Ескерту. Қаулының күші жойылды - ҚР Үкіметінің 2008 жылғы 31 желтоқсандағы N 1332 (2009 жылғы 1 қаңтардан бастап қолданысқа енгізіледі) Қаулысымен.

      Қазақстан Республикасының Үкіметі ҚАУЛЫ ЕТЕДІ:

      1. "Жер қойнауын пайдалануға арналған келісім-шарттарға салық сараптамасын жүргізу ережесін бекіту туралы" Қазақстан Республикасы Үкіметінің 2001 жылғы 26 желтоқсандағы N 1705 қаулысына (Қазақстан Республикасының ПҮАЖ-ы, 2001 ж., N 48, 578-құжат) мынадай өзгерістер енгізілсін:

      кіріспеде "Қазақстан Республикасы Президентінің "Жер қойнауы және жер қойнауын пайдалану туралы" 1996 жылғы 16 маусымдағы N 2828 заң күші бар Жарлығының" деген сөздер "Жер қойнауы және жер қойнауын пайдалану туралы" Қазақстан Республикасының 1996 жылғы 27 қаңтардағы Заңының" деген сөздермен ауыстырылсын;

      көрсетілген қаулымен бекітілген Жер қойнауын пайдалануға арналған келісім-шарттарға салық сараптамасын жүргізу ережесінде:
      3-тармақта:
      1) тармақшадағы "Фискальдық саясат және болжамдар департаменті" деген сөздер "Салық комитеті" деген сөздермен ауыстырылсын;

      2) тармақшадағы "Қазақстан Республикасы Мемлекеттік кіріс министрлігінің" деген сөздер алып тасталсын;

      12-тармақта "Қазақстан Республикасы Мемлекеттік кіріс министрлігінің және", "аумақтық" деген сөздер алып тасталсын;

      13-тармақта "аумақтық" деген сөз алып тасталсын

      2. Осы қаулы қол қойылған күнінен бастап қолданысқа енгізіледі.

      Қазақстан Республикасының
      Премьер-Министрі                                    К. Мәсімов