1. "Жарғылық капиталда қатысудың басым мемлекеттік үлесi бар акционерлiк қоғам басқармасының төрағасымен жасалатын Үлгілiк келiсiмшартты бекiту туралы" Қазақстан Республикасы Үкiметiнiң 1999 жылғы 1 шілдедегi N 909
қаулысына
(Қазақстан Республикасының ПҮКЖ-ы, 1999 ж., N 32-33, 290-құжат) мынадай өзгерiстер мен толықтырулар енгiзiлсiн:
тақырыбында және мәтiнiнде:
"келiсiмшартты", "келiсiмшарт", "келiсiмшарттар" деген сөздер тиiсiнше "жеке еңбек шартын", "жеке еңбек шарты", "жеке еңбек шарттар" деген сөздермен ауыстырылсын;
"басқармасының төрағасымен", "басқармалар төрағаларымен" деген сөздер тиiсiнше "атқарушы органы басшысымен", "атқарушы органдар басшыларымен" деген сөздермен ауыстырылсын;
2-тармақта "Қазақстан Республикасының министрлiктерi, агенттiктерi мен орталық атқарушы органдарының ведомстволары" деген сөздер "Қазақстан Республикасының мемлекеттiк органдары және Ұлттық Банкi (келiсiм бойынша)" деген сөздермен ауыстырылсын;
көрсетiлген қаулымен бекiтiлген Жарғылық капиталда қатысудың басым мемлекеттiк үлесi бар акционерлiк қоғам басқармасының төрағасымен жасалатын Үлгілiк Келiсiмшартта:
тақырыбында:
"Келiсiмшарт" деген сөз "жеке еңбек шарты" деген сөздермен ауыстырылсын;
"басқармасының төрағасымен" деген сөздер "атқарушы орган басшысымен" деген сөздермен ауыстырылсын;
мәтiнiнде:
"келiсiм шартты", "келiсiмшарттың", "келiсiмшарт", "келiсiмшартпен" деген сөздер тиiсiнше "жеке еңбек шартты", "жеке еңбек шарттың", "жеке еңбек шарты", "жеке еңбек шартпен" деген сөздермен ауыстырылсын;
2, 3, 4, 5, 6, 7, 8, 9, 10, 12, 14, 18-тармақтарда "төрағасы", "Төраға", "Төрағаның" "Tөрағаға" "Төрағада" деген сөздер тиiсiнше "басшысы", "Басшы", "Басшының", "Басшыға" "Басшыда" деген сөздермен ауыстырылсын;
2 және 3-тармақтарда "басқармасының", "басқарманың", "басқарма", "басқармасы" деген сөздер тиiсiнше "атқарушы органының", "атқарушы органның", "атқарушы орган", "атқарушы органы" деген сөздермен ауыстырылсын;
3-тармақта:
1) тармақша мынадай редакцияда жазылсын:
"1) атқарушы органның тиiмдi жұмыс iстеуiн, Қоғамның қызметiн және акционерлердiң жалпы жиналысы мен директорлар кеңесi шешiмдерiнiң орындалуын ұйымдастырады;";
12) тармақша мынадай редакцияда жазылсын:
"12) Қоғам қызметкерлерiн (атқарушы орган мүшелерi болып табылатын қызметкерлердi қоспағанда) қабылдауды, ауыстыруды және босатуды жүзеге асырады, оларға көтермелеу шараларын қолданады және тәртiптiк жаза қолданады, Қоғамның штат кестесiне сәйкес қоғам қызметкерлерiнiң лауазымдық жалақысының мөлшерiн және жалақыларға дербес үстемелердi белгілейдi, атқарушы орган және қоғамның iшкi аудитi қызметiнiң құрамына кiретiн қызметкерлердi қоспағанда, қоғам қызметкерлерiнiң сыйақы мөлшерiн анықтайды;";
13) және 14) тармақшалар алынып тасталсын;
15) тармақша мынадай редакцияда жазылсын:
"15) қоғамның қаржы-шаруашылық қызметiнiң орта мерзiмдi жоспарының (ұлттық компанияның даму жоспарының) әзiрленуiн ұйымдастырады;";
мынадай мазмұндағы 16-1) тармақшамен толықтырылсын:
"16-1) акциялардың мемлекеттiк пакетiне дивидендтер мөлшерiнiң болжамды көрсеткiштерiн көрсетілген акцияларды иелену және пайдалану құқығын жүзеге асыратын мемлекеттiк органға жоспарлының алдындағы жылдың бiрiншi сәуiрiне дейiн берудi қамтамасыз етедi;";
"Тараптардың мекен-жайы және қолдары" деген кiшi бөлiм мынадай редакцияда жазылсын:
"Тараптардың орналасқан жерi және қолдары:
Қоғам:
Директорлар кеңесiнiң төрағасы Басшы
______________________________ _________________
______________________________ _________________
(қолы) М.О. ".
