Ескерту. Күші жойылды - ҚР Үкіметінің 10.08.2015 № 624 қаулысымен (алғашқы ресми жарияланған күнінен бастап қолданысқа енгізіледі).

      «Темір жол көлігі туралы» Қазақстан Республикасының 2001 жылғы 8 желтоқсандағы Заңының 14-бабының 1-тармағының 13) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Залалдары бюджет қаражаты есебінен субсидиялауға жататын әлеуметтік мәні бар облысаралық қатынастар бойынша темір жолда жолаушылар тасымалдауды жүзеге асыратын тасымалдаушыларды айқындау жөніндегі ашық тендер негізінде конкурс өткізу қағидасы бекітілсін.
      2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                                К.Мәсімов

Қазақстан Республикасы
Үкіметінің      
2011 жылғы 1 тамыздағы
№ 886 қаулысымен   
бекітілген      

Залалдары бюджет қаражаты есебінен субсидиялауға жататын әлеуметтік мәні бар облысаралық қатынастар бойынша темір жолда жолаушылар тасымалдауды жүзеге асыратын тасымалдаушыларды айқындау жөніндегі ашық тендер негізінде конкурс өткізу қағидасы 1. Жалпы ережелер

      1. Залалдары бюджет қаражаты есебінен субсидиялауға жататын әлеуметтік мәні бар облысаралық қатынастар бойынша темір жолда жолаушылар тасымалдауды жүзеге асыратын тасымалдаушыларды айқындау жөніндегі ашық тендер негізінде конкурс өткізу қағидасы (бұдан әрі – Қағида) «Темір жол көлігі туралы» Қазақстан Республикасының 2001 жылғы 8 желтоқсандағы Заңының 14-бабы 1-тармағының 13-тармақшасына және «Тасымалдаушының әлеуметтік мәні бар қатынастар бойынша жолаушылар тасымалдауды жүзеге асыруына байланысты залалдарын субсидиялау ережесін бекіту туралы» Қазақстан Республикасы Үкіметінің 2004 жылғы 11 қарашадағы № 1188 қаулысына сәйкес әзірленген және залалдары бюджет қаражаты есебінен субсидиялауға жататын әлеуметтік мәні бар облысаралық қатынастар бойынша темір жолда жолаушылар тасымалдауды жүзеге асыратын тасымалдаушыларды айқындау жөніндегі ашық тендер негізінде (бұдан әрі - тендер) конкурсты өткізуді ұйымдастыру тәртібін, шарттары мен мерзімдерін және тасымалдаушының әлеуметтік мәні бар қатынастар бойынша тасымалдауды жүзеге асыруына байланысты субсидиялау шартын (бұдан әрі – Шарт) ұзартуды белгілейді.
      Осы Қағидада уәкілетті орган деп темір жол көлігі саласындағы басшылықты, сондай-ақ Қазақстан Республикасының заңнамасында көзделген шекте – салааралық үйлестіруді жүзеге асыратын орталық атқарушы орган түсініледі.
      Осы Қағидада Жолаушыларды ұлттық тасымалдаушы деп Қазақстан Республикасының Үкіметі айқындайтын, акцияларының бақылау пакеті Ұлттық теміржол компаниясына тиесілі, жолаушыларды, багажды, жүк-багажды, почта жөнелтілімдерін тасымалдау бойынша қызметтер көрсететін, оның ішінде арнайы және әскери тасымалдауларды орындайтын заңды тұлға ұғынылады.
      Ескерту. 1-тармаққа өзгеріс енгізілді - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).
      2. Тендерге конкурстық құжаттаманы «Әлеуметтік мәні бар облысаралық қатынастарды айқындау туралы» Қазақстан Республикасы Үкіметінің 2004 жылғы 11 қарашадағы № 1185 қаулысымен айқындалған әлеуметтік мәні бар қатынастар бойынша жүруі болжанатын ұлттық темір жол компаниясының жолаушылар поезы қозғалысының нормативтік кестесі базасында құрылған лоттар және осы Қағидаға 1-қосымшаға сәйкес үлгі конкурстық құжаттама негізінде уәкілетті орган әзірлейді және бекітеді.
      3. Уәкілетті орган тендерді өткізудің ұйымдастырушысы болып табылады.

2. Тендерлік комиссияны құру

      4. Тендерлік комиссия (бұдан әрі – комиссия) тендерді өткізуді қамтамасыз ету және жеңімпазды анықтау, сондай-ақ шарттардың мерзімін ұзарту мәселелерін қарау үшін құрылады. Комиссия құрамы уәкілетті органның бірінші басшысы немесе оның міндетін атқарушы адамның бұйрығымен бекітіледі, бұл ретте комиссия мүшелерінің жалпы саны тақ санды құрауы және үш адамнан кем болмауы тиіс. Комиссияны комиссия төрағасы, ал ол болмаған кезде төрағаның орынбасары басқарады. Комиссия хатшысы комиссияның мүшесі болып табылмайды және комиссия шешімдер қабылдау кезінде дауыс беруге құқығы жоқ.
      5. Комиссия қатысушылардың тендерлік өтінімдерін қабылдайды және қарайды, тендер өткізеді және жеңімпаздарды анықтайды, сондай-ақ шарттардың мерзімін ұзартуға өтінімдерді қарайды және шарттардың мерзімін ұзарту немесе ұзартудан бас тарту туралы шешім қабылдайды.
      6. Комиссия төрағасы, ол болмаған жағдайда төрағаның орынбасары комиссия қызметін басқарады, комиссия отырыстарында төрағалық етеді, жұмысты жоспарлайды және оның шешімдерінің іске асырылуына жалпы бақылауды жүзеге асырады.
      7. Тендер өтеусіз негізде жолаушыларды тасымалдау жөніндегі қызметтер ұсыну бойынша ұйымдастырушысына жұмыс тәжірибесі бар сарапшылар ретінде жұмыс істеу үшін өзге де мамандарды тартуға рұқсат етіледі.
      8. Сарапшылар қатысушылар өтінімдерінің конкурстық құжаттама талаптарына сәйкестігі Шарттың мерзімін ұзартуға берілген өтінімдердің, осы Қағиданың талаптарына сәйкестігі туралы сараптамалық қорытынды береді және комиссия шешім қабылдаған кезде дауыс беруге құқығы жоқ. Сарапшылардың қорытындысы қатысушылар ұсынған тендерлік өтінімдерді бағалау және салыстыру, жеңімпазды анықтау және шарттың мерзімін ұзарту туралы шешім қабылданған кезде ескеріледі. Сараптамалық қорытынды жазбаша түрде ресімделеді, оған сарапшылар қол қояды және комиссия отырысының хаттамасына қоса тіркеледі.

3. Тендерге қатысушыларға және тендерлік өтінімдерге қойылатын талаптар

      9. Тендерге қатысуға ҚҚС төлеушілері болып табылатын және осы Қағиданың 10-тармағында белгіленген шарттарға сәйкес келетін, осы Қағидаға сәйкестелетін өтінімді және басқа да қажет құжаттарды уақтылы ұсынған әлеуетті тасымалдаушылар жіберіледі.
      10. Тендерге қатысу және/немесе Шарттардың мерзімін ұзарту үшін әлеуетті тасымалдаушылар мынадай шарттарға сәйкес болуы қажет:
      1) алынып тасталды - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен;
      2) Қазақстан Республикасының аумағында заңнамада белгіленген тәртіппен тіркелген, жолаушылар тасымалдарын ұйымдастыру үшін жеке меншік немесе басқа заңды негіздерде пайдаланылатын техникалық қауіпсіздік талаптарына сәйкес келетін жолаушы жылжымалы құрамының болуы, бұл ретте (жалпы, плацкарт, купелі) үлгілері бойынша көрсетілген жолаушылар вагондарының саны («Жолаушылар лизингтік вагон компаниясы» акционерлік қоғамының вагондарынан басқа) талап етілетін вагондар санынан кемінде 30 пайызын, ал электрдизель поездар вагондарының саны - 100 пайызды құруы тиіс;
      3) Қазақстан Республикасының заңнамасына сәйкес төлеу мерзімі кейінге қалдырылған жағдайларды қоспағанда, бюджетке төленетін салықтар мен басқа да міндетті төлемдер және бірыңғай жинақтаушы зейнетақы қорына аударымдар бойынша берешектерінің болмауы;
      4) тиісті әлеуметтік мәні бар бағыттарға қызмет көрсетуге қажет поезд бригадалары қызметкерлерінің жеке білікті штатының және/немесе нормативтік саны шегінде тіркелмелі және тікелей қатынайтын вагондарды есепке ала отырып, бұрын әлеуметтік мәні бар бағытқа қызмет көрсеткен тасымалдаушының поезд бригадалары білікті штатын жұмысқа қабылдау туралы кепілдіктің болуы;
      5) тасымалдаушының Ұлттық инфрақұрылым операторының, локомотивтік тарту операторының және вагондарды жалға алу, жолаушылар вагондарына техникалық қызмет көрсету, оларды сумен және отынмен жабдықтау, үй-жайларды жалға алу жөніндегі қызметтерді және вокзалдарда 12 айға (конкурсы өткізілген немесе Шарт ұзартылған күннің алдындағы айдың бірі күніне) анықтамалық-ақпараттық қызметтерді ұсынатын басқа да теміржол ұйымдарының алдында берешегінің болмауы;
      6) тасымалдаушының мәлімделген бағытта көзделген жылдық субсидиялардың көлемінен кемінде 5 % құрайтын меншікті ақшалай және негізгі қаражатының болуы.
      Ескерту. 10-тармаққа өзгерістер енгізілді - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі); 11.11.2013 N 1202 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 20.12.2013 N 1363 (01.01.2014 бастап қолданысқа енгізіледі) қаулыларымен.
      11. Әлеуетті тасымалдаушы тендерге қатысу және/немесе Шарттардың мерзімін ұзарту үшін уәкілетті органның атына мынадай құжаттарды қоса бере отырып, тендерлік өтінімді ұсынады:
      1) осы Қағидаға 2-қосымшаға (заңды тұлғалар үшін) немесе 3-қосымшаға (жеке тұлғалар үшін) сәйкес тендерге қатысуға өтініш;
      2) осы Қағидаға 4-қосымшаға сәйкес үлгілері, саны, шығарылған жылы, вагондардың зауыттық нөмірлері, техникалық жай-күйі және жоспарлы жөндеу түрлері көрсетіле отырып (жеке меншік құқығын немесе жалға алынғандығын растайтын, нотариалды куәландырылған құжаттарды қоса берумен) жеке меншік және (немесе) сенімді басқарудағы, мүлікті жалдау немесе басқа да заңды негіздерде заңнамада белгіленген тәртіппен мемлекеттік тіркеуден өткен жылжымалы құрамның мүккәмал паркі туралы мәліметтер, бұл ретте (жалпы, плацкарт, купелі) үлгілері бойынша көрсетілген жолаушылар вагондарының саны («Жолаушылар лизингтік вагон компаниясы» акционерлік қоғамының вагондарынан басқа) талап етілетін вагондар санынан кемінде 30 пайызды, ал электрдизель поездар вагондарының саны - 100 пайыз құрауы тиіс;
      3) Қазақстан Республикасының заңнамасына сәйкес төлеу мерзімі кейінге қалдырған жағдайларды қоспағанда, конкурстық өтінімдер және/немесе шарттың мерзімін ұзартуға арналған өтінімдер салынған конверттерді ашу күнінің алдындағы үш айдан астам мерзімге салық берешегінің және бірыңғай жинақтаушы зейнетақы қорына міндетті зейнетақы жарналары, міндетті кәсіптік зейнетақы жарналары бойынша берешегінің жоқ (бар) екені туралы бірінші басшының немесе қол қоюға құқығы бар адамның (осы құқықты растайтын тиісті құжатты қоса беріп) қолы қойылып, осы салық органының мөрі басылған тиісті салық органының белгіленген нысандағы анықтамасының түпнұсқасы. Егер анықтамада берешек көрсетілсе, осы берешектің пайда болу мерзімін растайтын анықтаманы берген адамның қолы қойылған құжаттар қоса берілуі қажет;
      4) осы Қағидаға 5-қосымшаға сәйкес тендерге қойылған әлеуметтік мәні бар қатынастардағы маршруттар бойынша жолаушылар тасымалдарын ұйымдастырудың негізгі шарттары мен талаптарын қамтамасыз ету жөніндегі тендерлік ұсыныстар;
      5) тіркелмелі және тікелей қатынайтын вагондарды есепке ала отырып, бұрын қызмет көрсетілген әлеуметтік мәні бар маршруттарға поезд бригадалары қызметкерлерінің жеке білікті штатының болуы туралы мәліметтер. Бұрын басқа тасымалдаушылар қызмет көрсеткен маршруттарға өтініш берген кезде осы Қағидаға 6-қосымшаға сәйкес нормативтік саны шегінде тіркелмелі және тікелей қатынайтын вагондарды есепке ала отырып, бұрын әлеуметтік мәні бар маршруттарға қызмет көрсеткен тасымалдаушының поезд бригадалары қызметкерлерінің білікті штатын жұмысқа қабылдау туралы кепілхат – міндеттеме.
      6) Шарттың мерзімін ұзартуға арналған өтінім берілген жағдайда ағымдағы айдың бірінші күніне берілген тасымалдаушының және бірінші басшының мөрлерімен бекітілген, қолдарымен расталған Ұлттық инфрақұрылым операторының, локомотивтік тарту операторының және вагондарды жалға алу, техникалық қызмет көрсету және жолаушылар вагондарын сумен және отынмен жабдықтау, үй-жайларды жалдау бойынша қызметтер және вокзалдарда анықтамалық-ақпараттық қызметтер көрсететін басқа да темір жол ұйымдарының берешегі бойынша өзара есеп айырылысуларды салыстырып тексеру актісі және берешек болған жағдайда, бірінші басшылар қол қойған берешекті кепілді өтеу кестесін қамтитын екіжақты келісім немесе төлем жасау туралы банк белгі қойған мерзімін ұзартуға арналған өтінімдерді ұсынудың ай – күні белгіленген берешектің өтелуін растайтын төлем тапсырмасының түпнұсқалары;
      7) осы Қағиданың 5-қосымшасына сәйкес Шарттың мерзімін ұзартуға мәлімделген маршруттар бойынша жолаушылар тасымалдауын ұйымдастыруға қойылатын шарттар мен талаптарды қамтамасыз ету жөніндегі ұсыныстар;
      8) осы Қағиданың 44-тармағына сәйкес тендерге қатысуға арналған өтінімдерді қамтамасыз ету;
      9) таңдалған әлеуметтік мәні бар қатынасты дамытуды қамтамасыз ету, сервистік қызметтердің сапасын арттыру, қызметкерлер штатының біліктілігін арттыру жөніндегі, жыл сайынғы меншікті вагондар паркін толықтыру үшін вагондарды сатып алу іс-шаралар жоспары.
      Ескерту. 11-тармаққа өзгерістер енгізілді - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі); 11.11.2013 N 1202 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 20.12.2013 N 1363 (01.01.2014 бастап қолданысқа енгізіледі) қаулыларымен.
      12. Тендерге қатысу және/немесе Шарттың мерзімін ұзарту туралы шешім қабылдау үшін талап етілетін құжаттар екі данада мемлекеттік немесе орыс тілдерінде, беттері нөмірленіп, тігілген болуы тиіс, соңғы беті заңды тұлғаның мөрімен немесе жеке тұлғаның қолымен куәландырылады.
      13. Тендерлік өтінімде және/немесе Шарттың мерзімін ұзартуға арналған өтінімде жолдардың арасында ешқандай кірістірмелер, өшірулер немесе қосып жазулар болмауы тиіс.
      14. Әлеуетті тасымалдаушы тендерлік өтінімді және/немесе Шарттың мерзімін ұзартуға арналған өтінімді конвертке салып желімдейді, онда әлеуетті тасымалдаушының атауы мен мекенжайы көрсетіледі. Содан соң конверт тағы бір конвертке салынып жабылады.
      15. Конверттер тендерді ұйымдастырушыға (комиссияға) мынадай белгілермен жіберілуі тиіс:
      тендерге қатысу ниеті болған жағдайда – «Залалдары республикалық бюджеттен субсидиялауға жататын әлеуметтік мәні бар облысаралық қатынастар бойынша темір жолда жолаушылар тасымалдарын жүзеге асыратын тасымалдаушыларды айқындау жөніндегі конкурсқа арналған тендерлік өтінім»;
      Шартты ұзарту ниеті болған жағдайда – «Әлеуметтік мәні бар облысаралық қатынастар бойынша жолаушылар тасымалдаурын жүзеге асырумен байланысты тасымалдаушының шығындарын субсидиялау туралы шарттың мерзімін ұзартуға арналған өтінім».
      16. Әлеуетті қатысушы тендерлік өтінімдерді (Шарттың мерзімін ұзартуға арналған өтінімдерді) ұсынудың соңғы мерзімі өткенге дейін өзінің тендерлік өтінімін және/немесе Шарттың мерзімін ұзартуға арналған өтінімді өзгерте немесе кері қайтарып ала алады. Өзгерту өтінімнің өзі сияқты дайындалуы, салынуы және ұсынылуы тиіс. Мұндай өзгерту немесе қайтып алу туралы хабарлама, егер оны тендерді ұйымдастырушы (Комиссия) тендерлік өтінімдерді (Шартты ұзартуға арналған өтінімдерді) ұсынудың соңғы мерзімдері өткенге дейін алса, жарамды болып табылады.
      17. Тендерлік өтінімдерді тапсырудың соңғы мерзімдері өткеннен кейін өтінімдерге ешқандай өзгертулер енгізілмеуі тиіс.

4. Тендерді өткізуді ұйымдастыру

      18. Әлеуметтік мәні бар облысаралық қатынастарды айқындау туралы» Қазақстан Республикасы Үкіметінің 2004 жылғы 11 қарашадағы № 1185 қаулысымен бекітілген қолданыстағы шарттарды мерзімінен бұрын бұзу немесе жаңа бағытты әлеуметтік мәні бар деп тану жағдайларын қоспағанда, тендер және/немесе Шарттың мерзімін ұзарту жылына 1 рет өткізіледі.
      19. Шартты мерзімінен бұрын бұзған жағдайда, осы Қағидаға 7-қосымшаға сәйкес нысан бойынша жасалған Шарт жасасу жолымен бұрын аталған маршрутта қызмет көрсеткен қызметкерлерді (жолсеріктер және пойыз басшылары) міндетті түрде пайдалана отырып, тиісті кезеңге бөлінген субсидиялар сомасынан аспайтын сома шегінде тасымалдауды одан әрі ұйымдастыруды жыл соңына дейін тасымалдаушыны айқындағанға дейін Жолаушыларды ұлттық тасымалдаушыға беруге рұқсат етіледі.
      Шартты бұзған жағдайда, тасымалдаушыға шарттық міндеттемелерді орындау кезеңіне және көлеміне барабар сома төленеді.
      Ескерту. 19-тармақ жаңа редакцияда - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).
      20. Уәкілетті орган тендерді өткізу туралы шешім қабылдағаннан кейін бұқаралық ақпарат құралдары арқылы тиісті хабарландыру беріледі және тендерге қойылатын әлеуметтік мәні бар облысаралық қатынастар бағыттарының тізбесі анықталады. Хабарландыру тендер өткізілгенге дейін күнтізбелік 15 күннен және тендер қайта өткізілген жағдайда күнтізбелік 7 күннен кешіктірілмей беріледі.
      21. Тендерді өткізу туралы хабарланғаннан кейін тендерге қатысуға тілек білдірген әлеуетті тасымалдаушылар осы Қағиданың 10-тармағында аталған құжаттарды қоса бере отырып, уәкілетті органның атына тендерлік өтінімдерді ұсынады.
      22. Тендерге қатысуға өтінімдерді қабылдау тіркеу журналына өтінімдерді (тігілген, нөмірленген, комиссия хатшысы қол қойған және мөрмен бекітілген) енгізу жолымен жүзеге асырылады және тендерді өткізу күніне дейін бір жұмыс күн ішінде аяқталады, ал Шарттың мерзімін ұзарту туралы шешім қабылдау үшін Шарт қолдану мерзімі аяқталғанға дейін күнтізбелік отыз бес күн ішінде аяқталады.

5. Тендерді өткізу, тендерлік ұсыныстарға баға беру және жеңімпаз(дар)ды анықтау тәртібі

      23. Комиссия тендерлік өтінімдер салынған конверттерді қатысушылар немесе олардың уәкілеттіктері комиссияның отырысына қатысуға құқық беретін сенімхатпен расталған уәкілетті өкілдерінің қатысуымен ашады.
      24. Тендерлік өтінімдер салынған конверттерді ашқан кезде комиссия қатысып отырған адамдарға конкурсқа қатысатын әлеуетті тасымалдаушылардың атауы мен тұратын жерін, олар ұсынған бағаларды, тендерлік өтінімді құрайтын құжаттардың болуы немесе болмауы туралы ақпаратты хабарлайды.
      Конкурсқа қатысуға арналған өтінімдер салынған конверттерді ашқан күннен кейінгі бір жұмыс күнінен кешіктірмей комиссия тиісті хаттаманы жасайды және қол қояды.
      25. Өтінімдер салынған конверттерді ашу хаттамасына конверттерді ашу рәсіміне қатысқандар, комиссия мүшелері, сондай-ақ комиссия хатшысы қол қояды.
      Уәкілетті орган өтінімдер салынған конверттерді ашқан күннен кейінгі бес жұмыс күнінен кешіктірмей:
      1) әлеуетті тасымалдаушыларға немесе олардың уәкілетті өкілдеріне өтінімдер салынған конверттерді ашу хаттамасының көшірмесін жолдайды немесе ұсынады;
      2) өтінімдер салынған конверттерді ашу хаттамасының қол қойылған мәтінін уәкілетті органның интернет-ресурсында жариялайды. Өтінімдер салынған конверттерді ашу хаттамасында бар және уәкілетті органның интернет-ресурсында орналастырылған мәліметтер ақы өндіріп алмай барлық мүдделі адамдар танысу үшін қол жетімді болуы тиіс.
      26. Конкурсқа қатысуға өтінімдер салынған конверттерді ашу рәсімі кезінде болмаған әлеуетті тасымалдаушыларға олардың жазбаша сұрау салуы бойынша немесе олардың уәкілетті өкілдерінің жазбаша сұрау салуы бойынша уәкілетті органның осындай сұрау салуды алған күнінен бастап бес жұмыс күнінен кешіктірмей конверттерді ашу хаттамасының көшірмесі ұсынылады.
      27. Комиссия тендерге қатысу үшін қарауға қабылданған тендерлік өтінімдерді бағалайды және салыстырады, және қызметтердің сапалы сипаттамалары мен маршруттар бойынша қажетті субсидияларының ұсынылған көлемін есепке ала отырып, тендерде жеңіске жеткен тасымалдаушыны (тасымалдаушыларды) анықтайды.
      28. Өтінімдерді қарау, бағалау және салыстыру кезінде комиссия әлеуетті жеткізушілердің өтінімдеріндегі мәліметтерді нақтылау мақсатында тендерлік өтінімдерді қарауды, бағалауды және салыстыруды жеңілдету үшін әлеуетті жеткізушілерден олардың өтінімдеріне байланысты түсіндірмелер сұратуы мүмкін. Комиссия қажетті ақпаратты тиісті мемлекеттік органдардан, жеке және заңды тұлғаларданда сұратуы мүмкін.
      Конкурстық құжаттаманың (осы Қағиданың) талаптарына сәйкес келмейтін тендерлік өтінімді (Шарттың мерзімін ұзартуға арналған өтінімді) осы талаптарға сәйкес келтіру үшін сауалдар, ұсыныстар немесе рұқсаттар жасауға жол берілмейді.
      29. Комиссия, егер:
      1) осы тендерлік өтінімді ұсынған әлеуетті тасымалдаушы осы Қағиданың 10-тармағының талаптарына сәйкес келмесе;
      2) тендерге қатысуға жіберілген әлеуетті тасымалдаушының тендерлік өтінімінің бағасы әлеуметтік мәні бар облысаралық қатынасты субсидиялауға бөлінген сомадан асып түссе тендерлік;
      3) әлеуетті тасымалдаушы осы Қағиданың 43-тармағының талабын орындамаса;
      4) тендерге қатысуға жіберілген әлеуетті тасымалдаушы тендерлік өтінімге демпингтік баға қолданса (тасымалдаушылар мәлімдеген субсидиялар сомасы бағытқа уәкілетті орган белгілеген субсидиялар көлемінен 10 %-ға аз соманы құрайды) өтінімді қайтарады.
      Ескерту. 29-тармаққа өзгеріс енгізілді - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.
      30. Егер тендерге қойылатын бір лот бойынша тендердің шарттарына жауап беретін және осы Қағидаға сәйкес тендерге қатысу құжаттарын тендерге тапсырған кемінде екі қатысушы өтінім берген болса, тендер өткізілді деп танылады.
      31. Комиссияның шешімі ашық дауыс беру арқылы қабылданады және комиссия мүшелерінің жалпы санының көпшілігі дауыс берсе, қабылданды деп есептеледі. Дауыстар тең болған жағдайда қабылданған болып комиссия төрағасы дауыс берген шешім есептеледі. Дауыс беру рәсіміне комиссия мүшелерінің жалпы санының кемінде үштен екісі қатысқан кезде комиссияның шешімі заңды деп танылады.
      Конкурсты өткізу кезінде комиссияның кез келген мүшесінің және хатшысының болмауына дәлелді себептер болған кезде осы фактіні растайтын құжатты ұсынғанда жол беріледі.
      32. Комиссия тендердің қорытындылары туралы хаттаманы ресімдей отырып, конверттер ашылған күннен бастап 10 жұмыс күнінен аспайтын мерзімде тендердің қорытындыларын шығарады, оған комиссияның мүшелері мен комиссия хатшысы қолдарын қояды.
      Уәкілетті орган тендер қорытындылары туралы хаттамаға қол қойылған күннен кейінгі бес жұмыс күнінен кешіктірмей:
      әлеуетті тасымалдаушыларға тендердің қорытындылары туралы хаттаманың көшірмесін жібереді;
      тендердің корытындылары туралы қол қойылған хаттама мәтінін уәкілетті органның интернет-ресурсында жариялайды. Тендердің қорытындылары туралы хаттамада бар және уәкілетті органның интернет-ресурсында орналастырылған мәліметтер ақы өндіріп алмай барлық мүдделі адамдар танысу үшін қол жетімді болуы тиіс.
      33. Субсидиялардың ең аз көлемін ұсынатын және уәкілетті орган белгілеген міндетті қызметтердің тізбесімен тіркемелі және тікелей қатынайтын вагондарды есепке ала отырып, әлеуметтік мәні бар қатынастарда үздіксіз жүзеге асыруды қамтамасыз етуге міндеттенетін тасымалдаушы жеңімпаз болып танылады.
      34. Комиссия тендердің қорытындыларын шығару кезінде әрбір маршруттағы тендердің жеңімпазынан басқа, әрбір маршрутта ұсыныстары неғұрлым ыңғайлы болған әлеуетті қатысушыны анықтайды.
      35. Тендердің қорытындылары туралы хаттамаға қол қойылған күннен бастап бес жұмыс күні ішінде тендердің жеңімпазы мен уәкілетті орган арасында осы Қағидаға 7-қосымшаға сәйкес нысан бойынша Шарт жасалады.
      36. Әлеуетті тасымалдаушының тендерге қатысуға берген өтінімдері тендердің қорытындылары туралы хаттамаға комиссияның барлық мүшелері қол қойғаннан кейін күнтізбелік 10 күн өткенге дейін жарамды.
      37. Жеңімпаз шарт жасаудан бас тартқан кезде, уәкілетті орган жеңімпаздың ұсынысынан кейін ұсынысы неғұрлым қолайлы болып табылатын тендердің басқа қатысушысымен Шарт жасайды. Бұл ретте тендердің ұйымдастырушысы тендерге қатысуға өтінімді қамтамасыз ету сомасын тендер жеңімпазы анықтаған әлеуетті тасымалдаушыға қайтармайды.
      38. Тендерге қатысушының (қатысушылардың) тендерлік ұсыныстары жеңімпаздың ұсыныстарынан кейін ең жақсы деп танылған тендердің қатысушы (қатысушылар) уәкілетті органмен шарт жасасудан бас тартқан жағдайда, тендер өтпеді деп танылады.
      39. Егер комиссия тендерді өтпеді деп таныған жағдайда, комиссия:
      1) қайта тендер өткізу туралы;
      2) тендерге қатысуға бір ғана әлеуетті тасымалдаушы жіберілген жағдайда онымен Шарт жасау туралы шешімдердің бірін қабылдайды. Жасалған Шарттың бағасы бөлінген субсидиялар сомасынан аспауы тиіс.
      40. Егер қайтадан өткізілген тендердің нәтижелері бойынша жеңімпаз айқындалмаған болса, онда бұрын аталған маршрутта қызмет көрсеткен қызметкерлерді (жолсеріктер және пойыз бастықтары) жұмысқа орналастырып, тиісті жылға бөлінген субсидиялар сомасынан аспайтын сома шегінде Жолаушыларды ұлттық тасымалдаушымен шарт жасасуға рұқсат етіледі.
      Ескерту. 40-тармақ жаңа редакцияда - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).
      41. Егер Қазақстан Республикасының заңнамалық актілерінде белгіленген мерзімдерде тиісті жылға арналған Қазақстан Республикасының республикалық бюджет туралы заңы қабылданбаса немесе тасымалдаушы анықталмаса темір жол көлігімен жолаушылар тасымалын үздіксіз қамтамасыз ету мақсатында уәкілетті орган Шарттың қолдану мерзімі осы Шарт бойынша ағымдағы жылдың бірінші тоқсанында бөлінген қаражат көлемінен аспайтын көлемде ұзартуы мүмкін, бірақ келесі жылдың бір тоқсанынан көп емес.

6. Тендерге қатысуға өтінімді қамтамасыз ету

      42. Әлеуетті тасымалдаушы тендерге қатысуға өтінімді қамтамасыз етуді, егер ол тендер жеңімпазы болып жарияланған жағдайда, конкурстық құжаттамада көзделген шартты жасауға кепіл ретінде енгізеді.
      43. Тендерге қатысуға өтінімді қамтамасыз ету әлеуетті тасымалдаушы ұсынатын тендерлік өтінім сомасының 3% мөлшерінде енгізіледі.
      44. Әлеуетті тасымалдаушы тендерге қатысуға өтінімді қамтамасыз етудің мынадай түрлерінің біреуін таңдайды:
      1) бұқаралық ақпарат құралдары арқылы жарияланған тендерді ұйымдастырушының банктік шотына аударылатын кепілдік ақша жарнасы;
      2) осы Қағидаға 8-қосымшаға сәйкес нысан бойынша жасалған банктік кепілдеме.
      Әлеуетті тасымалдаушыға үшінші адамдардың оның тендерге қатысуға өтінімінің қолданылу мерзімінің аяқталуына дейін енгізілген кепілдік ақша жарнасының тұтастай немесе бөлігін талап ету құқығының туындауына әкелетін іс-қимылдарға жол берілмейді.
      45. Тендердің ұйымдастырушысы әлеуетті тасымалдаушыға тендерге қатысуға өтінімді қамтамасыз етуді мынадай жағдайлардың бірі болған күннен бастап 5 (бес) банктік күн ішінде қайтарады:
      1) тендерге қатысуға беретін өтінімдерді ұсынудың соңғы мерзімі аяқталғанға дейін аталған әлеуетті тасымалдаушының тендерге қатысуға берген өз өтінімін кері қайтарып алу;
      2) Шартқа қол қою;
      3) әлеуетті тасымалдаушының тендерге қатысуға берген өтінімінің қолданылу мерзімінің аяқталуы.

7. Шарттың мерзімін ұзарту

      46. Жолаушылар тасымалын үздіксіз қамтамасыз ету мақсатында Шарттың мерзімін ұзарту туралы комиссия шешімінің негізінде Шарттың мерзімін 1 жылдан аспайтын мерзімге және 3 реттен асырмай ұзартуға рұқсат етіледі. Бұл ретте мерзімі ұзартылған Шарт субсидияларының сомасы тиісті жылға бөлінген субсидиялардың сомасынан аспауы тиіс.
      47. Уәкілетті орган осы Қағиданың 1-қосымшасына сәйкес тиісті жылға әлеуметтік мәні бар қатынастар бойынша жолаушылар тасымалдарын жүзеге асырудың негізгі талаптарын бекітеді және қолданыстағы шарттардың қолданылу мерзімдері аяқталғанға дейін күнтізбелік 40 күн бұрын тасымалдаушыға ұсынады.
      48. Шарттың мерзімін ұзарту мәселесін қарау үшін тасымалдаушы Шарттың қолданылу мерзімінің аяқталуына дейін күнтізбелік 35 күн қалғанда уәкілетті органның мекенжайына Шарттың мерзімін ұзартуға өтінімді осы Қағидаға 9 және 10-қосымшаларға сәйкес осы Қағиданың 11-тармағының 2),3) және 5)-7) тармақшаларында көрсетілген құжаттарды қоса ұсынады.
      49. Комиссия ұсынылған өтінім осы Қағиданың 48-тармағына сәйкес келмесе Өтінімді кері қайтарады.
      50. Комиссия үш жұмыс күні ішінде тиісті хаттаманы ресімдей отырып, тасымалдаушылардың Шарттар мерзімін ұзартуға арналған өтінімдерін қарау қорытындыларын жасайды.
      51. Шарттың мерзімін ұзарту мынадай жағдайларда жүзеге асырылады:
      1) тасымалдаушының осы Қағиданың 10-тармағында анықталған талаптарға сәйкес болуы;
      2) қолданыстағы Шарт бойынша міндеттемелердің тиісті түрде орындалуы.
      52. Комиссия тасымалдаушымен Шарттың мерзімін ұзарту туралы шешім қабылдаған жағдайда тасымалдаушы мен уәкілетті орган арасында үш жұмыс күні ішінде тиісті қосымша келісім жасалады.

8. Ерекше жағдайлар

      53. Темір жол көлігімен жолаушылар тасымалын үздіксіз және қауіпсіз қамтамасыз ету мақсатында тасымалдаушы магистральдық темір жол желісі, локомотивтік тартқыш, жолаушылар вагондарын жалға беру, техникалық қызмет көрсету және отынмен және сумен жабдықтау, вокзал қызметтерін ұсыну бойынша қызметтерді ұсынуға реттелетін нарықтар субъектілерінің талаптары мен бағаларында шарттар жасасады және Шартты жасасқаннан немесе мерзімін ұзартқаннан кейін күнтізбелік 60 күн ішінде уәкілетті органға шарттардың көшірмелерін ұсынады.
      54. Уәкілетті орган тасымалдаушымен Шартты мынадай:
      1) тасымалдаушы уәкілетті орган алдындағы өзінің шарттық міндеттемелерін тиісті түрде орындамаған;
      2) осы Қағиданың 53-тармағын орындамаған;
      3) ақша қаражатының орынсыз пайдаланылуын анықтамаған жағдайларда біржақты тәртіпте бұзады.

"Залалдары бюджет қаражаты 
есебінен субсидиялауға жататын
әлеуметтік мәні бар облысаралық
қатынастар бойынша темір    
жолда жолаушылар       
тасымалдауды жүзеге асыратын
тасымалдаушыларды айқындау  
жөніндегі ашық тендер негізінде
конкурс өткізу қағидасына    
1-қосымша"          

20__жылғы Әлеуметтік маңызды қатынастарда жолаушылар тасымалын жүзеге асырудағы негізгі жағдайлар тендерге қойылған немесе әлеуметтік маңызды қатынастардағы маршруттар бойынша шарттарды ұзарту

кестенің жалғасы 

Залалдары бюджет қаражаты есебінен  
субсидиялауға жататын әлеуметтік   
мәні бар облысаралық қатынастар   
бойынша темір жолда жолаушылар   
тасымалдауды жүзеге асыратын    
тасымалдаушыларды айқындау жөніндегі
ашық тендер негізінде конкурс    
өткізу қағидасына         
2-қосымша              

Қазақстан Республикасы
Көлік және коммуникация
министрлігі

ӨТІНІШ
(заңды тұлға үшін)

      Ескерту. 2-қосымшаға өзгеріс енгізілді - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

Залалдары республикалық бюджет қаражаты есебінен субсидиялауға жататын___________________ маршруты бойынша әлеуметтік мәні бар
       (маршруттың атауы)
облысаралық қатынастар бойынша темір жолда жолаушылар тасымалдауды жүзеге асыратын тасымалдаушыларды айқындау жөніндегі ашық тендер негізінде конкурсқа қатысу үшін рұқсат беруіңізді сұраймын

Тасымалдаушы туралы мәліметтер:

1. Меншік нысаны________________________________________________
2. Құрылған жылы________________________________________________
3. Заңды тұлға үшін – заңды тұлғаны мемлекеттік тіркеу (қайта тіркеу) туралы куәлік* немесе анықтама
_____________________________________________________________________
                   (нөмірі, кім және қашан берген)

      Ескертпе: *«Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар
мен өкілдіктерді есептік тіркеу мәселелері бойынша
өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болып табылады.
      4. Жеке сәйкестендіру нөмірі, бизнес-сәйкестендіру нөмірі
___________________________________________________________________
5. Банктік деректемелер_________________________________________
                   (ЖСК, БСК, банктің атауы және орналасқан жері)
6. Заңды мекенжайы және өзге деректемелері______________________
________________________________________________________________
        (почталық мекенжайы, телефоны, телефаксы, телексі)
7.______________________________________________________________
           (Ұйымның бірінші басшысының Т.А.Ә.)
8. Қоса берілетін құжаттар:
1)______________________________________________________________
2)______________________________________________________________
3)______________________________________________________________

Ұйымның басшысы: Т.А.Ә., қолы, күні

Залалдары бюджет қаражаты есебінен
субсидиялауға жататын әлеуметтік
мәні бар облысаралық қатынастар 
бойынша темір жолда жолаушылар 
тасымалдауды жүзеге асыратын   
тасымалдаушыларды айқындау жөніндегі
ашық тендер негізінде      
конкурс өткізу қағидасына    
3-қосымша           

Қазақстан Республикасы
Көлік және коммуникация
министрлігі

ӨТІНІШ
(жеке тұлға үшін)

      Ескерту. 3-қосымшаға өзгеріс енгізілді - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

Залалдары республикалық бюджет қаражаты есебінен субсидиялауға жататын____________________маршруты бойынша әлеуметтік мәні бар
        (маршруттың атауы)
облысаралық қатынастар бойынша темір жолда жолаушылар тасымалдауды жүзеге асыратын тасымалдаушыларды айқындау жөніндегі ашық тендер негізінде конкурсқа конкурсқа қатысу үшін рұқсат беруіңізді сұраймын

Тасымалдаушы туралы мәліметтер:

1. Жеке тұлғаны куәландыратын құжат______________________________
_________________________________________________________________
              (нөмірі, кім және қашан берілген)
2. Жеке сәйкестендіру нөмірі, бизнес-сәйкестендіру нөмірі
___________________________________________________________________
3. Банктік деректемелер__________________________________________
_________________________________________________________________
           (ЖСК, банктің атауы және орналасқан жері)
4. Мекенжайы және басқа деректемелері _______________________
_____________________________________________________________
      (пошталық мекенжайы, телефоны, телефаксы, телексі)
5. Қоса берілетін құжаттар:
1)________________________________________________________________
2)________________________________________________________________
3)________________________________________________________________

Т.А.Ә., қолы, күні

Залалдары бюджет қаражаты есебінен
субсидиялауға жататын әлеуметтік
мәні бар облысаралық қатынастар 
бойынша темір жолда жолаушылар  
тасымалдауды жүзеге асыратын   
тасымалдаушыларды айқындау жөніндегі
ашық тендер негізінде      
конкурс өткізу қағидасына   
4-қосымша            

Жылжымалы құрамның мүкәммал паркі туралы мәліметтер

Залалдары бюджет қаражаты есебінен
субсидиялауға жататын әлеуметтік
мәні бар облысаралық қатынастар 
бойынша темір жолда жолаушылар  
тасымалдауды жүзеге асыратын   
тасымалдаушыларды айқындау жөніндегі
ашық тендер негізінде      
конкурс өткізу қағидасына    
5-қосымша          

20__жылға әлеуметтік мәні бар қатынастарда тендерге қойылған маршруттар бойынша жолаушылар тасымалдарын ұйымдастырудың шарттары мен талаптарын қамтамасыз ету жөніндегі тендерлік ұсыныстар

      Поезда ұсынылатын сервис және вагондардың жайлылығының деңгейі туралы мәліметтер

      Субсидиялау көлемі жөніндегі деректер қоса берілген жолаушылар тасымалдарын ұйымдастыру жөніндегі экономикалық көрсеткіштерге және есептеулерге сәйкес орындалған.

      Қосымша:
      1)__________;
      2)__________;
      3)__________;

      Тасымалдаушы:

      Басшы ___________   Бас бухгалтер ___________
           Ж.А.Ә. қолы                Ж.А.Ә. Қолы

      м.о.                       күні

жалғасы

Залалдары бюджет қаражаты есебінен
субсидиялауға жататын әлеуметтік
мәні бар облысаралық қатынастар 
бойынша темір жолда жолаушылар  
тасымалдауды жүзеге асыратын   
тасымалдаушыларды айқындау жөніндегі
ашық тендер негізінде      
конкурс өткізу қағидасына    
6-қосымша            

Поезд бригадалары қызметкерлерінің жеке штатының болуы туралы мәлімет

Залалдары бюджет қаражаты есебінен
субсидиялауға жататын әлеуметтік 
мәні бар облысаралық қатынастар  
бойынша темір жолда жолаушылар  
тасымалдауды жүзеге асыратын    
тасымалдаушыларды айқындау жөніндегі
ашық тендер негізінде      
конкурс өткізу қағидасына    
7-қосымша             

Әлеуметтік мәні бар облысаралық қатынастар бойынша жолаушылар тасымалдарын жүзеге асыруға байланысты тасымалдаушылардың залалдарын субсидиялау туралы шарт

      Бұдан әрі «Тараптар» деп аталатын Қазақстан Республикасы Көлік және коммуникация министрлігінің атынан бұдан әрі «Тапсырыс беруші» деп аталатын Қазақстан Республикасы Көлік және коммуникация министрлігі туралы ереженің негізінде іс-қимыл жасайтын
__________________________бір жағынан және Жарғының негізінде іс-қимыл жасайтын,__________________________________________________
________________________________________________________________атына
         (ұйымның-тендердің жеңімпазының толық атауы)
      бұдан әрі «Орындаушы» деп аталатын басшысы ___________________________________атынан,
(тегі, аты, әкесінің аты)
      екінші жағынан шығындары республикалық бюджеттен субсидиялауға жататын әлеуметтік мәні бар облысаралық қатынастар бойынша темір жолмен жолаушылар тасымалдарын жүзеге асыратын тасымалдаушыларды ашық тендер негізінде анықтау жөніндегі конкурстың қорытындылары туралы 201_жылғы «___»______№_____ хаттаманың негізінде төмендегілер туралы осы шартты (бұдан әрі – Шарт) жасасты.
      Ескерту. Кіріспе жаңа редакцияда - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.

1. ШАРТТЫҢ МӘНІ

      1.1. Орындаушы әлеуметтік мәні бар қатынастардың (бұдан әрі – қатынастар) маршруттары бойынша темір жолмен тұрақты жолаушылар тасымалдарын жүзеге асырады.
      1.2. Тапсырыс беруші №__«_____________________________» республикалық бюджет бағдарламасы бойынша «20__ жылға арналған республикалық бюджет туралы» Қазақстан Республикасының Заңында көзделген сома шегінде орындаушының қатынастар бойынша жолаушылар тасымалын жүзеге асыруға байланысты шығындарын субсидиялауды (бұдан әрі – субсидиялау) жүзеге асырады.
      1.3. Поездардың тізбесі, қатынау кезеңділігі және бұл поездардың субсидияланатын бөлігінің құрамдылығы осы Шарттың ажырамас бөлігі болып табылатын, осы Шарттың 1-қосымшасына сәйкес белгіленеді.
      1.4. Жолаушыларды отырғызуды және түсіруді жүзеге асыратын станциялардың тізбесі, осы шарттың ажырамас бөлігі болып табылатын осы Шарттың 2-қосымшасына сәйкес белгіленеді.

2. ТАРАПТАРДЫҢ МІНДЕТТЕМЕЛЕРІ

      2.1. Тапсырыс беруші Қазақстан Республикасының заңнамасында және осы Шартта белгіленген тәртіпте және мерзімде субсидиялауды жүзеге асыруға міндеттенеді.
      2.2. Орындаушы Қазақстан Республикасының заңнамасына және темір жол көлігі саласындағы нормативтік актілерге сәйкес жолаушылар тасымалын уақтылы және сапалы қамтамасыз ету мақсатында жолаушылар тасымалын жүзеге асыруға міндеттенеді.
      2.3. Шартты орындауға кедергі болатын форс-мажорлық жағдайлар пайда болған жағдайда, орындаушы Тапсырыс берушіні дереу хабардар етуді қамтамасыз етеді.
      2.4. Форс-мажорлық жағдайларды қоспағанда, егер Орындаушы Шартта көзделген мерзімдерде қызметтерді ұсына алмаса, сондай-ақ Орындаушының бастамасы бойынша Шарт бұзылса, Тапсырыс беруші Шарт бағасынан тиісті бағыт шартының жалпы сомасының 20% мөлшеріндегі соманы тұрақсыздық айыбы ретінде шегереді.
      Ескерту. 2.4-тармақ жаңа редакцияда - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.
      2.5. Орындаушы шығындары республикалық бюджеттен субсидиялауға жататын әлеуметтік маңызды қатынастар бойынша темір жолмен жолаушылар тасымалдарына тарифтердің жоғарылауын, қалыптастыру мен айналым пунктінің, қозғалыс кестесінің өзгеруін оларды қолданысқа енгізгенге дейін кемінде он жұмыс күні ішінде Тапсырыс берушімен келісуге міндетті.
      2.6. Алынып тасталды - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.
      2.7 Көліктік бақылау органдары Қазақстан Республикасы Үкіметінің 2011 жылғы 14 шілдедегі № 799 қаулысымен бекітілген Жолаушыларды, багажды және жүк-багажды темір жол көлігімен тасымалдау қағидасында анықталған билетсіз жолаушыларды тасымалдау және/немесе жүкті және жүк-багажын тасымалдау шартын бұзу фактілері анықтаған жағдайда, тапсырыс беруші орындаушыға тексеру актісін ұсынған күнінен бастап күнтізбелік 30 күн ішінде орындаушы әлеуметтік мәні бар облысаралық қатынастар бойынша жолаушылар тасымалдарын жүзеге асыруға байланысты тасымалдаушының залалдарын субсидиялау туралы тиісті жылға арналған шартта тиісті бағыт үшін көрсетілген субсидиялау сомасынан пайыздық арақатынаста шарттық санкцияларды төлеуге міндеттенеді:
      1) 10 билетсіз жолаушыға дейін және/немесе Қағидада айқындалған багажды және жүк-багажды тасымалдау талаптары бұзылуының (бұдан әрі – Қағиданы бұзу) 5 фактісіне дейін – 0,01%;
      2) 20 билетсіз жолаушыға дейін және/немесе Қағиданы бұзудың 10 фактісіне дейін – 0,02%;
      3) 40 билетсіз жолаушыға дейін және/немесе Қағиданы бұзудың 20 фактісіне дейін – 0,03%;
      4) 40-тан астам билетсіз жолаушыға дейін және/немесе Қағиданы бұзудың 20-дан астам фактісіне дейін – 0,05%.
      Ескерту. 2.7-тармақ жаңа редакцияда - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.
      2.8. Орындаушы Тапсырыс берушінің сұрау салуы бойынша ол белгілеген мерзімде қаржылық-шаруашылық қызметке қатысты ақпаратты және есепті ұсынуға міндетті.
      2.9. Тапсырыс беруші осы Шартқа сәйкес бөлінген ақша қаражатын мақсатқа сай пайдалану мониторингін жүргізеді.
      2.10. Орындаушы Тапсырыс беруші мониторинг жүргізуі үшін осы Шарттың 2.9-тармағына сәйкес белгіленген мерзімде ақпарат ұсынуды қамтамасыз етеді.
      2.11. Егер де ақшалай қаражаттың мақсатына сай емес пайдаланылғандығы анықталған жағдайда, сондай-ақ жыл қорытындысы бойынша Шартқа сәйкес поездардың құрамдылығын орындау кезінде жолаушылар тасымалының жоспарланған көлемі орындалмаған жағдайда, Тапсырыс беруші анықталған сомаға пропорционалды түрде қаражат ұстап қалуды қамтамасыз етеді, орындаушы тиісті бағыт бойынша Шарт сомасының 1 %-ы көлеміндегі ақшалай қаражатты қайтарады.
      2.12. Орындаушы Шарт жасасқан сәттен бастап 60 күн ішінде тапсырыс берушіге Ұлттық инфрақұрылым операторымен, локомотивтік тарту операторымен, жолаушылар вагондарын жалға беру, техникалық қызмет көрсету, сумен және отынмен жабдықтау, вокзал қызметтерін ұсыну жөніндегі қызметтерді көрсететін темір жол ұйымдарымен жасалған шарттардың нотариалды куәландырылған көшірмелерін ұсынады.
      Ескерту. 2.12-тармақ жаңа редакцияда - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).
      2.13. Тапсырыс берушімен жол жүру құжаттарын сатуды келісу жағдайларын қоспағанда, орындаушыға осы Шарттың қолданылу мерзімі аяқталғанға дейін 45 күн бұрын жол жүру құжаттарын (билеттерді), оның ішінде жолаушылар агенттіктері арқылы сатуды ұйымдастыруға тыйым салынады.

3. ӨЗАРА ЕСЕП АЙЫРЫСУДЫҢ ТӘРТІБІ

      3.1. Тапсырыс беруші Орындаушы берген жолаушыларды тасымалдаудың болжамдық көрсеткіштерінің негізінде төлемдер бойынша қаржыландыру жоспарына сәйкес субсидиялардың айлық көлемінен 30% (отыз пайыздан) аспайтын көлемде қаңтар айында аванстық төлем жүргізеді.
      3.2. Орындаушы ай сайын, есептік айдан кейінгі айдың 25-іне дейінгі мерзімде, Тапсырыс берушіге Қазақстан Республикасы Үкіметінің 2004 жылғы 11 қарашадағы № 1188 қаулысымен бекітілген Әлеуметтік маңызды қатынастар бойынша жолаушылар тасымалдарын жүзеге асырумен байланысты тасымалдаушының шығындарын субсидиялау ережесіне сәйкес ұйымның басшысымен, бас бухгалтерімен және мөрімен расталған мына құжаттарды беруі тиіс:
      жолаушылар тасымалдарын орындау туралы ай сайынғы есеп және жыл басынан бастап жолаушылар тасымалын орындау туралы есеп;
      орындалған жұмыстардың актісі;
      Ұлттық инфрақұрылым операторының қатынас бойынша орындалған тасымал көлемін растайтын және тасымалданған жолаушылардың, үлгілері бойынша вагондардың саны, жолаушылар айналымы, тіркелмелі және тікелей қатынайтын вагондарды ескере отырып, вагондардың толуы туралы, сондай-ақ аталған пойызда жол жүру құжаттарын сатудан түскен табыстың сомасы туралы мәліметтерді қамтитын құжат;
      есепті айдың бірінші күніне тасымалдаушы мен Ұлттық инфрақұрылым операторы, локомотивтік тарту операторы арасындағы өзара есеп айырысуларды тексеру актісі;
      темір жол жолаушылар тасымалын орындау кезіндегі шығыстар мен табыстар бойынша ай сайынғы есептер;
      тасымалдаушының темір жол көлігімен жолаушылар тасымалын ұйымдастыру бойынша тікелей шығыстарының тізілімі;
      есепке түсіндірме жазба.
      Жол жүру құжаттарын сатудан түскен түсім бойынша тиісті ұйымның өзара есеп айырысудың салыстырып тексеру актісі.
      Ұсынылған құжаттардағы ақпараттың дұрыстығына тасымалдаушы жауапты болады.
      Ескерту. 3.2-тармаққа өзгерістер енгізілді - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі); 11.11.2013 N 1202 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) қаулыларымен.
      3.3. Берілген құжаттармен келіспеген жағдайда Тараптар күнтізбелік отыз күннен аспайтын мерзімде деректерді нақтылауды жүргізеді.
      3.4 Субсидиялардың келесі төлемдерін Тапсырыс беруші жүзеге асырылған және расталған тасымалдар бойынша төлемдер жөніндегі қаржыландыру жоспарына сәйкес ай сайын жүзеге асырады. Төленген аванстық төлемді ұстап қалу желтоқсан айында жүргізіледі.
      Ескерту. 3.4-тармақ жаңа редакцияда - ҚР Үкіметінің 2012.12. N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.
      3.5. Желтоқсан айы үшін төлемді Тапсырыс беруші тасымалдауларды орындаумен байланысты кірістер мен шығыстардың жоспарланатын көлемдерінің негізінде жасалған Орындаушы есебінің негізінде жүзеге асырады. Желтоқсандағы нақты есепті Орындаушы тараптардың келісуі бойынша белгіленген мерзімде және осы Шарттың 3.2-тармағына сәйкес ұсынады.

4. ТАРАПТАРДЫҢ ЖАУАПКЕРШІЛІГІ

      4.1. Тараптар осы Шарт бойынша міндеттемелерді орындамағаны немесе тиісінше орындамағаны үшін Қазақстан Республикасының заңнамасына сәйкес жауапкершілікте болады.
      4.2. Орындаушы Шарттың пойыздардың құрамдылығы және пойыздар қозғалысының кестесіне сәйкес кезеңділігі, тіркелмелі және тікелей қатынайтын вагондардың саны бөлігіндегі талаптарды орындамаған жағдайда Тапсырыс беруші (жыл соңында тиісті ай үшін) жыл бойы орындалмаған тасымалдар көлеміне бара бар соманы субсидия төлемдерінен ұстап қалуды қамтамасыз етеді.
      Ескерту. 4.2-тармақ жаңа редакцияда - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.
      4.3. Орындаушы поездардың құрамдылығы, тіркелмелі және тікелей қатынайтын вагондардың саны бөлігінде Шарттың талаптарын орындамау жағдайында осы Шарттың 3.5-тармағына сәйкес Тапсырыс берушіге төленген субсидияларды кері қайтаруды қамтамасыз етеді.
      4.4. Осы Шарт бойынша өзінің міндеттемелерін бұзған Тарап күнтізбелік үш күннен аспайтын мерзімде ол туралы басқа Тарапты хабардар етуге және бұзушылықты жою үшін өзінің қолынан келгенінің барлығын жасауға міндеттенеді. Өзінің міндеттемелерін бұзушылықты жоймаған жағдайда, кінәлі Тарап осы Шарттың 4.1-тармағына сәйкес жауапты болады.
      4.5. Орындаушы осы Шарттың 3.2-тармағына сәйкес белгіленген мерзімде Шарт талаптарын орындамаған жағдайда, Тапсырыс беруші жылдың қорытындылары бойынша 1/n Шарт сомасынан 0,1 % мөлшерінде әр өткізілген күн үшін тұрақсыздық айыппұлы ретінде ұстап қалуды қамтамасыз етеді, мұнда n – тиісті жылға Шарт бойынша айлардың саны.
      Ескерту. 4.5-тармақ жаңа редакцияда - ҚР Үкіметінің 2012.12.07 N 1560 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.

5. ФОРС-МАЖОРЛЫҚ ЖАҒДАЙЛАР

      5.1. Форс-мажорлық жағдайлар пайда болған жағдайда әр Тарап күнтізбелік үш күннен аспайтын мерзімде ол туралы басқа Тарапты кідіріссіз хабардар етуі тиіс.
      5.2. «Форс-мажорлық» жағдайлар болып табиғи апаттар, Шарттың орындалуына кедергі жасайтын мемлекеттік органдардың іс-әрекеттері, әскери іс-қимылдар, төтенше жағдайды, жұмылдыру іс-шараларын хабарлаулар, ауа-райы мен табиғи жағдайлар және Тараптарға байланыссыз Тараптардың Шарт бойынша өзінің міндеттемелерін орындауына кедергі жасайтын кез келген басқа да жағдайлар.
      5.3. Форс-мажорлық жағдайлар күшінде болып және отыз күнтізбелік уақыт ішінде тоқтамаған жағдайда, Тараптар Шарт бойынша өздерінің одан арғы іс-әрекеттерін жазбаша келіседі.

6. Шарттың қолданылу мерзімі, оны өзгерту және бұзу талаптары, дауларды қарау тәртібі

      6.1. Шарт 20__ жылғы «__» «__» бастап күшіне енеді және 20__ жылғы 31 желтоқсанға дейін қолданылады. Шарттың қолданылу мерзімінің аяқталуы тараптарды өзара есеп айырысу бөлігіндегі міндеттемелерін орындаудан босатпайды.
      6.2. Осы Шартқа тиісті қосымша келісім жасасу жолмен Шарттың мерзімі ұзартылуы мүмкін.
      6.3. Шарт Тараптардың өзара келісімі немесе егер басқа Тарап міндеттемелерін орындамаған жағдайда, Тараптардың бірінің талабы бойынша бұзылуы мүмкін.
      6.4. Шартты орындаудан бір жақты бас тарту немесе Шартты бір жақты бұзу Қазақстан Республикасының азаматтық заңнамасына сәйкес жүзеге асырылады.
      6.5. Шартты уақытынан бұрын бұзған кезде бұзуға бастамашылық жасаған тарап Шартты бұзғанға дейін кем дегенде бір ай бұрын басқа тарапты осы туралы хабардар етуге міндетті.
      6.6. Тараптар пайда болған даулар мен келіспеушіліктерді келіссөздер жолымен, келіспеушіліктерді келіссөздер жолымен шешу мүмкіндігінің болмауы кезінде - Қазақстан Республикасының заңнамасына сәйкес сот тәртібімен шешеді.
      6.7. Осы Шартқа барлық өзгерістер мен толықтырулар Қазақстан Республикасының заңнамасына сәйкес бірдей заңды күші бар және екі Тараптың қолы қойылатын мемлекеттік және (немесе) орыс тіліндегі жазбаша нысанда, екі данада Тараптардың әрқайсысы үшін бір-бірден жасалады.
      Тасымалдардың мезгілділігіне және поездар қозғалысы кестесінің өзгеруіне байланысты, сондай-ақ жолаушылар ағымына байланысты Тараптардың өзара келісімі бойынша қосымша келісім жасау арқылы поездар құрамдылығын, тіркелмелі және тікелей қатынайтын вагондардың санын және қатынау кезеңділігін қайта қарауға рұқсат беріледі.
      6.6. Осы Шарт Астана қаласында 20_ жылғы «__»________ Тараптардың әрқайсысы үшін бір-бір данадан, бірдей заңды күші бар екі данада жасалған.

7. Тараптардың деректемелері және қолдары

      Тапсырыс беруші                    Орындаушы
   _______________________        ________________________
        (толық атауы)                   (толық атауы)
   _______________________        ________________________
         (мекенжайы)                     (мекенжайы)
   _______________________        ________________________
       (телефон, факс)                 (телефон, факс)
              БСН                             БСН
   _______________________        ________________________
        (деректемелер)                 (деректемелер)
   _______________________        ________________________
          (Т.А.Ә.)                        (Т.А.Ә.)
   _______________________        ________________________
           (қолы)                           (қолы)
   «___»________________ ж.       «___»________________ ж.

            м.о.                            м.о.
      Ескерту. 7-тармаққа өзгеріс енгізілді - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

Әлеуметтік мәні бар облысаралық 
қатынастар бойынша жолаушылар  
тасымалдарын жүзеге асыратын  
тасымалдаушылардың залалдарын  
субсидиялау туралы 20__жылғы шартқа
1-қосымша           

Әлеуметтік мәні бар облысаралық қатынастардың тізбесі

      Ескерту. 1-қосымшаға өзгеріс енгізілді - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

      Осы қосымша 20_ж. "___"______№______әлеуметтік мәні бар
      облысаралық қатынастар бойынша жолаушылар тасымалдарын жүзеге
      асыратын тасымалдаушылардың залалдарын субсидиялау туралы
      шарттың ажырамас бөлігі болып табылады.

      Тапсырыс беруші             Орындаушы
      __________________     ____________________
         (толық атауы)           (толық атауы)
      __________________     ____________________
          (мекенжайы)            (мекенжайы)
      __________________     ____________________
      (телефон, факс)       (телефон, факс)
      БСН_______________     БСН_________________
      __________________     ____________________
         (реквизиттері)          (реквизиттері)
      __________________     ____________________
          (Т.А.Ә.)                (Т.А.Ә.)
      __________________     ____________________
            (қолы)                 (қолы)
      "___"___________ж.     "___"___________ж.
            м.о.                    м.о.

жалғасы

Әлеуметтік мәні бар облысаралық 
қатынастар бойынша жолаушылар  
тасымалдарын жүзеге асыратын  
тасымалдаушылардың залалдарын  
субсидиялау туралы 20__жылғы шартқа
2-қосымша           

Жолаушыларды отырғызу және түсіруді жүзеге асыратын станция тізбесі

      Ескерту. 2-қосымшаға өзгеріс енгізілді - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

Осы қосымша 20__ж. "__"_______№_____Әлеуметтік мәні бар
облысаралық қатынастар бойынша жолаушылар тасымалдарын жүзеге
асыратын тасымалдаушылардың залалдарын субсидиялау туралы Шарттың ажырамас бөлігі болып табылады.

Тапсырыс беруші             Орындаушы
__________________     ____________________
   (толық атауы)           (толық атауы)
__________________     ____________________
    (мекенжайы)            (мекенжайы)
__________________     ____________________
   (телефон, факс)       (телефон, факс)
БСН_______________     БСН_________________
__________________     ____________________
   (реквизиттері)          (реквизиттері)
__________________     ____________________
      (Т.А.Ә.)                (Т.А.Ә.)
__________________     ____________________
      (қолы)                   (қолы)
"___"___________ж.     "___"___________ж.
      м.о.                    м.о.

Залалдары бюджет қаражаты есебінен 
субсидиялауға жататын әлеуметтік  
мәні бар облысаралық қатынастар  
бойынша темір жолда жолаушылар   
тасымалдауды жүзеге асыратын     
тасымалдаушыларды айқындау жөніндегі
ашық тендер негізінде        
конкурс өткізу қағидасына      
8-қосымша            

Банктік кепілдік

Банктің атауы
_________________________________________________________________
            (банктің атауы мен деректемелері)
Кімге
_________________________________________________________________
         (конкурсты ұйымдастырушының атауы мен деректемелері)

№_____кепілдік міндеттеме

__________________                         20__ ж. «___»_________
(орналасқан жері)

      Біз _______________________________________________________
                       (тасымалдаушының атауы)
бұдан әрі «Жеткізуші» жалпы сомасы ______________________ теңгеге,
                                          (жазумен)
Қазақстан Республикасы Көлік және коммуникация министрлігі ұйымдастырған залалдары бюджет қаражаты есебінен субсидиялауға жататын әлеуметтік мәні бар облысаралық қатынастар бойынша темір жолда жолаушылар тасымалдауды жүзеге асыратын тасымалдаушыларды ашық тендер негізінде анықтау жөніндегі конкурсына қатысатындығынан хабардармыз.
      Жоғарыда аталған конкурсты өткізу жөніндегі 20__ж. «__»_______ конкурстық құжаттамада әлеуетті жеткізушілердің конкурстық өтінімді қамтамасыз етуді банктік кепілдік түрінде енгізулері көзделген.
      Осыған байланысты, біз__________________осымен өзімізге Сіздің
                              (банктің атауы)
талап етуіңіз бойынша Сіздің төлеуге жазбаша талабыңызды, сондай-ақ Жеткізуші:
      - конкурстық өтінімді ұсынудың түпкілікті мерзімі өткеннен кейін конкурстық өтінімді кері қайтып алғаны немесе өзгерткені;
      - шартқа белгіленген мерзімде қол қоймағаны;
      - субсидиялау туралы шарттың орындалуын қамтамасыз етуді субсидиялау туралы шартқа қол қойғаннан кейін тендерлік құжаттамада көзделген нысанда, көлемде және шарттарда енгізбегендігі жөнінде жазбаша растауды алысымен Сізге тең соманы төлеуге (сомасы санмен және жазумен) қайтарусыз міндеттеме аламыз.
      Осы кепілдік міндеттеме конкурстық өтінімдер бар конверттерді ашқан күннен бастап күшіне енеді.
      Осы кепілдік міндеттеме Тасымалдаушының конкурсқа қатысуға конкурстық өтінімінің қолданылуының соңғы мерзіміне дейін қолданылады және егер Сіздің жазбаша талабыңызды біз аяғына дейін алмасақ, осы құжат бізге қайтарылатындығына немесе қайтарылмайтындығына қарамастан, толық және автоматты түрде күшін жояды. Егер конкурстық өтінімнің қолданылу мерзімі ұзартылған болса, онда бұл кепілдік міндеттеме сондай мерзімге ұзартылады.
      Осы кепілдік міндеттемесіне байланысты туындайтын барлық құқықтар мен міндеттер Қазақстан Республикасының заңнамасымен реттеледі.

Кепілгердің қолы мен мөрі              Күні мен мекенжайы

(банктің (банктің филиалының) бірінші
басшысы немесе оның орынбасары және
банктің бас бухгалтері тұлғасында)

Залалдары бюджет қаражаты есебінен  
субсидиялауға жататын әлеуметтік   
мәні бар облысаралық қатынастар   
бойынша темір жолда жолаушылар   
тасымалдауды жүзеге асыратын    
тасымалдаушыларды айқындау жөніндегі
ашық тендер негізінде        
конкурс өткізу қағидасына       
9-қосымша               

Өтініш
(заңды тұлға үшін)

      Ескерту. 9-қосымшаға өзгеріс енгізілді - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

      Сізден №___ ____ жылғы ____________________ маршруты бойынша
                              (маршруттың атауы)
шарттың мерзімін ұзартуыңызды өтінемін.

      Тасымалдаушы туралы мәлімет:
      1. Меншік нысаны___________________________________________
      2. Құрылған жылы___________________________________________
      3. Заңды тұлға үшін – заңды тұлғаны мемлекеттік тіркеу (қайта тіркеу) туралы куәлік* немесе анықтама
_____________________________________________________________________
                    (нөмірі, кім және қашан берген)
      Ескертпе: *«Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болып табылады.
      4. Жеке сәйкестендіру нөмірі, бизнес-сәйкестендіру нөмірі
___________________________________________________________________
      5. Банктік деректемелер____________________________________
                (ИИК, БСК, банктің атауы және орналасқан мекенжайы)
      6. Заңды мекенжайы және басқа деректемелері
      ___________________________________________________________
            (пошталық мекенжайы, телефон, телефакс, телекс)
      7._________________________________________________________
                    (ұйымның бірінші басшысының Т.А.Ә.)
      8. Қоса берілген құжаттар:
      1) ____________________
      2) ____________________
      3) ____________________

      Ұйымның басшысы: Т.А.Ә., қолы, күні.

Залалдары бюджет қаражаты есебінен
субсидиялауға жататын әлеуметтік
мәні бар облысаралық қатынастар 
бойынша темір жолда жолаушылар 
тасымалдауды жүзеге асыратын   
тасымалдаушыларды айқындау жөніндегі
ашық тендер негізінде      
конкурс өткізу қағидасына    
10-қосымша           

Өтініш
(жеке тұлға үшін)

      Ескерту. 10-қосымшаға өзгеріс енгізілді - ҚР Үкіметінің 11.11.2013 N 1202 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

      Сізден №____ _____ жылғы __________________ маршруты бойынша
                               (маршруттың атауы)
шарттың мерзімін ұзартуыңызды өтінемін.

      Тасымалдаушы туралы мәлімет:
      1. Жеке тұлғаны растайтын құжат____________________________
                                   (нөмірі, кім және қашан берген)
      2. Жеке сәйкестендіру нөмірі, бизнес-сәйкестендіру нөмірі
___________________________________________________________________
      3. Банктік деректемелер____________________________________
                             (ИИК, банктің атауы және мекенжайы)
      4. Мекен-жайы және басқа деректемелері_____________________
      ___________________________________________________________
           (пошталық мекен-жайы, телефон, телефакс, телекс)
      5. Қоса берілген құжаттар:
      1) _____________________
      2) _____________________
      3) _____________________

      Т.А.Ә., қолы, күні.