Ескерту. Күші жойылды - ҚР Жоғарғы Сотының 27.11.2015 № 7 (ресми жарияланған күнінен бастап қолданысқа енгізіледі) нормативтік қаулысымен.

      "Жаппай саяси қуғын-сүргіндер құрбандарын ақтау туралы" 1993 жылғы 14 сәуірдегі Қазақстан Республикасы Заңының қолданылу мәселелерін түсіндіру қажеттігі туралы Қазақстан Республикасы Конституциялық Кеңесінің 2003 жылғы 24 қаңтардағы N 9 қаулысына сәйкес Қазақстан Республикасы Жоғарғы Сотының жалпы отырысы қаулы етеді:

      1. Қазақстан Республикасы Жоғарғы Сотының "Соттардың моральдық зиянды өтеу туралы заңнаманы қолдануы туралы" 2001 жылғы 21 маусымдағы N 3 нормативтік қаулысының 8-тармағына мынадай өзгеріс пен толықтыру енгізілсін:
      1) бірінші абзацта "Қазақстан Республикасының азаматтарының жекелеген санаттарына жеңілдіктер беру мәселелері бойынша кейбір заң актілеріне өзгерістер мен толықтырулар енгізу туралы" (2001 жылдың 19 қаңтардағы Заңымен енгізілген өзгерістерімен бірге) 1999 жылғы 7 сәуірдегі Қазақстан Республикасының Заңына сәйкес Заңның 22-бабының қолданылуы 2003 жылдың 1 қаңтарына дейін тоқтатылды" деген сөздер алынып тасталсын;
      2) мынадай мазмұндағы үшінші абзацпен толықтырылсын: "Соттар "Жаппай саяси қуғын-сүргіндер құрбандарын ақтау туралы" Заңның 26-бабындағы осы Заңның 18-24-баптарының күшінің Заң күшіне енгенге дейін ақталған жаппай саяси қуғын-сүргіндер құрбандарына қолданылатыны туралы нұсқауын Заң қабылданғаннан кейін ақталған адамдардың құқықтарын шектеместен 18-24-баптардың қолданылуына кері күш береді деп түсіну қажет.".

      2. Қазақстан Республикасы Конституциясының 4-бабына сәйкес, осы нормативтік қаулы қолданыстағы құқық құрамына енгізіледі және жалпыға бірдей міндетті болып табылады әрі ол ресми жарияланған күннен бастап күшіне енеді.

      Қазақстан Республикасы
      Жоғарғы Сотының Төрағасы

      Қазақстан Республикасы
      Жоғарғы Сотының судьясы,
      жалпы отырыс хатшысы