Ескерту. Күші жойылды - ҚР Үкіметінің 26.08.2025 № 681 қаулысымен.
Қазақстан Республикасының Үкіметі ҚАУЛЫ ЕТЕДІ:
1. "Республикалық меншіктегі су шаруашылығы құрылыстарының тізбесін бекіту туралы" Қазақстан Республикасы Үкіметінің 2004 жылғы 21 желтоқсандағы N 1344 қаулысына (Қазақстан Республикасының ПҮАЖ-ы, 2004 ж., N 49, 638-құжат) мынадай өзгеріс пен толықтырулар енгізілсін:
көрсетілген қаулымен бекітілген Республикалық меншіктегі су шаруашылығы құрылыстарының тізбесінде:
"Мынадай су объектілерінде орналасқан су шаруашылығы құрылыстары (бөгеттер, су тораптары, басқа да гидротехникалық құрылыстар)" деген І-бөлімде:
1) тармақшадағы "Вячеслав" деген сөз "Астана" деген сөзбен ауыстырылсын;
мынадай мазмұндағы 64), 65), 66) тармақшалармен толықтырылсын:
"64) Шабақты өзеніндегі Ынталы су қоймасы;
65) Күрті өзеніндегі Күрті су қоймасы;
66) Чаглинка өзеніндегі Чаглинка су қоймасы.";
"Мынадай су шаруашылығы құрылыстары" деген 2-бөлімде мынадай мазмұндағы 99), 100), 101), 102), 103), 104), 105), 106), 107), 108), 109), 110), 111) тармақшалармен толықтырылсын:
"99) Солтүстік Арал теңізінің су тартқыш бөгеті;
100) Белая өзеніндегі су тартқыш бөгеті;
101) Қорғалжын мемлекеттік табиғи қорығының су тораптары;
102) Краснобор су қоймасы;
103) Шымбұлақ бөгеті;
104) Сол жағалау және Оң жағалау магистральды каналдарымен Тасқұтан су тартқыш бөгеті;
105) Құрақсу бөгеті;
106) Кобяково - Забурунье каналының бас бөлігіндегі бөгет;
107) Тоғыс су қоймасының қосымша су беретін Сол жағалау каналы;
108) Бөген су қоймасының қосымша су беретін Арыс каналы;
109) Базарбай магистральды каналы;
110) Раис магистральды каналы;
111) Қож магистральды каналы.";
"Топтық су құбырлары" деген 3-бөлім мынадай мазмұндағы 22), 23) тармақшалармен толықтырылсын:
"22) Іле ауданындағы Бозой топтық су құбыры;
23) Еңбекшіқазақ ауданындағы Түрген топтық су құбыры.".
2. Осы қаулы қол қойылған күнінен бастап қолданысқа енгізіледі.
Қазақстан Республикасының |
