Ескерту. Күші жойылды - ҚР Үкіметінің 07.04.2017 № 179 қаулысымен.
Қазақстан Республикасының Үкіметі ҚАУЛЫ ЕТЕДІ:
1. "Судың жай-күйіне әсер ететін кәсіпорындар мен басқа да құрылыстарды келісу, оларды орналастыру және пайдалануға беру ережесін, сондай-ақ су объектілерінде, су қорғау аймақтары мен белдеулерінде құрылыс және басқа да жұмыстар жүргізу шарттарын бекіту туралы" Қазақстан Республикасы Үкіметінің 2004 жылғы 3 ақпандағы № 130 қаулысына (Қазақстан Республикасының ПҮАЖ-ы, 2004 ж., № 5, 73-құжат) мынадай өзгерістер мен толықтырулар енгізілсін:
көрсетілген қаулымен бекітілген Судың жай-күйіне әсер ететін кәсіпорындар мен басқа да құрылыстарды келісу, оларды орналастыру және пайдалануға беру ережесінде, сондай-ақ су объектілерінде, су қорғау аймақтары мен белдеулерінде құрылыс және басқа да жұмыстар жүргізу шарттарында:
3-тармақтағы "атқарушы органдармен" деген сөздер "уәкілетті органдармен" деген сөздермен ауыстырылсын;
мынадай мазмұндағы 3-1-тармақпен толықтырылсын:
"3-1. Жеке және заңды тұлғалар су қорын пайдалану және қорғау, сумен жабдықтау, су бұру саласындағы уәкілетті органға:
1) осы Ережеге 1-қосымшаға сәйкес судың жай-күйіне әсер ететін кәсіпорындар мен басқа да құрылыстар салынатын орындарды айқындау жөніндегі ұсыныстарды;
2) осы Ережеге 2-қосымшаға сәйкес судың жай-күйіне әсер ететін кәсіпорындарды және басқа да құрылыстарды салу мен реконструкциялаудың жобалау алдындағы құжаттамасын, жобаларын;
3) осы Ережеге 3, 4-қосымшаларға сәйкес су объектілерінде, су қорғау аймақтары мен белдеулерінде құрылыс, түбін тереңдету, пайдалы қазбаларды, су өсімдіктерін өндіру жөніндегі жарылыс жұмыстарын, кәбілдер, құбыржолдар және басқа да коммуникацияларды төсеу, ағаш кесу, сондай-ақ бұрғылау, ауыл шаруашылығы және басқа да жұмыстарды жүргізу туралы құжаттарды келісу үшін құжаттарды ұсынады.";
18-тармақтағы "он бес күн мерзімде" деген сөздер "күнтізбелік он бес күн ішінде" деген сөздермен ауыстырылсын;
осы қаулыға 1, 2, 3, 4-қосымшаларға сәйкес 1, 2, 3, 4-қосымшалармен толықтырылсын.
2. Осы қаулы алғашқы ресми жарияланған күнінен бастап қолданысқа енгізіледі.
Қазақстан Республикасының | |
Премьер-Министрі | К. Мәсімов |
Судың жай-күйіне әсер ететін кәсіпорындар және
басқа да құрылыстар салынатын орындарды айқындау
жөніндегі ұсыныстарды келісуге арналған құжаттардың
тізбесі
(жеке және заңды тұлғалар үшін)
1. Су ресурстарын пайдалануды реттеу және қорғау жөніндегі бассейндік инспекцияның атына өтініш.
2. Жеке куәліктің көшірмесі (жеке тұлғалар үшін).
3. Салық төлеушінің тіркеу нөмірінің көшірмесі (СТН).
4. Заңды тұлғаны мемлекеттік тіркеу туралы куәліктің көшірмесі (заңды тұлғалар үшін).
5. Жер учаскесін таңдау және зерттеу актісінің (немесе жергілікті атқарушы орган шешімінің) көшірмесі.
6. Ұйым жарғысының (ережесінің) көшірмесі.
7. Жер учаскесінің топографиялық түсірілімінің көшірмесі немесе жерге байланыстырылған және су объектісі (бар болған жағдайда) белгіленген ахуалдық масштабтағы схема.
8. Жер учаскесі шекараларының жобасы.
9. Егер жер учаскесі су шаруашылығы құрылыстарының (каналдар, суармалы арықтар) жанында орналасқан жағдайда, осы құрылыстарды пайдаланушы ұйымның келісімін ұсыну қажет.
Судың жай-күйіне әсер ететін кәсіпорындарды және басқа да
құрылыстарды салу мен реконструкциялаудың жобалау алдындағы
құжаттамасын, жобаларын келісуге арналған құжаттардың
тізбесі
1. Су ресурстарын пайдалануды реттеу және қорғау жөніндегі бассейндік инспекцияның атына өтініш.
2. Түсіндірме жазбасы бар жоба (техника-экономикалық негіздеме, қоршаған ортаға әсерді алдын ала бағалау бөлімі).
3. Лицензияланатын түрлер тізбесімен бірге жобалау ұйымының мемлекеттік лицензиясы.
4. Жоба жасауға тапсырма және тапсырыс беруші мен жобалаушы арасындағы шарт.
5. Жер учаскесіне құқық белгілеуші құжаттардың (сатып алу-сату шартының, мұрагерлікке құқығы туралы куәлігінің, Жер учаскесіне жеке меншік құқығына актінің, жергілікті атқарушы орган шешімінің, қаулысының) көшірмесі.
6. Салық төлеушінің тіркеу нөмірінің көшірмесі (СТН).
7. Заңды тұлғаны мемлекеттік тіркеу туралы куәліктің көшірмесі.
8. Ұйым жарғысының (ережесінің) көшірмесі.
9. Жер учаскесінің топографиялық түсірілімінің көшірмесі немесе жерге байланыстырылған және су объектісі (бар болған жағдайда) белгіленген ахуалдық масштабтағы схема.
10. Жер учаскесі шекараларының жобасы.
Су объектілерінде, су қорғау белдеулері мен аймақтарында құрылыс, түбін тереңдету, пайдалы қазбалар, су өсімдіктерін өндіру жөніндегі жарылыс жұмыстарын, кәбілдер, құбыржолдар және басқа да коммуникацияларды төсеу, ағаш кесу, сондай-ақ бұрғылау, ауыл шаруашылығы және басқа да жұмыстарды жүргізуді келісуге арналған құжаттардың тізбесі
(жеке тұлғалар үшін)
1. Су ресурстарын пайдалануды реттеу және қорғау жөніндегі бассейндік инспекцияның атына өтініш.
2. Жеке куәліктің көшірмесі.
3. Салық төлеушінің тіркеу нөмірінің көшірмесі (СТН).
4. Жер учаскесіне құқық белгілеуші құжаттардың (сатып алу-сату шартының, мұрагерлікке құқығы туралы куәлігінің, Жер учаскесіне жеке меншік құқығына актінің, жергілікті атқарушы орган шешімінің, қаулысының) көшірмесі.
5. Келісуге ұсынылып отырған құрылыстардың, сондай-ақ жұмыстарды жүзеге асыруға пайдаланылатын машиналар мен механизмдердің техникалық паспорттарының көшірмелері.
6. Техникалық шарттардың не сумен жабдықтау және су бұру шартының көшірмесі; егер теңгерімінде меншікті су тарту құрылғысы бар болса, онда оларға материалдар, рұқсат беретін құжаттар.
7. Қалалық кәріз болмаған жағдайда - сарқынды суларды алып кету орны міндетті түрде көрсетілген осы ауданның мемлекеттік санитарлық-эпидемиологиялық қадағалау басқармасының септикке қорытындысы, сондай-ақ сарқынды суды шығаруға шарттың көшірмесі.
8. Жер учаскесінің топографиялық түсірілімінің көшірмесі немесе жерге байланыстырылған және су объектісі (бар болған жағдайда) белгіленген ахуалдық масштабтағы схема.
9. Жер учаскесі шекараларының жобасы.
10. Егер жер учаскесі су шаруашылығы құрылыстарының (каналдар, суармалы арықтар) жанында орналасқан жағдайда, осы құрылыстарды пайдаланушы ұйымның келісімін ұсыну қажет.
Су объектілерінде, су қорғау белдеулері мен аймақтарында құрылыс, түбін тереңдету, пайдалы қазбалар, су өсімдіктерін өндіру жөніндегі жарылыс жұмыстарын, кәбілдер, құбыржолдар және басқа да коммуникацияларды төсеу, ағаш кесу, сондай-ақ бұрғылау, ауыл шаруашылығы және басқа да жұмыстарды жүргізуді келісуге арналған құжаттардың тізбесі
(заңды тұлғалар үшін)
1. Су ресурстарын пайдалануды реттеу және қорғау жөніндегі бассейндік инспекцияның атына өтініш.
2. Жеке куәліктің көшірмесі.
3. Салық төлеушінің тіркеу нөмірінің көшірмесі (СТН).
4. Жер учаскесіне құқық белгілеуші құжаттардың (сатып алу-сату шартының, мұрагерлікке құқығы туралы куәлігінің, Жер учаскесіне жеке меншік құқығына актінің, жергілікті атқарушы орган шешімінің, қаулысының) көшірмесі.
5. Келісуге ұсынылып отырған құрылыстардың, сондай-ақ жұмыстарды жүзеге асыруға пайдаланылатын машиналар мен механизмдердің техникалық паспорттарының көшірмелері.
6. Техникалық шарттардың не сумен жабдықтау және су бұру шартының көшірмесі; егер теңгерімінде меншікті су тарту құрылғысы бар болса, онда оларға материалдар, рұқсат беретін құжаттар.
7. Қалалық кәріз болмаған жағдайда - сарқынды суларды алып кету орны міндетті түрде көрсетілген осы ауданның мемлекеттік санитарлық-эпидемиологиялық қадағалау басқармасының септикке қорытындысы, сондай-ақ сарқынды суды шығаруға шарттың көшірмесі.
8. Жер учаскесінің топографиялық түсірілімінің көшірмесі немесе жерге байланыстырылған және су объектісі (бар болған жағдайда) белгіленген ахуалдық масштабтағы схема.
9. Жер учаскесі шекараларының жобасы.
10. Егер жер учаскесі су шаруашылығы құрылыстарының (каналдар, суармалы арықтар) жанында орналасқан жағдайда, осы құрылыстарды пайдаланушы ұйымның келісімін ұсыну қажет.
