінде 65 (алпыс бес) пайызды құраған жағдайда тауарларды (көмірсутек шикізаты саласындағы тауарларды сатып алу үшін);
      26) тауарлардағы жергілікті қамтудың үлесі кемінде 50 (елу) пайызды құраған жағдайда, тауарларды (көмірсутекті шикізат саласындағы тауарларды сатып алуды қоспағанда);
      27) дәрілік құралдарды;
      28) нотариат көрсететін қызметтерді;
      29) телефон және ұялы байланыс қызметтерін, Интернетке қол жеткізу қызметтерін;
      30) коммуналдық қызметтерді;
      31) құзыретті орган құрған пайдалы қазбалар кен орындарын барлау және игеру жөніндегі орталық комиссияның тізімінде тұрған тәуелсіз сарапшылардан жобалау құжаттамасын сараптау бойынша көрсетілетін қызметтерді:
      32) бірінші, екінші және үшінші деңгейдегі мұнайдың авариялық төгілуін жою және алдын алуды қамтамасыз ету жөніндегі көрсетілетін қызметтерін;
      33) авторлық қадағалау қызметтерін;
      34) моноқалаларда тіркелген жалғыз қала қалыптастырушы кәсіпорын тапсырыс берушінің кәсіпорны болып табылатын қазақстандық ТЖҚ өндірушілерінен ТЖҚ-ны;
      35) жылдық көлемі құндық көріністе тиісті қаржы жылына белгіленген жүз еселік айлық есептік көрсеткіштен аспайтын ТЖҚ-ны сатып алу кезінде қолданылады.
      94. Осы Қағидалардың 93-тармағының 1), 3) тармақшаларына сәйкес бір көзден алу тәсілімен ТЖҚ-ны сатып алу өткізілген жағдайда, сатып алудың шарттары өтпеген сатып алудың конкурстық құжаттамасының талаптарына сәйкес болуы тиіс.
      Осы Қағидалардың 93-тармағының 2) тармақшасына сәйкес бір көзден алу тәсілімен ТЖҚ-ны сатып алу өткізілген жағдайда, сатып алудың шарттары өтпеген сатып алу шартының жобасындағы елеулі талаптарына сәйкес келуі тиіс.
      Егер сатып алу осы Қағидалардың 6-тармағының 1), 3), 4) тармақшаларына сәйкес осы Қағидаларды бұза отырып, өткізілген болса, осы Қағидалардың 93-тармағының 1) – 3) тармақшаларына сәйкес бір көзден сатып алу тәсілімен сатып алуды қолдануға жол берілмейді.
      95. Бір көзден алу тәсілімен біртекті болып табылмайтын ТЖҚ-ны сатып алуды өткізген кезде тапсырыс берушіге сатып алудың қорытындысын шығару хаттамасында мұндай ТЖҚ-ны міндетті түрде лоттарға бөле отырып, көрсетілген тәсілмен бірыңғай сатып алуды ұйымдастыруға және өткізуге жол беріледі.
      Бір көзден алу тәсілімен біртекті ТЖҚ-ның бірнеше түрін сатып алу ТЖҚ-ны олардың біртекті түрлері және оларды жеткізудің (орындаудың, көрсетудің) орындары бойынша лотқа бөлу арқылы жүзеге асырылады.
      Біртекті тауарларды, жұмыстар мен көрсетілетін қызметтерді жер қойнауын пайдалануға арналған бірнеше келісімшарттың шеңберінде бір көзден алу тәсілімен сатып алуды тапсырыс беруші жер қойнауын пайдалануға арналған келісімшарттар бойынша сатып алынатын ТЖҚ көлемдерінің үлестірілуін міндетті түрде көрсету арқылы жүзеге асырады.
      96. Бір көзден алу тәсілімен ТЖҚ-ны сатып алудың қорытындыларын шығару хаттамасы мынадай ақпаратты қамтиды:
      1) атауы және әкімшілік-аумақтық объектілердің жіктеуішіне сәйкес тапсырыс берушінің орналасқан орны;
      2) бір көзден алу тәсілімен сатып алудың негіздемесі (әрбір лот бойынша, егер бір көзден алу тәсілімен сатып алудың нысанасына бірнеше лот кірсе);
      3) өнімнің модельдік статистикалық жіктеуішіне сәйкес бір көзден алу тәсілімен сатып алудың нысанасы (егер бір көзден алу тәсілімен сатып алудың нысанасына бірнеше лот кірген жағдайда, лоттардың атаулары мен нөмірлері);
      4) өлшем мен есеп бірліктерінің мемлекетаралық жіктеуішіне сәйкес сипаттамасы, өлшем бірліктері әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      5) әрбір лот бойынша тауарларды жеткізу немесе жұмыстарды орындау немесе қызметтерді көрсетудің мерзімі және орны;
      6) жеткізушінің атауы;
      7) әрбір лот бойынша ұсынылатын ТЖҚ үшін жеткізушінің ҚҚС-ны есепке алмағанда теңгедегі ұсынған бағасы;
      8) әрбір лот бойынша тауарды сатып алуға, жұмыстарды орындауға немесе қызметтерді көрсетуге бөлінген, ҚҚС-ны есепке алмағанда теңгедегі сома;
      9) әлеуетті жеткізушінің ұсынысқа, ҚҚС-ны есепке алмағанда, тауарларды жеткізуге, жұмыстарды орындауға, қызметтерді көрсетуге байланысты барлық шығындарды қосу қажеттілігі туралы талабы;
      10) қорытынды хаттамасына электрондық цифрлық қолтаңба қойылған күнінен бастап сатып алу туралы шартты жасасудың мерзімі;
      11) ұсынылатын ТЖҚ пайыздық көріністегі (0-ден 100 дейін) жергілікті қамту бойынша әлеуетті жеткізушінің әрбір лот бойынша міндеттемелері;
      12) олардың шеңберінде сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і.
      97. Осы Қағидаларға 6-қосымшаға сәйкес нысан бойынша бір көзден алу тәсілімен ТЖҚ-ны сатып алудың қорытындыларын шығару хаттамасы тізілімде қалыптастырылады және оған тапсырыс берушінің электрондық цифрлық қолтаңбасы қойылады және осы Қағидалардың 96-тармағында келтірілген мәліметтерді көрсете отырып, шарт жасалған күннен кешіктірмей тапсырыс берушінің тізілімде ақпаратты қалыптастыруға және орналастыруға уәкілеттік берген адамы тізілімде орналастырады.
      Тізілімде қалыптастырылған бір көзден алу тәсілімен ТЖҚ-ны сатып алудың қорытындыларын шығару хаттамасының қағаз нұсқасына тапсырыс берушінің бірінші басшысы немесе тапсырыс берушінің уәкілетті өкілі қол қояды.
      Жеткізушінің тиісті жазбаша сұрау салуы бойынша үш жұмыс күні ішінде бір көзден алу тәсілімен ТЖҚ-ны сатып алу қорытындыларын шығару хаттамасының көшірмесі жіберіледі.
      Сатып алу туралы шарт бір көзден алу тәсілімен ТЖҚ сатып алу қорытындыларын шығару хаттамасына қол қойған күннен бастап он жұмыс күні ішінде жасалады.
      Өткізілген сатып алу туралы хабарландыру Заңға сәйкес мерзімді баспа басылымдарында бір көзден сатып алу қорытындыларының хаттамасына қол қойылған күннен бастап екі жұмыс күні ішінде жариялануға тиіс.

Баға ұсыныстарын сұрату тәсілімен тауарларды, жұмыстар мен көрсетілетін қызметтерді сатып алу

      98. Баға ұсыныстарын сұрату тәсілімен ТЖҚ-ны сатып алу тапсырыс беруші үшін сипаттамасының елеулі маңызы жоқ ТЖҚ-ға өткізіледі, бұл ретте шешуші шарт баға болып табылады.
      Сатып алынатын тауарлардың, жұмыстар мен көрсетілетін қызметтердің техникалық сипаттамаларын көрсете отырып сипаттауға жол берілмейді.
      99. Баға ұсыныстарын сұрату тәсілі белгілі бір тауарды не болмаса белгілі бір жұмысты, көрсетілетін қызметті сатып алудың жылдық көлемі құндық көріністе тиісті қаржы жылына белгіленген он төрт мың еселік айлық есептік көрсеткіш мөлшерінен аспаған жағдайда қолданылады.
      100. Баға ұсыныстарын сұрату тәсілін қолдану мақсатында белгілі бір тауарды, белгілі бір жұмысты, көрсетілетін қызметті сатып алудың жылдық көлемін қаржы жылының ішінде біреуінің мөлшері осы Қағидалардың 99-тармағында көзделген мөлшерден кем болатын бөліктерге бөлуге жол берілмейді.
      101. Баға ұсыныстарын сұрату тәсілімен біртекті ТЖҚ-ның бірнеше түрін сатып алу ТЖҚ-ны олардың біртекті түрлері және оларды жеткізудің (орындаудың, көрсетудің) орындары бойынша лоттарға бөлу арқылы жүзеге асырылады.
      Тапсырыс беруші біртекті тауарлар, жұмыстар мен көрсетілетін қызметтерді баға ұсыныстарын сұрату тәсілімен сатып алуды жер қойнауын пайдалануға арналған бірнеше келісімшарттың шеңберінде өткізген жағдайда, тауарларды жеткізудің, қызметтерді көрсетудің немесе жұмыстарды орындаудың бірыңғай жері және жер қойнауын пайдалануға арналған келісімшарттар бойынша сатып алынатын ТЖҚ көлемдерінің үлестірілуі міндетті түрде көрсетілсе, осындай ТЖҚ-ны бір лотпен сатып алуға жол беріледі.
      Осы тармақта көзделген жағдайларда, баға ұсыныстарын қарау, бағалау және салыстыру, сондай-ақ жеңімпазды айқындау сатып алу туралы хабарландыруда көзделген әрбір лот бойынша жүзеге асырылады.
      102. Баға ұсыныстарын сұрату тәсілімен сатып алуды өткізу туралы хабарландыру баға ұсыныстарын ұсыну мерзімінің аяқталуына дейін бес жұмыс күнінен кешіктірмей тізілімде қалыптастырылады, оған тапсырыс берушінің тізілімде ақпаратты қалыптастыруға және орналастыруға уәкілеттік берген адамының электрондық цифрлық қолтаңбасы қойылады және тапсырыс берушінің тізілімде ақпаратты қалыптастыруға және орналастыруға уәкілеттік берген адамы тізілімде орналастырады және аптасына кемінде үш рет басылып шығарылатын және Қазақстан Республикасының аумағында таратылатын мерзімді баспасөз басылымында мемлекеттік және орыс тілдерінде жарияланады.
      Баға ұсыныстарын сұрату тәсілімен қайталама сатып алуды өткізген жағдайда, жер қойнауын пайдаланушы немесе оның уәкілетті тұлғасы осы тармақта көрсетілген хабардар ету тәсілдерін қолдана отырып, баға ұсыныстарын ұсыну мерзімі аяқталғанға дейін бес жұмыс күнінен кешіктірмей тиісті хабарламаның жариялануын қамтамасыз етеді.
      Баға ұсыныстарын сұрату тәсілімен сатып алу туралы хабарландыруда жер қойнауын пайдалану жөніндегі операцияларды жүргізу кезінде сатып алуды жүзеге асырудың мынадай жағдайларын қоспағанда, тауар белгілеріне, қызмет көрсету белгілеріне, фирмалық атауларға, патенттерге, пайдалы үлгілерге, өнеркәсіптік үлгілерге, тауардың шығу орнының атауы мен өндірушінің атауына, сондай-ақ сатып алынатын тауардың, жұмыстың, көрсетілетін қызметтің жеке әлеуетті жеткізушісіне және (немесе) өндірушісіне тиесілілігін айқындайтын өзге де сипаттамалардың мазмұнын көрсетуге жол берілмейді:
      1) тапсырыс берушіде бар жабдықты жете жинақтау, жаңғырту, жөндеу және жете жарақтандыру үшін;
      2) тауарды лизингке ұсыну бойынша көрсетілетін қызметтердің жеткізушісін айқындау үшін және лизинг нысанасын толық сипаттаудың қажеттілігі туындағанда.
      103. Тізілімде орналастырылатын баға ұсыныстарын сұрату тәсілімен ТЖҚ-ны сатып алудың өткізілуі туралы хабарландыру мыналарды қамтиды:
      1) тапсырыс берушінің атауы мен әкімшілік-аумақтық объектілердің жіктеуішіне сәйкес орналасқан орны;
      2) өнімнің модельдік статистикалық жіктеуішіне сәйкес баға ұсыныстарын сұрату тәсілімен сатып алудың нысанасы (егер баға ұсыныстарын сұрату тәсілімен сатып алу нысанасына бірнеше лоттар кірген жағдайда, лоттардың атаулары және нөмірлері);
      3) өлшем және есеп бірліктерінің мемлекетаралық жіктеуішіне сәйкес өлшем бірлігі, сипаты, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      4) әрбір лот бойынша тауарларды жеткізудің, қызметтерді көрсетудің, жұмыстарды орындаудың мерзімі және орны;
      5) баға ұсыныстарын қабылдаудың басталу және аяқталу күні, уақыты;
      6) баға ұсыныстарын ашудың күні және уақыты;
      7) ҚҚС-ны есепке алмағанда, теңгеде көрсетілген әрбір лот бойынша тауарды сатып алуға, жұмыстарды орындауға және қызметтерді көрсетуге бөлінген сома;
      8) әлеуетті жеткізушінің баға ұсынысына, ҚҚС-ны есепке алмағанда, тауарларды жеткізу, жұмыстарды орындау, қызметтерді көрсетуге байланысты барлық шығыстарды қосудың қажеттілігі туралы талап;
      9) әлеуетті жеткізушілердің жүгінуі үшін электрондық почтаның мекенжайы мен телефон нөмірлері;
      10) қорытындылар шығарылған күннен бастап сатып алу туралы шарт жасасудың талап етілетін мерзімі. Шартты жасасу мерзімі осы Қағидалардың 163-тармағына сәйкес айқындалады;
      11) сатып алынатын тауарлардағы немесе жұмыстардағы немесе көрсетілетін қызметтердегі әрбір лот бойынша пайызбен көрсетілген жергілікті қамту бойынша ең аз талаптар (0-ден 100-ге дейін);
      12) елеулі талаптары көрсетілген әрбір лот бойынша сатып алу туралы шарт жобасы. Тізілімде баға ұсыныстарын сұрату тәсілімен ТЖҚ-ны сатып алуды өткізу туралы хабарландыруды орналастырғаннан кейін сатып алу туралы шарт жобасының елеулі талаптарына өзгерістер мен (немесе) толықтырулар енгізуге жол берілмейді;
      13) олардың шеңберінде сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і;
      14) сатып алу коды және тізілімнің интернет-ресурсының мекенжайы.
      104. Мерзімді баспа басылымдарында жарияланатын баға ұсыныстарын сұрату тәсілімен ТЖҚ-ны сатып алуды өткізу туралы хабарландыру осы Қағидалардың 103-тармағының 1), 2), 5), 7),  14) тармақшаларында көрсетілген ақпаратты қамтиды.
      105. Баға ұсыныстарын сұрату тәсілімен сатып алуға қатысу және сатып алу туралы шарт жобасының елеулі талаптарымен танысу үшін әлеуетті жеткізушілер сатып алу туралы шарт жобасын жүктейді (көшіріп алады).
      Баға ұсыныстарын сұрату тәсілімен сатып алуға сатып алу туралы шарт жобасын жүктемеген (көшіріп алмаған) әлеуетті жеткізушінің қатысуына жол берілмейді.
      Шарт жобасының көшірмесін ұсыну фактісі тізілімде автоматты түрде тіркеледі.
      106. Тапсырыс берушіге баға ұсыныстарын сұрату тәсілімен сатып алуды өткізуден бас тарту туралы тізілімде хабарлау арқылы баға ұсыныстарын қабылдаудың соңғы мерзімі өткенге дейінгі бір жұмыс күнінен кешіктірмей ТЖҚ-ны сатып алуды жүзеге асырудан бас тартуына жол беріледі.
      107. Әлеуетті жеткізушіге баға ұсыныстарын ұсынудың соңғы мерзімінен кешіктірмей:
      1) баға ұсынысын өзгертуге және (немесе) толықтыруға;
      2) өзінің баға ұсынысын кері қайтарып алуға жол беріледі.
      108. Әлеуетті жеткізушіге мыналарға:
      1) бір лотқа біреуден артық баға ұсынысын енгізуге;
      2) баға ұсыныстарын ұсынудың соңғы мерзімі аяқталғаннан кейін баға ұсынысына өзгерістер мен (немесе) толықтырулар енгізуге және кері қайтарып алуға жол берілмейді.
      109. Әлеуетті жеткізушінің баға ұсынысын ұсынуы сатып алу туралы шарттың жобасында көзделген елеулі талаптарды сақтай отырып, оның тауарды жеткізуді, жұмысты орындауды, қызметті көрсетуді жүзеге асыруға келісімін білдірудің нысаны болып табылады.
      110. Әлеуетті жеткізушінің баға ұсынысы мыналарды қамтиды:
      1) атауы, орналасқан орнының мекенжайы, БСН-і (заңды тұлға үшін) немесе тегі, аты, әкесінің аты және орналасқан орны, ЖСН-і немесе БСН-і (жеке тұлға үшін);
      2) өнімнің модельдік статистикалық жіктеуішіне сәйкес баға ұсыныстарын сұрату тәсілімен сатып алудың нысанасы (егер баға ұсыныстарын сұрату тәсілімен сатып алудың нысанасына бірнеше лот кірсе, лоттардың атауы мен нөмірлері);
      3) өлшем және есеп бірліктерінің мемлекетаралық жіктеуішіне сәйкес өлшем бірлігі, сипаты, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      4) әрбір лот бойынша тауарларды жеткізу, жұмыстарды орындау және (немесе) қызметтерді көрсетудің мерзімдері мен орны;
      5) әлеуетті жеткізушінің лот үшін ұсынған бағасы;
      6) ұсынылатын тауарлардағы немесе жұмыстардағы немесе көрсетілетін қызметтердегі әрбір лот бойынша пайызбен көрсетілген (0-ден 100-ге дейін) жергілікті қамту бойынша міндеттемелер;
      7) сатып алу туралы шарт жобасының елеулі талаптарымен келісуі.
      111. Тапсырыс беруші баға ұсыныстарын сұрату тәсілімен ТЖҚ-ны сатып алуды өткізу туралы орналастырған хабарландыруда көрсетілген шарттарға сәйкес баға ұсынысында тауарларды жеткізу, жұмыстарды орындау, қызметтерді көрсетудің шарттары көрсетіледі.
      112. Электрондық цифрлық қолтаңба қойылған баға ұсынысы тапсырыс берушіге баға ұсыныстарын сұрату тәсілімен ТЖҚ-ны сатып алуды өткізу туралы хабарландырумен белгіленген мерзімде тізілімде орналастыру арқылы әлеуетті жеткізушінің уәкілетті адамы береді.
      113. Баға ұсынысын беру фактісі осы Қағидалардың 110-тармағында көзделген мәліметтерді көрсете отырып тізілімде автоматты түрде тіркеледі.
      114. Баға ұсыныстарын сұрату тәсілімен сатып алуды өткізу туралы хабарландыруда көзделген ұсыну мерзімі өтіп кеткеннен кейін баға ұсыныстары тізілімде орналастырылмайды.
      115. Баға ұсыныстарын сұрату тәсілімен ТЖҚ-ны сатып алуды өткізу туралы хабарландыруда белгіленген мерзімде тізілімде баға ұсыныстарын ашу жүзеге асырылады.
      116. Әлеуетті жеткізушілердің электрондық цифрлық қолтаңбасы қойылған және тізілімде орналастырылған баға ұсыныстары ашылған күннен кешіктірілмей тізілімде әлеуетті жеткізушілердің баға ұсыныстарын ашу хаттамасы қалыптастырылады және осы Қағидаларға 7-қосымшаға сәйкес нысан бойынша баға ұсыныстарын сұрату тәсілімен сатып алудың қорытындылары шығарылады.
      117. Баға ұсыныстарын ашу мен баға ұсыныстарын сұрату тәсілімен сатып алудың қорытындыларын шығару хаттамасы мынадай мәліметтерді қамтиды:
      1) тапсырыс берушінің атауы және әкімшілік-аумақтық объектілердің жіктеуішіне сәйкес орналасқан орны;
      2) баға ұсыныстарын ашу мен баға ұсыныстарын сұрату тәсілімен сатып алудың қорытындыларын шығару рәсімін өткізудің күні, уақыты;
      3) өнімнің модельдік статистикалық жіктеуішіне сәйкес баға ұсыныстарын сұрату тәсілімен сатып алудың нысанасы (баға ұсыныстарын сұрату тәсілімен сатып алу нысанасына бірнеше лот кірген жағдайда, лоттардың атаулары мен нөмірлері), сипаттамасы, өлшем және есеп бірліктерінің мемлекетаралық жіктеуішіне сәйкес өлшем бірлігі, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      4) баға ұсыныстарын ұсынған әлеуетті жеткізушілердің атауы және әкімшілік-аумақтық объектілердің жіктеуішіне сәйкес орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      5) баға ұсыныстарын кері қайтарып алған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      6) бас тартудың себептерін көрсете отырып, баға ұсыныстарынан бас тартылған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      7) әлеуетті жеткізушілердің ашылған баға ұсыныстарының бағалары (лоттар бойынша);
      8) ұсынылатын тауарлардағы немесе жұмыстардағы немесе көрсетілетін қызметтердегі әрбір лот бойынша пайыздық көріністегі (0-ден 100-ге дейін) жергілікті қамту бойынша міндеттемелер;
      9) баға ұсыныстарын сұрату тәсілімен сатып алудың жеңімпазының және жеңімпаздың ұсынысынан кейін баға ұсыныстары неғұрлым басым болып табылатын үш әлеуетті жеткізушінің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін) және (немесе) баға ұсыныстарын сұрату тәсілімен сатып алудың нәтижесінде осы Қағидалардың 123-тармағына сәйкес (лоттар бойынша) жеңімпаз айқындалмаған жағдайда себебін көрсету;
      10) сатып алудың коды мен тізілімнің интернет-ресурсының мекенжайы;
      11) олардың шеңберінде сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і.
      118. Баға ұсыныстарын ашу мен баға ұсыныстарын сұрату тәсілімен сатып алудың қорытындыларын шығару хаттамасы тапсырыс берушінің электрондық цифрлық қолтаңбасы қойылады, осы Қағидалардың 117-тармағында келтірілген мәліметтерді көрсете отырып, тізілімде баға ұсыныстары салынған конверттерді ашу күнінен кешіктірілмей орналастырылады.
      Тізіліммен қалыптастырылған баға ұсыныстары салынған конверттерді ашу мен баға ұсыныстарын сұрату тәсілімен сатып алудың қорытындыларын шығару хаттамасының қағаздағы нұсқасына тапсырыс берушінің бірінші басшысы немесе тапсырыс берушінің уәкілетті өкілі қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күнінің ішінде баға ұсыныстары салынған конверттерді ашу хаттамасының көшірмесі жіберіледі.
      119. Егер:
      1) ол аталған ТЖҚ-ны сатып алу үшін лотқа бөлінген сомадан асып кетсе;
      2) ол тізілімде орналастырылған баға ұсыныстарын сұрату тәсілімен сатып алудың өткізілуі туралы хабарландыруда тапсырыс беруші көрсеткен мөлшерден кем болатын ұсынылатын тауарлардағы немесе жұмыстардағы немесе көрсетілетін қызметтердегі жергілікті қамту бойынша міндеттемелерді қамтыса;
      3) әлеуетті жеткізуші сатып алу туралы шарт жобасының елеулі талаптарымен келіспесе немесе оларды өзгертуді және (немесе) толықтыруды ұсынса, әлеуетті жеткізушінің баға ұсынысынан бас тартылады.
      Өзге негіздемелер бойынша баға ұсыныстарының қабылданбауына жол берілмейді.
      120. Баға ұсыныстарын сұрату тәсілімен сатып алудың жеңімпазы тізілімде ең төменгі баға ұсынысының негізінде айқындалады.
      Баға ұсыныстарын сұрату тәсілімен сатып алуды өткізу туралы хабарландыруда белгіленген мерзімде сатып алудың жеңімпазымен шарттың елеулі талаптарын және сатып алудың жеңімпазының баға ұсыныстарын сақтай отырып, шарт жасалады.
      121. Баға ұсынысынан бас тартылмаған жалғыз әлеуетті жеткізуші болған жағдайда, осындай әлеуетті жеткізуші жеңімпаз болып танылады.
      122. Ең төменгі баға ұсынысын бірнеше әлеуетті жеткізуші ұсынған жағдайда, баға ұсыныстарын сұрату тәсілімен сатып алудың нысанасы болып табылатын сатып алынатын ТЖҚ-дағы жергілікті қамту бойынша міндеттемелердің ең үлкен пайызын ұсынған әлеуетті жеткізуші жеңімпаз болып танылады.
      Әлеуетті жеткізушілердің баға ұсыныстары мен баға ұсыныстарын сұрату тәсілімен сатып алудың нысанасы болып табылатын сатып алынатын ТЖҚ-дағы жергілікті қамту бойынша міндеттемелердің пайыздық көрсеткіші тең болған жағдайда, баға ұсынысы басқа әлеуетті жеткізушілердің баға ұсыныстарынан бұрын түскен әлеуетті жеткізуші жеңімпаз болып танылады.
      123. Осы Қағидалардың 119-тармағына сәйкес бас тартылмаған баға ұсыныстары болмаған жағдайда, баға ұсыныстарын сұрату тәсілімен сатып алу немесе баға ұсыныстарын сұрату тәсілімен қайталама сатып алу өтпеді деп танылады.
      124. Егер баға ұсыныстарын сұрату тәсілімен сатып алу баға ұсыныстарының болмауына не осы Қағидалардың 119-тармағына сәйкес бас тартылмаған баға ұсыныстарының жоқтығына байланысты өтпеді деп танылса, онда осы Қағидалардың 103-тармағының 2) тармақшасында көзделген мәліметтерді қоспағанда, шарт жобасына өзгерістер мен толықтырулар енгізуге және тапсырыс берушіге баға ұсыныстарын сұрату тәсілімен ТЖҚ-ны қайталама сатып алуды жүргізуге немесе осы Қағидаларда белгіленген тәртіппен және мерзімде бір көзден алу тәсілі арқылы сатып алуды жүзеге асыруға жол беріледі.
      Егер баға ұсыныстарын сұрату тәсілімен қайталама сатып алу баға ұсыныстарының болмауына не осы Қағидалардың 119-тармағына сәйкес бас тартылмаған баға ұсыныстарының жоқтығына байланысты өтпеді деп танылса, онда тапсырыс берушіге баға ұсыныстарын сұрату тәсілімен ТЖҚ-ны жаңадан сатып алуды жүргізуге немесе осы Қағидаларда белгіленген тәртіппен және мерзімде бір көзден алу тәсілі арқылы сатып алуды жүзеге асыруға жол беріледі.
      Баға ұсыныстарын сұрату тәсілімен сатып алудың жеңімпазы шарт жасасудан бас тартқан жағдайда, ұсыныстары баға ұсыныстарын сұрату тәсілімен сатып алудың қорытындысын шығарудың хаттамасына сәйкес жеңімпаздың ұсынысынан кейін анағұрлым басым болып табылатын, баға ұсыныстарын сұрату тәсілімен сатып алудың басқа қатысушыларымен шарт жасасуға жол беріледі.
      Егер өткізілген сатып алудың нәтижелері бойынша сатып алу жеңімпазы сатып алу туралы шартқа қол қойып, шарт бойынша міндеттемелеріне кіріспестен, шартты орындаудан бас тартса, ұсыныстары осындай әлеуетті жеткізушілердің баға ұсыныстары шарттарында конкурстың қорытындысын шығару хаттамасына сәйкес жеңімпаздың ұсынысынан кейін анағұрлым басым болып табылатын сатып алудың кейінгі қатысушыларымен шарт жасасуға жол беріледі.
      125. Баға ұсыныстарын сұрату тәсілімен сатып алудың қорытындысы шығарылған күнінен бастап бес жұмыс күнінен кешіктірмей тапсырыс беруші осы Қағидалардың 117-тармағының 1), 3), 10) тармақшаларында көрсетілген ақпаратты, баға ұсыныстарын сұрату тәсілімен сатып алу жеңімпазының (лоттар бойынша) атауын және орналасқан орнының мекенжайын (заңды тұлғалар үшін) немесе тегі, аты, әкесінің атын (жеке тұлғалар үшін), баға ұсынысының бағасын қамтитын аптасына кемінде үш рет мемлекеттік және орыс тілдерінде жарияланатын Қазақстан Республикасының аумағында таралатын мерзімді баспасөз басылымында баға ұсыныстарын сұрату тәсілімен сатып алудың қорытындылары туралы хабарландыруды орналастырады.

Электрондық сатып алу жүйесі арқылы тауарларды, жұмыстар
мен көрсетілетін қызметтерді сатып алу

      126. Электрондық сатып алу жүйесі арқылы тәсілімен сатып алуға қатысу үшін әлеуетті жеткізушілер әрбір лот бойынша конкурстық құжаттаманы және техникалық ерекшелікті жүктейді (көшіріп алады).
      127. Әрбір лот бойынша конкурстық құжаттаманы және техникалық еркешелікті жүктемеген (көшіріп алмаған) әлеуетті жеткізушінің электрондық сатып алу жүйесі арқылы сатып алуға қатысуға жол беріледі.
      Конкурстық құжаттаманың және техникалық ерекшеліктің көшірмесін ұсыну фактісі тізілімде автоматты түрде тіркеледі.
      128. Электрондық сатып алу жүйесі арқылы ТЖҚ-ны сатып алу рәсімдері конкурстық баға ұсыныстарын ұсынудың және осындай сатып алудың жеңімпазын айқындау рәсімдерін қоспағанда, ашық конкурс тәсілімен сатып алудың рәсімдеріне сәйкес келеді.
      129. Электрондық сатып алу жүйесі арқылы сатып алуға қатысуға жіберілген әлеуетті жеткізушілер конкурстық баға ұсыныстарының бағаларын электрондық сатып алу жүйесі арқылы сатып алу бойынша жалпы немесе тізілімдегі жеке лот бойынша ұсынады және оларға электрондық цифрлық қолтаңба қояды.
      Конкурстық өтінімдердің бағаларын ұсыну мерзімі – егер конкурстық құжаттамада осыдан қысқа мерзім көзделмесе, электрондық сатып алу жүйесі арқылы сатып алуға қатысуға рұқсат беру хаттамасы тізілімде орналастырылған сәттен бастап, қырық сегіз сағат. Осындай мерзім бес сағаттан кем болмауы тиіс және осы тармақтың соңғы абзацында жазылған талаптарды ескере отырып, Астана уақыты бойынша 9-00-ден 20-00-ге дейінгі уақыт аралығында болуы тиіс.
      Электрондық сатып алу жүйесі арқылы сатып алуға қатысуға рұқсат беру хаттамасын сауда-саттықты жүргізу үшін қажетті уақытты ескере отырып, тек қана жұмыс күндерінде орналастыруға жол беріледі, бұл күндер Қазақстан Республикасының заңнамасына сәйкес демалыс күндеріне және (немесе) мереке күндеріне сәйкес келмеуі немесе олармен үзілмеуі тиіс.
      130. Әлеуетті жеткізуші ұсынатын конкурстық баға ұсыныстарының саны шектелмеген, жеткізуші өз баға ұсынысын бірнеше рет төмендету жағына өзгерте алады.
      131. Электрондық сатып алу жүйесі арқылы сатып алуға қатысушылар шартты баға ескерілген конкурстық баға ұсыныстарын және сатып алуға қатысатын, олардың атауы көрсетілмеген әлеуетті жеткізушілердің санын көре алады.
      132. Егер сауда-саттықтың жабылуына дейінгі үш минуттың ішінде әлеуетті жеткізушілердің біреуі жаңа ең төменгі конкурстық баға ұсынысын енгізсе, сауда-саттықтың жабылу уақыты автоматты түрде он бес минутқа ұзартылады, бірақ үш реттен артық емес.
      133. Сауда-саттық қорытындылары бойынша тізілімде тапсырыс беруші уәкілеттік берген адам осы Қағидаларға 8-қосымшаға сәйкес нысан бойынша электрондық сатып алу жүйесі арқылы ТЖҚ-ны сатып алу нәтижелерін қалыптастырады.
      134. Сауда-саттық нәтижелері тізілімде орналастырылады және оларға тізілімде еркін қол жеткізуге болады.
      135. Тапсырыс берушіге сауда-саттыққа қатысуға өтінімдерді қабылдау мерзімінің аяқталуына дейін бес жұмыс күнінен кешіктірмей электрондық сатып алу жүйесі арқылы сатып алуды жүргізуден бас тартуға жол беріледі.
      136. Конкурстық баға ұсыныстарының бағаларын бағалау және салыстыру тізілімде жүзеге асырылады және Заңның 78-бабының 2-тармағында көзделген бағаны шартты азайту критерийін ескере отырып, конкурстық баға ұсынысының ең төменгі бағасының негізінде оның жеңімпазы айқындалады.
      ТЖҚ-ны электрондық сатып алу жүйесі тәсілімен сатып алу жеңімпазын айқындау кезінде, Заңның 78-бабының 2-тармағында көзделген бағаны шартты азайту критерийінің қолданылуын ескере отырып, сатып алуға қатысушылардың конкурстық баға ұсыныстары тең болған жағдайда, тауарларды қазақстандық өндірушіге, жұмыстардың, көрсетілетін қызметтердің қазақстандық өндірушісіне артықшылық беріледі.
      Мынадай жағдайларда:
      1) Заңның 78-бабының 2-тармағында көзделген бағаны шартты азайту критерийінің қолданылуын ескере отырып, тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылатын электрондық сатып алу жүйесі арқылы тәсілімен ТЖҚ-ны сатып алуға қатысушылардың конкурстық баға ұсыныстарының бағалары тең болса;
      2) тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылмайтын, электрондық сатып алу жүйесі арқылы тәсілімен ТЖҚ-ны сатып алуға қатысушылардың конкурстық баға ұсыныстарының бағалары тең болса, электрондық сатып алу жүйесі арқылы тәсілімен ТЖҚ-ны сатып алудың нысанасы болып табылатын, сатып алынатын ТЖҚ-ның жергілікті қамтуы бойынша міндеттемелердің ең үлкен пайызын ұсынған, электрондық сатып алу жүйесі арқылы тәсілімен ТЖҚ-ны сатып алуға қатысушысы жеңімпаз болып танылады.
      Мынадай жағдайларда:
      1) Заңның 78-бабының 2-тармағында көзделген бағаны шартты азайту критерийінің қолданылуын ескере отырып, конкурстық баға ұсыныстарының бағалары және тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылатын электрондық сатып алу жүйесі арқылы тәсілімен ТЖҚ-ны сатып алуға қатысушылар ұсынған электрондық сатып алу жүйесі арқылы тәсілімен ТЖҚ-ны сатып алудың нысанасы болып табылатын сатып алынатын ТЖҚ-ның жергілікті қамтуы бойынша міндеттемелердің пайыздық көрінісі тең болса;
      2) конкурстық баға ұсыныстарының бағалары және тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылмайтын электрондық сатып алу жүйесі арқылы тәсілімен ТЖҚ-ны сатып алуға қатысушылар ұсынған электрондық сатып алу жүйесі арқылы ТЖҚ-ны сатып алудың нысанасы болып табылатын сатып алынатын ТЖҚ-ның жергілікті қамту бойынша міндеттемелердің пайыздық көрінісі тең болса;
      конкурстық баға ұсынысы электрондық сатып алу жүйесі арқылы тәсілімен ТЖҚ-ны сатып алудың басқа қатысушыларының конкурстық баға ұсыныстарынан бұрын келіп түскен қатысушы электрондық сатып алу жүйесі арқылы тәсілімен ТЖҚ-ны сатып алудың жеңімпазы деп танылады.
      137. Электрондық сатып алу жүйесі арқылы жалпы немесе жеке лот бойынша сатып алудың қорытындылары бойынша тізілімде мынадай шешімдердің бірі қалыптастырылады:
      1) электрондық сатып алу жүйесі арқылы сатып алудың немесе қайталама сатып алудың жеңімпазын жариялау туралы;
      2) әлеуетті жеткізушілер ұсынған конкурстық өтінімдердің болмауына байланысты электрондық сатып алу жүйесі арқылы сатып алу немесе қайталама сатып алуды өтпеді деп тану туралы;
      3) әлеуетті жеткізушілердің конкурстық өтінімдері электрондық сатып алу жүйесі арқылы сатып алу немесе қайталама сатып алу шарттарына сәйкес келмейтіндер ретінде бас тартылған жағдайда, электрондық сатып алу жүйесі арқылы сатып алуды немесе қайталама сатып алуды өтпеді деп тану туралы;
      4) әлеуетті жеткізушілердің ұсынылған конкурстық баға ұсыныстарының болмауына байланысты электрондық сатып алу жүйесі арқылы сатып алуды немесе қайталама сатып алуды өтпеді деп тану туралы.
      138. Электрондық сатып алу жүйесі арқылы тәсілімен ТЖҚ-ны сатып алудың қорытындысы бойынша тізілімде электрондық сатып алу жүйесі арқылы тәсілімен ТЖҚ-ны сатып алудың қорытындысын шығару хаттамасы қалыптастырылады, онда мынадай мәліметтер көрсетіледі:
      1) тапсырыс берушінің атауы мен әкімшілік-аумақтық объектілердің жіктеуішіне сәйкес орналасқан орны;
      2) электрондық сатып алу жүйесі арқылы тәсілімен ТЖҚ-ны сатып алудың қорытындысын шығару күні мен уақыты;
      3) электрондық сатып алу жүйесі арқылы тәсілімен ТЖҚ-ны сатып алудың нысанасы (электрондық сатып алу жүйесі арқылы тәсілімен ТЖҚ-ны сатып алу нысанасына бірнеше лот кірген жағдайда, лоттардың атауы);
      4) конкурстық комиссияның құрамы;
      5) өлшем бірліктері мен есептеудің мемлекетаралық жіктеуішіне сәйкес сипаттамасы, өлшем бірлігі, әрбір лот бойынша сатып алынатын тауарлардың саны, орындалатын жұмыстардың және көрсетілетін қызметтердің көлемі;
      6) электрондық сатып алу жүйесі арқылы тәсілімен ТЖҚ-ны сатып алуға қатысушылардың әкімшілік-аумақтық объектілердің жіктеуішіне сәйкес атауы және орналасқан мекенжайы (заңды тұлғалар үшін) немесе әкімшілік-аумақтық объектілердің жіктеуішіне сәйкес тегі, аты, әкесінің аты және орналасқан орны (жеке тұлғалар үшін);
      7) Заңның 78-бабының 2-тармағында көзделген (лоттар бойынша) бағаны шартты азайту критерийінің қолданылуын ескере отырып, электрондық сатып алу жүйесі арқылы ТЖҚ-ны сатып алуға қатысушылардың конкурстық баға ұсыныстарының бағалары;
      8) электрондық сатып алу жүйесі арқылы тәсілімен ТЖҚ-ны сатып алу (лоттар бойынша) жеңімпазының және оның конкурстық баға ұсынысының құнын, жеңімпаздың конкурстық баға ұсынысынан кейінгі конкурстық баға ұсыныстары анағұрлым басымдыққа ие үш қатысушының атауы (заңды тұлғалар үшін) немесе тегі, аты (жеке адамлар үшін) немесе егер сатып алудың нәтижесінде (лоттар бойынша) жеңімпаз айқындалмаса, себебін көрсету;
      9) электрондық сатып алу жүйесі арқылы ТЖҚ-ны сатып алу жеңімпазының және конкурстық баға ұсыныстары жеңімпаздан кейін анағұрлым басымдыққа ие қатысушыларының тауарлардағы немесе жұмыстардағы немесе көрсетілетін қызметтердегі жергілікті қамту бойынша міндеттемелері;
      10) сатып алу коды мен тізілімнің интернет-ресурсының мекенжайы.
      139. Конкурстық баға ұсыныстарын бағалау және салыстыру қорытындылары бойынша шешім конкурстық баға ұсыныстары ашылған күнінен кешіктірілмей тізілімде және тапсырыс берушінің ақпаратты тізілімде қалыптастыруға және орналастыруға тапсырыс берушінің уәкілеттік берген адамының электрондық цифрлық қолтаңбасы қойылған электрондық сатып алу жүйесі арқылы тәсілімен сатып алу қорытындысын шығару хаттамасы түрінде қалыптастырылады және жарияланады.
      140. Электрондық сатып алу жүйесі арқылы тәсілімен сатып алуды өткізу туралы хабарландыруға сәйкес белгіленген мерзімде жеңімпазбен конкурстық өтінімнің, жеңімпаздың конкурстық баға ұсынысының және шарттың елеулі талаптарына сәйкес келетін талаптарда шарт жасалады.
      Шарт жасасу кезінде тараптардың өзара келісімі бойынша маңызды болып табылмайтын шарт жобасының талаптарын өзгертуге жол беріледі.
      141. Егер электрондық сатып алу жүйесі арқылы тәсілімен өткізілген сатып алу нәтижелері бойынша сатып алу жеңімпазы:
      1) конкурстық өтінімдерді қамтамасыз ететін құжаттың түпнұсқасын ұсынбаса (конкурстық құжаттамада тиісті талаптар болған жағдайда);
      2) электрондық сатып алу жүйесі арқылы сатып алуды өткізу туралы хабарландыруға сәйкес белгіленген мерзімдерде шартқа қол қоймаса және оны тапсырыс берушіге ұсынбаса;
      3) сатып алу туралы шартқа қол қойып, шарт бойынша міндеттемелерін орындауға кіріспестен, шартты орындаудан бас тартса, осындай әлеуетті жеткізушілердің конкурстық өтінімдері талаптарында ұсыныстары электрондық сатып алу жүйесі арқылы сатып алудың қорытындысын шығару хаттамасына сәйкес жеңімпаздың ұсынысынан кейін анағұрлым басым болып табылатын электрондық сатып алу жүйесі арқылы сатып алудың кейінгі қатысушыларымен шарт жасасуға жол беріледі.
      142. Егер осы Қағидалардың 137-тармағының 2), 3) 4) тармақшаларында көзделген себептер бойынша электрондық сатып алу жүйесі арқылы тәсілімен сатып алу өтпеді деп танылса, онда конкурстық құжаттамаға осы Қағидалардың 27-тармағының 1) тармақшасында көзделген мәліметтерді қоспағанда, осы Қағидалардың 33-тармағында көрсетілген хабардар ету тәсілдерін қолдана отырып, өзгерістер мен толықтыруларды енгізуге және тапсырыс берушіге электрондық сатып алу жүйесі арқылы тәсілімен қайталама сатып алуды өткізуге немесе осы Қағидаларда белгіленген тәртіппен және мерзімде бір көзден алу тәсілімен сатып алуды жүзеге асыруға жол беріледі.
      Егер осы Қағидалардың 137-тармағының 2), 3) 4) тармақшаларында көзделген себептер бойынша электрондық сатып алу жүйесі арқылы тәсілімен қайталама сатып алу өтпеді деп танылса, онда тапсырыс берушіге осы Қағидалардың 33-тармағында көрсетілген хабардар ету тәсілдерін қолдана отырып, электрондық сатып алу жүйесі арқылы тәсілімен жаңадан сатып алуды өткізуге немесе осы Қағидаларда белгіленген тәртіппен және мерзімде бір көзден алу тәсілімен сатып алуды жүзеге асыруға жол беріледі.
      Егер электрондық сатып алу жүйесі арқылы тәсілімен ТЖҚ-ны сатып алу осы Қағидалардың 137-тармағының 3) тармақшасында көзделген себеп бойынша, әлеуетті жеткізушілер тауарлардағы немесе жұмыстардағы немесе көрсетілетін қызметтердегі жергілікті қамту бойынша конкурстық құжаттаманың талаптарынан төмен болатын міндеттемелерді ұсыну салдарынан өтпеді деп танылса, онда тапсырыс беруші электрондық сатып алу жүйесі арқылы тәсілімен ТЖҚ-ны сатып алуды өткізген кезде тауарлардағы немесе жұмыстардағы немесе көрсетілетін қызметтердегі жергілікті қамту бойынша талаптарды азайту жағына қарай өзгертеді.
      143. Егер өтінімдері электрондық сатып алу жүйесі арқылы тәсілімен ТЖҚ-ны сатып алудың шарттарына сәйкес келмейді деп бас тартылмаған барлық жеткізушілер сатып алу туралы шарт жасасудан жалтарса, тапсырыс беруші осы Қағидалардың 33-тармағында көрсетілген хабардар ету тәсілдерін қолдана отырып, электрондық сатып алу жүйесі арқылы тәсілімен жаңа ТЖҚ-ны сатып алуды өткізеді.
      144. Тізілімде қалыптастырылған электрондық сатып алу жүйесі арқылы тәсілімен ТЖҚ-ны сатып алу қорытындыларын шығару хаттамасының қағаз нұсқасына конкурстық комиссияның төрағасы, мүшелері және ақпаратты тізілімде қалыптастыруға және орналастыруға тапсырыс беруші уәкілеттік берген адам қол қояды.
      145. Тізілімде қалыптастырылған электрондық сатып алу жүйесі арқылы тәсілімен сатып алудың қорытындылары туралы хабарландырудың мәтіні Заңға сәйкес мемлекеттік және орыс тілдерінде таралатын мерзімді баспасөз басылымдарында жарияланады, ол осы Қағидалардың 138-тармағының 1), 3), 10) тармақшаларында көрсетілген ақпаратты, әкімшілік-аумақтық объектілердің жіктеуішіне сәйкес атауын және орналасқан орнының мекенжайын (заңды тұлғалар үшін) немесе тегін, атын, әкесінің атын, орналасқан орнының мекенжайын (жеке тұлғалар үшін) және электрондық сатып алу жүйесі арқылы тәсілімен ТЖҚ-ны сатып алу жеңімпазының конкурстық баға ұсынысының (лоттар бойынша) бағасын және (немесе) электрондық сатып алу жүйесі арқылы тәсілімен ТЖҚ-ны сатып алу нәтижесінде жеңімпаз айқындалмаған жағдайда, себептерді көрсетуді қамтиды.

Сатып алу туралы шарттың орындалуын қамтамасыз ету

      146. Сатып алу туралы шарттың орындалуын қамтамасыз етуді сатып алудың жеңімпазы оның өзімен жасалған сатып алу туралы шарт бойынша өз міндеттемелерін уақтылы, толық және тиісті түрде орындайтындығының кепілдігі ретінде, конкурстық құжаттамада көзделген жағдайларда енгізеді.
      Шартты орындауды қамтамасыз ету сатып алу туралы шартты жасасқан күннен бастап он жұмыс күні ішінде енгізіледі.
      147. Тапсырыс берушіге ашық конкурс тәсілімен сатып алу (әрбір лот бойынша) үшін көзделген сомадан үш пайыздан артық болатын сатып алу туралы шарттың орындалуын қамтамасыз етудің мөлшерін, оның ішінде конкурстық баға ұсыныстарын төмендетіп белгілеуге жол берілмейді.
      148. Шарттың орындалуын қамтамасыз етудің мынадай тәсілдерінің бірі арқылы енгізуге жол беріледі:
      1) тапсырыс берушінің банк шотына енгізілетін кепілдікті ақшалай жарнасы;
      2) Қазақстан Республикасының бір немесе бірнеше екінші деңгейдегі банктерінің банктік кепілдігі.
      Шартты орындауды қамтамасыз етуді енгізу тәсілін таңдау құқығын ТЖҚ жеткізушісі жүзеге асырады.
      149. Жеткізушіге шарт бойынша міндеттемелер толық орындалғанға дейін үшінші тұлғаларда енгізілген кепілдікті ақшалай жарнаға толығымен не бір бөлігінде талап ету құқықтарының туындауына әкелетін іс-қимылдарды жасауына жол берілмейді.
      150. Тапсырыс берушіге шарт бойынша міндеттемелер толық орындалғанға дейін жеткізуші енгізген кепілдікті ақшалай жарнаны пайдалануға жол берілмейді.
      151. Сатып алу туралы шарттың орындалуын қамтамасыз етуді енгізу туралы талап мүгедектердің қоғамдық ұйымдарына қолданылмайды.
      152. Егер әлеуетті жеткізуші өзімен жасалған сатып алу туралы шарт бойынша міндеттемелерін орындамаса не тиісті түрде орындамаса, тапсырыс беруші сатып алу туралы шарттың орындалуын қамтамасыз етуді қайтармайды.
      153. Осы Қағидалардың 152-тармағында көзделген жағдай орын алған кезде, сатып алу туралы шарттың орындалуын қамтамасыз етудің сомасы тапсырыс берушінің кірісіне жатқызылады.
      154. Тапсырыс беруші әлеуетті жеткізушіге ол енгізген сатып алу туралы шарттың орындалуын қамтамасыз етуді, онымен жасалған сатып алу туралы шарт бойынша өз міндеттемелерін уақтылы, толық және тиісті түрде орындаған жағдайда, үш жұмыс күні ішінде қайтарады.

Сатып алу туралы шарт

      155. Тапсырыс беруші сатып алудың қорытындысы туралы хаттамаға қол қойылған күннен бастап бес жұмыс күні ішінде сатып алудың жеңімпазына өткізілген сатып алудың талаптарындағы сатып алу туралы шарттың жобасын жібереді. Егер сатып алу бірнеше лот бойынша өткізілсе, сатып алу туралы шарттардың жобаларын тапсырыс беруші әрбір лотқа жеке жасайды.
      Әлеуетті жеткізуші бірнеше лот бойынша жеңімпаз болып танылған жағдайда, жекелеген техникалық ерекшеліктер бойынша лоттарды міндетті түрде бөле отырып, бірыңғай шарт жасауға (шартқа қосымша әр лотқа жеке) жол беріледі.
      156. Қазақстан Республикасының резиденті емеспен сатып алу туралы шарт жасалған жағдайда, Қазақстан Республикасының азаматтық заңнамасының, Қазақстан Республикасының трансферттік баға белгілеу туралы заңнамасының және осы Қағидалардың талаптарын ескере отырып, ол ұсынып отырған нысан бойынша сатып алу туралы шартты ресімдеуге жол беріледі.
      157. Сатып алу туралы шарт:
      1) жұмыстарды орындауға арналған шартты орындаған кезде осы Қағидаларды сақтау бойынша мердігердің міндеттемесін (мердігерлік жұмыстар сатып алынған жағдайда);
      2) жұмыстарды орындауға арналған шартты орындаған кезде осы Қағидаларды сақтамағаны үшін мердігердің жауапкершілігін (мердігерлік жұмыстар сатып алынған жағдайда);
      3) сатып алудың қорытындыларын шығару хаттамасына сәйкес тауарлардағы немесе жұмыстардағы немесе көрсетілетін қызметтердегі жергілікті қамту бойынша жеткізушінің міндеттемесін;
      4) сатып алудың қорытындыларын шығару хаттамасына сәйкес тауарлардағы немесе жұмыстардағы немесе көрсетілетін қызметтердегі жергілікті қамту бойынша міндеттемелерді орындамағаны үшін жеткізушінің жауапкершілігін;
      5) конкурстық құжаттамада көзделген өзге де құқықтар мен міндеттерді қамтиды.
      158. Тапсырыс беруші тауарлардың қазақстандық өндірушісімен сатып алу туралы шартты жасасқан жағдайда, шарттың ережелеріне жеткізушінің ішкі айналым үшін, Қазақстан Республикасының аумағында шығарылғанын растайтын, өткізілетін сатып алу номенклатурасына сәйкес келетін тауардың шығу тегі туралы сертификаттың нотариалды куәландырылған көшірмесін ұсынуы туралы талапты енгізуге жол беріледі, бұл ретте сертификатта көрсетілген тауар көлемінің жасалған шарттың шеңберінде жеткізілетін тауар көлемінен кем болуына жол берілмейді.
      159. Тапсырыс беруші жұмыстардың немесе көрсетілетін қызметтердің қазақстандық өндірушімен сатып алу туралы шартты жасасқан жағдайда, шарттың ережелерінде тапсырыс беруші белгілеген нысан бойынша және мерзімдерде жеткізілетін ТЖҚ туралы есеп беруі туралы талабы көрсетіледі.
      160. Жеткізуші жұмыстарды орындау үшін қосалқы мердігерлік ұйымдарды тартқан жағдайда, шартта тапсырыс беруші белгіленген нысан бойынша және мерзімдерде, мердігерлік ұйымдардың жеткізушіге ТЖҚ туралы есепті ұсынуы туралы талабы көрсетіледі.
      161. Сатып алу туралы жасалған шартқа жеткізушінің таңдау үшін негіз болған, сапасы мен басқа талаптарының тұрақтылығы жағдайында өзгерістер енгізуге жол беріледі:
      1) табиғи монополия субъектілерімен, сондай-ақ белгілі бір сатып алынатын ТЖҚ нарығында үстем (монополиялық) жағдайға ие тұлғалармен не тиісті тауар нарығында үстем (монополиялық) жағдайға ие нарық субъектілерінің мемлекеттік тізіліміне сәйкес оның қызметінің негізгі мәні бойынша мемлекеттік монополия субъектілерімен жасалған шарттар бойынша;
      2) осы тауарды сатып алу туралы жасалған шартта көрсетілген тауар бірлігі үшін бағаның өзгермеу шартымен сатып алынатын тауар көлеміндегі қажеттіліктің артуына байланысты шарттың жалпы сомасының он пайызынан астам шарт сомасын ұлғайту бөлігінде. Тауарларды сатып алу туралы жасалған шарттағы мұндай өзгеріс осы тауарларды, жұмыстар мен көрсетілетін қызметтерді сатып алу үшін жылдық және (немесе) орта мерзімді және (немесе) ұзақ мерзімді бағдарламада көзделген сома шегінде жол беріледі;
      3) сатып алынатын жұмыстар, көрсетілетін қызметтер көлеміндегі қажеттіліктің артуына байланысты шарттың жалпы сомасының он пайызынан астам шарт сомасын ұлғайту бөлігінде. Жұмыстарды, көрсетілетін қызметтерді сатып алу туралы жасалған шарттағы мұндай өзгеріс осы жұмыстар мен көрсетілетін қызметтерді сатып алу үшін жылдық және (немесе) орта мерзімді және (немесе) ұзақ мерзімді бағдарламада көзделген сома шегінде жасалған шарттың мән-мағынасын өзгертпей және оны қамтамасыз ету мақсатында жол беріледі;
      4) Қазақстан Республикасының нормативтік құқықтық актілерімен тиісті кезеңге айқындалған инфляция деңгейіне сүйене отырып, бір қаржы жылынан астам кезеңге жасалған ТЖҚ-ны сатып алу туралы шарт бағасын тараптар келісімі бойынша жыл сайын өзгерту бөлігінде;
      5) тауардың бірлігіне бағаның өзгермеу шартымен сатып алынатын жұмыстардың, көрсетілетін қызметтердің, сондай-ақ сатып алынатын тауарлардың көлеміндегі қажеттіліктің төмендеуіне байланысты шарт сомасының азаюы бөлігінде;
      6) маңызды болып табылмайтын талаптар бөлігінде.
      7) қолданыстағы валюталық реттеу туралы заңнаманың талаптарына негізделген тауарды (тауарларды) мерзімінде жеткізбеу, жұмысты (жұмыстарды) орындамау, қызметті (қызметтерді) көрсетпеу жағдайында, Қазақстан Республикасының резиденті емес болып табылатын ТЖҚ жеткізушісімен жасасқан шарттың қолдынылу мерзімін өзгертуге қатысты;
      8) сатып алынатын тауардың өндірісіне қажетті қазақстандық өндіруші шығарған тауарды жеткізу мерзімін арттыруға қатысты.
      162. Егер сатып алуды өткізу туралы хабарландыруда өзгеше мерзім көзделмесе, сатып алу туралы шарт сатып алу қорытындылары шығарылған күннен бастап он жұмыс күні ішінде жасалады.
      163. Сатып алу туралы шарт мынадай жағдайларды қоспағанда, бір қаржы жылынан аспайтын мерзімге жасалады:
      1) жұмыстарды жобалау-сметалық құжаттамада көзделген, аяқталу мерзімі келесі (кейінгі) қаржы жылындағы (жылдар) мерзіммен сатып алу;
      2) дайындаудың технологиялық мерзімінің ұзақтығы олардың келесі (кейінгі) қаржы жылында (жылдар) жеткізілуіне негіздейтін активтерді және басқа тауарларды сатып алу;
      3) орындаудың ұзақтығына байланысты орындау (көрсету, жеткізу) мерзімі жұмыс бағдарламасында белгіленген келесі (кейінгі) қаржы жылына (жылдарына) негізделген ТЖҚ-ны сатып алу;
      4) орта мерзімді және (немесе) ұзақ мерзімді ТЖҚ-ны сатып алу бағдарламаларында көзделген ТЖҚ-ны сатып алу.
      164. Сатып алу туралы шарт, тапсырыс беруші мен жеткізуші көрсетілген шарт бойынша қабылданған міндеттемелерді толық орындаған жағдайда орындалды деп есептеледі.
      165. Егер жеткізуші осы Қағидаларда белгіленген мерзімдерде тапсырыс берушіге қол қойылған сатып алу туралы шартты ұсынбаған жағдайда, онда мұндай әлеуетті жеткізуші сатып алу туралы шарт жасаудан жалтарды деп танылады.
      166. Егер жеткізуші сатып алу туралы шарт жасап, осы Қағидаларда белгіленген жағдайларда сатып алу туралы шартты орындауды қамтамасыз етуін енгізбеген жағдайда, мұндай әлеуетті жеткізуші шарт жасаудан бас тартты және шарт бойынша міндеттемелерді орындаудан жалтарды деп танылады.
      Егер жеткізуші сатып алу туралы шартқа қол қойып, шарт бойынша міндеттемелерді орындауға кіріспестен шартты орындаудан бас тартқан жағдайда, мұндай әлеуетті жеткізуші шарт жасаудан бас тартты және шарт бойынша міндеттемелерді орындаудан жалтарды деп танылады.
      167. Әлеуетті жеткізуші сатып алу туралы шарт жасасудан жалтарған жеткізуші деп танылған жағдайда, тапсырыс беруші олардың енгізілуі конкурстық құжаттамамен көзделген жағдайда, ол енгізген (қайталама) ашық конкурсқа, электрондық сатып алу жүйесі арқылы сатып алуға (қайталама сатып алуға) қатысуға арналған өтінімді қамтамасыз етуді ұстап қалады.
      Егер әлеуетті жеткізуші шарт жасаудан бас тартқан және шарт бойынша міндеттемелерді орындаудан жалтарған деп танылған жағдайда, тапсырыс беруші сатып алу қорытындыларын шығару хаттамасына сәйкес және өткізілген сатып алу шарттарында сатып алу жеңімпазының бағасынан кейін баға ұсынысы анағұрлым басым болып танылған келесі әлеуетті жеткізушімен шарт жасауға құқылы.

Ерекше шарттар

      168. Қазақстан Республикасының резиденті емеспен мәмілелер (сатып алу туралы шарттар) Қазақстан Республикасының трансферттік баға белгілеу туралы заңнамасына сәйкес бақылауға жатады.

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін    
қызметтердің және оларды өндірушілердің    
тізілімі» мемлекеттік ақпараттық жүйесі арқылы
жер қойнауын пайдалану жөніндегі       
операцияларды жүргізу кезінде тауарларды,  
жұмыстар мен көрсетілетін қызметтерді сатып  
алу қағидаларына                
1-қосымша                   

Ашық конкурс тәсілімен сатып алуға қатысуға конкурстық өтінім
(ашық конкурстың атауы)

      1. Әлеуетті жеткізушінің атауы;
      2. Әкімшілік-аумақтық объектілер жіктеуішіне сәйкес әлеуетті жеткізушінің орналасқан жері;
      3. Әлеуетті жеткізушінің ашылған конкурстық өтінімінің мазмұны туралы ақпарат:

      Конкурстық өтінімнің мазмұны туралы мәліметтер:
      1) құқықтық қабілеттілігін (заңды тұлғалар үшін), азаматтық әрекетке қабілеттілігін (жеке тұлғалар үшін) растайтын құжаттардың сканерден өткізілген көшірмелері;
      2) құжаттардың (лицензия, патент, куәлік) сканерден өткізілген көшірмелері және/немесе әлеуетті жеткізушінің сатып алынатын тауарларды өндіру, қайта өңдеу, жеткізу мен өткізу, жұмыстарды орындау және қызметтер көрсетуге құқығын растайтын құжаттардың көшірмелері немесе әлеуетті жеткізушінің сатып алынатын тауарларды өндіру, қайта өңдеу, жеткізу және өткізу, жұмыстарды орындау және қызметтер көрсету құқығын растайтын құжаттардың болу қажеттілігінің жоқтығы туралы хаттың сканерден өткізілген көшірмесі;
      3) егер сатып алудың нысанасы стандарттың немесе Қазақстан Республикасының сертификаттау туралы заңнамасына сәйкес адамдардың өмірі, денсаулығы, азаматтардың мүлкі және қоршаған орта үшін қауіпсіздікті қамтамасыз ететін өзге нормативтік құжаттың талаптарына сәйкес келуіне міндетті түрде сертификаттауға жататын болса, сертификаттардың сканерден өткізілген көшірмелері;
      4) төлем қабілеттілігін растайтын құжаттар;
      5) ТЖҚ-ның функционалдық, техникалық, сапалық, пайдаланушылық және өзге де сипаттамалары бар техникалық ерекшелік, сондай-ақ ТЖҚ-ның осы талаптарға сәйкестігін растайтын құжаттардың тізбесі (конкурстық құжаттамада тиісті талап болған кезде);
      6) ұсынылатын тауарлардағы немесе жұмыстардағы немесе көрсетілетін қызметтердегі әрбір лот бойынша пайыздарда көрсетілген жергілікті қамту бойынша міндеттемелер (0-ден 100-ге дейін);
      7) жер қойнауын пайдалану жөніндегі операцияларды жүргізумен байланысты жұмыстардың жекелеген түрлерін орындауға арналған шартты орындау кезінде мердігердің осы Қағидаларды сақтау туралы міндеттемелері (мердігерлік жұмыстарды сатып алған жағдайда);
      8) әлеуетті жеткізуші мердігерлерінің осы Қағидалардың 8-тармағында көзделген біліктілік талаптарына сәйкестігін растайтын құжаттар немесе әлеуетті жеткізушінің мердігерлерді тарту ниетінің жоқ екендігін растайтын кепілдемелік хатының сканерден өткізілген көшірмесі (мердігерлік жұмыстарды сатып алған жағдайда);
      9) осы Қағидалардың 8-тармағының  3) тармақшасында, 11-тармағының 1), 2) және 4) тармақшаларында көрсетілген, өткізілетін ашық конкурсқа қатысуын шектейтін негіздемелердің жоқтығы туралы әлеуетті жеткізушінің кепілхаттары;
      10) осы Қағидалардың 11-тармағының 3) және 5) тармақшаларында және 12-тармағында көрсетілген өткізілетін ашық конкурсқа қатысуын шектейтін негіздемелердің жоқтығы туралы әлеуетті жеткізушінің кепілхаттары;
      11) әлеуетті жеткізушіде қолданыстағы Қазақстан Республикасының заңнамасына сәйкес аккредиттелген ұйыммен сертификатталған мемлекеттік стандарттардың талаптарына сәйкес сапа менеджменті тізілімнің (сертификатталған тізілімдердің) болуын растайтын құжаттардың сканерден өткізілген көшірмелері (конкурстық құжаттамада тиісті талап болған кезде);
      12) әлеуетті жеткізушіде сатып алынатын жұмыстар, көрсетілетін қызметтер нарығында және/немесе белгілі бір салада жұмыс тәжірибесінің болуын растайтын құжаттар: осындай қызмет түрлерімен айналысуға лицензияның болуын талап ететін қауіпті, ерекше қауіпті жұмыс түрлерін сатып алу кезінде, сондай-ақ орындалған жұмыстарды, көрсетілген қызметтерді қабылдау-беруді растайтын жүкқұжаттардың, тиісті актілердің сканерден өткізілген көшірмелерін қоса бере отырып, тиісті қаржы жылына белгіленген он төрт мың еселік айлық есептік көрсеткіштің мөлшерінен кем емес шарт сомасына әлеуетті жеткізуші жұмыстарды орындаған, қызметтерді көрсеткен ұйымдардан кепілхаттардың/оң пікірлердің сканерден өткізілген көшірмелері (конкурстық құжаттамада тиісті талап болған кезде);
      13) әлеуетті жеткізушінің шарт жобасының елеулі талаптарымен келісетіндігін растайтын кепілхат;
      14) Қазақстан Республикасының заңнамасына сәйкес нысандар бойынша жергілікті қамту бойынша есептілікті тапсыру туралы талаптарды және есептерде көрсетілген ақпараттың мазмұнына, есептіліктерді ұсыну мерзімін бұзғандығына және әлеуетті жеткізушілердің жергілікті қамту бойынша міндеттемелерін орындамауына жауапкершілікті сақтау туралы кепілхаты.
      4. Қолдары.

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін    
қызметтердің және оларды өндірушілердің    
тізілімі» мемлекеттік ақпараттық жүйесі арқылы
жер қойнауын пайдалану жөніндегі        
операцияларды жүргізу кезінде тауарларды,   
жұмыстар мен көрсетілетін қызметтерді сатып   
алу қағидаларына                
2-қосымша                     

Қызметкерлердің болуы және саны туралы мәліметтер

Электрондық цифрлық қолтаңбасы ______________
Ұсыну күні мен уақыты

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін    
қызметтердің және оларды өндірушілердің    
тізілімі» мемлекеттік ақпараттық жүйесі арқылы
жер қойнауын пайдалану жөніндегі        
операцияларды жүргізу кезінде тауарларды,   
жұмыстар мен көрсетілетін қызметтерді сатып   
алу қағидаларына                
3-қосымша                    

Сатып алу бойынша ашық конкурсқа қатысу үшін
(ашық конкурс атауы) әлеуетті жеткізушілер ұсынған конкурстық
өтінімдерді ашудың
№ _____ ХАТТАМАСЫ

______________________
(Өткізу күні мен уақыты)

1. Тапсырыс берушінің атауы
_____________________________________________________________
___________________________________________
2. Тапсырыс берушінің орналасқан орны
_____________________________________________________________
_____________________________________________
3. Мына құрамдағы конкурстық комиссия:
Конкурстық комиссияның төрағасы:
_____________________________________________________________
__________________________________________________
                                    (Тегі, аты, әкесінің аты)

Конкурстық комиссияның мүшелері:
_____________________________________________________________
                                    (Тегі, аты, әкесінің аты)
_____________________________________________________________
                                    (Тегі, аты, әкесінің аты)
Конкурстық комиссияның хатшысы:
_____________________________________________________________
                                    (Тегі, аты, әкесінің аты)

конкурстық өтінімдері салынған конверттерді ашу рәсімін өткізді.
      4. Ашық конкурстың нысанасы:
      Лот № және атауы:

      5. Олардың шеңберінде сатып алу жүзеге асырылатын жер қойнауын пайдалануға арналған келісімшарттар нөмірлері:
      Лот № және атауы:
      ____________№ _______________келісімшарт.
      6. Конкурстық өтінімдерді мына әлеуетті жеткізушілер ұсынды:
      Лот № және атауы:

      7. Конкурстық өтінімдерді мына әлеуетті жеткізушілер ұсынды ___________________________.
      Лот № және атауы:

      8. Конкурстық өтінімдерді мына әлеуетті жеткізушілер қайтарып алды:
      Лот № және атауы:

      9. Әлеуетті жеткізушілердің ашылған конкурстық өтінімдерінің мазмұны туралы ақпарат:
      _____________________________________________________________
      10. Қолдары.

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін    
қызметтердің және оларды өндірушілердің    
тізілімі» мемлекеттік ақпараттық жүйесі арқылы
жер қойнауын пайдалану жөніндегі        
операцияларды жүргізу кезінде тауарларды,   
жұмыстар мен көрсетілетін қызметтерді сатып   
алу қағидаларына                
4-қосымша                   

Әлеуетті жеткізушілерді сатып алу жөніндегі ашық конкурсқа
(ашық конкурстың атауы) қатысуға рұқсат берудің
№ _____ ХАТТАМАСЫ

______________________________   _____________________________
               (Өткізу орны)        (Өткізу күні мен уақыты)

      1. Тапсырыс берушінің атауы
____________________________________________________________________
____________________________________
      2. Тапсырыс берушінің орналасқан орны
____________________________________________________________________
____________________________________
      3. Мына құрамдағы конкурстық комиссия:
      Конкурстық комиссияның төрағасы:
____________________________________________________________________
                                           (Тегі, аты, әкесінің аты)
      Конкурстық комиссияның мүшелері:
____________________________________________________________________
                                           (Тегі, аты, әкесінің аты)
____________________________________________________________________
                                           (Тегі, аты, әкесінің аты)
      Конкурстық комиссияның хатшысы:
____________________________________________________________________
                                           (Тегі, аты, әкесінің аты)
әлеуетті жеткізушілердің конкурстық өтінімдерді қарау рәсімін
өткізді және мыналарды сатып алу бойынша ашық конкурсқа қатысуға
рұқсат берілді:
      4. Ашық конкурс нысанасы:
      Лот № және атауы:

      5. Олардың шеңберінде сатып алу жүзеге асырылатын жер қойнауын пайдалануға арналған келісімшарттар нөмірлері:
      Лот № және атауы:
      _______________ № ____________ келісімшарт.
      6. Конкурстық комиссия мына әлеуетті жеткізушілердің конкурстық өтінімдерін қарады:
      Лот № және атауы:

      7. Ашық конкурсқа қатысушылардың конкурстық өтінімдерін қарау нәтижелері бойынша конкурстық комиссия шешім қабылдады (қажеттісін таңдау):
      1) мына әлеуетті жеткізушілердің конкурстық өтінімдері қабылданбасын:
      Лот № және атауы:

      2) мына әлеуетті жеткізушілер ашық конкурс қатысушылары болып танылсын:
      Лот № және атауы:

      Ашық конкурсқа қатысушылардың конкурстық баға ұсыныстарын орналастырудың уақытын, орнын, басталу және аяқталу күнін __________ бастап ___________ дейін деп белгіленсін.
      Ашық конкурсқа қатысушылардың конкурстық баға ұсыныстарын бағалау және салыстыру _____________________________ белгіленсін.
      8. Қолдары.

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін    
қызметтердің және оларды өндірушілердің    
тізілімі» мемлекеттік ақпараттық жүйесі арқылы
жер қойнауын пайдалану жөніндегі        
операцияларды жүргізу кезінде тауарларды,   
жұмыстар мен көрсетілетін қызметтерді сатып   
алу қағидаларына                
5-қосымша                    

Сатып алу бойынша ашық конкурстың
(ашық конкурс атауы) қорытындысын шығарудың
№ ____ ХАТТАМАСЫ

_____________________
(Өткізу күні мен уақыты)

      1. Тапсырыс берушінің атауы
_____________________________________________________________________
_____________________________________________________________________
      2. Тапсырыс берушінің орналасқан орны
_____________________________________________________________________
_____________________________________________________________________
      3. Мына құрамдағы конкурстық комиссия:
Конкурстық комиссияның төрағасы:
_____________________________________________________________________
_____________________________________________________________________
                  (Тегі, аты, әкесінің аты)

      Конкурстық комиссияның мүшелері:
_____________________________________________________________________
                  (Тегі, аты, әкесінің аты)
_____________________________________________________________________
                  (Тегі, аты, әкесінің аты)
      Конкурстық комиссияның хатшысы:
_____________________________________________________________________
                  (Тегі, аты, әкесінің аты)

      мыналарды сатып алу бойынша ашық конкурс жеңімпазын айқындау
рәсімін өткізді:
      4. Ашық конкурс нысанасы:
      Лот № және атауы:

      5. Олардың шеңберінде сатып алу жүзеге асырылатын жер қойнауын
пайдалануға арналған келісімшарттар нөмірлері:
      Лот № және атауы:
      _______________ № ____________ келісімшарт.
      6. Конкурстық баға ұсыныстарын ашық конкурстың мына қатысушылары ұсынды:
      Лот № және атауы:

      7. Конкурстық баға ұсыныстарын ашық конкурстың мына қатысушылары қайтарып алды:
      Лот № және атауы:

      8. Ашық конкурсқа мына қатысушылардың конкурстық баға
ұсыныстары қабылданбады:
      Лот № және атауы:

      9. Ашық конкурсқа қатысушылардың қабылданған конкурстық баға
ұсыныстарының бағалары:
      Лот № және атауы:
      Сатып алуға бөлінген сома __________________________ теңге.

      10. Конкурстық комиссия ашық конкурсқа қатысушылардың
қабылданған конкурстық баға ұсыныстарын бағалады және бағаларын
салыстырды, әрі шешім қабылдады (қажеттісін таңдау):
      1) ашық конкурстың жеңімпазы болып мыналар танылсын:
      Лот № және атауы:

      Конкурстық баға ұсыныстары жеңімпаздың конкурстық баға
ұсынысынан кейін барынша басым болып табылатын әлеуетті жеткізушілер
      Лот № және атауы:

      2) ашық конкурсты өтпеді деп танылсын (тиісті себебін көрсету)
      Лот № және атауы:
      11. Тапсырыс беруші мына:
      ________________________________________________ ашық конкурс
тәсілімен өткізілген сатып алу нәтижелері бойынша ашық конкурс
қорытындылары шығарылған күннен бастап ____________ күн ішінде
(жеңімпаздың атауы (жеке тұлға үшін – тегі, аты, әкесінің аты), нақты
орналасқан орнының мекенжайы, ұсынылған баға) жеңімпазбен шарт
жасассын.
      12. Сатып алу коды: _____________
      Тізілімнің интернет-ресурсының мекенжайы: ______________.
      13. Қолдары.

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін    
қызметтердің және оларды өндірушілердің    
тізілімі» мемлекеттік ақпараттық жүйесі арқылы
жер қойнауын пайдалану жөніндегі        
операцияларды жүргізу кезінде тауарларды,   
жұмыстар мен көрсетілетін қызметтерді сатып   
алу қағидаларына                
6-қосымша                   

Бір көзден алу тәсілімен сатып алу (сатып алу атауы)
қорытындыларын шығару хаттамасы

      1. Тапсырыс берушінің атауы
_____________________________________________________________________
_____________________________________________________________________
      2. Тапсырыс берушінің орналасқан орны
_____________________________________________________________________
_____________________________________________________________________
      3. Бір көзден алу тәсілімен сатып алу негіздемесі:
_____________________________________________________________________
_____________________________________________________________________
      4. Бір көзден алу тәсілімен сатып алу негіздемесі:
      Лот № және атауы:
      ҚҚС-ны есепке алмағанда, сатып алу үшін бөлінген сома: ________ теңге.

      5. Олардың шеңберінде сатып алу жүзеге асырылатын жер қойнауын
пайдалануға арналған келісімшарттар нөмірлері:
      Лот № және атауы:
      _______________ № ____________ келісімшарт.
      6. Жеткізушілер атауы, тауарларды жеткізу, жұмыстарды орындау,
қызметтерді көрсету мерзімдері және орны:
      Лот № және атауы:

      7. Тауарларды жеткізуге, жұмыстарды орындауға, қызметтерді
көрсетуге байланысты барлық шығыстарды қамтитын, теңгемен көрсетілген
әрбір лот бойынша ұсынылатын ТЖҚ-ға жеткізуші ұсынған баға:
      Лот № және атауы:
      ҚҚС-ны есепке алмағанда, сатып алу үшін бөлінген сома: ______________________________________ теңге.

      8. Қолдары.

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін    
қызметтердің және оларды өндірушілердің    
тізілімі» мемлекеттік ақпараттық жүйесі арқылы
жер қойнауын пайдалану жөніндегі        
операцияларды жүргізу кезінде тауарларды,   
жұмыстар мен көрсетілетін қызметтерді сатып   
алу қағидаларына                
7-қосымша                    

Баға ұсыныстарын ашу және баға ұсыныстарын сұрату тәсілімен
сатып алу (сатып алудың атауы) бойынша қорытындыларын шығару
хаттамасы

______________________
(Өткізу күні мен уақыты)

      1. Тапсырыс берушінің атауы __________________________________  _____________________________________________________________________
      2. Тапсырыс берушінің орналасқан орны ________________________
_____________________________________________________________________
      3. Баға ұсыныстарын сұрату тәсілімен сатып алудың нысанасы:
      Лот № және атауы:

      4. Олардың шеңберінде сатып алу жүзеге асырылатын жер қойнауын
пайдалануға арналған келісімшарттар нөмірлері:
      Лот № және атауы:
      _______________ № ____________ келісімшарт.
      5. Баға ұсыныстарын мына әлеуетті жеткізушілер ұсынды:
      Лот № және атауы:

      6. Баға ұсыныстарын мына әлеуетті жеткізушілер қайтарып алды:
      Лот № және атауы:

      7. Мына жеткізушілердің баға ұсыныстары қабылданбады:
      Лот № және атауы:

      8. Әлеуетті жеткізушілердің ашылған баға ұсыныстарының бағасы:
      Лот № және атауы:
      ҚҚС-ны есепке алмағанда, сатып алуға бөлінген сома
      _______________________________________________ теңге.

      9. Баға ұсыныстарын ашудың нәтижелері бойынша:
      1) Баға ұсыныстарына сұрату тәсілімен сатып алудың жеңімпазы:
      Лот № және атауы:

      Баға ұсыныстары жеңімпаздың баға ұсынысынан кейін неғұрлым басым болып табылатын әлеуетті жеткізушілер:
      Лот № және атауы:

      2) Баға ұсыныстарын сұрату тәсілімен сатып алу өтпеді деп
танылсын
      (тиісті себебін көрсету)
      Лот № және атауы
      10. Тапсырыс беруші мына жеңімпазбен:
      Лоттың № және атауы
_______________________________________________________________
(Жеңімпаздың атауы (жеке тұлғалар үшін тегі, аты, әкесінің аты),
      нақты орналасқан орнының мекенжайы, ұсынған бағасы)
баға ұсыныстарын сұрату тәсілімен өткізілген сатып алудың қорытындысы
бойынша баға ұсыныстарын сұрату тәсілімен сатып алудың қорытындысы
шығарылған күннен бастап __________ күннің ішінде шарт жасассын.
      11. Сатып алудың коды:_______________________________________
      Тізілімнің интернет-ресурсының мекенжайы:____________________.
      12. Қолдары.

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін    
қызметтердің және оларды өндірушілердің    
тізілімі» мемлекеттік ақпараттық жүйесі арқылы
жер қойнауын пайдалану жөніндегі        
операцияларды жүргізу кезінде тауарларды,   
жұмыстар мен көрсетілетін қызметтерді сатып   
алу қағидаларына               
8-қосымша                   

Электрондық сатып алу жүйесі тәсілімен сатып алу
қорытындыларын шығарудың
№ _____ ХАТТАМАСЫ

_________________
(Өткізу күні мен уақыты)

      1. Тапсырыс берушінің атауы
_____________________________________________________________________
_____________________________________________________________________
      2. Тапсырыс берушінің орналасқан орны
_____________________________________________________________________
_____________________________________________________________________
      3. Мына құрамдағы конкурстық комиссия:
      Конкурстық комиссияның төрағасы:
_____________________________________________________________________
_____________________________________________________________________
                                   (Тегі, аты, әкесінің аты)
      Конкурстық комиссияның мүшелері:
_____________________________________________________________________
_____________________________________________________________________
                                   (Тегі, аты, әкесінің аты)
_____________________________________________________________________
_____________________________________________________________________
                                   (Тегі, аты, әкесінің аты)
      Конкурстық комиссияның хатшысы
_____________________________________________________________________
_____________________________________________________________________
                                   (Тегі, аты, әкесінің аты)
      мыналарды сатып алу бойынша электрондық сатып алу жүйесі арқылы
тәсілімен сатып алу жеңімпазын айқындау рәсімін өткізді:
      4. Электрондық сатып алу жүйесі арқылы тәсілімен сатып алу
нысанасы:
      Лот № және атауы
      ҚҚС-ны есепке алмағанда, сатып алуға бөлінген сома
      _______________________________________________ теңге.

      5. Оның шеңберінде сатып алу жүзеге асырылатын жер қойнауын
пайдалануға арналған келісімшарттар нөмірлері:
      Лот № және атауы:
      _______________ № ____________ келісімшарт.
      6. Конкурстық баға ұсыныстарын электрондық сатып алу жүйесі
тәсілімен сатып алуға мына қатысушылар ұсынды:
      Лот № және атауы:

      7. Электрондық сатып алу жүйесі арқылы тәсілімен сатып алуға
қатысушылардың конкурстық баға ұсыныстарының бағалары:
      Лот № және атауы:
      Сатып алуға бөлінген сома ____________________________ теңге.

      8. Конкурстық комиссия электрондық сатып алу жүйесі тәсілімен
сатып алуға қатысушылардың конкурстық баға ұсыныстарын бағалады және
бағаларын салыстырды және мынадай шешім қабылдады (қажеттісін
таңдау):
      1) электрондық сатып алу жүйесі арқылы тәсілімен мына сатып алу
жеңімпазы болып танылсын:
      Лот № және атауы:

      Конкурстық баға ұсыныстары жеңімпаздың конкурстық баға
ұсынысынан кейін неғұрлым басым болып табылатын әлеуетті
жеткізушілер:
      Лот № және атауы:

      2) электрондық сатып алу жүйесі арқылы тәсілімен сатып алу
өтпеді деп танылсын
      (тиісті себебін көрсету)
      Лот № және атауы
      9. Тапсырыс беруші мына:
      Лоттың № және атауы
____________________________________________________________________
_______________________________ электрондық сатып алу жүйесі арқылы
тәсілімен өткізілген сатып алудың нәтижелері бойынша электрондық
сатып алу жүйесі арқылы тәсілімен сатып алу қорытындылары шығарылған
күннен бастап__________________________күн ішінде
(жеңімпаздың атауы (жеке тұлғалар үшін – тегі, аты, әкесінің аты),
нақты орналасқан орнының мекенжайы, ұсынған бағасы) жеңімпазымен шарт
жасассын.
      10. Сатып алудың коды: _______________________________________
      Тізілімнің интернет-ресурсының мекенжайы:____________________.
      11. Қолдары.

Қазақстан Республикасы
Үкіметінің     
2014 жылғы 31 мамырдағы
№ 602 қаулысына   
2-қосымша      

Қазақстан Республикасы
Үкіметінің      
2013 жылғы 14 ақпандағы
№ 134 қаулысымен   
бекітілген      

Жер қойнауын пайдалану жөніндегі операцияларды жүргізу кезінде
тауарларды, жұмыстар мен көрсетілетін қызметтерді сатып алу
қағидалары

1. Жалпы ережелер

      1. Осы Жер қойнауын пайдалану жөніндегі операцияларды жүргізу кезінде тауарларды, жұмыстар мен көрсетілетін қызметтерді сатып алу қағидалары (бұдан әрі – Қағидалар) «Жер қойнауы және жер қойнауын пайдалану туралы» 2010 жылғы 24 маусымдағы Қазақстан Республикасының Заңына (бұдан әрі – Заң) сәйкес әзірленді және тауарларды, жұмыстар мен көрсетілетін қызметтерді (бұдан әрі – ТЖҚ) сатып алудың жылдық және (немесе) орта мерзімді және (немесе) ұзақ мерзімді бағдарламаларында көзделген жер қойнауын пайдалану жөніндегі операцияларды жүргізу кезінде жер қойнауын пайдаланушылардың және олардың уәкілетті адамдарының, сондай-ақ жер қойнауын пайдаланушылар немесе жер қойнауын пайдаланушылардың уәкілетті адамдарымен жұмысы Қазақстан Республикасының Үкіметі белгілеген тәртіппен жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімінің жұмысымен үйлестірілген, Интернет желісінің қазақстандық сегментінде орналастырылған электрондық сатып алу жүйесін пайдалана отырып, жер қойнауын пайдалану жөніндегі операцияларды жүргізуге байланысты жекелеген жұмыстарды орындау үшін тартатын мердігерлердің ТЖҚ сатып алу тәртібін айқындайды.
      Жер қойнауын пайдалану жөніндегі операцияларды жүргізу кезінде ТЖҚ сатып алуға байланысты тапсырыс берушілердің сатып алуды жүзеге асыру рәсімдері Қазақстан Республикасының аумағында жүргізіледі.
      2. Осы Қағидалар:
      1) кең таралған пайдалы қазбаларды барлау немесе өндіру бойынша операцияларды жүзеге асыратын жер қойнауын пайдаланушыларға;
      2) Қазақстан Республикасының мемлекеттік сатып алу туралы заңнамасына сәйкес ТЖҚ-ны сатып алатын жер қойнауын пайдаланушыларға;
      3) дауыс беретін акцияларының (қатысу үлестерінің) елу және одан да көп пайызын тікелей немесе жанама түрде ұлттық басқарушы холдинг иеленетін жер қойнауын пайдалану құқығына ие заңды адамларға қолданылмайды.
      3. Осы Қағидаларда Заңда белгіленген ұғымдар мен анықтамалар, сондай-ақ мынадай ұғымдар пайдаланылады:
      1) тапсырыс беруші – осы Қағидаларға сәйкес ТЖҚ-ны сатып алуды жүзеге асыратын жер қойнауын пайдаланушы, мердігер, жер қойнауын пайдаланушының уәкілетті адамы;
      2) сатып алу – келісімшарттық міндеттемелерді және осы Қағидаларда белгіленген тәртіппен және тәсілдермен жүзеге асырылатын, келісімшартта жанама ретінде көзделген қызметті орындау үшін қажетті жер қойнауын пайдалану жөніндегі операцияларды жүргізу кезінде ТЖҚ-ны меншікті қаражат есебінен сатып алу;
      3) әлеуетті жеткізушінің аффилиирленген адамы – шешімдерді айқындау және (немесе) осы әлеуетті жеткізуші қабылдайтын шешімдерге, оның ішінде жазбаша нысанда жасалған мәміленің күшіне әсер етуге құқылы кез келген жеке немесе заңды адам, сондай-ақ оған қатысты осы әлеуетті жеткізуші осындай құқыққа ие кез келген жеке немесе заңды адам;
      4) сатып алу коды – осы Қағидалардың 6-тармағының 1), 3), 4) тармақшаларында көрсетілген тәсілдермен ТЖҚ-ны сатып алуды жүргізу туралы хабарландыруларды қалыптастыру кезінде немесе осы Қағидалардың 6-тармағының 2) тармақшасында көрсетілген тәсілмен ТЖҚ-ны сатып алу қорытындыларын шығару хаттамасын қалыптастыру кезінде жүйемен қалыптастырылған код;
      5) шарттың елеулі талаптары – бұл шарттың нысанасы, тауарларды жеткізу, жұмыстарды орындау, қызметтерді көрсету мерзімдері мен орындары, төлеу тәртібі, шарттың қолданылу мерзімі туралы талаптар;
      6) конкурстық құжаттама – ашық конкурсты өткізу шарттарын қамтитын конкурстық өтінімді және конкурстық баға ұсынысын дайындау үшін әлеуетті жеткізушіге ұсынылатын, тапсырыс беруші бекіткен құжаттама;
      7) конкурстық комиссия – осы Қағидалардың 6-тармағының 1), 4) тармақшаларында белгіленген тәртіппен және тәсілдермен тауарларды, жұмыстар мен көрсетілетін қызметтерді сатып алуды жүргізудің рәсімдерін орындау үшін тапсырыс беруші құратын алқалы орган;
      8) біртекті ТЖҚ – бірдей болып табылмайтын, ұқсас сипаттамалары бар және бір функцияны орындауға және өзара алмасымды болуға мүмкіндік беретін ұқсас құрамдастардан тұратын ТЖҚ;
      9) әлеуетті жеткізуші – жер қойнауын пайдалану жөніндегі операцияларды жүргізу кезінде пайдаланылатын ТЖҚ-ны сатып алу процесіне қатысушы жеке адам, заңды адам, заңды адамлардың уақытша бірлестігі (консорциум);
      10) мердігер – жер қойнауын пайдалану жөніндегі операцияларды жүргізуге байланысты жұмыстардың жекелеген түрлерін орындау үшін жер қойнауын пайдаланушы немесе оның уәкілетті адамы тартатын жеке немесе заңды адам;
      11) жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімі (бұдан әрі – тізілім) – жер қойнауын пайдалану жөніндегі операцияларды жүргізу кезінде пайдаланылатын ТЖҚ-ны сатып алуды және олардың өндірушілерін бақылау және мониторингілеу, сондай-ақ электрондық сатып алу жүргізу мен жер қойнауын пайдалану жөніндегі операцияларды жүргізу кезінде пайдаланылатын ТЖҚ тізбесін қалыптастыруға арналған мемлекеттік ақпараттық жүйе;
      12) электрондық сатып алу жүйесі (бұдан әрі – жүйе) – Интернет желісінің қазақстандық сегментінде орналастырылған, тапсырыс берушілер тауарларды, жұмыстар мен көрсетілетін қызметтерді сатып алу үшін пайдаланатын, жұмысы тізілім жұмысымен үйлестірілген, осы қағидаларға сәйкес құрылған және пайдаланылатын электрондық ақпараттық жүйе;
      13) жанама қызмет – жер қойнауын пайдалану жөніндегі операцияларды жүргізуге байланысты емес және лицензиялық келісімшарттық талаптарды орындауға бағытталған, шығыстарын құзыретті орган жер қойнауын пайдаланушының келісімшарттық міндеттемелерін орындау ретінде есепке алатын қызмет;
      14) жер қойнауын пайдаланушының уәкілетті адамы – осы Қағидаларға сәйкес жер қойнауын пайдалану жөніндегі операцияларды жүргізу кезінде ТЖҚ-ны жер қойнауын пайдаланушы атынан сатып алуды жүзеге асыруға жер қойнауын пайдаланушы уәкілеттік берген жеке немесе заңды адам;
      15) Қазақстан Республикасының Ұлттық куәландырушы орталығы – «электрондық үкіметтің», мемлекеттік және мемлекеттік емес ақпараттық жүйелердің қатысушыларына қызмет көрсететін куәландырушы орталық;
      16) шартты баға – ашық конкурс шеңберінде сатып алынатын тауарлардың қазақстандық өндірушісі немесе жұмыстар мен көрсетілетін қызметтердің қазақстандық өндірушісі болып табылатын, ашық конкурсқа қатысушының конкурстық өтінім бағасының жиырма пайызға шартты түрде азайтылуы ескеріле отырып есептелген және тек конкурс жеңімпазын айқындау мақсатында ғана конкурстық баға ұсыныстарын бағалау және салыстыру кезінде пайдаланылатын баға;
      17) электрондық цифрлық қолтаңба – бұл электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар тізілімі;
      18) қаржылық жыл – Қазақстан Республикасының бюджет заңнамасына сәйкес айқындалған уақыт кезеңі;
      19) кешенді жұмыс – қатты пайдалы қазбалар саласындағы жер қойнауын пайдаланушыларға ғана таралатын және жобалық және іздестіру жұмыстарын, толық аяқталған құрылыс, жобалау және зерттеу жұмыстарын толық аяқталған құрылысты (қажет болған жағдайда) басқаруды қамтитын жұмыстар мен көрсетілетін қызметтердің жиынтығы және көрсетілген жұмыстарға ілеспелі тауарларды жеткізу, қызметтерді көрсету;
      20) толық аяқталған құрылыс – салу, оны қамтамасыз ету және пайдалануға дайын объектіні тапсырыс берушіге өткізу.
      4. Сатып алу рәсімдерін жүргізу және сатып алу бойынша барлық құжаттама, оның ішінде әлеуетті жеткізушілердің конкурстық өтінімдері, қоса тіркелетін құжаттармен бірге мемлекеттік және орыс тілдерінде, конкурстық құжаттамада көзделген жағдайларда басқа тілдердегі аудармасы қоса беріле отырып, жүзеге асырылады.
      Тапсырыс беруші бекіткен және (немесе) әлеуетті жеткізуші ұсынған құжаттардағы аудармалар арасында келіспеушіліктер туындаған жағдайда, мемлекеттік тілде ұсынылған құжаттар артықшылыққа ие болады.
      5. Бағалау рәсімдерін жеңілдету және сатып алуға қатысатын әлеуетті жеткізушілер ұсынған, әртүрлі валюталармен көрсетілген бағаларды салыстыру үшін қолданылатын валюта, бағаларды бағалау және салыстыру күні Қазақстан Республикасының Ұлттық Банкі белгілеген ресми бағам бойынша Қазақстан Республикасының валютасы - теңге болып табылады.
      6. Жер қойнауын пайдалану жөніндегі операцияларды жүргізу кезінде ТЖҚ-ны сатып алуды тапсырыс беруші жүйені пайдалана отырып, мынадай тәсілдердің бірімен жүзеге асырады:
      1) ашық конкурс;
      2) бір көзден;
      3) баға ұсыныстарын сұрату;
      4) электрондық сатып алу жүйесі арқылы.
      Тауар биржалары арқылы тауарларды сатып алу Қазақстан Республикасының тауар биржалары туралы заңнамасына сәйкес жүзеге асырылады.
      Осы Қағидаларда айқындалған барлық сатып алу рәсімдерінің іске асырылуын қамтамасыз ететін функционалды көздейтін жүйені жеке және заңды адамлар жасайды. Жүйені пайдалану тәртібін оның жеке меншік иесі немесе иесі айқындайды.
      7. Тапсырыс беруші өзінің шешімімен тапсырыс берушінің атынан ақпаратты қалыптастыру және жүйеге орналастыру бойынша осы Қағидаларда көзделген іс-қимылдарды жасайтын уәкілетті адамны айқындайды.
      8. Әлеуетті жеткізушіге ашық конкурс тәсілімен және электронды сатып алу жүйесі арқылы ТЖҚ-ны сатып алуды жүргізу кезінде мынадай біліктілік талаптары қойылады:
      1) құқықтық қабілеттілікке (заңды адамлар үшін), азаматтық іс-әрекет қабілеттілігіне (жеке адамлар үшін) ие болу;
      2) төлемге қабілетті болу;
      3) тарату немесе банкроттық рәсімдерге жатпау.
      Көрсетілген талаптарға сәйкестікті растау үшін әлеуетті жеткізуші осы Қағидалардың 40-тармағының 2), 5), 10) тармақшаларында көрсетілген құжаттарды ұсынады.
      9. Жер қойнауын пайдалану жөніндегі операцияларды жүргізу кезінде пайдаланылатын ТЖҚ-ны сатып алу мынадай қағидаттарды сақтай отырып, жүзеге асырылады:
      1) сатып алу процесінің жариялылығы мен ашықтығы;
      2) әлеуетті жеткізушілердің арасындағы адал бәсекелестік;
      3) қазақстандық ТЖҚ-ны өндірушілерді қолдау.
      Тапсырыс беруші сатып алу рәсімдерінің кез келген кезеңінде осы Қағидаларда көрсетілген нормаларды бұзған жағдайда, тапсырыс беруші сатып алуды өткізуден бас тартуға және осындай сатып алуды қайтадан өткізуге міндетті.
      Әлеуетті жеткізуші тапсырыс берушінің сатып алуды өткізуден бас тарту туралы шешімімен келіспеген жағдайда, өзінің мүдделерін қорғау үшін сотқа жүгінуге құқылы.
      10. Сатып алу процесі мыналарды қамтиды:
      1) сатып алуды жоспарлау;
      2) жеткізушіні таңдау және онымен сатып алу туралы шарт жасасу;
      3) сатып алу туралы шартты орындау.
      11. Егер:
      1) осы әлеуетті жеткізушінің басшыларының және (немесе) аталған әлеуетті жеткізушінің уәкілетті өкілінің жақын туысқандары, жұбайы (зайыбы) немесе жегжаттары жеткізушіні таңдау туралы шешім қабылдауға құқылы болса не тапсырыс берушінің қызметкері болып табылса;
      2) әлеуетті жеткізуші және (немесе) оның қызметкер тапсырыс берушіге өткізілетін сатып алуға дайындық бойынша консультациялық және (немесе) өзге қызметтер көрсетсе;
      3) бас жобалаушы не қосалқы жобалаушы ретінде техникалық-экономикалық негіздемелерді әзірлеушінің жобалық (жобалық-сметалық) құжаттаманы әзірлеу бойынша сатып алуға қатысуын қоспағанда, өткізілетін сатып алудың нысанасы болып табылатын объектінің құрылысына техникалық-экономикалық негіздені және (немесе) жобалау (жобалау-сметалық) құжаттаманы әзірлеуге қатысса;
      4) әлеуетті жеткізушінің қаржы-шаруашылық қызметі Қазақстан Республикасының заңнамасына не Қазақстан Республикасының резиденті емес әлеуетті жеткізуші мемлекетінің заңнамасына сәйкес тоқтатыла тұрса;
      5) әлеуетті жеткізуші тартқан мердігердің қаржы-шаруашылық қызметі Қазақстан Республикасының заңнамасына не Қазақстан Республикасының резиденті емес мердігер мемлекеттің заңнамасына сәйкес тоқтатыла тұрса, өткізілетін сатып алуға әлеуетті жеткізушінің қатысуына жол берілмейді.
      Осы тармақтың 2) және 3) тармақшаларының қолданысы кешенді жұмыстарды сатып алуға қолданылмайды.
      12. Өткізілетін сатып алуға әлеуетті жеткізушінің және оның аффилиирленген адамының заңды адамлардың уақытша бірлестігі (консорциум) ретінде қатысуын қоспағанда, мұндай тұлғалардың бір ашық конкурсқа (лотқа) қатысуына рұқсат берілмейді.
      Консорциум мүшесіне ТЖҚ дербес әлеуетті жеткізушісі ретінде консорциуммен бірдей лот бойынша бір сатып алуға қатысуына жол берілмейді.
      13. ТЖҚ-ны сатып алуға заңды адамлардың уақытша бірлестіктерінің (консорциумдар) қатысуына жол беріледі. Сатып алуға осындай заңды адамлардың уақытша бірлестіктері қатысқан жағдайда, оның қатысушылары осы Қағидалардың 40-тармағында көзделген өздерінің біліктілік талаптарын растайтын құжаттардан басқа:
      1) бірлестікке (консорциумға) кіретін заңды адамлардың уәкілетті өкілдері қол қойған және осы заңды адамлардың фирмалық мөрлерімен бекітілген бірлескен шаруашылық қызметі туралы шарттың сканерленген көшірмесін;
      2) егер әлеуетті жеткізушінің осындай қызметі Қазақстан Республикасының лицензиялау туралы қолданыстағы заңнамасына сәйкес лицензиялауға жатқан жағдайда, онда консорциумның бір немесе бірнеше қатысушысының (қатысушыларының) бірлескен шаруашылық қызметі туралы шартта көзделген қызмет бөлігінде тауарларды сату, жұмыстарды орындау, қызметтерді көрсету құқығына тиісті лицензияларының сканерленген көшірмелерін ұсынады.
      14. Жүйе арқылы жер қойнауын пайдалану жөніндегі операцияларды жүргізу кезінде ТЖҚ-ны сатып алуға қатысу үшін Қазақстан Республикасы Ұлттық куәландырушы орталығында электрондық цифрлық қолтаңба алу немесе тіркеу куәліктерінің тіркелімін енгізу, заңды және (немесе) жеке адамны жүйеге сатып алуға қатысушы (тапсырыс беруші және (немесе) жеткізуші) ретінде тіркеу, сондай-ақ жүйеде ақпаратты қалыптастыруға және орналастыруға уәкілетті адамдарды жүйеде тіркеу қажет.
      Бұл талап осы Қағидалардың 6-тармағының 2) тармақшасында көзделген тәсілдер арқылы өткізілетін сатып алуға қолданылмайды.
      Белгіленген мерзімде жүйенің оларды ашу сәтіне дейін жүйе арқылы ашық конкурсқа қатысушылар және (немесе) әлеуетті жеткізушілер ұсынған конкурстық баға ұсыныстарын, баға ұсыныстарын электрондық сатып алу жүйесі арқылы тәсілімен сатып алу бойынша баға ұсыныстарын тапсырыс берушінің қарауына жол берілмейді.
      Тапсырыс беруші өткізетін сатып алуға қатысу үшін әлеуетті жеткізушілер ұсынған құжаттарды тапсырыс берушінің жоюына және (немесе) өзгертеуіне жол берілмейді.

2. Сатып алуды жоспарлау

      15. ТЖҚ-ны сатып алудың жылдық, орта мерзімді, ұзақ мерзімді бағдарламалары жер қойнауын пайдаланушының бекітілген жұмыс бағдарламасы және тиісті бюджеттері негізінде әзірленеді.
      Жұмыс бағдарламасы болмаған жағдайда ТЖҚ-ны сатып алудың жылдық, орта мерзімді, ұзақ мерзімді бағдарламалары жер қойнауын пайдаланушының бекітілген бюджеттері негізінде әзірленеді.
      ТЖҚ-ны сатып алудың жылдық, орта мерзімді, ұзақ мерзімді бағдарламаларында жер қойнауын пайдалану жөніндегі операцияларды жүргізу кезінде тікелей қолдану үшін және келісімшартта жанама көзделген қызметтер үшін сатып алынатын барлық ТЖҚ көрсетіледі.
      ТЖҚ сатып алудың жылдық, орта, ұзақ мерзімді бағдарламаларын тапсырыс беруші жүйеде орналастыруы тиіс.
      16. Жер қойнауын пайдалану жөніндегі операцияларды жүргізу кезінде жер қойнауын пайдаланушының немесе уәкілетті адамың ТЖҚ-ны сатып алу рәсімі ТЖҚ-ны сатып алудың жылдық бағдарламасына сәйкес жүзеге асырылады. Жер қойнауын пайдалану жөніндегі операцияларды жүргізу кезінде жер қойнауын пайдаланушының немесе уәкілетті адамның ТЖҚ-ны сатып алу рәсімі осы Қағидалардың 163-тармағында көзделген жағдайларда сатып алудың орта мерзімді немесе ұзақ мерзімді бағдарламасына сәйкес жүзеге асырылады.
      17. Қажет болған жағдайда ТЖҚ сатып алудың жылдық, орта мерзімді және ұзақ мерзімді бағдарламаларына өзгерістер және (немесе) толықтырулар енгізілуі мүмкін.
      18. Жер қойнауын пайдаланушының ТЖҚ-ны сатып алудың бекітілген жылдық, орта мерзімді, ұзақ мерзімді бағдарламаларында көзделген ТЖҚ-ны сатып алуға арналған шығыстар қысқартылған жағдайда, сатып алуды жүзеге асырудан бас тартуға жол беріледі.

3. Жер қойнауын пайдалану жөніндегі операцияларды жүргізу кезінде ашық конкурс тәсілімен тауарларды, жұмыстар мен көрсетілетін қызметтердi сатып алуды жүзеге асыру тәртібі

      19. Ашық конкурс тәсілімен біртекті болып табылмайтын ТЖҚ-ны сатып алуды жүзеге асыру кезінде тапсырыс берушіге конкурстық құжаттамада мұндай ТЖҚ-ны лоттарға міндетті түрде бөле отырып, көрсетілген тәсілмен бірыңғай сатып алуды ұйымдастыруына және жүргізуіне жол беріледі.
      Ашық конкурс тәсілімен біртекті ТЖҚ-ның бірнеше түрлерін сатып алу ТЖҚ-ны олардың біртекті түрлері бойынша лоттарға және оларды жеткізудің (орындаудың, көрсетудің) орны бойынша бөлу арқылы жүзеге асырылады. Тапсырыс беруші ашық конкурсты өткізген кезде өзінің қалауы бойынша лоттарды тауарларды жеткізудің, жұмыстарды орындаудың және (немесе) қызметтерді көрсетудің бір орнына ие біртекті ТЖҚ-ның саны (көлемі) бойынша қосымша бөле алады.
      Тапсырыс беруші біртекті тауарларды, жұмыстарды немесе көрсетілетін қызметтерді сатып алуды жер қойнауын пайдалануға арналған бірнеше келісімшарт шеңберінде өткізген жағдайда, осындай тауарларды немесе жұмыстарды немесе көрсетілетін қызметтерді сатып алу жер қойнауын пайдалануға арналған келісімшарттар бойынша сатып алынатын тауарлардың немесе жұмыстардың немесе көрсетілетін қызметтер көлемдерінің бөлінуі міндетті түрде көрсетілген жағдайда бір лотпен сатып алуға жол беріледі.
      Толық аяқталған құрылыс және кешенді жұмыстар бір лотпен сатып алынады.
      Ашық конкурс сегіз кезеңде өткізіледі:
      1) конкурстық комиссияны қалыптастыру;
      2) конкурстық құжаттаманы қалыптастыру және бекіту;
      3) ашық конкурсты өткізу туралы хабарландыруды және конкурстық құжаттаманы жүйеде орналастыру, сондай-ақ ашық конкурсты өткізу туралы хабарландыруды аптасына кемінде үш рет жарияланатын және мемлекеттік және орыс тілдерінде Қазақстан Республикасының аумағында таратылатын мерзімді баспасөз басылымдарында орналастыру;
      4) конкурстық өтінімдерді жинау;
      5) конкурстық өтінімдерді ашу хаттамасын жасай отырып, жүйеде конкурстық өтінімдерді ашу;
      6) конкурстық комиссияның ашық конкурсқа қатысуға рұқсат берілген әлеуетті жеткізушінің «тауарлардың қазақстандық өндірушісі» (егер, әлеуетті жеткізуші ашық конкурстың сатып алу нысанасы болып табылатын тауарларды өндірген жағдайда) немесе «жұмыстардың, көрсетілетін қызметтердің қазақстандық өндірушісі» (егер әлеуетті жеткізуші ашық конкурстың сатып алу мәні болып табылатын жұмыстарды орындаған немесе қызметтерді көрсеткен жағдайда) мәртебесіне сәйкестігін немесе сәйкес келмейтіндігін міндетті түрде көрсете отырып, ашық конкурсқа қатысуға рұқсат беру хаттамасын жасай отырып, ашық конкурстың талаптарына сәйкес келуіне конкурстық өтінімдерді қарауы;
      7) ашық конкурсқа қатысушылардың жүйедегі әрбір лот бойынша конкурстық баға ұсыныстарын ұсынуы және жүйе арқылы қорытынды шығару хаттамаларын жасай отырып, ашық конкурстың жеңімпазын айқындау;
      8) ашық конкурстың жеңімпазымен шарт (шарттар) жасасу.
      Осы тармақта көзделген жағдайларда әлеуетті жеткізушілердің конкурстық өтінімдерін қарау, ашық конкурсқа қатысушылардың конкурстық баға ұсыныстарын бағалау және салыстыру, сондай-ақ ашық конкурстың жеңімпазын айқындау конкурстық құжаттамада көзделген әрбір лот бойынша жүзеге асырылады.

Конкурстық комиссия

      20. Тапсырыс берушіге жеке ашық конкурсқа да, сондай-ақ тұрақты негізде де, бірақ бір қаржы жылынан аспайтын мерзімге конкурстық комиссияны құруға жол беріледі.
      21. Конкурстық комиссияның құрамына төраға, төрағаның орынбасары және конкурстық комиссияның мүшелері кіреді. Комиссия мүшелерінің жалпы саны тақ саннан тұруы тиіс. Конкурстық комиссияның құрамында кемінде үш адам болуы тиіс. Конкурстық комиссияның хатшысы конкурстық комиссияның мүшесі болып табылмайды және конкурстық комиссияның шешім қабылдауы кезінде дауыс беру құқығына ие болмайды.
      22. Конкурстық комиссияның отырыстары конкурстық комиссия мүшелерінің жалпы санының қарапайым көпшілігі қатысқан жағдайда өткізіледі және қатысқан конкурстық комиссия мүшелері, оның төрағасы, оның орынбасары мен конкурстық комиссияның хатшысы қол қоятын хаттамамен ресімделеді. Конкурстық комиссияның қандай да бір мүшесі қатыспаған жағдайда, конкурстық комиссия отырысының хаттамасында оның қатыспау себебі көрсетіліп, осы фактіні растайтын құжат қоса беріледі.
      23. Конкурстық комиссияның шешімі ашық дауыс беруарқылы қабылданады және оған отырысқа қатысып отырған конкурстық комиссия мүшелерінің жалпы санының көпшілігі дауыс берген жағдайда, ол қабылданды деп есептеледі. Дауыстар тең болған жағдайда, конкурстық комиссияның төрағасы немесе, ол болмаған жағдайда, төрағаның орынбасары дауыс берген шешім қабылданған болып есептеледі. Конкурстық комиссияның шешімімен келіспеген жағдайда, конкурстық комиссияның кез келген мүшесі айрықша пікірге ие болады, ол жазбаша түрде жазылуы және конкурстық комиссия отырысының хаттамасына қоса берілуі тиіс.
      24. Конкурстық комиссияның төрағасы оның жұмысына басшылық жасайды, комиссияның отырыстарында төрағалық етеді.
      25. Конкурстық комиссияның хатшысы ТЖҚ-ны сатып алу бойынша ашық конкурс рәсімдерінің өткізілуін ұйымдастырады. Конкурстық комиссияның хатшысы конкурстық комиссия отырысының күн тәртібі бойынша ұсыныстарды дайындайды, конкурстық комиссияны қажетті құжаттармен қамтамасыз етеді, конкурстық комиссия отырысының өткізілуін ұйымдастырады, жүйемен қалыптастырылған өтінімдер салынған конверттерді ашу хаттамасына, өтінімдер салынған конверттерді ашуға қатысуға рұқсат хаттамасына, ашық конкурстың қорытындысын шығару хаттамасына, конкурстық комиссия отырыстарының басқа да хаттамаларына қол қояды, ТЖҚ-ны сатып алу бойынша ашық конкурстың құжаттары мен материалдарының сақталуын қамтамасыз етеді.

Конкурстық құжаттама

      26. Конкурстық құжаттама ТЖҚ-ны сатып алудың талаптары мен шарттары туралы әлеуетті жеткізушілерді хабардар етуге арналған. Конкурстық құжаттаманы тапсырыс беруші әзірлейді және бекітеді.
      27. Конкурстық құжаттамада мынадай міндетті талаптар көрсетіледі:
      1) ашық конкурс тәсілімен сатып алудың нысанасы (ашық конкурс нысанасына бірнеше лот кірген жағдайда, лоттардың атаулары мен нөмірлері);
      2) осы Қағидалардың 8-тармағының 3) тармақшасына, 11, 12-тармақтарына сәйкес әлеуетті жеткізуші өзінің біліктілік талаптарының және өткізілетін ашық конкурсқа қатысуын шектейтін негіздемелердің жоқекенін көздейтін құжаттарды растау үшін ұсынатын осы Қағидалардың 40-тармағының 2), 5) тармақшаларында көрсетілген құжаттардың тізбесі;
      3) тапсырыс берушінің атауы (заңды адам үшін), тегі, аты, әкесінің аты (жеке адам үшін), заңды және нақты мекенжайы;
      4) қажет болған жағдайда, жоспарларды, сызбалар мен нобайларды қоса алғанда, сатып алынатын ТЖҚ-ның функционалдық, техникалық, сапалық және пайдалану және өзге де сипаттамаларын сипаттай отырып, әр лот бойынша техникалық ерекшелік, сондай-ақ ТЖҚ-ның осы талаптарға сәйкестігін растайтын құжаттардың тізбесі;
      5) конкурстық баға ұсынысын қалыптастырудың тәртібі, оның ішінде сатып алынатын ТЖҚ бағасынан басқа, қосылған құн салығын (бұдан әрі – ҚҚС) есепке алмағанда, оларды тасымалдау, сақтандыру, кедендік баждарды, салықтарды алымдарды төлеу шығыстарын, сондай-ақ тауарларды жеткізу, жұмыстарды орындау, қызметтерді көрсету шарттарында көзделген өзге де шығыстарды шығыстар лотына қосу;
      6) төлем шарттары;
      7) әрбір лот бойынша сатып алынатын тауарлардың саны, орындалатын жұмыстар мен көрсетілетін қызметтердің көлемі;
      8) әрбір лот бойынша тауарларды жеткізу, жұмыстарды орындау немесе қызметтерді көрсету орындары;
      9) шартты жасаған күннен бастап әрбір лот бойынша тауарларды жеткізудің, жұмыстарды орындаудың немесе қызметтерді көрсетудің мерзімдері;
      10) конкурстық өтінімдерді ұсынудың басталу мен аяқталу уақыты, олардың қолданылу мерзімі;
      11) конкурстық өтінімдерді ашу күні мен уақыты;
      12) елеулі талаптары мен қорытындылар шығарылған күннен бастап шарттың мерзімі көрсетілген шарттың жобасы;
      13) Заңның 78-бабының 2-тармағында көзделген тиісті критерийге сәйкес келетін тапсырыс берушінің шартты жеңілдіктер ұсыну туралы міндеттемесі және әлеуетті жеткізушінің конкурстық өтінімінің шартты бағасын есептеу үшін осы Қағидалардың 42-тармағында көрсетілген құжаттар тізбесі;
      14) конкурстық өтінімнің мазмұнына және оны ресімдеуге қойылатын талаптар, сондай ақ әлеуетті жеткізушілердің конкурстық өтінімдерінің ең аз қолданылу мерзімі;
      15) әлеуетті жеткізушілерге конкурстық құжаттама бойынша түсіндірулерге сұрау салуға болатын тәсілдер;
      16) әлеуетті жеткізушілер жүгіне алатын тапсырыс берушінің уәкілетті адамдарының электрондық почтасының мекенжайы мен телефон нөмірлері;
      17) конкурстық өтінімді және (немесе) сатып алу туралы шарттың орындалуын қамтамасыз етуді енгізудің көлемі (егер конкурстық құжаттамада конкурстық өтінімді қамтамасыз ету және (немесе) сатып алу туралы шарттың орындалуын қамтамасыз ету көзделсе);
      18) әрбір лот бойынша ҚҚС-ты есепке алмағанда ашық конкурстың нысанасы болып табылатын ТЖҚ-ны сатып алуға бөлінген сомалар туралы мәліметтер;
      19) осы Қағидалардың 35-тармағына сәйкес тапсырыс берушінің ТЖҚ-ны сатып алу бойынша ашық конкурсты өткізуден бас тартудың мерзімдері мен тәртібі туралы мәліметтер;
      20) жұмыстарды орындау шартын орындау кезінде осы Қағидаларды сақтау туралы жер қойнауын пайдаланушының әлеуетті жеткізушіге (мердігерге) қоятын міндетті талабы (әлеуетті жеткізуші мердігерлік жұмыстарды сатып алған жағдайда);
      21) сатып алынған тауарлардағы немесе жұмыстардағы немесе көрсетілген қызметтердегі әрбір лот бойынша пайызбен көрсетілген (0-ден 100-ге дейін) жергілікті қамту бойынша ең аз талаптар;
      22) «Тауарларды, жұмыстар мен қызметтерді сатып алудың жылдық, орта мерзімді, ұзақ мерзімді бағдарламаларын, жер қойнауын пайдаланушылардың сатып алынған тауарлар, жұмыстар мен қызметтер туралы және кадрлардағы жергілікті қамту жөніндегі міндеттемелердің орындалуы туралы есептерін жасаудың және ұсынудың нысандары мен қағидасын бекіту туралы» Қазақстан Республикасы Үкіметінiң 2010 жылғы 20 қыркүйектегі № 965 қаулысында белгіленген нысандар бойынша жергілікті қамту бойынша есептілікті өткізу туралы әлеуетті жеткізушіге қойылатын талаптар;
      23) есептерде көрсетілген ақпараттың мазмұны, есептіліктерді ұсыну мерзімдерінің бұзылуы және әлеуетті жеткізушілердің жергілікті қамту бойынша міндеттемелерін сақтамағаны үшін жауапкершілік.
      Тапсырыс беруші конкурстық құжаттама шарттарында әлеуетті жеткізушіде Қазақстан Республикасының қолданыстағы заңнамасына сәйкес аккредиттелген ұйым сертификаттаған мемлекеттік стандарттардың талаптарына сәйкес сапа менеджменті жүйесінің (сертификатталған жүйелердің) болуын растайтын құжаттарды ұсыну туралы талаптарды көрсетуге құқылы.
      Тапсырыс берушінің конкурстық құжаттамада да ашық конкурс тәсілімен сатып алудың жеңімпазына әрбір лот бойынша жеке конкурстық өтінімді қамтамасыз етуді енгізуді растайтын құжаттың түпнұсқасын ұсыну туралы талаптарды белгілеуіне жол беріледі. Бұл құжатты ашық конкурс жеңімпазы шартқа қол қою мерзімі аяқталғанға дейін ұсынады.
      Жылдық көлемі құндық көріністе тиісті қаржы жылына белгіленген он төрт мың еселік айлық есептік көрсеткіштің мөлшерінен асып түсетін жұмыстарды және (немесе) көрсетілетін қызметтерді сатып алу кезінде, сондай-ақ осындай қызмет түрлерімен айналысуға лицензияның болуын талап ететін қауіпті, ерекше қауіпті жұмыс түрлерін сатып алу кезінде тапсырыс берушіге әлеуетті жеткізушіде сатып алынатын жұмыстар, көрсетілетін қызметтер нарығында және (немесе) белгілі бір салада жұмыс тәжірибесінің болуын көздейтін, әлеуетті жеткізуші тиісті қаржы жылына белгіленген он төрт мың еселік айлық есептік көрсеткіштің мөлшерінен кем түспейтін шарт сомасына жұмыстарды орындаған, қызметтерді көрсетіп жүрген ұйымдардың атынан кепілдеме хаттардың немесе оң пікірлердің сканерден өткізілген көшірмелерімен расталған, орындалған жұмыстарды, көрсетілген қызметтерді қабылдау-беруді растайтын жүкқұжаттардың, тиісті актілердің сканерден өткізілген көшірмелерін қоса бере отырып, біліктілік талаптарын белгілеуге жол беріледі. Бұл ретте жұмыстарды орындау, қызметтерді көрсету саласында 5 (бес) жылдан асатын жұмыс тәжірибесінің болуы туралы талап белгілеуге жол берілмейді.
      Тапсырыс берушіге конкурстық құжаттамада тауарлардың өндірушісі берген әлеуетті жеткізушінің конкурстық құжаттамада белгіленген көлемде және сапада тауарды жеткізу туралы ашық конкурс шарттарын орындау мүмкіндігі бар екенін растайтын хатты ұсыну туралы талапты белгілеуге жол беріледі.
      28. Конкурстық құжаттамада жер қойнауын пайдалану жөніндегі операцияларды жүргізу кезінде сатып алуды жүзеге асырудың мынадай жағдайларын қоспағанда, тауар белгілеріне, қызмет көрсету белгілеріне, фирмалық атауларға, патенттерге, пайдалы үлгілерге, өнеркәсіптік үлгілерге, тауардың шығу орнының атауы мен өндірушінің атауына, сондай-ақ сатып алынатын ТЖҚ-ның жеке әлеуетті жеткізушіге және (немесе) сатып алынатын тауар өндірушісіне тиесілілігін айқындайтын өзге де сипаттамаларға сілтемелердің мазмұнын көрсетуге жол берілмейді:
      1) тапсырыс берушіде бар жабдықты жете жинақтау, жаңғырту, жөндеу және жете жарақтандыру үшін;
      2) тауарды лизингке ұсыну бойынша көрсетілетін қызметтердің жеткізушісін айқындау және лизинг нысанасын егжей-тегжейлі сипаттаудың қажеттілігін туындату үшін.
      29. Тапсырыс берушінің электрондық цифрлық қолтаңбасы қойылған, бекітілген конкурстық құжаттаманы тапсырыс беруші жүйеде орналастырады.
      Ашық конкурсқа қатысу үшін әлеуетті жеткізушілер әрбір лот бойынша конкурстық құжаттаманы және техникалық ерекшелікті жүктейді (көшіріп алады).
      Ашық конкурс лотына осы лот бойынша конкурстық құжаттаманы және техникалық ерекшелікті жүктемеген (көшіріп алмаған) әлеуетті жеткізушінің қатысуына жол берілмейді.
      Әрбір лот бойынша конкурстық құжаттаманың және техникалық ерекшеліктің көшірмесін ұсыну (тізілімнен алу) фактісі тізілімде автоматты түрде тіркеледі.
      30. Конкурстық құжаттаманы ашық конкурсты өткізу туралы хабарландырудың мәтіні жарияланғанға дейін ұсынуға жол берілмейді.
      31. Әлеуетті жеткізушінің конкурстық құжаттаманың ережелерін түсіндіру туралы сұрау салумен тапсырыс берушіге жүгінуге оны жүйеде орналастыру арқылы жол беріледі, бірақ ол конкурстық өтінімдерді берудің соңғы мерзімі өткенге дейінгі күнтізбелік бес күннен кешіктірілмеуі тиіс. Тапсырыс беруші сұрау салу тіркелген күннен бастап екі жұмыс күні ішінде оған жауап береді және сұрау салудың кімнен түскенін көрсетпестен, түсіндіруді тізілімде орналастырады.
      32. Тапсырыс берушіге осы Қағидалардың 27-тармағының 1) тармақшасында көзделген мәліметтерді қоспағанда, конкурстық құжаттамаға өзгерістер мен (немесе) толықтырулар енгізуге жол беріледі. Конкурстық құжаттамаға өзгерістер мен (немесе) толықтыруларды конкурстық өтінімді ұсынудың түпкілікті мерзімі аяқталғанға дейін күнтізбелік бес күннен кешіктірілмейтін мерзімде енгізуге жол беріледі. Өзгерістер мен (немесе) толықтырулар енгізілген кезде тапсырыс беруші конкурстық құжаттаманы қайтадан бекітуі тиіс және тапсырыс беруші конкурстық өтінімді ұсынудың түпкілікті мерзімін әлеуетті жеткізушілер бұл өзгерістерді конкурстық өтінімдерде ескеруі үшін кемінде бес жұмыс күні мерзіміне ұзартылады.
      Тапсырыс беруші енгізілген өзгерістер мен (немесе) толықтырулар ескерілген конкурстық құжаттаманың көшірмесін өзгерістер мен (немесе) толықтырулар енгізілген күннен бастап күнтізбелік бір күннен кешіктірмей барлық әлеуетті жеткізушілерге оны тізілімде орналастыру арқылы ұсынады.
      Конкурстық өтінімді ұсыну мерзімдерін ұзарту туралы ақпарат жүйеде орналастырылуы тиіс.
      Конкурстық өтінімдерді ұсынудың мерзімін ұзартудың негіздемесі конкурстық құжаттамаға өзгерістер мен (немесе) толықтырулардың енгізілуі болып табылады.
      Осы тармаққа сәйкес тапсырыс берушінің ТЖҚ-ны сатып алуды жүзеге асырудан бас тартуына байланысты ашық конкурс тәсілімен сатып алудың нысанасы болып табылатын, осы ТЖҚ-ның кейбір лоттарын алып тастау осы Қағидалардың 27-тармағының 1) тармақшасында көзделген мәліметтерге өзгерістер енгізу деп саналмайды.

Ашық конкурсты ақпараттық қамтамасыз ету

      33. Ашық конкурсты өткізген кезде тапсырыс берушінің уәкілеттік берген адамы ашық конкурс өткізу туралы хабарламаны мемлекеттік және орыс тілдерінде жүйеде және тізілімнің барлық қолданушыларға, оның ішінде тізілімде тіркелмеген қолданушыларға рұқсат етілген бөлігінде орналастырып, тапсырыс берушінің электрондық цифрлық қолтаңбасын қойылады.
      Сатып алуды өткізу және олардың қорытындылары туралы хабарландыру да Заңның 77 бабының 4-тармағына сәйкес мерзімді баспа басылымдарында жариялануға тиіс.
      Көмірсутекті шикізаттарға арналған келісімшарттар бойынша ашық конкурсты өткізу туралы хабарландыру:
      1) егер әрбір лот бойынша сатып алынатын тауардың, жұмыстың және көрсетілетін қызметтің жалпы көлемі құндық көрінісінде тиісті қаржы жылына белгіленген он төрт мың еселік айлық есептік көрсеткішке тең немесе одан аспайтын болса, конкурстық өтінімдерді ұсынудың түпкілікті мерзімі өткенге дейін кемінде күнтізбелік он бес күн бұрын орналастырылады.
      2) егер әрбір лот бойынша сатып алынатын тауардың, жұмыстың және көрсетілетін қызметтің жалпы көлемі құндық көрінісінде тиісті қаржы жылына белгіленген он төрт мың еселік айлық есептік көрсеткіштен асатын болса, конкурстық өтінімдерді ұсынудың түпкілікті мерзімі өткенге дейін кемінде күнтізбелік отыз күн бұрын орналастырылады.
      Қайталама ашық конкурс өткізілген жағдайда:
      1) егер әрбір лот бойынша сатып алынатын тауардың, жұмыстың және көрсетілетін қызметтің жалпы көлемі құндық көрінісінде тиісті қаржы жылына белгіленген он төрт мың еселік айлық есептік көрсеткішке тең немесе одан аспайтын болса, конкурстық өтінімдерді ұсынудың түпкілікті мерзімі өткенге дейін кемінде күнтізбелік жеті күн бұрын;
      2) егер әрбір лот бойынша сатып алынатын тауардың, жұмыстың және көрсетілетін қызметтің жалпы көлемі құндық көрінісінде тиісті қаржы жылына белгіленген он төрт мың еселік айлық есептік көрсеткіштен асатын болса, конкурстық өтінімдерді ұсынудың түпкілікті мерзімі өткенге дейін кемінде күнтізбелік он бес күн бұрын орналастырылады.
      Қатты пайдалы қазбаларға, жерасты суларына, емдік балшықтарға, ағынды суларды лақтыруға арналған жер қойнауын барлауға, барлау және (немесе) игеруге байланысты емес жерасты құрылыстарын салу және (немесе) пайдалануға арналған келісімшарттар бойынша ашық конкурсты өткізу туралы хабарландыру конкурстық өтінімдерді ұсынудың түпкілікті мерзімі өткенге дейін кемінде күнтізбелік он бес күн бұрын орналастырылады.
      Қайталама ашық конкурсты өткізу туралы хабарландыру конкурстық өтінімдерді ұсынудың түпкілікті мерзімі өткенге дейін кемінде күнтізбелік жеті күн бұрын орналастырылады.
      34. Жүйеде орналастырылатын ашық конкурсты өткізу туралы хабарландыруда мынадай мәліметтер көрсетіледі:
      1) ашық конкурстың нысанасы (егер ашық конкурстың нысанасына бірнеше лот кірген жағдайда, лоттардың атаулары және нөмірлері);
      2) әкімшілік-аумақтық объектілердің жіктеуішіне сәйкес тапсырыс берушінің атауы мен орналасқан орны;
      3) әрбір лот бойынша сатып алынатын тауарлардың сипаттамасы, өлшем бірлігі, орындалатын жұмыстар мен көрсетілетін қызметтер көлемі, сондай-ақ әрбір лот бойынша техникалық ерекшеліктің сканерден өткізілген көшірмесі;
      4) шартты жасаған күннен бастап әрбір лот бойынша тауарларды жеткізу, жұмыстарды орындау немесе қызметтерді көрсету мерзімдері, әрбір лот бойынша тауарларды жеткізудің, қызметтерді көрсетудің, жұмыстарды орындаудың мерзімі және орны;
      5) конкурстық құжаттаманың сканерден өткізілген көшірмесі;
      6) жүйеде конкурстық өтінімдерді ұсынудың басталу және аяқталу уақыты, сондай-ақ конкурстық өтінімдерді ашу күні мен уақыты;
      7) әрбір лот бойынша, ҚҚС-ны есепке алмағанда, тауарларды сатып алуға немесе жұмыстарды орындауға немесы қызметтерді көрсетуге бөлінген сома;
      8) ашық конкурстың қорытындылары шығарылған күннен бастап әрбір лот бойынша шарт жасасудың талап етілетін мерзімі;
      9) әлеуетті жеткізушілердің жүгінуіне арналған электрондық почтаның мекенжайы мен телефон нөмірлері;
      10) сатып алынатын тауарлардағы немесе жұмыстардағы немесе көрсетілетін қызметтердегі әрбір лот бойынша пайызбен көрсетілген (0-ден 100-ге дейін) жергілікті қамту бойынша ең төменгі талаптар;
      11) олардың шеңберінде сатып алу жүзеге асырылатын жер қойнауын пайдалануға арналған келісімшарт (-тардың) нөмірі (-лер);
      12) сатып алынатын тауарлардың, жұмыстар мен көрсетілетін қызметтердің бағасынан басқа, әлеуетті жеткізушінің конкурстық баға ұсынысына, ҚҚС есептемегенде, тауарларды жеткізу, жұмыстарды орындау, қызметтерді көрсету талаптарында көзделген өзге шығыстарды қосудың қажеттілігі туралы талап;
      13) сатып алу коды.
      Мерзімде баспа басылымдарында жарияланатын ТЖҚ-ны сатып алудың өткізілуі туралы хабарландыру 1), 2), 7), 13) тармақшаларында көрсетілген ақпаратты және сатып алу өткізілетін ақпараттық жүйенің интернетресурсының мекенжайын қамтиды.
      35. Тапсырыс берушіге ашық конкурс тәсілімен сатып алуды өткізуден бас тарту туралы жүйеде хабарлау арқылы конкурстық өтінімдерді ұсынудың түпкілікті мерзімі өткенге дейін бір жұмыс күнінен кешіктірмей ТЖҚ-ны сатып алу бойынша ашық конкурсты өткізуден бас тартуға жол беріледі.
      ТЖҚ-ны сатып алу жөніндегі ашық конкурсты өткізуден бас тартқан жағдайда, тапсырыс беруші ашық конкурсты өткізуден бас тартылған күннен бастап үш жұмыс күнінен кешіктірмей ашық конкурсқа қатысуға арналған өтінімдерді қамтамасыз ету ретінде тапсырыс берушінің есебіне салынған кепілдік ақшалай жарналарды қайтарады.
      36. Тапсырыс беруші ашық конкурстың қорытындылары туралы хаттамаға қол қойылған күннен бастап бес жұмыс күнінен кешіктірмей аптасына кемінде үш рет басып шығарылатын, мемлекеттік және орыс тілдерінде Қазақстан Республикасының аумағында таралатын мерзімді баспа басылымдарында осы Қағидалардың 88-тармағының 1), 4), 12) тармақшаларындакөрсетілген ақпаратты, әкімшілік-аумақтық объектілер жіктеуішіне сәйкес ашық конкурс жеңімпазының атауын, орналасқан орнын (заңды адамлар үшін) немесе тегін, атын, әкесінің атын, орналасқан орнының мекен жайын (жеке адамлар үшін) қамтитын және ашық конкурс жеңімпазының конкурстық баға ұсынысының бағасын (лоттар бойынша) қамтитын және (немесе) егер ашық конкурстың нәтижесінде жеңімпаз (лоттар бойынша) айқындалмаса, себептерді көрсете отырып, хабарландыруды орналастырады.

Конкурстық өтінімнің мазмұны және оны ұсыну

      37. Конкурстық өтінім ашық конкурсқа қатысуға ниет білдірген әлеуетті жеткізушінің, ол ашық конкурстың жеңімпазы болып танылған жағдайда, конкурстық құжаттаманың талаптары мен шарттарына сәйкес тауарларды жеткізуді немесе жұмысты орындауды немесе қызметтерді көрсетуді жүзеге асыруға келісімін білдіру болып табылады.
      38. Ашық конкурсқа қатысуға ниет білдірген әлеуетті жеткізуші тапсырыс берушіге осы Қағидаларға 1-қосымшаға сәйкес белгіленген мерзімде және нысанда жүйеде электрондық цифрлық қолтаңба қойылған конкурстық өтінімді ұсынады. Конкурстық өтінім және қоса берілетін құжаттама жүйеде мемлекеттік және орыс тілдерінде орналастырылады.
      Құжаттар конкурстық құжаттама тілінен басқа тілде ұсынылған жағдайларда, әлеуетті жеткізуші конкурстық өтінімге осындай құжаттардың нотариус куәландырған мемлекеттік және орыс тілдеріндегі аудармасының сканерден өткізілген көшірмесін қоса беруге міндетті.
      Әлеуетті жеткізушіге конкурстық өтінімді не конкурстық өтінімнің құрамдас бөлігі болып табылатын құжаттарды және (немесе) материалдарды конкурстық өтінімдер қабылданғанға дейін және (немесе) конкурстық құжаттамада көрсетілген ұсынудың соңғы мерзімі өткеннен кейін ұсынуға жол берілмейді.
      Конкурстық баға ұсыныстарын ұсыну рәсімі басталғанға дейін сатып алынатын ТЖҚ бағасы мен тарифтері туралы ақпаратты қамтитын мәліметтерді тапсырыс берушінің талап етуіне, сондай-ақ әлеуетті жеткізушінің конкурстық өтінімде көрсетуіне жол берілмейді.
      Конкурстық өтінімге қоса берілетін құжаттардың сканерден өткізілген көшірмелерімен бірге әлеуетті жеткізушінің конкурстық өтініміне әлеуетті жеткізушінің электрондық цифрлық қолтаңбасы қойылады және жүйеде орналастырылады.
      Құжаттардың сканерден өткізілген көшірмелері құжаттамалардың түпнұсқаларымен түрлі-түсті форматта ұсынылады.
      Әлеуетті жеткізуші белгіленген талаптарды сақтамаған жағдайда, мемлекеттік ақпараттық жүйенің құралдары арқылы алынған электрондық құжаттың қағаз көшірмесінен сканерленіп алынған құжаттарды ұсынуды қоспағанда немесе әріптік, цифрлық және өзге де нышандармен сәйкестендіруге келмейтін ақпаратты қамтитын құжаттарды ұсынуды қоспағанда, көшірмеден және (немесе) телнұсқадан сканерленіп алынған құжатты әлеуетті жеткізуші ұсынбаған болып есептелінеді және конкурстық құжаттаманың талаптарына сәйкес келмейтін ретінде қабылданбауы тиіс.
      39. Ашық конкурс хабарламасында көрсетілген конкурстық өтінімдерді ұсыну мерзімі аяқталғаннан кейін ұсынылған ашық конкурсқа қатысушылардың конкурстық өтінімдері жүйеде орналастырылмайды.
      40. Әлеуетті жеткізушінің конкурстық өтінімінде мыналар:
      1) әлеуетті жеткізушінің электрондық цифрлық қолтаңбасы қойылған қолданылу мерзімі көрсетілген ашық конкурсқа қатысуға арналған өтінім (әрбір лотқа);
      2) құқықтық қабілеттілігін (заңды адамлар үшін), азаматтық әрекетке қабілеттілігін (жеке адамлар үшін) растайтын құжаттардың сканерден өткізілген көшірмелері қамтылады.
      Жеке адам жеке сәйкестендіру нөмірін (бұдан әрі – ЖСН) көрсете отырып, жеке басын куәландыратын құжаттың сканерден өткізілген көшірмесін және (немесе) жеке немесе бизнес-сәйкестендіру нөмірін көрсете отырып, (егер әлеуетті жеткізуші дарае кәсіпкерлік субъектісі болып табылған жағдайда) дара кәсіпкерлік субъектісі ретінде тіркелгені туралы құжаттың сканерден өткізілген көшірмесін ұсынады. Қазақстан Республикасының резиденті еместері жеке басты куәландыратын құжаттың сканерден өткізілген көшірмесін ұсынады.
      Заңды адам мынадай құжаттарды ұсынады:
      жарғының сканерден өткізілген көшірмесі не заңды адам өз қызметін Үлгілік жарғы негізінде жүзеге асырған жағдайда, мемлекеттік тіркеу туралы өтініштің сканерден өткізілген көшірмесі;
      бизнес-сәйкестендіру нөмірін (бұдан әрі – БСН) көрсете отырып, заңды тұлғаны мемлекеттік тіркеу (қайта тіркеу) туралы куәліктің немесе анықтаманың сканерден өткізілген көшірмесі;
      құрылтайшы немесе құрылтайшылардың құрамы туралы мәліметтерді қамтитын құрылтай құжаттарынан алынған үзіндінің сканерден өткізілген көшірмесі (жарғыда құрылтайшылар немесе құрылтайшылардың құрамы туралы мәліметтер қамтылмаған жағдайда) не конкурстық өтінімдерді ашу күнінің алдында бір айдан бұрын емес берілген акцияларды ұстаушылар тізілімінен алынған үзіндінің сканерден өткізілген көшірмесі, не жарғы құрылтайшылар немесе құрылтайшылар құрамы туралы мәліметттерді не жеке адамлар туралы мәліметтерді ашуға дейін әлеуетті жеткізушінің жарғылық капиталында қатысушы акционерлер туралы, әлеуетті жеткізушінің құрылтайшыларына қатысушылар және басқа адамлар туралы мәліметтерді, егер осындай талаптар конкурстық құжаттамада көзделген болса, қамтитын кепілхаттың сканерден өткізілген көшірмесі;
      3) құжаттардың (лицензия, патент, куәлік) сканерден өткізілген көшірмелері және (немесе) сатып алынатын тауарларды өндіруге, қайта өңдеуге, жеткізуге және өткізуге, жұмыстарды орындауға және қызметтер көрсетуге арналған әлеуетті жеткізушінің құқығын растайтын құжаттардың көшірмелері немесе әлеуетті жеткізушінің сатып алынатын тауарларды өндіруге, қайта өңдеуге, жеткізуге жұмыстарды орындауға және қызметтер көрсетуге құқығын растайтын құжаттардың болу қажеттілігінің жоқтығы туралы хаттың сканерден өткізілген көшірмесі;
      4) егер сатып алу нысанасы стандарттың немесе Қазақстан Республикасының сертификаттау туралы заңнамасына сәйкес адамдардың өмірі, денсаулығы, азаматтардың мүлкі және қоршаған ортаның қауіпсіздігін қамтамасыз ететін өзге нормативтік құжаттың талаптарына сәйкес келуіне міндетті түрде сертификаттауға жататын болса, сертификаттардың сканерден өткізілген көшірмелері;
      5) төлем қабілеттілігін растайтын мынадай құжаттар:
      Қазақстан Республикасы Ұлттық Банкінің басқармасы бекіткен екінші деңгейдегі банктердегі және ипотекалық ұйымдардағы бухгалтерлік есептің үлгі шот жоспарына сәйкес банктің немесе банк филиалының алдындағы әлеуетті жеткізушінің міндеттемелерінің барлық түрлері бойынша анықтама берілген күннің алдындағы үш айдан астам созылған мерзімі өткен берешектің жоқтығы туралы әлеуетті жеткізушіге қызмет көрсететін банктің немесе банк филиалының қолы және мөрі қойылған анықтаманың сканерден өткізілген көшірмесі (егер әлеуетті жеткізуші екінші деңгейдегі бірнеше банктің немесе филиалдарының, сондай-ақ шетелдік банктің клиенті болып табылса, осы анықтама осындай банктердің әрқайсысынан ұсынылады). Анықтама конкурстық өтінімдер ашылатын күннің алдындағы бір айдан кейін берілуге тиіс. Анықтамаға қол қойған лауазымды адамның өкілеттігін растайтын құжаттың болмауы, мұндай әлеуетті жеткізушінің біліктілік талаптарына сәйкес келмейтін ретінде танылуы үшін негіздеме болып табылмайды;
      әлеуетті жеткізуші қол қойған және заңды адамның мөрімен бекітілген соңғы қаржы жылындағы бухгалтерлік баланстың сканерден өткізілген көшірмесі.
      Бухгалтерлік балансы жоқ болған жағдайда, шағын бизнес субъектілері соңғы қаржы жылы үшін оңайлатылған декларацияның сканерден өткізілген көшірмесін ұсынуға құқылы.
      Егер конкурстық өтінімдерді ашу ағымдағы жылғы 30 сәуірге дейінгі мерзімде жүргізілсе, онда әлеуетті жеткізушіге әлеуетті жеткізушінің қолы қойылған және заңды адамның мөрімен бекітілген соңғы қаржы жылының алдындағы қаржы жылындағы бухгалтерлік баланстың сканерден өткізілген көшірмесін ұсынуға жол беріледі.
      Бухгалтерлік балансы жоқ болған жағдайда, шағын бизнес субъектілері соңғы қаржы жылының алдындағы қаржы жылы үшін оңайлатылған декларацияның сканерден өткізілген көшірмесін ұсынуға құқылы;
      үш айдан астам уақыттағы салықтық берешегінің және міндетті зейнетақы жарналары және әлеуметтік аударымдар бойынша берешегінің (Қазақстан Республикасының салық және бюджетке төленетін басқа да міндетті төлемдер туралы заңнамасына сәйкес төлеу мерзімі кейінге қалдырылған жағдайларды қоспағанда) жоқтығы туралы не конкурстық өтінімдер салынған конверттерді ашу күнінің алдындағы бір айдан кейін берілген бір теңгеден кем салық берешегінің және міндетті зейнетақы жарналары мен әлеуметтік аударымдар бойынша берешегінің болуы туралы тиісті салық органының белгіленген нысандағы анықтамасының сканерден өткізілген көшірмесі;
      ҚҚС бойынша төлеушіні есепке қою туралы құжаттың сканерден өткізілген көшірмесі (егер әлеуетті жеткізуші ҚҚС төлеушісі болып табылса) немесе конкурстық өтінімді ұсыну күніне әлеуетті жеткізуші ҚҚС төлеушісі болмағанын растайтын кепіл хаттың сканерден өткізілген көшірмесі;
      6) ТЖҚ-ның функционалдық, техникалық, сапалық, пайдалану және өзге де сипаттамалары қамтылған техникалық ерекшелік, сондай-ақ ТЖҚ-ның осы талаптарға сәйкестігін растайтын құжаттардың тізбесі (конкурстық құжаттамада тиісті талап болған жағдайда).
      Тауарды сатып алған жағдайда, техникалық ерекшелікте тауардың шығарылған елі, өндіруші зауыт, модельдің атауы және техникалық сипаттамалары көрсетіледі.
      Егер әлеуетті жеткізуші әртүрлі өндірушілер өндірген тауарды жеткізуге ұсынған жағдайда, техникалық ерекшелікте жеткізуге ұсынылып отырған тауардың шығарылған елі, өндіруші зауыт, модельдің атауы және техникалық сипаттамалары туралы ақпарат әрбір тауар бойынша бөлек көрсетіледі.
      Әлеуетті жеткізуші сондай-ақ жеткізілетін тауардың өзге де сипаттамаларын көрсетуге құқылы;
      7) ұсынылатын, тауарлардағы немесе жұмыстардағы немесе көрсетілген қызметтердегі әрбір лот бойынша пайыздарда көрсетілген жергілікті қамту бойынша міндеттемелер (0-ден 100-ге дейін);
      8) жер қойнауын пайдалану жөніндегі операцияларды жүргізуге байланысты жұмыстардың жекелеген түрлерін орындауға арналған шартты орындау кезінде мердігердің осы Қағидаларды сақтау туралы міндеттемесі (мердігерлік жұмыстарды сатып алған жағдайда);
      9) әлеуетті жеткізуші мердігерлерінің осы Қағидалардың 8-тармағында көзделген біліктілік талаптарына сәйкестігін растайтын құжаттар немесе әлеуетті жеткізушінің мердігерлерді тарту ниетінің жоқ екендігін растайтын кепілхатының сканерден өткізілген көшірмесі (мердігерлік жұмыстарды сатып алған жағдайда);
      10) әлеуетті жеткізушінің осы Қағидалардың 8-тармағының 3) тармақшасында, 11-тармағының 1), 2) және 4) тармақшаларында көрсетілген өткізілетін ашық конкурсқа қатысуға тыйым салатын негіздемелердің жоқтығы туралы кепіл хаттар;
      11) осы Қағидалардың 11-тармағының 3) және 5) тармақшаларында және 12-тармағында көрсетілген өткізілетін ашық конкурсқа қатысуға тыйым салатын негіздемелердің жоқтығы туралы әлеуетті жеткізушінің кепілхаттары;
      12) әлеуетті жеткізушіде Қазақстан Республикасының қолданыстағы заңнамасына сәйкес аккредиттелген ұйым сертификаттаған мемлекеттік стандарттардың талаптарына сәйкес сапа менеджменті жүйесінің (сертификатталған жүйелердің) болуын растайтын құжаттардың сканерден өткізілген көшірмелері (конкурстық құжаттамада тиісті талап болған жағдайда);
      13) әлеуетті жеткізушіде сатып алынатын жұмыстар, көрсетілетін қызметтер нарығында және (немесе) белгілі бір салада жұмыс тәжірибесінің болуын растайтын құжаттар: осындай қызмет түрлерімен айналысуға лицензиялардың болуын талап ететін қауіпті, ерекше қауіпті жұмыс түрлерін сатып алу кезінде, сондай-ақ орындалған жұмыстарды, көрсетілген қызметтерді қабылдау-беруді растайтын жүкқұжаттардың, тиісті актілердің сканерден өткізілген көшірмелерін қоса бере отырып, әлеуетті жеткізуші тиісті қаржы жылына белгіленген он төрт мың еселік айлық есептік көрсеткіштің мөлшерінен кем емес шарт сомасына әлеуетті жеткізуші жұмыстар орындаған, қызметтер көрсеткен ұйымдардан ұсыныс хаттардың немесе оң пікірлердің сканерден өткізілген көшірмелері (конкурстық құжаттамадағы тиісті талап болған жағдайда);
      14) әлеуетті жеткізушінің шарт жобасының елеулі талаптарымен келіскендігін растайтын кепілхаты;
      15) Қазақстан Республикасының заңнамасына сәйкес нысандар бойынша жергілікті қамту бойынша есептілікті өткізу туралы талаптарды және есептерде көрсетілген ақпараттың мазмұнына, есептіліктерді ұсыну мерзімін бұзғандығы және әлеуетті жеткізушілердің жергілікті қамту бойынша міндеттемелерін орындамауына жауапкершілікті сақтау туралы кепілхаты.
      Осы тармақтың талаптарына сәйкес конкурстық өтінімге қоса берілетін мемлекеттік органдар және өзге ұйымдар берген құжаттарды сканерден өткізу құжаттардың түпнұсқаларынан жасалуы керек.
      Мемлекеттік ақпараттық жүйелердің құралдары арқылы алынған электрондық құжаттың қағаз көшірмесінен сканерден өткізілген құжаттарды ұсынуға жол беріледі.
      41. Егер әлеуетті жеткізуші Қазақстан Республикасының резиденті емес болған жағдайда, онда оның біліктілік талаптарына сәйкестігін растау үшін Қазақстан Республикасының резиденттері ұсынатын құжаттарды не нотариус куәландырған мемлекеттік және орыс тіліндегі аудармасымен қоса Қазақстан Республикасының резиденті емес әлеуетті жеткізуші туралы ұқсас мәліметтерді қамтитын құжаттарды ұсынады.
      42. Әлеуетті жеткізушілер шартты бағаны есептеу үшін осы Қағидалардың 40-тармағында көзделген құжаттардан басқа мыналарды ұсынады:
      1) егер әлеуетті жеткізуші ашық конкурстың сатып алу нысанасы болып табылатын тауарлардың қазақстандық өндірушісі болып табылған жағдайда, Қазақстан Республикасының аумағында шығарылғанын растайтын, ішкі айналымға арналған тауардың шығу тегі туралы сертификаттың сканерден өткізілген көшірмесі;
      2) егер әлеуетті жеткізуші ашық конкурстың сатып алу нысанасы болып табылатын жұмыстар мен көрсетілетін қызметтердің қазақстандық өндірушісі болып табылған жағдайда, әлеуетті жеткізушінің бірінші басшысы немесе өзге уәкілетті адамы электрондық цифрлық қолтаңба қойған осы Қағидаларға 2-қосымшаға сәйкес нысан бойынша қызметкерлердің саны туралы мәліметтер.
      43. Тапсырыс беруші конкурстық өтінімдердің қолданылу мерзімі өткенге дейін әлеуетті жеткізушілерге осы мерзімді қосымша уақыт кезеңіне ұзарту туралы сұрау салу жібере алады. Әлеуетті жеткізуші сұрау алуды қабылдамаған жағдайда, соңғысы өз конкурстық өтінімінің қолданылу мерзімі ұзартылмаған кезеңде өткізілген ашық конкурсқа қатысу құқығынан айырылмайды.
      44. Әлеуетті жеткізуші конкурстық өтінімді конкурстық құжаттамада көрсетілген оларды ұсынудың түпкілікті мерзімі аяқталғанға дейін жүйеде ұсынады.
      Әлеуетті жеткізушінің конкурстық өтінімді ұсыну фактісі жүйеде автоматты түрде тіркеледі.
      45. Әлеуетті жеткізушіге конкурстық өтінімдерді ұсыну мерзімінің аяқталуынан кешіктірмей мыналарға:
      1) конкурстық өтінімді өзгертуге және (немесе) толықтыруға;
      2) өзі енгізген конкурстық өтінімдерді қамтамасыз етуді қайтару құқығын жоғалтпай, өзінің конкурстық өтінімін қайтарып алуға жол беріледі.
      46. Мыналарды:
      1) әлеуетті жеткізушіге бір лотқа бір конкурстық өтінімнен артық;
      2) әлеуетті жеткізушіге конкурстық өтінімдерді ұсынудың түпкілікті мерзімі аяқталғаннан кейін конкурстық өтінімге өзгерістер және (немесе) толықтырулар енгізуге жол берілмейді.
      Әлеуетті жеткізушілерге конкурстық өтінімдерді ұсынудың түпкілікті мерзімі аяқталған соң конкурстық өтінімді қайтарып алуға жол берілмейді.
      47. Әлеуетті жеткізуші ашық конкурс тәсілімен сатып алудың бірнеше лотына қатысқан жағдайда, осы Қағидалардың 40-тармағының 1), 3), 4), 6) – 9), 11) – 14) тармақшаларында көзделген құжаттар ашық конкурс тәсілімен сатып алудың әрбір лоты үшін жеке ұсынылады.
      Әлеуетті жеткізуші кешенді жұмыстарды сатып алуға қатысқан жағдайда, әлеуетті жеткізуші осы Қағидалардың 11-тармағының 2) және 3) тармақшаларында көзделген кепілхаттарды ұсынбайды.
      48. Әлеуетті жеткізуші өзінің ашық конкурс тәсілімен сатып алуға қатысуымен байланысты барлық шығыстарды көтереді. Тапсырыс беруші сатып алудың қорытындыларына қарамастан, осы шығындарды өтеу бойынша міндеттемелерді атқармайды.

Конкурстық өтінімді қамтамасыз ету

      49. Тапсырыс берушіге аталған тауарды, жұмысты, көрсетілетін қызметті сатып алу үшін конкурстық құжаттамада көзделген сомадан бір пайыздан артық конкурстық өтінімді қамтамасыз ету мөлшерін белгілеуге жол берілмейді.
      50. Конкурстық өтінімді қамтамасыз етуді мынадай тәсілдердің бірімен енгізуге жол беріледі:
      1) тапсырыс берушінің банк шотына енгізілетін кепілдікті ақшалай жарнасы;
      2) Қазақстан Республикасының бір немесе бірнеше екінші деңгейдегі банктерінің банк кепілдігі.
      Конкурстық өтінімді қамтамасыз етуді енгізу тәсілін таңдау құқығын әлеуетті жеткізуші жүзеге асырады.
      51. Жеткізушінің шарт бойынша міндеттемелерін толық орындағанға дейін үшінші адамларда енгізілген кепілдікті ақшалай жарнаға толық не бір бөлігінде талап ету құқығының туындауына әкелетін әрекет жасауына жол берілмейді.
      52. Жеткізуші енгізген кепілдікті ақшалай жарнаны осы Қағидалардың 54-тармағында көзделген жағдайлар туындағанға дейін тапсырыс берушінің пайдалануына жол берілмейді.
      53. Конкурстық өтінімді қамтамасыз етуді енгізу туралы талап мүгедектердің қоғамдық ұйымдарына қолданылмайды.
      54. Тапсырыс беруші конкурстық өтінімді қамтамасыз етуді мынадай жағдайлардың бірі туындаған кезде:
      1) ашық конкурстың жеңімпазы деп айқындалған әлеуетті жеткізуші сатып алу туралы шарт жасасудан жалтарса;
      2) ашық конкурстың жеңімпазы сатып алу туралы шарт жасасып, егер оның енгізілуі конкурстық құжаттамада көзделген жағдайда, сатып алу туралы шарттың орындалуын қамтамасыз етуді енгізу туралы конкурстық құжаттамада белгіленген талаптарды орындамаса қайтармайды.
      55. Осы Қағидалардың 54-тармағында көзделген жағдайлардың бірі туындаған жағдайда, конкурстық өтінімді қамтамасыз ету сомасы тапсырыс берушінің кірісіне есептеледі.
      56. Тапсырыс беруші әлеуетті жеткізушіге өзі енгізген конкурстық өтінімді қамтамасыз етуді мынадай:
      1) осы әлеуетті жеткізуші конкурстық өтінімді ұсынудың соңғы мерзімі аяқталғанға дейін өзінің конкурстық өтінімін кері қайтарып алған;
      2) тапсырыс беруші ашық конкурсқа қатысуға рұқсаттама хаттамасына қол қойған. Аталған тармақшаның шарттары сатып алуға қатысуға рұқсат алмаған әлеуетті жеткізушілерге қолданылады;
      3) тапсырыс беруші ашық конкурс тәсілімен сатып алудың қорытындыларын шығару хаттамасына қол қойған. Аталған тармақша ашық конкурс жеңімпазы деп айқындалған ашық конкурсқа қатысушыға қолданылмайды;
      4) сатып алу туралы шарт күшіне енген және ашық конкурс жеңімпазы егер оның енгізілуі конкурстық құжаттамада көзделген жағдайда, сатып алу туралы шарттың орындалуын қамтамасыз етуді енгізген;
      5) әлеуетті жеткізушінің конкурстық өтінімінің қолданылу мерзімі өткен, жағдайлар туындаған күннен бастап үш жұмыс күні ішінде қайтарады.

Конкурстық өтінімдерді ашу

      57. Конкурстық өтінімді ұсыну фактісі мынадай мәліметтерді көрсете отырып, жүйеде автоматты режимде тіркеледі:
      1) ашық конкурстың нысанасы (егер ашық конкурс нысанасына бірнеше лот кірген жағдайда лоттардың атаулары мен нөмірлері);
      2) әлеуетті жеткізушінің атауы мен орналасқан орнының мекен жайы (заңды адамлар үшін) немесе тегі, аты, әкесінің аты және орналасқан орны (жеке адамлар үшін);
      3) әлеуетті жеткізушінің конкурстық өтінімді ұсынған күні және уақыты;
      4) әлеуетті жеткізушінің конкурстық өтінімді қайтарып алған күні мен уақыты.
      58. Жүйеде әлеуетті жеткізушілердің конкурстық құжаттамада көрсетілген, оларды ұсынудың соңғы мерзімі өткеннен кейін ұсынылатын конкурстық өтінімдері орналастырылмайды.
      59. Электрондық цифрлық қолтаңба қойылған әлеуетті жеткізушілердің конкурстық өтінімдерін ашу жүйеде конкурстық құжаттамада белгіленген мерзімде жүзеге асырылады.
      60. Осы Қағидаларға 3-қосымшаға сәйкес нысан бойынша конкурстық өтінімдерді ашу хаттамасын тапсырыс беруші жүйеде қалыптастырады, тапсырыс берушінің электрондық цифрлық қолтаңбасы қойылады және конкурстық өтінімдерді ашу күнінен кейінгі бір жұмыс күнінен кешіктірмей жүйеде және барлық пайдаланушыларға, оның ішінде тізілімде тіркелмеген пайдаланушыларға қолжетімді тізілімнің ашық бөлігінде тапсырыс берушінің ақпаратты қалыптастыру мен орналастыруға уәкілеттік берген адамы тізілімде орналастырады.
      Жүйеде қалыптастырылған конкурстық өтінімдерді ашу хаттамасының қағаз нұсқасына төраға және (немесе) төрағаның орынбасары, хатшы және конкурстық өтінімдерді ашу күні қатысқан барлық конкурстық комиссия мүшелеріні қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күні ішінде конкурстық өтінімдерді ашу хаттамасының көшірмесі жіберіледі.
      61. Жүйеде қалыптастырылатын конкурстық өтінімдерді ашу хаттамасында мынадай мәліметтер көрсетіледі:
      1) тапсырыс берушінің атауы мен әкімшілік-аумақтық объектілердің жіктеуішіне сәйкес орналасқан орны;
      2) конкурстық өтінімдерді ашу күні, уақыты;
      3) конкурстық комиссияның құрамы;
      4) ашық конкурстың нысанасы (егер ашық конкурс нысанасына бірнеше лот кірген жағдайда, лоттардың атаулары және нөмірлері);
      5) конкурстық құжаттаманы алған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе аты, тегі, әкесінің аты және орналасқан орны (жеке адамлар үшін);
      6) өлшем және есеп бірліктерінің мемлекетаралық жіктеуішіне сәйкес сипаты, өлшем бірлігі, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      7) конкурстық өтінімдерді ұсынудың күні мен уақытын көрсете отырып конкурстық өтінімдерді ұсынған әлеуетті жеткізушілердің атауы (заңды тұлғалар үшін) немесе аты, тегі, әкесінің аты (жеке адамлар үшін);
      8) өзінің конкурстық өтінімін кері қайтарып алған әлеуетті жеткізушілердің атауы (заңды тұлғалар үшін) немесе аты, тегі, әкесінің аты (жеке адамдар үшін);
      9) әрбір лот бойынша жеке әлеуетті жеткізушілердің ашылған конкурстық өтінімдерінің мазмұны туралы ақпарат;
      10) оның шеңберінде сатып алу жүзеге асырылатын жер қойнауын пайдалануға арналған келісімшарт (-тар) нөмірі (-лері).

Конкурстық өтінімдерді қарау және ашық конкурсқа қатысуға рұқсат беру рәсімі

      62. Конкурстық комиссия конкурстық өтінімдерді қарайды және егер конкурстық құжаттамада өзгеше ұзақ мерзім көзделмесе, әлеуетті жеткізушілерді әрбір лот бойынша жеке конкурстық өтінімдерді ашқан күннен кейінгі үш жұмыс күнінен кешіктірмей ашық конкурсқа қатысуға рұқсат беру туралы шешім қабылдайды.
      63. Конкурстық комиссия конкурстық өтінімді, егер ол конкурстық құжаттамада көрсетілген талаптарға сәйкес келсе не конкурстық құжаттамада жазылған сипаттамалары, шарттар мен өзге де талаптарды елеулі өзгертпейтін немесе олардан маңызды шегіну болып табылмайтын маңызды емес ауытқулар бар болса немесе онда конкурстық өтінімнің мәнін қозғамай түзетуге келетін грамматикалық қателер бар болса, талаптарға сәйкес келетін өтінім ретінде қарайды.
      64. Конкурстық өтінімдерді қараған кезде:
      1) конкурстық өтінімдерді қарауды жеңілдету үшін конкурстық комиссияның жүйеде орналастыру арқылы ашық конкурстың әлеуетті жеткізушілерінен олардың мазмұнын өзгертпестен, бірақ конкурстық өтінімдерді қараудың соңғы мерзімі өткенге дейін күнтізбелік бес күннен кешіктірмей, олардың конкурстық өтінімдеріне байланысты түсіндірмеге сұрау салуға жол беріледі. Әлеуетті жеткізуші сұрау салуды тіркеген сәттен бастап күнтізбелік екі күн ішінде оған жауап береді және түсіндірмені жүйеде орналастырады;
      2) тапсырыс берушіге әлеуетті жеткізушінің конкурстық өтініміне қандай да бір өзгеріс енгізуге жол берілмейді;
      3) конкурстық құжаттаманың және осы Қағидалардың талаптарына сәйкес келмейтін конкурстық өтінімді осы талаптарға сәйкес келтіру үшін ешқандай сұрау салуларға, ұсыныстар немесе рұқсаттамаларға жол берілмейді.
      65. Конкурстық комиссия мынадай негіздер бойынша конкурстық өтінімді қабылдамайды және әлеуетті жеткізушіні ашық конкурсқа қатысуға жібермейдіі:
      1) осы Қағидалардың 40-тармағында көрсетілген құжаттар ұсынылмаса;
      2) конкурстық өтінім осы Қағидалардың және конкурстық құжаттаманың талаптарын бұза отырып ресімделген (сканерден өткізілген) құжаттарды қамтыса;
      3) конкурстық өтінімнің қолданылу мерзімі конкурстық құжаттамада белгіленген мерзімнен аз болса;
      4) конкурстық өтінім және (немесе) қоса берілген құжаттама әріптік, цифрлық және өзге де нышандармен сәйкестендіруге келмейтін ақпаратты қамтыса, сондай-ақ файлды ашу қатесімен ұсынылса;
      5) конкурстық өтінімде және (немесе) қоса беріллген құжаттамада конкурстық өтінім бағасын қалыптастыру үшін сатып алынатын ТЖҚ және (немесе) тарифтердің құны көрсетілсе;
      6) конкурстық өтінім және (немесе) қоса берілген құжаттама конкурстық құжаттама тілінен өзгеше тілде ұсынылса;
      7) Қазақстан Республикасының резиденттері еместері конкурстық құжаттаманы және (немесе) оған қоса берілетін құжаттаманы нотариус куәландырған конкурстық құжаттама тіліне аудармасыз ұсынса;
      8) банк немесе банк филиалының қолы және мөрі бар анықтаманың сканерден өткізілген көшірмесінде әлеуетті жеткізушінің аталған анықтаманың берілген күнінің алдындағы үш айдан артық созылып келе жатқан міндеттеме түрлерінің біреуінен болса да мерзімі өткен қарыздардың болуы;
      9) Қазақстан Республикасының заңнамасын бұза отырып ресімделген шағын бизнес субъектілеріне арналған бухгалтерлік баланс, жеңілдетілген декларация ұсынылса;
      10) тиісті салық органының анықтамасында үш айдан астам бір теңге немесе одан көп мөлшерінде салық берешегі және міндетті зейнетақы жарнасы мен әлеуметтік аударымдар бойынша берешегі туралы мәліметтердің болуы (Қазақстан Республикасының салық және бюджетке төленетін басқа да міндетті төлемдер туралы заңнамасына сәйкес төлем мерзімі ұзартылған жағдайларды қоспағанда);
      11) әлеуетті жеткізушінің конкурстық құжаттаманың техникалық ерекшелігінде белгіленген талаптарға сәйкес келмейтін техникалық ерекшелікті ұсынуы;
      12) шарт негізінде база иелерінің үшінші адамларына қол жеткізуге рұқсат берілетін ақпараттық базаларда қамтылған мәліметтерге сәйкес әлеуетті жеткізуші, оның құрылтайшылары, акционерлер немесе құрылтайшының қатысушылары немесе әлеуетті жеткізушінің жарғылық капиталына жанама қатысатын өзге де адамлар сыбайлас жемқорлық немесе өзге де құқыққа қарсы қызметке араласса;
      13) әлеуетті жеткізуші осы Қағидалардың 11 және 12-тармақтарында келтірілген талаптарды бұзса.
      Осы тармақта көзделмеген негіздемелер бойынша конкурстық өтінімдерден бас тартуға жол берілмейді.
      66. Конкурстық комиссия әлеуетті жеткізушілердің конкурстық өтінімдерін қарау кезінде, әлеуетті жеткізушінің Заңның 78-бабының 2-тармағында көзделген критерийге сәйкес келетіндігін айқындау үшін әлеуетті жеткізуші ұсынған мәліметтерді әр лот бойынша бөлек ескереді.
      Әлеуетті жеткізуші конкурстық өтінім бағасына әсер ететін критерийге өзінің сәйкестігін растайтын құжаттарды ұсынбаған жағдайда, конкурстық комиссия осындай әлеуетті жеткізушінің конкурстық баға ұсынысына бағаны шартты төмендетуді қолданбайды.
      67. Әлеуетті жеткізушінің конкурстық өтінімін тапсырыс берушінің конкурстық өтінімдерді ұсынудың түпкілікті мерзімін ұзартуына байланысты оның төлем қабілеттілігін растайтын құжаттардың қолдану мерзімінің өтуі себебі бойынша бас тартуға жол берілмейді.
      68. Егер неғұрлым жақсы функционалдық және басқа да сипаттамалары бар тауарлар мен көрсетілетін қызметтер ұсынылса, сондай-ақ егер неғұрлым жақсы технологиялық шешімдер және (немесе) ең жақсы материалдардан жасалған жұмыстарды орындау ұсынылса, конкурстық құжаттамада көрсетілген техникалық ерекшелікке әлеуетті жеткізушінің техникалық ерекшелігінің сәйкессіздігіне жол беріледі.
      69. Ашық конкурсқа қатысуға рұқсат беру хаттамасын осы Қағидаларға 4-қосымшаға сәйкес тапсырыс беруші жүйеде қалыптастырады, оған тапсырыс берушінің электрондық цифрлық қолтаңбасы қойылады және егер конкурстық құжаттамада өзгеше ұзақ мерзім көзделмесе, жүйеде тапсырыс берушінің ақпаратты қалыптастыру мен орналастыруға уәкілеттік берген адамы оны конкурстық өтінімдерді ашу күнінен кейінгі үш жұмыс күнінен кешіктірмей жүйеде және барлық пайдаланушыларға, оның ішінде тізілімде тіркелмеген пайдаланушыларға қолжетімді тізілімнің ашық бөлігінде орналастырады.
      Ашық конкурсқа қатысуға рұқсат хаттамасының қағаз нұсқасына конкурстық комиссияның төрағасы және (немесе) төрағасының орынбасары, хатшысы және қатысуға рұқсат беру рәсіміне қатысқан конкурстық комиссияның барлық мүшелері қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күні ішінде ашық конкурсқа қатысуға рұқсат беру хаттамасының көшірмесі жіберіледі.
      70. Ашық конкурсқа қатысуға рұқсат беру хаттамасы мыналарды қамтиды:
      1) тапсырыс берушінің атауы және әкімшілік-аумақтық объектілердің жіктеуішіне сәйкес орналасқан орны;
      2) отырысты өткізудің күні, уақыты және орны;
      3) конкурстық комиссияның құрамы;
      4) ашық конкурстың нысанасы (егер ашық конкурс нысанасына бірнеше лот кірген жағдайда, лоттардың атаулары);
      5) өлшем және есеп бірліктерінің мемлекетаралық жіктеуішіне сәйкес өлшем бірлігі, сипаты, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      6) конкурстық өтінімдері жүйеде ашылып, конкурстық комиссия қараған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке адамлар үшін);
      7) қабылдамау себептері көрсетіле отырып, конкурстық өтінімдері қабылданбаған әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке адамлар үшін);
      8) Заңның 78-бабының 2-тармағында көзделген бағаның шартты төмендетілуінің қолданылуын көрсете отырып, ашық конкурстың (лот) қатысушылары болып танылған әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке адамлар үшін);
      9) ашық конкурсқа қатысушылардың конкурстық баға ұсыныстарының рұқсат беру хаттамасына тапсырыс берушінің электрондық цифрлық қолтаңбасы қойылған сәттен бастап жүйеде орналастырылуының күні, уақыты;
      10) ашық конкурсқа қатысушылардың конкурстық баға ұсыныстарын бағалау және салыстырудың күні, уақыты;
      11) шеңберінде сатып алу жүзеге асырылатын жер қойнауын пайдалануға арналған келісімшарт (-тардың) нөмірі (-лер).
      71. Конкурстық комиссия, егер ашық конкурсқа қатысуға рұқсат беру хаттамасында өзге ше ұзақ мерзім көзделмесе, конкурстық баға ұсыныстарын ашыуды ашық конкурсқа қатысуға рұқсат беру хаттамасына қол қойған күннен бастап екі жұмыс күнінен кейінгі күнге белгілейді.
      Ашық конкурсқа қатысуға рұқсат беру нәтижелері туралы мүдделі органдарды хабардар ету тапсырыс берушінің жүйеде ақпаратты қалыптастыруға және орналастыруға уәкілетті адамының ашық конкурсқа қатысуға рұқсат беру хаттамасын орналастыру болып табылады.
      72. Ашық конкурстың барлық лоттары бойынша әлеуетті жеткізушілер ұсынған немесе жүйеде бас тартылмаған конкурстық өтінімдер жоқ болған жағдайда, ашық конкурсты өткізілмеді деп тану туралы шешім қабылданады және осы Қағидалардың 87, 88-тармақтарында келтірілген тәртіппен және нысандар бойынша қорытындылар хаттамасы ресімделеді.

Конкурстық баға ұсыныстарының мазмұны және оларды ұсыну

      73. Электрондық цифрлық қолтаңбасы қойылған ашық конкурсқа қатысушының конкурстық баға ұсынысы сатып алынатын ТЖҚ-ның бағасынан басқа, оларды тасымалдауға және сақтандыруға, кедендік баждарды, салықтар мен алымдарды төлеуге кететін шығыстарды, сондай-ақ ҚҚС-ны есепке алмағанда тауарларды жеткізу, жұмыстарды орындау, қызметтерді көрсету шарттарымен көзделген өзге де шығындарды ескере отырып, жүйеде әрбір лот бойынша бөлек ұсынылады.
      74. Ашық конкурстың қатысушылары конкурстық баға ұсыныстарын ашық конкурсқа қатысуға рұқсат беру хаттамасында көрсетілген мерзімінен кешіктірмей ұсынады.
      Конкурстық баға ұсыныстарын қабылдау басталғанға дейін және (немесе) ашық конкурсқа қатысуға рұқсат беру хаттамасында көрсетілген оларды ұсынудың түпкілікті мерзімі өткеннен кейін әлеуетті жеткізушінің конкурстық баға ұсыныстарын не конкурстық баға ұсынысының құрамдас бөлігі болып табылатын құжаттарды және/немесе материалдарды ұсынуға жол берілмейді.
      75. Ашық конкурстың қатысушысының жүйеде бір лотқа бір конкурстық баға ұсынысынан артық ұсынуына, жол берілмейді.
      76. Ашық конкурстың қатысушыларына конкурстық баға ұсыныстарын ұсынудың мерзімі аяқталуынан кешіктірмей мыналарға:
      1) өзінің конкурстық баға ұсынысын өзгертуге;
      2) өзінің енгізген конкурстық өтінімді қамтамасыз етуін қайтару құқығын жоғалтпай, конкурстық баға ұсынысын қайтарып алуға рұқсат етіледі.

Конкурстық баға ұсыныстарын бағалау және салыстыру және ашық конкурстың жеңімпазын айқындау рәсімі

      77. Ашық конкурсқа қатысуға рұқсат беру хаттамасында көрсетілген конкурстық баға ұсыныстарын ұсыну мерзімі өткеннен кейін ұсынылатын ашық конкурсқа қатысушылардың конкурстық баға ұсыныстары жүйеде орналастырылмайды.
      78. Ашық конкурсқа қатысуға рұқсат беру хаттамасында белгіленген мерзімде конкурстық баға ұсыныстарын ұсынған ашық конкурстың қатысушылары туралы мәліметтер жүйеде автоматты түрде тіркеледі.
      79. Ашық конкурсқа қатысушының уәкілетті адамы электрондық цифрлық қолтаңба қойылған конкурстық баға ұсынысын жүйеде орналастырған кезде, конкурстық баға ұсынысын беру фактісі мынадай мәліметтерді көрсету арқылы жүйеде автоматты түрде тіркеледі:
      1) өнімнің модельдік статистикалық жіктеуішіне сәйкес ашық конкурстың нысанасы (ашық конкурс нысанасына бірнеше лот кірген жағдайда, лоттардың атаулары);
      2) әкімшілік-аумақтық объектілердің жіктеуішіне сәйкес ашық конкурсқа қатысушының атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке адамлар үшін);
      3) ашық конкурсқа қатысушының конкурстық баға ұсынысын ұсынған күні мен уақыты;
      4) әр лотқа конкурстық баға ұсынысының бағасы.
      80. Ашық конкурсқа қатысуға рұқсат беру хаттамасында белгіленген күні, уақытта жүйеде ұсынылған конкурстық баға ұсыныстарын салыстыру және бағалау жүзеге асырылады.
      81. Әлеуетті жеткізушінің электрондық цифрлық қолтаңба қойылған конкурстық баға ұсыныстарын ашу жүйеде жүзеге асырылады.
      82. Ашық конкурсқа қатысушының конкурстық баға ұсынысының бағасы ашық конкурстың (лоттың) нысанасы болып табылатын ТЖҚ-ны сатып алуға бөлінген сомадан асқан жағдайда, ұсынылған конкурстық баға ұсыныстары жүйеде қабылданбайды.
      83. Конкурстық баға ұсынысы ашық конкурстың немесе қайталама ашық конкурс шарттарына сәйкес келмейді деп қабылданбай қоймаған ашық конкурс немесе қайталама ашық конкурстың жалғыз қатысушысы болған жағдайда, бұл қатысушы жеңімпаз болып танылады.
      84. Осы Қағидалардың 82-тармағында келтірілген шарт бойынша қабылданған конкурстық баға ұсыныстары жүйеде салыстырылады және бағаланады, және Заңның 78-бабының 2-тармағында көзделген бағаны шартты төмендету критерийін ескере отырып, конкурстық баға ұсынысының ең төмен бағасының негізінде (лот бойынша) ашық конкурстың жеңімпазы айқындалады.
      85. Ашық конкурстың жеңімпазын айқындау кезінде Заңның 78-бабының 2-тармағында көзделген бағаны шартты төмендету бойынша критерийді қолдануды ескере отырып, ашық конкурсқа қатысушылардың конкурстық баға ұсыныстарының бағасы тең болған жағдайда, басымдық қазақстандық тауар өндірушіге, қазақстандық жұмысты, көрсетілетін қызметті өндірушіге беріледі.
      Мынадай:
      1) Заңның 78-бабының 2-тармағында көзделген бағаны шартты төмендету бойынша критерийді қолдануды ескере отырып, тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылатын ашық конкурстың конкурстық баға ұсыныстарының бағалары тең болған;
      2) тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылмайтын ашық конкурсқа қатысушылардың конкурстық баға ұсыныстарының бағалары тең болған жағдайларда, ашық конкурстың нысанасы болып табылатын сатып алынатын ТЖҚ-де жергілікті қамту бойынша ең көп пайыз ұсынған ашық конкурсқа қатысушы жеңімпаз болып танылады.
      Мынадай:
      1) Заңның 78-бабының 2-тармағында көзделген бағаны шартты төмендету бойынша критерийді қолдануды ескере отырып, конкурстық баға ұсыныстары және тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылатын ашық конкурсқа қатысушылар ұсынған ашық конкурстың мәні болып табылатын сатып алынатын ТЖҚ-дағы жергілікті қамту бойынша міндеттемелердің пайыздық көрінісі тең болған;
      2) конкурстық баға ұсыныстары және тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылмайтын ашық конкурсқа қатысушылар ұсынған ашық конкурстың нысанасы болып табылатын сатып алынатын ТЖҚ–дағы жергілікті қамту бойынша міндеттемелердің пайыздық көрінісі тең болған жағдайларда, конкурстық баға ұсынысы басқа ашық конкурсқа қатысушылардың конкурстық баға ұсыныстарынан бұрын жүйеде түскен ашық конкурсқа қатысушы жеңімпаз болып танылады.
      86. Жалпы немесе жеке лот бойынша ашық конкурстың қорытындыларын шығарған кезде жүйеде тапсырыс беруші уәкілеттік берген адам мына шешімдердің бірін қалыптастырады:
      1) ашық конкурстың немесе қайталама ашық конкурстың жеңімпазын жариялау туралы;
      2) ұсынылған конкурстық өтінімдердің болмауына байланысты ашық конкурсты немесе қайталама ашық конкурсты өтпеді деп тану туралы;
      3) әлеуетті жеткізушілердің барлық конкурстық өтінімдері немесе барлық конкурстық баға ұсыныстары ашық конкурстың немесе қайталама ашық конкурстың шарттарына сәйкес келмейтіндер ретінде қабылданбаған жағдайда, ашық конкурсты немесе қайталама ашық конкурсты өтпеді деп тану туралы;
      4) ашық конкурстың немесе қайталама ашық конкурстың қатысушылары ұсынған конкурстық баға ұсыныстарының болмауына байланысты ашық конкурсты немесе қайталама ашық конкурсты өтпеді деп тану туралы.
      87. Конкурстық баға ұсыныстарын салыстыру және бағалау қорытындылары бойынша шешімді конкурстық баға ұсыныстары ашылған күнінен кешіктірмей жүйеде және барлық пайдаланушыларға, оның ішінде тізілімде тіркелмеген пайдаланушыларға қолжетімді тізілімнің ашық бөлігінде осы Қағидаларға 5-қосымшаға сәйкес нысан бойынша тапсырыс берушінің электрондық цифрлық қолтаңбасы қойылған ашық конкурстың қорытындысын шығару хаттамасы түрінде тапсырыс берушінің жүйеде ақпаратты қалыптастыруға және орналастыруға уәкілеттік берген адамы қалыптастырады және жариялайды.
      Жүйеде қалыптастырылған ашық конкурстың қорытындысын шығару хаттамасының қағаз нұсқасына төраға және (немесе) төрағаның орынбасары, хатшы және осы Қағидалардың 88-тармағында келтірілген мәліметтерді көрсете отырып, конкурстық баға ұсыныстарын бағалау және салыстыру күнінен бастап бір жұмыс күнінен кешіктірмей конкурстық комиссия мүшелерінің қорытындысын шығару күні барлық қатысқан конкурстық комиссия мүшелері қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күні ішінде ашық конкурстың қорытындысын шығару хаттамасының көшірмесі жіберіледі.
      88. Ашық конкурстың қорытындысын шығару хаттамасы мыналарды қамтиды:
      1) тапсырыс берушінің атауы мен әкімшілік-аумақтық объектілердің жіктеуішіне сәйкес орналасқан орны;
      2) ашық конкурстың қорытындысын шығару күні, уақыты;
      3) конкурстық комиссияның құрамы;
      4) өнімнің модельдік статистикалық жіктеуішіне сәйкес ашық конкурстың нысанасы (ашық конкурстың нысанасына бірнеше лот кірген жағдайда, лоттардың атауы);
      5) ашық конкурсқа қатысуға рұқсат беру хаттамасында көрсетілген соңғы мерзімнің өтуіне дейін конкурстық баға ұсыныстарын ұсынған ашық конкурсқа қатысушылардың әкімшілік-аумақтық объектілердің жіктеуішіне сәйкес атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке адамлар үшін);
      6) өлшем мен есеп бірліктерінің мемлекетаралық жіктеуішіне сәйкес сипаттамасы, өлшем бірлігі немесе әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      7) осы Қағидалардың 76-тармағының 2) тармақшасына сәйкес конкурстық баға ұсыныстарын кері қайтарып алған ашық конкурсқа қатысушылардың атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      8) олардың конкурстық баға ұсыныстарының бағаларын көрсете отырып, осы Қағидалардың 82-тармағында келтірілген себеппен конкурстық баға ұсыныстары қабылданбаған ашық конкурсқа қатысушылардың атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      9) Заңның 78-бабының 2-тармағында көзделген (лоттар бойынша) бағаны шартты төмендету критерийін қолдануды ескере отырып, ашық конкурсқа қатысушылардың қабылданған конкурстық баға ұсыныстарының бағалары;
      10) ашық конкурс (лоттар бойынша) жеңімпазының және жеңімпаздың ұсынысынан кейін конкурстық баға ұсыныстары барынша басым болып табылатын ашық конкурстың үш қатысушысының әкімшілік-аумақтық объектілердің жіктеуішіне сәйкес атауы, орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке адамлар үшін) конкурстық баға ұсынысының бағасы және (немесе) ашық конкурстың нәтижесінде жеңімпаз айқындалмаған жағдайда, себептің көрсетілуі (лоттар бойынша);
      11) ашық конкурс жеңімпазының, конкурстық баға ұсыныстары жеңімпаздың ұсынысынан кейін барынша басым болып табылатын ашық конкурстың үш қатысушысының әрбір лот бойынша ұсынылып отырған тауарлар немесе жұмыстар немесе көрсетілетін қызметтердегі пайызбен көрсетілген (0-ден 100 дейін) жергілікті қамту бойынша міндеттемелері;
      12) сатып алудың коды мен жүйенің интернет-ресурсының мекенжайы;
      13) шеңберінде сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і.
      89. Ашық конкурсты өткізу туралы хабарландыруда белгіленген мерзімде ашық конкурстың жеңімпазымен ашық конкурс жеңімпазының конкурстық өтініміндегі, конкурстық баға ұсынысындағы шарттарға және шарттың елеулі талаптарына сәйкес келетін талаптарда шарт жасалады.
      Шарт жасасу кезінде тараптардың өзара келісімі бойынша елеулі болып табылмайтын шарт жобасының талаптарын өзгертуге жол беріледі.
      90. Егер өткізілген ашық конкурс нәтижелері бойынша ашық конкурс жеңімпазы:
      1) конкурстық өтінімді қамтамасыз етудің енгізілуін растайтын құжаттың түпнұсқасын ұсынбаса;
      2) ашық конкурсты өткізу туралы хабарландыруға сәйкес белгіленген мерзімде шартқа қол қоймаса және оны тапсырыс берушіге ұсынбаса;
      3) сатып алу туралы шартқа қол қойып, шарт бойынша міндеттемелерін орындауға кіріспестен, шартты орындаудан бас тартса осындай әлеуетті жеткізушілердің конкурстық өтінімдері шарттарында ұсыныстары ашық конкурстың қорытындысын шығару хаттамасына сәйкес жеңімпаздың ұсынысынан кейін неғұрлым басым болған ашық конкурстың кейінгі қатысушыларымен шарт жасасуға жол беріледі.
      91. Егер ашық конкурс осы Қағидалардың 86-тармағының 2), 3),  4) тармақшаларында көзделген себептер бойынша өткізілмеді деп танылса, онда осы Қағидалардың 27-тармағының 1) тармақшасында көзделген мәліметтерді қоспағанда, конкурстық құжаттамаға өзгерістер мен толықтырулар енгізуге және тапсырыс берушіге осы Қағидалардың 33-тармағында көрсетілген хабардар ету тәсілдерін қолдана отырып, қайталама ашық конкурс өткізуге не болмаса осы Қағидаларда белгіленген тәртіппен және мерзімде бір көзден сатып алу тәсілі арқылы сатып алуды жүзеге асыруға жол беріледі.
      Егер қайталама конкурс осы Қағидалардың 86-тармағының 2), 3), 4) тармақшаларында көзделген себептермен өткізілмеді деп танылса, тапсырыс берушіге осы Қағидалардың 33-тармағында көрсетілген хабардар ету тәсілдерін қолдана отырып, жаңа конкурс өткізуіне не осы Қағидалармен белгіленген тәртіппен және мерзімде бір көзден сатып алу тәсілімен сатып алуды өткізуіне жол беріледі.
      Егер ашық конкурс осы Қағидалардың 86-тармағының 3) тармақшасында көзделген себеп бойынша әлеуетті жеткізушілер тауарлардағы немесе жұмыстар немесе көрсетілетін қызметтердегі жергілікті қамту бойынша конкурстық құжаттамадағы ең аз талаптарынан төмен болып табылатын міндеттемелерді ұсыну салдарынан өткізілмеді деп танылған жағдайда, тапсырыс беруші қайталама ашық конкурсты өткізген кезде тауарлардағы немесе жұмыстардағы немесе көрсетілетін қызметтердегі жергілікті қамту бойынша талаптарды азайту жағына қарай өзгертеді.
      92. Егер өтінімдері ашық конкурстың шарттарына сәйкес келмейді деп кері қайтарылмаған барлық жеткізушілер сатып алу туралы шарт жасасудан жалтарған жағдайда, тапсырыс беруші осы Қағидалардың 33-тармағында көрсетілген хабардар ету тәсілдерін қолдана отырып, жаңа ашық конкурсты өткізеді.

Бір көзден алу тәсілімен тауарларды, жұмыстарды немесе
көрсетілетін қызметтерді сатып алу

      93. Бір көзден алу тәсілімен ТЖҚ-ны сатып алу мынадай жағдайларда өткізіледі, егер:
      1) ашық немесе қайталама ашық конкурс:
      әлеуетті жеткізушілер ұсынған конкурстық өтінімдердің болмауына байланысты;
      әлеуетті жеткізушілердің барлық конкурстық өтінімдері мен барлық конкурстық баға ұсыныстары конкурстың шарттарына сәйкес келмейтін ретінде қабылданбаған жағдайда;
      конкурсқа қатысушылар ұсынған конкурстық баға ұсыныстарының болмауына байланысты өткізілмеді деп танылса;
      2) баға ұсыныстарын сұрату тәсілімен сатып алу немесе қайталама сатып алу баға ұсыныстарының болмауына не болмаса қабылданбай қоймаған баға ұсыныстарының болмауына байланысты өткізілмеді деп танылса;
      3) электрондық сатып алу жүйесі арқылы сатып алу немесе қайталама сатып алу:
      әлеуетті жеткізушілер ұсынған конкурстық өтінімдердің болмауына байланысты;
      әлеуетті жеткізушілердің конкурстық өтінімдері сатып алу шарттарына сәйкес келмеген деп қабылданбаған жағдайда;
      қатысушылардың ұсынған конкурстық баға ұсыныстарының болмауына байланысты өткізілмеді деп танылса.
      Бір көзден алу тәсілімен ТЖҚ сатып алу мыналарды:
      1) қандай да бір жеткізушіден ТЖҚ-ны сатып алған тапсырыс берушінің қолда бар ТЖҚ-мен үйлесімділігін біріздендіру, стандарттау немесе қамтамасыз ету мақсатында дәл сол жеткізушіден ТЖҚ-ны сатып алудың қажеттілігі туындаса;
      2) қызметкерлерді даярлау, қайта даярлау және олардың біліктілігін арттыру бойынша көрсетілетін қызметтерді;
      3) жол сапарларында кідірмей қалпына келтіруді талап ететін сынықтар пайда болғанда, механизмдер, агрегаттар істен шыққан кезде ТЖҚ-ны;
      4) іссапар шығыстарын жүзеге асыруға байланысты көрсетілетін қызметтерді;
      5) мүлікті сенімгерлік басқару жөніндегі көрсетілетін қызметтерді;
      6) жылжымайтын мүлікті жалға алу жөніндегі көрсетілетін қызметтерді;
      7) табиғи монополия субъектілерінен реттелетін ТЖҚ-ны;
      8) сатып алынатын ТЖҚ белгілі бір нарығында үстем (монополиялық) орын алатын адамдан немесе қызметінің негізгі мәні бойынша мемлекеттік монополия субъектісінен ТЖҚ-ны;
      9) төтенше жағдайлардың салдарын оқшаулау және (немесе) жою, аварияларды жою үшін, оның ішінде жабдықтардың істен шығуы (жабдықтардың авариялық тоқтауы), барлық өндірістік циклды тоқтауына әкелетін істен шығу (авариялық тоқтау) жағдайларында ТЖҚ-ны;
      10) ауыр жұмыстарда, зиянды (ерекше зиянды) және (немесе) қауіпті еңбек жағдайларында жұмыс істейтін, сондай-ақ қауіптілігі жоғары, машиналармен және механизмдермен байланысты жұмыстарда жұмыс істейтін жұмысшыларды міндетті медициналық қараудан өткізу бойынша көрсетілетін қызметтерді;
      11) мүгедектердің республикалық қоғамдық бірлестіктері құрған және сатып алынатын ТЖҚ-ны өндіретін ұйымдардан ТЖҚ-ны;
      12) өкілдік шығыстарға байланысты тауарларды, көрсетілетін қызметтерді;
      13) көрмелер, семинарлар, конференциялар, кеңестер, форумдар, симпозиумдер, тренингтердің материалдарын сатып алу, сондай-ақ көрсетілген іс-шараларға қатысқаны үшін төлемдер төлеуді;
      14) қағаз және (немесе) электрондық жеткізгіштердегі мерзімді баспасөз басылымдарын, бұқаралық ақпарат құралдарында ақпаратты орналастыру бойынша қызметтерді, сондай-ақ интернет-ресурстарында орналастырылған ақпаратты, әртүрлі магниттік жеткізгіштерде шығарылған дыбыстандырылған кітаптарды, рельефтік-нүктелік қаріппен басылған кітаптарды ұсыну бойынша қызметтерді;
      15) жер қойнауын пайдаланушының жұмысшыларды, олардың балаларын, жер қойнауын пайдаланушының есебінде тұрған зейнеткерлерді емдеуге, олардың демалысын ұйымдастыруға байланысты қызметтерді (емдеу, демалыс орындарына дейін тасымалдау мен жөнелтуді қоса алғанда);
      16) рейтингтік агенттіктер көрсететін қызметтерді, қаржылық қызметтерді;
      17) мамандандырылған кітапханалар көрсететін қызметтерді;
      18) сатып алынатын тауарлар, жұмыстар, көрсетілетін қызметтерге қатысты айрықша құқықтарға ие адамдан зияткерлік меншік объектілері болып табылатын ТЖҚ-ны;
      19) Қазақстан Республикасының азаматтық заңнамасына сәйкес сауда-саттықта (аукциондарда) өткізілетін мүлікті (активтерді);
      20) үйлестірілген электрондық сатып алу жүйесін пайдалану қызметтерін;
      21) орындалатын жұмыстардағы жергілікті қамтудың үлесі кемінде 65 (алпыс бес) пайызды құраған жағдайда, қазақстандық жұмыс өндірушілерінен ғылыми-зерттеу және/немесе тәжірибелік-конструкторлық жұмыстарды;
      22) өндірістік қуаттары қалдықтардың олардың пайда болу көзінен ең аз орын ауыстыруын қамтамасыз ететін жеткізушіден шаруашылық қызмет процесінде пайда болатын қалдықтарды қайта өңдеу, жою және орналастыру жұмыстарын;
      23) тамақ өнімдерін және/немесе тамақтануды ұйымдастыру жөніндегі көрсетілетін қызметтерді;
      24) келісімшартты орындау кезінде тартылған Қазақстан Республикасы азаматтары болып табылатын қызметкерлерді оқыту, біліктілігін арттыру және қайта даярлау бойынша немесе Қазақстан Республикасы азаматтарын Қазақстан Республикасының жер қойнауы және жер қойнауын пайдалану туралы заңнамасына сәйкес құзыретті органмен келісілген мамандықтардың тізбесі бойынша оқыту жөнінде жер қойнауын пайдаланушылардың келісімшарттық міндеттемелерін орындау үшін білім беру мекемелері көрсететін қызметтерді;
      25) тауарлардағы жергілікті қамтудың үлесі кемінде 65 (алпыс бес) пайызды құраған жағдайда тауарларды (көмірсутек шикізаты саласындағы тауарларды сатып алу үшін);
      26) тауарлардағы жергілікті қамтудың үлесі кемінде 50 (елу) пайызды құраған жағдайда тауарларды (көмірсутек шикізаты саласындағы тауарларды сатып алуды қоспағанда);
      27) дәрілік құралдарды;
      28) нотариат көрсететін қызметтерді;
      29) телефон және ұялы байланыс қызметтерін, Интернетке қол жеткізу қызметтерін;
      30) коммуналдық қызметтерді;
      31) құзыретті орган құрған пайдалы қазбалар кен орындарын барлау және игеру жөніндегі орталық комиссияның тізімінде тұрған тәуелсіз сарапшылардан жобалау құжаттамасын сараптау бойынша көрсетілетін қызметтерді:
      32) бірінші, екінші және үшінші деңгейдегі мұнайдың авариялық төгілуін жою және алдын алуды қамтамасыз ету жөніндегі көрсетілетін қызметтерді;
      33) авторлық қадағалау қызметтерін;
      34) моноқалаларда тіркелген жалғыз қала қалыптастырушы кәсіпорын тапсырыс берушінің кәсіпорны болып табылатын қазақстандық ТЖҚ өндірушілерінен ТЖҚ-ны;
      35) жылдық көлемі құндық көріністе тиісті қаржы жылына белгіленген жүз еселік айлық есептік көрсеткіштен аспайтын ТЖҚ-ны сатып алу кезінде қолданылады.
      94. Осы Қағидалардың 93-тармағының 1), 3) тармақшаларына сәйкес бір көзден алу тәсілімен ТЖҚ-ны сатып алу өткізілген жағдайда, сатып алудың шарттары өтпеген сатып алудың конкурстық құжаттамасының талаптарына сәйкес болуы тиіс.
      Осы Қағидалардың 93-тармағының 2) тармақшасына сәйкес бір көзден сатып алу тәсілімен ТЖҚ-ны сатып алу өткізілген жағдайда сатып алудың шарттары өтпеген сатып алу шартының жобасындағы елеулі талаптарына сәйкес келуі тиіс.
      Егер сатып алу осы Қағидалардың 6-тармағының 1), 3), 4) тармақшаларына сәйкес осы Қағидаларды бұза отырып, өткізілген болса, осы Қағидалардың 93-тармағының 1) – 3) тармақшаларына сәйкес бір көзден сатып алу тәсілімен сатып алуды қолдануға жол берілмейді.
      95. Бір көзден алу тәсілімен біртекті болып табылмайтын ТЖҚ-ны сатып алуды өткізген кезде тапсырыс берушіге сатып алудың қорытындысын шығару хаттамасында мұндай ТЖҚ-ны міндетті түрде лоттарға бөле отырып, көрсетілген тәсілмен бірыңғай сатып алуды ұйымдастыруға және өткізуге жол беріледі.
      Бір көзден алу тәсілімен біртекті ТЖҚ-ның бірнеше түрін сатып алу ТЖҚ-ны олардың біртекті түрлері және оларды жеткізудің (орындаудың, көрсетудің) орындары бойынша лотқа бөлу арқылы жүзеге асырылады.
      Біртекті тауарларды, жұмыстар мен көрсетілетін қызметтерді жер қойнауын пайдалануға арналған бірнеше келісімшарттың шеңберінде бір көзден алу тәсілімен сатып алуды тапсырыс беруші жер қойнауын пайдалануға арналған келісімшарттар бойынша сатып алынатын ТЖҚ көлемдерінің үлестірілуін міндетті түрде көрсету арқылы жүзеге асырады.
      96. Бір көзден алу тәсілімен ТЖҚ-ны сатып алудың қорытындыларын шығару хаттамасы мынадай ақпаратты қамтиды:
      1) тапсырыс берушінің атауы және әкімшілік-аумақтық объектілердің жіктеуішіне сәйкес орналасқан орны;
      2) бір көзден алу тәсілімен сатып алудың негіздемесі (әрбір лот бойынша, егер бір көзден алу тәсілімен сатып алудың нысанасына бірнеше лот кірсе);
      3) өнімнің модельдік статистикалық жіктеуішіне сәйкес бір көзден алу тәсілімен сатып алудың нысанасы (егер бір көзден алу тәсілімен сатып алудың нысанасына бірнеше лот кірген жағдайда, лоттардың атаулары мен нөмірлері);
      4) өлшем мен есеп бірліктерінің мемлекетаралық жіктеуішіне сәйкес сипаттамасы, өлшем бірліктері әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      5) әрбір лот бойынша тауарларды жеткізу немесе жұмыстарды орындау немесе қызметтерді көрсетудің мерзімі және орны;
      6) жеткізушінің атауы;
      7) әрбір лот бойынша ұсынылатын ТЖҚ үшін жеткізушінің ҚҚС-ны есепке алмағанда теңгедегі ұсынған бағасы;
      8) әрбір лот бойынша тауарды сатып алуға, жұмыстарды орындауға немесе қызметтерді көрсетуге бөлінген, ҚҚС-ны есепке алмағанда теңгедегі сома;
      9) әлеуетті жеткізушінің ұсынысқа, ҚҚС-ны есепке алмағанда, тауарларды жеткізуге, жұмыстарды орындауға, қызметтерді көрсетуге байланысты барлық шығындарды қосу қажеттілігі туралы талабы;
      10) қорытынды хаттамасына электрондық цифрлық қолтаңба қойылған күнінен бастап сатып алу туралы шартты жасасудың мерзімі;
      11) ұсынылатын ТЖҚ пайыздық көріністегі (0-ден 100 дейін) жергілікті қамту бойынша әлеуетті жеткізушінің әрбір лот бойынша міндеттемелері;
      12) олардың шеңберінде сатып алу жүзеге асырылатын жер қойнауын пайдалануға арналған келісімшарт (-тардың) нөмір(-лер)і.
      97. Осы Қағидаларға 6-қосымшаға сәйкес нысан бойынша бір көзден алу тәсілімен ТЖҚ-ны сатып алудың қорытындыларын шығару хаттамасы жүйеде қалыптастырылады, оған тапсырыс берушінің электрондық цифрлық қолтаңбасы қойылады және осы Қағидалардың 96-тармағында келтірілген мәліметтерді көрсете отырып, шарт жасалған күннен кешіктірмей тапсырыс берушінің жүйеде ақпаратты қалыптастыруға және орналастыруға уәкілеттік берген адамы оны жүйеде және барлық пайдаланушыларға, оның ішінде тізілімде тіркелмеген пайдаланушыларға қолжетімді тізілімнің ашық бөлігінде орналастырады.
      Жүйеде қалыптастырылған бір көзден алу тәсілімен ТЖҚ-ны сатып алудың қорытындыларын шығару хаттамасының қағаз нұсқасына тапсырыс берушінің бірінші басшысы немесе тапсырыс берушінің уәкілетті өкілі қол қояды.
      Жеткізушінің тиісті жазбаша сұрау салуы бойынша үш жұмыс күні ішінде бір көзден алу тәсілімен ТЖҚ-ны сатып алу қорытындыларын шығару хаттамасының көшірмесі жіберіледі.
      Сатып алу туралы шарт бір көзден алу тәсілімен ТЖҚ сатып алу қорытындыларын шығару хаттамасына қол қойған күннен бастап он жұмыс күні ішінде жасалады.
      Өткізілген сатып алу туралы хабарландыру Заңға сәйкес мерзімді баспа басылымдарында бір көзден алу қорытындыларының хаттамасына қол қойылған күннен бастап екі жұмыс күні ішінде жариялануға тиіс.

Баға ұсыныстарын сұрату тәсілімен тауарларды, жұмыстар мен
көрсетілетін қызметтерді сатып алу

      98. Баға ұсыныстарын сұрату тәсілімен ТЖҚ-ны сатып алу тапсырыс беруші үшін сипаттамасының елеулі маңызы жоқ ТЖҚ-ға өткізіледі, бұл ретте шешуші шарт баға болып табылады.
      Сатып алынатын тауарлардың, жұмыстар мен көрсетілетін қызметтердің техникалық сипаттамаларын көрсете отырып сипаттауға жол берілмейді.
      99. Баға ұсыныстарын сұрату тәсілі белгілі бір тауарды не болмаса белгілі бір жұмысты, көрсетілетін қызметті сатып алудың жылдық көлемі құндық көріністе тиісті қаржы жылына белгіленген он төрт мың еселік айлық есептік көрсеткіш мөлшерінен аспаған жағдайда қолданылады.
      100. Баға ұсыныстарын сұрату тәсілін қолдану мақсатында белгілі бір тауарды, белгілі бір жұмысты, көрсетілетін қызметті сатып алудың жылдық көлемін қаржы жылының ішінде біреуінің мөлшері осы Қағидалардың 99-тармағында көзделген мөлшерден кем болатын бөліктерге бөлуге жол берілмейді.
      101. Баға ұсыныстарын сұрату тәсілімен біртекті ТЖҚ-ның бірнеше түрін сатып алу ТЖҚ-ны олардың біртекті түрлері және оларды жеткізудің (орындаудың, көрсетудің) орындары бойынша лоттарға бөлу арқылы жүзеге асырылады.
      Тапсырыс беруші біртекті тауарлар, жұмыстар мен көрсетілетін қызметтерді баға ұсыныстарын сұрату тәсілімен сатып алуды жер қойнауын пайдалануға арналған бірнеше келісімшарттың шеңберінде өткізген жағдайда, тауарларды жеткізудің, қызметтерді көрсетудің немесе жұмыстарды орындаудың бірыңғай жері және жер қойнауын пайдалануға арналған келісімшарттар бойынша сатып алынатын ТЖҚ көлемдерінің үлестірілуі міндетті түрде көрсетілсе, осындай ТЖҚ-ны бір лотпен сатып алуға жол беріледі.
      Осы тармақта көзделген жағдайларда, баға ұсыныстарын қарау, бағалау және салыстыру, сондай-ақ жеңімпазды айқындау сатып алу туралы хабарландыруда көзделген әрбір лот бойынша жүзеге асырылады.
      102. Баға ұсыныстарын сұрату тәсілімен сатып алуды өткізу туралы хабарландыру баға ұсыныстарын ұсыну мерзімінің аяқталуына дейін бес жұмыс күнінен кешіктірмей жүйеде қалыптастырылады, оған тапсырыс берушінің жүйеде ақпаратты қалыптастыруға және орналастыруға уәкілеттік берген адамының электрондық цифрлық қолтаңбасы қойылады және барлық пайдаланушыларға, оның ішінде тізілімде тіркелмеген пайдаланушыларға қолжетімді тізілімнің ашық бөлігінде орналастырады және аптасына кемінде үш рет басылып шығарылатын және Қазақстан Республикасы аумағында таралатын мерзімді баспасөз басылымында мемлекеттік және орыс тілдерінде жарияланады.
      Баға ұсыныстарын сұрату тәсілімен қайталама сатып алуды өткізген жағдайда, жер қойнауын пайдаланушы немесе оның уәкілетті адамы осы тармақта көрсетілген хабардар ету тәсілдерін қолдана отырып, баға ұсыныстарын ұсыну мерзімі аяқталғанға дейін бес жұмыс күнінен кешіктірмей тиісті хабарламаның жариялануын қамтамасыз етеді.
      Баға ұсыныстарын сұрату тәсілімен сатып алу туралы хабарландыруда жер қойнауын пайдалану жөніндегі операцияларды жүргізу кезінде сатып алуды жүзеге асырудың мынадай жағдайларын қоспағанда, тауар белгілеріне, қызмет көрсету белгілеріне, фирмалық атауларға, патенттерге, пайдалы үлгілерге, өнеркәсіптік үлгілерге, тауардың шығу орнының атауы мен өндірушінің атауына, сондай-ақ сатып алынатын тауардың, жұмыстың, көрсетілетін қызметтің жеке әлеуетті жеткізушісіне және (немесе) өндірушісіне тиесілілігін айқындайтын өзге де сипаттамалардың мазмұнын көрсетуге жол берілмейді:
      1) тапсырыс берушіде бар жабдықты жете жинақтау, жаңғырту, жөндеу және жете жарақтандыру үшін;
      2) тауарды лизингке ұсыну бойынша көрсетілетін қызметтердің жеткізушісін айқындау үшін және лизинг нысанасын толық сипаттаудың қажеттілігі туындағанда.
      103. Жүйеде және тізілімде орналастырылатын баға ұсыныстарын сұрату тәсілімен ТЖҚ-ны сатып алудың өткізілуі туралы хабарландыру мыналарды қамтиды:
      1) тапсырыс берушінің атауы мен әкімшілік-аумақтық объектілердің жіктеуішіне сәйкес орналасқан орны;
      2) өнімнің модельдік статистикалық жіктеуішіне сәйкес баға ұсыныстарын сұрату тәсілімен сатып алудың нысанасы (егер баға ұсыныстарын сұрату тәсілімен сатып алу нысанасына бірнеше лоттар кірген жағдайда лоттардың атаулары және нөмірлері);
      3) өлшем және есеп бірліктерінің мемлекетаралық жіктеуішіне сәйкес өлшем бірлігі, сипаты, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      4) әрбір лот бойынша тауарларды жеткізудің, қызметтерді көрсетудің, жұмыстарды орындаудың мерзімі және орны;
      5) баға ұсыныстарын қабылдаудың басталу және аяқталу күні, уақыты;
      6) баға ұсыныстарын ашудың күні және уақыты;
      7) ҚҚС-ны есепке алмағанда, теңгеде көрсетілген әрбір лот бойынша тауарды сатып алуға, жұмыстарды орындауға және қызметтерді көрсетуге бөлінген сома;
      8) әлеуетті жеткізушінің баға ұсынысына, ҚҚС-ны есепке алмағанда, тауарларды жеткізу, жұмыстарды орындау, қызметтерді көрсетуге байланысты барлық шығыстарды қосудың қажеттілігі туралы талап;
      9) әлеуетті жеткізушілердің жүгінуі үшін электрондық почтаның мекенжайы мен телефон нөмірлері;
      10) қорытындылар шығарылған күннен бастап сатып алу туралы шарт жасасудың талап етілетін мерзімі. Шартты жасасу мерзімі осы Қағидалардың 163-тармағына сәйкес айқындалады;
      11) сатып алынатын тауарлардағы немесе жұмыстардағы немесе көрсетілетін қызметтердегі әрбір лот бойынша пайызбен көрсетілген жергілікті қамту бойынша ең аз талаптар (0-ден 100-ге дейін);
      12) елеулі талаптары көрсетілген әрбір лот бойынша сатып алу туралы шарт жобасы. Жүйеде баға ұсыныстарын сұрату тәсілімен ТЖҚ-ны сатып алуды өткізу туралы хабарландыруды орналастырғаннан кейін сатып алу туралы шарт жобасының елеулі талаптарына өзгерістер мен (немесе) толықтырулар енгізуге жол берілмейді;
      13) олардың шеңберінде сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і;
      14) сатып алу коды және жүйенің интернет-ресурсының мекенжайы.
      104. Мерзімді баспа басылымдарында жарияланатын баға ұсыныстарын сұрату тәсілімен ТЖҚ-ны сатып алуды өткізу туралы хабарландыру осы Қағидалардың 103-тармағының 1), 2), 5), 7), 14) тармақшаларында көрсетілген ақпаратты қамтиды.
      105. Баға ұсыныстарын сұрату тәсілімен сатып алуға қатысу және сатып алу туралы шарт жобасының елеулі талаптарымен танысу үшін әлеуетті жеткізушілер сатып алу туралы шарт жобасын жүктейді (көшіріп алады).
      Баға ұсыныстарын сұрату тәсілімен сатып алуға сатып алу туралы шарт жобасын жүктемеген (көшіріп алмаған) әлеуетті жеткізушінің қатысуына жол берілмейді.
      Шарт жобасының көшірмесін ұсыну фактісі жүйеде автоматты түрде тіркеледі.
      106. Тапсырыс берушіге баға ұсыныстарын сұрату тәсілімен сатып алуды өткізуден бас тарту туралы жүйеде хабарлау арқылы баға ұсыныстарын қабылдаудың соңғы мерзімі өткенге дейінгі бір жұмыс күнінен кешіктірмей ТЖҚ-ны сатып алуды жүзеге асырудан бас тартуына жол беріледі.
      107. Әлеуетті жеткізушіге баға ұсыныстарын ұсынудың соңғы мерзімінен кешіктірмей:
      1) баға ұсынысын өзгертуге және (немесе) толықтыруға;
      2) өзінің баға ұсынысын кері қайтарып алуға жол беріледі.
      108. Әлеуетті жеткізушіге мыналарға:
      1) бір лотқа біреуден артық баға ұсынысын енгізуге;
      2) баға ұсыныстарын ұсынудың соңғы мерзімі аяқталғаннан кейін баға ұсынысына өзгерістер мен (немесе) толықтырулар енгізуге және кері қайтарып алуға жол берілмейді.
      109. Әлеуетті жеткізушінің баға ұсынысын ұсынуы сатып алу туралы шарттың жобасында көзделген елеулі талаптарды сақтай отырып, оның тауарды жеткізуді, жұмысты орындауды, қызметті көрсетуді жүзеге асыруға келісімін білдірудің нысаны болып табылады.
      110. Әлеуетті жеткізушінің баға ұсынысы мыналарды қамтиды:
      1) атауы, орналасқан орнының мекенжайы, БСН-і (заңды тұлға үшін) немесе тегі, аты, әкесінің аты және орналасқан орны, ЖСН-і немесе БСН-і (жеке тұлға үшін);
      2) өнімнің модельдік статистикалық жіктеуішіне сәйкес баға ұсыныстарын сұрату тәсілімен сатып алудың нысанасы (егер баға ұсыныстарын сұрату тәсілімен сатып алудың нысанасына бірнеше лот кірсе, лоттардың атауы мен нөмірлері);
      3) өлшем және есеп бірліктерінің мемлекетаралық жіктеуішіне сәйкес өлшем бірлігі, сипаты, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      4) әрбір лот бойынша тауарларды жеткізу, жұмыстарды орындау және (немесе) қызметтерді көрсетудің мерзімдері мен орны;
      5) әлеуетті жеткізушінің лот үшін ұсынған бағасы;
      6) ұсынылатын тауарлардағы немесе жұмыстардағы немесе көрсетілетін қызметтердегі әрбір лот бойынша пайызбен көрсетілген (0-ден 100-ге дейін) жергілікті қамту бойынша міндеттемелер;
      7) сатып алу туралы шарт жобасының елеулі талаптарымен келісуі.
      111. Тапсырыс беруші баға ұсыныстарын сұрату тәсілімен ТЖҚ-ны сатып алуды өткізу туралы орналастырған хабарландыруда көрсетілген шарттарға сәйкес баға ұсынысында тауарларды жеткізу, жұмыстарды орындау, қызметтерді көрсетудің шарттары көрсетіледі.
      112. Электрондық цифрлық қолтаңба қойылған баға ұсынысы тапсырыс берушіге баға ұсыныстарын сұрату тәсілімен ТЖҚ-ны сатып алуды өткізу туралы хабарландырумен белгіленген мерзімде жүйеде орналастыру арқылы әлеуетті жеткізушінің уәкілетті адамы береді.
      113. Баға ұсынысын беру фактісі осы Қағидалардың 110-тармағында көзделген мәліметтерді көрсете отырып жүйеде автоматты түрде тіркеледі.
      114. Баға ұсыныстарын сұрату тәсілімен сатып алуды өткізу туралы хабарландыруда көзделген ұсыну мерзімі өтіп кеткеннен кейін баға ұсыныстары жүйеде орналастырылмайды.
      115. Баға ұсыныстарын сұрату тәсілімен ТЖҚ-ны сатып алуды өткізу туралы хабарландыруда белгіленген мерзімде жүйеде баға ұсыныстарын ашу жүзеге асырылады.
      116. Әлеуетті жеткізушілердің электрондық цифрлық қолтаңбасы қойылған және жүйеде орналастырылған баға ұсыныстары ашылған күннен кешіктірілмей жүйеде әлеуетті жеткізушілердің баға ұсыныстарын ашу хаттамасы қалыптастырылады және осы Қағидаларға 7-қосымшаға сәйкес нысан бойынша баға ұсыныстарын сұрату тәсілімен сатып алудың қорытындылары шығарылады.
      117. Баға ұсыныстарын ашу мен баға ұсыныстарын сұрату тәсілімен сатып алудың қорытындыларын шығару хаттамасы мынадай мәліметтерді қамтиды:
      1) тапсырыс берушінің атауы және әкімшілік-аумақтық объектілердің жіктеуішіне сәйкес орналасқан орны;
      2) баға ұсыныстарын ашу мен баға ұсыныстарын сұрату тәсілімен сатып алудың қорытындыларын шығару рәсімін өткізудің күні, уақыты;
      3) өнімнің модельдік статистикалық жіктеуішіне сәйкес баға ұсыныстарын сұрату тәсілімен сатып алудың нысанасы (баға ұсыныстарын сұрату тәсілімен сатып алу нысанасына бірнеше лот кірген жағдайда, лоттардың атаулары мен нөмірлері), сипаттамасы, өлшем және есеп бірліктерінің мемлекетаралық жіктеуішіне сәйкес өлшем бірлігі, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      4) баға ұсыныстарын ұсынған әлеуетті жеткізушілердің атауы және әкімшілік-аумақтық объектілердің жіктеуішіне сәйкес орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      5) баға ұсыныстарын кері қайтарып алған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      6) бас тартудың себептерін көрсете отырып баға ұсыныстарынан бас тартылған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      7) әлеуетті жеткізушілердің ашылған баға ұсыныстарының бағалары (лоттар бойынша);
      8) ұсынылатын тауарлардағы немесе жұмыстардағы немесе көрсетілетін қызметтердегі әрбір лот бойынша пайыздық көріністегі (0-ден 100-ге дейін) жергілікті қамту бойынша міндеттемелер;
      9) баға ұсыныстарын сұрату тәсілімен сатып алудың жеңімпазының және жеңімпаздың ұсынысынан кейін баға ұсыныстары неғұрлым басым болып табылатын үш әлеуетті жеткізушінің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін) және (немесе) баға ұсыныстарын сұрату тәсілімен сатып алудың нәтижесінде осы Қағидалардың 123-тармағына сәйкес (лоттар бойынша) жеңімпаз айқындалмаған жағдайда себебін көрсету;
      10) сатып алудың коды мен жүйенің интернет-ресурсының мекенжайы;
      11) олардың шеңберінде сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і.
      118. Баға ұсыныстарын ашу мен баға ұсыныстарын сұрату тәсілімен сатып алудың қорытындыларын шығару хаттамасы қалыптастырылады, оған тапсырыс берушінің электрондық цифрлық қолтаңбасы қойылады, осы Қағидалардың 117-тармағында келтірілген мәліметтерді көрсете отырып, жүйеде және барлық пайдаланушыларға, оның ішінде тізілімде тіркелмеген пайдаланушыларға қолжетімді тізілімнің ашық бөлігінде баға ұсыныстарын ашу күнінен кешіктірілмей орналастырылады.
      Жүйеде қалыптастырылған баға ұсыныстары салынған конверттерді ашу мен баға ұсыныстарын сұрату тәсілімен сатып алудың қорытындыларын шығару хаттамасының қағаздағы нұсқасына тапсырыс берушінің бірінші басшысы немесе тапсырыс берушінің уәкілетті өкілі қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күнінің ішінде баға ұсыныстары салынған конверттерді ашу хаттамасының көшірмесі жіберіледі.
      119. Егер:
      1) ол аталған ТЖҚ-ны сатып алу үшін лотқа бөлінген сомадан асып кетсе;
      2) ол жүйеде орналастырылған баға ұсыныстарын сұрату тәсілімен сатып алудың өткізілуі туралы хабарландыруда тапсырыс беруші көрсеткен мөлшерден кем болатын ұсынылатын тауарлардағы немесе жұмыстардағы немесе көрсетілетін қызметтердегі жергілікті қамту бойынша міндеттемелерді қамтыса;
      3) әлеуетті жеткізуші сатып алу туралы шарт жобасының елеулі талаптарымен келіспесе немесе оларды өзгертуді және (немесе) толықтыруды ұсынса, әлеуетті жеткізушінің баға ұсынысынан бас тартылады.
      Өзге негіздемелер бойынша баға ұсыныстарының қабылданбауына жол берілмейді.
      120. Баға ұсыныстарын сұрату тәсілімен сатып алудың жеңімпазы жүйеде ең төменгі баға ұсынысының негізінде айқындалады.
      Баға ұсыныстарын сұрату тәсілімен сатып алуды өткізу туралы хабарландыруда белгіленген мерзімде, сатып алудың жеңімпазымен шарттың елеулі талаптарын және сатып алудың жеңімпазының баға ұсыныстарын сақтай отырып, шарт жасалады.
      121. Баға ұсынысынан бас тартылмаған жалғыз әлеуетті жеткізуші болған жағдайда, осындай әлеуетті жеткізуші жеңімпаз болып танылады.
      122. Ең төменгі баға ұсынысын бірнеше әлеуетті жеткізуші ұсынған жағдайда, баға ұсыныстарын сұрату тәсілімен сатып алудың нысанасы болып табылатын сатып алынатын ТЖҚ-дағы жергілікті қамту бойынша міндеттемелердің ең үлкен пайызын ұсынған әлеуетті жеткізуші жеңімпаз болып танылады.
      Әлеуетті жеткізушілердің баға ұсыныстары мен баға ұсыныстарын сұрату тәсілімен сатып алудың нысанасы болып табылатын сатып алынатын ТЖҚ-дағы жергілікті қамту бойынша міндеттемелердің пайыздық көрсеткіші тең болған жағдайда, баға ұсынысын басқа әлеуетті жеткізушілердің баға ұсыныстарынан бұрын түскен әлеуетті жеткізуші жеңімпаз болып танылады.
      123. Осы Қағидалардың 119-тармағына сәйкес бас тартылмаған баға ұсыныстары болмаған жағдайда, баға ұсыныстарын сұрату тәсілімен сатып алу немесе баға ұсыныстарын сұрату тәсілімен қайталама сатып алу өтпеді деп танылады.
      124. Егер баға ұсыныстарын сұрату тәсілімен сатып алу баға ұсыныстарының болмауына не осы Қағидалардың 119-тармағына сәйкес бас тартылмаған баға ұсыныстарының жоқтығына байланысты өтпеді деп танылса, онда осы Қағидалардың 103-тармағының 2) тармақшасында көзделген мәліметтерді қоспағанда, шарт жобасына өзгерістер мен толықтырулар енгізуге және тапсырыс берушіге баға ұсыныстарын сұрату тәсілімен ТЖҚ-ны қайталама сатып алуды жүргізуге немесе осы Қағидаларда белгіленген тәртіппен және мерзімде бір көзден алу тәсілі арқылы сатып алуды жүзеге асыруға жол беріледі.
      Егер баға ұсыныстарын сұрату тәсілімен қайталама сатып алу баға ұсыныстарының болмауына не осы Қағидалардың 119-тармағына сәйкес бас тартылмаған баға ұсыныстарының жоқтығына байланысты өтпеді деп танылса, онда тапсырыс берушіге баға ұсыныстарын сұрату тәсілімен ТЖҚ-ны жаңадан сатып алуды жүргізуге немесе осы Қағидаларда белгіленген тәртіппен және мерзімде бір көзден алу тәсілі арқылы сатып алуды жүзеге асыруға жол беріледі.
      Баға ұсыныстарын сұрату тәсілімен сатып алудың жеңімпазы шарт жасасудан бас тартқан жағдайда, ұсыныстары баға ұсыныстарын сұрату тәсілімен сатып алудың қорытындысын шығарудың хаттамасына сәйкес жеңімпаздың ұсынысынан кейін анағұрлым басым болып табылатын, баға ұсыныстарын сұрату тәсілімен сатып алудың басқа қатысушыларымен шарт жасасуға жол беріледі.
      Егер өткізілген сатып алудың нәтижелері бойынша сатып алу жеңімпазы сатып алу туралы шартқа қол қойып, шарт бойынша міндеттемелеріне кіріспестен, шартты орындаудан бас тартса, ұсыныстары осындай әлеуетті жеткізушілердің баға ұсыныстары шарттарында конкурстың қорытындысын шығару хаттамасына сәйкес жеңімпаздың ұсынысынан кейін анағұрлым басым болып табылатын сатып алудың кейінгі қатысушыларымен шарт жасасуға жол беріледі.
      125. Баға ұсыныстарын сұрату тәсілімен сатып алудың қорытындысы шығарылған күнінен бастап бес жұмыс күнінен кешіктірмей тапсырыс беруші осы Қағидалардың 117-тармағының 1), 3), 10) тармақшаларында көрсетілген ақпаратты, баға ұсыныстарын сұрату тәсілімен сатып алу жеңімпазының (лоттар бойынша) атауын және орналасқан орнының мекенжайын (заңды тұлғалар үшін) немесе тегі, аты, әкесінің атын (жеке тұлғалар үшін), баға ұсынысының бағасын қамтитын аптасына кемінде үш рет мемлекеттік және орыс тілдерінде жарияланатын Қазақстан Республикасының аумағында таралатын мерзімді баспасөз басылымында баға ұсыныстарын сұрату тәсілімен сатып алудың қорытындылары туралы хабарландыруды орналастырады.

Электрондық сатып алу жүйесі арқылы тауарларды, жұмыстар
мен көрсетілетін қызметтерді сатып алу

      126. Электрондық сатып алу жүйесі арқылы тәсілімен сатып алуға қатысу үшін әлеуетті жеткізушілер әрбір лот бойынша конкурстық құжаттаманы және техникалық ерекшелікті жүктейді (көшіріп алады).
      127. Әрбір лот бойынша конкурстық құжаттаманы және техникалық ерекшелікті жүктемеген (көшіріп алмаған) әлеуетті жеткізушінің электрондық сатып алу жүйесі арқылы сатып алуға қатысуға жол беріледі.
      Конкурстық құжаттаманың және техникалық ерекшеліктің көшірмесін ұсыну фактісі жүйеде автоматты түрде тіркеледі.
      128. Электрондық сатып алу жүйесі арқылы ТЖҚ-ны сатып алу рәсімдері конкурстық баға ұсыныстарын ұсынудың және осындай сатып алудың жеңімпазын айқындау рәсімдерін қоспағанда, ашық конкурс тәсілімен сатып алудың рәсімдеріне сәйкес келеді.
      129. Электрондық сатып алу жүйесі арқылы сатып алуға қатысуға жіберілген әлеуетті жеткізушілер конкурстық баға ұсыныстарының бағаларын электрондық сатып алу жүйесі арқылы сатып алу бойынша жалпы немесе жүйедегі жеке лот бойынша ұсынады және оларға электрондық цифрлық қолтаңба қояды.
      Конкурстық өтінімдердің бағаларын ұсыну мерзімі – егер конкурстық құжаттамада осыдан қысқа мерзім көзделмесе, электрондық сатып алу жүйесі арқылы сатып алуға қатысуға рұқсат беру хаттамасы жүйеде орналастырылған сәттен бастап, қырық сегіз сағат. Осындай мерзім бес сағаттан кем болмауы тиіс және осы тармақтың соңғы абзацында жазылған талаптарды ескере отырып, Астана уақыты бойынша 9-00-ден 20-00-ге дейінгі уақыт аралығында болуы тиіс.
      Электрондық сатып алу жүйесі арқылы сатып алуға қатысуға рұқсат беру хаттамасын сауда-саттықты жүргізу үшін қажетті уақытты ескере отырып, тек қана жұмыс күндерінде орналастыруға жол беріледі, бұл күндер Қазақстан Республикасының заңнамасына сәйкес демалыс күндеріне және (немесе) мереке күндеріне сәйкес келмеуі немесе олармен үзілмеуі тиіс.
      130. Әлеуетті жеткізуші ұсынатын конкурстық баға ұсыныстарының саны шектелмеген, жеткізуші өз баға ұсынысын бірнеше рет төмендету жағына өзгерте алады.
      131. Электрондық сатып алу жүйесі арқылы сатып алуға қатысушылар шартты баға ескерілген конкурстық баға ұсыныстарын және сатып алуға қатысатын, олардың атауы көрсетілмеген әлеуетті жеткізушілердің санын көру мүмкіндігіне ие.
      132. Егер сауда-саттықтың жабылуына дейінгі үш минуттың ішінде әлеуетті жеткізушілердің біреуі жаңа ең төменгі конкурстық баға ұсынысын енгізсе, сауда-саттықтың жабылу уақыты автоматты түрде он бес минутқа ұзартылады, бірақ үш реттен артық емес.
      133. Сауда-саттық қорытындылары бойынша жүйеде тапсырыс беруші уәкілеттік берген адам осы Қағидаларға 8-қосымшаға сәйкес нысан электрондық сатып алу жүйесі арқылы ТЖҚ-ны сатып алу нәтижелерін қалыптастырады.
      134. Сауда-саттық нәтижелері жүйеде орналастырылады және оларға жүйеде еркін қол жеткізуге болады.
      135. Тапсырыс берушіге сауда-саттыққа қатысуға өтінімдерді қабылдау мерзімінің аяқталуына дейін бес жұмыс күнінен кешіктірмей электрондық сатып алу жүйесі арқылы сатып алуды жүргізуден бас тартуға жол беріледі.
      Бұл ретте, егер электрондық сатып алу жүйесі арқылы тәсілмен сатып алуды өткізу туралы хабарлама жүйеде орналастырылса, электрондық сатып алу жүйесі арқылы тәсілмен сатып алуды өткізуден бас тарту туралы хабарлама тізілімге автоматты түрде берілуге жатады.
      136. Конкурстық баға ұсыныстарының бағаларын бағалау және салыстыру жүйеде жүзеге асырылады және Заңның 78-бабының 2-тармағында көзделген бағаны шартты түрде азайту критерийін ескере отырып, конкурстық баға ұсынысының ең төменгі бағасының негізінде оның жеңімпазы айқындалады.
      ТЖҚ-ны электрондық сатып алу жүйесі тәсілімен сатып алу жеңімпазын айқындау кезінде, Заңның 78-бабының 2-тармағында көзделген бағаны шартты азайту критерийінің қолданылуын ескере отырып, сатып алуға қатысушылардың конкурстық баға ұсыныстары тең болған жағдайда, тауарларды қазақстандық өндірушіге, жұмыстардың, көрсетілетін қызметтердің қазақстандық өндірушісіне артықшылық беріледі.
      Мынадай жағдайларда:
      1) Заңның 78-бабының 2-тармағында көзделген бағаны шартты азайту критерийінің қолданылуын ескере отырып, тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылатын электрондық сатып алу жүйесі арқылы тәсілімен ТЖҚ-ны сатып алуға қатысушылардың конкурстық баға ұсыныстарының бағалары тең болса;
      2) тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылмайтын, электрондық сатып алу жүйесі арқылы тәсілімен ТЖҚ-ны сатып алуға қатысушылардың конкурстық баға ұсыныстарының бағалары тең болса;
      электрондық сатып алу жүйесі арқылы тәсілімен ТЖҚ-ны сатып алудың нысанасы болып табылатын, сатып алынатын ТЖҚ-ның жергілікті қамтуы бойынша міндеттемелердің ең үлкен пайызын ұсынған, электрондық сатып алу жүйесі арқылы тәсілімен ТЖҚ-ны сатып алуға қатысушысы жеңімпаз болып танылады.
      Мынадай жағдайларда:
      1) Заңның 78-бабының 2-тармағында көзделген бағаны шартты азайту критерийінің қолданылуын ескере отырып, конкурстық баға ұсыныстарының бағалары және тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылатын электрондық сатып алу жүйесі арқылы тәсілімен ТЖҚ-ны сатып алуға қатысушылар ұсынған электрондық сатып алу жүйесі арқылы тәсілімен ТЖҚ-ны сатып алудың нысанасы болып табылатын сатып алынатын ТЖҚ-ның жергілікті қамтуы бойынша міндеттемелердің пайыздық көрінісі тең болса;
      2) конкурстық баға ұсыныстарының бағалары және тауарлардың қазақстандық өндірушілері, жұмыстардың, көрсетілетін қызметтердің қазақстандық өндірушілері болып табылмайтын электрондық сатып алу жүйесі арқылы тәсілімен ТЖҚ-ны сатып алуға қатысушылар ұсынған электрондық сатып алу жүйесі арқылы ТЖҚ-ны сатып алудың нысанасы болып табылатын сатып алынатын ТЖҚ-ның жергілікті қамту бойынша міндеттемелердің пайыздық көрінісі тең болса;
      конкурстық баға ұсынысы электрондық сатып алу жүйесі арқылы тәсілімен ТЖҚ-ны сатып алудың басқа қатысушыларының конкурстық баға ұсыныстарынан бұрын келіп түскен қатысушы электрондық сатып алу жүйесі арқылы тәсілімен ТЖҚ-ны сатып алудың жеңімпазы деп танылады.
      137. Электрондық сатып алу жүйесі арқылы жалпы немесе жеке лот бойынша сатып алудың қорытындылары бойынша жүйеде мынадай шешімдердің бірі қалыптастырылады:
      1) электрондық сатып алу жүйесі арқылы сатып алудың немесе қайталама сатып алудың жеңімпазын жариялау туралы;
      2) әлеуетті жеткізушілер ұсынған конкурстық өтінімдердің болмауына байланысты электрондық сатып алу жүйесі арқылы сатып алу немесе қайталама сатып алуды өтпеді деп тану туралы;
      3) әлеуетті жеткізушілердің конкурстық өтінімдері электрондық сатып алу жүйесі арқылы сатып алу немесе қайталама сатып алу шарттарына сәйкес келмейтіндер ретінде бас тартылған жағдайда, электрондық сатып алу жүйесі арқылы сатып алуды немесе қайталама сатып алуды өтпеді деп тану туралы;
      4) әлеуетті жеткізушілердің ұсынылған конкурстық баға ұсыныстарының болмауына байланысты электрондық сатып алу жүйесі арқылы сатып алуды немесе қайталама сатып алуды өтпеді деп тану туралы.
      138. Электрондық сатып алу жүйесі арқылы тәсілімен ТЖҚ-ны сатып алудың қорытындысы бойынша жүйеде электрондық сатып алу жүйесі арқылы тәсілімен ТЖҚ-ны сатып алудың қорытындысын шығару хаттамасы қалыптастырылады, онда мынадай мәліметтер көрсетіледі:
      1) тапсырыс берушінің атауы мен әкімшілік-аумақтық объектілердің жіктеуішіне сәйкес орналасқан орны;
      2) электрондық сатып алу жүйесі арқылы тәсілімен ТЖҚ-ны сатып алудың қорытындысын шығару күні мен уақыты;
      3) электрондық сатып алу жүйесі арқылы тәсілімен ТЖҚ-ны сатып алудың нысанасы (электрондық сатып алу жүйесі арқылы тәсілімен ТЖҚ-ны сатып алу нысанасына бірнеше лот кірген жағдайда, лоттардың атауы);
      4) конкурстық комиссияның құрамы;
      5) өлшем бірліктері мен есептеудің мемлекетаралық жіктеуішіне сәйкес сипаттамасы, өлшем бірлігі, әрбір лот бойынша сатып алынатын тауарлардың саны, орындалатын жұмыстардың және көрсетілетін қызметтердің көлемі;
      6) электрондық сатып алу жүйесі арқылы тәсілімен ТЖҚ-ны сатып алуға қатысушылардың әкімшілік-аумақтық объектілердің жіктеуішіне сәйкес атауы және орналасқан мекенжайы (заңды тұлғалар үшін) немесе әкімшілік-аумақтық объектілердің жіктеуішіне сәйкес тегі, аты, әкесінің аты және орналасқан орны (жеке тұлғалар үшін);
      7) Заңның 78-бабының 2-тармағында көзделген (лоттар бойынша) бағаны шартты азайту критерийінің қолданылуын ескере отырып, электрондық сатып алу жүйесі арқылы ТЖҚ-ны сатып алуға қатысушылардың конкурстық баға ұсыныстарының бағалары;
      8) электрондық сатып алу жүйесі арқылы тәсілімен ТЖҚ-ны сатып алу (лоттар бойынша) жеңімпазының және оның конкурстық баға ұсынысының құнын, жеңімпаздың конкурстық баға ұсынысынан кейінгі конкурстық баға ұсыныстары анағұрлым басымдыққа ие үш қатысушының атауы (заңды тұлғалар үшін) немесе тегі, аты (жеке тұлғалар үшін) немесе егер сатып алудың нәтижесінде (лоттар бойынша) жеңімпаз айқындалмаса, себебін көрсету;
      9) электрондық сатып алу жүйесі арқылы ТЖҚ-ны сатып алу жеңімпазының және конкурстық баға ұсыныстары жеңімпаздан кейін анағұрлым басымдыққа ие қатысушыларының тауарлардағы немесе жұмыстардағы немесе көрсетілетін қызметтердегі жергілікті қамту бойынша міндеттемелері;
      10) сатып алу коды мен жүйенің интернет-ресурсының мекенжайы.
      139. Конкурстық баға ұсыныстарын бағалау және салыстыру қорытындылары бойынша шешім конкурстық баға ұсыныстары ашылған күннен кешіктірмей жүйеде және тапсырыс берушінің ақпаратты жүйеде қалыптастыруға және орналастыруға уәкілеттік берген адамының электрондық цифрлық қолтаңбасы қойылған электрондық сатып алу жүйесі арқылы тәсілімен сатып алу қорытындысын шығару хаттамасы түрінде барлық пайдаланушыларға, оның ішінде тізілімге тіркелмеген пайдаланушыларға қолжетімді тізілімнің ашық бөлігінде қалыптастырылады және жарияланады.
      140. Электрондық сатып алу жүйесі арқылы тәсілімен сатып алуды өткізу туралы хабарландыруға сәйкес белгіленген мерзімде жеңімпазбен конкурстық өтінімнің, жеңімпаздың конкурстық баға ұсынысының және шарттың елеулі талаптарына сәйкес келетін талаптарда шарт жасалады.
      Шарт жасасу кезінде тараптардың өзара келісімі бойынша маңызды болып табылмайтын шарт жобасының талаптарын өзгертуге жол беріледі.
      141. Егер электрондық сатып алу жүйесі арқылы тәсілімен өткізілген сатып алу нәтижелері бойынша сатып алу жеңімпазы:
      1) конкурстық өтінімдерді қамтамасыз ететін құжаттың түпнұсқасын ұсынбаса (конкурстық құжаттамада тиісті талаптар болған жағдайда);
      2) электрондық сатып алу жүйесі арқылы сатып алуды өткізу туралы хабарландыруға сәйкес белгіленген мерзімдерде шартқа қол қоймаса және оны тапсырыс берушіге ұсынбаса;
      3) сатып алу туралы шартқа қол қойып, шарт бойынша міндеттемелерін орындауға кіріспестен, шартты орындаудан бас тартса, осындай әлеуетті жеткізушілердің конкурстық өтінімдері талаптарында ұсыныстары электрондық сатып алу жүйесі арқылы сатып алудың қорытындысын шығару хаттамасына сәйкес жеңімпаздың ұсынысынан кейін анағұрлым басым болып табылатын электрондық сатып алу жүйесі арқылы сатып алудың кейінгі қатысушыларымен шарт жасасуға жол беріледі.
      142. Егер осы Қағидалардың 137-тармағының 2), 3) 4) тармақшаларында көзделген себептер бойынша электрондық сатып алу жүйесі арқылы тәсілімен сатып алу өтпеді деп танылса, онда конкурстық құжаттамаға осы Қағидалардың 27-тармағының 1) тармақшасында көзделген мәліметтерді қоспағанда, осы Қағидалардың 33-тармағында көрсетілген хабардар ету тәсілдерін қолдана отырып, өзгерістер мен толықтыруларды енгізуге жол беріледі және тапсырыс берушіге электрондық сатып алу жүйесі арқылы тәсілімен қайталама сатып алуды өткізуге немесе осы Қағидаларда белгіленген тәртіппене және мерзімде бір көзден алу тәсілімен сатып алуды жүзеге асыруға жол беріледі.
      Егер осы Қағидалардың 137-тармағының 2), 3) 4) тармақшаларында көзделген себептер бойынша электрондық сатып алу жүйесі арқылы тәсілімен қайталама сатып алу өтпеді деп танылса, онда тапсырыс берушіге осы Қағидалардың 33-тармағында көрсетілген хабардар ету тәсілдерін қолдана отырып, электрондық сатып алу жүйесі арқылы тәсілімен жаңадан сатып алуды өткізуге немесе осы Қағидаларда белгіленген тәртіппен және мерзімде бір көзден алу тәсілімен сатып алуды жүзеге асыруға жол беріледі.
      Егер электрондық сатып алу жүйесі арқылы тәсілімен ТЖҚ-ны сатып алу осы Қағидалардың 137-тармағының 3) тармақшасында көзделген себеп бойынша әлеуетті жеткізушілер тауарлардағы немесе жұмыстардағы немесе көрсетілетін қызметтердегі жергілікті қамту бойынша конкурстық құжаттаманың талаптарынан төмен болатын міндеттемелерді ұсыну салдарынан өтпеді деп танылса, онда тапсырыс беруші электрондық сатып алу жүйесі арқылы тәсілімен ТЖҚ-ны сатып алуды өткізген кезде тауарлардағы немесе жұмыстардағы немесе көрсетілетін қызметтердегі жергілікті қамту бойынша талаптарды азайту жағына қарай өзгертеді.
      143. Егер өтінімдері электрондық сатып алу жүйесі арқылы тәсілімен ТЖҚ-ны сатып алудың шарттарына сәйкес келмейді деп бас тартылмаған барлық жеткізушілер сатып алу туралы шарт жасасудан жалтарса, тапсырыс беруші осы Қағидалардың 33-тармағында көрсетілген хабардар ету тәсілдерін қолдана отырып, электрондық сатып алу жүйесі арқылы жаңа сатып алуды өткізеді.
      144. Жүйеде қалыптастырылған электрондық сатып алу жүйесі арқылы тәсілімен ТЖҚ-ны сатып алу қорытындыларын шығару хаттамасының қағаз нұсқасына конкурстық комиссияның төрағасы, мүшелері және ақпаратты жүйеде қалыптастыруға және орналастыруға тапсырыс беруші уәкілеттік берген адам қол қояды.
      145. Жүйеде қалыптастырылған электрондық сатып алу жүйесі арқылы тәсілімен сатып алудың қорытындылары туралы хабарландырудың мәтініЗаңға сәйкес мемлекеттік және орыс тілдерінде таралатын мерзімді баспасөз басылымдарында жарияланады, ол осы Қағидалардың 138-тармағының 1), 3), 10) тармақшаларында көрсетілген ақпаратты, әкімшілік-аумақтық объектілердің жіктеуішіне сәйкес атауын және орналасқан орнының мекен жайын (заңды тұлғалар үшін) немесе тегін, атын, әкесінің атын, орналасқан орнының мекенжайын (жеке тұлғалар үшін) және электрондық сатып алу жүйесі арқылы тәсілімен ТЖҚ-ны сатып алу жеңімпазының конкурстық баға ұсынысының (лоттар бойынша) бағасын және (немесе) электрондық сатып алу жүйесі арқылы тәсілімен ТЖҚ-ны сатып алу нәтижесінде жеңімпаз айқындалмаған жағдайда, себептерді көрсетуді қамтиды.

Сатып алу туралы шарттың орындалуын қамтамасыз ету

      146. Сатып алу туралы шарттың орындалуын қамтамасыз етуді сатып алудың жеңімпазы оның өзімен жасалған сатып алу туралы шарт бойынша өз міндеттемелерін уақтылы, толық және тиісті түрде орындайтындығының кепілдігі ретінде, конкурстық құжаттамада көзделген жағдайларда енгізеді.
      Шартты орындауды қамтамасыз ету сатып алу туралы шартты жасасқан күннен бастап он жұмыс күні ішінде енгізіледі.
      147. Тапсырыс берушіге ашық конкурс тәсілімен сатып алу (әрбір лот бойынша) үшін көзделген сомадан үш пайыздан артық болатын сатып алу туралы шарттың орындалуын қамтамасыз етудің мөлшерін, оның ішінде конкурстық баға ұсыныстарын төмендетіп белгілеуге жол берілмейді.
      148. Шарттың орындалуын қамтамасыз етудің мынадай тәсілдерінің бірі арқылы енгізуге жол беріледі:
      1) тапсырыс берушінің банк шотына енгізілетін кепілдікті ақшалай жарнасы;
      2) Қазақстан Республикасының бір немесе бірнеше екінші деңгейдегі банктерінің банктік кепілдігі.
      Шартты орындауды қамтамасыз етуді енгізу тәсілін таңдау құқығын ТЖҚ жеткізушісі жүзеге асырады.
      149. Жеткізушіге шарт бойынша міндеттемелер толық орындалғанға дейін үшінші адамларда енгізілген кепілдікті ақшалай жарнаға толығымен не бір бөлігінде талап ету құқықтарының туындауына әкелетін іс-қимылдарды жасауына жол берілмейді.
      150. Тапсырыс берушіге шарт бойынша міндеттемелер толық орындалғанға дейін жеткізуші енгізген кепілдікті ақшалай жарнаны пайдалануға жол берілмейді.
      151. Сатып алу туралы шарттың орындалуын қамтамасыз етуді енгізу туралы талап мүгедектердің қоғамдық ұйымдарына қолданылмайды.
      152. Егер әлеуетті жеткізуші өзімен жасалған сатып алу туралы шарт бойынша міндеттемелерін орындамаса не тиісті түрде орындамаса, тапсырыс беруші сатып алу туралы шарттың орындалуын қамтамасыз етуді қайтармайды.
      153. Осы Қағидалардың 152-тармағында көзделген жағдай орын алған кезде, сатып алу туралы шарттың орындалуын қамтамасыз етудің сомасы тапсырыс берушінің кірісіне жатқызылады.
      154. Тапсырыс беруші әлеуетті жеткізушіге ол енгізген сатып алу туралы шарттың орындалуын қамтамасыз етуді, онымен жасалған сатып алу туралы шарт бойынша өз міндеттемелерін уақтылы, толық және тиісті түрде орындаған жағдайда, үш жұмыс күні ішінде қайтарады.

Сатып алу туралы шарт

      155. Тапсырыс беруші сатып алудың қорытындысы туралы хаттамаға қол қойылған күннен бастап бес жұмыс күні ішінде сатып алудың жеңімпазына өткізілген сатып алудың талаптарындағы сатып алу туралы шарттың жобасын жібереді. Егер сатып алу бірнеше лот бойынша өткізілсе, сатып алу туралы шарттардың жобаларын тапсырыс беруші әрбір лотқа жеке жасайды.
      Әлеуетті жеткізуші бірнеше лот бойынша жеңімпаз болып танылған жағдайда, жекелеген техникалық ерекшеліктер бойынша лоттарды міндетті түрде бөле отырып, бірыңғай шарт жасауға (шартқа қосымша әр лотқа жеке) жол беріледі.
      156. Қазақстан Республикасының резиденті емеспен сатып алу туралы шарт жасалған жағдайда, Қазақстан Республикасының азаматтық заңнамасының, Қазақстан Республикасының трансферттік баға белгілеу туралы заңнамасының және осы Қағидалардың талаптарын ескере отырып, ол ұсынып отырған нысан бойынша сатып алу туралы шартты ресімдеуге жол беріледі.
      157. Сатып алу туралы шарт:
      1) жұмыстарды орындауға арналған шартты орындаған кезде осы Қағидаларды сақтау бойынша мердігердің міндеттемесін (мердігерлік жұмыстар сатып алынған жағдайда);
      2) жұмыстарды орындауға арналған шартты орындаған кезде осы Қағидаларды сақтамағаны үшін мердігердің жауапкершілігін (мердігерлік жұмыстар сатып алынған жағдайда);
      3) сатып алудың қорытындыларын шығару хаттамасына сәйкес тауарлардағы немесе жұмыстардағы немесе көрсетілетін қызметтердегі жергілікті қамту бойынша жеткізушінің міндеттемесін;
      4) сатып алудың қорытындыларын шығару хаттамасына сәйкес тауарлардағы немесе жұмыстардағы немесе көрсетілетін қызметтердегі жергілікті қамту бойынша міндеттемелерді орындамағаны үшін жеткізушінің жауапкершілігін;
      5) конкурстық құжаттамада көзделген өзге де құқықтар мен міндеттерді қамтиды.
      158. Тапсырыс беруші тауарлардың қазақстандық өндірушісімен сатып алу туралы шартты жасасқан жағдайда, шарттың ережелеріне жеткізушінің ішкі айналым үшін, Қазақстан Республикасының аумағында шығарылғанын растайтын, өткізілетін сатып алу номенклатурасына сәйкес келетін тауардың шығу тегі туралы сертификаттың нотариалды куәландырылған көшірмесін ұсынуы туралы талапты енгізуге жол беріледі, бұл ретте сертификатта көрсетілген тауар көлемінің жасалған шарттың шеңберінде жеткізілетін тауар көлемінен кем болуына жол берілмейді.
      159. Тапсырыс беруші жұмыстардың немесе көрсетілетін қызметтердің қазақстандық өндірушімен сатып алу туралы шартты жасасқан жағдайда, шарттың ережелерінде тапсырыс беруші белгілеген нысан бойынша және мерзімдерде жеткізілетін ТЖҚ туралы есеп беруі туралы талабы көрсетіледі.
      160. Жеткізуші жұмыстарды орындау үшін қосалқы мердігерлік ұйымдарды тартқан жағдайда, шартта тапсырыс беруші белгіленген нысан бойынша және мерзімдерде, мердігерлік ұйымдардың жеткізушіге ТЖҚ туралы есепті ұсынуы туралы талабы көрсетіледі.
      161. Сатып алу туралы жасалған шартқа жеткізушінің таңдау үшін негіз болған, сапасы мен басқа талаптарының тұрақтылығы жағдайында өзгерістер енгізуге жол беріледі:
      1) табиғи монополия субъектілерімен, сондай-ақ белгілі бір сатып алынатын ТЖҚ нарығында үстем (монополиялық) жағдайға ие адамлармен не тиісті тауар нарығында үстем (монополиялық) жағдайға ие нарық субъектілерінің мемлекеттік тізіліміне сәйкес оның қызметінің негізгі мәні бойынша мемлекеттік монополия субъектілерімен жасалған шарттар бойынша;
      2) осы тауарды сатып алу туралы жасалған шартта көрсетілген тауар бірлігі үшін бағаның өзгермеу шартымен сатып алынатын тауар көлеміндегі қажеттіліктің артуына байланысты шарттың жалпы сомасының он пайызынан астам шарт сомасын ұлғайту бөлігінде. Тауарларды сатып алу туралы жасалған шарттағы мұндай өзгеріс осы тауарларды, жұмыстар мен көрсетілетін қызметтерді сатып алу үшін жылдық және (немесе) орта мерзімді және (немесе) ұзақ мерзімді бағдарламада көзделген сома шегінде жол беріледі;
      3) сатып алынатын жұмыстар, көрсетілетін қызметтер көлеміндегі қажеттіліктің артуына байланысты шарттың жалпы сомасының он пайызынан астам шарт сомасын ұлғайту бөлігінде. Жұмыстарды, көрсетілетін қызметтерді сатып алу туралы жасалған шарттағы мұндай өзгеріс осы жұмыстар мен көрсетілетін қызметтерді сатып алу үшін жылдық және (немесе) орта мерзімді және (немесе) ұзақ мерзімді бағдарламада көзделген сома шегінде жасалған шарттың мән-мағынасын өзгертпей және оны қамтамасыз ету мақсатында жол беріледі;
      4) Қазақстан Республикасының нормативтік құқықтық актілерімен тиісті кезеңге айқындалған инфляция деңгейіне сүйене отырып, бір қаржы жылынан астам кезеңге жасалған ТЖҚ-ны сатып алу туралы шарт бағасын тараптар келісімі бойынша жыл сайын өзгерту бөлігінде;
      5) тауардың бірлігіне бағаның өзгермеу шартымен сатып алынатын жұмыстардың, көрсетілетін қызметтердің, сондай-ақ сатып алынатын тауарлардың көлеміндегі қажеттіліктің төмендеуіне байланысты шарт сомасының азаюы бөлігінде;
      6) маңызды болып табылмайтын талаптар бөлігінде;
      7) қолданыстағы валюталық реттеу туралы заңнаманың талаптарына негізделген тауарды (тауарларды) мерзімінде жеткізбеу, жұмысты (жұмыстарды) орындамау, қызметті (қызметтерді) көрсетпеу жағдайында, Қазақстан Республикасының резиденті емес болып табылатын ТЖҚ жеткізушісімен жасасқан шарттың қолдынылу мерзімін өзгертуге қатысты;
      8) сатып алынатын тауардың өндірісіне қажетті қазақстандық өндіруші шығарған тауарды жеткізу мерзімін арттыруға қатысты.
      162. Егер сатып алуды өткізу туралы хабарландыруда өзгеше мерзім көзделмесе, сатып алу туралы шарт сатып алу қорытындылары шығарылған күннен бастап он жұмыс күні ішінде жасалады.
      163. Сатып алу туралы шарт мынадай жағдайларды қоспағанда, бір қаржы жылынан аспайтын мерзімге жасалады:
      1) жұмыстарды жобалау-сметалық құжаттамада көзделген, аяқталу мерзімі келесі (кейінгі) қаржы жылындағы (жылдар) мерзіммен сатып алу;
      2) дайындаудың технологиялық мерзімінің ұзақтығы олардың келесі (кейінгі) қаржы жылында (жылдар) жеткізілуіне негіздейтін активтерді және басқа тауарларды сатып алу;
      3) орындаудың ұзақтығына байланысты орындау (көрсету, жеткізу) мерзімі жұмыс бағдарламасында белгіленген келесі (кейінгі) қаржы жылына (жылдарына) негізделген ТЖҚ-ны сатып алу;
      4) орта мерзімді және (немесе) ұзақ мерзімді ТЖҚ-ны сатып алу бағдарламаларында көзделген ТЖҚ-ны сатып алу.
      164. Сатып алу туралы шарт, тапсырыс беруші мен жеткізуші көрсетілген шарт бойынша қабылданған міндеттемелерді толық орындаған жағдайда орындалды деп есептеледі.
      165. Егер жеткізуші осы Қағидаларда белгіленген мерзімдерде тапсырыс берушіге қол қойылған сатып алу туралы шартты ұсынбаған жағдайда, мұндай әлеуетті жеткізуші сатып алу туралы шарт жасаудан жалтарды деп танылады.
      166. Егер жеткізуші сатып алу туралы шарт жасасып, осы Қағидаларда белгіленген жағдайларда сатып алу туралы шартты орындауды қамтамасыз етуін енгізбеген жағдайда, мұндай әлеуетті жеткізуші шарт жасаудан бас тартты және шарт бойынша міндеттемелерді орындаудан жалтарды деп танылады.
      Егер жеткізуші сатып алу туралы шартқа қол қойып, шарт бойынша міндеттемелерді орындауға кіріспестен, шартты орындаудан бас тартқан жағдайда, мұндай әлеуетті жеткізуші шарт жасаудан бас тартты және шарт бойынша міндеттемелерді орындаудан жалтарды деп танылады.
      167. Әлеуетті жеткізуші сатып алу туралы шарт жасасудан жалтарған жеткізуші деп танылған жағдайда, тапсырыс беруші олардың енгізілуі конкурстық құжаттамамен көзделген жағдайда ол енгізген (қайталама сатып алуға) ашық конкурсқа, электрондық сатып алу жүйесі ақылы сатып алуға (қайталама) қатысуға арналған өтінімді қамтамасыз етуді ұстап қалады.
      Егер әлеуетті жеткізуші шарт жасаудан бас тартқан және шарт бойынша міндеттемелерді орындаудан жалтарды деп танылған жағдайда, тапсырыс беруші сатып алу қорытындыларын шығару хаттамасына сәйкес және өткізілген сатып алу шарттарында сатып алу жеңімпазының бағасынан кейін баға ұсынысы анағұрлым басым болып танылған келесі әлеуетті жеткізушімен шарт жасауға құқылы.

Ерекше шарттар

      168. Қазақстан Республикасының резиденті емеспен мәмілелер (сатып алу туралы шарттар) Қазақстан Республикасының трансферттік баға белгілеу туралы заңнамасына сәйкес бақылауға жатады.

Жер қойнауын пайдалану жөніндегі  
операцияларды жүргізу кезінде тауарларды,
жұмыстар мен көрсетілетін      
қызметтерді сатып алу қағидаларына
1-қосымша           

Ашық конкурс тәсілімен сатып алуға қатысуға конкурстық өтінім
(ашық конкурстың атауы)

      1. Әлеуетті жеткізушінің атауы;
      2. Әкімшілік-аумақтық объектілер жіктеуішіне сәйкес әлеуетті жеткізушінің орналасқан жері;
      3. Әлеуетті жеткізушінің ашылған конкурстық өтінімінің мазмұны туралы ақпарат:

      Конкурстық өтінімнің мазмұны туралы мәліметтер:
      1) құқықтық қабілеттілігін (заңды тұлғалар үшін), азаматтық әрекетке қабілеттілігін (жеке тұлғалар үшін) растайтын құжаттардың сканерден өткізілген көшірмелері;
      2) құжаттардың (лицензия, патент, куәлік) сканерден өткізілген көшірмелері және/немесе әлеуетті жеткізушінің сатып алынатын тауарларды өндіру, қайта өңдеу, жеткізу мен өткізу, жұмыстарды орындау және қызметтер көрсетуге құқығын растайтын құжаттардың көшірмелері немесе әлеуетті жеткізушінің сатып алынатын тауарларды өндіру, қайта өңдеу, жеткізу және өткізу, жұмыстарды орындау және қызметтер көрсету құқығын растайтын құжаттардың болу қажеттілігінің жоқтығы туралы хаттың сканерден өткізілген көшірмесі;
      3) егер сатып алудың нысанасы стандарттың немесе Қазақстан Республикасының сертификаттау туралы заңнамасына сәйкес адамдардың өмірі, денсаулығы, азаматтардың мүлкі және қоршаған орта үшін қауіпсіздікті қамтамасыз ететін өзге нормативтік құжаттың талаптарына сәйкес келуіне міндетті түрде сертификаттауға жататын болса, сертификаттардың сканерден өткізілген көшірмелері;
      4) төлем қабілеттілігін растайтын құжаттар;
      5) ТЖҚ-ның функционалдық, техникалық, сапалық, пайдаланушылық және өзге де сипаттамалары бар техникалық ерекшелік, сондай-ақ ТЖҚ-ның осы талаптарға сәйкестігін растайтын құжаттардың тізбесі (конкурстық құжаттамада тиісті талап болған кезде);
      6) ұсынылатын тауарлардағы немесе жұмыстардағы немесе көрсетілетін қызметтердегі әрбір лот бойынша пайыздарда көрсетілген жергілікті қамту бойынша міндеттемелер (0-ден 100-ге дейін);
      7) жер қойнауын пайдалану жөніндегі операцияларды жүргізумен байланысты жұмыстардың жекелеген түрлерін орындауға арналған шартты орындау кезінде мердігердің осы Қағидаларды сақтау туралы міндеттемелері (мердігерлік жұмыстарды сатып алған жағдайда);
      8) әлеуетті жеткізуші мердігерлерінің осы Қағидалардың 8-тармағында көзделген біліктілік талаптарына сәйкестігін растайтын құжаттар немесе әлеуетті жеткізушінің мердігерлерді тарту ниетінің жоқ екендігін растайтын кепілдемелік хатының сканерден өткізілген көшірмесі (мердігерлік жұмыстарды сатып алған жағдайда);
      9) осы Қағидалардың 8-тармағының 3) тармақшасында, 11-тармағының 1), 2) және 4) тармақшаларында көрсетілген, өткізілетін ашық конкурсқа қатысуын шектейтін негіздемелердің жоқтығы туралы әлеуетті жеткізушінің кепілхаттары;
      10) осы Қағидалардың 11-тармағының 3) және 5) тармақшаларында және 12-тармағында көрсетілген өткізілетін ашық конкурсқа қатысуын шектейтін негіздемелердің жоқтығы туралы әлеуетті жеткізушінің кепілхаттары;
      11) әлеуетті жеткізушіде қолданыстағы Қазақстан Республикасының заңнамасына сәйкес аккредиттелген ұйыммен сертификатталған мемлекеттік стандарттардың талаптарына сәйкес сапа менеджменті тізілімнің (сертификатталған тізілімдердің) болуын растайтын құжаттардың сканерден өткізілген көшірмелері (конкурстық құжаттамада тиісті талап болған кезде);
      12) әлеуетті жеткізушіде сатып алынатын жұмыстар, көрсетілетін қызметтер нарығында және/немесе белгілі бір салада жұмыс тәжірибесінің болуын растайтын құжаттар: осындай қызмет түрлерімен айналысуға лицензияның болуын талап ететін қауіпті, ерекше қауіпті жұмыс түрлерін сатып алу кезінде, сондай-ақ орындалған жұмыстарды, көрсетілген қызметтерді қабылдау-беруді растайтын жүкқұжаттардың, тиісті актілердің сканерден өткізілген көшірмелерін қоса бере отырып, тиісті қаржы жылына белгіленген он төрт мың еселік айлық есептік көрсеткіштің мөлшерінен кем емес шарт сомасына әлеуетті жеткізуші жұмыстарды орындаған, қызметтерді көрсеткен ұйымдардан кепілхаттардың/оң пікірлердің сканерден өткізілген көшірмелері (конкурстық құжаттамада тиісті талап болған кезде);
      13) әлеуетті жеткізушінің шарт жобасының елеулі талаптарымен келісетіндігін растайтын кепілхат;
      14) Қазақстан Республикасының заңнамасына сәйкес нысандар бойынша жергілікті қамту бойынша есептілікті тапсыру туралы талаптарды және есептерде көрсетілген ақпараттың мазмұнына, есептіліктерді ұсыну мерзімін бұзғандығына және әлеуетті жеткізушілердің жергілікті қамту бойынша міндеттемелерін орындамауына жауапкершілікті сақтау туралы кепілхат.
      4. Қолдары.

Жер қойнауын пайдалану жөніндегі  
операцияларды жүргізу кезінде тауарларды,
жұмыстар мен көрсетілетін      
қызметтерді сатып алу қағидаларына
2-қосымша           

Қызметкерлердің болуы және саны туралы мәліметтер

Электрондық цифрлық қолтаңбасы ______________
Ұсыну күні мен уақыты

Жер қойнауын пайдалану жөніндегі  
операцияларды жүргізу кезінде тауарларды,
жұмыстар мен көрсетілетін      
қызметтерді сатып алу қағидаларына
3-қосымша           

Сатып алу бойынша ашық конкурсқа қатысу үшін
(ашық конкурс атауы) әлеуетті жеткізушілер ұсынған конкурстық
өтінімдерді ашудың
№ _____ ХАТТАМАСЫ

___________________
(Өткізу күні мен уақыты)

      1. Тапсырыс берушінің атауы __________________________________
      2. Тапсырыс берушінің орналасқан орны ________________________
      3. Мына құрамдағы конкурстық комиссия:
      Конкурстық комиссияның төрағасы: _____________________________
                                         (Тегі, аты, әкесінің аты)
      Конкурстық комиссияның мүшелері:______________________________
                                         (Тегі, аты, әкесінің аты)
____________________________________________________________________
                                         (Тегі, аты, әкесінің аты)
      Конкурстық комиссияның хатшысы:_______________________________
                                         (Тегі, аты, әкесінің аты)
      конкурстық өтінімдер салынған конверттерді ашу рәсімін өткізді.
      4. Ашық конкурстың нысанасы:
      Лот № және атауы:

      5. Олардың шеңберінде сатып алу жүзеге асырылатын жер қойнауын
пайдалануға арналған келісімшарттар нөмірлері:
      Лот № және атауы:
      ____________№ _______________келісімшарт.
      6. Конкурстық өтінімдерді мына әлеуетті жеткізушілер ұсынды:
      Лот № және атауы:

      7. Конкурстық өтінімдерді мына әлеуетті жеткізушілер ұсынды:
      Лот № және атауы:

      8. Әлеуетті жеткізушілердің конкурстық өтінімдерді өзгерту және
(немесе) толықтыруы туралы мәліметтер ___________________________.
      Лот № және атауы:

      9. Әлеуетті жеткізушілердің ашылған конкурстық өтінімдерінің мазмұны туралы ақпарат:___________________________________________
      10. Қолдары.

Жер қойнауын пайдалану жөніндегі  
операцияларды жүргізу кезінде тауарларды,
жұмыстар мен көрсетілетін      
қызметтерді сатып алу қағидаларына
4-қосымша           

Әлеуетті жеткізушілерді сатып алу жөніндегі ашық конкурсқа
(ашық конкурстың атауы) қатысуға рұқсат берудің
№ _____ ХАТТАМАСЫ

      ___________________         ________________________
         (Өткізу орны)           (Өткізу күні мен уақыты)

      1. Тапсырыс берушінің атауы
____________________________________________________________________
      2. Тапсырыс берушінің орналасқан орны
____________________________________________________________________
      3. Мына құрамдағы конкурстық комиссия:
      Конкурстық комиссияның төрағасы:
____________________________________________________________________
                                         (Тегі, аты, әкесінің аты)
      Конкурстық комиссияның мүшелері: _____________________________
                                         (Тегі, аты, әкесінің аты)
____________________________________________________________________
                                         (Тегі, аты, әкесінің аты)
      Конкурстық комиссияның хатшысы:_______________________________
                                         (Тегі, аты, әкесінің аты)
      әлеуетті жеткізушілердің конкурстық өтінімдерді қарау рәсімін
өткізді және мыналарды сатып алу бойынша ашық конкурсқа қатысуға
рұқсат берілді:
      4. Ашық конкурс нысанасы:
      Лот № және атауы:

      5. Олардың шеңберінде сатып алу жүзеге асырылатын жер қойнауын
пайдалануға арналған келісімшарттар нөмірлері:
      Лот № және атауы:
      _______________ № ____________ келісімшарт.
      6. Конкурстық комиссия мына әлеуетті жеткізушілердің конкурстық
өтінімдерін қарады:
      Лот № және атауы:

      7. Ашық конкурсқа қатысушылардың конкурстық өтінімдерін қарау
нәтижелері бойынша конкурстық комиссия шешім қабылдады (қажеттісін
таңдау):
      1) мына әлеуетті жеткізушілердің конкурстық өтінімдері
қабылданбасын:
      Лот № және атауы:

      2) мына әлеуетті жеткізушілер ашық конкурс қатысушылары болып
танылсын:
      Лот № және атауы:

      Ашық конкурсқа қатысушылардың конкурстық баға ұсыныстарын
орналастырудың уақытын, орнын, басталу және аяқталу күнін
______________ бастап _________________ дейін деп белгіленсін.
      Ашық конкурсқа қатысушылардың конкурстық баға ұсыныстарын
бағалау және салыстыру _____________________________ белгіленсін.
      8. Қолдары.

Жер қойнауын пайдалану жөніндегі  
операцияларды жүргізу кезінде тауарларды,
жұмыстар мен көрсетілетін      
қызметтерді сатып алу қағидаларына
5-қосымша           

Сатып алу бойынша ашық конкурстың
(ашық конкурс атауы) қорытындысын шығарудың
№ ____ ХАТТАМАСЫ

____________________
(Өткізу күні мен уақыты)

      1. Тапсырыс берушінің атауы _________________________________
      2. Тапсырыс берушінің орналасқан орны _______________________
      3. Мына құрамдағы конкурстық комиссия:
      Конкурстық комиссияның төрағасы:_____________________________
                                       (Тегі, аты, әкесінің аты)
      Конкурстық комиссияның мүшелері:_____________________________
                                       (Тегі, аты, әкесінің аты)
      _____________________________________________________________
                                       (Тегі, аты, әкесінің аты)
      Конкурстық комиссияның хатшысы:______________________________
                                       (Тегі, аты, әкесінің аты)
      мыналарды сатып алу бойынша ашық конкурс жеңімпазын айқындау
рәсімін өткізді:
      4. Ашық конкурс нысанасы:
      Лот № және атауы:

      5. Олардың шеңберінде сатып алу жүзеге асырылатын жер қойнауын
пайдалануға арналған келісімшарттар нөмірлері:
      Лот № және атауы:
      _______________ № ____________ келісімшарт.
      6. Конкурстық баға ұсыныстарын ашық конкурстың мына
қатысушылары ұсынды:
      Лот № және атауы:

      7. Конкурстық баға ұсыныстарын ашық конкурстың мына
қатысушылары қайтарып алды:
      Лот № және атауы:

      8. Ашық конкурсқа мына қатысушылардың конкурстық баға
ұсыныстары қабылданбады:
      Лот № және атауы:

      9. Ашық конкурсқа қатысушылардың қабылданған конкурстық баға
ұсыныстарының бағалары:
      Лот № және атауы:
      Сатып алуға бөлінген сома __________________________ теңге.

      10. Конкурстық комиссия ашық конкурсқа қатысушылардың
қабылданған конкурстық баға ұсыныстарын бағалады және бағаларын
салыстырды, әрі шешім қабылдады (қажеттісін таңдау):
      1) ашық конкурстың жеңімпазы болып мыналар танылсын:
      Лот № және атауы:

      Конкурстық баға ұсыныстары жеңімпаздың конкурстық баға
ұсынысынан кейін барынша басым болып табылатын әлеуетті жеткізушілер
      Лот № және атауы:

      2) ашық конкурсты өтпеді деп танылсын (тиісті себебін көрсету)
      Лот № және атауы:
      11. Тапсырыс беруші мына:
___________________________________________ ашық конкурс тәсілімен
өткізілген сатып алу нәтижелері бойынша ашық конкурс қорытындылары
шығарылған күннен бастап_________________ күн ішінде (жеңімпаздың
атауы (жеке тұлға үшін – тегі, аты, әкесінің аты), нақты орналасқан
орнының мекенжайы, ұсынылған баға) жеңімпазбен шарт жасассын.
      12. Сатып алу коды: _____________
      Жүйенің интернет-ресурсының мекенжайы: ______________.
      13. Қолдары.

Жер қойнауын пайдалану жөніндегі  
операцияларды жүргізу кезінде тауарларды,
жұмыстар мен көрсетілетін      
қызметтерді сатып алу қағидаларына
6-қосымша           

Бір көзден алу тәсілімен сатып алу (сатып алу атауы)
қорытындыларын шығару хаттамасы

      1. Тапсырыс берушінің атауы
____________________________________________________________________
      2. Тапсырыс берушінің орналасқан орны
____________________________________________________________________
      3. Бір көзден алу тәсілімен сатып алу негіздемесі:
_______________________________________________________________
      4. Бір көзден алу тәсілімен сатып алу негіздемесі:
      Лот № және атауы:
      ҚҚС-ны есепке алмағанда, сатып алу үшін бөлінген сома: ________ теңге.

      5. Олардың шеңберінде сатып алу жүзеге асырылатын жер қойнауын
пайдалануға арналған келісімшарттар нөмірлері:
      Лот № және атауы:
      _______________ № ____________ келісімшарт.
      6. Жеткізушілер атауы, тауарларды жеткізу, жұмыстарды орындау,
қызметтерді көрсету мерзімдері және орны:
      Лот № және атауы:

      7. Тауарларды жеткізуге, жұмыстарды орындауға, қызметтерді
көрсетуге байланысты барлық шығыстарды қамтитын, теңгемен көрсетілген
әрбір лот бойынша ұсынылатын ТЖҚ-ға жеткізуші ұсынған баға:
      Лот № және атауы:
      ҚҚС-ны есепке алмағанда, сатып алу үшін бөлінген сома:______________________________________ теңге.

      8. Қолдары.

Жер қойнауын пайдалану жөніндегі  
операцияларды жүргізу кезінде тауарларды,
жұмыстар мен көрсетілетін      
қызметтерді сатып алу қағидаларына
7-қосымша           

Баға ұсыныстарын ашу және баға ұсыныстарын сұрату тәсілімен
сатып алу (сатып алудың атауы) бойынша қорытындыларын шығару
хаттамасы

_______________________
(Өткізу күні мен уақыты)

      1. Тапсырыс берушінің атауы ________________________________
      __________________________________________________
      2. Тапсырыс берушінің орналасқан орны ______________________
      ___________________________________________________
      3. Баға ұсыныстарын сұрату тәсілімен сатып алудың нысанасы:
      Лот № және атауы:

      4. Олардың шеңберінде сатып алу жүзеге асырылатын жер қойнауын
пайдалануға арналған келісімшарттар нөмірлері:
      Лот № және атауы:
      _______________ № ____________ келісімшарт.
      5. Баға ұсыныстарын мына әлеуетті жеткізушілер ұсынды:
      Лот № және атауы:

      6. Баға ұсыныстарын мына әлеуетті жеткізушілер қайтарып алды:
      Лот № және атауы:

      7. Мына жеткізушілердің баға ұсыныстары қабылданбады:
      Лот № және атауы:

      8. Әлеуетті жеткізушілердің ашылған баға ұсыныстарының бағасы:
      Лот № және атауы:
      ҚҚС-ны есепке алмағанда, сатып алуға бөлінген сома _____________________________________________ теңге.

      9. Баға ұсыныстарын ашудың нәтижелері бойынша:
      1) Баға ұсыныстарына сұрату тәсілімен сатып алудың жеңімпазы:
      Лот № және атауы:

      Баға ұсыныстары жеңімпаздың баға ұсынысынан кейін неғұрлым
басым болып табылатын әлеуетті жеткізушілер:
      Лот № және атауы:

      2) Баға ұсыныстарын сұрату тәсілімен сатып алу өтпеді деп
танылсын (тиісті себебін көрсету)
      Лот № және атауы
      10. Тапсырыс беруші мына жеңімпазбен:
      Лоттың № және атауы
_______________________________________________________________
(Жеңімпаздың атауы (жеке тұлғалар үшін - тегі, аты, әкесінің аты),
нақты орналасқан орнының мекенжайы, ұсынған бағасы) баға ұсыныстарын
сұрату тәсілімен өткізілген сатып алудың қорытындысы бойынша баға
ұсыныстарын сұрату тәсілімен сатып алудың қорытындысы шығарылған
күннен бастап __________ күннің ішінде шарт жасассын.
      11. Сатып алудың коды:
_______________________________________________________________
Жүйенің интернет-ресурсының мекенжайы: _____________________
      12. Қолдары.

Жер қойнауын пайдалану жөніндегі  
операцияларды жүргізу кезінде тауарларды,
жұмыстар мен көрсетілетін      
қызметтерді сатып алу қағидаларына
8-қосымша           

Электрондық сатып алу жүйесі тәсілімен сатып алу қорытындыларын
шыcғарудың
№ _____ ХАТТАМАСЫ

______________________
(Өткізу күні мен уақыты)

      1. Тапсырыс берушінің атауы
____________________________________________________________________
      2. Тапсырыс берушінің орналасқан орны
____________________________________________________________________
      3. Мына құрамдағы конкурстық комиссия:
      Конкурстық комиссияның төрағасы:______________________________
                                       (Тегі, аты, әкесінің аты)
      Конкурстық комиссияның мүшелері:______________________________
                                       (Тегі, аты, әкесінің аты)
____________________________________________________________________
                                       (Тегі, аты, әкесінің аты)
      Конкурстық комиссияның хатшысы
____________________________________________________________________
                                        (Тегі, аты, әкесінің аты)
      мыналарды сатып алу бойынша электрондық сатып алу жүйесі арқылы
тәсілімен сатып алу жеңімпазын айқындау рәсімін өткізді:
      4. Электрондық сатып алу жүйесі арқылы тәсілімен сатып алу
нысанасы:
      Лот № және атауы ҚҚС-ны есепке алмағанда, сатып алуға бөлінген
сома _______________________________________________ теңге.

      5. Оның шеңберінде сатып алу жүзеге асырылатын жер қойнауын
пайдалануға арналған келісімшарттар нөмірлері:
      Лот № және атауы:
      _______________ № ____________ келісімшарт.
      6. Конкурстық баға ұсыныстарын электрондық сатып алу жүйесі
тәсілімен сатып алуға мына қатысушылар ұсынды:
      Лот № және атауы:

      7. Электрондық сатып алу жүйесі арқылы тәсілімен сатып алуға
қатысушылардың конкурстық баға ұсыныстарының бағалары:
      Лот № және атауы:
      Сатып алуға бөлінген сома ___________________________ теңге.

      8. Конкурстық комиссия электрондық сатып алу жүйесі тәсілімен
сатып алуға қатысушылардың конкурстық баға ұсыныстарын бағалады және
бағаларын салыстырды және мынадай шешім қабылдады (қажеттісін
таңдау):
      1) электрондық сатып алу жүйесі арқылы тәсілімен мына сатып алу
жеңімпазы болып танылсын:
      Лот № және атауы:

      Конкурстық баға ұсыныстары жеңімпаздың конкурстық баға
ұсынысынан кейін неғұрлым басым болып табылатын әлеуетті
жеткізушілер:
      Лот № және атауы:

      2) электрондық сатып алу жүйесі арқылы тәсілімен сатып алу
өтпеді деп танылсын (тиісті себебін көрсету)
      Лот № және атауы
      9. Тапсырыс беруші мына:
      Лоттың № және атауы
_______________________________________________________________
электрондық сатып алу жүйесі арқылы тәсілімен өткізілген сатып алудың
нәтижелері бойынша электрондық сатып алу жүйесі арқылы тәсілімен
сатып алу қорытындылары шығарылған күннен бастап ________ күн ішінде
(жеңімпаздың атауы (жеке тұлғалар үшін - тегі, аты, әкесінің аты),
нақты орналасқан орнының мекенжайы, ұсынған бағасы) жеңімпазымен шарт
жасассын.
      10. Сатып алудың коды: _______________________________________
      Жүйенің интернет-ресурсының мекенжайы: _______________________.
      11. Қолдары.