Қазақстан Республикасы Үкіметінің 2003 жылғы 14 қазандағы "Қазақстан Республикасы Үкіметінің 2000 жылғы 17 мамырдағы № 738 қаулысына өзгерістер мен толықтырулар енгізу туралы" № 1050 қаулысына сәйкес және мемлекеттік атаулы әлеуметтік көмек алуға құқығы бар жанұялар балаларына, көпбалалы және аз қамтамасыздандырылған отбасылардан шыққан балаларға, қамқорлықтағы (қорғаншылықтағы) және патронаттағы балаларға арналған облыстық мектеп-интернаттары тәрбиеленушілері отбасыларының материалдық жағдайын ескере отырып, облыс әкімияты ҚАУЛЫ ЕТЕДІ:
1. Көпбалалы және аз қамтамасыздандырылған отбасыларынан шыққан тәрбиеленушілер интернаттық мекемелерде тәрбиеленгені үшін төлейтін ата-ана төлемақысынан босатылсын.
2. Облыс Әкімінің қаржы басқармасы (Б.Аманбеков) мектеп-интернаттардағы балаларды ұстауға арналған шығыстарды жергілікті бюджеттің білім бағдарламасы жөніндегі қаржылары есебіне жатқызсын.
3. Осы қаулының орындалуын бақылау облыс Әкімінің орынбасары К.М.Демешке жүктелсін.
| Облыс Әкімі | С. Үмбетов |
