2007-2009 жылдарға арналған техникалық регламенттерді әзірлеу жөніндегі жоспарды бекіту туралы

Қазақстан Республикасы Үкіметінің 2007 жылғы 4 мамырдағы N 361 Қаулысы. Күші жойылды - Қазақстан Республикасы Үкіметінің 2009 жылғы 29 желтоқсандағы № 2243 Қаулысымен.

      "Концессиялар туралы" Қазақстан Республикасының 2006 жылғы 7 шілдедегі Заңының  16-бабына сәйкес Қазақстан Республикасының Үкіметі  ҚАУЛЫ ЕТЕДІ :

      1. "Экономика және кибернетика институты" жауапкершілігі шектеулі серіктестігі концессияға берілуі мүмкін объектілер бойынша ұсыныстардың сараптамасы жөнінде 2007 жылға тәуелсіз сарапшы болып белгіленсін.

      2. Қазақстан Республикасы Экономика және бюджеттік жоспарлау
министрлігі заңнамада белгіленген тәртіппен:
      1) осы қаулының 1-тармағында көрсетілген заңды тұлғамен 2007 жылға арналған республикалық бюджетте көзделген қаражат шегінде концессияға берілуі мүмкін объектілер бойынша ұсыныстардың сараптамасы жөніндегі қызметтерді мемлекеттік сатып алу туралы шарт жасассын;
      2) осы қаулыдан туындайтын өзге де шаралар   қабылдасын.

      3. Осы қаулы қол қойылған күнінен бастап қолданысқа енгізіледі.

       Қазақстан Республикасының
      Премьер-Министрі