Қазақстан Республикасының Үкіметі ҚАУЛЫ ЕТЕДІ:
      1. «Қарағанды облысы Табиғи ресурстар және табиғат пайдалануды реттеу басқармасының «Бұйратау» мемлекеттік табиғи паркі» мемлекеттік мекемесі Қарағанды облысы әкімдігінің коммуналдық меншігіндегі мүліктік кешен ретінде заңнамада белгіленген тәртіппен республикалық меншікке қабылданып, Қазақстан Республикасы Ауыл шаруашылығы министрлігі Орман және аңшылық шаруашылығы комитетінің қарамағына берілсін.
      2. Қарағанды облысының әкімдігі Қазақстан Республикасы Қаржы министрлігінің Мемлекеттік мүлік және жекешелендіру комитетімен және Қазақстан Республикасы Ауыл шаруашылығы министрлігінің Орман және аңшылық шаруашылығы комитетімен бірлесіп, заңнамада белгіленген тәртіппен осы қаулының 1-тармағын іске асыру жөніндегі қажетті іс-шараларды жүзеге асырсын.
      3. «Қарағанды облысы Табиғи ресурстар және табиғат пайдалануды реттеу басқармасының «Бұйратау» мемлекеттік табиғи паркі» мемлекеттік мекемесінің, республикалық маңызы бар Белодым және Ерейментау мемлекеттік табиғи қаумалдарының базасында «Қазақстан Республикасы Ауыл шаруашылығы министрлігі Орман және аңшылық шаруашылығы комитетінің «Бұйратау» мемлекеттік ұлттық табиғи паркі» мемлекеттік мекемесі (бұдан әрі - Мекеме) құрылсын.
      4. Жалпы алаңы 19209,9 гектар, оның ішінде Қарағанды облысы Табиғи ресурстар және табиғат пайдалануды реттеу басқармасының «Теміртау ормандар мен жануарлар дүниесін қорғау жөніндегі шаруашылығы» мемлекеттік мекемесінің 7341,9 гектар және Ақмола облысы Табиғи ресурстар және табиғат пайдалануды реттеу басқармасының «Ерейментау орман шаруашылығы мемлекеттік мекемесі» мемлекеттік мекемесінің 11868 гектар жер учаскелері орман қоры жерлерінің санатынан алынсын.
      5. Осы қаулының 4-тармағында көрсетілген жер учаскелері және жалпы алаңы 69758,1 гектар, оның ішінде Қарағанды облысы Осакаров ауданының аумағындағы алаңы 20812,1 гектар және Ақмола облысы Ерейментау ауданының аумағындағы алаңы 48946 гектар босалқы жерлер заңнамада белгіленген тәртіппен осы қаулыға қосымшаға сәйкес Мекемеге тұрақты жер пайдалануға берілсін.
      6. Осы қаулының 5-тармағында көрсетілген Мекеменің жер учаскелері орман қоры жерлері, босалқы жерлер санатынан ерекше қорғалатын табиғи аумақтар жерлерінің санатына ауыстырылсын, ал осы аумақтағы ормандар «мемлекеттік ұлттық табиғи парктер ормандары» мемлекеттік орман қоры санатына жатқызылсын.
      7. Қарағанды және Ақмола облыстарының әкімдіктері заңнамада белгіленген тәртіппен Мекеме жерлері төңірегінде күзет аймағын белгілеп, онда осы аймақ шегінде экологиялық жүйелердің жай-күйіне және оларды қалпына келтіруге келеңсіз әсер ететін кез келген қызметке тыйым салсын және (немесе) шектесін.
      8. Мекемені қаржыландыру республикалық бюджетте ерекше қорғалатын табиғи аумақтарды ұстауға көзделетін сома есебінен және шегінде республикалық бюджеттен жүзеге асырылатын болып белгіленсін.
      9. Қазақстан Республикасы Үкіметінің кейбір шешімдеріне мынадай толықтырулар мен өзгерістер енгізілсін:
      1) «Қазақстан Республикасы Ауыл шаруашылығы министрлігінің кейбір мәселелері» туралы Қазақстан Республикасы Үкіметінің 2005 жылғы 6 сәуірдегі № 310 қаулысында (Қазақстан Республикасының ПҮАЖ-ы, 2005 ж., № 14, 168-құжат):
      көрсетілген қаулымен бекітілген Қазақстан Республикасы Ауыл шаруашылығы министрлігі Орман және аңшылық шаруашылығы комитетінің қарамағындағы ұйымдардың тізбесі:
      мынадай мазмұндағы реттік нөмірі 21-4-жолмен толықтырылсын:
      «21-4. «Бұйратау» мемлекеттік ұлттық табиғи паркі» мемлекеттік мекемесі»;
      2) күші жойылды - ҚР Үкіметінің 04.09.2015 № 745 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      3) «Министрліктер мен өзге де орталық атқарушы органдардың олардың аумақтық органдарындағы және оларға ведомстволық бағыныстағы мемлекеттік мекемелердегі адам санын ескере отырып, штат санының лимиттерін бекіту туралы» Қазақстан Республикасы Үкіметінің 2008 жылғы 15 сәуірдегі № 339 қаулысында:
      көрсетілген қаулымен бекітілген министрліктер мен өзге де орталық атқарушы органдардың олардың аумақтық органдарындағы және оларға ведомстволық бағыныстағы мемлекеттік мекемелердегі адам санын ескере отырып, штат санының лимиттерінде:
      реттік нөмірі 6-жолда:
      3-бағанда:
      «Қазақстан Республикасы Ауыл шаруашылығы министрлігі оның аумақтық органдарын және оған ведомстволық бағыныстағы мемлекеттік мекемелерді ескере отырып, оның ішінде:» деген жолда «11537» деген сандар «11631» деген сандармен ауыстырылсын;
      «Қазақстан Республикасы Ауыл шаруашылығы министрлігіне ведомстволық бағыныстағы мемлекеттік мекемелер, оның ішінде:» деген жолда «5366» деген сандар «5460» деген сандармен ауыстырылсын;
      мына:
      «Жоңғар Алатауы» мемлекеттік ұлттық табиғи паркі» 185» деген жолдан кейін мынадай мазмұндағы жолмен толықтырылсын:
      «Бұйратау» мемлекеттік ұлттық табиғи паркі» 94».
      Ескерту. 9-тармаққа өзгеріс енгізілді - ҚР Үкіметінің 04.09.2015 № 745 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      10. Осы қаулы қол қойылған күнінен бастап қолданысқа енгізіледі.

      Қазақстан Республикасының
      Премьер-Министрі                           К. Мәсімов

Қазақстан Республикасы 
Үкіметінің       
2011 жылғы 11 наурызда 
№ 247 қаулысына    
қосымша        

«Қазақстан Республикасы Ауыл шаруашылығы министрлігі Орман және аңшылық шаруашылығы комитетінің «Бұйратау» мемлекеттік ұлттық табиғи паркі» мемлекеттік мекемесіне тұрақты жер пайдалануға берілетін жер учаскелерінің экспликациясы

гектармен