Қазақстан Республикасының Ұлттық қорын сенiмгерлiк басқарудың кейбiр мәселелерi туралы

Қазақстан Республикасы Үкіметінің 2006 жылғы 25 тамыздағы N 808 Қаулысы

      Қазақстан Республикасы Ұлттық қорының 2006 жылғы 1 шiлдеден бастап жаңа жұмыс iстеу жүйесiне көшуiн қамтамасыз ету мақсатында, Қазақстан Республикасы Президентiнiң 2005 жылғы 1 қыркүйектегi N 1641  Жарлығымен  мақұлданған Қазақстан Республикасы Ұлттық қорының қаражатын қалыптастырудың және пайдаланудың орта мерзiмдi перспективаға арналған тұжырымдамасына сәйкес Қазақстан Республикасының Үкiметi  ҚАУЛЫ ЕТЕДI:
      1. Қоса берiлiп отырған "Қазақстан Республикасының Ұлттық қорын сенiмгерлiк басқару туралы шарт туралы" Қазақстан Республикасы Үкiметiнiң 2001 жылғы 18 мамырдағы N 655  қаулысымен  мақұлданған Қазақстан Республикасының Ұлттық қорын сенiмгерлiк басқару туралы 2001 жылғы 14 маусымдағы N 299 шартқа өзгерiстер мен толықтырулар енгiзу туралы қосымша келiсiмнiң (бұдан әрi - Қосымша келiсiм) жобасы мақұлдансын.
      2. Қазақстан Республикасы Үкiметiнiң атынан Қосымша келiсiмге қол қою Қазақстан Республикасының Қаржы министрi Наталья Артемовна Коржоваға тапсырылсын.
      3. Осы қаулы қол қойылған күнінен бастап қолданысқа енгiзiледi.

       Қазақстан Республикасының
      Премьер-Министрі

Қазақстан Республикасы  
Yкiметiнiң        
2006 жылғы 25 тамыздағы  
N 808 қаулысымен    
мақұлданған   

Жоба

"Қазақстан Республикасының Ұлттық қорын сенiмгерлiк
басқару туралы шарт туралы" Қазақстан Республикасы Үкiметiнiң
2001 жылғы 18 мамырдағы N 655 қаулысымен мақұлданған Қазақстан
Республикасының Ұлттық қорын сенiмгерлiк басқару туралы 2001
жылғы 14 маусымдағы N 299 шартқа өзгерiстер мен толықтырулар
енгiзу туралы қосымша келiсiм

      Астана қаласы                   200__жылғы "____"____________

      Бұдан әрi Банк деп аталатын, Қазақстан Республикасының Ұлттық Банкi, бiр тараптан және бұдан әрi Үкiмет деп аталатын, Қазақстан Республикасының Yкiметi, екiншi тараптан, бұдан әрi бiрлесiп Тараптар деп аталатындар мына төмендегiлер туралы осы Қосымша келiсiмдi жасасты.
      "Қазақстан Республикасының Ұлттық қорын сенiмгерлiк басқару туралы шарт туралы" Қазақстан Республикасы Yкiметiнiң 2001 жылғы 18 мамырдағы N 655 қаулысымен мақұлданған Қазақстан Республикасының Ұлттық қорын сенiмгерлiк басқару туралы шартқа мынадай өзгерiстер мен толықтырулар енгiзiлсiн:
      мынадай мазмұндағы 2.1.5-тармақпен толықтырылсын:
      "2.1.5. Қор үшiн iшкi нарықта және сол сияқты Банктiң алтын-валюта активтерiнiң есебiнен шетел валютасын сатып алуға.";
      2.2.3-тармақта:
      бiрiншi абзацтағы "Yкiметпен" деген сөз "Қазақстан Республикасы Қаржы министрлiгiмен" деген сөздермен ауыстырылсын;
      он бiрiншi абзацтағы "(ААА/Ааа кредиттiк рейтингi бар елдер қаржы рыногiнiң активтерi)" деген сөздер алынып тасталсын;
      2.2.4 және 2.2.5-тармақтар мынадай редакцияда жазылсын:
      "2.2.4. Тоқсан сайын Қазақстан Республикасы Қаржы министрлiгiне қағаз және электронды тасығыштарда есептi кезеңнен кейiнгi 50 (елу) күнтiзбелiк күн iшiнде, кейiннен есептi кезеңнен кейiнгi 60 (алпыс) күнтiзбелiк күннен кешiктiрмей Қазақстан Республикасы Ұлттық Банкiнiң Басқармасы бекiткен Қорды сенiмгерлiк басқару нәтижелерi туралы тоқсан сайынғы есептi бере отырып, есепті кезеңнiң соңғы күнiне Қордың нарықтық құны, Қормен жасалған операциялар бойынша кiрiстiлiк, есептi кезеңде алынған кiрiс мөлшерi, есептi кезеңнiң соңындағы Қор портфелiнiң құрамы, пайыздық ставкалардың өзгеру тәуекелiнiң ағымдағы мәнi (Қазақстан Республикасы Ұлттық Банкi Басқармасының мүшелерiне қарауға берiлген) туралы ақпарат қамтылған Қорды сенiмгерлiк басқару нәтижелерi туралы тоқсан сайынғы жедел есептi беруге;
      Жыл сайын Қазақстан Республикасы Қаржы министрлiгiне қағаз және электронды тасығыштарда есептi кезеңнен кейiнгi жылдың 15 наурызынан кешiктiрмей, кейiннен Қазақстан Республикасы Ұлттық Банкiнiң Басқармасы бекiткен Қорды сенiмгерлiк басқару нәтижелерi туралы жылдық есептi есептi кезеңнен кейiнгi жылдың 1 сәуiрiнен кешiктiрмей есептi кезеңнiң соңғы күнiне Қордың нарықтық құны, Қормен жасалған операциялар бойынша кiрiстiлiк, есептi кезеңде алынған кiрiс мөлшерi, есептi кезеңнiң соңындағы Қор портфелiнiң құрамы, пайыздық ставкалардың өзгеру тәуекелiнiң ағымдағы мәнi (Қазақстан Республикасы Ұлттық Банкi Басқармасының мүшелерiне қарауға берiлген) туралы ақпарат қамтылған Қорды сенiмгерлiк басқару нәтижелерi туралы жедел жылдық есептi беруге;
      2.2.5. Қазақстан Республикасының Қор қызметiн реттейтiн нормативтiк құқықтық кесiмдерiнде көзделген тәртiппен және жағдайларда кепiлдiк берiлген трансферттердi Қордан республикалық бюджетке аударуға;";
      мемлекеттiк тiлдегi мәтiнi 2.2.9-тармақтағы "анықтауға" деген сөзден кейiн ";" белгiсi қойылып, мынадай мазмұндағы 2.2.10 және 2.2.11-тармақтармен толықтырылсын:
      "2.2.10. Қазақстан Республикасы Ұлттық Банкiнiң Басқармасы белгiлеген тәртiппен Қордың активтерiн айырбастауды және қайта айырбастауды жүзеге асыруға;
      2.2.11. Қор активтерiнiң бухгалтерлiк есебiн жүргiзудi жүзеге асыруға және Банк пен Үкiмет арасында жасалатын Қордың бухгалтерлiк есебiн жүргiзу және қаржылық есептiлiгiн жасау туралы шартқа сәйкес Қорды сенiмгерлiк басқару нәтижелерi бойынша шоғырландырылған қаржылық есептiлiктi жасауға";
      2.3-тармақ мынадай редакцияда жазылсын:
      "2.3. Банк:
      2.3.1. осы Шарт бойынша өз мiндеттемелерiн тиiстi дәрежеде орындамау салдарынан Қорға келтiрiлген шығындар үшiн. Банк оған берiлген өкiлеттiктерiн асыра отырып немесе ол үшiн белгiленген шектеулердi бұзумен жасасқан мәмiлелер бойынша мiндеттемелердi Банк өз мүлкi есебiнен алып жүредi;
      2.3.2. осы шарттың 2.2.4-тармағында көзделген есептiлiктердi уақтылы бермегенi үшiн жауапты болады.";
      3.2.2-тармақ мынадай редакцияда жазылсын:
      "3.2.2. Банкке Қордың шоттарына түсетiн түсiмдер сомасының келесi айға арналған болжамын ай басталғанға дейiн 5 (бес) жұмыс күнiнен кешiктiрмей ұсынуға;";
      мынадай мазмұндағы 3.2.8. және 3.2.9-тармақтармен толықтырылсын:
      "3.2.8. Банкке Қазақстан Республикасының Ұлттық қорынан республикалық бюджетке кепiлдiк берiлген трансферттiң бекiтiлген көлемi туралы ақпаратты айларға бөле отырып, республикалық бюджеттiң түсiмдерi мен оны қаржыландырудың жиынтық жоспары бекiтiлген күннен бастап 3 (үш) жұмыс күнi iшiнде ұсынуға.
      Республикалық бюджетке түсетiн түсiмдер мен оны қаржыландырудың жиынтық жоспарына өзгерiстер енгiзiлген жағдайда осы өзгерiстер туралы ақпаратты өзгерiстер енгiзiлген күннен бастап 3 (үш) жұмыс күнi iшiнде Банктiң назарына жеткiзуге;
      3.2.9. Қорды сенiмгерлiк басқаруға байланысты жарияланатын барлық ақпаратты Банкпен мiндеттi түрде келiсуге.";
      4.1-тармақта:
      мынадай мазмұндағы бесiншi абзацпен толықтырылсын:
      "заң кеңесшiсiнiң қызметiне ақы төлеу;";
      алтыншы абзацтағы "заңды кеңесшiнiң" деген сөздер "инвестициялық консультанттың" деген сөздермен ауыстырылсын.

       Банктiң атынан                     Қазақстан Республикасы
      Қазақстан Республикасы             Үкіметінің атынан
      Ұлттық Банкiнiң                    Қазақстан Республикасының
      Төрағасы                           Қаржы министрі