Ескерту. Күші жойылды - ҚР Жоғарғы Сотының 20.04.2018 № 4 нормативтік қаулысымен (алғашқы ресми жарияланған күнінен бастап қолданысқа енгізіледі).

      Қазақстан Республикасы заңнамасының өзгеруіне байланысты Қазақстан Республикасы Жоғарғы Сотының жалпы отырысы

      қаулы етеді:

      1. "Сот үкімі туралы" Қазақстан Республикасы Жоғарғы Сотының 2002 жылғы 15 тамыздағы № 19 нормативтік қаулысына (Қазақстан Республикасы Жоғарғы Сотының 2006 жылғы 9 наурыздағы № 2 нормативтік қаулысымен енгізілген өзгерісімен бірге) мынадай өзгерістер мен толықтырулар енгізілсін:

      1) 1-тармақта:

      бірінші абзац "бірінші" деген сөзден кейін "және апелляциялық" деген сөздермен толықтырылсын;

      бірінші абзацтан кейін мынадай мазмұндағы абзацпен толықтырылсын:

      "ҚІЖК-нің 411-бабы бірінші бөлігінің 4)-6) тармақтарында қарастырылған шешімдерді қабылдаған кезде, апелляциялық саты бірінші сатыдағы сот үкімінің (қаулысының) күшін жою туралы қаулы шығарады, содан кейін ҚІЖК-нің 44-тарауының талаптарын сақтай отырып, жаңа үкім шығарады.";

      2) 3-тармақтың сегізінші сөйлеміндегі "судьялар" деген сөз "судья" деген сөзбен ауыстырылсын;

      3) 11-тармақтың екінші абзацындағы "372", "375-379" деген сандар "375-378" деген сандармен ауыстырылсын;

      4) 49-тармақтың бірінші абзацы "34-баптың 1-бөлігінде" деген сөздерден кейін "34-1-бабында," деген сөздермен толықтырылсын;

      5) мынадай мазмұндағы 51-1-тармақпен толықтырылсын:

      "51-1. Алқабилердің қатысуымен қаралған істер бойынша үкімді ҚІЖК-нің 60-тарауында белгіленген тәртіпте төрағалық етуші шығарады. Бұл ретте, үкімнің мазмұны ҚІЖК-нің 571-бабының талаптарына сәйкес болуға тиіс.".

      2. Қазақстан Республикасы Конституциясының 4-бабына сәйкес, осы нормативтік қаулы қолданыстағы құқық құрамына қосылады, сондай-ақ жалпыға бірдей міндетті болып табылады және ресми жарияланған күнінен бастап күшіне енеді.