Қазақстан Республикасы мен Иордан Хашимиттік Корольдігі арасындағы достық қатынастарды қолдау мақсатында Қазақстан Республикасының Үкіметі ҚАУЛЫ ЕТЕДІ:
      1. Қазақстан Республикасы Қорғаныс министрлігі заңнамада белгіленген тәртіппен 1935 жылы шығарылған зауыттық нөмірі 19172, ТТ жүйесінің 7,62 мм пистолетін жиынтығымен Иордан Хашимиттік Корольдігінің Королі Абдалла II Бен Хусейн Бен Талалға сыйға беруді қамтамасыз етсін.
      2. Қазақстан Республикасы Индустрия және сауда министрлігі заңнамада белгіленген тәртіппен осы қаулының 1-тармағында көрсетілген қарудың экспортына лицензияны ресімдесін.
      3. Қазақстан Республикасы Қаржы министрлігінің Кедендік бақылау комитеті осы қаулыға сәйкес әкетілетін қаруды кедендік ресімдеуді және бақылауды қамтамасыз етсін.
      4. Осы қаулы қол қойылған күнінен бастап қолданысқа енгізіледі.

       Қазақстан Республикасының
      Премьер-Министрі                                 К. Мәсімов