Қазақстан Республикасы Yкiметiнiң 2004 жылғы 29 желтоқсандағы N 1422 қаулысына өзгерiс енгiзу туралы

Қазақстан Республикасы Үкіметінің 2005 жылғы 19 сәуірдегі N 366 Қаулысы

       Күші жойылды - Қазақстан Республикасы Үкіметінің 2008.02.20.  N 171  Қаулысымен.

      Ел экономикасының мұқтажы үшін авиациялық отынның қажетті қорын жасау мақсатында және Қазақстан Республикасының 2003 жылғы 5 сәуірдегі Кеден кодексінің  8-бабының  2-тармағына сәйкес Қазақстан Республикасының Үкіметі  ҚАУЛЫ ЕТЕДІ:

      1. 2005 жылғы 20 сәуірден бастап 20 шілде кезеңінде Қазақстан Республикасының аумағынан авиациялық отынды:
      реактивті отынды (коды ЕурАзЭҚ СЭҚ ТН 2710 19 210 0);
      басқаларын (коды ЕурАзЭҚ СЭҚ ТН 2710 19 250 0) әкетуге тыйым салынсын.

      2. Қазақстан Республикасы Қаржы министрлігінің Кедендік бақылау комитеті осы қаулының 1-тармағын орындау жөнінде қажетті шаралар қабылдасын.

      3. Қазақстан Республикасы Сыртқы істер министрлігі белгіленген тәртіппен Еуразиялық экономикалық қоғамдастықтың Интеграциялық комитетін Қазақстан Республикасы осы қаулының 1-тармағына сәйкес Қазақстан Республикасының аумағынан авиациялық отынды әкетуге тыйым салуды енгізгендігі туралы хабардар етсін.

      4. Осы қаулы қол қойылған күнінен бастап қолданысқа енгізіледі және жариялануға тиіс.

     Қазақстан Республикасының
     Премьер-Министрі