"Қазақстан Pecпубликасының Ауыл шаруашылығы министрлігі Су ресурстары жөніндегi комитетінің Оңтүстік Қазақстан гидрогеологиялық-мелиоративтiк экспедициясы" және "Қазақстан Республикасының Ауыл шаруашылығы министрлігі Су ресурстары жөнiндегі комитетiнің Қы

Қазақстан Республикасы Үкіметінің қаулысы 2003 жылғы 24 ақпан N 189

      Ел экономикасының мұқтажы үшiн дизельдiк отынның қажеттi қорын жасау мақсатында және "Қазақстан Республикасындағы кеден iсi туралы" Қазақстан Республикасының 1995 жылғы 20 шiлдедегі Заңының 20-бабына сәйкес Қазақстан Республикасының Yкiметi қаулы етеді:

      1. Тұрмыстық пешке жағатын отыннан басқа, дизельдiк отынды (ТМД СЭҚ TH коды 2710 00 610-2710 00 690) Қазақстан Республикасының аумағынан әкетуге 2003 жылғы 15 наурыз - 1 маусым кезеңінде тыйым салынсын.

      2. Қазақстан Республикасының Кедендiк бақылау агенттiгi осы қаулының 1-тармағын орындау жөнінде қажеттi шаралар қабылдасын.

      3. Қазақстан Республикасының Сыртқы iстер министрлiгi белгiленген тәртіппен Еуразиялық экономикалық қауымдастықтың Интеграциялық комитетiн осы қаулының 1-тармағына сәйкес дизельдiк отынның Қазақстан Республикасының аумағынан әкетiлуiне Қазақстан Республикасының тыйым салуды енгiзетiндігі туралы хабардар етсін.

      4. Осы қаулының орындалуын бақылау Қазақстан Республикасы Премьер-Министрiнің орынбасары К.Қ.Мәсiмовке жүктелсiн.

      5. Осы қаулы қол қойылған күнiнен бастап күшiне енедi және жариялануға тиiс.

      Қазақстан Республикасының
      Премьер-Министрі