Ескерту. Күші жойылды - ҚР Қаржы министрінің 2010.09.21 № 474 Бұйрығымен.

      Қазақстан Республикасы Кеден кодексінің 53, 112, 219 және  387-баптарына сәйкес БҰЙЫРАМЫН:
      1. Қоса беріліп отырған:
      1) Құбыр көлiгiмен және электр беру желiлерi бойынша өткiзілетін тауарларды кедендік ресімдеу ережесі;
      2) Уақытша кедендік декларация беру жолымен тауарларды декларациялау ережесі бекітілсін.
      2. Қазақстан Республикасы Қаржы министрлігі Кедендік бақылау комитеті Энергия ресурстарына кедендік бақылауды ұйымдастыру басқармасы (Н.Ғ. Досмұратова) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
      3. Қазақстан Республикасы Қаржы министрлігі Кедендік бақылау комитеті Ұйымдастырушылық жұмыс және бақылау басқармасы (С.С. Молдабаев) осы бұйрықтың бұқаралық ақпарат құралдарында жариялануын қамтамасыз етсін.
      4. Осы бұйрықтың қосымшасына сәйкес келесі бұйрықтар күшін жойған болып саналсын.
      5. Осы бұйрықтың орындалуын бақылауды өзіме қалдырамын.
      6. Осы бұйрық бірінші ресми жарияланған күнінен кейін бір ай өткен соң қолданысқа енгізіледі.

      Төрағаның м.а.

Қазақстан Республикасы    
Қаржы министрлігі      
Кедендік бақылау комитеті  
Төрағасының м.а.     
2006 жылғы 27 маусымдағы   
N 220 бұйрығына қосымша   

Қазақстан Республикасы Кедендік бақылау агенттігінің және
Қазақстан Республикасы Қаржы министрлігі Кедендік бақылау
комитетінің күші жойылған бұйрықтарының тізбесі

      1) "Уақытша кедендік декларацияны толтыру және уақытша декларациялау рәсімдерін пайдалана отырып кедендік ресімдеудің ережесін бекіту туралы" Қазақстан Республикасы Кедендік бақылау агенттігі төрағасының 2003 жылғы 20 мамырдағы N 218 бұйрығы (Қазақстан Республикасы Нормативтік құқықтық актілерді мемлекеттік тіркеу тізілімінде 2003 жылғы 4 маусымда N 2347 тіркелді, 2003 жылғы 20 қыркүйек N 38 "Ресми газетте" жарияланды, ҚР Кедендік бақылау агенттігі төрағасының 08.07.04 ж. N 299 бұйрығымен, ҚР Қаржы министрлігі Кедендік бақылау комитеті төрағасының м.а. 2005.28.09 N 382 бұйрығымен енгізілген өзгерістермен);

      2) "Уақытша кедендік декларацияны толтыру және уақытша декларациялау рәсімдерін пайдалана отырып кедендік ресімдеудің ережесін бекіту туралы" Қазақстан Республикасы Кедендік бақылау агенттігі төрағасының 2003 жылғы 20 мамырдағы N 218 бұйрығына өзгерістер мен толықтырулар енгізу туралы Қазақстан Республикасының Кедендік бақылау агенттігі төрағасының 2004 жылғы 8 шілдедегі N 299  бұйрығы (Нормативтік құқықтық актілерді мемлекеттік тіркеу тізілімінде 2004 жылғы 22 шілдеде N 2959 тіркелді, 2004 жылғы 4 қыркүйек N 36 (192) "Ресми газетінде"; 2004 ж. N 41-44 ҚР Нормативтік құқықтық актілер бюллетенінде 1041 бетінде);

      3) "Уақытша кедендік декларацияны толтыру және уақытша декларациялау рәсімдерін пайдалана отырып кедендік ресімдеудің ережесін бекіту туралы" Қазақстан Республикасы Кедендік бақылау агенттігі төрағасының 2003 жылғы 20 мамырдағы N 218 бұйрығына өзгерістер мен толықтырулар енгізу туралы" Қазақстан Республикасының Кедендік бақылау агенттігі төраға м.а. 2005 жылғы 28 қыркүйектегі N 382  бұйрығы (Қазақстан Республикасы Нормативтік құқықтық актілерді мемлекеттік тіркеу тізілімінде 2005 жылғы 30 қыркүйекте N 3865 тіркелді, "Заң газетінде" 2005 ж. 30 қараша N 158 (782) жарияланды).

Қазақстан Республикасы    
Қаржы министрлігі       
Кедендік бақылау комитеті   
төрағасының м.а.        
2006 жылғы 27 маусымдағы   
N 220 бұйрығымен бекітілген 

  Құбыр көлiгiмен және электр беру желiлерi бойынша
өткiзілетін тауарларды кедендік ресімдеу ережесі

  1. Жалпы ережелер

      1. Осы Ереже кедендік ресімдеу, құбыр көлігімен және электр беру желілері бойынша өткізілетін тауарларды өткізуге байланысты алдын ала операцияларды, кедендік операциялар мен рәсімдерді жүзеге асыру тәртібін айқындайды.
      2. Осы Ережеде Қазақстан Республикасының Кеден кодексімен (бұдан әрі - Кеден кодексі) айқындалған мәніндегі негізгі ұғымдар, сондай-ақ құбыр көлігімен және электр беру желілерімен тасымалданатын тауарлар үшін мынадай ұғымдар пайдаланылады:
      1) тауарларды қабылдап алу пункті - жөнелтуші кеден органының қызмет аймағында орналасқан бір бағыттағы тауарларды тасымалдаудың бастапқы пункті;
      2) тауарларды беру пункті - межелі кеден органының қызмет аймағында орналасқан тауарларды тасымалдаудың соңғы пункті;
      3) кедендiк бақылау орындары - коммерциялық есептеу құралдарын орнату орындарында орналасқан құбыр көлігімен және электр беру желілері бойынша өткізілетін тауарларды өткiзу пункттерi және/немесе қабылдап алу-тапсыру пункттерi;
      4) электр энергиясын өткізуші тұлға - электр энергетикасы туралы заңнамаға сәйкес электр энергиясының көтерме және бөлшек рыногының субъектісі;
      5) энергетикалық жүйе (энергия жүйесі) - жедел-диспетчерлік басқарулар кезінде электр қуатын және электр энергиясын өндіру, беру, бөлу және тұтынудың технологиялық үздіксіз процестің жалпы режимімен өзара байланысты электр станцияларының, электр беру желілері мен кіші станцияларының жиынтығы;
      6) есептеу кезеңі - оның қорытындысы бойынша құбыр көлігімен және электр беру желілері бойынша өткізілетін тауарларды жеткізу - тұтынудың нақты теңгерімі құралатын уақыт кесіндісі (ай);
      7) нақты теңгерім - есепті кезең ішінде өндірілген, жеткізілген және тұтынылған құбыр көлігімен және электр беру желілері бойынша өткізілетін тауарлардың көлемін адрестік бөлуді белгілейтін құжат; 
      8) электр энергиясының өтуі - электр энергиясын электр берудің 1 немесе бірнеше желілері бойынша бір бағытта беру; 
      9) "ағынды-сальдо" - есептеу кезеңі ішінде (ай) халықаралық электр беру желілері бойынша кеден шекарасы арқылы қарама-қарсы бағытта өткізілетін электр энергиясы ағынының алгебралық сомасы;
      10) параллельді жұмыс - электроэнергетикалық жүйе немесе бірыңғай жиілікпен энергия жүйесінің бірлескен жұмысы. Параллельді жұмыстың мақсаты тұтынушының энергиямен жабдықтау сенімділігін тиісті деңгейде қамтамасыз ету, энергия жүйесінде авариялық жағдайды жою, үнемдеушілікті арттыру, қуат резервінің көлемін азайту, уақытша еркін қуатты пайдалану болып табылады;
      11) авариялық жағдай - жұмыста көліктік және технологиялық жабдықтардың бұзылуы немесе бұзылу қаупі;
      12) авариялық өзара көмек - авариялық жағдайлардың алдын алу немесе жоюды жүзеге асыру мақсатында энергия жүйесінен (не) шет елге электр энергиясын беру.

  2. Қазақстан Республикасының кедендiк шекарасы
арқылы тауарларды құбыр көлiгiмен және электр беру
желiлерi бойынша өткiзу кезiндегi алдын ала
операциялар мен кедендiк рәсiмдер

      3. Қазақстан Республикасының кеден шекарасына құбыр көлігін пайдалана отырып және электр беру желілері бойынша өткізілетін тауарларды әкелу кезінде алдын ала операциялар мынадай тәртіппен жүзеге асырылады:
      1) межелі кеден органында алдын ала кедендік ресімдеу;
      2) тауарды өткізуді жүзеге асыратын тұлғалар жөнелтуші кеден органына уақытша кедендік жүк декларациясының (бұдан әрі - УКЖД) көшірмесін ұсыну жолымен тауардың өткізу пункттерін кесіп өткені туралы хабардар ету;
      3) межелі кеден органына кедендік мақсаттарда қажет құжаттар мен мәліметтерді ұсыну.
      4. Қазақстан Республикасының кеден аумағынан тыс жерлерге құбыр көлiгiмен және электр беру желiлерi бойынша тауарларды әкету кезiндегi кедендiк рәсiмдерге мынадай кедендiк операциялар кiредi:
      1) уақытша кедендiк жүк декларациясын, құжаттарды және мәлiметтердi ұсыну жолымен тауарларды өткiзудi жүзеге асыратын тұлға оларды Қазақстан Республикасының кеден аумағынан тыс жерлерге әкету ниетi туралы жөнелтуші кеден органын хабардар ету;
      2) межелі кеден органын УКЖД көшірмесін ұсыну жолымен хабардар ету;
      3) УКЖД көшірмесінде және көлік құжаттарында межелі кеден органының белгілерін қою жолымен тауардың іс жүзінде әкетілуін растау;
      4) жөнелтуші кеден органында кедендiк ресiмдеудi жүзеге асыру.

  3. Тауарларды құбыр көлiгiмен және электр беру желiлерi
бойынша өткiзу кезiндегi кедендік ресімдеу ерекшеліктері

      5. Құбыр көлiгiн және электр беру желiлерiн пайдалана отырып өткiзілетін тауарларды кедендік ресімдеу тауарлар орналасқан жердегі кеден органының қызмет аумағында сол үшін бөлінген орында уақытша декларациялау рәсімін қолдана отырып жүзеге асырылады. Кеден ісі мәселелері бойынша уәкілетті орган декларанттың дәлелді сұранысы бойынша тауарларды кедендік ресімдеу үшін басқа орын беруге құқылы.
      6. Тасымалдаушы үшін уақытша кеден декларациясын ұсыну жолымен тауарларды декларациялау Ережелеріне сәйкес ресімделген УКЖД Қазақстан Республикасының кедендік шекарасы арқылы тауарларды өткізуге негіз болып табылады.
      7. Коммерциялық келісім-шарт пен энергия жүйелерінің параллелді жұмысы жағдайындағы нөлдік сальдо-ағынын жоспарлау болмаған кезде электр энергиясын кедендік ресімдеу жүргізілмейді. Бұл ретте электр энергиясын өткізуші тұлғалар параллелді жұмыс туралы келісім-шарттарды ұсына отырып және мемлекетаралық электр беру желілерін көрсете отырып кеден органдарын энергия жүйесін параллелді жұмысқа қосу жөнінде жазбаша хабардар етеді.
      Энергия жүйелерінің параллелді жұмысы кезіндегі есепті кезең ішінде алынған электр энергиясының жоспардан тыс көлемін кедендік ресімдеу Қазақстан Республикасының азаматтық заңнамасына сәйкес жасалған мәміле негізінде кедендік мақсатта қажет құжаттар мен мағлұматтар ұсынылған жағдайда жүргізіледі. Есептеу кезеңі аяқталған сәттен 30 күннен кешіктірмей болған екі тараптың бірі жоспардан тыс электр энергиясының көлеміне кедендік жүк декларациясын (бұдан әрі - КЖД) береді. КЖД электр энергиясының нақты теңгерімінің негізінде және берілген электр энергиясының көлемін салыстыру актісін ұсына отырып ресімделеді.
      8. Авария жағдайы кезінде жеткізілген электр энергиясы, Кеден кодексінің  370-бабына сәйкес басымдық тәртіппен кедендік ресімдеуге жатады. Авариялық жағдай туындаған сәттен бастап үш тәулік ішінде кеден органына берілген диспетчерлік өтініш, мәлімдеме УКЖД ретінде қаралады. Өтініште, тауарды жөнелтушілер және алушылар туралы, тауарды жөнелткен және баратын елдері туралы, атауы, сипаттамасы, саны және тауардың құны, сондай-ақ декларацияланатын тауар орналастырылады деп болжалған кедендік режим туралы, кедендік жүк декларациясын, кедендік мақсаттар үшін қажетті құжаттар мен мәліметтерді белгіленген мерзімде жеткізу туралы міндеттеме мазмұндалуы тиіс.
      Жеткізілген айдың соңғы күнінен бастап 30 күннен кешіктірмей қызмет аймағында жеткізу жүзеге асырылатын кеден органына КЖД беріледі.

  4. Құбыр тасымалы көлігін және электр беру
желiлерiн пайдалана отырып тауарларды транзиттеу

      9. Екі мемлекеттің энергия жүйесінің параллелді жұмысы кезінде мемлекетаралық электр беру желiсi бойынша Қазақстан Республикасының кеден аумағы арқылы шектес елдердiң электр энергиясының ағындарын декларациялау, олардың екі өткізу пункті арасындағы электр беру желiлерi бойынша шектес елдiң кеден аумағы арқылы қазақстандық электр энергиясының ағындары сияқты тең, иесi туралы, есептеу кезеңдегi ағындар көлемi және электр энергиясының шартты құны туралы мәлiметтердi көрсете отырып, еркін түрде жазылған өтінішті ұсыну жолымен жүргiзiледi.
      10. Құбыр желiсiмен және электр энергия беру желілерi арқылы өткiзiлетiн тауарлардың транзитін декларациялауды жөнелтушi (сатушы), алушы (сатып алушы), жөнелтiлетiн ел, межелi ел, тауарлардың мөлшерi, құны туралы мәлiметтер бере отырып және кедендік бақылау орындары көрсете отырып 5-қосымшаға сәйкес нысан бойынша кеден органдарына өтініш беру жолымен тауарлардың өткiзiлуi басталғанға дейiн тауарларды оңайлатылған тәртiппен өткiзушi тұлғалар жүзеге асырады. Бұл ретте өтініштерді тiркеу 6-қосымшаға сәйкес белгiленген нысандағы журналда жүргiзiледi.
      Тауарлар өткiзiлген айдың соңғы күнiнен бастап 30 күннен кешiктiрiлмей есептi кезең iшiнде әрбiр арналы құбыр желiсi мен электр беру желiлерi бойынша тауарлардың транзиттiк көлемiне арналған КЖД толтырылады.
      11. Қазақстан Республикасының аумағы арқылы тауарларды транзиттеу кезінде 3, 5, 6, 7, 12, 14, 15, 16, 17, 17а, 19, 23, 25, 26, 29, 32, 33, 34, 35, 37, 38, 41, 45, 46, 47, 54, В, С және Д бағандары тауарларды еркін айналымға шығару кедендік режиміне жататын тауарларды декларациялау кезіндегі КЖД толтырудың белгіленген тәртібіне сәйкес толтырылады.
      12. Декларант КЖД келесі бағандарын толтырады:
      1, 2, 3, 5, 6, 8, 9, 12, 14, 15, 15а, 16, 17, 17а, 18, 19, 21, 22, 23, 25, 26, 28, 29, 31, 32, 33, 34, 35, 37, 38, 40, 41, 44, 45, 46, 47, 53, 54, А, В.
      13. Кеден органының лауазымды тұлғасы 7, А (қосымша парақ), С және Д бағандарын толтырады.
      14. 1, 2, 8, 9, 18, 21, 22, 28, 31, 40, 44, 53, А бағандары келесі ерекшеліктерді ескере отырып толтырылады: 
      1-баған. "Декларацияның түрі".
      Бірінші кіші тарауында тауарларды өткізу бағыты көрсетіледі:
      тауарлардың Қазақстан Республикасының аумағы арқылы транзитінде -"ИМ".
      Бағанның екінші кіші тарауында кедендік режимнің 80 екі мәнді коды көрсетіледі.
      2-баған."Жөнелтуші/экспортер":
      көлік құжаттарына сәйкес транзит режиміне жатқызылатын тауарларды жөнелтуші болып табылатын тұлғаның атауы мен тұрған жері көрсетіледі.
      8-баған."Алушы/импортер":
      көлік құжаттарына сәйкес транзит режиміне жатқызылатын тауарларды алушы болып табылатын тұлғаның атауы мен тұрған жері көрсетіледі.
      9-баған. "Қаржылық реттеу үшін жауапты тұлға":
      тасымалдаушы (орындаушы) туралы мәліметтер көрсетіледі:
      тасымалдаушының (орындаушының) атауы мен тұрған жері, телефон нөмірі, 9-бағанның жоғары бөлігінде кедендік статистика қалыптастыру мақсатында қолданылатын сәйкестендіру нөмірі енгізіледі.
      18-баған. "Жөнелту кезіндегі көлік құралы":
      сол жағында көлік құралы түрінің қысқартылған атауы: арналы құбыр немесе электр беру желілері (АГ - арналы газқұбыры, АМ - арналы мұнайқұбыры, ЭБЖ - электр беру желілері, АМӨ - арналы мұнай өнімдері құбыры), қос нүкте арқылы құбыр көлігі немесе электр беру желілері бойынша өткізілетін тауарларды кедендік бақылау орындарының Жіктемесіне сәйкес тауарларды кедендік бақылау орнының немесе орындарының коды көрсетіледі. Мысалы: АГ:091; АМ:004; ЭБЖ:024, 025;
      оң жақтағы кіші тарауында олар тіркелген елдің сандық коды көрсетіледі.
      21-баған. "Шекарадағы көлік құралы":
      сол жағында көлік құралы түрінің қысқартылған атауы: арналы құбыр немесе электр беру желілері (АГ - арналы газқұбыры, АМ - арналы мұнайқұбыры, ЭБЖ - электр беру желілері, АМӨ - арналы мұнай өнімдері құбыры), қос нүкте арқылы құбыр көлігі немесе электр беру желілері бойынша өткізілетін тауарларды кедендік бақылау орындарының Жіктемесіне сәйкес тауарларды кедендік бақылау орнының немесе орындарының коды көрсетіледі. Мысалы: АГ:091; АМ:004; ЭБЖ:024, 025;
      оң жақтағы кіші тарауында олар тіркелген елдің сандық коды көрсетіледі.
      22-баған. "Валюта және жалпы фактуралық құны":
      бағанның сол жағындағы кіші тарауында шот-фактурадағы тауарлардың құны көрсетілген валютаның сандық коды енгізіледі;
      бағанның оң жағындағы кіші тарауы толтырылмайды. 
      28-баған. "Қаржылық және банк мәліметтері":
      Қаржылық реттеу үшін жауапты тұлғаның қаржылық және банктік мәліметтері (әрбір деректеме әрқайсысының рет санын көрсете отырып жаңа жолдан бастап енгізіледі) көрсетіледі:
      2-банктің КҰЖК коды және үтір арқылы осы бағанда көрсетілген тұлға шот ашқан банктің қысқаша атауы (егерде банктің КҰЖК коды 8 саннан құралған болса, оң жағынан төрт нөлмен толықтырылады);
      3-осы бағанда 2-нөмірмен көрсетілген банктің заңды мекен-жайы;
      4-осы бағанда көрсетілген тұлғаның банктегі шотының нөмірі, егерде тасымалдаушы/орындаушы шетелдік тұлға болған жағдайда, баған толтырылмайды.
      31-баған. "Жүк орындары және тауарлардың сипаттамасы":
      Тауардың ілеспе құжаттарына сәйкес тауардың сипаттамасы көрсетіледі.
      40-баған. "Жалпы декларация/алдынғы құжат":
      Бағанда алдыңғы хабарламаның нөмірі көрсетіледі. 
      44-баған. "Қосымша ақпарат/ұсынылатын құжаттар":
      2-нөмірмен - көлік құжатының нөмірі;
      3-нөмірмен - тасымал шартының нөмірі мен күні;
      4-нөмірмен - шарттың, шот-фактураның (инвойстың) нөмірі мен күні; 
      6-нөмірмен - межелі кеден органына тапсырылатын тауарлардың басқа құжаттарының атауы, нөмірі мен күні (әрбір деректеме әрқайсысының алдына рет саны көрсетіле отырып жаңа жолдан енгізіледі) көрсетіледі.
      53-баған. "Кеден және баратын елі":
      Бағанда тауарлар межелі кеден органына жолданған құжаттар туралы мәліметтер (әрбір деректеме әрқайсысының алдына рет саны көрсетіле отырып жаңа жолдан енгізіледі) көрсетіледі:
      4-нөмірмен Қазақстан Республикасының шекарасындағы кедендік бақылау орындарында орналасқан Қазақстан Республикасындағы межелі кеден органының атау мен коды көрсетіледі.
      А бағаны (негізгі парақ) транзиттік тауарларды декларациялаған жағдайда толтырылады.
      Кеден брокері 1 санымен:
      ұлттық валютамен есеп айырысу шотының нөмірін, СТН, кеден брокері есеп айырысу шотын ашқан банктің атауы мен пошталық мекен-жайын көрсетеді.
      А бағаны (қосымша парақ):
      транзиттік декларацияның анықтамалық нөмірі көрсетіледі.

  6. Сәйкестендіру құралдарын салудың тәртібі

      15. Тасымалданатын тауарлардың есептеу аспаптарындағы ақпараттардың рұқсатсыз өзгертілуін және оған енудің алдын алу, коммерциялық есептеу торабына соқпастан тауарларды тасымалдаудың жолын кесу мақсатында, кедендік сәйкестендіру құралдары салынады.
      16. Сәйкестендіру құралын салуды Кеден кодексінің 476-бабына сәйкес кеден органының лауазымды адамы тасымалдауға жауапты адамның қатысуымен жүзеге асырады. Қараңыз.K100296
      17. Сәйкестендіру құралдары, егер тауарлар саны мен сапасын өлшеу жұмыстарының қалыпты жүйесінің бұзылуына нақты қауіп не авариялық және өрт қаупі жағдайында қосымша технологиялық көлік желісін қолдану қажет болатын жағдайларды қоспағанда, тек кеден органымен немесе тек қана оның рұқсатымен өзгертіледі не жойылады.
      18. Тауарларды тасымалдаушы тұлғалардың диспетчерлік қызметі қолда бар байланыс арналары бойынша Қазақстан Республикасының кеден органын салынған сәйкестендіру құралдарының тұтастығын бұзуға әкеп соқтырған себептерді жазбаша түсіндіре отырып авариялық жағдайларды жою жөнінде жұмыстар жүргізілгендігі туралы хабардар етеді.
      19. Салынған сәйкестендіру құралдарының тұтастығын бұзумен және бөлшектеумен байланысты жабдықты күнделікті не күрделі жөндеу бойынша жоспарлы жұмысты жүргізген жағдайда, тасымалдаушының басшысы мұндай жұмысты жүргізердің алдында кемінде 3 тәулік бұрын мұндай жұмыстың жүргізілетін күнін және ұзақтығын көрсете отырып кеден органын хабардар етеді.
      20. Кедендік сәйкестендіру құралын салу және алу кезінде кеден органының лауазымды адамы белгіленген нысан бойынша кедендік сәйкестендіру құралын салғаны (алғаны) туралы 4-қосымшаға сәйкес акт жасайды. Акт екі данада жасалады, оның бірі кеден органында сақталады, екіншісі тасымалдаушыда қалдырылады.

  7. Ақпараттарды беру

      21. Қазақстан Республикасының кеден шекарасы арқылы өткізілетін тауарларды кедендік бақылауды жүзеге асыру мақсатында тауарларды жөнелтуші/межелі кеден органы УЖКД-ның көшірмелерін межелі/жөнелтуші кеден органына ұсынады.
      22. Қызмет аймағында тауарларды кедендік бақылау орындары орналасқан межелі/жөнелтуші кеден органы есепті айдан кейінгі айдың 10-на дейін кеден органының лауазымды тұлғасы қол қойып, куәландырған, 1, 2, 3-қосымшаларда бекітілген нысан бойынша ресімделген "Санауыштан көрсеткіштерді алу туралы" актіні және кеден органының белгілері қойылған УКЖД көшірмелерін жөнелтуші/межелі кеден органына жібереді.
      23. Тауарларды өткізуді жүзеге асырушы тұлға, есептіден кейінгі айдың 20-шы жұлдызына дейінгі мерзімде ай сайын, Қазақстан Республикасының кеден шекарасы арқылы әрбір магистралды құбыр және электр беру желісі бойынша өткізілетін тауарлар көлемінің теңгерімін тұтынушыларды, сондай-ақ келесі айға тасымалданатын тауарлардың жоспарланып отырған көлемін көрсете отырып, кеден ісі мәселелері жөніндегі уәкілетті органға және жөнелтуші/межелі кеден органына ұсынады.

                                      Құбыр көлiгiмен және электр
                                   беру желiлерi бойынша өткiзілетін
                                     тауарларды кедендік ресімдеу
                                         ережесіне 1-қосымша

                                   Акт
                  _____________________________КБД
           __________ кеден бекетінде ________ 200_ жылы (айы)
             мұнайды тасымалын өткізу пунктіндегі есептеуіш
                       көрсеткіштерін алу туралы
                        (газ конденсатын қоса)
                     "_____"_____________200_ жыл

   Есептеу торабының өкілінің      ________________   _______________
                                    (Т.А.Ә.)           (қолы)

Кеден органы лауазымды адамының ________________    _______________
                                    (Т.А.Ә.)            (қолы)

                                      Құбыр көлiгiмен және электр
                                   беру желiлерi бойынша өткiзілетін
                                     тауарларды кедендік ресімдеу
                                         ережесіне 2-қосымша

                             Акт
                   _____________________________КБД
          __________ кеден бекетінде _________ 200_ жылы (айы)
          табиғи газ тасымалын өткізу пунктіндегі есептеуіш
                      көрсеткіштерін алу туралы
                     "_____"_____________200_ жыл

   Есептеу торабының өкілінің      ________________   _______________
                                    (Т.А.Ә.)           (қолы)

Кеден органы лауазымды адамының ________________    _______________
                                    (Т.А.Ә.)            (қолы)

                                      Құбыр көлiгiмен және электр
                                   беру желiлерi бойынша өткiзілетін
                                     тауарларды кедендік ресімдеу
                                         ережесіне 3-қосымша

                             Акт
                    "_____"_____________200_ жыл
         _______________________________________________________
          (энергия объектілері және энергия жүйелерінің атауы)
        және 200_ ж._____ _____________________________________
        (айы) (шектес мемлекеттердің энергия жүйелерінің атауы)
            арасындағы электр энергиясының ағынын анықтауға
               арналған санауыштардың көрсеткіштерін алу

   Энергия объектісінің өкілі      ___________      __________________
                                   (қолы)             (Т.Ә.А.)
Кеденнің өкілі                  ___________      __________________
                                   (қолы)             (Т.Ә.А.)

                                      Құбыр көлiгiмен және электр
                                   беру желiлерi бойынша өткiзілетін
                                     тауарларды кедендік ресімдеу
                                         ережесіне 4-қосымша

                              АКТ
    кедендік бірдейлендіру құралдарын салу және алу туралы
                       200__жылғы "___" __________

Біз, төменде қол қоюшылар _________________________________________
___________________________________________________________________
___________________________________________________________________
__________________________________________________________ кедендік
бірдейлендіру құралдарын салудың (алудың) жүргізілгендігі туралы
осы актіні жасадық.

____________________ облысы бойынша КБД жедел кезекшісінің
қызметтік телефоны _____________________
___________________    __________________     _____________________
     (Т.А.Ә.)              (лауазымы)                (қолы)
___________________    __________________     _____________________
     (Т.А.Ә.)              (лауазымы)                (қолы)

                                      Құбыр көлiгiмен және электр
                                   беру желiлерi бойынша өткiзілетін
                                     тауарларды кедендік ресімдеу
                                         ережесіне 5-қосымша

                          N___ ӨТІНІШ

      Осымен Кеден кодексiнiң 219-бабына сәйкес Қазақстан
Республикасының аумағы бойынша«____________________________________
                   "iшiнде тауарларды өткiзу мерзiмi көрсетiледi"
"_______________________________" тауарлар транзитiн жүргiзу ниетi
        тауарлардың атауы 

туралы мәлімдеймін.

      Жөнелтушi ел ________________________________________________
      Жөнелтушi ___________________________________________________
      Жөнелтушiнiң мекен-жайы _____________________________________
      Межелi ел ___________________________________________________
      Алушы _______________________________________________________
      Алушының мекен-жайы _________________________________________
      Тауардың шыққан елi _________________________________________
      Кеден брокерi _______________________________________________
      Кеден брокерiнiң мекен-жайы _________________________________
      Брокердiң банктiк реквизиттерi ______________________________
      Тасымалдаушының атауы (орындаушы) ___________________________
      Тасымалдаушының мекен-жайы (орындаушы) ______________________
      Тасымалдаушының банктiк реквизиттерi ________________________
      Көлiк түрi __________________________________________________
      Шекарадағы кеден ____________________________________________
      Тауар коды __________________________________________________
      Тауардың сипаттамасы ________________________________________
      Жалпы салмағы _______________, Таза салмағы _________________
      Валюта коды _________________, валюта бағамы ________________
      Кедендiк құн ________________, жалпы кедендiк құны __________
      Статистикалық құны __________________________________________
      Тауарға iлеспе құжат:
      1.___________________________________________________________
      2.___________________________________________________________
      3.___________________________________________________________
      4.___________________________________________________________
      Кедендік баждар мен алымдарды есептеу:

   Еуро бағамы ________

                                      Құбыр көлiгiмен және электр
                                   беру желiлерi бойынша өткiзілетін
                                     тауарларды кедендік ресімдеу
                                         ережесіне 6-қосымша

                   Өтініштерді тіркеу журналы

кестенің жалғасы

Ескерту: өткізілетін көлемдердің бірліктері: табиғи газ - мың м ³ ;
электрэнергиясы - квт.с; басқа тауарлар - кг.

Қазақстан Республикасы    
Қаржы министрлігі       
Кедендік бақылау комитеті   
төрағасының м.а.        
2006 жылғы 27 маусымдағы   
N 220 бұйрығымен бекітілген 

  Уақытша кедендік декларацияны ұсына
отырып, тауарларды декларациялау ережесі

  1. Жалпы ережелер

      1. Осы Ереже кедендік жүк декларациясын (бұдан әрі - КЖД) толтыру тәртібін, нысанын және уақытша декларациялау рәсімін қолдана отырып декларациялау кезінде кедендік мақсатта КЖД мәлімделген мәліметтер тізбесін айқындайды.
      2. Қазақстан Республикасының Кеден кодексінің 373-бабына сәйкес (бұдан әрі - Кеден кодексі) тауарлар кедендік ресімдеу жүргізіліп жатқан Қазақстан Республикасының кеден органына декларацияланады. Қараңыз.K100296
      3. Осы Ережеде Кеден кодексімен  айқындалған мәніндегі негізгі ұғымдар, сондай-ақ теңіз көлігімен, магистральды құбырлармен және электр беру желілерімен тасымалданатын тауарлар үшін пайдаланылатын келесі ұғымдар қолданылады:
      1) тауарларды қабылдап алу пункті - тауарларды өткізу пункттері арқылы бір бағытта тасымалдаудың бастапқы пункті;
      2) тауарларды тапсыру пункті - тауарларды өткізу пункттері арқылы жеке меншік құқығын беру жүргізілетін тасымалдаудың соңғы пункті;
      3) кедендiк бақылау орындары - коммерциялық есептеу құралдары қондырылған орындарында орналасқан құбыр көлігімен және электр беру желілері бойынша өткізілетін тауарларды өткiзу пункттері және қабылдап алу-тапсыру пункттерi;
      5) тауардың жалпы салмағы - балласты қосқандағы салмағы;
      6) тауардың таза салмағы - балласт есептен шығарылған салмағы;
      7) балласт - судың массалық үлесiнiң (%), механикалық қоспалардың және Қазақстан Республикасында қолданыстағы мемлекеттiк салалық стандарттары (ГОСТ) бойынша зертханалық талдау жолымен анықталған басқа да және құраушылардың массалық үлесiнiң (%) құрамы.
      4. Уақытша декларациялау рәсімі қолданылады:
      1) құбыр көлігін пайдалана отырып не электр беру желісі бойынша тауарларды өткізу кезінде;
      2) тауарларды өткізуде КЖД тіркелген күні олардың санын, сапасын және кедендік құнын айқындау мүмкін болмаған жағдайда.
      5. Бір кедендік режимде мәлімделген, бір сыртқы сауда келісімімен (шартымен) жеткізілген және Қазақстан Республикасының кеден шекарасы арқылы және бір жөнелтуші бір алушының мекен-жайына жөнелткен, сол бір өткізу пункті арқылы, жеткізілу көлеміне қарамастан күнтізбелік ай ішінде - көлік құралының бір түрімен немесе электр беру желісі бойынша өткізілетін тауарларды бір партия ретінде декларациялауға болады.
      Уақытша кедендік жүк декларациясы (бұдан әрі - УКЖД) кеден органына жеткiзу басталғанға дейiн ұсынылады.
      6. УКЖД берумен бір мезгілде кеден органына оның электронды көшірмесі және Қазақстан Республикасының кедендік заңнамасында қарастырылған кедендік мақсаттар үшін қажетті басқа да құжаттар ұсынылады.
      7. Тауарларды УКЖД-ны беру жолымен декларациялау кезінде кеден органы УКЖД-ны тіркеу күнінде қолданылып жүрген ҚР заңнамасына сәйкес нормаларды қолданады.
      8. Тауарларды іс жүзінде өткізу басталғанға дейін жеткізілетін айда, сол сияқты жеткізілетін айдың алдыңғы айында да УКЖД-ны беруге рұқсат етіледі.

  2. Уақытша декларациялау рәсімін қолданған кезде
кедендік жүк декларациясын толтыру ережесі

      9. УКЖД қабылдауды және тіркеуді КЖД беру жолымен декларацияланатын тауарларға қатысты қолданылатын тәртіпке сәйкес кеден органы жүргізеді. УКЖД тіркеу КЖД тіркеу журналында жүргізіледі.
      10. УКЖД кеден ісі мәселелері бойынша өкілетті орган белгілеген мәлімделген кеден режиміне қатысты қолданылып жүрген КЖД-ны толтыру тәртібіне сәйкес, мынадай ерекшеліктерді ескере отырып, толтырылады:
      1) 1-бағанның үшінші кіші тарауында "Декларацияның түрі" әріптік индексі көрсетіледі "УД" - "уақытша декларация";
      2) көлік құжаттарының нөмірлері мен күні көрсетілместен жоспарланған тауарлар саны көрсетіледі;
      КЖД-да мәлімделуге тиіс, саны мен сапасына қатысты басқа да мәліметтер, жеткізуге жататын тауарлардың жоспарлы санын ескере отырып, болжалды көрсетіледі;
      3) тауардың құнын декларант сыртқы сауда шарты (келісімі) бағасын ескере отырып мәлімдейді. Егер, шартта (келісімде) тауардың бекітілген (нақты, ақырғы) бағасы болмаса және тек ғана оны айқындаудың шарты белгіленсе, сондай-ақ өткізілетін тауарлардың сапасы немесе саны туралы нақты ақпарат кедендік декларация берген күні болмаса, сыртқы сауда шартындағы (келісіміндегі) сатып алу-сатуда бекітілген не күні бұрынғы баға не сыртқы сауда шартымен (келісімімен) сатып алу-сатуды есептеу шартымен белгіленгендерге сәйкес УКЖД-ны берген күнге айқындалған есептеу бағасы пайдаланылады. Өткізілетін тауарлардың шарты бағасына бұлай есептеу жүргізу мүмкін болмаған кезде кеден органы өкімінде бар ақпараттар негізінде жүргізіледі;
      4) Уақытша декларациялау рәсімін пайдалана отырып тауарлар партиясын декларациялау кезінде, КЖД-ның 31-бағанында декларант күнтізбелік айы мен жылы көрсетілген "... ішінде өткізу" деген қосымша жазба жасайды. Тасымалдаушының кеден шекарасы арқылы тасымалдау үшін тауарларды қабылдауы тауарларды кедендік бақылау орындарында УКЖД-да мәлімделген кезең ішінде ғана жүргізіледі.
      11. УКЖД анықтамалық нөмірі келесі схема бойынша қалыптастырылады:
99999/99999/9999999
1    2     3

      1 элементі - кеден органының коды;
      2 элементі - УКЖД-ны қабылдаған күн (күні, айы, ағымдағы жылдың соңғы екі саны);
      3 элемент - КЖД-ны тіркеу журналы бойынша берілген УКЖД тіркеу нөмірі.
      12. Декларант ұсынған құжаттарда көрсетілген мәліметтер сәйкес келген жағдайда жөнелтуші кеден органының лауазымды адамы көліктік және тауарға ілеспе құжаттарда аталған лауазымды адамның қолымен және жеке нөмірлік мөрімен куәландырылатын УКЖД нөмірі мен тауарлардың шыққан күнін көрсете отырып "Шығуға рұқсат етіледі" деген жазбаны жүргізеді (немесе мөртабан қояды).
      13. УКЖД-ның парақтарын бөлу мынадай түрде жүзеге асырылады:
      1) бiрiншi парақ - кеден органында қалдырылады және арнайы мұрағатта сақталады;
      2) екiншi парақ - кеден органында қалады және кедендiк бақылау мақсатында пайдаланылады;
      3) үшінші парағы декларантқа қайтарылады;
      4) төртінші парақ декларантқа оны тасымалдаушыға беру үшін қайтарылып беріледі және тауарлардың тасымалдауға рұқсат болып табылады;
      5) бесінші парақ:
      әкету кезінде кеден аумағы(да) арқылы қазақстандық тауарларды өткізу жүзеге асырылатын басқа мемлекеттің кеден органына ұсыну үшін тауарға ілеспе құжатқа қоса тігіледі;
      тауарды әкелу кезінде кеден органында қалдырылады және кедендік бақылау мақсатында пайдаланылады.
      14. Өткізілген тауарлардың іс жүзіндегі саны УКЖД-да мәлімделген тауарлар санынан аспауы тиіс.
      15. Тауарларды іс жүзінде әкету (әкелу) УКЖД бойынша өткізудің мәлімделген кезеңі ішінде жүзеге асырылмаған жағдайда, УКЖД қайтарылып алынуға тиіс және күшін жоюға жатады.
      16. Тауарларды әкету (әкелу) жүзеге асырылмаған жағдайда УКЖД жою, сондай-ақ көліктік және тауарға ілеспе құжаттардағы кедендік ресімдеуді жүзеге асыратын кеден органы лауазымды адамының жүргізген жазуы және кеден штампыларының, мөрлерінің таңбаларын жою, кеден органы лауазымды адамының қолымен және жеке нөмірлі мөрімен расталатын УКЖД-ның "С" бағанында оларды сызып тастау және "Жойылды" жазуын жазу жолымен жеткізу жүзеге асырылмағандығы туралы тасымалдаушы құжатпен растағаннан кейін жүргізіледі.
      17. Декларанттағы УКЖД-ның данасы, мұндай тауарларға арналған көліктік және тауарға ілеспе құжаттар, кеден органының лауазымды адамы жүргізген кеден мөрінің, штампыларының және жазбаларының таңбасымен, сондай-ақ тауарды жеткізбеудің немесе толық жеткізбеудің себебі туралы тұлғаның жазбаша түсінігін келесі декларациялауға дейін немесе бір мезгілде декларант кеден органына ұсынады.
      18. Толық жеткізілмеген жағдайда, тауарларды Қазақстан Республикасының кеден шекарасы арқылы іс жүзінде әкетілгендігін (әкелінгендігін) растау - тасымалдаушы растаған құжаттардың негізінде тауарлар мен көлік құралдарын кедендік бақылау мен тасымалдау аяқталған Қазақстан Республикасының кеден органы лауазымды адамының жеке нөмірлік мөрімен куәландырылған "С" бағанындағы жазбасымен қоса УКЖД-ның көшірмесі болып табылады.
      Тауарлардың қалған мөлшерi олар алдағы уақытта жеткiзiлген кезде аталған кеден органында кедендiк ресiмдеуге жатады.
      19. Декларант УКЖД мәлiмделген тауарлар партиясы жеткiзiлгеннен кейiнгi күннен бастап күнтiзбелiк отыз күннен кешiктiрмей, бiрақ УКЖД тiркелген күннен бастап күнтiзбелiк тоқсан күннен асырмай толық кедендік жүк декларациясын (бұдан әрі - ТКЖД) беруге мiндеттi.
      Тауарларды бағаны айқындау талаптары бар шарт бойынша өткiзу кезiнде, меншiк құқығын Қазақстан Республикасы кедендiк аумағының шегiнен тыс жерлерге беру кезiнде көрсетiлген мерзiм баға мен мөлшердi айқындау үшiн пайдаланылатын коносамент, қабылдап алу-тапсыру актiсi ресiмделген күннен бастап есептеледi. Егер декларацияланатын тауарлар легiне бiрнеше көлiктiк құжат жасалса, көрсетiлген мерзiм соңғы көлiктiк құжат ресiмделген күннен бастап есептеледi.
      20. Декларант толтырған және берген ТКЖД-ны кеден органы УКЖД тіркелген күні қолданыста болған кеден ісі мәселелері бойынша уәкілетті кеден органының нормативтік құқықтық кесімдеріне сәйкес қабылдайды және ресімдейді.
      ТКЖД берумен бір мезгілде декларант кеден органына оның магниттік тасығыштағы электронды көшірмесін ұсынады.
      21. ТКЖД кеден ісі мәселелері бойынша уәкілетті кеден органы белгілеген, мәлімделген кеден режиміне қатысты қолданылатын КЖД толтыру тәртібіне сәйкес мынадай ерекшеліктерді ескере отырып толтырылады:
      1) ТКЖД 31-бағанында тауарларды құбыр көлігімен және электр беру желілері арқылы өткізу кезінде күнтiзбелiк ай және жыл, сондай-ақ сатып алушыға iс жүзiнде берiлген тауардың мөлшерi және өткізу көлеміне сәйкес кедендік бақылау орындарының кодтары көрсетiле отырып, "... iшiнде өткiзу" деген қосымша жазба жасалады;
      мысалы: 143269678 кВТ.сағ. - ЭБЖ:024, 135654429 кВТ.сағ. - ЭБЖ:025,
      оң жақтағы кіші тарауында өткізілген тауардың жалпы саны көрсетіледі;
      2) "Жалпы декларация/алдыңғы құжат" 40-бағанында УКЖД анықтама нөмірі көрсетіледі;
      3) "Кедендік бақылау" "Д" бағанында кеден органының лауазымды адамы тауардың бағасын есептеу кезінде пайдаланылатын құжаттың күнін қосымша қояды, табиғи газ бен электр энергиясы үшін тауарларды өткізу жүзеге асырылған айдың соңғы күнінің датасын көрсетеді. Аталған жазба кеден органы лауазымды адамының қолымен расталады.
      22. ТКЖД-на КЖД тіркеу журналы бойынша ағымдағы тіркеу нөмірі беріледі.
      23. Келісімнің шартында тауарға есептеу "нетто" салмағы бойынша көзделген жағдайда, ТКЖД-ның 35-бағанында тауарларды кедендік бақылау орындарында тіркелген салмағы көрсетіледі. Тиісінше, ТКЖД-ның 38-бағанында есептеу жолымен алынған есептен шығарылған балластың таза салмағы жазылады.
      Есептеу кезінде өткізілетін тауарлардың сапалық сипатын растайтын құжаттарда көрсетілген мәліметтерді басшылыққа алу қажет.
      24. УКЖД берiлген кезде нақты сатып алушы айқындалмаған жағдайда, кеден органының рұқсатымен бiр сыртқы сауда шарты (келiсiм-шарты) шеңберiнде тауарлар беруге бiр УКЖД берiлiп, кейiннен нақты сатып алушылардың саны бойынша бiрнеше ТКЖД мен сатып алу-сату шарты (келiсiм-шарты) берiледi. Кеден органы мәмiле төлқұжатын әрбiр шартқа жеке ресiмдейдi. Бұл ретте аталған тәртіп межелi елді және өткізу пункттерін анықтау мүмкін болмаған жағдайларда да таратылады.
      Бiрнеше ТКЖД бойынша ресiмделген тауар көлемi УКЖД-да мәлімделген көлемiнен аспауы қажет.
      25. Сыртқы сауданың кедендік статистикасында және валюталық бақылауды жүзеге асыруда тек толық кедендік жүк декларация ескеріледі.
      26. ТКЖД-ны жабу кезінде ұсынылған тауарлардың көлемдері туралы мәліметтердің дұрыстығын қамтамасыз ету үшін Қазақстан Республикасының кеден органдары:
      1) тауарлардың күнделікті есебін жүргізеді;
      2) тасымалдаушының барлық құрылымдық бөлімшелерінен тауарларды кедендік бақылау орындарында тіркелген іс жүзіндегі көлемдері туралы жедел мәліметтер алады;
      3) ай сайын өлшеу жүйесі құралдарының көрсеткіштерін алады және өткізілген тауарлардың мөлшері туралы актілер жасайды, сондай-ақ тауарлардың көлемдерін айқындау үшін қажетті басқа да өлшеу құралдарынан көрсеткіштер алады;
      4) тауарларды қабылдап алу-беру актілеріндегі барлық мәліметтер мен деректемелерді және беруші және алушы жақтардың қолдарының дұрыстығын тексергеннен кейін қол қою арқылы және жеке нөмірлік мөрмен куәландырады;
      5) қажет болған жағдайда, тауарлардың сынамалары мен үлгілерін іріктеуді жүргізеді және Кеден кодексінде белгіленген тәртіпке сәйкес оларға зерттеу жүргізеді.
      27. ТКЖД құбыр көлiгiмен және электр беру желiлерiмен өткiзiлетiн сатып алушыға iс жүзiнде берiлген тауарлар табиғи тозу немесе жоғалудың салдарынан саны мен жай-күйiнiң өзгерiстерiмен, не тасымалдаудың, тасу мен сақтаудың қалыпты жағдайы кезiнде табиғи қасиеттерiмен, көлiк құралдарында төгiлмейтiн қалдықтардың болуы салдарынан тауарлар санының өзгерiстерiмен бiрге, сондай-ақ тасымалдаудың технологиялық ерекшелiктерi мен тауарлардың ерекше қасиеттерi салдарынан болатын тауарлар жай-күйiнiң өзгерiстерiмен бiрге кедендiк ресiмдеуге жатады.
      28. ТКЖД ресiмдеу тауарларды кедендiк бақылау орындарында тасымалдаушы тiркеген мөлшерге көлемге сәйкес (1, 2, 3-қосымшалар) жүзеге асырылады. Бұл ретте, тасымалдаушы, экспорттаушы (импорттаушы) ұсынатын жедел, коммерциялық және көлік құжаттары, сондай-ақ Қазақстан Республикасы кеден органының талабы бойынша басқа да мәлiметтер пайдаланылады.
      29. Кеден органдары тауарлардың Қазақстан Республикасының кедендiк шекарасы арқылы құбыр көлiгiмен және электр беру желiлерiмен iс жүзiнде өткiзiлуiне бақылау жасауды Кодекстiң 55, 439-баптарына сәйкес 1, 2, 3-қосымшаларда анықталған өткiзу пункттерiнде және тауарларды кедендiк бақылау орындарда жүзеге асырады. Қараңыз.K100296

  3. Кеден төлемдері мен салықтарын төлеу, тарифтік
емес реттеу шараларын сақтау және басқа да шектеулер

      30. Уақытша декларациялау рәсімімен декларацияланатын тауарларға қатысты тарифтік емес реттеу шараларын сақтау мен шектеулер, валютаны айырбастаудың нарықтық бағамы бойынша шетел валютасын Қазақстан Республикасының валютасы бағамында есептеуді қоса алғанда, УКЖД кеден органында тіркелген күні қолданыста болған Қазақстан Республикасының заңнамасына сәйкес жүргізіледі.
      Кедендік төлемдер мен салықтар УКЖД тіркелгенге дейін немесе сол күні Қазақстан Республикасының ұлттық валютасында төленеді.
      Салықтарды төлеудің мерзімін ұзарту Қазақстан Республикасының салық заңнамасына сәйкес беріледі.
      31. Егер, жеткізілімнің қорытындысы бойынша есептелген және кедендік төлемдер мен салықтарды төлеуге жататын сома УКЖД мәлімделгенмен салыстырғанда асатын болса, оларға қосымша ақы жүргізіледі. Кедендік төлемдер мен салықтарға қосымша ақыны төлеуші Қазақстан Республикасының кеден органында ТКЖД тіркелгенге дейін немесе бір мезгілде жүргізеді. ТКЖД бойынша төлеуге жататын кеден төлемдері мен салықтарының сомасы азайған кезде, артық төленген сома Қазақстан Республикасының кеден және салық заңнамаларына сәйкес қайтаруға немесе төлеушінің өтініші бойынша кейінгі тауарлар партиясы үшін төлеу шотына есептеуге жатады.
      32. УКЖД жойылған кезде, Кодекстiң 531-бабының 2-тармағында көзделген жағдайларды қоспағанда, кедендік ресімдеу үшін алынған кеден алымдарын қайтару жүргізілмейді. Қараңыз.K100296
      33. Валюталық түсімнің түсу мерзімі "Д" бағанында кеден органының лауазымды адамы көрсеткен қосымшамен тауардың соңғы белгіленген бағасының негізінде ТКЖД құжатының күнімен (табиғи газ және электр энергиясын кедендік ресімдеген кезде - тауарды жеткізу жүзеге асырылған айдың соңғы күнімен) есептелінеді.

                                      Уақытша кедендік декларацияны
                                         ұсына отырып, тауарларды
                                         декларациялау ережесіне
                                                1-қосымша

        Қазақстан Республикасының кеден шекарасы арқылы
       өткізілетін электр энергияларын кедендік бақылау
                            ОРЫНДАРЫ

                                         Уақытша кедендік декларацияны
                                         ұсына отырып, тауарларды
                                         декларациялау ережесіне
                                                2-қосымша

  Қазақстан Республикасының кедендік шекарасы арқылы құбыр
  желісімен өткізілетін мұнайды кедендік бақылау орындары

       Қазақстан Республикасының кедендік шекарасы арқылы
    құбыр желісімен өткізілетін газ конденсатын кедендік
                        бақылау орындары

      Қазақстан Республикасының кеден шекарасы арқылы құбыр
    көлігімен өткізілетін, мұнайдың саны мен сапасы туралы
қосымша көмекші мәліметтер ретінде Қазақстан Республикасының
   кеден органдары қабылдайтын көліктік құжаттар ресімделетін
   Қазақстан Республикасының кеден аумағынан тысқары жерлерде
               орналасқан мұнайды өткізу пункттері

         Қазақстан Республикасының кеден шекарасы арқылы
    құбыр көлігімен өткізілетін мұнай өнімдерін қабылдап
                  алу және кедендік бақылау
                            ОРНЫ

                                       Уақытша кедендік декларацияны
                                         ұсына отырып, тауарларды
                                         декларациялау ережесіне
                                                3-қосымша

       Қазақстан Республикасының кеден шекарасы арқылы
      құбыр көлігімен өткізілетін табиғи газды кедендік
                        бақылау орындары