Қазақстан Республикасының Үкіметі ҚАУЛЫ ЕТЕДІ:
      1. 2009 - 2011 жылдарға арналған республикалық бюджет мынадай көлемде атқарылуға қабылдансын, оның ішінде 2009 жылға:
      1) кірістер - 2768742908 мың теңге, оның ішінде:
      салықтық түсімдер - 1381278646 мың теңге;
      салықтық емес түсімдер - 89630415 мың теңге;
      негізгі капиталды сатудан түсетін түсімдер - 5458048 мың теңге;
      трансферттердің түсімдері - 1292375799 мың теңге;
      2) шығындар - 3178048422 мың теңге;
      3) таза бюджеттік кредит беру - 18736401 мың теңге, оның ішінде:
      бюджеттік кредиттер - 46201969 мың теңге;
      бюджеттік кредиттерді өтеу - 27465568 мың теңге;
      4) қаржы активтерімен жасалатын операциялар бойынша сальдо -
145583080 мың теңге, оның ішінде:
      қаржы активтерін сатып алу - 147083080 мың теңге;
      мемлекеттің қаржы активтерін сатудан түсетін түсімдер - 1500000 мың теңге;
      5) тапшылық - -573 624 995 мың теңге немесе елдің жалпы ішкі өніміне 3,5 пайыз;
      6) бюджет тапшылығын қаржыландыру - 573 624 995 мың теңге.
      Ескерту. 1-тармаққа өзгерту енгізілді - ҚР Үкіметінің 2009.03.24 N 389, 2009.04.14 N 515, 2009.11.19 N 1894 Қаулыларымен.
      2. Қоса беріліп отырған:
      1) осы қаулыға 1-қосымшаға сәйкес республикалық бюджеттік инвестициялық жобалардың, сондай-ақ республикалық бюджеттен нысаналы даму трансферттері мен кредит есебінен қаржыландырылатын жергілікті бюджеттік инвестициялық жобалардың тізбесі;
      2) осы қаулыға 2-қосымшаға сәйкес (қызмет бабында пайдалану үшін) Қазақстан Республикасы Қорғаныс министрлігінің бюджеттік инвестициялық жобаларының тізбесі бекітілсін.
      3. Мыналар:
      1) осы қаулыға 3-қосымшаға сәйкес облыстық бюджеттерге, Астана және Алматы қалаларының бюджеттеріне жаңадан іске қосылатын денсаулық сақтау объектілерін ұстауға берілетін ағымдағы нысаналы трансферттердің сомасын бөлу;
      2) осы қаулыға 4-қосымшаға сәйкес облыстық бюджеттерге, Астана және Алматы қалаларының бюджеттеріне жаңадан іске қосылатын білім беру объектілерін ұстауға берілетін ағымдағы нысаналы трансферттердің сомасын бөлу;
      3) осы қаулыға 5-қосымшаға сәйкес облыстық бюджеттерге, Астана және Алматы қалаларының бюджеттеріне жаңадан іске қосылатын әлеуметтік қамсыздандыру объектілерін ұстауға берілетін ағымдағы нысаналы трансферттердің сомасын бөлу;
      4) осы қаулыға 6-қосымшаға сәйкес облыстық бюджеттерге, Астана және Алматы қалаларының бюджеттеріне дәрілік заттарды, вакциналарды және басқа да иммунобиологиялық препараттарды сатып алуға берілетін ағымдағы нысаналы трансферттердің сомасын бөлу;
      5) осы қаулыға 7-қосымшаға сәйкес облыстық бюджеттерге, Астана және Алматы қалаларының бюджеттеріне әлеуметтік қызметтер стандарттарын енгізуге берілетін ағымдағы нысаналы трансферттердің сомасын бөлу;
      6) осы қаулыға 8-қосымшаға сәйкес облыстық бюджеттерге, Астана және Алматы қалаларының бюджеттеріне медициналық-әлеуметтік мекемелерде күндіз емделу бөлімшелері желісін дамытуға берілетін ағымдағы нысаналы трансферттердің сомасын бөлу;
      7) осы қаулыға 9-қосымшаға сәйкес облыстық бюджеттерге, Астана және Алматы қалаларының бюджеттеріне үкіметтік емес секторда мемлекеттік әлеуметтік тапсырысты орналастыруға берілетін ағымдағы нысаналы трансферттердің сомасын бөлу;
      8) осы қаулыға 10-қосымшаға сәйкес облыстық бюджеттерге, Астана және Алматы қалаларының бюджеттеріне медициналық-әлеуметтік мекемелерде тамақтану нормаларын ұлғайтуға берілетін ағымдағы нысаналы трансферттердің сомасын бөлу;
      9) осы қаулыға 11-қосымшаға сәйкес облыстық бюджеттерге, Астана және Алматы қалаларының бюджеттеріне ең төменгі күнкөріс деңгейі мөлшерінің өсуіне байланысты мемлекеттік атаулы әлеуметтік көмек пен 18 жасқа дейінгі балаларға ай сайынғы мемлекеттік жәрдемақы төлеуге берілетін ағымдағы нысаналы трансферттердің сомасын бөлу;
      10) осы қаулыға 12-қосымшаға сәйкес облыстық бюджеттерге, Астана және Алматы қалаларының бюджеттеріне ауыз сумен жабдықтаудың баламасыз көздері болып табылатын аса маңызды топтық және оқшау сумен жабдықтау жүйелерінен ауыз су беру жөніндегі қызметтердің құнын субсидиялауға берілетін ағымдағы нысаналы трансферттердің сомасын бөлу;
      11) осы қаулыға 13-қосымшаға сәйкес облыстық бюджеттерге, Астана қаласының бюджетіне облыстық және аудандық маңызы бар автомобиль жолдарын және Астана қаласының көшелерін күрделі және орташа жөндеуге берілетін ағымдағы нысаналы трансферттердің сомасын бөлу;
      12) Алынып тасталды - ҚР Үкіметінің 2009.11.19 N 1894 Қаулысымен.
      13) осы қаулыға 15-қосымшаға сәйкес облыстық бюджеттерге, Астана және Алматы қалаларының бюджеттеріне тұқым шаруашылығын қолдауға берілетін ағымдағы нысаналы трансферттердің сомасын бөлу;
      14) осы қаулыға 16-қосымшаға сәйкес облыстық бюджеттерге, Астана және Алматы қалаларының бюджеттеріне асыл тұқымды мал шаруашылығын қолдауға берілетін ағымдағы нысаналы трансферттердің сомасын бөлу;
      15) осы қаулыға 17-қосымшаға сәйкес облыстық бюджеттерге, Астана және Алматы қалаларының бюджеттеріне көктемгі егіс және егін жинау жұмыстарын жүргізу үшін қажетті жанар-жағар май және басқа да тауар-материалдық құндылықтарының құнын арзандатуға берілетін ағымдағы нысаналы трансферттердің сомасын бөлу;
      16) осы қаулыға 18-қосымшаға сәйкес облыстық бюджеттерге, Астана және Алматы қалаларының бюджеттеріне өндірілетін ауыл шаруашылығы дақылдарының өнімділігі мен сапасын арттыруды қолдауға берілетін ағымдағы нысаналы трансферттердің сомасын бөлу;
      17) осы қаулыға 19-қосымшаға сәйкес облыстық бюджеттерге, Астана және Алматы қалаларының бюджеттеріне ауыл шаруашылығы тауарларын өндірушілерге су жеткізу бойынша көрсетілетін қызметтердің құнын субсидиялауға берілетін ағымдағы нысаналы трансферттердің сомасын бөлу;
      18) осы қаулыға 20-қосымшаға сәйкес облыстық бюджеттерге, Астана және Алматы қалаларының бюджеттеріне жеміс-жидек дақылдарының және жүзімнің көп жылдық көшеттерін отырғызу және өсіруді қамтамасыз етуге берілетін ағымдағы нысаналы трансферттердің сомасын бөлу;
      19) осы қаулыға 21-қосымшаға сәйкес облыстық бюджеттерге, Астана және Алматы қалаларының бюджеттеріне мал шаруашылығы өнімдерінің өнімділігін және сапасын арттыруды субсидиялауға берілетін ағымдағы нысаналы трансферттердің сомасын бөлу;
      20) осы қаулыға 22-қосымшаға сәйкес облыстық бюджеттерге, Астана және Алматы қалаларының бюджеттеріне қазақстандық мақта талшығының сапасына сараптама жасауға берілетін ағымдағы нысаналы трансферттердің сомасын бөлу;
      21) осы қаулыға 23-қосымшаға сәйкес облыстық бюджеттерге, Астана және Алматы қалаларының бюджеттеріне ауылдық елді мекендер саласының мамандарын әлеуметтік қолдау шараларын іске асыру үшін берілетін ағымдағы нысаналы трансферттердің сомасын бөлу;
      22) осы қаулыға 24-қосымшаға сәйкес облыстық бюджеттерге, Астана және Алматы қалаларының бюджеттеріне Қазақстан Республикасында білім беруді дамытудың 2005 - 2010 жылдарға арналған мемлекеттік бағдарламасын іске асыруға:
      негізгі орта және жалпы орта білім беретін мемлекеттік мекемелердегі физика, химия, биология кабинеттерін оқу жабдығымен жарақтандыруға;
      бастауыш, негізгі орта және жалпы орта білім беретін мемлекеттік мекемелерде лингафондық және мультимедиалық кабинеттер құруға;
      мемлекеттік білім беру жүйесінде оқытудың жаңа технологияларын енгізуге берілетін ағымдағы нысаналы трансферттердің сомасын бөлу;
      23) осы қаулыға 25-қосымшаға сәйкес облыстық бюджеттерге, Астана және Алматы қалаларының бюджеттеріне Қазақстан Республикасында техникалық және кәсіптік білім беруді дамытудың 2008 - 2012 жылдарға арналған мемлекеттік бағдарламасын іске асыру шеңберінде кәсіптік лицейлер үшін шетелдік ағылшын тілі оқытушыларын тартуға берілетін ағымдағы нысаналы трансферттердің сомасын бөлу;
      24) осы қаулыға 26-қосымшаға сәйкес облыстық бюджеттерге, Астана және Алматы қалаларының бюджеттеріне Қазақстан Республикасының денсаулық сақтау ісін реформалау мен дамытудың 2005 - 2010 жылдарға арналған мемлекеттік бағдарламасын іске асыруға:
      жергілікті деңгейде медициналық денсаулық сақтау ұйымдарын материалдық-техникалық жарақтандыруға;
      тегін медициналық көмектің кепілдік берілген көлемін қамтамасыз етуге және кеңейтуге берілетін ағымдағы нысаналы трансферттердің сомасын бөлу;
      25) осы қаулыға 27-қосымшаға сәйкес облыстық бюджеттерге, Астана және Алматы қалаларының бюджеттеріне жергілікті атқарушы органдардың мемлекеттік білім беру тапсырысы негізінде техникалық және кәсіптік, орта білімнен кейінгі білім беру ұйымдарында оқитындардың стипендияларының мөлшерін ұлғайтуға берілетін ағымдағы нысаналы трансферттердің сомасын бөлу;
      26) осы қаулыға 28-қосымшаға сәйкес облыстық бюджеттерге, Астана және Алматы қалаларының бюджеттеріне мемлекеттік басқару деңгейлері арасындағы өкілеттіктердің аражігін ажырату шеңберінде қоршаған ортаны қорғау саласындағы беріліп отырған функцияларды іске асыруға ағымдағы нысаналы трансферттердің сомасын бөлу;
      27) осы қаулыға 29-қосымшаға сәйкес облыстық бюджеттерге, Астана және Алматы қалаларының бюджеттеріне Қазақстан Республикасындағы тұрғын үй құрылысының 2008 - 2010 жылдарға арналған мемлекеттік бағдарламасына сәйкес мемлекеттік коммуналдық тұрғын үй қорының тұрғын үйін салуға және (немесе) сатып алуға берілетін нысаналы даму трансферттерінің сомасын бөлу;
      28) осы қаулыға 30-қосымшаға сәйкес облыстық бюджеттерге, Астана және Алматы қалаларының бюджеттеріне Қазақстан Республикасындағы тұрғын үй құрылысының 2008 - 2010 жылдарға арналған мемлекеттік бағдарламасына сәйкес инженерлік-коммуникациялық инфрақұрылымды дамытуға, жайластыруға және (немесе) сатып алуға берілетін нысаналы даму трансферттерінің сомасын бөлу;
      29) осы қаулыға 31-қосымшаға сәйкес облыстық бюджеттерге, Астана және Алматы қалаларының бюджеттеріне Қазақстан Республикасындағы тұрғын үй құрылысының 2008 - 2010 жылдарға арналған мемлекеттік бағдарламасына сәйкес тұрғын үй құрылысы үшін нөлдік сыйақы (мүдде) ставкасы бойынша тұрғын үй салуға және (немесе) сатып алуға берілетін бюджеттік кредиттердің сомасын бөлу;
      30) осы қаулыға 32-қосымшаға сәйкес жергілікті атқарушы органдардың өкілеттіктерін беруге байланысты облыстық бюджеттерден, Астана және Алматы қалаларының бюджеттерінен трансферттердің түсімдерін бөлу;
      31) 32-1-қосымшаға сәйкес облыстық бюджеттерге, Астана және Алматы қалаларының бюджеттеріне әлеуметтік жұмыс орындары және жастар практикасы бағдарламасын кеңейтуге берілетін ағымдағы нысаналы трансферттердің сомасын бөлу;
      32) 32-2-қосымшаға сәйкес Қазақстан Республикасы Үкіметінің резерві сомасын бөлу.
      Ескерту. 3-тармаққа өзгерту енгізілді - ҚР Үкіметінің 2009.04.14 N 515, 2009.11.19 N 1894 Қаулыларымен.
      4. Осы қаулыға 33-қосымшаға сәйкес мемлекеттік тапсырыстардың тізімі бекітілсін.
      5. Қазақстан Республикасы Ауыл шаруашылығы, Білім және ғылым, Денсаулық сақтау министрліктері Қазақстан Республикасы Экономика және бюджеттік жоспарлау министрлігімен келісім бойынша 2009 жылғы 1 ақпанға дейінгі мерзімде осы қаулыға 1-қосымшаға сәйкес ауыз сумен жабдықтау, гидротехникалық құрылыстар, білім беру, денсаулық сақтау және мектепке дейінгі ұйымдар объектілерін салуға және реконструкциялауға бағытталған инвестициялық жобалар бойынша заңнамада белгіленген тәртіппен бекітілген жобалау-сметалық құжаттаманы бекіту туралы шешімдерді бекітсін.
      6. Қазақстан Республикасы Ауыл шаруашылығы министрлігі 2009 жылғы 15 қаңтарға дейінгі мерзімде:
      1) ауыл шаруашылығы өнімін қайта өңдеу кәсіпорындарына олардың негізгі және айналым қаражатын толықтыруға қаржы институттары беретін кредиттер бойынша, жабдықтар лизингі бойынша сыйақы (мүдде) ставкасын және ауыл шаруашылығы өнімдері өндірісін басқару жүйелерін субсидиялау;
      2) осы қаулының 3-тармағының 13), 14), 15), 16), 18), 19), 20), 21) тармақшаларында көрсетілген облыстық бюджеттердің, Астана және Алматы қалалары бюджеттерінің ағымдағы нысаналы трансферттерін пайдалану тәртібі туралы ережелердің жобаларын әзірлесін және заңнамада белгіленген тәртіппен Қазақстан Республикасының Үкіметіне енгізсін.
       Ескерту. 6-тармаққа өзгерту енгізілді - ҚР Үкіметінің 2009.03.24 N 389 Қаулысымен.
      7. Қазақстан Республикасы Ауыл шаруашылығы министрлігі 2009 жылғы 1 ақпанға дейінгі мерзімде Қазақстан Республикасы Ауыл шаруашылығы министрлігінің заңды тұлғаларының тізбесі мен таратылған ведомстволарының салықтық және өзге де берешегін өтеу көлемін заңнамада белгіленген тәртіппен Қазақстан Республикасының Үкіметіне енгізсін.
      8. Қазақстан Республикасы Қаржы министрлігі Қазақстан Республикасы Ауыл шаруашылығы министрлігімен бірлесіп, 2009 жылғы 1 маусымға дейін мерзімде 2009 жылғы 1 қаңтардағы жағдай бойынша Қазақстан Республикасының заңнамасына сәйкес таратылған қарыз алушыларға Қазақстан Республикасы Үкіметінің талаптарын тоқтату туралы, "2009 - 2011 жылдарға арналған республикалық бюджет туралы" Қазақстан Республикасы Заңының 34-бабына сәйкес Қазақстан Республикасы Президентінің Жарлығы мен Қазақстан Республикасы Үкіметінің жекелеген актілерінің негізінде бұған дейін "Ауыл шаруашылығын қаржылық қолдау қоры" акционерлік қоғамының теңгеріміне берілген кредиттер бойынша шешімінің жобасын заңнамада белгіленген тәртіппен Қазақстан Республикасының Үкіметіне енгізсін.
      9. Қазақстан Республикасы Денсаулық сақтау министрлігі 2009 жылғы 15 қаңтарға дейінгі мерзімде осы қаулының 3-тармағының 1), 4), 24) тармақшаларында көрсетілген облыстық бюджеттердің, Астана және Алматы қалалары бюджеттерінің ағымдағы нысаналы трансферттерді пайдалану тәртібі туралы шешімнің жобасын әзірлесін және заңнамада белгіленген тәртіппен Қазақстан Республикасының Үкіметіне енгізсін.
       Ескерту. 9-тармаққа өзгерту енгізілді - ҚР Үкіметінің 2009.03.24 N 389 Қаулысымен.
      10. Қазақстан Республикасы Денсаулық сақтау министрлігі Қазақстан Республикасы Экономика және бюджеттік жоспарлау министрлігімен келісім бойынша 2008 жылғы 25 желтоқсанға дейінгі мерзімде 005 "Облыстық бюджеттерге, Астана және Алматы қалаларының бюджеттеріне денсаулық сақтау объектілерін салу және реконструкциялауға, Алматы облысының облыстық бюджетіне және Алматы қаласының бюджетіне денсаулық сақтау объектілерінің сейсмотұрақтылығын күшейтуге берілетін нысаналы даму трансферттері" бюджеттік бағдарламасы бойынша іске асырылатын бюджеттік инвестициялық жобаларды бөлу туралы шешімнің жобасын әзірлесін және заңнамада белгіленген тәртіппен Қазақстан Республикасының Үкіметіне енгізсін.     
      11. Қазақстан Республикасы Білім және ғылым министрлігі 2009 жылғы 15 қаңтарға дейінгі мерзімде осы қаулының 3-тармағының 2), 22), 23) тармақшаларында көрсетілген облыстық бюджеттердің, Астана және Алматы қалалары бюджеттерінің ағымдағы нысаналы трансферттерді пайдалану тәртібі туралы шешімнің жобасын әзірлесін және заңнамада белгіленген тәртіппен Қазақстан Республикасының Үкіметіне енгізсін.
       Ескерту. 11-тармаққа өзгерту енгізілді - ҚР Үкіметінің 2009.03.24 N 389 Қаулысымен.
      12. Қазақстан Республикасы Еңбек және халықты әлеуметтік қорғау министрлігі:
      2009 жылғы 15 қаңтарға дейінгі мерзімде осы қаулының  4-тармақтың 3) тармақшасында көрсетілген облыстық бюджеттердің, Астана және Алматы қалалары бюджеттерінің ағымдағы нысаналы трансферттерді пайдалану тәртібі туралы шешімнің жобасын;
      2009 жылғы 15 қаңтарға дейінгі мерзімде алушының зейнетақы төлеу құқығын иеленген сәтіндегі инфляция деңгейін ескере отырып, енгізілген міндетті зейнетақы жарналарының нақты мөлшерінде жинақтаушы зейнетақы қорларында міндетті зейнетақы жарналарының сақталуы бойынша зейнетақы төлемдерін алушыларға мемлекет кепілдігі орындалуының тәртібі туралы шешімінің жобасын әзірлесін және заңнамада белгіленген тәртіппен Қазақстан Республикасының Үкіметіне енгізсін.
       Ескерту. 12-тармаққа өзгерту енгізілді - ҚР Үкіметінің 2009.03.24 N 389 Қаулысымен.
       12-1. 2009 жылға арналған республикалық бюджетте көзделген қаражаттан өңірлік жұмыспен қамту және кадрларды қайта даярлау стратегиясын іске асыру шеңберінде облыстық бюджеттерге, Астана және Алматы қалаларының бюджеттеріне мынадай іс-шараларды қаржыландыруға ағымдағы нысаналы трансферттерді және ағымдағы даму трансферттерін аудару үшін 117 404 644 мың теңге мөлшерінде сома бөлінсін:
      мектептерді, ауруханаларды және басқа да әлеуметтік объектілерді күрделі және ағымдағы жөндеуге, сондай-ақ білім беру объектілерінің сейсмотұрақтылығын күшейтуге - 36 897 836 мың теңге, оның ішінде мынадай республикалық бюджеттік бағдарламалар әкімшілері бойынша:
      Қазақстан Республикасы Туризм және спорт министрлігіне - 1138500 мың теңге;
      Қазақстан Республикасы Мәдениет және ақпарат министрлігіне - 3830600 мың теңге;
      Қазақстан Республикасы Білім және ғылым министрлігіне - 20 382 036 мың теңге;
      Қазақстан Республикасы Денсаулық сақтау министрлігіне - 10068200 мың теңге;
      Қазақстан Республикасы Еңбек және халықты әлеуметтік қорғау министрлігіне - 1478500 мың теңге.
      33-1-қосымшаға сәйкес облыстық бюджеттерге, Астана және Алматы қалаларының бюджеттеріне мектептерді, ауруханаларды және басқа да әлеуметтік объектілерді күрделі және ағымдағы жөндеуге берілетін ағымдағы нысаналы трансферттердің сомаларын, сондай-ақ Алматы қаласының бюджетіне білім беру объектілерінің сейсмотұрақтылығын күшейтуге берілетін нысаналы даму трансферттерінің сомаларын бөлу бекітілсін.
      Қазақстан Республикасы Көлік және коммуникация министрлігіне - облыстық және аудандық маңызы бар автомобиль жолдарын, қалалардың және елді мекендердің көшелерін жөндеуге және ұстауға, сондай-ақ салуға және қайта жаңартуға 32792605 мың теңге;
      33-2-қосымшаға сәйкес облыстық бюджеттерге, Астана және Алматы қалаларының бюджеттеріне облыстық және аудандық маңызы бар автомобиль жолдарын, қалалардың және елді мекендердің көшелерін жөндеуге және ұстауға берілетін ағымдағы нысаналы трансферттердің сомаларын, сондай-ақ облыстық бюджеттерге, Астана және Алматы қалаларының бюджеттеріне облыстық және аудандық маңызы бар автомобиль жолдарын, қалалардың және елді мекендердің көшелерін салуға және қайта жаңартуға берілетін ағымдағы даму трансферттерінің сомаларын бөлу бекітілсін.
      Қазақстан Республикасы Ауыл шаруашылығы министрлігіне - кенттердегі, ауылдардағы (селолардағы), ауылдық (селолық) округтердегі әлеуметтік жобаларды қаржыландыруға 4373700 мың теңге;
      33-3-қосымшаға сәйкес облыстық бюджеттерге кенттердегі, ауылдардағы (селолардағы), ауылдық (селолық) округтердегі әлеуметтік жобаларға берілетін ағымдағы нысаналы трансферттердің сомасын бөлу бекітілсін;
      Қазақстан Республикасы Құрылыс және тұрғын үй-коммуналдық шаруашылық істері агенттігіне - инженерлік-коммуникациялық инфрақұрылымды жөндеуге және дамытуға және қалалар мен елді мекендерді абаттандыруға 43340503 мың теңге.
      33-4, 33-5-қосымшаларға сәйкес облыстық бюджеттерге, Астана және Алматы қалаларының бюджеттеріне инженерлік-коммуникациялық инфрақұрылымды жөндеуге және қалалар мен елді мекендерді абаттандыруға берілетін ағымдағы нысаналы трансферттердің сомаларын, сондай-ақ облыстық бюджеттерге, Астана және Алматы қалаларының бюджеттеріне инженерлік-коммуникациялық инфрақұрылымды дамытуға және қалалар мен елді мекендерді абаттандыруға берілетін нысаналы даму трансферттерінің сомаларын бөлу бекітілсін.
       Ескерту. 12-1-тармақпен толықтырылды - ҚР Үкіметінің 2009.04.14 N 515, өзгерту енгізілді - ҚР Үкіметінің 2009.07.16 N 1074, 2009.09.18 N 1403, 2009.11.19 N 1894 Қаулыларымен.
      12-2. 2009 жылға арналған республикалық бюджетте көзделген қаражаттан облыстық бюджеттерге, Астана және Алматы қалаларының бюджеттеріне кадрларды даярлауға және қайта даярлауға берілетін ағымдағы нысаналы трансферттер түрінде облыстық бюджеттерге, Астана және Алматы қалаларының бюджеттеріне мынадай республикалық бюджеттік бағдарламалардың әкімшілері бойынша ағымдағы нысаналы трансферттерді аудару үшін 9737987 мың теңге мөлшерінде сома бөлінсін.
      Қазақстан Республикасы Денсаулық сақтау министрлігіне 267702 мың теңге;
      Қазақстан Республикасы Білім және ғылым министрлігіне - 9470285 мың теңге.
      33-6-қосымшаға сәйкес облыстық бюджеттерге, Астана және Алматы қалаларының кадрларды даярлауға және қайта даярлауға берілетін ағымдағы нысаналы трансферттердің сомасын бөлу бекітілсін.
       Ескерту. 12-2-тармақпен толықтырылды - ҚР Үкіметінің 2009.04.14 N 515, 2009.11.19 N 1894 Қаулыларымен.
      12-3. Қазақстан Республикасы Еңбек және халықты әлеуметтік қорғау министрлігі Қазақстан Республикасы Білім және ғылым, денсаулық сақтау министрліктерімен және уәкілетті орталық мемлекеттік органдармен бірлесіп:
      2009 жылғы 20 сәуірге дейінгі мерзімде облыстық бюджеттерге, Астана және Алматы қалаларының бюджеттеріне өңірлік жұмыспен қамту және кадрларды қайта даярлау стратегиясын іске асыру үшін аударылатын ағымдағы нысаналы трансферттерді және ағымдағы даму трансферттерін пайдалану тәртібі туралы шешімнің жобасын әзірлесін және заңнамада белгіленген тәртіппен Қазақстан Республикасының Үкіметіне енгізсін;
      облыстық бюджеттерге, Астана және Алматы қалаларының бюджеттеріне өңірлік жұмыспен қамту және кадрларды қайта даярлау стратегиясын іске асыру үшін бөлінетін ағымдағы нысаналы трансферттерді және ағымдағы даму трансферттерін аударуды қамтамасыз етсін.
       Ескерту. 12-3-тармақпен толықтырылды - ҚР Үкіметінің 2009.04.14 N 515 Қаулысымен.
      12-4. Қазақстан Республикасы Қаржы министрлігі Қазақстан Республикасы Еңбек және халықты әлеуметтік қорғау, Білім және ғылым министрліктерімен және уәкілетті орталық және жергілікті мемлекеттік органдармен бірлесіп, өңірлік жұмыспен қамту және кадрларды қайта даярлау стратегиясын іске асыруға бөлінген қаражаттың мақсатты әрі тиімді пайдаланылуын бақылауды қамтамасыз етсін.
       Ескерту. 12-4-тармақпен толықтырылды - ҚР Үкіметінің 2009.04.14 N 515 Қаулысымен.
      13. Қазақстан Республикасы Қаржы министрлігі ай сайын, есептіден кейінгі айдың 25-күніне дейінгі мерзімде Қазақстан Республикасының Экономика және бюджеттік жоспарлау министрлігіне инвестициялық жобалар бөлінісінде осы қаулыға 1-қосымшаға сәйкес республикалық бюджеттік даму бағдарламаларының атқарылуы туралы ақпарат берсін.
      14. Жергілікті атқарушы органдар 2009 жылғы 15 қаңтарға дейінгі мерзімде осы қаулыға 1-қосымшада көзделген ауыз сумен жабдықтау, білім беру, денсаулық сақтау және мектепке дейінгі ұйымдар объектілерін салуға және қайта жаңартуға арналған конкурстық рәсімдерді заңнамада белгіленген тәртіппен жариялауды қамтамасыз етсін.
      15. Орталық атқарушы органдар 2009 жылғы 1 ақпанға дейінгі мерзімде Қазақстан Республикасы Үкіметінің бұрын қабылданған шешімдерін осы қаулыға сәйкес келтіру туралы Қазақстан Республикасының Үкіметіне ұсыныстар енгізсін.
      РҚАО-ның ескертуі!
      16-тармаққа өзгертулер қабылданған - ҚР Үкіметінің 2009.07.14 N 1067 (құпия) Қаулысымен.
      16. Құпия.
      17. Осы қаулы қол қойылған күнінен бастап қолданысқа енгізіледі.

      Қазақстан Республикасының
      Премьер-Министрі                                 К. Мәсімов

                                           Қазақстан Республикасы
                                                 Үкіметінің
                                         2008 жылғы 18 желтоқсандағы
                                              N 1184 қаулысына
                                                  1-қосымша

2009 - 2011 жылдарға арналған республикалық бюджеттік
инвестициялық жобалардың, сондай-ақ республикалық бюджеттен
берілетін нысаналы даму трансферттері мен кредиттер есебінен
қаржыландырылатын жергілікті бюджеттік инвестициялық жобалардың
тізбесі

      Ескерту. 1-қосымша жаңа редакцияда - ҚР Үкіметінің 2009.11.19 N 1894, өзгерту енгізілді - ҚР Үкіметінің, 2009.12.30 № 2260, 2009.12.30 № 2272, 2009.12.31 № 2317 Қаулыларымен.