Қазақстан Республикасының Үкіметі ҚАУЛЫ ЕТЕДІ:

      1. "Мемлекеттік ресурстарға 2008 жылғы егіннің астығын сатып алу туралы" Қазақстан Республикасы Үкіметінің 2008 жылғы 25 ақпандағы N 188 қаулысына (Қазақстан Республикасының ПҮАЖ-ы, 2008 ж., N 9, 103-құжат) мынадай өзгерістер енгізілсін:

      1-тармақтың үшінші абзацы мынадай редакцияда жазылсын:
      "күзгі кезеңде 7937382000 (жеті миллиард тоғыз жүз отыз жеті миллион үш жүз сексен екі мың) теңге мөлшерінде белгіленсін.";

      2-тармақтағы "Қазақстан Республикасының Ауыл шаруашылығы министрі А.С.Есімовке" деген сөздер "Қазақстан Республикасының Ауыл шаруашылығы министрі А.Қ.Күрішбаевқа" деген сөздермен ауыстырылсын.

      2. Осы қаулы қол қойылған күнінен бастап қолданысқа енгізіледі және ресми жариялануға тиіс.

      Қазақстан Республикасының
      Премьер-Министрі                                    К. Мәсімов