1. Оңтүстiк Қазақстан және Қызылорда облыстары шекара маңындағы аудандарының тұрғындары арасында қазақстан-өзбек мемлекеттік шекарасын делимитациялау туралы түсiндiру жұмысын жүргiзу және туындаған мәселелердi шешу жөнiнде ұсыныстар енгiзу мақсатында мынадай құрамда жұмыс тобы құрылсын:

Жағанова                       - Қазақстан Республикасының
Алтыншаш Қайыржынқызы            Көшi-қон және демография
                                 жөнiндегi агенттiгiнiң төрайымы,
                                 жетекшi

жұмыс тобының мүшелерi:

Атанов                         - Қазақстан Республикасы Сыртқы
Мұрат Марданұлы                  iстер министрлiгінiң Ерекше
                                 тапсырмалар бойынша Елшiсi

Қаратаев                       - Қазақстан Республикасы Сыртқы
Сұлтанбек Өмiрбекұлы             iстер министрлiгiнiң
                                 Халықаралық-құқықтық департаментi
                                 мемлекеттiк шекара бөлiмiнiң
                                 екiншi хатшысы

Ерiмбетов                      - Қызылорда облысы әкiмiнiң
Нұрлан Кенжебекұлы               орынбасары

Жылқышиев                      - Оңтүстiк Қазақстан облысының
Болат Әбжаппарұлы                әкiмi

Отто                           - Қазақстан Республикасының
Иван Иванович                    Iшкі iстер вице-министрi

      2. Жұмыс тобы 2002 жылғы 15 қарашаға дейiнгi мерзiмде Оңтүстiк Қазақстан және Қызылорда облыстары шекара маңындағы аудандарының тұрғындары арасында қазақстан-өзбек мемлекеттiк шекарасын делимитациялау туралы түсiндiру жұмысын жүргiзсiн және Қазақстан Республикасының Үкiметiне тиiстi ұсыныстарын енгiзсiн.

      3. Осы өкiмнiң орындалуын бақылау Қазақстан Республикасы Премьер-Министрiнiң орынбасары Б.Ә. Мұхаметжановқа жүктелсiн.

      Премьер-Министр