Қазақстан Республикасының Үкіметі ҚАУЛЫ ЕТЕДІ :
1. Қазақстан Республикасы Қаржы министрлігінің Мемлекеттік мүлік және жекешелендіру комитеті заңнамада белгіленген тәртіппен:
1) күші жойылды - ҚР Үкіметінің 2009.10.22 N 1642; 17.04.2014 N 372 қаулысымен:
2) Қазақстан Республикасы Төтенше жағдайлар министрлігіне:
"Медициналық көлік қызметі" акционерлік қоғамы акцияларының мемлекеттік пакетін 100 пайыз мөлшерінде иелену және пайдалану құқықтарын;
"Орталық жол ауруханасы" акционерлік қоғамы акцияларының мемлекеттік пакетін 100 пайыз мөлшерінде иелену және пайдалану құқықтарын;
"Университет клиникасы" жауапкершілігі шектеулі серіктестігінің мемлекеттік қатысу үлесін 100 пайыз мөлшерінде иелену және пайдалану құқықтарын беруді қамтамасыз етсін.
Ескерту. 1-тармаққа өзгерістер енгізілді - ҚР Үкіметінің 2009.10.22 N 1642; 17.04.2014 N 372 қаулыларымен.
2. Қоса беріліп отырған Қазақстан Республикасы Үкіметінің кейбір шешімдеріне енгізілетін толықтырулар мен өзгерістер бекітілсін.
3. Қазақстан Республикасы Туризм және спорт, Төтенше жағдайлар министрліктері заңнамада белгіленген тәртіппен осы қаулыдан туындайтын шараларды қабылдасын.
4. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2008 жылғы 6 маусымдағы
N 543 қаулысымен
бекітілген
Қазақстан Республикасы Үкіметінің кейбір шешімдеріне
енгізілетін толықтыру мен өзгеріс
1. "Акциялардың мемлекеттік пакеттеріне мемлекеттік меншіктің түрлері және ұйымдарға қатысудың мемлекеттік үлестері туралы" Қазақстан Республикасы Үкіметінің 1999 жылғы 12 сәуірдегі N 405 қаулысында (Қазақстан Республикасының ПҮАЖ-ы, 1999 ж., N 13, 124-құжат):
Акцияларының мемлекеттік пакеттері мен үлестері республикалық меншікке жатқызылған акционерлік қоғамдар мен шаруашылық серіктестіктердің тізбесінде:
"Астана қаласы" деген бөлім мынадай мазмұндағы реттік нөмірі 21-104-жолмен толықтырылсын:
"21-104 "Орталық жол ауруханасы" АҚ";
"Алматы қаласы" деген бөлім мынадай мазмұндағы реттік нөмірлері 123-123, 123-124 және 123-125-жолдармен толықтырылсын:
"123-123 "Орталық жүзу бассейні" АҚ;
123-124 "Медициналық көлік қызметі";
123-125 "Оқу-клиникалық орталық" ЖШС".
2. "Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы" Қазақстан Республикасы Үкіметінің 1999 жылғы 27 мамырдағы N 659 қаулысында :
көрсетілген қаулыға қосымшада:
"Қазақстан Республикасының Денсаулық сақтау министрлігіне" деген бөлімде:
"226-5 СТЛ-000080 "Медициналық көлік қызметі" АҚ" деген жол алынып тасталсын;
"Қазақстан Республикасы Индустрия және сауда министрлігінің Техникалық реттеу және метрология комитетіне" деген бөлімнен кейін мынадай мазмұндағы бөліммен толықтырылсын:
"Қазақстан Республикасы Төтенше жағдайлар министрлігіне:
293. "Медициналық көлік қызметі" АҚ;
294. "Орталық жол ауруханасы" АҚ;
295. "Оқу-клиникалық орталық" ЖШС";
"Қазақстан Республикасы Туризм және спорт министрлігінің Спорт комитетіне" деген бөлім мынадай мазмұндағы реттік нөмірі 299-1-жолмен толықтырылсын:
"299-1 "Орталық жүзу бассейні" АҚ".
3. "Қазақстан Республикасы Туризм және спорт министрлігінің мәселелері" туралы Қазақстан Республикасы Үкіметінің 2006 жылғы 26 сәуірдегі N 329 қаулысында (Қазақстан Республикасының ПҮАЖ-ы, 2006 ж., N 15, 145-құжат):
көрсетілген қаулымен бекітілген Қазақстан Республикасы Туризм және спорт министрлігі Спорт комитетінің қарамағындағы ұйымдардың тізбесі мынадай мазмұндағы бөліммен толықтырылсын:
"4. Акционерлік қоғамдар
17. "Орталық жүзу бассейні" акционерлік қоғамы".
4. Күші жойылды - ҚР Үкіметінің 28.08.2015 № 683 қаулысымен.
